Thu. Nov 19th, 2026

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

Centere hindering “Anna Baghya” yojana- CM Siddaramaiah accuses ಅರಿ ಕೊರಂದೆ ಅನ್ನಭಾಗ್ಯ ಯೋಜನೆನ್ ಉಂತಾಯೆರೆ ತೂಪಿನ ಕೇಂದ್ರ ಸರ್ಕಾರ: ಸಿಎಂ ಸಿದ್ದರಾಮಯ್ಯ ಆರೋಪ

ಬೆಂಗ್ಲೂರ್: ಕೇಂದ್ರ ಸರಕಾರ ಅರಿ ಕೊರಂದೆ ಅನ್ನಭಾಗ್ಯ ಯೋಜನೆನ್ ಅನುಷ್ಠಾನ ಮಲ್ಪಂದಿಲೆಕ್ಕ ಮಲ್ತೊಂದುಂಡು ಪಂದ್ ಮುಖ್ಯಮಂತ್ರಿ ಸಿದ್ದರಾಮಯ್ಯ ಆರೋಪ ಮಲ್ದೆರ್.

ಮೇರ್ ಬೆಂಗ್ಲೂರ್ ದ ಶಕ್ತಿ ಭವನಡ್ ಪತ್ರಿಕಾಗೊಷ್ಠಿಡ್ ಪಾತೆರ್ದ್, ಸರಕಾರ ಅರಿ ದೀವೊಂದು ಕೊರೊಂದು ಇಜ್ಜಿ, ಅರಿ ಕೊರ್ಪಿನ ಇಚಾರಡ್ ಕೇಂದ್ರ ಸರಕಾರ ರಾಜಕೀಯ ನಿರ್ಧಾರ ದೆತ್ತೊಂದುಂಡು. ಕೇಂದ್ರ ಎಷ್ಟೇ ಷಡ್ಯಂತ್ರ ಮಲ್ತ್ಂಡಲ ರಾಜ್ಯದ ಜನಕ್ಲೆಗ್ ಎಂಕುಲು ಅರಿ ಕೊರ್ಪಿನ ಗ್ಯಾರಂಟಿ ಪಂದ್ ಪಂಡೆರ್.

ರಾಜ್ಯ ಸರಕಾರ ಅಂತ್ಯೋದಯ ಬೊಕ್ಕ ಬಿಪಿಎಲ್ ಕಾರ್ಡ್ ದಕ್ಲೆಗ್ ಪ್ರತಿ ತಿಂಗೊಲ್ ತಲಾ 10 ಕೆಜಿ ಅರಿ ಕೊರಿಯೆರೆ ತೀರ್ಮಾನ ಮಲ್ತಿನ ಬಗೆಟ್, ಭಾರತೀಯ ಆಹಾರ ನಿಗಮಗ್ ಪ್ರತಿ ತಿಂಗೊಲ್ ಗ್ 2.28 ಲಕ್ಷ ಮೆಟ್ರಿಕ್ ಟನ್ ಅರಿತ್ತ ಅಗತ್ಯ ಉಂಡು ಪಂದ್ ಜೂ.9 ಕ್ಕ್ ಪತ್ರ ಬರೆತ್ಂಡ್. ನೆಕ್ಕ್ ಜೂ.12 ಕ್ಕ್ ಭಾರತೀಯ ಆಹಾರ ನಿಗಮ ಒಪ್ಪಿಗೆ ಕೊರ್ದು ಕ್ವಿಂಟಾಲ್‍ಗ್ 3400 ರೂ. ಡ್ ಅಕ್ಕಿ ಪೂರೈಕೆ ಮಲ್ಪುವ ಪಂದ್ ಎಂಕ್ಲೆಗ್ ಪತ್ರ ಬರೆದಿತ್ತ್ಂಡ್. ಉಂದು ಆಯಿನ ಬೊಕ್ಕ ಕೇಂದ್ರ ಸರಕಾರ ರಾಜಕೀಯ ನಿರ್ಧಾರ ದೆತ್ತೊಂದುಂಡು ಪಂದ್ ಸಿಎಂ ಬೆಚ್ಚ ಆತೆರ್.

