Fri. Nov 20th, 2026

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

American Secretary of defence Lloyd Austin to visit India next week ಬರ್ಪಿನ ವಾರ ಭಾರತಗ್ ಭೇಟಿ ಕೊರಿಯರೆ ಉಲ್ಲೆರ್ ಅಮೇರಿಕಾ ರಕ್ಷಣಾ ಕಾರ್ಯದರ್ಶಿ ಅಸ್ಟಿನ್

ವಾಷಿಂಗ್ಟನ್: ಯುನೈಟೆಡ್ ಸ್ಟೇಟ್ಸ್ ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಆಸ್ಟಿನ್ ಮೇರ್ ಬರ್ಪಿನ ವಾರರ್ದ್ ಭಾರತ ಸೇರಿನಂಚನೆ ನಾಲ್ ರಾಷ್ಟ್ರದ ಪ್ರವಾಸನ್ ಮಲ್ಪರೆ ಉಲ್ಲೆರ್ ಪಂದ್ ಅಮೇರಿಕಾ ರಕ್ಷಣಾ ಸಚಿವಾಲಯ ಮಾಹಿತಿ ಕೊರ್ತ್ಂಡ್.

ಮೇರ್ ಭಾರತಗ್ ಭೇಟಿ ಕೊರ್ದು ರಕ್ಷಣಾ ಸಚಿವೆರ್ ರಾಜನಾಥ್ ಸಿಂಗ್ ಅಂಚನೆ ಬೇತೆ ನಾಯಕೆರೆನ್ ಭೇಟಿ ಮಲ್ತ್‌ದ್ ಪಾತೆರಕತೆ ಮಲ್ಪರೆ ಉಲ್ಲೆರ್.

Radio Manipal to air ” Sangeeta Patha ” series program ರೇಡಿಯೊ ಮಣಿಪಾಲಡ್ ‘ಸಂಗೀತ ಪಾಠ’ ಸರಣಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ ಡ್ ಸಂಗೀತ ಶಿಕ್ಷಕೆರ್ ಕಾವ್ಯಶ್ರೀ ಸೀತಾರಾಮ ಆಚಾರ್ಯ ಕೊಡವೂರು ಮೇರ್ ನಡಪಾದ್ ಕೊರ್ಪಿನ ‘ಕಾವ್ಯಗಾನ -ಸಂಗೀತ ಪಾಠ’ ಲೇಸ್ ದ 9ನೇ ಸಂಚಿಕೆ ಮೇ26 ಸುಕ್ರಾರ ಬಯ್ಯಗ್ 5.30 ಕ್ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ವಿದ್ಯಾರ್ಥಿನಿ ಪುಟಾಣಿ ಅನಘ ಪಾಲ್ ಪಡೆಯೆರೆ ಉಲ್ಲೆರ್.‌ ನನ ಮೇ27 ಸನಿಯಾರ 1.30ಕ್ಕ್ ಕುಡೊರ ಪ್ರಸಾರ ಆಪುಂಡು.

Traditional ” Pattanaje” rituals for Sri Kalkuda Daiva ,Kallega , Puttur ಕಲ್ಲೇಗ ಶ್ರೀ ಕಲ್ಕುಡ ದೈವೊಲ್ಯಡ್ ಪತ್ತನಾಜೆ ಅಗೇಲ್

ಪುತ್ತೂರ್: ಕಲ್ಲೇಗ ಕಲ್ಕುಡ ದೈವೊಲ್ಯಡ್ (ಮೇ25) ಕೋಡೆ ಕಲ್ಲುರ್ಟಿ ದೈವಗ್ ಪತ್ತನಾಜೆ ಅಗೇಲ್ ಸೇವೆ ನಡತ್ಂಡ್.

