Sun. Nov 22nd, 2026

ಕಾರ್ಲದ ಸುದ್ದಿ Karkala News

ಕುಡ್ಲಡ್ ಎಪ್ರಿಲ್ 1ರ್ದ್ 45 ವರ್ಷದಕ್ಲೆಗ್ ಕೋವಿಡ್ ಲಸಿಕೆ ಕಡ್ಡಾಯ :ಡಾ.ರಾಮಚಂದ್ರ ಬಾಯರಿ

ಕುಡ್ಲ , ಮಾರ್ಚ್ 31: ದಕ್ಷಿಣ ಕನ್ನಡ ಜಿಲ್ಲೆಡ್ ಎಪ್ರಿಲ್ 1 ತಾರೀಖ್ ರ್ದ್ (ಗುರುವಾರ) 45 ವರ್ಷ ಮಿತ್ತ್ ದಕ್ಲೆಗ್ ಕೋವಿಡ್ ಲಸಿಕೆ ಕಡ್ಡಾಯವಾದ್ ಕೊರೊಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ರಾಮಚಂದ್ರ ಬಾಯರಿ ಪಂತೆರ್ .

ದ.ಕ ಜಿಲ್ಲೆಡ್ ಈ ಪ್ರಾಯದಕ್ಲೆನ ಪ್ರಮಾಣ ಶೇ.26.5 ಉಂಡು ಪಂದ್ ಅಂದಾಜ್ ಮಲ್ದೆರ್ . ವೆನ್ಲಾಕ್, ತಾಲ್ಲೂಕು ಆಸ್ಪತ್ರೆ, ಸಮುದಾಯ ಆರೋಗ್ಯ ಕೇಂದ್ರ ಬೊಕ್ಕ ಪ್ರಾಥಮಿಕ ಆರೋಗ್ಯ ಕೇಂದ್ರಡ್ ಲಸಿಕಾ ಕೇಂದ್ರ ಉಂಡು . ಸರಕಾರಿ ಆಸ್ಪತ್ರೆಡ್ ಲಸಿಕೆ ಕೊರ್ರೆ ಒವ್ವೆ ರೀತಿದ ಶುಲ್ಕ ಇಜ್ಜಿ ಪಂದ್ ಡಾ.ರಾಮಚಂದ್ರ ಬಾಯರಿ ಪಂತೆರ್ .

ಉಳ್ಳಾಲ ಮಾಸ್ತಿಕಟ್ಟೆದ ನಿವಾಸಿ ಎಂ.ಸಿ.ಅಬ್ದುಲ್ ರಹಿಮಾನ್ ರಾಷ್ಟ್ರೀಯ ಮಟ್ಟದ ಕ್ರೀಡಾ ಕೂಟಗ್ ಆಯ್ಕೆ

ಉಳ್ಳಾಲ, ಮಾರ್ಚ್ 31: ಬೆಂಗಳೂರುದ ದೇವನಹಳ್ಳಿದ ವಿದ್ಯಾನಗರ ಕ್ರೀಡಾಂಗಣಡ್ ಮಾಸ್ಟರ್ಸ್ ಗೇಮ್ಸ್ ಎಸೋಸಿಯೇಶನ್ ವತಿರ್ದ್ ರಡ್ಡನೇ ಸಲ ನಡತಿನ ರಾಜ್ಯ ಮಟ್ಟದ ಪೆರಿಯಾಕ್ಲೆನ ಕ್ರೀಡಾಕೂಟಡ್ ಉಳ್ಳಾಲ ಮಾಸ್ತಿಕಟ್ಟೆದ ನಿವಾಸಿ ಎಂ.ಸಿ.ಅಬ್ದುಲ್ ರಹಿಮಾನ್ 100 ಮೀಟರ್ ಬೊಕ್ಕ 200ಮೀಟರ್ ಓಟಡ್ ಬಂಗಾರ್ ದ ಪದಕ ಬೊಕ್ಕ 100X400 ಮಿಶ್ರ ರಿಲೇ ಡ್ ಲಾ ಬಂಗಾರ್ದ ಪದಕ ಗೆಂದ್ ದೆರ್. ಮೇರ್ ಹೈದರಾಬಾದ್ಡ್ ನಡಪುನ ರಾಷ್ಟ್ರೀಯ ಮಟ್ಟದ ಕ್ರೀಡಾ ಕೂಟಗ್ ಆಯ್ಕೆ ಆತೆರ್ .

