ಆರ್ ಟಿಐ ಕಾರ್ಯಕರ್ತ ಶಂಕರ್ ಶಾಂತಿ ನ ಮಿತ್ತ್ ನಡತಿನ ಮಾರಣಾoತಿಕ ಹಲ್ಲೆನ್ ಖಂಡಿಸಾದ್ ಒಡಿಪು ಜಿಲ್ಲಾ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲಾ ಜೈನಸಮಾಜರ್ದ್ ಜಿಲ್ಲಾಧಿಕಾರಿಗ್ ಮನವಿ
ತುಳುನಾಡ್ ದ ಪಿರಾಕ್ ದ ರಾಜಧಾನಿ ಒಡಿಪು ಜಿಲ್ಲೆದ ಬಾರ್ಕೂರುಡು ಜೈನ ಅರಸೆರ್ನ ಕಾಲಡ್ ಸುಮಾರ್ ಮುನ್ನುದೆರ್ದ್ ಲಾ ಜಾಸ್ತಿ ಬಸದಿದ ದೇವಸ್ಥಾನದ ನಿರ್ಮಾಣ ಆತುಂಡು ಇಂದು ಶಿಲಾಶಾಸನದ ಮುಖೇನ ನಂಕ್ ತೆರಿದ್ ಬರ್ಪುಂಡು.ನೆಟ್ಟ್ ಬ್ರಹ್ಮಾವರ ತಾಲೂಕು ಕೋಟ ಹೋಬಳಿದ ಹೊಸಾಳ ಗ್ರಾಮದ ವ್ಯಾಪ್ತಿದ ಸಾರತ್ತ ಇರ್ನ್ನೂದು ವರ್ಷದಾತ್ ಪಿರಾಕ್ ದ ಭಗವಾನ್ ಶ್ರೀ ಪಾರ್ಶ್ವನಾಥ ಸ್ವಾಮಿ ಬಸದಿ ಬೊಕ್ಕ ಶ್ರೀ ಆದಿನಾಥ ಸ್ವಾಮಿ ಬಸದಿ ಲು ಸೇರ್ದುಂಡು.ಈ ಪ್ರದೇಶನ್ ಅವ್ವೆತೋ ಜನಕುಲು ಉಲಯಿ ಪಾರ್ದ್ ಬಸದಿದ ಪ್ರದೇಶನ್ ಗೊಬ್ಬರ ಪಾಡರೆ ಟಾಯ್ಲೆಟ್ ಗುಂಡಿ ಮಲ್ತ್ ದ್ ಕಜವು ಪಾಡರೆ ಉಪಯೋಗ ಮಲ್ತೊಂದು ಉಲ್ಲೆರ್. ಆಕ್ರಮಿತ ಪ್ರದೇಶನ್ ಇತ್ತೆ ಬಾರ್ಕೂರುದ ಜೈನ ಸಮಾಜದ ಮನವಿದ ಪ್ರಕಾರ ತಹಶೀಲ್ದಾರೇರ್ ಸರ್ವೇ ಮಲ್ದೆರ್ ಒತ್ತುವರಿ ಮಲ್ದಿನ ಬಗ್ಗೆ ಸರ್ವೆ ವರದಿಯಲ್ಲಿ ತೊಜಿದ್ ಬೈದುಂಡು ಅತಿಕ್ರಮಣದಾರೆರೆಗ್ ಅತಿಕ್ರಮಣ ತೆರವು ಮಲ್ಪೊಡು ಪಂದ್ ನೋಟೀಸ್ ಲಾ ಕಡಪಾದೆರ್ ..ಆಂಡ ಇತ್ತೆ ಮುಟಲ ಸ್ವಾದಿನತೆ ಬುರ್ದು ಕೊರ್ತುಜೆರ್.