ಜೂ.13 ಕ್ಕ್ ಕೇಂದ್ರದ ಆಹಾರ ಬೊಕ್ಕ ನಾಗರಿಕ ಪೂರೈಕೆ ಸಚಿವಾಲಯ ಭಾರತೀಯ ಆಹಾರ ನಿಗಮಗ್ ಪತ್ರ ಬರೆದ್ 15 ಲಕ್ಷ ಮೆಟ್ರಿಕ್ ಟನ್ ಗೋಧಿ ಬೊಕ್ಕ ಅರಿನ್ ಓಪನ್ ಇಪ್ಪುನ ಮಾರ್ಕೆಟ್ ಡ್ ಮಾರುನ ಯೋಜನೆಡ್ ಮಾರಿಯೆರೆ ಪಂತ್ಂಡ್.

ಅರಿ ಬುಲೆಪುನ ರಾಜ್ಯಲಾಯಿನ ಪಂಜಾಬ್, ತೆಲಂಗಾಣ, ಆಂಧ್ರ, ಛತ್ತಿಸ್‍ಗಡ, ಹರಿಯಾಣ ಮುಟ್ಟ ಇತ್ತೆನೇ ಆಹಾರ ಸಚಿವೆರ್ ಕೆ.ಎಚ್. ಮುನಿಯಪ್ಪ ಪಾರ್ತೆದೆರ್. ಜೂ.15ಕ್ಕ್ ಸಚಿವೆರ್ ಕೆ. ಎಚ್. ಮುನಿಯಪ್ಪ ತೆಲಂಗಾಣ ಮುಖ್ಯಮಂತ್ರಿನ್ ಭೇಟಿ ಆಯೆರೆ ಉಲ್ಲೆರ್. ಒಟ್ಟಾದ್ ಜನಕ್ಲೆಗ್ ಅನ್ನಭಾಗ್ಯ ತಿಕ್ಕುಲೆಕ್ಕ ಮಲ್ಪುನೆನೇ ಎಕ್ಲೆನ ಗುರಿ ಪಂದ್ ಸಿಎಂ ಪಂಡೆರ್.

A flute made with bones of birds dating 12,000 years back found in Israel 12 ಸಾರ ವರ್ಷ ಪಿರಾಕ್ ದ ಪಕ್ಕಿಲೆನ ಎಲುಟ್ಡು ತಯಾರ್ ಮಲ್ತಿನ ಪುರಲ್ ಪತ್ತೆ

ಇಸ್ರೇಲ್‌: 12 ಸಾರ ವರ್ಷದಾತ್ ಪಿರಾಕ್ ದ ಪಕ್ಕಿಲೆನ ಎಲುಟ್ಟು ತಯಾರ್ ಮಲ್ತಿನ ಪುರಲ್ (ಕೊಳಲು) ಇಸ್ರೇಲ್‌ಡ್ ಪತ್ತೆ ಆತ್ಂಡ್.

ನೆನ್ ಉತ್ತರ ಇಸ್ರೇಲ್‌ದ ಪುರಾತತ್ವ ತಜ್ಞೆರ್ ನಾಡ್ ಪತ್ತ್ ದೆರ್. ಪಕ್ಕಿ ವೀಕ್ಷಣೆಡ್ ಪುದರ್ ಪಡೆಯಿನ ಹೂಲಾ ವ್ಯಾಲಿ ಡಿಗ್ ಸೈಟ್‌ಡ್ ತೋಜಿದ್ ಬತ್ತಿನ ಪಕ್ಕಿದ ಎಲುತ್ತ ಈ ಪುರಲ್ ಡ್ ಎಲ್ಯ ರಂಧ್ರ ಉಂಡು.

ವಿಜ್ಞಾನಿಲೆನ ಪ್ರಕಾರ, ಮನುಷ್ಯೆರ್ ಪ್ರಾಣಿದೊಟ್ಟಿಗೆ ತನ್ನ ಸಂವಹನನ್ ಪರಿಷ್ಕರಣೆ ಮಲ್ಪುನಗ ಈ ಕೊಳಲುನ್ ಬಹುಶಃ ಪಕ್ಕಿದ ಸ್ವರಕ್ಕ್ ಗಲಸೊಂದು ಇತ್ತೆರ್ ಪಂದ್ ವರದಿ ಆತ್ಂಡ್.