ಬಯ್ಯಗ್ ಕಲ್ಲುರ್ಟಿ ದೈವೊದ ತಾನಡ್ ದೈವೊಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಅಜಿತ್ ಕುಮಾರ್ ಜೈನ್ ಕಲ್ಲೇಗ, ನಗರಸಭೆ ಸದಸ್ಯೆರ್ ಕೆ.ಜೀವಂಧರ್ ಜೈನ್, ಕಲ್ಲೇಗ ರೂರಲ್ ಡೆವೆಲಪ್‌ಮೆಂಟ್ ಟ್ರಸ್ಟ್‌ ದ ಅಧ್ಯಕ್ಷೆರ್ ಸಂಜೀವ ನಾಯಕ್ ಕಲ್ಲೇಗ ಬೊಕ್ಕ ದೈವೊಲ್ಯದ ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ದೈವ ಪಾತ್ರಿ ಜಿನ್ನಪ್ಪ ಗೌಡ ಮೇರ್ ಪ್ರಾರ್ತನೆ ಮಲ್ತೆರ್.

ಅಗೇಲ್ ಸೇವೆ ಮಲ್ತಿನಕ್ಲೆಗ್ ದೈವೊಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಅಜಿತ್ ಕುಮಾರ್ ಜೈನ್ ಗಂಧ ಪ್ರಸಾದ ಕೊರಿಯೆರ್.

ಈ ಪೊರ್ತುಡು ಕಲ್ಲೇಗ ದೈವೊಲ್ಯದ ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ರಾಘವೇಂದ್ರ ಪ್ರಭು, ಮಾದವ ಪಟ್ಲ, ಪ್ರಶಾಂತ್ ಎಸ್.ಎನ್, ರವಿಕಿರಣ್, ಮೀನಾಕ್ಷಿ ಡಿ ಗೌಡ, ಸುನಿತಾ, ಪ್ರಸಾದ್ ಬೀಟಿಗೆ, ಮೀನಾಕ್ಷಿ ಡಿ ಗೌಡ, ಸುನಿತಾ, ಮನೋಹರ್ ಕಲ್ಲೇಗ, ಸತೀಶ ಶೆಟ್ಟಿ ಕಲ್ಲೇಗ, ಬಿ. ಅಣ್ಣಿ ಪೂಜಾರಿ ಪಟ್ಲ, ಚಂದ್ರಶೇಖರ ಕಲ್ಲೇಗ, ಮೋನಪ್ಪ ಮಡಿವಾಳ, ಕಬಕ ಗ್ರಾ.ಪಂ ಅಧ್ಯಕ್ಷೆರ್ ವಿನಯ ಕಲ್ಲೇಗ, ಸಂತೋಷ್ ಶೆಟ್ಟಿ, ಗೋವರ್ಧನ ಕುಮೇರಡ್ಕ, ನಾರಾಯಣ ಮುಗೇರ, ಜಿನ್ನಪ್ಪ ಪೂಜಾರಿ ಮುರ, ಪ್ರಕಾಶ್ ಕಲ್ಲೇಗ, ಪ್ರಾಶಾಂತ್ ಮುರ ಬೊಕ್ಕ ಸಾರರ್ದ್ ಎಚ್ಚ ಭಕ್ತೆರ್ ಇತ್ತೆರ್.

24 MLA’s to take oath as ministers of the state cabinet tomorrow ಎಲ್ಲೆ ಪೊಸ ಸಚಿವೆರೆನ ಪ್ರಮಾಣವಚನ ಲೇಸ್

ಬೆಂಗ್ಲೂರ್: 24 ಜನ ಶಾಸಕೆರ್ ಪೊಸ ಸಚಿವೆರಾದ್ ಎಲ್ಲೆ (ಮೇ27) ಬೊಲ್ಪುಗು ರಾಜಭವನಡ್ ಪ್ರಮಾಣ ವಚನ ಸ್ವೀಕಾರ ಮಲ್ಪೆರೆ ಉಲ್ಲೆರ್.

ಸರ್ಕಾರದ ಬಿನ್ನಾಪುದ ಮಿತ್ತ್ ಪ್ರಮಾಣ ವಚನ (ಪದಗ್ರಹಣ) ಲೇಸ್ ಗ್ ರಾಜ್ಯಪಾಲೆರ್ ಒಪ್ಪಿಗೆ ಕೊರ್ತೆರ್. ಆಯಿನಾತ್ ಬೇಗಡೇ ಕಾಂಗ್ರೆಸ್ ದ 24 ಜನ ಪೊಸ ಸಚಿವೆರೆನ ಪಟ್ಟಿ ಬುಡುಗಡೆ ಆವೆರೆ ಉಂಡು.

