ಉಡುಪಿದ ಸುದ್ದಿ | Udupi News

ಮುಲ್ಕಿ : ಮಾ.15 ತಾರೀಕ್ ರ್ದ್ ಷಟಲ್ ಬಸ್ ಬಂದ್

ಮುಲ್ಕಿ : ಪೆಜಮಾಡಿ ಟೋಲ್ ಗೇಟ್ ದಲ್ಪ ಉಲಯಿ ರಸ್ತೆಡ್ ಸಂಚಾರ ಮಲ್ಪುನ 32 ಷಟಲ್ ಬಸ್ ಕ್ಕ್ ಲೆನ ಸಂಚಾರೊನು ಮಾ.15 ತಾರೀಕ್ ರ್ದ್ ಬಂದ್ ಮಲ್ಪರೆ ಕೆನರಾ ಷಟಲ್ ಬಸ್ ಸರ್ವಿಸ್ , ಒಡಿಪು ಉಂದೆತ್ತ ಒಡಿಪು-ಕುಡ್ಲ ವಲಯ ಎಚ್ಚರಿಕೆ ಕೊರ್ತುಂಡು.ಮುಲ್ಕಿಡ್ ಬುಧಾರ ನಡತಿನ ಸುದ್ದಿಗೋಷ್ಠಿಡ್ ಈ ವಿಷಯೊನು ಕೆನರಾ ಬಸ್ ಮಾಲಿಕೆರ್ನ ಸಂಘದ ಉಪಾಧ್ಯಕ್ಷೆರ್, ಕಿನ್ನಿಗೋಳಿ ಬಸ್ ಮಾಲಕೆರ್ನ ಸಂಘದ ಅಧ್ಯಕ್ಷೆರ್ ದುರ್ಗಾ ಪ್ರಸಾದ್ ಹೆಗ್ಡೆ ತೆರಿಪಾಯೆರ್.ಪೆಜಮಾಡಿ ಟೋಲ್ ಗೇಟ್ ದಕುಲು ಉಲಯಿ ರಸ್ತೆಡ್ ಪೋಪಿನ ಷಟಲ್ ಬಸ್ ಕ್ಕ್ ಲೆಗ್ ಫಾಸ್ಟ್ಯಾಗ್ ಪಂಡ್ ದ್ ಪ್ರತಿ ಟ್ರಿಪ್ ಗ್ಲ ಶುಲ್ಕ ದೆತೊನುವೆರ್. ದಿನೊರ್ದು ದಿನ ಡೀಸೆಲ್ ರೇಟ್, ರೋಡ್ ಟ್ಯಾಕ್ಸ್ ಎಚ್ಚಾವೊಂದುಂಡು. ಕುಡ ಅಯಿತ ಮಿತ್ತ್ ಟೋಲ್ ಗ್ ದುಡ್ಡು ಕಟ್ಟ್ ದ್ ಎಂಕ್ಲೇಗ್ ಬಸ್ ನಡಪುಡ್ರೆ ಸಾಧ್ಯ ಇಜ್ಜಿ. ಈ ವಿಷಯೊನು ಫೆ.22 ಕ್ಕ್ ನಡತಿನ ಒಡಿಪು ಜಿಲ್ಲಾಧಿಕಾರಿಲೆನ ಸಭೆಟ್ಟ್ ಬಿನ್ನೈತ ಮಲ್ಪುನಗ ಡೀಸಿನ ಎದುರು ಟೋಲ್ ಅಧಿಕಾರಿಲು ಸಮಸ್ಯೆ ಪರಿಹಾರ ಮಲ್ಪುನ ಭರವಸೆ ಕೊರ್ತೆರ್. ಆಂಡ ಇನಿಮುಟ್ಟ ಸಮಸ್ಯೆಗ್ ಸ್ಪಂದನೆ ಮಲ್ದ್ ಜೆರ್. ಅಂಚಾದ್ ಮಾ.15 ಸೋಮಾರೊರ್ದು ಅನಿರ್ದಿಷ್ಟಾವಧಿ ಮುಟ್ಟ ಬಸ್ ಸಂಚಾರ ಬಂದ್ ಮಲ್ಪುವ ಪಂಡೆರ್.