ಅಪ್ರಕಟಿತ ತುಳು ನಾಟಕ ಹಸ್ತಪ್ರತಿ ಸ್ಪರ್ಧೆ 2020’ಡ್ ತುಳು ಸಾಹಿತಿ ಅಕ್ಷತಾ ರಾಜ್ ಪೆರ್ಲ ಮೇರ್ನ ಸಾಪೊದ ಕಣ್ಣ್ ನಾಟಕೊಗು ಸುರುತ್ತ ತಾನೊ

ಕುಡ್ಲ, ಮಾರ್ಚ್ 30 : ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ಪ್ರಾಯೋಜಕತ್ವಡ್ ತುಳುಕೂಟ ಕೊರ್ಪಿನ ರತ್ನವರ್ಮ ಹೆಗ್ಗಡೆ ಪ್ರಶಸ್ತಿ -2020ಕ್ಕ್ ‘ಅಕ್ಷತಾರಾಜ್ ಪೆರ್ಲ ಮೆರ್ನ ‘ಸಾಪೊದ ಕಣ್ಣ್ ‘ ಪ್ರಥಮ, ರಾಜಶ್ರೀ ಟಿ.ರೈ ಪೆರ್ಲ ಮೆರ್ನ” ತತ್ತ್ ಮೋಸದ ಬಾಲೆ “‘ ದ್ವಿತೀಯ ಬೊಕ್ಕ ಶಶಿರಾಜ್ ರಾವ್ ಕಾವೂರು ಮೆರ್ನ ಬಿಂಬೋದ ಬೊಲ್ಪು ಮೂಜನೆ ಇನಾಮುಗು ಆಯ್ಕೆ ಆತ್oಡ್.

ತನ್ನ ಅಮ್ಮೆರ್ನ ನೆಂಪುಗು ಡಾ.ಹೆಗ್ಗಡೆ ಕರಿನ 45 ವರ್ಷರ್ದ್ ಈ ಮಾನದಿಗೆ ಕೊರೊಂದು ಉಲ್ಲೆರ್ . ಪ್ರಶಸ್ತಿ ಕ್ರಮವಾದ್ 10, 8, 6 ಸಾವಿರ ರೂ. ಪನವು , ಪ್ರಶಸ್ತಿ ಪತ್ರ ಬೊಕ್ಕ ಸ್ಮರಣಿಕೆ ಉಂಡು . ವಿಶ್ರಾಂತ ಪೆರಿಯ ಪತ್ರಕರ್ತ ಮನೋಹರ ಪ್ರಸಾದ್, ಸಾಹಿತಿ ಕದ್ರಿ ನವನೀತ ಶೆಟ್ಟಿ ಬೊಕ್ಕ ಉಡಲ್ ಪತ್ರಿಕೆ ಸಂಪಾದಕಿ ಜಯಂತಿ ಎಸ್. ಬಂಗೇರ ಮೆಕುಲು ಇತ್ತಿನ ಸಮಿತಿ ಕೃತಿಲೆನ್ ಆಯ್ಕೆ ಮಲ್ದುಂಡು . ಮಂಗಳಾದೇವಿ ದೇವಸ್ಥಾನ ವಠಾರಡ್ ತುಳುಕೂಟ ಕುಡ್ಲ ವತಿರ್ದ್ ಎಪ್ರಿಲ್ .14 ತಾರೀಖ್ ಗ್ ನಡಪುನ ಬಿಸು ಪರ್ಬ ಲೇಸ್ ಡ್ ಮಾನದಿಗೆ ಮಲ್ಪರೆ ಉಲ್ಲೆರ್ ಪಂದ್ ಬಿ.ದಾಮೋದರ ಪ್ರಕಟಣೆಡ್ ತೆರಿಪಾದೆರ್ .