27 thousand temporary teachers to be appointed in the state ರಾಜ್ಯಡ್ 27 ಸಾರ ತಾತ್ಕಾಲಿಕ ಶಿಕ್ಷಕೆರೆನ ನೇಮಕ

ರಾಜ್ಯಡ್ ಮೇ29 ರ್ದ್ ಪ್ರಾಥಮಿಕ ಶಾಲೆ ಸುರು ಆವೆರೆ ಉಂಡು.

ಇಂಚಾದ್ ಶಾಲೆಡ್ ಖಾಲಿ ಇಪ್ಪುನ 27ಸಾರ ಶಿಕ್ಷಕೆರೆನ ಬೇಲೆಗ್ ತಾತ್ಕಾಲಿಕ ಶಿಕ್ಷಕೆರೆನ್ ನೇಮಕ ಮಲ್ಪೆರೆ ರಾಜ್ಯ ಶೈಕ್ಷಣಿಕ ಇಲಾಖೆ ದುಂಬಾತ್ಂಡ್. ಆದ್ಯತೆದ ಮಿತ್ತ್ ತಾತ್ಕಾಲಿಕ ಶಿಕ್ಷಕೆರೆನ ನೇಮಕಾತಿಗ್ ಜಿಲ್ಲಾ ಉಪನಿರ್ದೇಶಕೆರ್ ತಾಲೂಕುದಲೆಕ್ಕ ಬೇಲೆದ ಕುಡೊರ ಹಂಚಿಕೆ ಮೇ26 (ಇನಿ) ತ್ತ ಉಲಯಿ ಮಲ್ಪೊಡು ಪಂದ್ ಆದೇಶ ಕೊರ್ತುಂಡು. ತಾತ್ಕಾಲಿಕ ಶಿಕ್ಷಕೆರಾದ್ ಆಯ್ಕೆ ಆಯಿನಕ್ಲೆಗ್ ತಿಂಗೊಲ್ ಗ್ 10 ಸಾರ ರೂ‌. ಸಂಬಳ ತಿಕ್ಕುಂಡು.

Uber to start E .V services in Bangalore from June ಜೂನ್‌ ರ್ದ್ ಬೆಂಗ್ಲೂರ್ ಡ್ ಉಬರ್ ಇ.ವಿ. ಕ್ಯಾಬ್ ಸೇವೆ ಸುರು

ಡೆಲ್ಲಿ: ಉಬರ್ ಕಂಪನಿ ಜೂನ್ ತಿಂಗೊಲ್ ರ್ದ್ ಬೆಂಗ್ಲೂರ್ ಡ್ ಇ.ವಿ. ಕ್ಯಾಬ್ ಸೇವೆನ್ ಸುರು ಮಲ್ಪೆರೆ ಉಂಡು.

ಉಂದು ಸುರು ಆಯಿನ ಬೊಕ್ಕ ಉಬರ್ ಗ್ರಾಹಕೆರ್, ಕ್ಯಾಬ್ ಸೇವೆ ಪಡೆಪುನ ಪೊರ್ತುಡು ಇ.ವಿ. ಕ್ಯಾಬ್ ಬೋಡು ಪಂದ್ ಬೇಡಿಕೆ ಸಂದಾಯೆರೆ ಅವಕಾಶ ಉಂಡು.

