Sun. Nov 22nd, 2026

ಕಾರ್ಲದ ಸುದ್ದಿ Karkala News

ಮೇ 1 ತಾರೀಖ್ ರ್ದ್ 18 ವರ್ಷ ಮಿತ್ತ್ ದಕ್ಲೆಗ್ ಲಸಿಕೆ ತಿಕ್ಕುನ ಅನುಮಾನ

ಬೆಂಗಳೂರು, ಎಪ್ರಿಲ್ 30: 18 ವರ್ಷರ್ದ್ ಮಿತ್ತ್ ದಕ್ಲೆಗ್ ಮೇ 1 ತಾರೀಖ್ ರ್ದ್ ಲಸಿಕೆ ಕೊರಿಯರೆ ಕೇಂದ್ರ ಸರ್ಕಾರ ಸೂಚನೆ ಕೊರ್ತುಂಡು . ಆಂಡ ರಾಜ್ಯಡ್ ಮೇ 1ರ್ದ್ ಲಸಿಕೆ ಸುರು ಆಪಿನ ಅನುಮಾನ ಪನೊಂದು ಉಲ್ಲೆರ್ . ಕಾರಣ ಲಸಿಕೆದ ಕೊರತೆ!

ಕರ್ನಾಟಕಗ್ 94,47,900 ಡೋಸ್‌ ಕೊರ್ತೆರ್ . ಈ ಪೈಕಿ, 91,01,215 ಡೋಸ್‌ ಫಲಾನುಭವಿಲೆಗ್ ಕೊರ್ತೆರ್ , ಇತ್ತೆ ರಾಜ್ಯಡ್ 3,46,685 ಡೋಸ್‌ ಲಭ್ಯ ಉಂಡು . ಆತೆ ಅತ್ತoದೆ ರಾಜ್ಯಡ್ 4 ಲಕ್ಷ ಡೋಸ್‌ ಹೆಚ್ಚುವರಿಯಾದ್ ಲಸಿಕೆ ಕೊರ್ಪ ಪಂದ್ ಸಚಿವಾಲಯ ಕೊರ್ತುಂಡು.

ಸರಕಾರದ ಮುಖ್ಯ ಕಾರ್ಯದರ್ಶಿ ಪಿ. ರವಿ ಕುಮಾರ್‌, ಒಂಜಿ ಕೋಟಿ ಲಸಿಕೆಗ್ ಆದೇಶ ಕೊರ್ತುಂಡು , ಕಂಪೆನಿಲು ಕೊರೊಡು . ಐರ್ದ್ ಬೊಕ್ಕ ಲಸಿಕೆ ಕೊರ್ರೆ ನಿರ್ಧಾರ ಮಲ್ಪೋಲಿ .

ಒಡಿಪುಡು 664 ಕೊರೋನ ಸೋಂಕು ಪತ್ತೆ

ಒಡಿಪು , ಎ.30: ಜಿಲ್ಲೆಡ್ ಕೋವಿಡ್-19 ತ್ತ ರಡ್ಡನೆ ಅಲೆ ಮಾತೆರ್ನ ನಿರೀಕ್ಷೆನ್ ಮೀರ್ದ್ ಜಿಲ್ಲೆಡ್ ಬಾರಿ ಬೇಗಡ್ ಪರಡೊಂದು ಉಂಡು.ಬುಧವಾರ ಜಿಲ್ಲೆಡ್ 664 ಜನಕ್ ಕೊರೋನ ಸೋಂಕು ಧೃಡ ಆತುಂಡು . ಇಂದು ಜಿಲ್ಲೆಡ್ ಒಂಜೇ ದಿನಟ್ ತೊಜಿನ ಜಾಸ್ತಿ ಪಾಸಿಟಿವ್ ಸಂಖ್ಯೆ ಆತುಂಡು .ನೆತ್ತೋಟ್ಟುಗು ದಿನಟ್ 326 ಜನ ಸೋಂಕುರ್ದ್ ಹುಷಾರ್ ಆಂಡ ಸೋಂಕುಗು ಸಕ್ರಿಯರಾದುಪ್ಪುನಕ್ಲೆನ ಸಂಖ್ಯೆಲಾ ಇತ್ತೆ 2230ಕ್ಕ್ ಯೇರ್ದುಂಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ. ಸುಧೀರ್‌ಚಂದ್ರ ಸೂಡ ತೆರಿಪಾದೆರ್ .