ಶ್ರೀ ನಾಗಬ್ರಹ್ಮ ಅದಿಮೊಗೆರ್ಕಳ ಪರಿವಾರ ದೈವಬೊಕ್ಕ ಶ್ರೀ ನಾಗದೇವರ ಪ್ರತಿಷ್ಠಾ ವರ್ಧಂತ್ಯುತ್ಸವ ಬೊಕ್ಕ ದೈವೊಲೆನ ನೇಮೋತ್ಸವ

ಕುಡ್ಲ, ಮಾರ್ಚ್ಶ್ರೀ 30: ನಾಗಬ್ರಹ್ಮ ಅದಿಮೊಗೆರ್ಕಳ ಪರಿವಾರ ದೈವಬೊಕ್ಕ ಶ್ರೀ ನಾಗದೇವರ ಪ್ರತಿಷ್ಠಾ ವರ್ಧಂತ್ಯುತ್ಸವ ಬೊಕ್ಕ ದೈವೊಲೆನ ನೇಮೋತ್ಸವತಾರೀಖ್ ತಾ. 8-5-2021ನೇ ಶನಿವಾರ ಬೊಕ್ಕ ತಾ. 9-5-2021ನೇ ಐತಾರದಾನಿ ಕಾಂಡೆ ಗಂಟೆ 9.00ರ್ದ್ ವೇದಮೂರ್ತಿ ರಾಜಗೋಪಾಲಾಚಾರ್ಯ ಮೆರ್ನ ಮುತಾಲಿಕೆಡ್ ನಡಪರೆ ಉಂಡು.

ಶ್ರೀ ನಾಗಬ್ರಹ್ಮ ಅದಿಮೋಗೆರ್ಕಳ ದೈವಸ್ಥಾನ ನಿನ್ನೀಪಡ್ಪು ನರಿಕೊಂಬು( ರಿ ) ನೇಮೋತ್ಸವದ ಲೆಪ್ಪೋಲೆ ಬುಡುಗಡೆ

ಕುಡ್ಲ, ಮಾರ್ಚ್ 30: ಶ್ರೀ ನಾಗಬ್ರಹ್ಮ ಅದಿಮೋಗೆರ್ಕಳ ದೈವಸ್ಥಾನ ನಿನ್ನೀಪಡ್ಪು ನರಿಕೊಂಬು( ರಿ ನಾಲನೇ ವರ್ಷದ ನೆಮೋತ್ಸವ ಮೇ ತಿಂಗೊಲ್ ತಾರೀಖ್ 08.05.2021ಶನಿವಾರ ಬೊಕ್ಕ 09.05.2021 ಐತಾರ ರಡ್ಡ್ ದಿನ ನಡಪರೆ ಉಂಡು.

