ಸ್ಥಗಿತ

ಕುಡ್ಲರ್ದ್ ಕಾಸ್ರೋಡುಗು ಬಸ್ ಸಂಚಾರ ಸ್ಥಗಿತ : ನಳಿನ್ ಕುಮಾರ್ ಕಟೀಲ್

Jul 31, 2021

ಕುಡ್ಲ , ಜು.31: ಕೈತಲ್ ದ ಕೇರಳಡ್ ಕೋವಿಡ್ ಸೋಂಕುದ ಪ್ರಕರಣ ಜಾಸ್ತಿ ಆಯಿನ ನೆಲೆಟ್ಟ್ ದ.ಕ. ಜಿಲ್ಲೆರ್ದ್ ಕಾಸರಗೋಡುಗು ಪೋಪಿನ ಸರಕಾರಿ ಬೊಕ್ಕ ಖಾಸಗಿ ಬಸ್‌ಲೆನ್ ಆ.1ರ್ದ್ ಒಂಜಿ ವಾರ ಬಸ್ ಇಜ್ಜಿ ಪಂದ್ ಸಂಸದ ನಳಿನ್ ಕುಮಾರ್ ಕಟೀಲು ಪಂಡೆರ್ .

ನಗರದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣಡ್ ಶನಿವಾರ ಅಟ್ಟನೆ ಮಲ್ದಿನ ಕೋವಿಡ್-19 ಸೋಂಕು ನಿಯಂತ್ರಣಗ್ ಸಂಬಂಧಿ ಜಿಲ್ಲಾ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಸಭೆಟ್ ಗುರ್ಕಾರ್ಮೆ ವಹಿಸ್ ದ್ ಪಾತೆರಿಯೆರ್.

ಕೊರೋನ ಪಾಸಿಟಿವಿಟಿ ಪ್ರಕರಣ ಕರಿನ ಕೆಲವು ದಿನರ್ದ್ ಜಿಲ್ಲೆಡ್ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಜಿಲ್ಲೆದ ಗಡಿಭಾಗಡ್ ಕಟ್ಟುನಿಟ್ಟ್ ದ ಕ್ರಮ ದೆತೊಂದು ಕೊರೋನ ಸೋಂಕು ಪಸರಂದೆ ಸೂಕ್ತ ಕ್ರಮ ದೆತೊನುನೆತ್ತ ಒಟ್ಟುಗು ಕೋವಿಡ್ ನಿಯಮಲೆನ್ ಕಡ್ಡಾಯವಾದ್ ಪಾಲಿಸಾವೊಡು ಪಂದ್ ಪಂಡೆರ್ .

ತುಂಬೆ ಗ್ರಾಮಡ್ ನೀರ್ ಸರಬರಾಜು ಸ್ಥಗಿತ

Jun 11, 2021

ತುಂಬೆ : ತಾರೀಖ್ 11-06-2021 ನೆ ಶುಕ್ರವಾರದಾನಿ ತುಂಬೆಡ್ ಶಟ್ ಡೌನ್ ಉಪ್ಪುನೆರ್ದಾವರ ನಗರ ವ್ಯಾಪ್ತಿಡ್ ಕಾಂಡೆ 10.00 ಗಂಟೆರ್ದ್ ಬೈಯ್ಯಗ್ 5.00 ಗಂಟೆ ಮುಟ ನೀರ್ ಸರಬರಾಜು ಇಜ್ಜಿ ಪಂದ್ ಪ್ರಕಟಣೆಗ್ ತೆರಿಪಾದೆರ್ .

