ಕಾರ್ಲದ ಸುದ್ದಿ Karkala News

ಕೋವಿಡ್ ಲಸಿಕಾ ಅಭಿಯಾನ: ಅಜ್ಜರಕಾಡು ಜಿಲ್ಲಾ ಆಸ್ಪತ್ರೆಡ್ ಮಾಹಿತಿ ಕೇಂದ್ರ

ಒಡಿಪು , ಮಾ.30: ಕೋವಿಡ್ ಲಸಿಕಾ ಅಭಿಯಾನದ ಬಗ್ಗೆ ಒಡಿಪು ಅಜ್ಜರಕಾಡು ಜಿಲ್ಲಾ ಆಸ್ಪತ್ರೆಡ್ ಸುರು ಮಲ್ತಿನ ಮಾಹಿತಿ ಕೇಂದ್ರನ್ ಶಾಸಕೆರಾಯಿನ ರಘುಪತಿ ಭಟ್ ಸೋಮವಾರ ಉದಿಪನ ಮಲ್ತೆರ್ .

ನಗರ ಬಿಜೆಪಿ ಗುರ್ಕಾರ್ಲಾಯಿನ ಮಹೇಶ್ ಠಾಕೂರ್ ಗುರ್ಕಾರ್ಮೆ ವಯಿಸ್ದಿತ್ತೆರ್ , ಒಡಿಪು ನಗರ ಸಭೆತ ಗುರ್ಕಾರ್ದಿ ಆಯಿನ ಸುಮಿತ್ರಾ ಆರ್ ನಾಯಕ್, ಬಿಜೆಪಿ ಜಿಲ್ಲಾ ಮಹಿಳಾ ಮೋರ್ಚಾ ಗುರ್ಕಾರ್ಲಾಯಿನ ವೀಣಾ ಶೆಟ್ಟಿ, ನಗರ ಬಿಜೆಪಿ ಯುವ ಮೋರ್ಚಾ ಗುರ್ಕಾರ್ಲಾಯಿನ ರೋಷನ್ ಶೆಟ್ಟಿ, ಕೈತಲ್ ದ ನಗರಸಭಾ ಸದಸ್ಯೆ ರಶ್ಮಿ ಚಿತ್ತರಂಜನ್ ಭಟ್, ನಗರ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಮಂಜುನಾಥ್ ಮಣಿಪಾಲ್, ದಿನೇಶ್ ಅಮೀನ್, ತೆಂಕಪೇಟೆ ಮಹಾಶಕ್ತಿ ಕೇಂದ್ರದ ಗುರ್ಕಾರ್ಲಾಯಿನ
ಯಶ್ವಂತ್ ಸುವರ್ಣ ಬೊಕ್ಕ ಜಿಲ್ಲಾ ಸರ್ಜನ್ ಡಾ. ಮಧುಸೂದನ್ ನಾಯಕ್ ಪಾಲ್ ಪಡೆದಿತ್ತೆರ್ .

ಮಾರ್ಚ್ 27ರ್ದ್ ಏಪ್ರಿಲ್ 4 ತಾರೀಖ್ ಮುಟ ಕುಡ್ಲದ ಪ್ರತಿಷ್ಠಿತ ಫೋರಂ ಫಿಝಾ ಮಾಲ್ ಡ್ ವಿಶೇಷ ಕೊಡುಗೆ

ಕುಡ್ಲ , ಮಾ.28: ಕುಡ್ಲದ ಪ್ರತಿಷ್ಠಿತ ಫೋರಂ ಫಿಝಾ ಮಾಲ್ ಗ್ರಾಹಕೆರ್ನ ಖುಷಿಗಾದ್ ವಿಶೇಷ ಕೊರೊಂದು ಉಂಡು.

ಫ್ಯಾಶನ್, ಗೃಹೋಪಯೋಗಿ ವಸ್ತುಲು , ಚಪ್ಪಲ್ , ಎಲೆಕ್ಟ್ರಾನಿಕ್ ಉಪಕರಣಲು ಬೊಕ್ಕ ಸುಮಾರ್ 300ರ್ದ್ ಜಾಸ್ತಿ ಬ್ರಾಂಡ್‍ ಜನಕ್ಲೆನ್ ಕೈ ಬೀಜಾದ್ ಲೆತ್ತೊಂದು ಉಂಡು . ದೆತೊನುನ ಗ್ರಾಹಕೆರೆಗ್ ಖಚಿತ ಇನಾಮುಲ ಉಂಡು.

