ಸ್ಪಂದನಾ ಮರಣಗ್ ಡಾ.ವೀರೇಂದ್ರ ಹೆಗ್ಗಡೆ ಸಂತಾಪ

ಚಲನಚಿತ್ರ ನಟೆ ವಿಜಯರಾಘವೇಂದ್ರ ಅರೆನ ಬುಡೆದಿ ಸ್ಪಂದನಾ ತೀರ್ ಪೋಯಿನ ಸುದ್ದಿ ಕೇಂಡ್ ದ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಿ.ವೀರೇಂದ್ರ ಹೆಗ್ಗಡೆ ಸಂತಾಪ ತೆರಿಪಾದೆರ್.

ಸ್ಪಂದನಾ ಶ್ರೀ ಕ್ಷೇತ್ರದ ಭಕ್ತೆರ್, ಆತ್ಮೀಯೆರ್, ಮಸ್ತ್ ಸಲ ಕುಟುಂಬದಕ್ಲೆನ ಒಟ್ಟಿಗೆ ಧರ್ಮಸ್ಥಳಗ್ ಬತ್ತ್ ದ್ ದೇವರ್ನ ದರ್ಶನ ಪಡೆತೆರ್.

ಆರ್ ಸರಳ ವ್ಯಕ್ತಿತ್ವ, ಕಲಾಭಿಮಾನಿ ಆದ್ ಇತ್ತೆರ್. ಅರೆನ ಅಕಾಲಿಕ ಮರಣ ಕುಟುಂಬದಕ್ಲೆಗ್, ಕಲಾಭಿಮಾನಿಲೆಗ್ ಭಾರಿ ಬೇನೆ ಮಲ್ತ್ಂಡ್.

ಅರೆನ ಆತ್ಮೊಗು ಚಿರಶಾಂತಿ ಕೊರಡ್ ಪಂದ್ ದೇವೆರ್ಡ ಕೇನೊನುವೆ. ಬೊಕ್ಕ ಕುಟುಂಬದಕ್ಲೆಗ್, ಅಭಿಮಾನಿಲೆಗ್ ದುಃಖ ಸಹಿಸೊನ್ನ ಶಕ್ತಿ-ತಾಳ್ಮೆನ್ ಶ್ರೀ ಮಂಜುನಾಥ ಸ್ವಾಮಿ ಕೊರಡ್ ಪಂದ್ ಪ್ರಾರ್ಥನೆ ಮಲ್ಪುವೆ ಪಂದ್ ಡಾ.ಡಿ. ವೀರೇಂದ್ರ ಹೆಗ್ಗಡೆರ್ ಪಂಡೆರ್.