ಕಾರ್ಲದ ಸುದ್ದಿ Karkala News

ಶ್ರೀ ಗುರು ಸುಧೀಂದ್ರ ಪದವಿ ಮಹಾವಿದ್ಯಾಲಯಡ್ ಭಟ್ಕಳ ರೋರ‍್ಯಾಕ್ಟ್ ಕ್ಲಬ್ ವತಿರ್ದ್ ಇವೆಂಟ್ ಮ್ಯಾನೇಜ್‌ಮೆಂಟ್ ಕಾರ್ಯಗಾರ

ಭಟ್ಕಳ: ‘ಜಾಗತೀಕರಣ, ಉದಾರೀಕರಣ ಬೊಕ್ಕ ಖಾಸಗೀಕರಣದ ಈ ಯುಗಟ್ ಇವೆಂಟ್ ಮ್ಯಾನೇಜ್‌ಮೆಂಟ್ ಒಂಜಿ ಬುಲೆಚ್ಚಿಲ್ ಡ್ ಉಪ್ಪುನ ಉದ್ಯಮ ಆತುಂಡು , ಇಂದು ಭಾರತ ಬೊಕ್ಕ ವಿಶ್ವಡ್ ಲಕ್ಷಾಂತರ ಉದ್ಯೋಗಾವಕಾಶನ್ ಸೃಷ್ಟಿಸಾವೊಂದು ‘. ಪಂದ್ ಶಿಕ್ಷಕ ಬೊಕ್ಕ ಇವೆಂಟ್ ಮ್ಯಾನೇಜ್‌ಮೆಂಟ್‌ದ ತರಬೇತುದಾರರಾಯಿನ ಶ್ರೀಧರ ಶೇಟ್ ಪಂಡೆರ್.

ಪೇಂಟೆದ ಶ್ರೀ ಗುರು ಸುಧೀಂದ್ರ ಪದವಿ ಮಹಾವಿದ್ಯಾಲಯಡ್,ಭಟ್ಕಳ ರೋರ‍್ಯಾಕ್ಟ್ ಕ್ಲಬ್ ಅಟ್ಟನೆ ಮಲ್ತಿನ ಇವೆಂಟ್ ಮ್ಯಾನೇಜ್‌ಮೆಂಟ್ ಕಾರ್ಯಗಾರನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.

Bhatkala: ‘Event Management is a booming industry in this era of globalization, liberalization and privatization, and today it is creating millions of jobs in India and the world’. Sridhara Shet, a teacher and trainer of event management, said.

Inaugurating the event management function organized by Bhatkal’s Roracat Club at the Sri Guru Sudheendra Degree College in the city, he said, “If the student develops the skills of planning, communication, agile thinking and relevant management, the functionality of event management can be easily accommodated in the future.” Gave guidance.

ಕಾರ್ಕಳ ಅಗ್ನಿಶಾಮಕ ಠಾಣೆದ ಸಿಬ್ಬಂದಿ ಸುರೇಶ್ ಕುಮಾರ್ ಮೆರೆಗ್ ಮುಖ್ಯಮಂತ್ರಿ ಪದಕ

ಕಾರ್ಕಳ, ಫೆ.13: ಕಾರ್ಕಳ ಅಗ್ನಿಶಾಮಕ ಠಾಣೆದ ಸಿಬ್ಬಂದಿ ಸುರೇಶ್ ಕುಮಾರ್ ಮೇರ್ ಮುಖ್ಯಮಂತ್ರಿ ಪದಕಗ್ ಆಯ್ಕೆಯಾತೆರ್.

ಅಗ್ನಿಶಮನ, ರಕ್ಷಣಾ ಕಾರ್ಯ ಬೊಕ್ಕ ವಿಪತ್ತು ಪೊರ್ತುಡು ಅಸಾಧಾರಣ ಸೇವೆ ಮಲ್ದಿನ ಸುರೇಶ್‌ ಕುಮಾರ್‌ ರೆನ ಸೇವೆನ್ ತೂದು ಇಲಾಖೆ ಪ್ರಶಸ್ತಿಗ್ ಆಯ್ಕೆ ಮಲ್ದೆರ್ .