ಒಡಿಪು-ಕುಡ್ಲ ವಲಯದ ರಾಷ್ಟ್ರೀಯ ಹೆದ್ದಾರಿ ಹೋರಾಟ ಸಮಿತಿದ ಸಂಚಾಲಕೆರ್ ಶೇಖರ್ ಹೆಜ್ಮಾಡಿ ಪಾತೆರ್ದ್, ಈ ಸಮಸ್ಯೆ ಪರಿಹಾರ ಮಲ್ತ್ ಜೆರ್ಡ ಸಾಸ್ತಾನೊರ್ದು ತೊಕ್ಕೊಟ್ಟು ಮುಟ್ಟದ ಸಂಘಟದಕಲ್ನ ಸಕಾಯೊಡು ಪೆಜಮಾಡಿ ಟೋಲ್ ಗೇಟ್ ಗ್ ಪೊಗ್ಗುದು ಪ್ರತಿಭಟನೆ ಮಲ್ಪುವ ಪಂಡೆರ್.ಮುಲ್ಕಿ ನಾಗರಿಕ ಹಿತರಕ್ಷಣೆ ಸಮಿತಿದ ಅಧ್ಯಕ್ಷೆರ್ ಹರೀಶ್ ಪುತ್ರನ್ ಪಾತೆರ್ದ್, ಬಸ್ ತಕಲ್ನ ಹೋರಾಟೊಗು ಬೆರಿಸಾಯ ಕೊರ್ಪ ಪಂಡೆರ್.ಕೆನರಾ ಬಸ್ ಮಾಲಿಕೆರ್ನ ಸಂಘದ ಕಾರ್ಯದರ್ಶಿ ರಾಜೇಶ್ ಶೆಟ್ಟಿ, ಪೆಜಮಾಡಿ ನಾಗರಿಕ ಕ್ರಿಯಾ ಸಮಿತಿದ ಅಧ್ಯಕ್ಷೆರ್ ಸುಧಾಕರ ಕರ್ಕೇರ, ಕಿಲ್ಪಾಡಿ ಗ್ರಾಮ ಪಂಚಾಯ್ತಿ ಉಪಾಧ್ಯಕ್ಷೆರ್ ಗೋಪಿನಾಥ್ ಪಡಂಗ, ಮುಲ್ಕಿ ನಾಗರಿಕ ಸಮಿತಿದ ಉಪಾಧ್ಯಕ್ಷೆರ್ ಸದಾಶಿವ ಹೊಸದುರ್ಗ, ಕೋಶಾಧಿಕಾರಿ ಸುರೇಶ್ ಶೆಟ್ಟಿ ಬೊಕ್ಕ ಬಸ್ ಮಾಲೀಕೆರ್ ಇತ್ತೆರ್.

ಕ್ರಿಕೆಟ್ ಪಂತೋಡು ಕೋಡಿ ಬ್ಯಾರೀಸ್ ಪ್ರಥಮ ದರ್ಜೆ ಕಾಲೇಜ್ ಕೂಟ ಸುರುತ್ತ ಇನಾಮು ಪಡೆದ್ ಜಿಲ್ಲಾಮಟ್ಟ ಗ್ ಆಯ್ಕೆ

