ಉಡುಪಿದ ಸುದ್ದಿ | Udupi News

ಕುಡ್ಲಡ್ ಲಾ ಜಾಸ್ತಿ ಆವೊಂದು ಉಪ್ಪುನ ಆಕ್ಸಿಜನ್‌ ಬೇಡಿಕೆ

ಕುಡ್ಲ, ಎಪ್ರಿಲ್ 24: ಕೋವಿಡ್ ಜಾಸ್ತಿ ಆವೊಂದು ಉಪ್ಪುನ ಕಾರಣ ದೇಶದ ಬೇತೆ ಬೇತೆ ವಿಭಾಗಡ್ ಆಕ್ಸಿಜನ್‌ (ಆಮ್ಲಜನಕ) ಬೇಡಿಕೆ ಜಾಸ್ತಿ ಆವೊಂದು ಉಪ್ಪುನಗ ಕುಡ್ಲಡ್ ಲಾ ಬೇಡಿಕೆ ಜಾಸ್ತಿ ಆವೊಂದು ಉಂಡು . ಆಂಡ ದ.ಕ., ಉಡುಪಿ ಜಿಲ್ಲೆಡ್ ಸದ್ಯ ಒವ್ವೆ ಕೊರತೆ ಇಜ್ಜಿ . ದ.ಕ.ಡ್ ಉಪ್ಪುನ 8 ಮೆಡಿಕಲ್‌ ಕಾಲೇಜ್ ಆಸ್ಪತ್ರೆಡ್ , ವೆನ್ಲಾಕ್‌ಡ್ ಆಕ್ಸಿಜನ್‌ ಸಂಗ್ರಹ ಸ್ಥಾವರ ಉಂಡು , 15 ಕ್ ಅಗತ್ಯ ಉಪ್ಪುನಾತ್ ಸಂಗ್ರಹ ಉಂಡು ಪಂದ್ ಮಾಹಿತಿ ತೆರಿಪಾದೆರ್ .

ಫರಂಗಿಪೇಟೆ ಮೀನ್ ದ ಬೇರದಕ್ಲೆನ ಮಿತ್ತ್ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲ್

ಬಂಟ್ವಾಳ, ಎ.24: ಪೇಂಟೆದ ಫರಂಗಿಪೇಟೆ ಮೀನ್ ದ ಮಾರ್ಕೆಟ್ ಡ್ ಸುರಕ್ಷಿತ ಅಂತರ ಕಾಪಂದೆ ಬೇರ ಮಲ್ತೊಂದು ಇತ್ತಿನ ಮೀನ್ ದ ವ್ಯಾಪಾರಿಲೆನ ವಿರುದ್ಧ ಬಂಟ್ವಾಳ ಗ್ರಾಮಾಂತರ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತ್oಡ್.

ಪೇಂಟೆದ ಬೇತೆ ಬೇತೆ ಕಡೆಟ್ ಕಾಂಡೆರ್ದೆ ಕಾರ್ಯಾಚರಣೆ ಮಲ್ತೊಂದು ಇತ್ತಿನ ಪೊಲೀಸೆರ್ ಬಾಕಿಲ್ ದೆತ್ತಿನ ಅಗತ್ಯ ವಸ್ತುಲತ್ತಂದಿನ ಅಂಗಡಿಲೆನ್ ಬಂದ್ ಮಲ್ಪಾವೊಂದು ಉಲ್ಲೆರ್ . ಕಾರ್ಯಾಚರಣೆದ ಪೊರ್ತುಡು ಫಂರಗಿಪೆಟೆ ಮೀನು ಮಾರುಕಟ್ಟೆಡ್ ಗ್ರಾಹಕೆರ್ನ ನಡುಟು ಒವ್ವೆ ಸುರಕ್ಷಿತ ಅಂತರ ಇಜ್ಜಂದೆ ಬೇರೆ ಮಲ್ತೊಂದು ಇತ್ತಿನೆಕ್ಕ್ ಬಂಟ್ವಾಳ ಗ್ರಾಮಾಂತರ ಎಸ್.ಐ. ಪ್ರಸನ್ನ ಕೋವಿಡ್ ನಿಯಮ ಉಲ್ಲಂಘನೆ ಮಲ್ತಿನ ಆರೋಪಡ್ ಮೀನ್ ದ ಮಾರುಕಟ್ಟೆದ ಮಾಲಕೆರ್ನ ಮಿತ್ತ್ ಪ್ರಕರಣ ದಾಖಲ್ ಮಲ್ದೆರ್ .