ಕಾರ್ಕಳಡ್ ಕಾರ್ಣಿಕ ತೋಜಾಯಿನ ಮಾಯಂದಾಲಪ್ಪೆ…ಮಾಯ ಆತಿನ ಪೆತ್ತ ಕಂಜಿ ಪತ್ತೆ

ಕೋಡೆ ದ ದಿನ ಕಾರ್ಕಳ ತಾಲೂಕುದ ಹಿರ್ಗಾನ ಗ್ರಾಮದ ಚಿಕ್ಕಲ್ ಬೆಟ್ಟು ವ್ಯಾಪ್ತಿದ ಪಡುಮನೆ ಶಾಂತ ಪೂಜಾರ್ತಿ ಸಾಂಕ್ ದಿನ ಪೆತ್ತ ಮೇಯರೆ ಪೋತಿನ ಪೊರ್ತುಡು ಕಾಡ್ ಡ್ ಕಂಜಿ ಪಾರ್ದ್ ಇತ್ತುಂಡು. ದಿನ ಇಡೀ ನಾಡುಂಡಲ ತಿಕ್ಕನ್ದಿನಪಗ ನಿರಾಸೆಡ್ ಕೈತಲ್ ದ ಹಾಡಿ ಶ್ರೀ ಬ್ರಹ್ಮ ಬೈದರ್ಕಳ ಮಯಾಂದಲೆ ಗರಡಿಗ್ ಪರಕೆ ಪಂಡೆರ್ ಬೈಯ್ಯ ಆನಗ ಇಲ್ಲದಕ್ಲೆಗ್ ಪೆತ್ತ ಬರಂದಿನ ಬೇಜಾರ್ ಡ್ ಇಲ್ಲದ ಬೇಲೆ ಮಲ್ತ್ ದ್ ಆನಗನೇ ರಾತ್ರಿ (9:30) ಒರಂಬರೆತ ಪೊರ್ತುಡು ನಾಯಿ ಕೊರಪರೇ ಸುರು ಮಲ್ತುಂಡು.ದಾದಂದ್ ತೂಯರೇ ಪೋನಗ ಪೆತ್ತ ಬತ್ದ್ ಕಿದೆಟ್ಟ್ ತುಲ್ಲರೊಂದು ಇತ್ತುಂಡು.ಪೆತ್ತ ಇತ್ತುಂಡ್ ಆಂಡ ಕಂಜಿ ಇಜ್ಜಂದಿನೆನ್ ತೂದು ನನಾತ್ ನಿರಾಸೆ ಆಂಡ್ ಅಂಚನೇ ಪೋಡಿಗೆ ಲಾ ಆಂಡ್.ಬಡವು ಬಾಜೆಲ್ ಡ್ ಇತ್ತಿನ ಪೆತ್ತಗ್ ಆರೈಕೆ ಮಲ್ತೊಂದು ಉಪ್ಪುನ ಪೊರ್ತುಡು ಅವು ನಮಡ ದಾದಾನ ಪನರೆ ಪ್ರಯತ್ನ ಮಲ್ಪುನ ಭಾಸ. ಒಂತೆ ಪೊರ್ತುಡೆ ಪೆತ್ತದ ಚಡಪಡಿಕೆ ತೂಯರೇ ಆವಂದೆ ಪೆತ್ತದ ಪಿರವೇ ಪೋನಗ ಪೆತ್ತ ದುಂಬುರ್ದು ಪೋಂಡು. ಇಲ್ಲದಕುಲು ಪೆತ್ತದ ಪಿರವೇ ಪೋನಗ ಪೆತ್ತ ಕಂಜಿ ಪಾಡಿನ ಜಾಗೆ ಆಯಿನ ಕಾಡ್ ದ ನಡುಕು ಇಲ್ಲದಕ್ಲೆನ್ ಲೆತೊಂದು ಪೋಂಡು.

ಉಂದೆನ್ ಮಾತಾ ವೀಡಿಯೋ ಮಲ್ದಿನ ಮಜಾಲು ಇಲ್ಲದ ಸುದೀಪ್ ಮೆರೆಗ್ ಶ್ರೀನಿವಾಸ ಕಲ್ಯಾಣದ ಪೆತ್ತ ಮನಪಟಲಡ್ ಪಾರ್ದ್ ಪೋಯಿನ ಸುಳ್ಳತ್ತ್ ಪಂದ್ ಪನ್ಪರ್.