Drugs found with a jail inmate in Mangalore ಕುಡ್ಲ ಜೈಲ್ ಡ್ ಇತ್ತಿನ ಕೈದಿಡ ಅಮಲ್ ಸೊತ್ತು ಪತ್ತೆ

ಕುಡ್ಲ: ಕುಡ್ಲ ಪೇಂಟೆದ ಜಿಲ್ಲಾ ಕಾರಾಗೃಹಡ್ ಇತ್ತಿನ ವಿಚಾರಣಾಧೀನ ಕೈದಿ ಬಂಟ್ವಾಳ ತಾಲೂಕ್ ದ ಇಬ್ರಾಹೀಂ ಖಲೀಲ್ ನ್ ಕೈಟ್ ಅಮಲ್ ಸೊತ್ತುಲು ಪತ್ತೆ ಆತ್ಂಡ್.

ಈ ಘಟನೆ ಬುಧಾರ ಕೋರ್ಟುಗು ಹಾಜರ್ ಮಲ್ತ್ ದ್ ಕುಡ ವಾಪಸ್ ಲೆತ್ತೊಂದು ಬನ್ನಗ ನಡತ್ಂಡ್. ಈ ಬಗೆಟ್ ಬರ್ಕೆ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

Drugs found with a jail inmate in Mangalore

Mangalore: Ibrahim Kalil from Bantwal who is an inmate of Central Jail Mangalore was taken to court for hearing when the drugs were found.A case has been registered in Barke police station.

Shakti Yojana effect- The transport department cannot dole out special funds to the corporation ಶಕ್ತಿ ಯೋಜನೆದ ಎಫೆಕ್ಟ್-ನಿಗಮಲೆಗ್ ವಿಶೇಷ ಅನುದಾನ ಕೊರಿಯರೆ ಸಾಧ್ಯ ಇಜ್ಜಿ; ಸಾರಿಗೆ ಇಲಾಖೆ

ಸಾರಿಗೆ ಇಲಾಖೆದ ಸರ್ಕಾರದ ಅಧೀನ ಕಾರ್ಯದರ್ಶಿ ವಿ.ಎಸ್ ಪುಷ್ಪಾ ಮೇರ್ ಕೆಎಸ್‌ಆರ್‌ಟಿಸಿ, ಬಿಎಂಟಿಸಿ ಸೇರಿನಂಚನೆ 4 ನಿಗಮದ ವ್ಯವಸ್ಥಾಪಕ ನಿರ್ದೇಶಕೆರೆಗ್ ಕಾಕಜಿಡ್ ಬರೆದಿತ್ತ್‌ದ್ ಸಾರಿಗೆ ಸಂಸ್ಥೆಲೆಗ್ ಆಪಿನ ಆರ್ಥಿಕ ಹೊರೆನ್ ಸರಿ ಮಲ್ಪರೆ ಹೆಚ್ಚುವರಿ ವಿಶೇಷ ಅನುದಾನ ಕೊರಿಯರೆ ಸಾಧ್ಯ ಇಜ್ಜಿ ಪಂದ್ ತೆರಿಪಾದೆರ್.

ಸಾರಿಗೆ ನಿಗಮದ ಸಿಬ್ಬಂದಿ ವೇತನ ಪರಿಷ್ಕರಣೆದ ಹೆಚ್ಚುವರಿ ವೆಚ್ಚನ್ ನಿಭಾಯಿಸಾಯರೆ ಅಂಚನೆ ವೇತನ ಪಾವತಿ, ಇಂಧನ ವೆಚ್ಚಕ್ಕಾದ್ ಹೆಚ್ಚುವರಿ ಅನುದಾನನ್ ಕೊರಿಯರೆ ಸಾಧ್ಯ ಇಜ್ಜಿ. ಶಕ್ತಿ ಯೋಜನೆಗ್ ಸರ್ಕಾರರ್ದ್ ವರ್ಷಗ್ 4 ಸಾರ ಕೋಟಿ ರೂಪಾಯಿ ಆಪುಂಡು. ಇಂಚಾದ್ ನಿಗಮಲೆಗ್ ಹೆಚ್ಚುವರಿ ವಿಶೇಷ ಅನುದಾನ ಕೊರಿಯರೆ ಸಾಧ್ಯ ಇಜ್ಜಿ ಪಂದ್ ಕಾಕಜಿಡ್ ಬರಿತ್ತೆರ್.