ಒಡಿಪು ಜಿಲ್ಲಾಸ್ಪತ್ರೆ ರಕ್ತನಿಧಿ ಘಟಕ ವತಿರ್ದ್ ಸ್ವಯಂ ಪ್ರೇರಿತ ನೆತ್ತೆರ್ ದಾನ ಶಿಬಿರ

ಒಡಿಪು, ಎಪ್ರಿಲ್ 30: ಲಯನ್ಸ್ ಕ್ಲಬ್ ಒಡಿಪು ಲಕ್ಷ್ಯ, ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ, ಗೋಳಿಕಟ್ಟೆ ಮುನ್ನೊಳಿಗುಜ್ಜಿ, ಒಡಿಪು ಜಿಲ್ಲಾಸ್ಪತ್ರೆ ರಕ್ತನಿಧಿ ಘಟಕದ ಒಟ್ಟು ಸೇರಿಗೆಡ್ ಸ್ವಯಂ ಪ್ರೇರಿತ ನೆತ್ತೆರ್ ದಾನ ಶಿಬಿರ ಮೇ 1,2021 ನೇ ಶನಿವಾರ ಕಾಂಡೆ 8:30 ರ್ದ್ ಮಧ್ಯಾಹ್ನ 1 ಗಂಟೆ ಮುಟ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಗೊಳಿಕಟ್ಟೆ ಡ್ ನಡಪರೆ ಉಂಡು.

ಹೃದಯಾಘಾತಡ್ ತೀರ್ ಪೋಯಿನ ಏರ್ ಇಂಡಿಯಾ ಉದ್ಯೋಗಿಯಾದ್ ನಿವೃತ್ತಿ ಪಡೆಯಿನ ಮೋಹನ್ ಪೂಜಾರಿ

ಬೊಂಬಾಯಿ, ಏಪ್ರಿಲ್ 30: ಮೂಲತಃ ಕದ್ರಿದಾರಾಯಿನ ದೂರದ ಬೊಂಬಾಯಿದ ಮೀರಾ ರೋಡ್ ಅವಿಸ್ಕಾರ್ ಸೊಸೈಟಿದ ನಿವಾಸಿ, ಏರ್ ಇಂಡಿಯಾ ಉದ್ಯೋಗಿಯಾದ್ ನಿವೃತ್ತಿ ಪಡೆಯಿನ ಮೋಹನ್ ಪೂಜಾರಿ (67) ಮೇರ್ ಹೃದಯಾಘಾತಡ್ ಬುಧವಾರದಾನಿ ಬೈಯ 4 ಗಂಟೆಗಗ್ ತನ್ನ ಸ್ವಗ್ರಹ ಡ್ ತೀರ್ ಪೋಯೆರ್. ಮೃತೆರ್ನ ಬೊಡೆದಿ ಮಸ್ತ್ ಸಂಘ ಸಂಸ್ಥೆಲೆದ ಸಕ್ರಿಯ ಕಾರ್ಯಕರ್ತೆಯಾಯಿನ ಗೀತಾ ಎಂ ಪೂಜಾರಿ. ಅಂಚನೇ ಜೋಕುಲು ಮಿತುನ್ ಬೊಕ್ಕ ನಿತೀನ್ ಅಂಚನೇ ತಂಗಡಿ ಬೇಬಿ ಬೊಕ್ಕ ಇಷ್ಟ ಮಿತ್ರೆರೆರ್ದ್ ದೂರ ಆತೆರ್.

ಮೋಹನ್ ಪೂಜಾರಿ 2004ಟ್ಟ್ ಮೀರಾ ರೋಡ್ ಶ್ರೀ ಶನೀಶ್ವರ ಸೇವಾ ಸಮಿತಿ (ಇತ್ತೆದ ಶ್ರೀ ಶನೀಶ್ವರ ಮಂದಿರ)ನೆತ್ತ ಸ್ಥಾಪಕ ಒತ್ತುಗುರ್ಕಾರ್ಲಾದ್ ಸೇವೆ ಮಲ್ದೆರ್ ಬಿಲ್ಲವರ ಅಸೋಸಿಯೇಷನ್ ಮುಂಬಯಿ ಮೀರಾ ರೋಡ್ ಸ್ಥಳೀಯ ಸಕ್ರಿಯವಾದಿತ್ತಿನ ಮೇರ್ ಮಿರಾ ಭಯಿಂದರ್ದ ಕೆಲವು ಸಂಘ ಸಂಸ್ಥೆಡ್ ನಿಸ್ವಾರ್ಥ ಸೇವೆ ಮಲ್ದೆರ್. ಕಲಾ ಪೋಷಕೆರಾಯಿನ ಪೂಜಾರಿಲು ಮೀರಾರೋಡ್ಡ್ ಅವ್ವೆತೋ ಯಕ್ಷಗಾನ ದಂಚಿನ ಸಾಂಸ್ಕೃತಿಕ ಧಾರ್ಮಿಕ ಕಾರ್ಯಕ್ರಮಲೆನ್ ಸ್ವತಃ ಅಟ್ಟನೆ ಮಲ್ತೊಂದು,ಸಮಾಜ ಸೇವೆಡ್ ಲಾ ನಿರಂತರ ಪಾಲ್ ಪಡೆಯೊಂದು ಮಾತೆರೆಗ್ಲಾ ಏರ್ ಇಂಡಿಯಾ ಮೋಹನ್ ಪಂದೆ ಪುಗಾರ್ತೆ ಪಡೆಯಿನ ಮೆರೆನ ಪಾರ್ಥಿವ ಶರೀರದ ಅಂತ್ಯ ಕ್ರಿಯೆಡ್ ಮೀರಾ ರೋಡ್ ಶ್ರೀ ಶನೀಶ್ವರ ಸೇವಾ ಸಮಿತಿ, ಬಿಲ್ಲವರ ಅಸೋಸಿಯೇಷನ್ ಮುಂಬಯಿ, ಮೀರಾ ರೋಡ್ ಕೈತಲ್ ದ ಕಚೇರಿ,ತುಳುನಾಡ ಸೇವಾ ಸಮಾಜ ಮೀರಾ ಭಯಿಂದರ್,ತುಳು ಕನ್ನಡ ವೆಲ್ಪೇರ್ ಅಸೋಸಿಯೇಷನ್ ಮೀರಾ ಭಯಿಂದರ್, ಚಾಮುಂಡೇಶ್ವರಿ ಸನ್ನಿಧಿ ಮೀರಾ ರೋಡ್,ಶ್ರೀ ದುರ್ಗಾಪರಮೇಶ್ವರಿ ಭಕ್ತ ವ್ರಂದ ಮೀರಾ ಭಯಿಂದರ್, ನಿತ್ಯನಂದ ಸೇವಾ ಸಮಿತಿ ಮೀರಾ ಭಯಿಂದರ್,ನನಾತ್ ಸಂಘ ಸಂಸ್ಥೆದ ಪದಾಧಿಕಾರಿಲು ಬೊಕ್ಕ ಅಭಿಮಾನಿಲು ಕಣ್ಣ ನೀರ ಪನಿತರ್ಪಣ ಮಲ್ತೆರ್.