ಈ ರಡ್ದ್ ದಿನತ ನೆಮೋತ್ಸವದ ಆಮಂತ್ರಣ ಪತ್ರಿಕೆದ ಬುಡುಗಡೆದ ಲೇಸ್ ಇನಿ ನಡತ್oಡ್. ಈ ಪೊರ್ತುಡು ಗ್ರಾಮದ ಗಣ್ಯೆರಾಯಿನ ಉಮೇಶ್ ಭೂಳಂತೂರ್ ಮಾಜೀ ಕೆಡಿಪಿ ಸದಸ್ಯೆರ್ , ಮಾಧವ ಕರ್ಬೇಟ್ಟು ಮೂರ್ತೆದಾರರ ಸೇವಾ ಸಹಕಾರ ಸಂಘದ ಒತ್ತು ಗುರ್ಕಾರ್ಲು , ಕಿಶೋರ್ ಶೆಟ್ಟಿ ಅಂತರ ಗ್ರಾ.ಪಂ ಸದಸ್ಯೆರ್ ,ಕೃಷ್ಣಪ್ಪ ಪೂಜಾರಿ ನಾಟಿ ಬೀದಿ ಮಾಜೀ ಗ್ರಾ.ಪಂ ಸದಸ್ಯೆರ್ , ಕೃಷ್ಣಪ್ಪ ನಾಯ್ಕ ಬರ್ಸಗುರಿ ಒತ್ತು ಗುರ್ಕಾರ್ಲು ಮಾಜೀ APMC, ರವೀಂದ್ರ ಸಪಲ್ಯ ಗ್ರಾ.ಪಂ ಸದಸ್ಯೆರ್ ,ಆನಂದ್ ಸಾಲಿಯನ್ ಶಂಬೂರ್ ಮಾಜೀ ಗುರ್ಕಾರ್ಲು ಗ್ರಾ.ಪಂ, ಕೇಶವ ಪೂಜಾರಿ ಕೊಡಿ, ಬಾಬು ಮಾಸ್ತರ್ ಜೀರ್ಣೋದ್ದಾರ ಗೌರವಧ್ಯಕ್ಸರು,ಜಯರಾಮ್ ಮಾಸ್ತರ್,ನೊಣಯ್ಯ.ಎನ್ ಗುರ್ಕಾರ್ಲು ಜೀರ್ಣೋದ್ದಾರ ಸಮೀತಿ,ಶಿವಪ್ಪ.ಎನ್ ಕೋಶಧಿಕಾರಿ ಜೀರ್ಣೋದ್ದಾರ ಸಮೀತಿ,ವಾಸಪ್ಪ ಪೂಜಾರಿ ಕೊಡಿ, ಚಂದ್ರಹಾಸ ಶಂಕರಕೋಡಿ,ಅಲ್ಬಾರ್ಟ್ ಮೆನೇಜಸ್ ಗುರ್ಕಾರ್ಲು ಅಲ್ಪಸಂಖ್ಯಾತ ಘಟಕ, ಬೊಕ್ಕ ಗ್ರಾಮದಕುಲು ಪಾಲ್ ಪಡೆದ್ ಇತ್ತೆರ್.

ಕೋವಿಡ್ ಲಸಿಕಾ ಅಭಿಯಾನ: ಅಜ್ಜರಕಾಡು ಜಿಲ್ಲಾ ಆಸ್ಪತ್ರೆಡ್ ಮಾಹಿತಿ ಕೇಂದ್ರ

ಒಡಿಪು , ಮಾ.30: ಕೋವಿಡ್ ಲಸಿಕಾ ಅಭಿಯಾನದ ಬಗ್ಗೆ ಒಡಿಪು ಅಜ್ಜರಕಾಡು ಜಿಲ್ಲಾ ಆಸ್ಪತ್ರೆಡ್ ಸುರು ಮಲ್ತಿನ ಮಾಹಿತಿ ಕೇಂದ್ರನ್ ಶಾಸಕೆರಾಯಿನ ರಘುಪತಿ ಭಟ್ ಸೋಮವಾರ ಉದಿಪನ ಮಲ್ತೆರ್ .

ನಗರ ಬಿಜೆಪಿ ಗುರ್ಕಾರ್ಲಾಯಿನ ಮಹೇಶ್ ಠಾಕೂರ್ ಗುರ್ಕಾರ್ಮೆ ವಯಿಸ್ದಿತ್ತೆರ್ , ಒಡಿಪು ನಗರ ಸಭೆತ ಗುರ್ಕಾರ್ದಿ ಆಯಿನ ಸುಮಿತ್ರಾ ಆರ್ ನಾಯಕ್, ಬಿಜೆಪಿ ಜಿಲ್ಲಾ ಮಹಿಳಾ ಮೋರ್ಚಾ ಗುರ್ಕಾರ್ಲಾಯಿನ ವೀಣಾ ಶೆಟ್ಟಿ, ನಗರ ಬಿಜೆಪಿ ಯುವ ಮೋರ್ಚಾ ಗುರ್ಕಾರ್ಲಾಯಿನ ರೋಷನ್ ಶೆಟ್ಟಿ, ಕೈತಲ್ ದ ನಗರಸಭಾ ಸದಸ್ಯೆ ರಶ್ಮಿ ಚಿತ್ತರಂಜನ್ ಭಟ್, ನಗರ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಮಂಜುನಾಥ್ ಮಣಿಪಾಲ್, ದಿನೇಶ್ ಅಮೀನ್, ತೆಂಕಪೇಟೆ ಮಹಾಶಕ್ತಿ ಕೇಂದ್ರದ ಗುರ್ಕಾರ್ಲಾಯಿನ
ಯಶ್ವಂತ್ ಸುವರ್ಣ ಬೊಕ್ಕ ಜಿಲ್ಲಾ ಸರ್ಜನ್ ಡಾ. ಮಧುಸೂದನ್ ನಾಯಕ್ ಪಾಲ್ ಪಡೆದಿತ್ತೆರ್ .

