ಸಂಚಾರಿ

ಹಳ್ಳಿ ಹಳ್ಳಿಗ್ ಪೋದು ಆರೋಗ್ಯ ಸೇವೆ ಕೊರ್ರೆ ಉಪ್ಪುನ ಸಂಚಾರಿ ಐಸಿಯು

Jul 12, 2021

ಬಂಟ್ವಾಳ, ಜು.12: ಕೋವಿಡ್ ನಿಯಂತ್ರಣ ಕಾರ್ಯಡ್ ಕೈ ಜೋಡಾವುನ ನೆಲೆಟ್ಟ್ ಕೆಎಸ್‌ಆರ್‌ಟಿಸಿ ಸಾರಿಗೆ ಸುರಕ್ಷಾ-ಐಸಿಯು ಬಸ್ನ್ ವಿನ್ಯಾಸ ಮಲ್ದುಂಡು , ಬಂಟ್ವಾಳದ ಜನತೆಗ್ ಆರೋಗ್ಯ ಸೇವೆ ಕೊರ್ಪಿನ ನೆಲೆಟ್ಟ್ ಒಂಜಿ ಐಸಿಯು ಬಸ್ ಇತ್ತೇ ಬಿ.ಸಿ.ರೋಡು ಕೆಎಸ್‌ಆರ್‌ಟಿಸಿ ಘಟಕನ್ ಮುಟ್ಟುದುಂಡು.

ಕುಡ್ಲ, ಒಡಿಪು,ಕೊಡುಗು ಜಿಲ್ಲೆ ಉಪ್ಪುನ ಕುಡ್ಲ ಬೊಕ್ಕ ಪುತ್ತೂರು ಕೆಎಸ್‌ಆರ್‌ಟಿಸಿ ವಿಭಾಗ ವ್ಯಾಪ್ತಿಡ್ ಇಂದುವೆ ಸುರುತ್ತ ಸಲ ಕೆಎಸ್‌ಆರ್‌ಟಿಸಿ ಐಸಿಯು ಬಸ್ಸು ಬಂಟ್ವಾಳಗ್ ಬೈದುಂಡು.

ಬಂಟ್ವಾಳ ಶಾಸಕ ರಾಜೇಶ್ ನಾಯ್ಕ್ ಉಳಿಪ್ಪಾಡಿಗುತ್ತು ಮೇರ್ ಜೂ. 17 ಕ್ಕ್ ಉಪಮುಖ್ಯಮಂತ್ರಿಯಾಯಿನ ಸಾರಿಗೆ ಸಚಿವ ಲಕ್ಷ್ಮಣ ಸವದಿ ಮೆರೆನ್ ಭೇಟಿಯಾದ್ ಐಸಿಯು ಬಸ್ಸು ಕೊರ್ಪಿನ ಬಗ್ಗೆ ಚರ್ಚೆ ಮಲ್ತಿತ್ತೆರ್.

ವಿವಿ ಕಾಲೇಜ್ : ಸಂಚಾರಿ ಲಸಿಕಾ ಕೇಂದ್ರಗ್ ಚಾಲನೆ

Jun 20, 2021

ಕುಡ್ಲ, ಜೂನ್ 20: ದಕ್ಷಿಣ ಕನ್ನಡ ಜಿಲ್ಲಾಡಳಿತ, ಕುಡ್ಲ ವಿಶ್ವವಿದ್ಯಾನಿಲಯದ ಯುವ ರೆಡ್‌ ಕ್ರಾಸ್‌ ಘಟಕ ಬೊಕ್ಕ ವಿಶ್ವವಿದ್ಯಾನಿಲಯ ಕಾಲೇಜು ಕುಡ್ಲ , ಮೆಕ್ಲೆನ ಒಟ್ಟು ಸೇರಿಗೆಡ್ ಬಸ್‌ ಸಿಬ್ಬಂದಿ ಬೊಕ್ಕ ಆಟೋ ಚಾಲಕೆರೆಗಾದ್ ಕೊವಿಡ್‌- 19 ಲಸಿಕಾ ಅಭಿಯಾನನ್ ಕಾಲೇಜಿನ ರವೀಂದ್ರ ಕಲಾಭವನಡ್ ಶನಿವಾರ ಅಟ್ಟನೆ ಮಲ್ತಿತ್ತೆರ್ .

ಕಾಲೇಜ್ ದ ಪ್ರಾಂಶುಪಾಲೆ ಆಯಿನ ಡಾ. ಅನಸೂಯ ರೈ ಬೊಕ್ಕ ಬ್ಯಾಂಕ್‌ ಆಫ್‌ ಬರೋಡಾದ ಪ್ರಧಾನ ವ್ಯವಸ್ಥಾಪಕಿ ಅಂಚನೇ ವಲಯ ಮುಖ್ಯಸ್ಥೆ ಗಾಯತ್ರಿ ಆರ್‌ ಲೇಸ್ ದ ಉದಿಪನ ಮಲ್ತೆರ್ . ಬತ್ತಿ ಬಿನ್ನೆರೆನ್ ಎದುಕೋನಿನ ಭಾರತೀಯ ರೆಡ್‌ ಕ್ರಾಸ್‌ ಸೊಸೈಟಿದ ಜಿಲ್ಲಾ ಗೌರವ ಕಾರ್ಯದರ್ಶಿ ಎಸ್‌ ಎ ಪ್ರಭಾಕರ ಶರ್ಮ, ಕ್ಯಾಂಪ್‌ದ ಉದ್ದೇಶನ್ ಪಂಡೆರ್ . ದಕ್ಷಿಣ ಕನ್ನಡ ಜಿಲ್ಲಾ ಭಾರತೀಯ ರೆಡ್‌ ಕ್ರಾಸ್‌ ಸೊಸೈಟಿದ ಗುರ್ಕಾರ್ಲಾಯಿನ ಸಿ ಎ ಶಾಂತಾರಾಮ ಶೆಟ್ಟಿ, ಜಿಲ್ಲಾ ಬಸ್‌ ಮಾಲಕರ ಸಂಘದ ಗುರ್ಕಾರ್ಲಾಯಿನ ದಿಲ್‌ರಾಜ್‌ ಆಳ್ವ, ಕುಡ್ಲ ವಿಶ್ವವಿದ್ಯಾನಿಲಯದ ಯುವ ರೆಡ್‌ ಕ್ರಾಸ್‌ ಘಟಕದ ನೋಡಲ್‌ ಅಧಿಕಾರಿ ಪಾಲ್ ಪಡೆದಿತ್ತೆರ್.