ಕೊರೊನಾ ಲಾಕ್ ಡೌನ್ ಪೊರ್ತುಡ್ ನಿರ್ಗತಿಕೆರ್ನ ಬಡಾವು ತೆಕ್ಕಾದ್ ಮಾನವೀಯತೆ ಮೆರೆಯಿನ‌ ಒಡಿಪುದ ಅನ್ಸಾರ್ ಅಹಮದ್ ಬೊಕ್ಕ ಕೂಟ

ಒಡಿಪು, ಎಪ್ರಿಲ್ 29: ಕೊರೊನಾ ಮಹಾಮಾರಿಡಾದ್ ಲಾಕ್ ಡೌನ್ ಪೊರ್ತುಡ್ ಹೋಟೆಲ್ ಪೂರಾ ಬಂದ್ ಉಪ್ಪುನೆಡ್ದಾವರ ಕಾಸ್ ಇತ್ತಿನಕುಲ್ ಪಾರ್ಸೆಲ್ ಕೊನೊದ್ ತಿನುವೆರ್.ಆಂಡ ರಸ್ತೆಡ್ ಬತ್ತಿನಕಲೆಡ್ ಹೋಟೇಲ್ ದಕಲೆಡ ಭಿಕ್ಷೆ ಬೇಡೊಂದ್ ತಿನೊಂದಿತ್ತಿನಕುಲು ಲಾಕ್ ಡೌನ್ ಪೊರ್ತುಡ್ ಗತಿದಾಂತೆ ಬಂಜಿದ ಬಡಾವುಗಾದ್ ಪರದಾಡುನ ಪರಿಸ್ಥಿತಿ ಬೈದುಂಡ್.ಅಕಲೆಗ್ ಬಂಜಿದ ಬಡಾವು ತೆಕ್ಕಾವುನ ಬೇಲೆ ಮಲ್ತೊಂದುಲ್ಲೆರ್ ಒಡಿಪುದ ಅನ್ಸಾರ್ ಅಹಮದ್..ಅನ್ಸಾರ್ ಮೇರ್ ಕರಿನ ಸರ್ತಿ ಲಾಕ್ ಡೌನ್ ಆಯಿನ ಪೊರ್ತುಡ್ ಒಂಜಿ ತಿಂಗೊಲ್ ಇಡೀ ಸಾದಿಡ್ ತಿರ್ಗೊಂದಿತ್ತಿನಕಲೆಗ್ ವನಸ್ ದ ವ್ಯವಸ್ಥೆ ಮಲ್ತುದಿತ್ತೆರ್..ಈ ಸರ್ತಿ ಭಿಕ್ಷುಕೆರೆಗ್ ,ಮಾನಸಿಕ ಅಸ್ವಸ್ಥೆರೆಗ್,ಗತಿದಾಂತೆನಕಲೆಗ್ ಬಂಜಿದ ಬಡಾವು ತೆಕ್ಕಾವೊಂದುಲ್ಲೆರ್..ಮೆರೆನ ಈ ಎಡ್ಡೆ ಬೇಲೆಗ್ ಒಡಿಪುದ ದಾನಿಲು ಸಹಕಾರ ಕೊರೊಂದುಲ್ಲೆರ್.

