ಬೊಲ್ತೇರ್: ನಾಲ್ಕೂರು ಗ್ರಾಮಡ್ ಮನುಷ್ಯನ ಅಸ್ಥಿಪಂಜರ ಪತ್ತೆ

ಬೊಲ್ತೇರ್ ತಾಲೂಕು ನಾಲ್ಕೂರು ಗ್ರಾಮದ ಪಾಡಿ ಪನ್ಪಿನ ಜಾಗೆಡ್ ಸೋಮವಾರ ಬಯ್ಯಡ್ ಅಪರಿಚಿತ ಮನುಷ್ಯನ ಅಸ್ಥಿಪಂಜರ ಪತ್ತೆ ಆತ್ಂಡ್.
ನಾಲ್ಕೂರು ಗ್ರಾಮದ ಬಳಂಜ ಪಾಡಿ ನಿವಾಸಿ ವಿನೋದ್ ಮೆರೆನ ಕೃಷಿ ಭೂಮಿತ ಕಣಿತ್ತ ಕೈತಲ್ ಮನುಷ್ಯನ ಮಂಡೆ, ಎಲುಬಲ್ಲೆ ಬೊಕ್ಕ ಕುಂಟು ಪತ್ತೆ ಆತ್ಂಡ್.
ವಿನೋದ್ ಮೆರೆನ ಜಮೀನ್‌ನ್ ಮಜ್ಜೆನಿಬೈಲು ಪಾಡಿ ನಿವಾಸಿ ಸುರೇಶ್ ಪನ್ಪಿನಾರ್ ನಿರ್ವಹಣೆ ಮಲ್ತೊಂದಿತ್ತೆರ್. ಮೆಷಿನ್‌ಡ್ ಕೃಷಿ ಭೂಮಿನ್ ಸ್ವಚ್ಛ ಮಲ್ಪುನ ಪೊರ್ತುಡು ಅಸ್ಥಿಪಂಜರ ತೋಜಿದ್ ಬೈದ್ಂಡ್.
ವಿಷಯ ತೆರಿನ ವೇಣೂರು ಪೊಲೀಸ್ ಅಧಿಕಾರಿಲು ಬೊಕ್ಕ ಸೋಕೋ ಟೀಮ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.