ಬನ್ನಂಜೆ ಬಿಲ್ಲವ ಸಂಘ ಶ್ರೀ ನಾರಾಯಣಗುರು ಮಂದಿರದ ಮಾಜಿ ಗುರ್ಕಾರೆ ತಾರೆಕಟ್ಟೆ ಕೃಷ್ಣಪ್ಪ ಕೋಟ್ಯಾನ್ ಮೇರ್ ಮಾ.1 ಕ್ಕ್ ದೇವೆರೆ ಪಾದೊ ಸೇರಿಯೆರ್.
ಮೆರೆನ್ ಬಿಲ್ಲವ ಸಮಾಜದ ಐರನ್ ಮ್ಯಾನ್ ಪಂದೇ ಲೆತ್ತೊಂದು ಇತ್ತೆರ್. ಮೇರ್ ನಾರಾಯಣ ಗುರುಕುಲೆನ ಪರಮ ಭಕ್ತೆರಾತೆರ್.
ಸೀನಿಯರ್ ಚೇಂಬರ್ ಇಂಟರ್ ನ್ಯಾಷನಲ್ ನೆಲ್ಯಾಡಿ ಲೀಜನ್ ದ ಮುತಾಲಿಕೆಡ್ ಸುರು ಆಯಿನ ಪುತ್ತೂರು ಸೀನಿಯರ್ ಚೇಂಬರ್ ಇಂಟರ್ ನ್ಯಾಷನಲ್ ಲೀಜನ್ ದ ಪದಗ್ರಹಣ ಅಶ್ಮಿ ಕಂಫರ್ಟ್ ಹಾಲ್ ಡ್ ನಡತ್ಂಡ್.
ಗುರ್ಕಾರ್ದಿಯಾದ್ ಮಲ್ಲಿಕಾ ಜೆ ಆರ್ ರೈ ಗುಂಡ್ಯಡ್ಕ, ಕಾರ್ಯದರ್ಶಿಯಾದ್ ಎಂಪಿ ರೋಹಿಣಿ ಆಚಾರ್ಯ, ಕೋಶಾಧಿಕಾರಿಯಾದ್ ಸುಮಂಗಲ ಶೆಣೈ ಬೊಕ್ಕ 16 ಜನ ಒತ್ತು ಗುರ್ಕಾರ್ಲು, ಸದಸ್ಯೆರ್ ಆಯ್ಕೆ ಆಯೆರ್.
ಇನಿರ್ದ್ (ಮಾ.1) ಮಾ.22 ಮುಟ್ಟ ಸೆಕೆಂಡ್ ಪಿಯುಸಿ ಪರೀಕ್ಷೆ ನಡಪರೆ ಉಂಡು.
ಪರೀಕ್ಷೆ ಬರೆಯೆರೆ ಪೋಪುನ ಕಲ್ಪಾರ್ಥಿಲೆಗ್ ಬೆಂಗ್ಲೂರುದ ಬಿಎಂಟಿಸಿ ಧರ್ಮೊಗು ಪ್ರಯಾಣ ಮಲ್ಪೆರೆ ಅವಕಾಶ ಕೊರ್ತುಂಡು.
ಕಲ್ಪಾರ್ಥಿಲು ಪರೀಕ್ಷೆ ಪ್ರವೇಶ ಪತ್ರನ್ ತೂಪಾದ್ ವಾಸಸ್ಥಳರ್ದ್ ಪರೀಕ್ಷೆ ಕೇಂದ್ರಗ್ ಬೊಕ್ಕ ಪರೀಕ್ಷೆ ಕೇಂದ್ರರ್ದ್ ವಾಸಸ್ಥಳಗ್ ಪ್ರಯಾಣ ಮಲ್ಪೊಲಿ ಪಂದ್ ಬಿಎಂಟಿಸಿ ಅಧಿಕಾರಿಲು ತೆರಿಪಾದೆರ್.