Shakti Yojana effect- The transport department cannot dole out special funds to the corporation

In a letter forwarded by V N Puspha under secretary of the transport department to the MD’s of the 4 corporations including KSRTC, BMTC has stated that the transport department cannot dole out funds to set right it’s financial shortcoming.

The Shakthi yojana will cost four thousand crores to the exchequer so special funds will not be given , was stated in the letter.

Gruha Lakshmi Yojana – Application can be submitted from tomorrow ಗೃಹಲಕ್ಷ್ಮೀ ಯೋಜನೆಗ್ ಎಲ್ಲೆರ್ದ್ ಅರ್ಜಿ ಪಾಡೋಲಿ

ಬೆಂಗ್ಲೂರ್: ಜೂನ್ 16 ರ್ದ್ ಕಾಂಗ್ರೆಸ್ ಸರ್ಕಾರ ಜಾರಿ ಮಲ್ತಿನ “ಗೃಹ ಲಕ್ಷ್ಮೀ” ಯೋಜನೆಗ್ ಅರ್ಜಿ ಪಾಡೋಲಿ ಪಂದ್ ಮಹಿಳಾ ಬೊಕ್ಕ ಮಕ್ಕಳ ಕಲ್ಯಾಣ ಇಲಾಖೆದ ಸಚಿವೆರ್ ಲಕ್ಷ್ಮೀ ಹೆಬ್ಬಾಳ್ಕರ್ ತೆರಿಪಾದೆರ್.

ಈ ಬಗೆಟ್ ಸುದ್ದಿಗೋಷ್ಠಿಡ್ ಪಾತೆರಿನ ಆರ್, ಗೃಹಲಕ್ಷ್ಮೀ ಯೋಜನೆದ ಬಗೆಟ್ ಒವ್ವೇ ರೀತಿದ ಗೊಂದಲ ಇತ್ತ್ಂಡ ಸಹಾಯವಾಣಿ ಸಂಖ್ಯೆ 1902 ಕ್ಕ್ ಲೆಪ್ಪು ಕೊರೊಲಿ. ಅರ್ಜಿ ಪಾಡಿಯರೆ ಅಕೇರಿದ ದಿನ ಇಪ್ಪುಜಿ. ಅರ್ಜಿ ಪಾಡುನ ಪ್ರಕ್ರಿಯೆ ವರ್ಷ ಪೂರ್ತಿ ಇಪ್ಪುಂಡು ಪಂದ್ ತೆರಿಪಾದೆರ್.

ಸೇವಾಸಿಂಧು ಪೋರ್ಟಲ್, ಬೆಂಗಳೂರು ಒನ್, ಕರ್ನಾಟಕ ಒನ್, ಗ್ರಾಮ ಒನ್ ಕೇಂದ್ರಲೆಡ್ ಫ್ರೀ ಆದ್ ಅರ್ಜಿ ಪಾಡೊಲಿ. ಉಂದೆಕ್ಕ್ ಆಧಾರ್ ಕಾರ್ಡ್, ಕಂಡನ್ಯನ ಆಧಾರ್ ಕಾರ್ಡ್ ಮಾಹಿತಿ ಕೊರೊಡು ಪಂದ್ ತೆರಿಪಾದೆರ್.

