Fri. Nov 20th, 2026

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

Weight of passengers to be taken in Air Newzealand flights from June 2 nd ಜೂನ್ 2ರ್ದ್ ಇಮಾನಡ್ ಪ್ರಯಾಣಿಕೆರೆನ ತೂಕದ ಲೆಕ್ಕ!

ಏರ್ ನ್ಯೂಜಿಲೆಂಡ್ ಇಮಾನಯಾನ ಸಂಸ್ಥೆ ವಿನೂತನ ನಿರ್ಧಾರ ದೆತೊಂದುಂಡು.

ಜೂನ್ 2 ರ್ದ್ ಸಾಮಾನ್ಯ ಲಗೇಜ್ ದೊಟ್ಟಿಗೆ, ಪ್ರಯಾಣಿಕೆರೆನ ತೂಕನ್ ಲೆಕ್ಕ ಮಲ್ಪೆರೆ ಆಪುಂಡು ಪಂದ್ ಪ್ರಕಟಣೆಡ್ ತೆರಿಪಾದ್ಂಡ್.

ಇಂಚ ಮಲ್ಪುನೇರ್ದ್ ಇಮಾನ ಟೇಕಾಫ್​ ಆಪಿನ ದುಂಬೇ ಪೈಲೆಟ್ ಗ್ ಪ್ರಯಾಣಿಕೆರೆನ ಸರಾಸರಿ ತೂಕ ಗೊತ್ತಾಪುಂಡು ಪಂದ್ ತೆರಿಪಾದ್ಂಡ್.

Weight of passengers to be taken in Air Newzealand flights from June 2 nd

This descision was taken so that the pilot can know the total weight in the aircraft along with luggage during take off of the flight.

Hereditary Managing trustee of Surya Sri Sadashiva Rudra temple, Subhas Chandra no more ದೇವೆರೆ ಪಾದೊ ಸೇರಿಯೆರ್ ಸುರ್ಯ ಶ್ರೀ ಸದಾಶಿವ ರುದ್ರ ದೇವಲ್ಯದ ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಸುಭಾಷ್ ಚಂದ್ರ ಸುರ್ಯಗುತ್ತು

ಸುರ್ಯ ಶ್ರೀ ಸದಾಶಿವ ರುದ್ರ ದೇವಲ್ಯದ ಅನುವಂಶಿಕ ಆಡಳಿತ ಮೊಕ್ತೇಸರೆರ್, ನಿವೃತ್ತ ಅಸಿಸ್ಟೆಂಟ್ ಕಮಿಷನರ್ ಆಫ್ ಪೊಲೀಸ್ (ACP) ಆಯಿನ ಸುಭಾಷ್ ಚಂದ್ರ ಸುರ್ಯಗುತ್ತು, ಮೇರ್ (ಮೇ31) ಕೋಡೆ ಕಾಂಡೆ 2:45 ಕ್ಕ್ ದೇವೆರೆ ಪಾದೊ ಸೇರಿಯೆರ್.

ಕುಡ್ಲ ಅಶೋಕನಗರದ ಪಾಲ್ಗುಣಿ ಪೇಂಟೆದ ಮೆರೆನ ನಿವಾಸಡ್ ಬೊಲ್ಪುಗು 8:30 ಮುಟ್ಟ ಅಕೇರಿದ ದರ್ಶನಗ್ ವ್ಯವಸ್ಥೆ ಮಲ್ದೆರ್. ಬೊಕ್ಕ ಮೆರೆನ ಪುಟ್ಟಿನ ಊರು ಸುರ್ಯಗುತ್ತುಡ್ ಮೆರೆನ ಅಕೇರಿದ ವಿಧಿ ವಿಧಾನನ್ ಮಧ್ಯಾಹ್ನ 12 ಗಂಟೆಗ್ ನಡಪರೆ ಉಂಡು.

