ತುಳುನಾಡಿನ ಕಟ್ಟುಕಟ್ಟಳೆಗಳು” ಬೂಕು ಬುಡುಗಡೆ

ಮುಲ್ಕಿ : ಹೊಸ ಅಂಗಣ ಪತ್ರಿಕೆದ ಸಂಪಾದಕೆರ್ ಡಾ.ಹರಿಶ್ಚಂದ್ರ ಸಾಲ್ಯಾನ್ ಮೇರ್ ಬರೆತಿನ 15ನೇ ಬೂಕು ‘ತುಳುನಾಡಿನ ಕಟ್ಟು ಕಟ್ಟಳೆಗಳು’ ಉಂದೆತ್ತ ಬುಡುಗಡೆ ಲೇಸ್ ಶನಿಯಾರ ಬೈಯಡ್ ಮುಲ್ಕಿ ಬಿಲ್ಲವ ಸಂಘದ ಸಭಾಂಗಣೊಡು ನಡತ್ಂಡ್.
ದ.ಕ ಜಿಲ್ಲೆದ ಉಸ್ತುವಾರಿ ಮಂತ್ರಿಲು ಕೋಟ ಶ್ರೀನಿವಾಸ ಪೂಜಾರಿ ಬೂಕು ಬುಡುಗಡೆ ಮಲ್ತೆರ್.
ಶಾಸಕೆರ್ ಉಮಾನಾಥ ಕೋಟ್ಯಾನ್ ಗುರ್ಕಾರ್ಮೆ ವಹಿಸಿಯೆರ್. ಬಿನ್ನೆರಾದ್ ಮಾಜಿ ಮಂತ್ರಿಲು ಅಭಯಚಂದ್ರ ಜೈನ್, ದಕ ಜಿಲ್ಲೆ ಬಿಜೆಪಿದ ಗುರ್ಕಾರ್ಲು ಸುದರ್ಶನ್ ಎಂ., ಮುಲ್ಕಿ ನಗರ ಪಂಚಾಯಿತಿದ ಗುರ್ಕಾರ್ಲು ಸುಭಾಷ್ ಶೆಟ್ಟಿ, ಒತ್ತು ಗುರ್ಕಾರ್ಲು ಸತೀಶ್ ಅಂಚನ್, ಕರ್ನಾಟಕ ಕನ್ನಡ ಸಾಹಿತ್ಯ ಪರಿಷತ್ ದ ಮಾಜಿ ಗುರ್ಕಾರ್ಲು ಹರಿಕೃಷ್ಣ ಪುನರೂರು, ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ದ ಗುರ್ಕಾರ್ಲು ಪ್ರದೀಪ್ ಕುಮಾರ್ ಕಲ್ಕೂರ, ಯುಗಪುರುಷದ ಸಂಪಾದಕೆರ್ ಭುವನಾಭಿರಾಮ ಉಡುಪೆರ್, ಮುಲ್ಕಿ ಬಿಲ್ಲವ ಸಂಘದ ಗುರ್ಕಾರ್ಲು ರಮೇಶ್ ಅಮೀನ್ ಕೊಕ್ಕರಕಲ್ ಬೊಕ್ಕ ಡಾ. ಹರಿಶ್ಚಂದ್ರ ಪಿ. ಸಾಲ್ಯಾನ್ ಇತ್ತೆರ್.ಸಾಹಿತಿ ದಯಾಮಣಿ ಎಸ್.ಶೆಟ್ಟಿ ಬೂಕುದ ಇಸಯೊಡು ಪಾತೆರಿಯೆರ್.
ರೊಟೇರಿಯನ್ ರವಿಚಂದ್ರೆರ್ ಬಿನ್ನೆರೆನ್ ಎದ್ಕೊನಿಯೆರ್.ವಿಜಯಕುಮಾರ್ ಕುಬೆವೂರು ಲೇಸ್ ನಡಪಾದ್ ಕೊರಿಯೆರ್.
ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದಾಯೆರ್.