ಕೋವಿಡ್ ರಡ್ಡನೇ ಅಲೆರ್ದಾವರ ದೇವಸ್ಥಾನಗ್ ಸಾರ್ವಜನಿಕೆರೆಗ್ ಪ್ರವೇಶ ನಿರ್ಭಂದ

ಒಡಿಪು , ಎ.23: ರಾಜ್ಯಡ್ ಕೊರೋನ ರಡ್ಡನೇ ಅಲೆ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ರಾಜ್ಯ ಸರಕಾರದ ಆದೇಶದ ಪ್ರಕಾರ ಜಿಲ್ಲೆಡ್ ಬೇತೆ ಬೇತೆ ನಿರ್ಬಂಧ ಜಾರಿ ಮಲ್ದೆರ್ ಐತ ಪ್ರಕಾರ , ಜಿಲ್ಲೆದ ಮಾತಾ ಧಾರ್ಮಿಕ ಜಾಗೆ /ಪೂಜಾ ಜಾಗೆಡ್ ಸಾರ್ವಜನಿಕೆರ್ನ ಪ್ರವೇಶಗ್ ನಿಷೇಧ ಪಾಡ್ದೆರ್ . ಪೂಜಾ ಜಾಗೆದ ಸೇವೆಡ್ ಉಪ್ಪುನ ಮಾತಾ ಸಿಬ್ಬಂದಿಲು ಒವ್ವೆ ಸಂದರ್ಶಕೆರ್ ಬರಂದಿಲಕ ಅಕ್ಲೆನ ಬೇಲೆ ಮಲ್ಪೊಡು ಪಂದ್ ಆದೇಶ ಕೊರ್ತೆರ್.

ದೇವಸ್ಥಾನಗ್ ಬರ್ಪಿನ ಭಕ್ತೆರ್ನ ಹಿತಾದೃಷ್ಟಿ ಡ್ ದೇವಾಲಯಡ್ಲಾ ಸೂಚನಾ ಫಲಕ ಪಾಡ್ದೆರ್.. ಮೇ 4 ತಾರೀಖ್ ಮುಟ ಸಾರ್ವಜನಿಕೆರೆಗ್ ದೇವೆರೆ ದರ್ಶನ ಇಜ್ಜಿ.

ಮಂಗಳೂರು ವಿಶ್ವವಿದ್ಯಾನಿಲಯ ಸ್ನಾತಕೋತ್ತರ ಪರೀಕ್ಷೆ ರದ್ದು

ಕೊಣಾಜೆ: ಕೊವಿಡ್‌- 19 ಎರಡನೇ ಅಲೆ ವ್ಯಾಪಕವಾದ್ ಪರಡೊಂದು ಉಪ್ಪುನ ನೆಲೆಟ್ಟ್ ರಾಜ್ಯ ಸರ್ಕಾರ ಎಪ್ರಿಲ್‌ 21ರ್ದ್ ಮೇ 4 ಮುಟ ಶಾಲಾ ಕಾಲೇಜ್ ಗ್ ರಜೆ ಕೊರ್ತೆರ್ ಕುಡ್ಲ ವಿಶ್ವವಿದ್ಯಾನಿಲಯ ಎಪ್ರಿಲ್‌ 26ರ್ದ್ ನಡಪೋಡಿತ್ತಿನ ಸ್ನಾತಕೋತ್ತರ ಪರೀಕ್ಷೆಲೆನ್ ದುಂಬು ಪಾಡ್ದೆರ್.

ಈ ಪೊರ್ತುಡು ಭೌತಿಕ ತರಗತಿಗ್ಲಾ ರಜೆ ಘೋಷಣೆ ಮಲ್ದೆರ್ , ಆಂಡ ಆನ್‌ಲೈನ್‌ ತರಗತಿಲೆನ್ ನಡಪಾವೊಲಿ ಪಂದ್ ಕುಲಸಚಿವೆರ್ನ ಪ್ರಕಟಣೆಡ್ ತೆರಿಪಾದೆರ್ .