ಬಂಟ ಸಮಾಜದ ಸಮಾಜ ಕಲ್ಯಾಣ ಯೋಜನೆ ರಾಜ್ಯೊಗೇ ಮಾದರಿ : ಸ್ಪೀಕರ್ ಯು.ಟಿ.ಖಾದರ್

ಮುಲ್ಕಿಡ್ ಜಾಗತಿಕ ಬಂಟರ ಸಂಘದ ಒಕ್ಕೂಟರ್ದ್ ಸಮಾಜ ಕಲ್ಯಾಣ ಲೇಸ್

ಮುಲ್ಕಿ: ಪರಿಶ್ರಮ ಬತ್ತ್ ದ್ ಮಿತ್ತ್ ಬತ್ತಿನ ಬಂಟ ಸಮಾಜ, ಬಡಪತ್ತ್ ದಕ್ಲೆಗ್ ಸಕಾಯ ಮಲ್ಪುನ ಎಡ್ಡೆ ಮನಸ್ ದ ಮುಕೇನ ಸಂಘಟನಾತ್ಮಕವಾದ್ ಗಟ್ಟಿಯಾತ್ಂಡ್. ಸಮಾಜೊಡು ನಮ ಪುಟ್ಟುನಗ ಬಡಪತ್ತ್ ಇತ್ತ್ಂಡಲ ಸೈನಗಲ ಬಡಪತ್ತ್ ಡೇ ಸೈಯೊಡು ಪಂದ್ ದಾಲ ಇಜ್ಜಿ. ಎಡ್ಡೆ ಶಿಕ್ಷಣ ದೆತೊಂದು ಸಮಾಜನ್ ಬುಲೆಪಾದ್ ಗಟ್ಟಿ ಮಲ್ಪುಲೆ. ಸಮಾಜ ಬೊಕ್ಕ ಸಂಘಟನೆನ್ ಉಂದೆಕ್ಕ್ ಮೀಸಲು ದೀಲೆ. ಬಂಟ ಸಮಾಜದ ಸಮಾಜ ಕಲ್ಯಾಣ ಯೋಜನೆ ರಾಜ್ಯೊಡೇ ಮಾದರಿ ಆವಡ್ ಪಂದ್ ವಿಧಾನಸಭೆತ್ತ ಪೊಸ ಸ್ಪೀಕರ್ ಯು.ಟಿ.ಖಾದರ್ ಪಂಡೆರ್.

ಆರ್ ಮುಲ್ಕಿಡ್ ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಸಂಯೋಜನೆಡ್ ಸೋಮಾರ ಒಕ್ಕೂಟದ ಕಚೇರಿದ ಜಾಲ್ ಡ್ ನಡತಿನ ಸಮಾಜ ಕಲ್ಯಾಣ ಯೋಜನೆ ಪಟ್ಟುನ ಲೇಸ್ ಡ್ ಮಲ್ಲ ಬಿನ್ನೆರಾದ್ ಬತ್ತ್ ದ್ ಪಾತೆರಿಯೆರ್.

ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ರ್ ಲೇಸ್ ದ ಗುರ್ಕಾರ್ಮೆ ಒಯಿಸ್ ದ್ ಬಿನ್ನೆರೆನ್ ಎದ್ಕೊಂಡೆರ್. ಕಾಂಗ್ರೆಸ್ ಸರ್ಕಾರೊರ್ದು ಬಂಟ ಸಮಾಜ ಅಭಿವೃದ್ಧಿ ನಿಗಮ, 2 ಎ ಸೇರ್ಸಾವುನಂಚಿನ ಬೇಲೆ ಆವೊಡು ಪಂದ್ ಸಭಾಪತಿಲೆಡ ಬಿನ್ನಾಪು ಮಲ್ತೆರ್. ಎಂಆರ್ ಜಿ ಗ್ರೂಪ್ ದ ಚೇರ್ಮನ್ ಪ್ರಕಾಶ್ ಶೆಟ್ಟಿ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್.

ಈ ಪೊರ್ತುಡು ಸಾಧಕೆರಾಯಿನ ಚೇರ್ಕಾಡಿ ಸಚ್ಚಿದಾನಂದ ಶೆಟ್ಟಿ, ಸತೀಶ್ ಶೆಟ್ಟಿ ಉಡುಪಿ, ಡಾ. ನಿರಂಜನ್ ಶೆಟ್ಟಿ ಕೆದೂರು, ದಯಾಮಣಿ ಶೆಟ್ಟಿ ಎಕ್ಕಾರು, ನೀತಾ ರಾಜೇಶ್ ಶೆಟ್ಟಿ ಹಿರಿಯಡ್ಕ, ಅರ್ಪಿತಾ ಶೆಟ್ಟಿ ಕಟಪಾಡಿ, ಪತ್ರಕರ್ತೆರಾಯಿನ ಆರ್. ರಾಮಕೃಷ್ಣ, ಮುಹಮ್ಮದ್ ಆರೀಫ್ ಪಡುಬಿದ್ರೆ, ನಿತಿನ್ ಸಾಲ್ಯಾನ್ ಮೊಕ್ಲೆನ್ ಮಾನಾದಿಗೆ ಮಲ್ತೆರ್.