ಯುಎಇ ದುಬೈದ “ತುಳು ಪಾತೆರ್ ಗ ತುಳು ಒರಿಪಾಗ” ಕೂಟದ 11ನೇ ವರ್ಷದ ಗೌಜಿ ಗಮ್ಮತ್ತ್ ತುಳುನಾಡ ಗೊಬ್ಬುದ ಲೇಸ್ ಮಾ.3 ಐತಾರ ಬೊಲ್ಪುಗು 9.30 ರ್ದ್ ಬಯ್ಯ 6 ಗಂಟೆ ಮುಟ್ಟ ದುಬೈದ ಜಾಪ್ಲೆ ಮೆಟ್ರೋ ಸ್ಟೇಷನ್ ದ ಪಿರಾವುಡ್ ಉಪ್ಪುನ ಝುಟೀಲ್ ಪಾರ್ಕ್ ದ ಗೇಟ್ ನಂ.1 ಟ್ ನಡಪರೆ ಉಂಡು.
ಅಂಚೆನೆ ಬೇತೆ ಬೇತೆ ಕ್ಷೇತ್ರೊಡು ಬೆನ್ನಿ ಬೆಂದಿನ ಸಾಧಕೆರೆಗ್ ತಮ್ಮನ ಬಲ್ಮನದ ಲೇಸ್ ಅಟ್ಟನೆ ಮಲ್ತ್ ದ್ಂಡ್. ಸಮಸ್ತ ತುಳುವೆರ್ ಅಟ್ಟನೆ ಮಲ್ತಿನ ಈ ಕಜ್ಜೊಡು ಮಾತೆರ್ಲ ಪಾಲ್ ಪಡೆದ್ ಲೇಸ್ ನ್ ಪೊರ್ಲು ಮಲ್ತ್ ಕೊರೊಡು ಪಂದ್ ಯುಎಇ ದುಬೈದ ತುಳು ಪಾತೆರ್ ಗ ತುಳು ಒರಿಪಾಗ ಕೂಟದ ಸರ್ವಪದುಕೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಪರಿಶಿಷ್ಟ ಜಾತಿ- 1.08 ಕೋಟಿ, ಪರಿಶಿಷ್ಟ ಪಂಗಡ-40.45 ಲಕ್ಷ, ಮುಸ್ಲಿಂ- 70 ಲಕ್ಷ, ಲಿಂಗಾಯಿತ- 65 ಲಕ್ಷ, ಒಕ್ಕಲಿಗ- 60 ಲಕ್ಷ,
ಕುರುಬ- 45 ಲಕ್ಷ, ಬಿಲ್ಲವ(ಈಡಿಗ)- 15 ಲಕ್ಷ, ವಿಶ್ವಕರ್ಮ- 15 ಲಕ್ಷ, ಬೆಸ್ತ- 15 ಲಕ್ಷ, ಬ್ರಾಹ್ಮಣ- 14 ಲಕ್ಷ, ಗೊಲ್ಲ (ಯಾದವ)- 10 ಲಕ್ಷ, ಮಡಿವಾಳ ಸಮಾಜ- 6 ಲಕ್ಷ, ಅರೆ ಅಲೆಮಾರಿ- 6 ಲಕ್ಷ, ಕುಂಬಾರ- 5 ಲಕ್ಷ, ಸವಿತಾ ಸಮಾಜ – 5 ಲಕ್ಷ.
ಪುತ್ತೂರು: ಭಾರತೀಯ ಸೇನೆಡ್ ಬೇಲೆ ಮಲ್ತೊಂದು ಇತ್ತಿನ ಹಿರೇಬಂಡಾಡಿ ಗ್ರಾಮದ ಕೆರ್ನಡ್ಕ ನಿವಾಸಿ ಗುಣಕರ್ ಮಾ.1 ತಾರೀಕ್ ದಾನಿ ಸೇವಾ ನಿವೃತ್ತಿನ್ ಪಡೆಯೆರ್.