ರಾಜ್ಯ ಪೊಲೀಸ್ ಇಲಾಖೆದ 18 ಡಿವೈಎಸ್ಪಿ 100 ಪೊಲೀಸ್ ಇನ್‍ಸ್ಪೆಕ್ಟರ್ ವರ್ಗಾವಣೆ

ಬೆಂಗಳೂರು, ಮಾರ್ಚ್ 30: ರಾಜ್ಯ ಪೊಲೀಸ್ ಇಲಾಖೆದ 18 ಡಿವೈಎಸ್ಪಿ ಬೊಕ್ಕ 100 ಪೊಲೀಸ್ ಇನ್‍ಸ್ಪೆಕ್ಟರ್ ನಕ್ಲೆನ್ ವರ್ಗಾವಣೆ ಮಲ್ಪರೆ ಸೋಮವಾರ ಆದೇಶ ಕಡಪಾದೆರ್ .

ಕುಡ್ಲ ನಗರದ ಕೇಂದ್ರ ಉಪವಿಭಾಗದ ಡಿವೈಎಸ್ಪಿ ಎಂ.ಜಗದೀಶ್ ಮೆರೆನ್ ಎಸಿಬಿಗೆ ವರ್ಗಾವಣೆ, ಸಿಐಡಿ ಡಿವೈಎಸ್ಪಿ ಪರಮೇಶ್ವರ ಹೆಗಡೆ ಮೆರೆನ್ ಕುಡ್ಲದ ಕೇಂದ್ರ ಉಪವಿಭಾಗಗ್ ಪಾರ್ದೆರ್ .

ಅಂಚನೇ ಕುಡ್ಲ ಪಶ್ಚಿಮ ವಲಯದ ಐಜಿಪಿ ಕಚೇರಿಡ್ ಶಂಕರ ಕೆ.ಮಾರಿಹಾಳ್ ಮೆರೆನ್ ಹಾವೇರಿ ಉಪವಿಭಾಗಗ್ ವರ್ಗಾವಣೆ ಮಲ್ದೆರ್ . ಒಟ್ಟಾರೆ 18 ಡಿವೈಎಸ್ಪಿ ಬೊಕ್ಕ 100 ಪೊಲೀಸ್ ಇನ್‍ಸ್ಪೆಕ್ಟರ್ ನಕ್ಲೆನ್ ವರ್ಗಾವಣೆ ಮಲ್ಪರೆ ಪಂತೆರ್ ಪಂದ್ ಪ್ರಕಟನೆ ತೆರಿಪಾದೆರ್ .

ಶ್ರೀ ಮಹಾವೀರ ಕಾಲೇಜ್ ಮೂಡುಬಿದಿರೆ ವತಿರ್ದ್ ಕೊರೊನ ಜಾಗೃತಿ ಅಭಿಯಾನ

ಮೂಡುಬಿದಿರೆ ಶ್ರೀ ಮಹಾವೀರ ಕಾಲೇಜ್ ದ ಎನ್.ಸಿ.ಸಿ., ರಾಷ್ಟ್ರೀಯ ಸೇವಾ ಯೋಜನೆ, ಯೂತ್ ರೆಡ್ ಕ್ರಾಸ್, ರೋವರ್ಸ್ ಬೊಕ್ಕ ರೇಂಜರ್ಸ್ ಘಟಕದ ಒಟ್ಟು ಸೇರಿಗೆಡ್ ಅಟ್ಟನೆ ಮಲ್ತಿನ ಕೊರೊನ ಜಾಗೃತಿ ಅಭಿಯಾನಗ್ ಪದವಿ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ.ರಾಧಾಕೃಷ್ಣ ಶೆಟ್ಟಿ ಉದಿಪನ ಮಲ್ತೆರ್ .

