ಪುತ್ತೂರು

ವೇದವ್ಯಾಸ ಕಾಮತ್ ಗ್ ಕೋವಿಡ್ ಪಾಸಿಟಿವ್

ಕುಡ್ಲ, ಜೂನ್ 5 : ಕುಡ್ಲ ದಕ್ಷಿಣ ಮತ ಕ್ಷೇತ್ರದ ಶಾಸಕ ವೇದವ್ಯಾಸ ಕಾಮತ್ಗ್ ಕೋವಿಡ್ ಪಾಸಿಟಿವ್ ಸೋಂಕು ಆತುಂಡು .

ಈ ಬಗ್ಗೆ ಟ್ವಿಟ್ ಮಲ್ತ್ ಮಾಹಿತಿ ಕೊರಿನ ಆರ್ , ‘ಎಂಕ್ ಒಂತೆ ಸ್ವಲ್ಪ ಜ್ವರ ತೊಜಿನೆರ್ದಾವರ ನೆಲೆಟ್ಟ್ ಕೋವಿಡ್ ಪರೀಕ್ಷೆಗ್. ಎಂಕ್ ಕೋವಿಡ್ ಧೃಡ ಆತುಂಡು ಪಾಸಿಟಿವ್ ಆತುಂಡು . ತಾನ್ ಹೋಂ ಐಸೋಲೇಷನ್ ಆತೆ . ಹುಷಾರ್ ಉಲ್ಲೆ ಪಂದ್ ಪಂಡೆರ್.

ರಂಗಮೂರ್ತಿಗ್ ಕ್ಯಾoಪ್ಕೋ ಸೊಲ್ಮೆ ಸಂದೈತ

ಕುಡ್ಲ, ಜೂನ್ 4:: ಪ್ರತಿಷ್ಠಿತ ಸಹಕಾರಿ ಸಂಸ್ಥೆ ಇಫ್ಕೊ ‘ಸಹಕಾರಿತಾ ಬಂಧು’ ಪ್ರಶಸ್ತಿ ಪುರಸ್ಕೃತ ಪೆರಿಯ ಸಹಕಾರಿ ಎಸ್.ಆರ್.ರಂಗಮೂರ್ತಿ ಮೆರೆನ್ ಕ್ಯಾಂಪ್ಕೊ ಸದಸ್ಯೆರ್ನ ಬೊಕ್ಕ ಆಡಳಿತ ಮಂಡಳಿದ ಪರವಾದ್ ಕ್ಯಾಂಪ್ಕೊ ಗುರ್ಕಾರ್ಲಾಯಿನ ಅಮಾಸೆಬೈಲು ಕಿಶೋರ್ ಕುಮಾರ್ ಕೊಡ್ಗಿ ಇಲ್ಲಗ್ ಪೋದು ಮಾನದಿಗೆ ಮಲ್ತೆರ್.

ಈ ಪೊರ್ತುಡು ಕ್ಯಾಂಪ್ಕೊ ವ್ಯವಸ್ಥಾಪಕ ನಿರ್ದೇಶಕ ಎಚ್.ಎಂ.ಕೃಷ್ಣ ಕುಮಾರ್, ನಿರ್ದೇಶಕೆರಾಯಿನ ದಯಾನಂದ ಹೆಗ್ಡೆ ಬೊಕ್ಕ ರಾಘವೇಂದ್ರ ಭಟ್ ಪಾಲ್ ಪಡೆದಿತ್ತೆರ್ .

ಬಿ. ಎಂ ಪ್ರೌಢ ಶಾಲಾ ಪರ ಜೋಕ್ಲೆನೆರ್ದ್ ರೇಷನ್ ಕಿಟ್

ಉಳ್ಳಾಲ, ಜೂ.4: ಬಿ.ಎಂ. ಪ್ರೌಢಶಾಲೆದ ಹಳೆ ವಿದ್ಯಾರ್ಥಿಲೆನ ವತಿರ್ದ್ ಸುರುತ ಹಂತಡ್ ಸುಮಾರ್ 26 ಜನಕ್ ರೇಶನ್ ಕಿಟ್ ನ್ ಕೊರಿಯೆರ್.