ಅಂಚೆನೆ ಸಭಾಪತಿ ಯು.ಟಿ.ಖಾದರ್, ಕಾಪು ಶಾಸಕೆರ್ ಗುರ್ಮೆ ಸುರೇಶ್ ಶೆಟ್ಟಿ, ಮಹಾದಾನಿ ಕನ್ಯಾನ ಸದಾಶಿವ ಶೆಟ್ರೆನ್ ಮಾನಾದಿಗೆ ಮಲ್ತೆರ್. ಅಶೋಕ್ ಶೆಟ್ಟಿ ಪಕ್ಕಳ ಮೇರ್ ಯು.ಟಿ.ಖಾದರ್ ರೆನ ಪೊಲಬು ಮಲ್ತ್ ಕೊರಿಯೆರ್. ಮಂಜುಳಾ ಶೆಟ್ಟಿ, ಶರತ್ ಶೆಟ್ಟಿ ಕಿನ್ನಿಗೋಳಿ,ಆರ್. ಜೆ ನಯನಾ ಮಾನಾದಿಗೆದ ಓಲೆ ಓದಿಯೆರ್.

ಸಮಾಜ ಕಲ್ಯಾಣ ಯೋಜನೆಡ್ ಅಂದಾಜಿ 30 ಲಕ್ಷ ರೂ. ಮುಟ್ಟದ ಪನವುದ‌ ಸಕಾಯೊನು ಪ್ರತಿಭಾವಂತ ವಿದ್ಯಾರ್ಥಿಲೆಗ್ ಅಂಚೆನೆ ವೈದ್ಯಕೀಯ ಕರ್ಚಿದ ಅಗತ್ಯ ಇತ್ತಿನಕ್ಲೆಗ್ ಪಟ್ಟಿಯೆರ್.

ಒಕ್ಕೂಟದ ಪೋಷಕೆರಾಯಿನ ಆನಂದ ಶೆಟ್ಟಿ ತೋನ್ಸೆ, ಪ್ರವೀಣ್ ಭೋಜ ಶೆಟ್ಟಿ, ಶಶಿಧರ್ ಶೆಟ್ಟಿ ಬರೋಡ, ರಾಜೇಶ್ ಶೆಟ್ಟಿ ರಾಕ್ಷಿ ಬಿಲ್ಡರ್ಸ್, ರವಿನಾಥ್ ಶೆಟ್ಟಿ ಅಂಕಲೇಶ್ವರ್, ವಕ್ವಾಡಿ ಪ್ರವೀಣ್ ಶೆಟ್ಟಿ ದುಬೈ, ಎಂ. ಕರುಣಾಕರ ಶೆಟ್ಟಿ, ಮನೋರಮಾ ಶೆಟ್ಟಿ, ಚೈತ್ರಾ ಶೆಟ್ಟಿ, ವೇಣುಗೋಪಾಲ ಶೆಟ್ಟಿ, ಅಶೋಕ್ ಶೆಟ್ಟಿ, ರತ್ನಾಕರ ಶೆಟ್ಟಿ, ಆದರ್ಶ ಶೆಟ್ಟಿ, ಅಜಿತ್ ಶೆಟ್ಟಿ, ಒಕ್ಕೂಟದ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಗೌರವ ಕಾರ್ಯದರ್ಶಿ ಜಯಕರ ಶೆಟ್ಟಿ ಇಂದ್ರಾಳಿ, ಕೋಶಾಧಿಕಾರಿ ಉಳ್ತೂರು ಮೋಹನ್ ದಾಸ ಶೆಟ್ಟಿ ಮೊಕುಲು ಮಾತ ಇತ್ತೆರ್. ಪ್ರಿಯಾ ಹರೀಶ್ ಶೆಟ್ಟಿ ಬೊಕ್ಕ ನಿತೇಶ್ ಶೆಟ್ಟಿ ಎಕ್ಕಾರ್ ಲೇಸ್ ಸುಧಾರಿಕೆ ಮಲ್ತೆರ್.