ನಿರಂತರ ಸಮಾಜಸೇವೆಡ್ ತ್ರಪ್ತಿ ಪಡೆಯುನ ಅನ್ಸಾರ್ ಮೆರೆನ ಈ ಬೇಲೆನ್ ನಿಜವಾದುಲಾ ಮೆಚ್ಚೊಡಾಯಿನವು.

ಮುಸ್ಲಿಂ ಬಾಂಧವೆರಾಯಿನ ಅನ್ಸಾರ್ ಅಹಮದ್ ಇತ್ತೆ ರಮ್ಜಾನ್ ದ ಪೊರ್ತುಡ್ ತಾನ್ ಉಪವಾಸ ಇತ್ತುಂಡಲಾ ನಿರ್ಗತಿಕೆರ್ ಬಂಜಿಗ್ ದಾಂತೆ ಉಪ್ಪರೆ ಬಲ್ಲಿ ಪಂಡುದ್ ತನ್ನ ದೋಸ್ತಿಲೆನ ಒಟ್ಟುಡ್ ಸೇರೊಂದ್ ಈ ಎಡ್ಡೆ ಕಜ್ಜೊನ್ ಮಲ್ತೊಂದುಲ್ಲೆರ್..ಮೊಕಲೆನ ಎಡ್ಡೆ ಕಜ್ಜೊಗ್ ದೇವೆರ್ನ ಬೆರಿಬಲ ಉಪ್ಪಡ್ ಪಂಡುದ್ ನಮ ನಟ್ಟೊನುಗಾ.ಕೋಡೆ ಸುಮಾರ್ 250 ಜನ ನಿರ್ಗತಿಕೆರೆಗ್ ವನಸ್ ದ ವ್ಯವಸ್ಥೆ ಮಲ್ತುದೆರ್.ಕೊರೊನಾ ಲಾಕ್ ಡೌನ್ ಮುಗಿಯಮುಟ್ಡ ಒಡಿಪುಡುಪ್ಪುನ ಗತಿದಾಂತಿನಕಲೆಗ್ ವನಸ್ ದ ವ್ಯವಸ್ಥೆನ್ ಈ ಜವನೆರೆನ ತಂಡ ಮಲ್ಪುವೆರೆಗೆ.

ಕುಡ್ಲಡ್ ಬುಧವಾರ ಜಾಸ್ತಿ ಸಂಖ್ಯೆಡ್ ಸೋಂಕು ಪತ್ತೆ

ಕುಡ್ಲ, ಎಪ್ರಿಲ್ 29: ಕುಡ್ಲಡ್ ಬುಧವಾರ 664 ಜನಕ್ ಕೊರೊನಾ ಸೋಂಕು ಬೈದುಂಡು . ಅಂಚನೇ 256 ಜನ ಸೋಂಕಿತೆರ್ ಬುಧವಾರ ಹುಷಾರ್ ಆದ್ ಪೋತೆರ್ . ದಕ್ಷಿಣ ಕನ್ನಡ ಡ್ ಬುಧವಾರ ವರದಿಯಾಯಿನ 664 ಕೊರೊನಾ ವೈರಸ್‌ ಪ್ರಕರಣ ಸೇರಿನಂಚ ಪೇಂಟೆಡ್ ಒಟ್ಟು ಕೊರೊನಾ ಸೋಂಕು ಪ್ರಕರಣದ ಲೆಕ್ಕ 42,729 ಕ್ಕ್ ಏರಿಕೆಯಾತುಂಡು .

ಈ ಪೈಕಿ 4694 ಪ್ರಕರಣ ಸಕ್ರಿಯ ಆದುಂಡು ಒಟ್ಟು 7,29,742 ಮಾದರಿಲೆನ್ ಒಟ್ಟು ಮಲ್ದೆರ್ ಐಟ್ 687013 ಮಾದರಿ ನೆಗೆಟಿವ್‌ ಬೈದುಂಡು .

ಪಿಎಂ ಕೇರ್ಸ್ ನಿಧಿರ್ದ್ 1 ಲಕ್ಷ ಆಕ್ಸಿಜನ್ ಕಾನ್ಸಂಟ್ರೇಟರ್‌ ಲೆನ್ ಖರೀದಿ ಮಲ್ಪರೆ ಪ್ರಧಾನಿ ನರೇಂದ್ರ ಮೋದಿ ಆದೇಶ

ನವದೆಹಲಿ, ಎಪ್ರಿಲ್ 29: ಪಿಎಂ ಕೇರ್ಸ್ ನಿಧಿದ ಕಾಸ್ ರ್ದ್ 1 ಲಕ್ಷ ಆಕ್ಸಿಜನ್ ಕಾನ್ಸಂಟ್ರೇಟರ್‌ಲೆನ್ ಖರೀದಿ ಮಲ್ಪರೆ ಪ್ರಧಾನಿ ನರೇಂದ್ರ ಮೋದಿ ಅನುಮತಿ ಕೊರ್ತೆರ್ .