ಈ ಪೊರ್ತು ಪಾತೆರಿನ ಬಿ.ಎಂ. ಪ್ರೌಢಶಾಲೆದ ಮುಖ್ಯೋಪಾಧ್ಯಾಯಿನಿ ಜಯವಂತಿ ಸೋನ್ಸ್, ”ಲಾಕ್ ಡೌನ್ ಪ್ರಯುಕ್ತ ನಮ್ಮ ಶಾಲೆಗ್ ದಾಲ ಮಲ್ಪೊಲಿ ಪನ್ಪಿನ ನೆಲೆಟ್ಟ್ ನಮ್ಮ ಹಳೆ ವಿದ್ಯಾರ್ಥಿಲು ಉಪ್ಪುನ ವಾಟ್ಸಪ್ ಗ್ರೂಪ್ ಡ್ ಚರ್ಚೆ ಮಲ್ತ್ ಶಾಲೆಡ್ ಇತ್ತೇ ಕಲ್ತೊಂದು ಉಪ್ಪುನ ಕೆಲವು ಜೋಕ್ಲೆಗ್ ಸುರುತ್ತಾ ಹಂತದ ರೇಶನ್ ಕಿಟ್ ಕೊರಿಯೆರ್ ಜೋಕುಲು ನಿರ್ಧಾರ ಮಲ್ತೆರ್ ಪಂದ್ ಪಂಡೆರ್.

ರಾಜ್ಯಗ್ ಮಾದರಿ ಆಯಿನ ಬಾಂಜಾರುಮಲೆ ಗ್ರಾಮ

ಕುಡ್ಲ , ಜೂನ್ 4: ಕೊರೊನಾ ಸೋಂಕುದ ವಿರುದ್ಧ ದಕ್ಷಿಣ ಕನ್ನಡ ಜಿಲ್ಲೆದ ಹಳ್ಳಿದ ಜನ ಒಟ್ಟುಗೆ ಹೋರಾಟ ಮಲ್ತ್ ಮಾದರಿಯಾತೆರ್.ಕೊರೊನಾ ವಿಶ್ವನ್ ಬಾಧಿಸಾಂಡಲ ಕುಗ್ರಾಮಗ್ ಕೊರೊನಾ ಸೋಂಕುಗು ಪ್ರವೇಶ ನನಲ ತಿಕ್ಕಿಜ್ಜಿ .

ದಕ್ಷಿಣ ಕನ್ನಡ ಜಿಲ್ಲೆದ ಬೆಳ್ತಂಗಡಿ ತಾಲೂಕುದ ಬಾಂಜಾರುಮಲೆ ಕೊರೊನಾ ಮುಕ್ತ ಆತುಂಡು , ಬಾಂಜಾರುಮಲೆ ಗ್ರಾಮಡ್ ರಡ್ಡ್ ಕೊರೊನಾ ಅಲೆಟ್ ಲಾ ಒಂಜೇ ಒಂಜಿ ಕೊರೊನಾ ಪ್ರಕರಣ ದಾಖಲಾತುಜಿ.

ಬಂಜಾರುಮಲೆ ಗ್ರಾಮಡ್ 40ರ್ದ್ ಲಾ ಜಾಸ್ತಿ ಕುಟುಂಬದ 170ರ್ದ್ ಜಾಸ್ತಿ ಜನಕುಲು ಉಲ್ಲೆರ್.

ಬೆಳ್ತಂಗಡಿ ಅರಣ್ಯ ವೀಕ್ಷಕ ಆತ್ಮಹತ್ಯೆ

ಬೆಳ್ತಂಗಡಿ, ಜೂನ್ 4: ಬೆಳ್ತಂಗಡಿ ಸಾಮಾಜಿಕ ಅರಣ್ಯ ವಲಯದ ಸಿಬ್ಬಂದಿಯೊರಿ ಬಲ್ಲ್ ಪಾರ್ದ್ ಆತ್ಮಹತ್ಯೆಗ್ ಶರಣಾಯಿನ ಘಟನೆ ನಡತುದುಂಡು . ಮೃತರೆನ್ ಕಳಿಯ ಗ್ರಾಮದ ಗೇರುಕಟ್ಟೆ ಪಲ್ಲಿದಳಿಕೆ ನಿವಾಸಿ ಬೆಳ್ತಂಗಡಿ ಸಾಮಾಜಿಕ ಅರಣ್ಯ ವಲಯದ ಅರಣ್ಯ ವೀಕ್ಷಕ ಬಾಲಕೃಷ್ಣ ಗೌಡ ಪಂದ್ ಗುರ್ತಿಸಾದೆರ್ .

ಇಂಚೋಗು ಮದಿಮೆ ಆಯಿನ
ಬಾಲಕೃಷ್ನೆರ್ನ ಪುನ ಇನಿ ಆರ್ನ ಇಲ್ಲದ ಕೈತಲ್ ಬಲ್ಲ್ ಪಾರ್ದಿನ ಸ್ಥಿತಿಿಟ್ತ್ತೆ ಯಾತುಂಡು.ಬೆಳ್ತಂಗಡಿ ಪೊಲೀಸೆರ್ ಜಾಗೆಗ್ ಭೇಟಿ ಕೊರ್ತೆರ್.