ತೋಕೂರು ಬ್ರಹ್ಮಕಲಶ ಉಚ್ಚಯದ ಯಶಸ್ವಿಗ್ ಸೊಲ್ಮೆ ಸಂದೈತ ಲೇಸ್

ತೋಕೂರು : ಶ್ರೀ ಸುಬ್ರಾಯ ದೇವೆರ್ ಬಾಲೆ ಮಾಣಿನ ರೂಪೊಡು ಬತ್ತ್ ದ್ ನಿಲೆ ಉಂತಿನ ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ಜೀರ್ಣೋದ್ಧಾರ, ಬ್ರಹ್ಮಕಲಶ, ನಾಗಮಂಡಲ, ನೇಮೋತ್ಸವ ಬೊಕ್ಕ ನಾಗಮಂಡಲ ಉಚ್ಚಯ ಭಾರಿ ಯಶಸ್ವಿ ಆಯರೆ ಎಡ್ಡೆ ಮನಸ್ ದ ದಾನಿಲು ಅಂಚೆನೆ ಮಲ್ಲ ಸಂಖ್ಯೆದ ಭಕ್ತೆರ್ ಬೊಕ್ಕ ಊರು ಪರವೂರುದಕುಲು ಕಾರಣ ಆತೆರ್. ಅಕ್ಲೆಗ್ ಮಾತೆರೆಗ್ಲ ಶ್ರೀ ಸುಬ್ರಾಯ ದೇವೆರ್ ಆಯುರಾರೋಗ್ಯ ಸುಖ ಶಾಂತಿ ಸಮೃದ್ಧಿನ್ ಕೊರಡ್ ಪಂದ್ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಹರಿದಾಸ್ ಭಟ್ ತೆರಿಪಾಯೆರ್.

ಆರ್ ಶ್ರೀ ಕ್ಷೇತ್ರದ ಸಭಾಭವನ ಚಾವಡಿಡ್ ಮೇ 28 ಗು ನಡತಿನ “ಧನ್ಯೋಸ್ಮಿ” ಲೇಸ್ ಡ್ ಪಾತೆರಿಯೆರ್. ಲೇಸ್ ದ ಗುರ್ಕಾರ್ಮೆ ಒಯಿಸೊಂದು ಪಾತೆರಿನ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಮೇರ್, ದೇವೆರ್ನ ಬೊಕ್ಕ ಸಮಾಜದ ಸೇವೆ ಮಲ್ತಿನ ಮಾತಾ ಭಕ್ತೆರೆಗ್ ಲ ದೇವೆರ್ ಪ್ರತಿಫಲ ಕೊರ್ಪೆರ್. ನಿಕ್ಲೆನ ಮಾತೆರ್ನಲ ಸೇವೆ ದೇವೆರೆಗ್ ಸಂದ್ ದ್ಂಡ್ ಪಂಡೆರ್.

ಸಮಿತಿದ ಪ್ರಧಾನ ಸಂಚಾಲಕೆರ್ ಡಾ.ಸೋಂದಾ ನಾರಾಯಣ ಭಟ್, ಉಗ್ರಾಣ ಸಮಿತಿದ ಗಂಗಾಧರ ಶೆಟ್ಟಿ ಬರ್ಕೆತೋಟ, ಭಜನಾ ಸಮಿತಿದ ಅನುಪಮಾ ರಾವ್, ಬಾಲಚಂದ್ರ ರಾವ್ ನಂದಳಿಕೆ, ಮಾಧ್ಯಮ ಸಮಿತಿದ ನರೇಂದ್ರ ಕೆರೆಕಾಡು, ದೀಪಕ್ ಸುವರ್ಣ ಅಭಿಪ್ರಾಯ ಪಟ್ಟೊಂಡೆರ್.