ಈ ಸೇವೆ ಬೆಂಗ್ಲೂರ್ ಮಾತ್ರ ಅತ್ತಂದೆ ಬೊಂಬೈ ಬೊಕ್ಕ ಡೆಲ್ಲಿಡ್ ಸುರು ಆಪುಂಡು. ದುಂಬದ ದಿನಟ್ ನೆನ್ ಹಂತ ಹಂತವಾದ್ ಬೇತೆ ಬೇತೆ ಪೇಂಟೆಡ್ ಸುರು ಮಲ್ಪೆರೆ ಉಂಡು ಪಂದ್ ಉಬರ್ ಇಂಡಿಯಾ ಬೊಕ್ಕ ದಕ್ಷಿಣ ಏಷ್ಯಾ ಅಧ್ಯಕ್ಷೆರ್ ಪ್ರಭಜೀತ್ ಸಿಂಗ್ ಪಂತೆರ್.

ಇ.ವಿ.ಡ್ ಚಾರ್ಜಿಂಗ್ ಸೌಲಭ್ಯ ಕೊರಿಯೆರೆ ಜಿಯೊ-ಬಿಪಿ ಬೊಕ್ಕ ಜಿಎಂಆರ್ ಗ್ರೀನ್ ದೊಟ್ಟಿಗೆ ಒಪ್ಪಂದ ಮಲ್ದ್ಂಡ್. ಉಬರ್ ಪಾಲ್ ಗ್ ಪ್ರಮುಖ ಆಯಿನ 7 ಪೇಂಟೆಡ್ ಒಟ್ಟು 25 ಸಾರ ಇ.ವಿ. ಸೇವೆನ್ ಮುಕ್ತ ಮಲ್ಪೆರೆ ಉಂಡು.

Faisal Nagara: Police raid places of illegal sand mining ಫೈಸಲ್‌ ನಗರ: ಕಲ್ವ ತಾದಿಡ್ ಪೊಯ್ಯೆ ದೆತ್ತೊಂದು ಇತ್ತಿನ ಜಾಗೆಗ್ ಪೊಲೀಸ್‌ ರೈಡ್

ಕುಡ್ಲ: ಫೈಸಲ್‌ ಪೇಂಟೆದ ನೇತ್ರಾವತಿ ತುದೆ ಬರಿಟ್ಟ್ ಕಲ್ವ ತಾದಿಡ್ ಪೊಯ್ಯೆ ದೆತ್ತೊಂದು ಇತ್ತಿನ ಬಗ್ಗೆ ತಿಕಿನ ಪೊಲಬುದ ಮಿತ್ತ್ ಕಂಕನಾಡಿ ನಗರ ಠಾಣೆ ಪೊಲೀಸೆರ್ ಜಾಗೆಗ್ ರೈಡ್ ಮಲ್ತ್ ದ್ 10 ಲೋಡ್‌ ಪೊಯ್ಯೆ, ಒಂಜಿ ಜೆಸಿಬಿನ್ ವಶಕ್ಕ್ ಪಡೆತೆರ್.

ಈ ಘಟನೆ ಕೋಡೆ ರಾತ್ರೆ 3 ಗಂಟೆಗ್ ಕಂಕನಾಡಿ ನಗರ ಪೊಲೀಸ್‌ ಠಾಣೆದ ಪೊಲೀಸ್‌ ಉಪನಿರೀಕ್ಷಕಿ ಜ್ಯೋತಿ ಎನ್‌.ಎ. ಮೇರ್ ರೌಂಡ್ಸ್‌ಡ್ ಇಪ್ಪುನಗ ನಡತ್ಂಡ್.

ವಶಕ್ಕ್ ಪಡೆಯಿನ ಸೊತ್ತುದ ಬಿಲೆ ಸುಮಾರ್ 3.70 ಲಕ್ಷ ರೂ. ಪಂದ್ ಅಂದಾಜ್ ಮಲ್ಪೊಲಿ. ಈ ಬಗೆಟ್ ಕಂಕನಾಡಿ ನಗರ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

May 28 th: Uttana Balaga Seva Trust (R) to organise ” Dasara Bhajana ” compititions ಮೇ28: ಉತ್ಥಾನ ಬಳಗ ಸೇವಾ ಟ್ರಸ್ಟ್ (ರಿ) ನೆತ್ತ ಮುತಾಲಿಕೆಡ್ ದಾಸರ ಭಜನೆ (ನಲಿಕೆ) ಪಂತೊ

ಕುಡ್ಲ: ಉತ್ಥಾನ ಬಳಗ ಸೇವಾ ಟ್ರಸ್ಟ್ (ರಿ) ನೆತ್ತ ಮುತಾಲಿಕೆಡ್ ದಾಸರ ಭಜನೆ (ನಲಿಕೆ) ಪಂತೊ ಮೇ28 ಐತಾರ ಸಸಿಹಿತ್ಲು ಶ್ರೀ ಭಗವತೀ ದೇವಲ್ಯದ ಚಾವಡಿಡ್ ನಡಪರೆ ಉಂಡು.