This was announced by Lakshmi Hebbalkar minister for woman and child welfare in Banglore

Vignesh gets the first place in Engineering in CET, Karnataka ಸಿಇಟಿ ಪರೀಕ್ಷೆಡ್ ಇಂಜಿನಿಯರಿಂಗ್ ವಿಭಾಗಡ್‌ಸುರುತ್ತ ತಾನೊ ಪಡೆಯಿನ ವಿಘ್ನೇಶ್

ಕರ್ನಾಟಕ ಸಿಇಟಿ ಪರೀಕ್ಷೆದ ರಿಸಲ್ಟ್ ಪ್ರಕಟ ಆದಿತ್ತ್‌ದ್, ಇಂಜಿನಿಯರಿಂಗ್ ವಿಭಾಗಡ್ ವಿಘ್ನೇಶ್ ಸುರುತ್ತ ತಾನೊ, ಅರ್ಜುನ್ ಕೃಷ್ಣಸ್ವಾಮಿ ರಡ್ಡನೇ ತಾನೊ, ಸಮೃದ್ಧ್ ಶೆಟ್ಟಿ ಮೂಜನೇ ತಾನೊ ಪಡೆತ್ತೆರ್. ಎಸ್. ಸುಮೇದ್ ಬೊಕ್ಕ ಮಾಧವ ಸೂರ್ಯ ನಾಲ್ನೇ ಬೊಕ್ಕ ಐನ್ನೇ ರ್‍ಯಾಂಕ್ ಪಡೆತ್ತೆರ್.

Vignesh gets the first place in Engineering in CET, Karnataka
In CET exams Karnataka conducted in engineering section Vignesh gets the first place.Arjun Krishna swami gets second and Samrudh Shetty gets the third place.

CET results announced ಸಿಇಟಿ ರಿಸಲ್ಟ್ ಪ್ರಕಟ

ಬೆಂಗ್ಲೂರ್: 2023-24ನೇ ಸಾಲ್‌ದ ವೃತ್ತಿಪರ ಕೋರ್ಸ್‌ದ ಪ್ರವೇಶಗ್ ಮಲ್ತಿನ ಕರ್ನಾಟಕ ಸಾಮಾನ್ಯ ಪ್ರವೇಶ ಪರೀಕ್ಷೆ-ಸಿಇಟಿ ಪರೀಕ್ಷೆದ ಫಲಿತಾಂಶ ಪ್ರಕಟ ಆತ್ಂಡ್.

ಉನ್ನತ ಶಿಕ್ಷಣ ಸಚಿವೆರ್ ಡಾ.ಸುಧಾಕರ್ ಮೇರ್ ಬೆಂಗ್ಲೂರ್‌ದ ಮಲ್ಲೇಶ್ವರಂದ ಕೆಇಎ ಕಚೇರಿಡ್ ಸಿಇಟಿ ರಿಸಲ್ಟ್‌ನ್ ಪ್ರಕಟ ಮಲ್ತ್‌ದಿತ್ತ್‌ದ್, ಈ ಸರ್ತಿ ಸಿಇಟಿಡ್ ಪೊಂಜೋಕುಲೇ ಸಾಧನೆ ಮಲ್ತ್‌ದೆರ್.

An Indian student murdered in London! ಲಂಡನ್​ಡ್ ಭಾರತದ ಪೊಣ್ಣನ ಮರ್ಡರ್!

ಹೈದರಾಬಾದ್: ಎಚ್ಚದ ಕಲ್ಪೆರೆ ಪಂದ್ ಲಂಡನ್‌ಗ್ ಪೋಯಿನ ಭಾರತದ ಪೊಣ್ಣನ್ ಕೆರಿನ ಘಟನೆ ಲಂಡನ್​ದ ವಿಂಬ್ಲೆಡ್ ಅಂಗಾರೆ ನಡತ್ಂಡ್.

ಕೊಲೆ ಆಯಿನ ಪೊಣ್ಣು ಹೈದರಾಬಾದ್​ದ ಕೊಂಥಮ್ ತೇಜಸ್ವಿನಿ (27) ಪಂದ್ ತೆರಿದ್ ಬೈದ್ಂಡ್. ಮೆರೆನ್ ಮೆರೆನೊಟ್ಟಿಗೆ ಫ್ಲ್ಯಾಟ್​ಡ್ ಒಟ್ಟಿಗೆ ಇತ್ತಿನ ಬ್ರೆಜಿಲ್​ದ ಜನನೇ ಕೆರ್ತೆರ್ ಪಂದ್ ತೆರಿದ್ ಬೈದ್ಂಡ್.