ಆತೆ ಅತ್ತoದೆ ಪಿಎಂ ಕೇರ್ಸ್ ಕಾಸ್ ರ್ದ್ ಈ ಆಕ್ಸಿಜನ್ ಕಾನ್ಸಂಟ್ರೇಟರ್‌ಲೆನ್ ಆಯಿನಾತ್ ಬೇಗ ದೆತೊನೊಡು ಅಂಚನೇ ಅವೆನ್ ಜಾಸ್ತಿ ಕೊರೊನಾ ಕೇಸ್‌ ತೊಜಿದ್ ಬತ್ತಿನ ರಾಜ್ಯಗ್ ಕೊರೊಡು ಪಂದ್ ಪ್ರಧಾನಿ ಮೋದಿ ಆದೇಶ ಕೊರ್ತೆರ್ .

ಜಾಸ್ತಿ ಸೋಂಕು ಪ್ರಕರಣ ಪತ್ತೆ ಆವೊಂದು ಉಪ್ಪುನ ದೆಹಲಿ, ಮಹಾರಾಷ್ಟ್ರ, ಉತ್ತರ ಪ್ರದೇಶ, ಕರ್ನಾಟಕ ರಾಜ್ಯಗ್ ಈ ಆಕ್ಸಿಜನ್ ಕಾನ್ಸಂಟ್ರೇಟರ್ ತಿಕ್ಕುನ ಸಾಧ್ಯತೆ ಉಂಡು.

ಶಿವಳ್ಳಿ ಕುಟುಂಬ ಆಫ್ ನಾರ್ಥ್ ಅಮೇರಿಕಾ’ ಉದಿಪನ

ಫಿಲಡೆಲ್ಫಿಯಾ (ಅಮೆರಿಕ) : ಒಡಿಪು, ದಕ್ಷಿಣಕನ್ನಡ, ಕರಾವಳಿ ಬೊಕ್ಕ ಮಲಬಾರ್ ಪ್ರದೇಶೊರ್ದು ಬತ್ತ್‌ದ್ ಉತ್ತರ ಅಮೆರಿಕದ ಅಲ್ಪಲ್ಪ ವಾಸ ಮಲ್ಪುನ ಶಿವಳ್ಳಿ ಮೂಲದ ಕುಟುಂಬದಕುಲು ಏ.೧೭ ಶನಿಯಾರ ನಡತಿನ ಸೌರಮಾನ ಯುಗಾದಿ ಆಚರಣೆ’ದ ಪೊರ್ತುಡು ಶಿವಳ್ಳಿ ಕುಟುಂಬ ಆಫ್ ನಾರ್ಥ್ ಅಮೇರಿಕಾ’ ಪನ್ಪಿನ ಸಂಘಟನೆನ್ ಉದಿಪನ ಮಲ್ದೆರ್.