ಈ ಮಾತಾ ಘಟಕದ ಜೋಕುಲು, ‘ಮಾಸ್ಕ್ ಪಾಡ್ಲೆ ಜೀವ ಒರಿಪಾಲೆ ; ಸಾಮಾಜಿಕ ಅಂತರ ಜೀವನ ನಿರಂತರ; ಸ್ಯಾನಿಟೈಸರ್ ಪಾಡ್ಲೆ ಕೊರೊನ ಬಲಿಪಾಲೆ ; ಸರ್ಕಾರದ ಕೊರೊನ ಮಾರ್ಗಸೂಚಿನ್ ಕಡ್ಡಾಯವಾದ್ ಪಾಲನೆ ಮಲ್ಪುಲೆ ; ಕೊರೊನ ಬರಂದಿಲಕ ತಡೆಯರೇ ನಿಕ್ಲೆನ ಕೈತಲ್ ದ ಪ್ರಾಥಮಿಕ ಆರೋಗ್ಯ ಕೇಂದ್ರಡ್ ಕಡ್ಡಾಯವಾದ್ ಈ ಕೂಡಲೇ ಕೊರೊನ ಲಸಿಕೆನ್ ಉಚಿತವಾದ್ ದೆತೊನ್ಲೆ ; ಲಸಿಕೆ ಬೋಡು ಕೊರೋನ ಬೊರ್ಚಿ , ಪನ್ಪಿನ ಧ್ಯೇಯವಾಕ್ಯ ಉಪ್ಪುನ ಕರಪತ್ರಲೆನ್ ಕೊಡಂಗಲ್ಲು ಪರಿಸರಡ್ ಉಪ್ಪುನ ರಿಕ್ಷಾ ಚಾಲಕೆರೆಗ್ ಅಂಗಡಿ ಮಾಲಕೆರೆಗ್ ಬೊಕ್ಕ ಸಾರ್ವಜನಿಕೆರೆಗ್ ಕೊರ್ದು ಕೊರೊನ ಜಾಗೃತಿ ಅಭಿಯಾನನ್ ನಡಪಾಯೆರ್. ಬೇತೆ ಬೇತೆ ಘಟಕದ ಸಂಯೋಜಕೆರಾಯಿನ ಡಾ.ಜಯಲಕ್ಷ್ಮಿ, ಶಿವಪ್ರಸಾದ್, ಬಸನಗೌಡ ಪಾಟೀಲ್ ಬೊಕ್ಕ ಸುಮಲತಾ ಅಭಿಯಾನದ ಮುತಾಲಿಕೆ ವಯಿಸ್ದಿತ್ತೆರ್.

ಈ ಅಭಿಯಾನಡ್ ಜೋಕ್ಲೆನ ಒಟ್ಟುಗು ಪದವಿ ಪೂರ್ವ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಪ್ರೊ. ರಮೇಶ್ ಭಟ್, ವಿದ್ಯಾರ್ಥಿ ಕ್ಷೇಮಪಾಲನಾ ಅಧಿಕಾರಿ ಪ್ರೊ.. ಹರೀಶ್ ಬೊಕ್ಕ ಉಪನ್ಯಾಸಕೆರ್ ಪಾಲ್ ಪಡೆದ್ ಇತ್ತೆರ್.

