ನಳಿನ್

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ನಳಿನ್ ಕುಮಾರ್ ನ ಕಾರ್ ಡ್ರೈವರ್ ಆದ್ ಇತ್ತಿನ ಪ್ರವೀಣ್ ದೂರ ಆಯಿನಿ ದಾಯೆ ? ನಳಿನ್ ಕುಮಾರ್ ಕಟೀಲ್ ನ್ ಇಚಾರಣೆ ಮಲ್ಪರೆ ಪೊಲೀಸ್ ದಕ್ಲೆಗ್ ಒತ್ತಾಯ ಮಲ್ತಿನ ಸಿದ್ದರಾಮಯ್ಯ

Jul 29, 2022

ನಳಿನ್ ಕುಮಾರ್ ನ ಕಾರ್ ಡ್ರೈವರ್ ಆದ್ ಇತ್ತಿನ ಪ್ರವೀಣ್ ದೂರ ಆಯಿನಿ ದಾಯೆ ? ನಳಿನ್ ಕುಮಾರ್ ಕಟೀಲ್ ನ್ ಇಚಾರಣೆ ಮಲ್ಪರೆ ಪೊಲೀಸ್ ದಕ್ಲೆಗ್ ಒತ್ತಾಯ ಮಲ್ತಿನ ಸಿದ್ದರಾಮಯ್ಯ

ಬೆಂಗ್ಳೂರು: ತೀರ್ ಪೋಯಿನ ಪ್ರವೀಣ್ ನೆಟ್ಟಾರ್ ಒಂಜಾತ್ ಕಾಲ ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಆರ್ನ ಕಾರ್ ಡ್ರೈವರ್ ಆದ್ ಬೇಲೆ ಮಲ್ತೊಂದು ಇತ್ತಿನಾರ್ ಆತ್ ಕೈತಲ್ ಸಂಭಂದ ಇತ್ತಿನಾರ್ ಬೇಲೆ ಬುಡಿನಿ ದಾಯೆ? ಪೊಲೀಸೆರ್ ನಳಿನ್ ಕುಮಾರ್ ಕಟೀಲ್ ವಿಚಾರಣೆ ಮಲ್ಪುಲೇ ಪಂದ್ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಒತ್ತಾಯ ಮಲ್ದೆರ್ .

ಹಿಂದುನಕುಲು ಸೈತುಂಡ ಮುಸ್ಲಿಮ್ ದಕ್ಲೆನ ಮಿತ್ತ್ , ಮುಸ್ಲಿಮೆರ್ ಸೈತೆರ್ಡ ಹಿಂದುನಕ್ಲೆನ ಮಿತ್ತ್ ಸಂಶಯ ಮಲ್ಪುನವು ಸಾಮಾನ್ಯ . ಪೊಲೀಸ್ ತನಿಖೆಲಾ ನೆತ್ತ ಮಿತ್ತೆ ಆಪಿನವು ಅಂಚದ್ ಇಚಾರ ಅಡೆಗೆ ಮುಚ್ಚುoಡು. ಪೊಲೀಸಸೆರ್ ಅರೆನ್ ವಿಚಾರಣೆ ಮಲ್ತೆರ್ಡ ದುಷ್ಕರ್ಮಿಲೆನ್ ಪತ್ತೆ ಮಲ್ಪರೆ ಸಾಕಾರ ಆಪುಂಡು ಪಂದ್ ಪಂಡೆರ್
.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಪ್ರಧಾನಿ ಸಂಕಲ್ಪದಲಕ ಯೋಗ ವಿಶ್ವ ವ್ಯಾಪ್ತಿ : ನಳಿನ್ ಕುಮಾರ್ ಕಟೀಲ್

Feb 8, 2022

ಕುಡ್ಲ : ಸ್ವಾತಂತ್ರ್ಯದ ಅಮೃತ ಉಚ್ಚಯದ ಪರವಾದ್ ಬೇತೆ ಬೇತೆ 75 ಕೋಟಿ ಸೂರ್ಯನಮಸ್ಕಾರ ಮಹಾಯಜ್ಞದ ಕುಡ್ಲ ಲೇಸ್ ಪೇಂಟೆದ ಮಂಗಳಾ ಕ್ರೀಡಾಂಗಣಡ್ ಐತಾರ ನಡತುಂಡು.