ಪುತ್ತಿಗೆ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮಿಲು ಆಶೀರ್ವಚನ ಮಲ್ತೆರ್. ಸದ್ಯದ ಕೋವಿಡ್ ಕಾರಣೊರ್ದಾತ್ರ ಝೂಮ್ ಆಪ್‌ಡ್ ವರ್ಚುವಲ್ ಆದ್ ನಡತಿನ ಈ ಲೇಸ್‌ಡ್ ಕಮ್ಮಿಡ್ಲ ೪೦೦ ಜನ ಶಿವಳ್ಳಿ ಕುಟುಂಬದಕುಲು ಅಕಲ್ನಕಲ್ನ ಇಲ್ಲದ ಚಾವಡಿರ್ದೇ ಪಾಲ್ ಪಡೆದೆರ್.
ಉಂದುವೇ ಪೊರ್ತುಡು ಸಂಘದ ನಿರ್ದೇಶನ ಮಂಡಳಿ, ಕಾರ್ಯಕಾರಿ ಸಮಿತಿ, ಪ್ರಾದೇಶಿಕ ರಾಯಭಾರಿ ಬೊಕ್ಕ ಸಲಹಾ ಮಂಡಳಿಗ್ ಸದಸ್ಯೆರೆನ ನೇಮಕ ನಡತ್ಂಡ್.
ನೆರ್ದ್ ದುಂಬು ಅಟ್ಲಾಂಟ ಶ್ರೀ ಕೃಷ್ಣ ವೃಂದಾವನದ ಪ್ರಧಾನ ಅರ್ಚಕೆರ್ ಜಯಪ್ರಸಾದ್ ಅಮ್ಮಣ್ಣಾಯೆರ್‍ನ ಮುತಾಲಿಕೆಡ್ ಪಂಚಾಂಗ ಶ್ರವಣ, ಮಂಗಳಸ್ತುತಿ, ಮಂಗಳಾರತಿ ನಡತ್ಂಡ್.
ಪದಾಧಿಕಾರಿಲು:
ಶಿವಳ್ಳಿ ಕುಟುಂಬ ಆಫ್ ನಾರ್ಥ್ ಅಮೇರಿಕಾದ ರಡ್ಡನೇ ವರ್ಸದ ಅವಧಿಗ್ ಪೊಸ ಗುರ್ಕಾರೆರಾದ್ ಪ್ರಶಾಂತ್ ಮಟ್ಟು (ಡೆಟ್ರಾಯ್ಟ್) ಒತ್ತು ಗುರ್ಕಾರೆರಾದ್ ಸಂತೋಷ್ ಗೋಳಿ( ಡೆಟ್ರಾಯ್ಟ್), ಕಾರ್ಯಂತೆರಾದ್ ಪ್ರಕಾಶ್ ಉಡುಪ (ಆಸ್ಟಿನ್), ಪಣವುದ ಗುರ್ಕಾರ್ದಿಯಾದ್ ರಕ್ಷಿತಾ ರಾವ್ ಮಟ್ಟಿ (ನ್ಯೂಜೆರ್ಸಿ) ನೇಮಕ ಆತೆರ್.
ಸಮಿತಿಲೆನ ಮುಖ್ಯಸ್ಥೆರಾದ್ ನೇಮಕ ಆಯಿನಕಲ್ನ ಪೊಲಬು ಇಂಚ ಉಂಡು. ಅರುಣ್ ರಾವ್ ಆರೂರು, ಮಿಚಿಗನ್ ( ಶೈಕ್ಷಣಿಕ ಸಮಿತಿ), ಸುಪ್ರಿಯ ಕುಣಿಕುಳ್ಳಾಯ, ನ್ಯೂಜೆರ್ಸಿ(ಸಾಂಸ್ಕೃತಿಕ) ಶುಭಾ ರಾವ್, ಆಸ್ಟಿನ್(ಧಾರ್ಮಿಕ ಬೊಕ್ಕ ಸಂಪ್ರದಾಯ), ಮೋಹನ್ ಹೆಬ್ಬಾರ್, ಮಿಸೌರಿ(ಸಮಾಜ ಸೇವೆ), ರೋಹಿತ್ ವಿ. ಒಂಟಾರಿಯೊ, ಕೆನಡಾ(ಮಾಹಿತಿ ತಂತ್ರಜ್ಞಾನ) ಬೊಕ್ಕ ಶ್ರೀವತ್ಸ ಬಲ್ಲಾಳ್, ಫಿಲಡೆಲ್ಪಿಯ( ಹಿರಿಯೆರ್‍ನ ಚಾವಡಿ ಬೊಕ್ಕ ಜವನೆರ್‍ನ ವೇದಿಕೆ).ಆಡಳಿತ ಮಂಡಳಿ ನಿರ್ದೇಶಕೆರ್‍ನ ತಂಡದ ಗುರ್ಕಾರ್ಲು ಆದ್ ಶ್ರೀಶ ಜಯಸೀತಾರಾಂ (ಚಿಕಾಗೊ) ಆಯ್ಕೆ ಆತೆರ್. ನಿರ್ದೇಶಕೆರಾದ್ ನಗರಿ ಶ್ರೀರಂಗ ಆಚಾರ್ಯ(ಡೆಟ್ರಾಯ್ಟ್) ಕಾಂತಿ ಚಂದ್ರಶೇಖರ್(ಕೆಂಟಕಿ), ಶ್ರೀನಿವಾಸ್ ಮಟ್ಟು (ಒಂಟಾರಿಯೊ,ಕೆನಡ) ಚೇತನಾ ಕೆ.(ಒಹಾಯೊ) ಪ್ರಶಾಂತ ಮಟ್ಟು (ಡೆಟ್ರಾಯ್ಟ್) ಆಯ್ಕೆ ಆತೆರ್.