ಮೇರ್ ಭಾರತೀಯ ಭೂ ಸೇನೆಡ್ ಸಿಕಂದರಾಬಾದ್, ಪಂಜಾಬ್, ಜಮ್ಮುಕಾಶ್ಮೀರ, ಉತ್ತರಪ್ರದೇಶ, ಅಸ್ಸಾಂ, ಮಿಜೋರಾಂ, ಮಧ್ಯಪ್ರದೇಶ, ಗುಜರಾತ್, ಸಿಕ್ಕಿಂ, ಡೋಕ್ಲಾಂ(ಚೀನಾದ ಗಡಿ) ಮೂಲು ಮಾತ 30 ವರ್ಷರ್ದ್ ಸೇವೆ ಮಲ್ತ್ ದ್, ಭಡ್ತಿ ಆದ್ ಕಮಿಷನ್ ಆಫೀಸರ್ ಆದ್ ಸೇವೆ ಮಲ್ತ್ ದ್ ಇನಿ ಸೇವಾ ನಿವೃತ್ತಿ ಪಡೆಯೆರೆ ಉಲ್ಲೆರ್.
ಮೇರ್ ಹಿರೇಬಂಡಾಡಿ ಗ್ರಾಮದ ಕೆರ್ನಡ್ಕ ವೀರಪ್ಪ ಪೂಜಾರಿ ಬೊಕ್ಕ ಲಕ್ಷ್ಮೀ ದಂಪತಿಲೆನ ಮಗೆ.
ಕಾರ್ಲ ಮೂಲದ ಕರ್ವಾಲು ಗ್ರಾಮದ ಹಿರಿಯ ಪತ್ರಕರ್ತೆ, ಪಾತೆರದ ಬಿರ್ಸೆ ಮನೋಹರ ಪ್ರಸಾದ್ ( 36) ದೇವೆರೆ ಪಾದೊ ಸೇರಿಯೆರ್.
ಮೇರ್ ಉದಯವಾಣಿ ಪತ್ರಿಕೆಡ್ 36 ವರ್ಷ ಸೇವೆ ಸಂದಾದ್ ಇತ್ತ್ ದ್ ಕರಿನ 2 ವರ್ಷದ ಪಿರವು ನಿವೃತ್ತಿ ಆದಿತ್ತೆರ್.
ನವ ಭಾರತ ಪತ್ರಿಕೆಡ್ ವರದಿಗಾರೆಯಾದ್ ಬೇಲೆ ಸುರು ಮಲ್ತಿನ ಮನೋಹರ ಪ್ರಸಾದ್ ಅವೆರ್ದ್ ಬೊಕ್ಕ ಉದಯವಾಣಿಡ್ ವರದಿಗಾರೆ ಆದ , ಬ್ಯೂರೋ ಮುಖ್ಯಸ್ಥೆರಾದ್ , ಒತ್ತು ಸಂಪೊಲಿಗೆದಾರಾದ್ ಸೇವೆ ಸಂದಾದೆರ್.
ಸುಮಾರ್ ಸಮಯರ್ದಿಂಚ ಉಷಾರಿಜ್ಜಂದೆ ಇತ್ತಿನೆರ್ದಾವರ ಆರೋಗ್ಯಡ್ ಆತ್ ಸುದಾರಿಕೆ ಇಜ್ಜಾಂಡ್. ಕುಡೊರ ಆಸ್ಪತ್ರೆ ಸೇರಿನ ಆರ್ ಕಡೆತ ಉಯಿಲ್ ನ್ ಬುಡಿಯೆರ್.