ಧಾರ್ಮಿಕ ಪರಿಷತ್ ಮಾಜಿ ಸದಸ್ಯೆರ್ ಭುವನಾಭಿರಾಮ ಉಡುಪ,ಬ್ರಹ್ಮಕಲಶೋತ್ಸವ ಸಮಿತಿದ ಪ್ರಧಾನ ಕಾರ್ಯದರ್ಶಿ ಬಿ.ರಾಮಣ್ಣ ದೇವಾಡಿಗ,ವ್ಯವಸ್ಥಾಪನಾ ಸಮಿತಿದ ಸದಸ್ಯೆರಾಯಿನ ವಿಜಯಕುಮಾರ್ ರೈ, ವಿಪುಲ ಶೆಟ್ಟಿಗಾರ್,ಎಲ್.ಕೆ. ಸಾಲ್ಯಾನ್, ಶಾರದಾ ಬಂಗೇರ, ಮೋಹನ್ ದಾಸ್, ಸಂತೋಷ್ ದೇವಾಡಿಗ, ವಿನೋದ್ ಸಾಲ್ಯಾನ್, ಧರ್ಮಾನಂದ ಶೆಟ್ಟಿಗಾರ್ ಮೊಕುಲು ಮಾತ ಇತ್ತೆರ್.

The President of India and the prime minister welcome the King of Cambodia ಕಾಂಬೋಡಿಯನ್ ರಾಜನ್ ಎದ್ಕೊನಿಯೆರ್ ರಾಷ್ಟ್ರಪತಿ, ಪ್ರಧಾನಿ ಮೋದಿ

ಡೆಲ್ಲಿದ ರಾಷ್ಟ್ರಪತಿ ಭವನಡ್ ಕಾಂಬೋಡಿಯಾದ ರಾಜೆ ನೊರೊಡಮ್ ಸಿಹಾಮೋನಿ ಮೆರೆನ್ ಇನಿ ಬೊಲ್ಪುಗು ರಾಷ್ಟ್ರಪತಿ ಮುರ್ಮು ಬೊಕ್ಕ ಪ್ರಧಾನಿ ನರೇಂದ್ರ ಮೋದಿ ಮೇರ್ ಎದ್ಕೊನಿಯೆರ್.

3 ದಿನತ್ತ ಪ್ರವಾಸಡ್ ಇಪ್ಪುನ ಮೇರ್ ಒಂಜಿ ದಿನ‌ ದುಂಬೇ ಡೆಲ್ಲಿಗ್ ಬೈದೆರ್. ಸುಮಾರ್ 60 ವರ್ಷಡೇ ಕಾಂಬೋಡಿಯಾದ ರಾಜಯೊರಿ ಭಾರತಗ್ ಭೇಟಿ ಕೊರೊಂದು ಇಪ್ಪುನೇ ಉಂದುವೇ ಸುರು ಆತ್ಂಡ್.

The President of India and the prime minister welcome the King of Cambodia

The President Droupadi Murmu and PM Narendra Modi welcomed the King of Cambodia Norodom Sihamoni at the Rastrapati Bhavan in New Delhi today. The king is on a three day visit to the country.

B Dayanand has been appointed as the new Bangalore Police Commissioner ಬೆಂಗ್ಲೂರ್‌ದ ಪೊಸ ಪೊಲೀಸ್ ಆಯುಕ್ತೆರಾದ್ ಬಿ. ದಯಾನಂದ ನೇಮಕ

ಬೆಂಗ್ಲೂರ್: ಸರ್ಕಾರ ಬೆಂಗ್ಲೂರ್‌ದ ಪೊಸ ಪೊಲೀಸ್ ಕಮಿಷನರ್ ಆದ್ ಪೆರಿಯ ಪೊಲೀಸ್ ಅಧಿಕಾರಿ ಬಿ ದಯಾನಂದ ಮೆರೆನ್ ನೇಮಕ ಮಲ್ತ್‌ದ್ಂಡ್. ಇನಿ ರಾಜ್ಯ ಸರ್ಕಾರ ಈ ಆದೇಶನ್ ಪಾಡ್ದ್ಂಡ್.

ಬೆಂಗ್ಲೂರ್ ಪೊಲೀಸ್ ಕಮಿಷನರ್ ಸೇರಿನಂಚನೆ ಕೆಲ ಐಪಿಎಸ್ ಅಧಿಕಾರಿಲೆನ ವರ್ಗಾವಣೆ ಮಲ್ತ್‌ದೆರ್. ಈ ಪಿರವು ಬೆಂಗ್ಲೂರ್‌ದ ಪೊಲೀಸ್ ಕಮಿಷನರ್ ಪ್ರತಾಪ ರೆಡ್ಡಿ ಆದಿತ್ತೆರ್. ಇತ್ತೆ ಅರೆನ್ ಡಿಜಿಪಿ ಆಂತರಿಕ ಭದ್ರತಾ ವಿಭಾಗಗ್ ಕಡಪುಡ್ದೆರ್.

