ವೈದ್ಯೆರ್ನ

“ವೈದ್ಯೆರ್ನ ನಡೆ ಹಳ್ಳಿದಡೆ ” : ಇಲ್ಲ ಇಲ್ಲಗ್ ವೈದ್ಯೆರ್ನ ಭೇಟಿ

ಬೆಳ್ತಂಗಡಿ, ಜೂನ್ 8: : ‘ಪೇಂಟೆದ ಪ್ರತಿಗ್ರಾಮದ ಜನತೆದ ಆರೋಗ್ಯದ ದೃಷ್ಟಿರ್ದ್ ಪ್ರತಿಯೊರಿ ನಾಗರಿಕೆಲಾ ಕೋವಿಡ್-19 ಸೋಂಕುದ ತಪಾಸಣೆ ಮಲ್ಪರೆ ಅನುಕೂಲ ಆಪಿಲಕ ವೈದ್ಯೆರ್ನ ನಡೆ ಹಳ್ಳಿದಾಡೆ ಪನ್ಪಿನ ವಿನೂತನ ಲೇಸ್ ನ್ ಅಟ್ಟನೆ ಮಲ್ತಿತ್ತೆರ್.

. ಕೋವಿಡ್‌ ಮುಕ್ತ ತಾಲ್ಲೂಕಾದ್ ಪರಿವರ್ತನೇ ಮಲ್ಪರೆ ಸಾರ್ವಜನಿಕೆರ್ ಈ ಅಭಿಯಾನಗ್ ಸಾಕಾರ ಕೊರೊಡು ಪಂದ್ ಶಾಸಕ ಹರೀಶ್ ಪೂಂಜ ಪಂಡೆರ್ .

ಬೆಳ್ತಂಗಡಿ ಮಿನಿವಿಧಾನಸೌಧ ಆವರಣಡ್ ತಾಲ್ಲೂಕು ಆಡಳಿತ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ ವತಿರ್ದ್ ನಡಪುನ ಈ ಅಭಿಯಾನಗ್ ಚಾಲನೆ ಕೊರ್ದು ಆರ್ ಪಾತೆರಿಯೆರ್.

‘ಫಾದರ್ ‍ಮುಲ್ಲರ್ಸ್ ಆಸ್ಪತ್ರೆದ ವೈದ್ಯೆರ್ , ಸಿಬ್ಬಂದಿಲು ಉಪ್ಪುನ ಈ ತಂಡ ಬೇಲೆ ಮಲ್ಪರೆ ತಯಾರ್ ಆತುಂಡು. ತಾಲ್ಲೂಕುದ 13 ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯೆರ್ ಸಿಬ್ಬಂದಿಲು ಸೇರೊಂದು ಮಾತಾ ಗ್ರಾಮ ಪಂಚಾಯಿತಿ ಬೊಕ್ಕ ತಾಲ್ಲೂಕುದ ಮಾತಾ ಅಧಿಕಾರಿಲೇನ ಸಹಕಾರಡ್ ಅಭಿಯಾನ ನಡಪುಂಡು ಪಂದ್ ಪಂಡೆರ್.

ಹಳ್ಳಿ ಹಳ್ಳಿಗ್ ವೈದ್ಯೆರ್ನ ಕೂಟ ಯೋಜನೆ : ಸಚಿವ ಆರ್. ಅಶೋಕ್

ಒಡಿಪು , ಮೇ 19: ಗ್ರಾಮೀಣ ಪ್ರದೇಶಡ್ ಕೊರೋನ ಪ್ರಕರಣಲು ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಬೆಂಗಳೂರು ಗ್ರಾಮಾಂತರ ಜಿಲ್ಲೆಡ್ ಜಾರಿಗ್ ಕಂದಿನ ಹಳ್ಳಿದ ಕಡೆ ವೈದ್ಯರ ಕೂಟ ಪೈಲೆಟ್ ಯೋಜನೆನ್ ಇಡೀ ರಾಜ್ಯಡ್ ಜಾರಿಗ್ ಕನರೆ ಕ್ರಮ ದೆತೊನೊಡು ಈ ಬಗ್ಗೆ ಆದೇಶ ಕೊರಿಯರೆ ರಾಜ್ಯ ಪ್ರಿನ್ಸಿಪಾಲ್ ಸೆಕ್ರೆಟರಿಗ್ ಸೂಚನೆ ಕೊರೊಡು ಪಂದ್ ರಾಜ್ಯ ಕಂದಾಯ ಸಚಿವ ಆರ್.ಅಶೋಕ್ ತೆರಿಪಾದೆರ್ .

ಪ್ರತಿ ತಾಲೂಕುಡು 15 ವೈದ್ಯೆರ್ , 40 ನರ್ಸಿಂಗ್ ಸಿಬ್ಬಂದಿಲುಪ್ಪುನ ಕೂಟ 15 ಗಾಡಿಡ್ ಪ್ರತಿ ರಡ್ಡ್ ದಿನಕೊರ ಹಳ್ಳಿಗ್ ಪೋದು ಜನಕ್ಲೆನ ಪರೀಕ್ಷೆ ಮಲ್ಪೊಡು .

ಅಗತ್ಯ ಇತ್ತುಂಡ ಚಿಕಿತ್ಸೆ ಕೊರ್ಪಿನತ್ತಂದೆ , ಜಾಸ್ತಿದ ಚಿಕಿತ್ಸೆಗಾದ್ ತಾಲೂಕು ಆಸ್ಪತ್ರೆ ಡ್ ದಾಖಲ್ ಮಲ್ಪರೆ ವ್ಯವಸ್ಥೆ ಮಲ್ಪೊಡು ಪಂದ್ ಪಂಡೆರ್.