ಕುಂದಾಪುರ, ಮಾ.10: ಮಂಗಳೂರು ವಿಶ್ವವಿದ್ಯಾನಿಲಯ ಬೊಕ್ಕ ಕುಂದಾಪುರ ಭಂಡಾರ್‌ಕಾರ್ಸ್ ಆರ್ಟ್ಸ್ ಬೊಕ್ಕ ಸೈನ್ಸ್ ಕಾಲೇಜ್ ದ ಒಟ್ಟು ಸೇರಿಗೆಡ್ ಕುಂದಾಪುರ ತಾಲೂಕು ಮಟ್ಟದ ಕ್ರಿಕೆಟ್(ಲೆದರ್ ಬಾಲ್) ಪಂತೋಡು ಕೋಡಿ ಬ್ಯಾರೀಸ್ ಪ್ರಥಮ ದರ್ಜೆ ಕಾಲೇಜು ಕೂಟ ಸುರುತ್ತ ಇನಾಮು ಪಡೆದ್ ಜಿಲ್ಲಾಮಟ್ಟಗ್ ಆಯ್ಕೆ ಆತುಂಡು.

ಸೆಮಿಫೈನಲ್‌ಡ್ ಡಾ.ಬಿ.ಬಿ.ಹೆಗ್ಡೆ ಕಾಲೇಜ್ ನ್ ಸೂಪಾದ್ ಸೋಲಿಸಿ ಫೈನಲ್ ಪೋಯಿನ ಕೂಟ , ಫೈನಲ್‌ಡ್ ಭಂಡಾರ್‌ಕಾರ್ಸ್ ಕಾಲೇಜ್ ದ ಎದುರು ಗೆಂದ್ ದ್ ಬೈದೆರ್.

ಸಂಸ್ಥೆದ ಗುರ್ಕಾರ್ಲಾಯಿನ ಕೆ.ಎಂ.ಅಬ್ದುಲ್ ರೆಹಮಾನ್, ನಿರ್ದೇಶಕ ದೋಮ ಚಂದ್ರಶೇಖರ್ ಬೊಕ್ಕ ಪ್ರಾಂಶುಪಾಲ ಡಾ.ಶಮೀರ್ ಪಾಲ್ ಪಡೆದ್ ಇತ್ತೆರ್ . ಮಹಮ್ಮದ್ ಇಲಿಯಾಸ್ ಬೊಕ್ಕ ವೀಣಾ ಅಗೇರ್ ಕೂಟಗ್ ತರಬೇತು ಕೊರ್ದಿತ್ತೆರ್.

ಕಂಬಳ ಕ್ಷೇತ್ರಡ್ ಸಾಧನೆ ಮಲ್ತಿನ ಯುವ ಪ್ರತಿಭೆ ರಾಜೇಶ್ ಆಚಾರ್ಯ ಮಾಂಟ್ರಾಡಿ ಮೆರೆಗ್ ಜೈ ತುಳುನಾಡ್ ರಿ. ಕಾರ್ಲ ಯುನಿಟ್, ವತಿರ್ದ್ ಮಾನದಿಗೆ

ಮಾರ್ಚ್ 09: ಕಂಬಳ ಕ್ಷೇತ್ರಡ್ ಸಾಧನೆ ಮಲ್ತಿನ ಯುವ ಪ್ರತಿಭೆ ರಾಜೇಶ್ ಆಚಾರ್ಯ ಮಾಂಟ್ರಾಡಿ ಮೆರೆಗ್ ಜೈ ತುಳುನಾಡ್ ರಿ. ಕಾರ್ಲ ಯುನಿಟ್, ಯಕ್ಷತೀರ್ಥ ಕಲಾಸೇವೆ ನೂರಾಳ್‌ಬೆಟ್ಟು, ಹಿಂದೂ ಜಾಗರಣ ವೇದಿಕೆ ಹೊಸ್ಮಾರು ವಲಯದ ಕಾರ್ಯಂತೆರೆರ್ದ್ ಮಾನಾದಿಗೆ ಲೇಸ್ ನಡತ್ಂಡ್.