A freak baby with four hands,four legs and two hearts born in Bihar!! 4 ಕೈ, 4 ಕಾರ್, 2 ಹೃದಯದ ಬಾಲೆ!

ಬಿಹಾರ: 4 ಕೈ, 4 ಕಾರ್ ಬೊಕ್ಕ 2 ಹೃದಯ ಇಪ್ಪುನ ಬಾಲೆ ಅಂಗಾರೆ ಬಿಹಾರದ ಸರನ್ ಜಿಲ್ಲೆದ ಪೊಂಜೋವ್ ಒರ್ತಿಗ್ ಪುಟ್ಟುದುಂಡು.

ಶ್ಯಾಮ್ ಚಾಕ್ ದ ನರ್ಸಿಂಗ್ ಹೋಮ್‌ಡ್ ಅಪ್ಪೆ ಪ್ರಸೂತಾ ಪ್ರಿಯಾ ದೇವಿ, ಪೊಣ್ಣು ಬಾಲೆಗ್ ಜನ್ಮ ಕೊರ್ತೆರ್. ಬಾಲೆ ಪುಟ್ಟಿನ 20 ನಿಮಿಷಡೇ ತೀರ್ ಪೋತ್ಂಡ್.

June 14 th: “Bramarambikegu Pootha Pooje” devotional songs released ಜೂ.14: “ಭ್ರಮರಾಂಬಿಕೆಗ್ ಪೂತ್ತ ಪೂಜೆ” ಭಕ್ತಿ ಸುಗಿಪು ಬುಡುಗಡೆ

ಬೆಂಗ್ಲೂರು: ಶ್ರೀ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಅಪ್ಪೆಗ್ ಭಕ್ತಿ ಸುಗಿಪು ಅರ್ಪಣೆ ಮಲ್ಪುನ ಮುಕೇನ ತುಳುನಾಡ್ದ ಪೆರ್ಮೆದ ಯುವ ಗಾಯಕೆ ನಿರಂಜನ್ ಕುಮಾರ್ ಕಟೀಲ್ ಮೆರೆನ ಸಿರಿ ಕಂಠೊಡು ಜೂನ್ 14 ಬುಧವಾರ ಶ್ರೀ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಅಪ್ಪೆಗ್ ಭಕ್ತಿ ಸುಗಿಪು ಬಿಡುಗಡೆ ಆವರೆ ಉಂಡು.

“ಭ್ರಮರಾಂಬಿಕೆಗ್ ಪೂತ್ತ ಪೂಜೆ” ಸುಗಿಪುದ ಸಾಹಿತ್ಯೊ ನು ಜಿ.ಎಸ್.ಗುರುಪುರ ಮೇರ್ ಬರೆತೆರ್. ನಿರ್ಮಾಣನೊ ‘ಮಾತೃಚಿತ್ತ’ ವಹಿಸೊಂದುಂಡು.

ಲಾಸ್ಯ ನಿರಂಜನ್ ಬೊಕ ಚೈತ್ರ ಕಲ್ಲಡ್ಕ ಮೊಕೆಲನ ಸಹಕಾರದೊಟ್ಟುಗು ಮಾತೃಚಿತ್ತ ಕ್ರಿಯೇಷನ್‌ದ ಯೂಟ್ಯೂಬ್ ಚಾನಲ್ ಡ್ ಬಿಡುಗಡೆ ಆವರೆಂಡು ಪಂಡ್ದ್ ಯುವ ಗಾಯಕೆ ನಿರಂಜನ್ ಕುಮಾರ್ ಕಟೀಲ್ ಪ್ರಕಟನೆಡ್ ತೆರಿಪಾದೆರ್.

ಯಾದವ ಎಸ್ ಕಲ್ಲಾಪು

June 14 th: “Bramarambikegu Pootha
Pooje” devotional songs released

Bangalore: Well known singer of Tulunadu Niranjan Kumar Kateel has released a devotional songs album in praise of Goddess Kateel Sri Durgaparameshwari on June 14th.

“Bramarambikegu Pootha Pooje” has lyrics written by J S Gurupur and is produced by “Matrachitta” Creations youtube channel.