ನೆತ್ತ ಉದಿಪನ ಲೇಸ್ ಬೊಲ್ಪುಗು ನಡಪರೆ ಉಂಡು. ಸಸಿಹಿತ್ಲು ಶ್ರೀ ಭಗವತೀ ದೇವಲ್ಯದ ಅನುವಂಶಿಕ ಮೊಕ್ತೇಸರೆರ್ ಶ್ರೀನಿವಾಸ ಯಾನೆ ಅಪ್ಪು ಪೂಜಾರಿ ತುಡರ್ ಅರ್ಲಾವೆರೆ ಉಲ್ಲೆರ್. ಬೊಕ್ಕ ಮಧ್ಯಾಹ್ನ ಅನ್ನಸಂತರ್ಪಣೆ, ಬಯ್ಯಗ್ ಸಮಾರೋಪ ಸಮಾರಂಭ ಲೇಸ್ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

ತುಳು ಅಪ್ಪೆನ ಚಾಕಿರಿ ಮಲ್ದಿನ ಎ.ಸಿ. ಭಂಡಾರಿ, ಚಂದ್ರಹಾಸ್ ದೇವಾಡಿಗೆರೆಗ್ ಮಾನಾದಿಗೆ

ಕುಡ್ಲ: ಕಾಂಗ್ರೆಸ್‌ದ ಪೆರಿಯ ಕಾರ್ಯಕರ್ತೆ, ತುಳು ಬಾಷೆ, ಸಾಹಿತ್ಯಗ್ ಪ್ರಮಾಣಿಕವಾದ್ ಪುಗೆಲ್ ಕೊರ್ದು ತುಳು ಅಪ್ಪೆನ ಚಾಕಿರಿ ಮಲ್ದಿನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಅಧ್ಯಕ್ಷೆರ್, ಅಖಿಲಭಾರತ ತುಳು ಒಕ್ಕೂಟದ ಅಧ್ಯಕ್ಷೆರ್ ಎ.ಚಂದ್ರಶೇಖರ್ ಭಂಡಾರಿ ಬೊಕ್ಕ ಅಖಿಲಭಾರತ ತುಳು ಒಕ್ಕೂಟದ ಪನವುದ ಪಾಲವೆರ್ ಚಂದ್ರಹಾಸ್ ದೇವಾಡಿಗ ಮೇರೆಗ್ ಟೈಮ್ಸ್ ಆಫ್ ಕುಡ್ಲ ಕಚೇರಿಡ್ ಗುರುವಾರ ಮಾನಾದಿಗೆ ನಡತ್ಂಡ್.

ಮಾನಾದಿಗೆ ದೆತೊಂದು ಪಾತೆರಿನ ಎ.ಸಿ. ಭಂಡಾರಿ ಮೇರ್, ಟೈಮ್ಸ್ ಆಫ್ ಕುಡ್ಲದಕ್ಲೆಗ್ ತುಳುತ್ತ ಮಿತ್ತ್ ಇಪ್ಪುನ ಮೋಕೆನ್ ತೂನಗ ಯಂಕೇ ಆಶ್ಚರ್ಯ ಆಪುಂಡು. ತುಳು ಪೇಪರ್ ನಡಪಾಯರೆ ಏತ್ ಬಂಗ ಉಂಡು ಪಂದ್ ಯಂಕ್ ಗೊತ್ತ್ಂಡು. ತುಳು ಭಾಷೆ ಸಂಸ್ಕೃತಿದ ಮಿತ್ತ್ ಇಪ್ಪುನ ಅಭಿಮಾನ ಅಂಚನೆ ಈ ಸೇವೆ ಮಲ್ಪುನೆನ್ ತೂನಗ ಭಾರೀ ಕುಷಿ ಆಪುಂಡು.ಎಂಕ್ ಲ ತುಳು ಅಪ್ಪೆನ ಸೇವೆಮ್ ನನಾತ್ ಕಾಲ ಮಲ್ಪುನ ಅವಕಾಶ ಒದಗ್ ದ್ ಬರಡ್ ಪಂದ್ ಪಂಡೆರ್.