ಮಣಿಪಾಲ: ಮಣಿಪಾಲ್ 90.4 Mhz ಡ್ ಸಮುದಾಯ ಬಾನುಲಿ ಕೇಂದ್ರ ಅರ್ಪಣೆ ಮಲ್ಪುನ ಮಧುರಗಾನ ಲೇಸ್ ಫೆ.29 ಗುರುವಾರ ಬಯ್ಯಗ್ 6.30 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಸಂಗೀತ ಶಿಕ್ಷಕೆರ್ ಸ್ವಾತಿ ಯಶ್ಪಾಲ್ ಬಾರ್ಕೂರು ಪಾಲ್ ಪಡೆದ್ ಸುಮಧುರ ಪದ್ಯ ಪನಿಯೆರೆ ಉಲ್ಲೆರ್. ಮಾ.1 ಕ್ಕ್ ಮಧ್ಯಾಹ್ನ 2.30 ಕ್ಕ್ ಕುಡೊರ ಪ್ರಸಾರ ಆಪುಂಡು.
ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೋ ಮಣಿಪಾಲ್ ಆಫ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ರಾಜ್ಯ ಇಡೀ ಎಲ್ಲೆರ್ದ್ (ಮಾ.1) ಮಾ.22 ಮುಟ್ಟ ಬೊಲ್ಪುಗು 10:30-1:30 ಮುಟ್ಟ ಸೆಕೆಂಡ್ ಪಿಯುಸಿ ಪರೀಕ್ಷೆ-1 ತ್ತ ವಾರ್ಷಿಕ ಪರೀಕ್ಷೆ ನಡಪರೆ ಉಂಡು.
ಪರೀಕ್ಷೆ ದಾಲ ತೊಂದರೆ ಇಜ್ಜಂದೆ ಶಾಂತಿಡ್ ನಡಪುನ ಉದ್ದೇಶರ್ದ್ ಪರೀಕ್ಷಾ ಕೇಂದ್ರಲೆನ ಸುತ್ತ 200 ಮೀ. ವ್ಯಾಪ್ತಿಡ್ ಮೊಬೈಲ್, ಪೇಜರ್, ಜೆರಾಕ್ಸ್, ಟೈಪಿಂಗ್ ನ್ ನಿಷೇಧ ಮಲ್ದ್ಂಡ್.
ಅಂಚೆನೆ ಪರೀಕ್ಷೆದ ಕೇಂದ್ರಡ್ ಒವ್ವೇ ಅವ್ಯವಹಾರ, ಅಕ್ರಮ ನಡದಿಲೆಕ್ಕ ನಿಷೇಧಾಜ್ಞೆ ಜಾರಿ ಮಲ್ದ್ಂಡ್.
ಹಾಸ್ಯನಟೆ, ಸಂಗೀತ ನಿರ್ದೇಶಕೆರ್ ಸಾಧು ಕೋಕಿಲಾ ಮೆರೆನ್ ಕರ್ನಾಟಕ ಚಲನಚಿತ್ರ ಅಕಾಡೆಮಿ ಗುರ್ಕಾರೆಯಾದ್ ಸರ್ಕಾರ ನೇಮಕ ಮಲ್ಪೆರೆ ಆದೇಶ ಕೊರ್ತುಂಡು.
ನಿಗಮ ಮಂಡಳಿಗ್ 44 ಜನನ್ ಸಿಎಂ ನೇಮಕ ಮಲ್ದೆರ್. ಆಯಿಟ್ಟ್ ಚಲನಚಿತ್ರ ಅಕಾಡೆಮಿಲ ಸೇರ್ದ್ಂಡ್.
ಸುಮಾರ್ ದಿನೊರ್ದಿಂಚ ಅಧ್ಯಕ್ಷೆರ್ನ ತಾನೊಗ್ ಸುಮಾರ್ ಜನತ್ತ ಪುದರ್ ಕೇಂದ್ ಬರೊಂದು ಇತ್ತ್ಂಡ್. ಆಂಡ ಸಿದ್ದರಾಮಯ್ಯ ಮೆರೆಗ್ ಆಪ್ತೆರಾಯಿನ ಸಾಧು ಕೋಕಿಲಾ ಮೆರೆನ್ ಅಕಾಡೆಮಿದ ಅಧ್ಯಕ್ಷೆರಾದ್ ನೇಮಕ ಮಲ್ಪರೆ ತೆರಿಪಾದೆರ್.
