ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಜೈ ತುಳುನಾಡ್ (ರಿ.) ಸಂಘಟನೆ ಬೊಕ್ಕ ಇನ್ನಂಜೆ ಯುವತಿ ಮಂಡಲ (ರಿ.) ದ ಒಟ್ಟು ಸೇರಿಗೆಡ್ “ಬಲೆ ತುಳು ಲಿಪಿ ಕಲ್ಪುಗ” ಕಾರ್ಯಗಾರದ ಉದಿಪನ ಲೇಸ್ ಕಾಪು ತಾಲೂಕುದ ಇನ್ನಂಜೆ ಗ್ರಾಮದ ದಾಸ ಭವನೊಡು ಸೋಮಾರದಾನಿ ನಡತ್ಂಡ್. ಉಂಡಾರು ದೇವಸ್ಥಾನದ ಅರ್ಚಕೆರಾಯಿನ ಶ್ರೀ ವಿಷ್ಣುಮೂರ್ತಿ ಮಂಜಿತ್ತಾಯ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್. ಇನ್ನಂಜೆ ಗ್ರಾಮ ಪಂಚಾಯತ್‌ದ ಮಾಜಿ ಗುರ್ಕಾರ್ಲು ಆಯಿನ ಶ್ರೀಮತಿ ವಸಂತಿ ವಿ ಆಚಾರ್ಯ, ಜೈ ತುಳುನಾಡ್ (ರಿ.) ಗುರ್ಕಾರ್ಲು ಶ್ರೀ ಸುದರ್ಶನ್ ಸುರತ್ಕಲ್, ಇನ್ನಂಜೆ ಯುವತಿ ಮಂಡಲ (ರಿ.)ದ ಗುರ್ಕಾರ್ಲಾಯಿನ ಶಿಲ್ಪಾ ಕುಲಾಲ್, ಕಾರ್ಯಂತೆರಾಯಿನ ಲಕ್ಷ್ಮೀ ವೈ ನಾಯಕ್, ತುಳು ಲಿಪಿ ಶಿಕ್ಷಕೆರಾಯಿನ ಉಷಾ ಎನ್ ಪೂಜಾರಿ ಬೊಕ್ಕ ಅಕ್ಷತಾ ಕುಲಾಲ್ ಲೇಸ್‌ಡ್ ಒತ್ತು ಪಾಲ್ ಇತ್ತೆರ್.
Editorial