ಪಾಲಿಕೆರ್ದ್ 76ಸಾರ ದಂಡ : ಪರವಾನಗಿ ಸ್ಥಗಿತ

Jun 10, 2021

ಬೆಂಗ್ಳೂರು, ಜೂನ್ 10: ಕೋವಿಡ್-19 ಪಸರುನೇನ್ ತಡೆಯೆರೆ ಜಿಲ್ಲಾಡಳಿತ ಕೊರಿನ ನಿರ್ಬಂಧದ ಮಾರ್ಗಸೂಚಿ ಉಲ್ಲಂಘನೆ ಮಲ್ತಿನ ಅಂಗಡಿ ಮುಂಗಟ್ಟು ಮಾಲೀಕೆರ್ ಬೊಕ್ಕ ವಾಹನ ಪ್ರಯಾಣಿಕೆರೆಗ್ ಕುಡ್ಲ ಮಹಾನಗರ ಪಾಲಿಕೆ ₹76400 ದಂಡ ಪಾಡ್ದೆರ್ , ಅಂಗಡಿ ಪರವಾನಗಿ ಅಮಾನತು ಮಲ್ದೆರ್ .

ಅನುಮತಿ ಇಜ್ಜಂದೆ ಉಪ್ಪುನ ವಸ್ತುದ ಅಂಗಡಿಲೆನ್ ಅನಧಿಕೃತವಾದ್ ದೆತ್ದ್ ವ್ಯಾಪಾರ ವಹಿವಾಟು ಮಲ್ತಿನ ನೆಲೆಟ್ಟ್ ಅಂಚನೇ ಮಾರ್ಗಸೂಚಿ ಉಲ್ಲಂಘನೇ ಮಲ್ತಿನ ಪೇಂಟೆದ ಅಂಗಡಿಗ್ ಪಾಲಿಕೆ ಅಧಿಕಾರಿಲೆನ ಕೂಟ ಕಾರ್ಯಾಚರಣೆ ನಡಪಾದ್ 78 ಅಂಗಡಿಗ್ ₹ 68,350 ದಂಡ ಪಾಡ್ದೆರ್ . ಈ ಪೈಕಿ 30 ಅಂಗಡಿದ ಉದ್ದಿಮೆ ಪರವಾನಗಿನ್ ರದ್ದು ಮಲ್ದೆರ್ ಪಂದ್ ಕುಡ್ಲ ಮಹಾನಗರ ಪಾಲಿಕೆ ಆಯುಕ್ತ ಅಕ್ಷಯ್‌ ಶ್ರೀದರ್‌ ಪ್ರಕಟಣೆಡ್ ಪಂಡೆರ್.

ದ.ಕ.ಜಿಲ್ಲೆಡ್ ಖಾಸಗಿ ಬಸ್‌ ಸ್ಥಗಿತ : ದಿಲ್‌ರಾಜ್ ಆಳ್ವ

Apr 27, 2021

ಕುಡ್ಲ , ಎ.27: ಕೋರೋನ 2ನೆ ಅಲೆನ್ ಕಮ್ಮಿ ಮಲ್ಪುನ ಸಲುವಾದ್ ಎ.27ನೆ ರಾತ್ರಿ 9 ಗಂಟೆರ್ದ್ ರಡ್ಡ್ ವಾರ ಕೋವಿಡ್ ಕರ್ಫ್ಯೂ ವಿಧಿಸಾದ್ ರಾಜ್ಯ ಸರಕಾರ ಆದೇಶ ಕೊರ್ತಿನ ನೆಲೆಟ್ಟ್ ಎ.28 ತಾರೀಖ್ ಬುಧವಾರರ್ದ್ ದ.ಕ.ಜಿಲ್ಲೆಡ್ ಖಾಸಗಿ ಬಸ್‌ ಸಂಚಾರ ಇಜ್ಜಿ ಪಂದ್ ಎಂದು ದ.ಕ.ಜಿಲ್ಲಾ ಬಸ್ ಮಾಲಕೆರ್ನ ಸಂಘದ ಗುರ್ಕಾರ್ಲಾಯಿನ ದಿಲ್‌ರಾಜ್ ಆಳ್ವ ತೆರಿಪಾದೆರ್ .