ಚಂದ್ರಹಾಸ್ ದೇವಾಡಿಗ ಮೇರ್ ಪಾತೆರ್ದ್ ಟೈಮ್ಸ್ ಆಫ್ ಕುಡ್ಲ ಸಂಸ್ಥೆ ನನಾತ್ ಎಡ್ಡೆಂತಿನ ಬೇಲೆ ಮಲ್ಪಡ್ ಪಂದ್ ಎಡ್ಡೆಪ್ಪುನು ಬಯಕ್ಯೆರ್. ಈ ಪೊರ್ತುಡು ಟೈಮ್ಸ್ ಆಫ್ ಕುಡ್ಲ ಸಂಸ್ಥೆದ ಮುಖ್ಯಸ್ಥೆರ್ ಬೊಕ್ಕ ಸಿಬ್ಬಂದಿ ಕೂಟದಕುಲು ಇತ್ತೆರ್.

ಮಾಣಿಗುತ್ತು ಶ್ರೀ ಉಳ್ಳಾಲ್ತಿ, ಬೆಮ್ಮೆರ್, ಗುಡ್ಡೆಚಾಮುಂಡಿ, ಪಂಜುರ್ಲಿ ಮಲೆಕೊರತಿ ದೈವೊಲೆನ ಧರ್ಮಚಾವಡಿಗ್ ಕೆಸರ್ ಕಲ್ಲ್ ಪಾಡುನ ಲೇಸ್

ಬಂಟ್ವಾಳ: ಪೊಸತಾದ್ ನಿರ್ಮಾಣ ಆವೆರೆ ಇಪ್ಪುನ ಮಾಣಿಗುತ್ತು ಶ್ರೀ ಉಳ್ಳಾಲ್ತಿ, ಬೆಮ್ಮೆರ್, ಗುಡ್ಡೆಚಾಮುಂಡಿ, ಪಂಜುರ್ಲಿ ಮಲೆಕೊರತಿ ದೈವೊಲೆನ ಧರ್ಮಚಾವಡಿಗ್ ಕೆಸರ್ ಕಲ್ಲ್ ಪಾಡುನ ಲೇಸ್ ಅರ್ಚಕೆರ್ ಪಳನೀರು ಅನಂತ ಭಟ್ರೆನ ಪೌರೋಹಿತ್ಯಡ್ ವೈದಿಕ ವಿಧಿವಿಧಾನದೊಟ್ಟಿಗೆ ನಡತ್ಂಡ್.

ಪಿರಾಕ್ ದ ಕಾಲರ್ದಿಂಚಲ ಇತಿಹಾಸ ಇಪ್ಪುನ ಒರ್ತಿ ಉಳ್ಲಾಲ್ತಿ ಮೂಜಿ ದೈವೊಲು ಪನ್ಪುನ ಪರಂಪರೆ ಇಪ್ಪುನ ಮಾಣಿ ಗ್ರಾಮಡ್ ಉಳ್ಳಾಲ್ತಿಗ್ ವರ್ಷಾವಧಿ ಒಂಜಿ ಮೆಚ್ಚಿ ಜಾತ್ರೆ ಆಂಡ, ದೈವೊಲೆಗ್ ವರ್ಷಡ್ 7 ಕಡೆಟ್ ನೇಮ ನಡಪುಂಡು. ಗ್ರಾಮದ ಈ ಮತ ಸೇವೆಗ್ ಮಾಣಿಗುತ್ತು ಭಂಡಾರದ ಇಲ್ಲಲ್ ರ್ದ್ ಭಂಡಾರ ಪೋಪುನವು ರೂಢಿ ಆತ್ಂಡ್.