ಸಂಸದ, ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್‌ ಕುಮಾರ್‌ ಕಟೀಲು ಈ ಲೇಸ್ ನ್ ಉದಿಪನ ಮಲ್ತೆರ್ .
ಆರೋಗ್ಯ ಕಾಪಾಡೆರೆ ಯೋಗನೇ ಮಾರ್ಗ. ಪ್ರಧಾನಿ ಮೋದಿ ಯೋಗಗ್ ಸ್ಥಾನಮಾನ ಕೊರಿಯೆರೆ ಸಂಕಲ್ಪ ಮಲ್ತಿಲಕ ಯೋಗ ಇನಿ ವಿಶ್ವವ್ಯಾಪಿ ಆತುಂಡು.ಸ್ವಾತಂತ್ರ್ಯದ ಅಮೃತ ಉಚ್ಚಯದ ನೆಲೆಟ್ಟ್ 75 ಕೋಟಿ ಸೂರ್ಯನಮಸ್ಕಾರ ಮಹಾಯಜ್ಞ ಅಟ್ಟನೆ ಮಲ್ದಿನವು ಶ್ಲಾಘನೀಯ ಪಂದ್ ಪಂಡೆರ್ .

ಕುಟುಂಬ ಪ್ರಬೋಧನ್‌ ಮಂಗಳೂರು ವಿಭಾಗ ಸಂಯೋಜಕ ಗಜಾನನ ಪೈ ಯೋಗದ ಮಹತ್ವ ತೆರಿಪಾಯೆರ್ . ಆರೆಸ್ಸೆಸ್‌ದ ಕುಡ್ಲ ಮಹಾನಗರ ಸಂಘಚಾಲಕ್‌ ಡಾ| ಸತೀಶ್‌ ರಾವ್‌, ಶಾಸಕೆರಾಯಿನ ವೇದವ್ಯಾಸ ಕಾಮತ್‌, ಡಾ| ಭರತ್‌ ಶೆಟ್ಟಿ, ಮೇಯರ್‌ ಪ್ರೇಮಾನಂದ ಶೆಟ್ಟಿ, ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ ಉಪನಿರ್ದೇಶಕ ಪ್ರದೀಪ್‌ ಡಿ’ಸೋಜ, ಪೆರಿಯ ಯೋಗಗುರು ಗೋಪಾಲಕೃಷ್ಣ ದೇಲಂಪಾಡಿ, ಕ್ರೀಡಾಭಾರತಿ ರಾಜ್ಯ ಕಾರ್ಯಕಾರಿಣಿ ಸದಸ್ಯ ಬೋಜರಾಜ್‌ ಕಲ್ಲಡ್ಕ, ಕುಡ್ಲದ ಪತಂಜಲಿ ಯೋಗಪೀಠದ ಡಾ| ಜ್ಞಾನೇಶ್‌, ಸುಜಾತಾ ಮಾರ್ಲ, ಕುಡ್ಲದ ಪತಂಜಲಿ ಶಿಕ್ಷಣ ಪ್ರತಿಷ್ಠಾನದ ಏಕನಾಥ ಬಾಳಿಗ, ಹಿಂದೂ ಜಾಗರಣ ವೇದಿಕೆದ ಅಮಿತ್‌, ಕುಡ್ಲ ಆವಿಷ್ಕಾರ ಯೋಗ ಸಂಸ್ಥೆದ ಕುಶಾಲಪ್ಪ ಗೌಡ ಪಾಲ್ ಪಡೆದಿತ್ತೆರ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಕುಡ್ಲರ್ದ್ ಕಾಸ್ರೋಡುಗು ಬಸ್ ಸಂಚಾರ ಸ್ಥಗಿತ : ನಳಿನ್ ಕುಮಾರ್ ಕಟೀಲ್