ಜೈನ ಸಮಾಜ ಈ ಬಸದಿದ ರಕ್ಷಣೆಗ್ ಕಾರ್ಯಪ್ರವೃತ್ತರಾತೆರ್ ಬಾರಕೂರುದ ಕಾರ್ಯಕರ್ತ ಶಂಕರ ಶಾಂತಿಮೇರ್ ದಾಖಲೆನ್ ಒದಗಿಸಾಯರೇ ಸಹಕಾರ ಕೊರ್ತೆರ್. ಅಂಚದ್
ಆರ್ಟಿಐ ಕಾರ್ಯಕರ್ತ ಶಂಕರ್ ಶಾಂತಿ ಮೆರ್ನ ಮಿತ್ತ್ ಮಾರಣಾಂತಿಕ ಹಲ್ಲೆ ನಡತುದು ಇತ್ತ್ oಡ್ .ಬಸದಿನ್ ಉಲಯಿ ಪಾರ್ದಿನ ಜಾಗೆನ್ ತಕ್ಷಣ ನೇ ತೆರವು ಮಲ್ತ್ ದ್ ತಂತಿಬೇಲಿನ್ ಪಾರ್ದ್ ತಾತ್ಕಾಲಿಕ ರಕ್ಷಣೆ ಕೊರೊಡು ಪಂದ್ ಅಂಚನೇ ಆರ್ ಟಿಐ ಕಾರ್ಯಕರ್ತ ಶಂಕರ್ ಶಾಂತಿ ಮೆರ್ನ ಮಿತ್ತ್ ನಡತಿನಮಾರಣಾoತಿಕ ಹಲ್ಲೆನ್ ಖಂಡಿಸಾದ್ ಆರೋಪಿಲೆನ್ ಪತ್ತೋಡು ಪಂದ್ ಒಡಿಪು ಜಿಲ್ಲಾ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲಾ ಜೈನಸಮಾಜ ಅಂಚನೇ ಜೈನ್ ಮಿಲನೆರ್ ಆಗ್ರಹಿಸಾದ್ ಜಿಲ್ಲಾಧಿಕಾರಿ ಉಡುಪಿ ಮೇರೇಗ್ ಮನವಿ ಮಲ್ತೆರ್.
ಉಡುಪಿ,ಕಾರ್ಕಳ,ಬಜಗೋಳಿ, ಮೂಡಬಿದರೆ ಪುತ್ತೂರು,ಪಡಂಗಡಿ ರಾಣಿ ಅಬ್ಬಕ್ಕ ಮಹಿಳಾ ಸಂಘ ಬೊಕ್ಕ ಜೈನ ಸಮಾಜದ ಜೈನ ಬಾಂಧವೆರ್ ಪಾಲ್ ಪಡೆದಿತ್ತೆರ್.ಅಂಚನೇ ಹಲ್ಲೆ ಆಯಿನ ಶಂಕರ್ ಶಾಂತಿ ಮೆರೆನ್ ಸರಕಾರಿ ಆಸ್ಪತ್ರೆಗ್ ಲೆತೊಂದು ಪೋದು ಆರೋಗ್ಯ ತೆರಿದ್ ಐರ್ದ್ ಬೊಕ್ಕ ಹೆಚ್ಚುವರಿ ಪೊಲೀಸ್ ಅಧಿಕ್ಷಕೆರೆಗ್ ಶೀಘ್ರ ಕ್ರಮ ದೆತೊನೊಡು ಪಂದ್ ಮನವಿ ಮಲ್ತೆರ್ .
ಶ್ರೀಯುತೆರಾಯಿನ ಕೆ.ಪ್ರಭಾಕರ್ ಶೆಟ್ಟಿ , ತಾರಾನಾಥ್ ಶೆಟ್ಟಿ, ಕೃಷ್ಣ ಶೆಟ್ಟಿಗಾರ್, ಸುಧೇಶ್, ಮಂಜುನಾಥ್ ಈ ಲೇಸ್ ಡ್ ಪಾಲ್ ಪಡೆದಿತ್ತೆರ್.
ಮಾರ್ಚ್ 7 ತಾರೀಖ್ ಗ್ ಐತಾರ ಕಾಂಡೆ 9.30 ರ್ದ್ ರಾತ್ರಿ 8.00 ಗಂಟೆ ಮುಟ ಲೇಸ್ ಅಟ್ಟನೆ ಮಲ್ದೆರ್.ಲೇಸ್ ದ ಉದಿಪನನ್ ಕೇಂದ್ರ ಸಚಿವ ಡಿ. ವಿ. ಸದಾನಂದ ಗೌಡ ಮೇರ್ ನಡಪಾಯರೇ ಉಲ್ಲೆರ್. ಈ ಪೊರ್ತುಡು ಮಾತೆರ್ಲ ಪಾಲ್ ಪಡೆದ್ ಅಂಚನೇ ತಮ್ಮ ಸಂಘಟನೆದ ಸರ್ವ ಸದಸ್ಯೆರೆನ್ ಲೆತೊಂದು ಈ ಲೇಸ್ ಡ್ ಪಾಲ್ ಪಡೆಯೋಡು ಪಂದ್ ಪ್ರಕಟಣೆಗ್ ತೆರಿ ಪಾದೆರ್.
