ಸೂಚನೆ

ಕುಡ್ಲಡ್ ಜಾಸ್ತಿ ಕೋವಿಡ್ ಟೆಸ್ಟ್ ಮಲ್ಪರೆ ಸೂಚನೆ

ಕುಡ್ಲ : ಜಿಲ್ಲೆಡ್ ಕೋವಿಡ್ ಪಾಸಿಟಿವಿಟಿ ರೇಟ್ ಶೇ.2ರ್ದ್ ಕಮ್ಮಿ ಮಲ್ಪುನ ನೆಲೆಟ್ಟ್ ಜಿಲ್ಲಾಡಳಿತದ ಸೂಚನೆ ಮಿತ್ತ್ ಟೆಸ್ಟ್ ಸಂಖ್ಯೆ ಜಾಸ್ತಿ ಮಲ್ತೊಂದು ಉಲ್ಲೆರ್ , ಜಿಲ್ಲೆದ ಪ್ರತಿ ಗ್ರಾಮ ಪಂಚಾಯ್ತಿಗ್ ತಲಾ 150 ಕೋವಿಡ್ ತಪಾಸಣೆ ನಡಪಾವುನ ಗುರಿ ದೀತೆರ್ . ಪ್ರತಿ ಸರ್ಕಾರಿ ಕಚೇರಿ, ವಾಣಿಜ್ಯ ಸಂಕೀರ್ಣಗ್ ಬರ್ಪಿನಕ್ಲೆನ ಕೋವಿಡ್ ಟೆಸ್ಟ್ ಮಲ್ಪರೆ ಸೂಚನೆ ಕೊರ್ತೆರ್ . ಇತ್ತೆ ವೈರಲ್ ಜ್ವರ ಉಪ್ಪುನೆರ್ದಾವರ ಕೋವಿಡ್ ಟೆಸ್ಟ್ ಅನಿವಾರ್ಯ ಆತುಂಡು . ಕುಡ್ಲಡ್ ಕೋವಿಡ್ ಪಾಸಿಟಿವಿಟಿ ದರ ಶೇ.3.2 ಉಂಡು . ಅವೆನ್ ಕಮ್ಮಿ ಮಲ್ಪರೆ ತಪಾಸಣೆ ಸಂಖ್ಯೆನ್ ನನಾತ್ ಜಾಸ್ತಿ ಮಲ್ಪರೆ ಆರೋಗ್ಯ ಇಲಾಖೆದ ಅಧಿಕಾರಿಲೆಗ್ ತೆರಿಪಾಯೆರ್.

ಹೆದ್ದಾರಿ ಯೋಜನೆ ಕಾಮಗಾರಿನ್ ಮುಗಿಪಾಯೆರೆ ಸೂಚನೆ ಕೊರಿನ ಸಂಸದೆರ್

ಕುಡ್ಲ : ಜಿಲ್ಲೆಡ್ ಆವೊಂದು ಉಪ್ಪುನ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿದ ಯೋಜನೆ ತಡ ಆಯೆರೆ ಆಸ್ಪದ ಇಜ್ಜoದೆ ಮುಗಿಪೆರೆ ಸಂಬಂಧಿಸಾಯಿನ ಅಧಿಕಾರಿಲು ಬೇಲೆ ಮಲ್ಪೋಡು ಪಂದ್ ಸಂಸದೆರಾಯಿನ ನಳೀನ್ ಕುಮಾರ್ ಕಟೀಲ್ ಪಂಡೆರ್ .

ಮೇರ್ ಪೇಂಟೆದ ಜಿಲ್ಲಾಧಿಕಾರಿಲೆನ ಕಚೇರಿ ಸಭಾಂಗಣಡ್ ರಾಷ್ಟ್ರೀಯ ಹೆದ್ದಾರಿ ಯೋಜನೆದ ಅನುಷ್ಠಾನ ಬಗ್ಗೆ ಅಟ್ಟನೆ ಮಲ್ತಿನ ಸಭೆಟ್ ಗುರ್ಕಾರ್ಮೆ ವಹಿಸ್ದ್ ಪಾತೆರಿಯೆರ್.