Jul 31, 2021

ಕುಡ್ಲ , ಜು.31: ಕೈತಲ್ ದ ಕೇರಳಡ್ ಕೋವಿಡ್ ಸೋಂಕುದ ಪ್ರಕರಣ ಜಾಸ್ತಿ ಆಯಿನ ನೆಲೆಟ್ಟ್ ದ.ಕ. ಜಿಲ್ಲೆರ್ದ್ ಕಾಸರಗೋಡುಗು ಪೋಪಿನ ಸರಕಾರಿ ಬೊಕ್ಕ ಖಾಸಗಿ ಬಸ್‌ಲೆನ್ ಆ.1ರ್ದ್ ಒಂಜಿ ವಾರ ಬಸ್ ಇಜ್ಜಿ ಪಂದ್ ಸಂಸದ ನಳಿನ್ ಕುಮಾರ್ ಕಟೀಲು ಪಂಡೆರ್ .

ನಗರದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣಡ್ ಶನಿವಾರ ಅಟ್ಟನೆ ಮಲ್ದಿನ ಕೋವಿಡ್-19 ಸೋಂಕು ನಿಯಂತ್ರಣಗ್ ಸಂಬಂಧಿ ಜಿಲ್ಲಾ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಸಭೆಟ್ ಗುರ್ಕಾರ್ಮೆ ವಹಿಸ್ ದ್ ಪಾತೆರಿಯೆರ್.

ಕೊರೋನ ಪಾಸಿಟಿವಿಟಿ ಪ್ರಕರಣ ಕರಿನ ಕೆಲವು ದಿನರ್ದ್ ಜಿಲ್ಲೆಡ್ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಜಿಲ್ಲೆದ ಗಡಿಭಾಗಡ್ ಕಟ್ಟುನಿಟ್ಟ್ ದ ಕ್ರಮ ದೆತೊಂದು ಕೊರೋನ ಸೋಂಕು ಪಸರಂದೆ ಸೂಕ್ತ ಕ್ರಮ ದೆತೊನುನೆತ್ತ ಒಟ್ಟುಗು ಕೋವಿಡ್ ನಿಯಮಲೆನ್ ಕಡ್ಡಾಯವಾದ್ ಪಾಲಿಸಾವೊಡು ಪಂದ್ ಪಂಡೆರ್ .

ಕೋವಿಡ್ ರ್ದ್ ತೀರ್ ಪೋಯಿನಕ್ಲೆನ ಅಸ್ತಿ ವಿಸರ್ಜನೆ ಮಲ್ತಿನ ನಳಿನ್ ಕುಮಾರ್ ಕಟೀಲ್

Jun 22, 2021

ಕುಡ್ಲ , ಜೂನ್ 22: ದಕ್ಷಿಣ ಕನ್ನಡ ಜಿಲ್ಲೆಡ್ ಕೊರೊನಾ ಕಾರಣರ್ದ್ ತೀರ್ ಪೋಯಿನಕ್ಲೆನ ಸಂಖ್ಯೆ ಸಾವಿರದ ಗಡಿ ದಾಟ್ದುಂಡು . ದೈನಂದಿನ ಪ್ರಕರಣದ ಸಂಖ್ಯೆ ಜಾಸ್ತಿ ಆಯಿನ ನೆಲೆಟ್ಟ್ ಕಠಿಣ ಲಾಕ್‌ಡೌನ್ ದುಂಬು ಕೊಂತೆರ್ .