ಹೊಕ್ಕಾಡಿಗೋಳಿ ‘ವೀರ-ವಿಕ್ರಮ’ ಜೋಡುಕರೆ ಕಂಬಳಗ್ ಚಾಲನೆ

ಬಂಟ್ವಾಳ: ದಕ್ಷಿಣ ಕನ್ನಡ ಜಿಲ್ಲೆಡ್ ಹಲವು ವರ್ಷರ್ದಿಂಚಿ ಇತಿಹಾಸ ಉಪ್ಪುನ ಹೊಕ್ಕಾಡಿಗೋಳಿ ‘ ವೀರ-ವಿಕ್ರಮ’ ಜೋಡುಕರೆ ಕಂಬಳಗ್ ಧಾರ್ಮಿಕವಾದ್ ವಿಶೇಷ ನಂಟು ಬೊಕ್ಕ ದೈವ ದೇವರ ಕೃಪೆಯೂ ಉಂಡು ಪಂದ್ ಪೂಂಜ ಕ್ಷೇತ್ರದ ಅಸ್ರಣ್ಣ ಕೃಷ್ಣಪ್ರಸಾದ್ ಆಚಾರ್ಯ ಪಂಡೆರ್ .

ಸಿದ್ದಕಟ್ಟೆ ಕೈತಲ್ ದ ಹೊಕ್ಕಾಡಿಗೋಳಿ ಇತಿಹಾಸ ಪ್ರಸಿದ್ದ ‘ವೀರ -ವಿಕ್ರಮ’ ಜೋಡುಕರೆ ಬಯಲು ಕಂಬಳಗ್ ಶನಿವಾರ ಕಾಂಡೆ ಚಾಲನೆ ಕೊರ್ದು ಆರ್ ಪಾತೆರಿಯೆರ್.

ಕಂಬಳ ಸಮಿತಿ ಗುರ್ಕಾರ್ಲಾಯಿನ ನೋಣಾಲ್ ಗುತ್ತು ರಶ್ಮಿತ್ ಶೆಟ್ಟಿ ಕೈತ್ರೋಡಿ ಕಾರ್ಯಕ್ರಮದ ಗುರ್ಕಾರ್ಮೆ ವಯಿಸೊಂಡೆರ್ .

ಎಪಿಎಂಸಿ ಮಾಜಿ ನಿರ್ದೇಶಕ ರತ್ನಕುಮಾರ್ ಚೌಟ, ಹೊಸಂಗಡಿ ತಾ.ಪಂ.ಸದಸ್ಯ ಓಬಯ, ಆರಂಬೋಡಿ ಗ್ರಾ.ಪಂ.ಗುರ್ಕಾರ್ಲಾಯಿನ
ಪ್ರಭಾಕರ ಹುಲಿಮೇರು, ಜಿಲ್ಲಾ ಕಂಬಳ ಸಮಿತಿ ಪ್ರಧಾನ ಕಾರ್ಯದರ್ಶಿ ಎಡ್ತೂರು ರಾಜೀವ ಶೆಟ್ಟಿ, ಕಂಬಳ ಸಮಿತಿ ಗೌರವಾಧ್ಯಕ್ಷ ಸಂಜೀವ ಶೆಟ್ಟಿ ಗುಂಡ್ಯಾರು, ಗೌರವ ಸಲಹೆಗಾರರಾಯಿನ ವಕೀಲ ಸುರೇಶ ಶೆಟ್ಟಿ, ಬಾಬು ರಾಜೇಂದ್ರ ಶೆಟ್ಟಿ ಅಜ್ಜಾಡಿ, ಕಿರಣ್ ಕುಮಾರ್ ಮಂಜಿಲ, ಪ್ರಧಾನ ಕಾರ್ಯದರ್ಶಿ ಸಂದೇಶ ಶೆಟ್ಟಿ ಪೊಡುಂಬ, ಕಾರ್ಯದರ್ಶಿ ಪುಷ್ಪರಾಜ ಜೈನ್, ಕೋಶಾಧಿಕಾರಿ ಎಚ್.ಹರೀಶ ಹಿಂಗಾಣಿ, ಸಂಘಟನಾ ಕಾರ್ಯದರ್ಶಿ ಹರಿಪ್ರಸಾದ್ ಶೆಟ್ಟಿ ಕುರುಡಾಡಿ ಪಾಲ್ ಪಡೆದಿತ್ತೆರ್ .