ಮಾರ್ಚ್ 27ರ್ದ್ ಏಪ್ರಿಲ್ 4 ತಾರೀಖ್ ಮುಟ ಕುಡ್ಲದ ಪ್ರತಿಷ್ಠಿತ ಫೋರಂ ಫಿಝಾ ಮಾಲ್ ಡ್ ವಿಶೇಷ ಕೊಡುಗೆ

ಕುಡ್ಲ , ಮಾ.28: ಕುಡ್ಲದ ಪ್ರತಿಷ್ಠಿತ ಫೋರಂ ಫಿಝಾ ಮಾಲ್ ಗ್ರಾಹಕೆರ್ನ ಖುಷಿಗಾದ್ ವಿಶೇಷ ಕೊರೊಂದು ಉಂಡು.

ಫ್ಯಾಶನ್, ಗೃಹೋಪಯೋಗಿ ವಸ್ತುಲು , ಚಪ್ಪಲ್ , ಎಲೆಕ್ಟ್ರಾನಿಕ್ ಉಪಕರಣಲು ಬೊಕ್ಕ ಸುಮಾರ್ 300ರ್ದ್ ಜಾಸ್ತಿ ಬ್ರಾಂಡ್‍ ಜನಕ್ಲೆನ್ ಕೈ ಬೀಜಾದ್ ಲೆತ್ತೊಂದು ಉಂಡು . ದೆತೊನುನ ಗ್ರಾಹಕೆರೆಗ್ ಖಚಿತ ಇನಾಮುಲ ಉಂಡು.

ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ 2020ನೇ ಸಾಲ್ ದ ಪ.ಗೋ. ಗ್ರಾಮೀಣ ವರದಿಗಾರಿಕೆ ಪ್ರಶಸ್ತಿಗ್ ಪ್ರದೀಶ್. ಎಚ್.ಮರೋಡಿ ಆಯ್ಕೆ

ಕುಡ್ಲ, ಮಾರ್ಚ್ 27:: ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ವತಿರ್ದ್ ಕೊರ್ಪಿನ 2020ನೇ ಸಾಲ್ ದ ಪ.ಗೋ. ಗ್ರಾಮೀಣ ವರದಿಗಾರಿಕೆ ಪ್ರಶಸ್ತಿಗ್ ಪ್ರಜಾವಾಣಿ ದಿನ ಪತ್ರಿಕೆದ ಕುಡ್ಲದ ವರದಿಗಾರ ಪ್ರದೀಶ್. ಎಚ್.ಮರೋಡಿ ಆಯ್ಕೆಯಾತೆರ್ .

2020ರ ಜೂನ್ 25 ಕ್ಕ್ ಪ್ರಜಾವಾಣಿ ದಿನ ಪತ್ರಿಕೆಡ್ ಪ್ರಕಟ ಆಯಿನ ಪತ್ರಕರ್ತ ಪ್ರದೀಶ್ .ಎಚ್.ಮರೋಡಿ ಮೆರ್ನ “ಕೇಳುತ್ತಿಲ್ಲ ಮಲೆಯ ಮಕ್ಕಳ ಅಳಲು” ಪನ್ಪಿನ ವರದಿ ಪ್ರತಿಷ್ಠಿತ ಪ.ಗೋ. ಪ್ರಶಸ್ತಿಗ್ ಆಯ್ಕೆ ಆತ್o ಡ್.

ಮಂಗಳೂರು ವಿಶ್ವವಿದ್ಯಾನಿಲಯದ ಎಸ್ ವಿಪಿ ಕನ್ನಡ ಅಧ್ಯಯನ ಸಂಸ್ಥೆದ ಸಹಾಯಕ ಪ್ರಾಧ್ಯಾಪಕ ಡಾ.ಧನಂಜಯ ಕುಂಬ್ಳೆ, ಸಂಶೋಧಕೆರ್ ಬೊಕ್ಕ ಪುತ್ತೂರು ಡಾ.ಶಿವರಾಮ ಕಾರಂತರ ಬಾಲವನದ ವಿಶೇಷ ಕರ್ತವ್ಯಾಧಿಕಾರಿ ಡಾ. ಸುಂದರ ಕೇನಾಜೆ, ಪಾಲ್ ಪಡೆಯರೆ ಉಲ್ಲೆರ್.

You Missed