ಇಂದುವೆ ಪೊರ್ತುಡು ಕೊರೊನಾ ವೈರಸ್‌ರ್ದ್ ತೀರ್ ಪೋಯಿನ 12 ಜನತ ಚಿತಾಭಸ್ಮ ಸಂಗ್ರಹ ಮಲ್ಪರೆ ವಾರಸುದಾರೇರಾಯಿನ ನೆಲೆಟ್ಟ್ ದಕ್ಷಿಣ ಕನ್ನಡ ಸಂಸದ, ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಕುಡ್ಲದ ಸೋಮೇಶ್ವರದ ಸೋಮನಾಥೇಶ್ವರ ಕಡಲ ಬರಿಟ್ ವಿಸರ್ಜನೆ ಮಲ್ತೆರ್ .

ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಗ್ ಪ್ರತಿಷ್ಠಿತ ” ಬ್ರಹ್ಮಶ್ರೀ’ ಪ್ರಶಸ್ತಿ

Feb 26, 2021

ಕುಡ್ಲ : ಉಳ್ಳಾಲದ ” ಬ್ರಹ್ಮಶ್ರೀ ಬಿಲ್ಲವ ವೇದಿಕೆದ ವತಿರ್ದ್ ವರ್ಷಂಪ್ರತಿ ಕೊರ್ಪಿನ ಪ್ರತಿಷ್ಟಿತ “ಬ್ರಹ್ಮಶ್ರೀ” ಮನಾದಿಗೆಗ್ ಈ ಸಲ ಸಂಸದ, ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಆಯ್ಕೆಆತೆರ್.

ಬರ್ಪಿನ ಫೆ.28 ನೇ ತಾರೀಖ್ ದ ಐತಾರ ದಾನಿ ತೊಕ್ಕೊಟ್ಟು ಅಂಬಿಕಾರೋಡ್ ದ ಗಟ್ಟಿ ಸಮಾಜ ಭವನಡ್ ತೊಕ್ಕೊಟ್ಟು ಬ್ರಹ್ಮಶ್ರೀ ಬಿಲ್ಲವ ವೇದಿಕೆದ ಆಶ್ರಯಡ್ ನಡಪುನ “ಮೆರುಗು” ಕಾರ್ಯಕ್ರಮ ಡ್ ಮಾನದಿಗೆ ಮಲ್ಪರೆ ಉಲ್ಲೆರ್.

ಬ್ರಹ್ಮಶ್ರೀ ಬಿಲ್ಲವ ವೇದಿಕೆದ ಗುರ್ಕಾರ್ಲಾಯಿನ ಕೆ.ಟಿ. ಸುವರ್ಣ ತೊಕ್ಕೊಟ್ಟು ಬ್ರಹ್ಮಶ್ರೀ ಬಿಲ್ಲವ ವೇದಿಕೆದ ಕಚೇರಿಡ್ ಗುರುವಾರ ನಡತಿನ ಪತ್ರಿಕಾಗೋಷ್ಠಿಡ್ ಮಾಹಿತಿ ಕೊರಿಯೆರ್ . ಸತೀಶ್ ಕರ್ಕೇರ ಕೋಶಾಧಿಕಾರಿ ಲಕ್ಷ್ಮಣ್ ಪೂಜಾರಿ, ದತ್ತು ಸಂಚಾಲಕ ಆನಂದ ಕೆ. ಅಸೈಗೋಳಿ, ಮಾಧ್ಯಮ ಕಾರ್ಯದರ್ಶಿ ಹರೀಶ್ ಅಂಬ್ಲಮೊಗರು, ಪ್ರಧಾನ ಸಂಘಟನಾ ಕಾರ್ಯದರ್ಶಿ ಗೋಪಿನಾಥ್ ಬಗಂಬಿಲ ಬೊಕ್ಕ ಕ್ರೀಡಾ ಕಾರ್ಯದರ್ಶಿ ಭಗವಾನ್ ದಾಸ್ ಪತ್ರಿಕಾಗೋಷ್ಠಿಡ್ ಪಾಲ್ ಪಡೆದಿತ್ತೆರ್.