ಪ್ರಾದೇಶಿಕ ಸಮಿತಿ ಅಧ್ಯಕ್ಷೆರಾದ್ ಭಾಗ್ಯಜ್ಯೋತಿ ಅರುಣ್(ಮೆಸಾಚುಸೆಟ್ಸ್), ಬಾಲಕೃಷ್ಣ ರಾವ್(ಜಾರ್ಜಿಯಾ), ಹರೀಶ್ ರಾವ್, ಮಿಚಿಗನ್) ಅನಿತಾ ಶ್ರೀಕಾಂತ್, ಇಂಡಿಯಾನಾ, ಅನಿತಾ ಆಚಾರ್ಯ(ನಾರ್ಥ್ ಕೆರೊಲಿನಾ), ಶ್ಯಾಮಸುಂದರ್(ಟೆಕ್ಸಾಸ್) ಬೊಕ್ಕ ವಿನಿತಾ ಭಟ್ (ಟೆಕ್ಸಾಸ್) ಆಯ್ಕೆ ಆತೆರ್.
ಗೌರವಾನ್ವಿತ ಸಲಹಾ ಸಮಿತಿ ಸದಸ್ಯೆರಾದ್ ಎಸ್.ವಿ.ಆಚಾರ್ಯ(ಮೇರಿಲ್ಯಾಂಡ್), ಬಾಲಕೃಷ್ಣ ರಾವ್(ಪೆನ್ಸಿಲ್ವೇನಿಯಾ), ನಾಗರಾಜ್‌ಉಪಾಧ್ಯ(ಟೆಕ್ಸಾಸ್), ಡಾ.ಮನಮೋಹನ್ ಕಟಪಾಡಿ(ಒಹಾಯೊ), ಡಾ.ರಾಜೇಂದ್ರ ಕೆದ್ಲಾಯ (ಇಂಡಿಯಾನಾ ಪೊಲಿಸ್) ಬೊಕ್ಕ ಶ್ರೀನಿವಾಸ ಭಟ್ (ಟೆಕ್ಸಾಸ್) ನೇಮಕ ಆತೆರ್.ಕುಟುಂಬದ ಸುರೂತ್ತ ಕೂಟದ ಅಂಗವಾದ್ ಬಯ್ಯಡ್ ಸಾಂಸ್ಕೃತಿಕ ಕಾರ್ಯಕ್ರಮೊಡು ನೃತ್ಯ, ಸಂಗೀತ, ವಾದ್ಯವೃಂದ, ಪ್ರತಿಭಾ ಪ್ರದರ್ಶನ ನಡತ್ಂಡ್.
ಅಮೆರಿಕ ಅತ್ತ್‌ಡ ವಿದೇಶೊಡು ಪುಟ್ಟುದು ಬುಳೆವುಂದುಪ್ಪುನ ಶಿವಳ್ಳಿ ಹಿನ್ನೆಲೆದ ಕುಟುಂಬಿಕೆರ್ ಶಿವಳ್ಳಿ ಸಂಪ್ರದಾಯ, ಸಂಸ್ಕೃತಿ ಉಂದೆನ್ ಮಾತ ಒರಿಪಾದ್ ಬುಳೆಪಾವುನ ಉದ್ದೇಶ ಅತ್ತಾಂದೆ ಸಮಾಜ ಸೇವೆ, ಸಾಂಸ್ಕೃತಿಕ ಕ್ಷೇತ್ರೊಡು ಮಸ್ತ್ ಕೆಲಸ ಮಲ್ಪುನ ಉದ್ದೇಶೊಡು ಗುರ್ಕಾರೆ ಪ್ರಶಾಂತ್ ಮಟ್ಟು ಬೊಕ್ಕ ಒತ್ತು ಗುರ್ಕಾರೆ ಸಂತೋಷ್ ಗೋಳಿ ಮೊಕ್ಲೆನ ದೂರದರ್ಶಿತ್ವದ ಫಲವಾದ್ ಶಿವಳ್ಳಿ ಕುಟುಂಬ ಆಫ್ ನಾರ್ಥ್ ಅಮೇರಿಕಾ’ ಸ್ಥಾಪನೆ ಆತ್ಂಡ್.
ವರದಿ : ಶ್ರೀವತ್ಸ ಬಲ್ಲಾಳ್, ಫಿಲಡೆಲ್ಫಿಯಾ, ಅಮೆರಿಕ

ಯೋಗಡ್ ಗಿನ್ನಿಸ್ ದಾಖಲೆ ಮಲ್ತಿನ ಒಡಿಪುದ ರೇಣುಕಾ

ಒಡಿಪು, ಎಪ್ರಿಲ್ 29: ಯೋಗ ಮಲ್ತುಂಡ ರೋಗ ಇಜ್ಜಿ ಪನ್ಪಿನ ಉಕ್ತಿ ಉಂಡು . ದೇಶಡ್ ಇತ್ತೇ ಯೋಗ ಕೇವಲ ಯೋಗ ಆದ್ ಒರಿದುಜಿ ಅಂತರರಾಷ್ಟ್ರೀಯ ಮಟ್ಟದ ಜನಕ್ಲೆನ್ ಭಾರತಗ್ ಲೆಪ್ಪುನoಚಿನ ಮಾಧ್ಯಮ ಆದುಂಡು . ಯೋಗ ಮಾತಾ ಸೀಕ್ ಗ್ ಮರ್ದ್ ಪಂದ್ ಪನ್ಪೆರ್. ಯೋಗಾಭ್ಯಾಸಡ್ ನಿರಂತರ ದಾಖಲೆ ಆವೊಂದು ಉಂಡು , ಒಡಿಪುದ ಗೃಹಿಣಿ ಗಿನ್ನಿಸ್ ದಾಖಲೆ ಮಲ್ದೆರ್ .