ಈ ಪೊರ್ತುಡು ವಿಶು ಶ್ರೀಕೇರ, ಸದಾನಂದ ನೂರಾಳ್‌ಬೆಟ್ಟು, ಶೇಖರ್ ಶ್ರೀಗಂಗೆ, ಪವನ್ ಕರ್ಕೇರ, ಅಶೋಕ್ ಎಂ.ಕೆ., ಪ್ರಶಾಂತ್ ಆಚಾರ್ಯ, ಪ್ರಶಾಂತ್ ಶ್ರೀನಿಧಿ, ಸವಿತ್ ರಾಜ್, ರಾಜೇಶ್ ಆಚಾರ್ಯ ನೂರಾಳ್‌ಬೆಟ್ಟು ಮಾ.ವಿರಾಟ್ ರಾಜೇಶ್ ಆಚಾರ್ಯ ಪಾಲ್ ಪಡೆದ್ ಇತ್ತೆರ್.

ಜನೌಷಧಿ ಮಾರಾಟ ಡ್ ಒಡಿಪುಗು ಸುರುತ್ತ ಸ್ಥಾನ : ಡಾ.ಅನಿಲಾ

ಬ್ರಹ್ಮಾವರ (ಮಾ.09): ಖಾಸಗಿ ವೈದ್ಯೆರ್ ಅಕ್ಲೆನ ರೋಗಿಲೆಗ್ ಸರ್ಕಾರಿ ಜನೌಷಧಿ ಕೇಂದ್ರದ ಮುಖೇನ ಮರ್ದ್ ಶಿಫಾರಸ್ ಮಲ್ಪುಜೆರ್ ಪನ್ಪಿನ ದೂರು ಉಂಡು.ಆಂಡ ಒಡಿಪುಡು ಜನೌಷಧಿ ಶಿಫಾರಸ್ ಮಲ್ಪುನ ವೈದ್ಯರ್ನ ಸಂಖ್ಯೆ ಜಾಸ್ತಿ ಉಂಡು ,ಈ ಮುಖೇನ ಒಡಿಪು ಜಿಲ್ಲೆ ದೇಶಡ್ ಸುರುತ್ತಾ ಸ್ಥಾನಡ್ ಉಂಡು ಪಂದ್ ರಾಜ್ಯದ ಜನೌಷಧಿ ನೋಡಲ್‌ ಅಧಿಕಾರಿ ಡಾ.ಅನಿಲಾ ತೆರಿಪಾದೆರ್ .

ಕರಾವಳಿ ಕಾವಲು ಪೊಲೀಸ್ ಕೇಂದ್ರ ಕಚೇರಿಡ್ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ

ಒಡಿಪು , ಮಾ.9: ಮಲ್ಪೆ ಕರಾವಳಿ ಕಾವಲು ಪೊಲೀಸ್ ಕೇಂದ್ರ ಕಚೇರಿಡ್ ಸೋಮವಾರ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆನ್ ಆಚರಣೆ ಮಲ್ತೆರ್.ಕರಾವಳಿ ಕಾವಲು ಪೊಲೀಸ್ ಘಟಕದ ಪೊಲೀಸ್ ಅಧೀಕ್ಷಕ ಚೇತನ್ ಆರ್ ಲೇಸ್ ದ ಗುರ್ ಕಾರ್ಮೆ ವಯಿಸ್ದಿತ್ತೆರ್.

ಈ ಪೊರ್ತುಡು ಯೋಗ ಕ್ಷೇತ್ರಡ್ ಸಾಧನೆ ಮಲ್ದಿನ ರೇಣುಕಾ ಗೋಪಾಲಕೃಷ್ಣ ಪೆರಂಪಳ್ಳಿ ಮೆರೆಗ್ ಮಾನದಿಗೆ ಮಲ್ತೆರ್.ಮಲ್ಪೆಕರಾವಳಿ ಕಾವಲು ಪೊಲೀಸ್ ಠಾಣೆದ ಪೊಲೀಸ್ ಉಪನಿರೀಕ್ಷಕಿ ಪುಷ್ಪಾ ಪ್ರಾಸ್ತಾವಿಕವಾದ್ ಪಾತೆರಿಯೆರ್.