ಸಂಚಾಲಕರಾಯಿನ ರಾಜೇಶ ಶೆಟ್ಟಿ ಕೊನೆರೊಟ್ಟು, ರಾಘವೇಂದ್ರ ಭಟ್ ಹೊಕ್ಕಾಡಿಗೋಳಿ, ಜನಾರ್ಧನ ಬಂಗೇರ ತಿಮರಡ್ಕ, ನಿತ್ಯಾನಂದ ಪೂಜಾರಿ ಕೆಂತಲೆ, ಸ್ಥಳದಾನಿಲಾಯಿನ ಸುಧೀರ್ ಶೆಟ್ಟಿ , ಸುಧಾಕರ ಚೌಟ ಬಾವ, ಗುಮ್ಮಣ್ಣ ಶೆಟ್ಟಿ, ಪ್ರವೀಣ ಕುಲಾಲ್, ಹರೀಶ ಶೆಟ್ಟಿ, ಸುಂದರ ಪೂಜಾರಿ ಪಾಲ್ ಪಡೆದಿತ್ತೆರ್.

ಬಾರೀ ಗೌಜಿಡ್ ನಡತಿನ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ಮಹಾರಥೋತ್ಸವ

ಮಹಾತೋಬಾರ ಕೊಡವೂರು ಶ್ರೀ ಶಂಕರನಾರಾಯಣ ದೇವಳಡ್ ವಾರ್ಷಿಕ ಮಹಾ ರಥೋತ್ಸವ ವೇದಮೂರ್ತಿ ಪುತ್ತೂರು ಹಯವದನ ತಂತ್ರಿಲೆನ ಮುತಾಲಿಕೇಡ್ ಶನಿವಾರ ಬೆಳಿಗ್ಗೆ ಪಲ್ಲಪೂಜೆ, ಬಲಿ ಕಾಂಡೆ ಧಾರ್ಮಿಕ ಪ್ರಕ್ರಿಯೆಲು ನಡತುಂಡು ಐರ್ದ್ ಬೊಕ್ಕ ರಥ ಶುದ್ದಿ, ಪಿಲಾರು ಶ್ರೀಧರ ಉಡುಪ ರವರ ನರ್ತನ ಸೇವೆದೊಟ್ಟುಗು ರಥರೋಹಣದ ಬೊಕ್ಕ ಮಹಾ ಅನ್ನ ಪ್ರಸಾದ ವಿನಿಯೋಗ ನಡತುಂಡು .

ದೇವಳದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲಾಯಿನ ಪ್ರಕಾಶ್ ಜಿ ಕೊಡವೂರು, ಸದಸ್ಯರಾಯಿನ ಜನಾರ್ದನ್ ಕೊಡವೂರು, ಅಡಿಗ ಕೃಷ್ಣಮೂರ್ತಿ ಭಟ್, ರಾಜ ಎ ಶೇರಿಗಾರ್, ಭಾಸ್ಕರ ಬಾಚನಬೈಲು, ಸುಧಾ ಎನ್ ಶೆಟ್ಟಿ, ಬಾಬ ,ಸಾಧು ಸಾಲಿಯಾನ್, ರವಿರಾಜ್ ಹೆಗ್ಡೆ ,ಹೇಮಾವತಿ ಎಸ್ ,ಆನಂದ ಪಿ ಸುವರ್ಣ ಲಕ್ಷ್ಮೀ‌ನಾರಾಯಣ ಭಟ್ ,ಶ್ಯಾಮ ಸುಂದರ ಭಟ್,ಉಮೇಶ್ ರಾವ್,ಸಂಧ್ಯಾ ಪ್ರಕಾಶ್,ಪೂರ್ಣಿಮಾ‌ ಜನಾರ್ದನ್, ವಿಜಯಶ್ರೀ,ಹರಿಣಿ ಕೃಷ್ಣಮೂರ್ತಿ, ಸತೀಶ್ ಕೊಡವೂರ್, ಬಾಲಕೃಷ್ಣ, ಕಾಂತಪ್ಪ ಕರ್ಕೇರ, ಶಿವಪ್ಪ ಟಿ ಕಾಂಚನ್, ಹಿರಿಯಣ್ಣ, ಹರೀಶ್ ಕೋಟ್ಯಾನ್, ರಂಜಿತ್ ಕೊಡವೂರು ಅರುಣ್ ಕುಮಾರ್, ಪ್ರವೀಣ್ ಕೊಡವೂರ್ ಪಾಲ್ ಪಡೆದಿತ್ತೆರ್.