ಭಾರತದ ಯೋಗ ಇತ್ತೆ ವಿಶ್ವ ಮಟ್ಟ ಡ್ ಮಾನದಿಗೆ ಪಡೆಯೊಂದು ಉಂಡು. ವಿದೇಶದ ಜನಕುಲು ಯೋಗಾಭ್ಯಾಸಗ್ ಮರುಳಾದ್ ಆರೋಗ್ಯ ವೃದ್ಧಿ ಆವೊಂದು ಉಂಡು . ಈ ನಡುಟು ಒಡಿಪುದ ಗೃಹಿಣಿಯೊರ್ತಿ ನಿರಂತರ ಯೋಗಾಭ್ಯಾಸ ಮುಖೇನ ದಾಖಲೆ ಮಲ್ದೆರ್ . ಕಾಂಡೆದ ಪೊರ್ತುಡು ಕಡಲ ಬರಿಟ್ ನಿರಂತರ ಯೋಗಾಭ್ಯಾಸ ಮಲ್ಪುನ ರೇಣುಕಾ ಪನ್ಪಿನ ಪೊಂಜೊವ್ ಯೋಗಡ್ ಸಾಧನೆ ಮಲ್ಪೊಡು ಪನ್ಪಿನ ಕನ ಕಟ್ಟ್ದ್ ಇತ್ತೆರ್.

ಕರ್ನಾಟಕ ಕಲಾಶ್ರೀ ಪುರಸ್ಕೃತೆರಾಯಿನ ವಿದ್ವಾನ್ ಮಧೂರು ಪಿ. ಬಾಲಸುಬ್ರಹ್ಮಣ್ಯಂ ಮೆರೆಗ್ ಶ್ರೀಕೃಷ್ಣಾನುಗ್ರಹ ಪ್ರಶಸ್ತಿ

ಒಡಿಪು, ಎಪ್ರಿಲ್ 28: : ಪರ್ಯಾಯ ಶ್ರೀ ಅದಮಾರು ಮಠ ಶ್ರೀಕೃಷ್ಣ ಮಠದ ಸರ್ವಜ್ಞ ಪೀಠಾಧಿಪತಿ ಶ್ರೀ ವಿಶ್ವಪ್ರಿಯ ತೀರ್ಥ ಶ್ರೀಪಾದೆರ್ , ಶ್ರೀರಾಮ- ಹನುಮದುತ್ಸವದ ಪೊರ್ತುಡು ಕಾಂಚನ ಪರಂಪರೆದ ಕರ್ನಾಟಕ ಸಂಗೀತ ಗುರು ಅಂಚನೇ ಈ ಸಾಲ್ ದ ಕರ್ನಾಟಕ ಕಲಾಶ್ರೀ ಪುರಸ್ಕೃತೆರಾಯಿನ ವಿದ್ವಾನ್ ಮಧೂರು ಪಿ. ಬಾಲಸುಬ್ರಹ್ಮಣ್ಯಂ ಮೆರ್ನ ಸಂಗೀತ ಸೇವೆನ್ ಗುರ್ತಿಸಾದ್ ಶ್ರೀಕೃಷ್ಣಾನುಗ್ರಹ ಪ್ರಶಸ್ತಿ ಕೊರ್ದು ಮಾನದಿಗೆ ಮಲ್ತೆರ್.

ಬೊಕ್ಕ ಪಾತೆರಿನ ಆರ್ ಮಧೂರು ಮೇರ್ ತನ್ನ ಮಾತಾ ಏಳಿಗೆಗ್ಲಾ , ಸಂಗೀತಾರಾಧನೆಗ್ ಒಡಿಪು ಶ್ರೀ ಕೃಷ್ಣನೇ ಕಾರಣ. ಶ್ರೀಕೃಷ್ಣನ ಅನುಗ್ರಹ ಬೊಕ್ಕ ಶ್ರೀಲೆನ ಆಶೀರ್ವಾದರ್ದ್ ತಾನ್ ಧನ್ಯ ಪಂದ್ ಪಂಡೆರ್ .

ಐರ್ದ್ ಬೊಕ್ಕ ಸುಮಾರ್ ಮೂಜರೆ ಗಂಟೆ ಮಧೂರು ಮೆರೆರ್ದ್ ಸಂಗೀತಾರ್ಚನೆ ನಡತುಂಡು . ಪಕ್ಕವಾದ್ಯಡ್ ವಿದ್ವಾನ್ ಶ್ರೀಧರ ಆಚಾರ್ಯ (ವಯೋಲಿನ್) ಬೊಕ್ಕ ವಿದ್ವಾನ್ ಬಾಲಚಂದ್ರ ಭಾಗವತ್ (ಮೃದಂಗ) ಸಾಕಾರ ಕೊರಿಯೆರ್ .

You Missed