B Dayanand has been appointed as the new Bangalore Police Commissioner

Bangalore: Senior police officer B Dayanand has been appointed as the new Commissioner of Police of Bangalore. The state government has passed an order to this effect today.

IPL champions the Chennai Super Kings team win rupees twenty crore in prizes ಐಪಿಎಲ್‌ದ ಚಾಂಪಿಯನ್ ಕೂಟ ಚೆನ್ನೈ ಸೂಪರ್ ಕಿಂಗ್ಸ್ ಗ್ 20 ಕೋಟಿ ರೂ. ಇನಾಮು

ಅಹಮದಾಬಾದ್: ಐಪಿಎಲ್ 2023 ತ್ತ ಫೈನಲ್ ಪಂತೊಡು ಗುಜರಾತ್ ಟೈಟನ್ಸ್ ಕೂಟದ ವಿರುದ್ದ ಕುಡ 5ನೇ ಸರ್ತಿ ಐಪಿಎಲ್ ಕಿರೀಟನ್ ಗೆಂದ್‌ದ್ಂಡ್ ಚೆನ್ನೈ ಸೂಪರ್ ಕಿಂಗ್ಸ್.

ಇತ್ತೆ ಚಾಂಪಿಯನ್ ಆಯಿನ ಚೆನ್ನೈ ಕೂಟಗ್ ಬರೋಬ್ಬರಿ 20 ಕೋಟಿ ರೂ. ಇನಾಮುನು ಕೊರ್ತೆರ್. ಅಂಚನೆ ರನ್ನರ್ ಅಪ್ ಆಯಿನ ಗುಜರಾತ್ ಟೈಟಾನ್ಸ್ ತಂಡಗ್ 12.5 ಕೋಟಿ ರೂ. ಇನಾಮು ತಿಕ್ಕ್‌ದ್ಂಡ್.

Government buses to offer free rides to women from tomorrow!! ಎಲ್ಲೆರ್ದೇ ಸರ್ಕಾರಿ ಬಸ್‌ಟ್ಟ್ ಪೊಂಜೊವುಲೆಗ್ ಧರ್ಮಾರ್ಥ ಪ್ರಯಾಣ

ಬೆಂಗ್ಲೂರ್: ಎಲ್ಲೆರ್ದ್ ಬೊಕ್ಕ ಸರ್ಕಾರಿ ಬಸ್‌ಲೆಡ್ ಪೊಂಜೊವುಲು ಧರ್ಮಾರ್ಥವಾದ್ ಪ್ರಯಾಣ ಮಲ್ಪೊಲಿ ಪಂದ್ ರಾಜ್ಯ ಸರ್ಕಾರ ತೆರಿಪಾದ್ಂಡ್. ಉಂದೆಕ್ಕ್ ಎಪಿಎಲ್, ಬಿಪಿಎಲ್ ಪನ್ಪಿನ ಒವ್ವೇ ನಿಯಮ ಇಜ್ಜಿ ಪಂದ್ ಸಾರಿಗೆ ಸಚಿವೆರ್ ರಾಮಲಿಂಗಾ ರೆಡ್ಡಿ ಪಂಡೆರ್.

ಶಾಂತಿನಗರದ ಕೆಎಸ್‌ಆರ್‌ಟಿಸಿ ಕಚೇರಿಡ್ ಸಾರಿಗೆ ಇಲಾಖೆದ ನಾಲ್ ನಿಗಮದ ವ್ಯವಸ್ಥಾಪಕ ಅಧಿಕಾರಿಲೆನೊಟ್ಟುಗು ಸಭೆ ನಡಪಾದ್ ಆರ್ ಚರ್ಚೆ ಮಲ್ತ್‌ದೆರ್. ಈ ನಿಲೆಟ್ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಕಾಂಗ್ರೆಸ್ ಪ್ರಣಾಳಿಕೆಡ್ ನಮ ಎಪಿಎಲ್, ಬಿಪಿಎಲ್ ಪಂದ್ ಪಂತಿಜ. ಪೊಂಜೊವುಲು ಸರ್ಕಾರಿ ಬಸ್‌ಡ್ ರಾಜ್ಯದ ಮಾತ ಕಡೆಟ್ಟ್ ಧರ್ಮಾರ್ಥವಾದ್ ಪ್ರಯಾಣ ಮಲ್ಪೊಲಿ ಪಂದ್ ಪಂಡೆರ್.