ಹೆಜಮಾಡಿ ನಾಗರಿಕ ಕ್ರಿಯಾ ಸಮಿತಿ ವತಿರ್ದ್ ಬ್ಯಾರಿಕೇಡ್ ಅಳವಡಿಕೆ ಲೇಸ್

ಪಡುಬಿದ್ರಿ, ಮಾರ್ಚ್ 27: ಹೆಜಮಾಡಿ ನಾಗರಿಕ ಕ್ರಿಯಾ ಸಮಿತಿದ ವತಿರ್ದ್ ಮಾರ್ಚ್ 27ಕ್ಕ್ ಗ್ರಾಮ ವ್ಯಾಪ್ತಿಡ್ ಬೇತೆ ಬೇತೆ ಕಾರ್ಯಕ್ರಮಲೆನ್ ಅಟ್ಟನೆ ಮಲ್ದೆರ್. ಶುಕ್ರವಾರ ಹೆಜಮಾಡಿ ಹಿರಿಯ ಪ್ರಾಥಮಿಕ ಶಾಲಾ ಸಂಕೀರ್ಣಡ್ ಲೆತ್ತಿನ ಸುದ್ದಿಗೋಷ್ಠಿಡ್ ಕ್ರಿಯಾ ಸಮಿತಿದ ಗುರ್ಕಾರ್ಲಾಯಿನ ಸುಧಾಕರ ಕರ್ಕೇರ ಮಾಹಿತಿ ತೆರಿಪಾದೆರ್ .

ಮಾ.27 ಶನಿವಾರ ಕಾಂಡೆ 9.30 ಗಂಟೆಗ್ ಹೆಜಮಾಡಿದ ಕನ್ನಂಗಾರು ಬೈಪಾಸ್ ದ ಕೈತಲ್ ವಾಹನ ಅಪಘಾತ ತಡೆಗಟ್ಟುನ ಮುಂಜಾಗ್ರತಾ ಕ್ರಮವಾದ್ ಬ್ಯಾರಿಕೇಡ್ ಅಳವಡಿಕೆ ಕಾರ್ಯಕ್ರಮ ನಡಪರೆ ಉಂಡು .

ಹೆಜಮಾಡಿ ಅಲ್ ಅಝರ್ ಆಂಗ್ಲ ಮಾಧ್ಯಮ ಶಾಲಾ ಸಂಚಾಲಕ ಶೇಖಬ್ಬ ಕೋಟೆ ಉದಿಪನ ಮಲ್ಪರೆ ಉಲ್ಲೆರ್ ಜಿಪಂ ಸದಸ್ಯ ಶಶಿಕಾಂತ್ ಪಡುಬಿದ್ರಿ, ಹೆಜಮಾಡಿ ಗ್ರಾಪಂ ಗುರ್ಕಾರ್ಲಾಯಿನ ಪ್ರಾಣೇಶ್ ಹೆಜಮಾಡಿ, ಪಡುಬಿದ್ರಿ ಗ್ರಾಪಂ ಗುರ್ಕಾರ್ಲಾಯಿನ ರವಿ ಶೆಟ್ಟಿ, ಪಡುಬಿದ್ರಿ ಠಾಣಾಧಿಕಾರಿ ದಿಲೀಪ್ ಜಿ.ಆರ್., ನವಯುಗ್ ವ್ಯವಸ್ಥಾಪಕ ಶಿವಪ್ರಸಾದ್ ರೈ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯರೆ ಉಲ್ಲೆರ್.

ಒಡಿಪುದ ಮಣಿಪಾಲ್ ಇನ್ ಹೊಟೇಲ್‌ಡ್ ಬ್ರಾಂಡೆಡ್ ಗಾರ್ಮೆಂಟ್ಸ್ ಮಾರಾಟ ಮೇಳ

ಕುಡ್ಲ , ಮಾ.26: ಉಡುಪಿದ ಕರಾವಳಿ ವೃತ್ತ ಕೈತಲ್ ದ ಮಣಿಪಾಲ್ ಇನ್ ಹೊಟೇಲ್‌ಡ್ ಸುರುತ್ತ ಸಲ ನೂದೆರ್ ಜಾಸ್ತಿ ಪ್ರಸಿದ್ಧ ಕಂಪೆನಿದ ಬ್ರಾಂಡೆಡ್ ಗಾರ್ಮೆಂಟ್ಸ್ ಮಾರಾಟ ಮೇಳ ಮಾ.26ರ್ದ್ 28 ಮುಟ ನಡಪರೆ ಉಂಡು .

ಕುಡ್ಲದ ಟಿಎಂಎ ಪೈ ಕನ್ವೆನ್ಶನ್ ಸೆಂಟರ್‌ಡ್ ಇತ್ತೆ ಮೂಜಿ ದಿನತ ಮೇಳ ಅಟ್ಟನೆ ಮಲ್ತ್ ದ್ ಯಶಸ್ವಿಯಾಯಿನ ನೆಲೆಟ್ಟ್ ಒಡಿಪುದ ಮಣಿಪಾಲ್‌ಡ್ ಬೃಹತ್ ಪ್ರದರ್ಶನ ಬೊಕ್ಕ ಮಾರಾಟ ಮೇಳನ್ ಅಟ್ಟನೆ ಮಲ್ದೆರ್.