ಚಟ್ಟೆಕ್ಕಲು ಫ್ರೆಂಡ್ಸ್ ಕ್ಲಬ್ ವತಿರ್ದ್ ಕೋವಿಡ್ ಕಿಟ್

ಕಲ್ಲುಗುಂಡಿ, ಜೂನ್ 3: ಕಲ್ಲುಗುಂಡಿದ ಚಟ್ಟೆಕ್ಕಲು ಫ್ರೆಂಡ್ಸ್ ಕ್ಲಬ್ (ಸಿ.ಎಫ್.ಸಿ) ವತಿರ್ದ್ ಅರ್ಹ 16 ಬಡ ಕುಟುಂಬಗ್ ಆಹಾರ ತೇನಸ್ ದ ಕಿಟ್ ಕೊರಿಯೆರ್.

ಈ ಪೊರ್ತುಡು ಸಿ.ಎಫ್.ಸಿ ಗುರ್ಕಾರ್ಲಾಯಿನ ಹಸೈನಾರ್ ಸಿ.ಎ, ಮಾಜಿ ಗುರ್ಕಾರ್ಲಾಯಿನ ಲತೀಫ್ ಕೂಲ್, ಜಲೀಲ್, ಸದಸ್ಯ ಸೆಲಿಕ್ ಪಾಲ್ ಪಡೆದಿತ್ತೆರ್ .ಬಿ. ಎಂ. ಫ್ರೂಟ್ಸ್ ಮಾಲಕ ರಫೀಕ್, ಸಿ.ಎಫ್.ಸಿ ಗುರ್ಕಾರ್ಲಾಯಿನ ಹಸೈನಾರ್ ಎಸ್.ಎ, ಮಾಜಿ ಗುರ್ಕಾರ್ಲಾಯಿನ ಹನೀಫ್ ಕೆ.ಜೆ, ಉಮರ್ ಸಮ್ಮು, ಸಿ.ಎಫ್.ಸಿ ಗಲ್ಫ್ ಸಮಿತಿ ಸದಸ್ಯೆರಾಯಿನ ಶಫೀಕ್, ಇರ್ಷಾದ್ ಎಂ.ಎಂ, ಹಾಶಿಂ, ಇರ್ಷಾದ್ ಮಿಸ್ಬಾ, ಶಾಕಿರ್, ಅಮೀರ್ ಸುಲ್ತಾನ್ ಪಾಲ್ ಪಡೆದಿತ್ತೆರ್.

ಪುತ್ತೂರುಡು ಒಂಜಿ ಕೋಟಿ ರೂ ವೆಚ್ಚಡ್ ಆಕ್ಸಿಜನ್ ಪ್ಲಾಂಟ್ ನಿರ್ಮಾಣಗ್ ಶಿಲಾನ್ಯಾಸ

ಪುತ್ತೂರು, ಮೇ 20: ಪುತ್ತೂರು ಸರ್ಕಾರಿ ಆಸ್ಪತ್ರೆದ ಕೈತಲ್ ಕ್ಯಾಂಪ್ಕೋ ಸಂಸ್ಥೆದ ಒಟ್ಟು ಸೇರಿಗೇಡ್ ಸುಮಾರ್ ರೂ. 1 ಕೋಟಿ ವೆಚ್ಚಡ್ ಪೊಸತಾದ್ ಕಟ್ಟರೆ ಉಪ್ಪುನ 450 ಎಲ್‌ಎಪಿ ಉತ್ಪಾದನಾ ಸಾಮರ್ಥ್ಯದ ಸಿಲಿಂಡರ್ ಆಕ್ಸಿಜನ್ ಉತ್ಪಾದನಾ ಘಟಕಗ್ ಬುಧವಾರ ಸಂಸದೆರ್ ಬೊಕ್ಕ ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲು ಶಿಲಾನ್ಯಾಸ ಮಲ್ತೆರ್ .

ಈ ಪೊರ್ತುಡು ಪಾತೆರಿನ ಶಾಸಕ ಸಂಜೀವ ಮಠಂದೂರು, ಕ್ಯಾಂಪ್ಕೋ ಸಂಸ್ಥೆ ಪುತ್ತೂರುಗು ಅವ್ವೆತೋ ಮಲ್ಲ ಮಟ್ಟದ ಕೊಡುಗೆಲೆನ್ ದುಂಬುರ್ದು ಲಾ ಕೊರೊಂದು ಬೈದುಂಡು ಪಂದ್ ಪಂಡೆರ್.