ಧರ್ಮಸ್ಥಳಡ್ 28ನೇ ವರ್ಷದ ಭಜನಾ ಕಮ್ಮಟ
ಧರ್ಮಸ್ಥಳ : ಆರೋಗ್ಯ ರಕ್ಷಣೆಗ್ ಭಜನೆ ಅತಿ ಮುಖ್ಯ ಸಾದಿ. ಬದ್ಕ್ದ ಸುಗಮದ ಸಾದಿಯೇ ಭಜನೆ. ಆರೋಗ್ಯವಂತ ಶರೀರ ಆತ್ಮದ ಅರಮನೆ” ಪಂದ್ ರಾಜ್ಯ ಜನಜಾಗೃತಿ ವೇದಿಕೆದ ಪ್ರಾದೇಶಿಕ ನಿರ್ದೇಶಕ ವಿವೇಕ್ ಪಾಯಸ್ ತೆರಿಪಾಯೆರ್.
ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಭಜನಾ ಪರಿಷತ್ ವತಿರ್ದ್ ಸೆ.29 ಅಂಗಾರೆ ನಡತಿನ 28ನೇ ವರ್ಷದ ಭಜನಾ ಕಮ್ಮಟದ 2 ದಿನತ್ತ ಶಿಬಿರದ ಉಪನ್ಯಾಸಡ್ ಆರ್ ಪಾತೆರಿಯೆರ್.
ಭಜನೆರ್ದ್ ಸಾಮಾಜಿಕ ಪರಿವರ್ತನೆ, ಕೌಟುಂಬಿಕ ಸಾಮರಸ್ಯ ಬೊಕ್ಕ ಎಡ್ಡೆ ನಡತೆ ಸೃಷ್ಟಿಯಾದ್ ಸಮಾಜಡ್ ಆಪಿನ ಸಾಮಾಜಿಕ ಸಮಸ್ಯೆಲು ದೂರ ಆಪುಂಡು. ಕತ್ತಲೆನ್ ದೂರ ಮಲ್ತ್ದ್ ಬೊಲ್ಪುನು ಕೊರ್ಪಿನಲ್ಪ ಭಜನೆ ಪ್ರಮುಖ ಪಾತ್ರ ವಹಿಸಾವುಂಡು ಪಂದ್ ಪಂಡೆರ್.
ವರ್ಣಜಾಗೃತಿ, ಮದ್ಯ ವರ್ಜನ ಶಿಬಿರ ಬೊಕ್ಕ ಭಜನಾ ಕಮ್ಮಟ ಇಂಚಿನ ಕೆಲವು ಯೋಜನೆದ ಮೂಲಕ ಪೂಜ್ಯ ಹೆಗ್ಗಡೆ ದಂಪತಿಲು ಸಾರ ಸಾರ ಜನಕ್ಲೆನ ಪಾಲ್ಗ್ ನಿರೆಲಾದ್ ಮಾರ್ಗದರ್ಶನ ಕೊರೊಂದುಲ್ಲೆರ್ ಪಂದ್ ಆರ್ ಪಂಡೆರ್.
ಈ ಸಂದರ್ಭಡ್ ಭಜನಾ ಕಮ್ಮಟದ ಮುಖ್ಯ ಸಂಚಾಲಕೆರ್ ಸುಬ್ರಹ್ಮಣ್ಯ ಪ್ರಸಾದ್, ಭಜನಾ ಕಮಟ ಪರಿಷತ್ ಸದಸ್ಯೆರ್ ಬೊಕ್ಕ ಶಿಬಿರಾರ್ಥಿಲು ಇತ್ತೆರ್.
ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಭಜನಾ ಪರಿಷತ್ ವತಿರ್ದ್ ಆಯೋಜನೆ ಮಲ್ದಿನ 28ನೇ ವರ್ಷದ ಭಜನಾ ಕಮ್ಮಟದ 2 ನೇ ದಿನತ್ತ ಶಿಬಿರಡ್ ಸಂಗೀತ ವಿದೂಷಿ ಉಷಾ ಹೆಬ್ಬಾರ್, ಮಣಿಪಾಲ ಭಜನಾ ತರಬೇತಿ ಕೊರಿಯೆರ್. ಈ ಸಂದರ್ಭಡ್ ಭಜನಾ ಕಮ್ಮಟ ಪರಿಷತ್ ಅಧ್ಯಕ್ಷೆರ್ ಡಾ.ಡಿ. ವೀರೇಂದ್ರ ಹೆಗ್ಗಡೆರ್, ಉಪಾಧ್ಯಕ್ಷೆರ್ ಡಾ॥ ಹೇಮಾವತಿ ಅಮ್ಮ, ಸುಪ್ರಿಯಾ ಹರ್ಷೇಂದ್ರ ಕುಮಾರ್ ಬೊಕ್ಕ ಐಶ್ವರ್ಯ ನಿಶ್ಚಲ್ ಜೈನ್ ಇತ್ತೆರ್.