ಪರತ್ ಚಾವಡಿಗ್ ಸುಮಾರ್ ವರ್ಷ ಕರಿದ್ ಅಜೀರ್ಣಾವಸ್ಥೆಡ್ ಇಪ್ಪುನಗ, 20 ವರ್ಷದ ಪಿರವು ಪೊಸ ಚಾವಡಿನ್ ಎಲ್ಯ ಮಲ್ತ್ ದ್ ನಿರ್ಮಾಣ ಮಲ್ತೆರ್. ಆಂಡ ಪ್ರಶ್ನಾಚಿಂತನೆಡ್ ಬೊಕ್ಕ ದೈವೊದ ನುಡಿಟ್ಟ್ ತೂಜಿದ್ ಬತ್ತಿನ ಪ್ರಕಾರ ಚಾವಡಿನ್ ಪೊಸತಾದ್ ದುಂಬುದ ಸಂಪ್ರದಾಯದಂಚೆನೆ ನಿರ್ಮಾಣ ಮಲ್ಪುನ ಉದ್ದೇಶರ್ದ್ ನಿರ್ಮಾಣ ಮಲ್ಪೆರೆ ಗುತ್ತುದಕುಲು ಬೊಕ್ಕ ಗ್ರಾಮಸ್ಥೆರ್ ದುಂಬಾತ್ತೆರ್.

ಈ ಪೊರ್ತುಡು ಶಾಸಕೆರ್ ರಾಜೇಶ್ ನಾಯ್ಕ್, ಮಾಜಿ ಸಚಿವೆರ್ ಬಿ. ರಮಾನಾಥ ರೈ, ವಕೀಲೆರ್ ಅಶ್ವನಿ ಕುಮಾರ್ ರೈ, ಬಾಳ್ತಿಲಬೂಡು ಬೃಜೇಶ್ ಬಂಗ, ಪೂಂಜಲ್ಮಾರಗುತ್ತು ಮೋಹನ ಕುಮಾರ್ ಚೌಟ, ಪೆರಾಜೆಗುತ್ತು ಶ್ರೀಕಾಂತ್ ಆಳ್ವ, ಮಾಣಿಗುತ್ತು ನಾಗೇಶ್ ಶೆಟ್ಟಿ, ಮಾಣಿಗುತ್ತು ಸಚಿನ್ ರೈ, ಸಂತೋಷ್ ಶೆಟ್ಟಿ ಅರೆಬೆಟ್ಟು, ಜಗನ್ನಾಥ ಚೌಟ ಬದಿಗುಡ್ಡೆ, ಮಾಣಿ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಬಾಲಕೃಷ್ಣ ಆಳ್ವ ಕೊಡಾಜೆ, ಮಧುಸೂಧನ ಭಟ್ ಭರಣೀಕೆರೆ, ರಾಮಚಂದ್ರ ಪೂಜಾರಿ ಪಾದೆ, ವಿಜೇತ್ ಶೆಟ್ಟಿ ಅರೆಬೆಟ್ಟು, ರವೀಂದ್ರ ರೈ ಖಂಡಿಗ, ರವೀಂದ್ರ ರೈ ಮಂಜೊಟ್ಟಿ, ಗಣೇಶ್ ಭಟ್ ಮಕರಂದ, ಸಂದೀಪ್ ಶೆಟ್ಟಿ ಅರಿಯಡ್ಕ, ಗಂಗಾಧರ್ ರೈ ತುಂಗೆರೆಕೊಡಿ, ಅಮಿತ್ ಕುಮಾರ್ ಜೈನ್ ಕನ್ನೋಟ್ಟುಗುತ್ತು ಮೋಹನ್ ಪೈ ಮಾಣಿ ಬೊಕ್ಕ ಗ್ರಾಮಸ್ಥೆರ್ ಇತ್ತೆರ್.

You Missed