Subramanya: Heavy rains in the area being down trees, traffic disrupted ಸುಬ್ರಮಣ್ಯ: ಭಾರೀ ಗಾಳಿ ಬರ್ಸಗ್ ಮಾರ್ಗಗ್ ಮರ ಬೂರ್ದು ಸಂಚಾರ ಬಂದ್

ಸುಬ್ರಮಣ್ಯ: ಕೋಡೆ ಬಯ್ಯಗ್ ಬತ್ತಿನ ಭಾರೀ ಗಾಳಿ ಬರ್ಸಗ್ ಮರಕುಲು ಬೂರ್ದುಂಡು. ನೆರ್ದ್ ಕಡಬ-ಸುಬ್ರಹ್ಮಣ್ಯ ಮಾರ್ಗ ಸಂಚಾರ ಸಂಪೂರ್ಣ ಬಂದ್ ಆತ್ಂಡ್.

ನೆಟ್ಟಣ, ಬಿಳಿನೆಲೆ, ಕೈಕಂಬ ಪ್ರದೇಶಡ್ ಮಾರ್ಗಗ್ ಮರಕುಲು ಬೂರಿರ್ನೆರ್ದ್ ಮಾರ್ಗ ಸಂಪರ್ಕ ಬಂದ್ ಆದ್, ಗಾಡಿ ಸವಾರೆರ್ ಪರದಾಡುಲೆಕ್ಕ ಆತ್ಂಡ್. ಜಾಗೆಗ್ ಕಡಬ ಪೊಲೀಸೆರ್ ಭೇಟಿ ಕೊರ್ತೆರ್. ಅಗ್ನಿಶಾಮಕ ದಳತ್ತ ಕೂಟ ಕಾರ್ಯಾಚರಣೆ ನಡಪಾವೊಂದು ಉಂಡು.

ಮರ್ಧಾಳಡ್ ಪ್ರವಾಸಿಗೆರೆನ ಟಿಟಿ ಗಾಡಿದ ಮಿತ್ತ್ ಮರ ಬೂರ್ದು ಗಾಡಿ ನಕ್ಕೆ ಆತ್ಂಡ್. ಒವ್ವೇ ಪ್ರಾಣಾಪಾಯ ಆತಿಜಿ.

Puttur: Thieves rob a house in broad daylight and do away with gold !! ಪುತ್ತೂರ್: ಪಗೆಲ್‌ಡೇ ಇಲ್ಲಗ್ ಪೊಗ್ಗ್‌ದು ಬಂಗಾರ್‌ ಕಂಡಿನ ಕಲ್ವೆರ್!

ಪುತ್ತೂರ್ ತಾಲೂಕ್‌ದ ಬನ್ನೂರು ಪನ್ಪಿನಲ್ಪ ಪಗೆಲ್‌ಡೇ ಇಲ್ಲರ್ದ್ ಲಕ್ಷಾಂತರ ರೂಪಾಯಿ ಬಿಲೆತ್ತ ಬಂಗಾರ್‌ನ್ ಕಂಡಿನ ಘಟನೆ ನಡತ್ಂಡ್.

ಬನ್ನೂರು ಕುಂಟ್ಯಾನ ಸದಾಶಿವ ದೇವಲ್ಯದ ವ್ಯವಸ್ಥಾಪನಾ ಸಮಿತಿ ಸದಸ್ಯೆರ್ ಮೌನಿಶ್ ಮೆರೆನ ಇಲ್ಲಡ್ ಏರ್ಲಾ ಇಜ್ಜಂದಿನ ಪೊರ್ತುಡು ಈ ಘಟನೆ ನಡತ್ಂಡ್. ಇಲ್ಲದ ಪಿರವುದ ಬಾಕಿಲ್‌ದ ಬೀಗ ಪುಡತ್ ದ್ ಕಲ್ವೆರ್ ಉಲಯಿ ಬತ್ತ್‌ದೆರ್. ಇಲ್ಲದ ಸೊತ್ತುಲು ಮಾತ ಚೆಲ್ಲಾಪಿಲ್ಲಿ ಆದಿತ್ತ್‌ದ್ ಪೊಲೀಸೆರೆಗ್ ದೂರು ಕೊರ್ತೆರ್.

You Missed