ಈ ಲೇಸ್ ಡ್ ಪೊಲೀಸ್ ಉಪಾಧೀಕ್ಷಕ ಪ್ರವೀಣ್ ಹೆಚ್. ನಾಯಕ್, ಕರಾವಳಿ ಕಾವಲು ಪೊಲೀಸ್ ಕೇಂದ್ರ ಕಚೇರಿದ ಸಹಾಯಕ ಆಡಳಿತಾಧಿಕಾರಿ ಮಂಜುಳಾ ಗೌಡ, ಪೂಜಾ ನಾಯ್ಕಾ ಬೊಕ್ಕ ಮಹಿಳಾ ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್.

“ಇಂಗ್ಲಿಷ್” – ಎಂಕ್ಲೆಗ್ ಬರ್ಪುಜಿ ಬ್ರೋ’ ತುಳು ಸಿನಿಮಾ ಬುಡುಗಡೆಗ್ ಭಾರಿ ತಯಾರಿ

ಕುಡ್ಲ : ತುಳು ಚಿತ್ರ ಕರಾವಳಿ ಜಿಲ್ಲೆಗ್ ಮಾತ್ರ ಸೀಮಿತ ಆವಂದೆ ಕರ್ನಾಟಕದ ಮೂಲೆ ಮೂಲೆಗ್ ಲಾ ಮುಟ್ಟೋಡು ಅಂಚನೇ ಬೇತೆ ಭಾಷೆದ ಚಿತ್ರಗ್ ಏತ್ ಪ್ರಾಧಾನ್ಯ ಕೊರ್ಪನ ಆತೇ ಪ್ರಾಧಾನ್ಯತೆ ತುಳು ಭಾಷೆದ ಚಿತ್ರಗ್ ನೀಡುವ ಕೊರ್ಪಿನ ಮುಖೇನ ತುಳು ಚಲನಚಿತ್ರ ಕಲಾವಿದೆರೆಗ್ ಪ್ರೋತ್ಸಾಹ ಕೊರೊಡು ಮೂಲಕ ಕರುನಾಡಿನ ಸಮಸ್ತ ಪಂದ್ ಕನ್ನಡ-ತುಳು ಸಿನಿಮಾ ನಿರ್ಮಾಪಕ, ದುಬೈ ಉದ್ಯಮಿ ಹರೀಶ್ ಶೇರಿಗಾರ್ ಪಂಡೆರ್ .ಅಕ್ಮೆ(ACME ) ಮೂವೀಸ್ ಇಂಟರ್‌ನ್ಯಾಷನಲ್ ಲಾಂಛನಡ್ ದುಬೈದಉ ದ್ಯಮಿ, ಕನ್ನಡ ಸಿನಿಮಾ ನಿರ್ಮಾಪಕ ಹರೀಶ್ ಶೇರಿಗಾರ್ ಬೊಕ್ಕ ಶರ್ಮಿಳಾ ಶೇರಿಗಾರ್ ರಚನೆ ಮಲ್ದಿನ ಕೆ. ಸೂರಜ್ ಶೆಟ್ಟಿ ನಿರ್ದೇಶನದ ತುಳು‌ ಚಿತ್ರರಂಗದ ಬಹುನಿರೀಕ್ಷೆದ ಗಿಲ್ಬಿಸ್ಟಿಕ್ ಕಾಮಿಡಿ ತುಳು ಚಿತ್ರ “ಇಂಗ್ಲಿಷ್” – ಎಂಕ್ಲೆಗ್ ಬರ್ಪುಜಿ ಬ್ರೋ’ ಸಿನಿಮಾದ ಬುಡುಗಡೆ ದ ಇಚಾರಾಡ್ ಅಟ್ಟನೆ ಮಲ್ತಿನ ಪತ್ರಿಕಾಘೋಷ್ಟಿ ಡ್ ಆರ್ ತೆರಿಪಾಯೆರ್.