ತುಳುನಾಡ್

ಬೆನ್ನುಹುರಿ ಅಪಘಾತ ಜಾಗೃತಿ ಲೇಸ್

ಬೊಲ್ತೆರ್ : ಸೆಪ್ಟೆಂಬರ್ 9 ತಾರೀಖ್ ಗ್ ಸೇವಾಭಾರತಿ ನೆತ್ತ ಸೇವಾಧಾಮದ ವತಿರ್ದ್ ಬೊಲ್ತೆರ್ದ ಎಮ್. ಆರ್. ಡಬ್ಲ್ಯೂ ಬೊಕ್ಕ ಯೂ. ಆರ್. ಡಬ್ಲ್ಯೂ ಅಂಚನೇ ವಿ. ಆರ್. ಡಬ್ಲ್ಯೂ ಮೆರೆಗ್ ವಿಕಲ ಚೇತನ ಬೊಕ್ಕ ಪೆರಿಯ ನಾಗರಿಕೆರ್ನ ನೋಡಲ್ ಅಧಿಕಾರಿಲೆನ ಒಟ್ಟು ಸೇರಿಗೆಡ್ ಬೊಲ್ತೆರ್ದ ಪಂಚಾಯತ್ಡ್ ಬೆನ್ನುಹುರಿ ಅಪಘಾತ ಬೊಕ್ಕ ದ್ವಿತೀಯಾoತರ ಸಮಸ್ಯೆದ ಬಗ್ಗೆ ಸೇವಾಭಾರತಿದ ಗುರ್ಕಾರ್ಲು ಬೊಕ್ಕ ಸೇವಾಧಾಮದ ಸಂಸ್ಥಾಪಕೆರಾಯಿನ ಕೆ. ವಿನಾಯಕ ರಾವ್ ಮಾಹಿತಿ ಕೊರಿಯೆರ್ . ಲೇಸ್ ನ್ ವಿ. ಆರ್. ಡಬ್ಲ್ಯೂ ಜೋಸೆಫ್ ಇಂದಬೆಟ್ಟು ಮೇರ್ ಎದುಕೊಂದು ಲೇಸ್ ನಡಪಾದ್ ಕೊರಿಯೆರ್.

. ಎಮ್. ಆರ್. ಡಬ್ಲ್ಯೂ ಜೋನ್ ಡಿ ಸೋಜಾ ಸೊಲ್ಮೆ ಸಂದೈತ ಮಲ್ತೆರ್ . ಈ ಪೊರ್ತುಡು ಒಟ್ಟು 35 ಜನ ಜಾಗೃತಿ ಲೇಸ್ ಡ್ ಪಾಲ್ ಪಡೆಯೆರ್ . ಲೇಸ್ ಡ್ ದಕ್ಷಿಣ ಕನ್ನಡ ಬೊಕ್ಕ ಕಾಸರಗೋಡು ಜಿಲ್ಲೆದ ಕ್ಷೇತ್ರ ಸಂಯೋಜಕೆರಾಯಿನ ಅಖಿಲೇಶ್. ಎ ಮೇರ್ ಪಾಲ್ ಪಡೆದಿತ್ತೆರ್ .

ರವೀಂದ್ರ ಶೆಟ್ರೆಗ್ ಹಿಂದೂ ಜಾಗರಣ ವೇದಿಕೆ ಹೊಸ್ಮರು ವಲಯರ್ದ್ ಮಾನಾದಿಗೆ

ಕಾರ್ಲ : ಕರ್ನಾಟಕ ರಾಜ್ಯ ಫೆಡರೇಶನ್ ಆಫ್ ಕರ್ನಾಟಕ ಕ್ವಾರಿ & ಸ್ಟೋನ್ ಕ್ರಷರ್ ಓನರ್ಸ್ ಅಸೋಸಿಯೇಶನ್ ರಾಜ್ಯಾಧ್ಯಕ್ಷರಾದ್ ಆಯ್ಕೆಯಾಯಿನ ರವೀಂದ್ರ ಶೆಟ್ಟಿ ಬಜಗೋಳಿ ಮೆರೆನ್ ಹಿಂದು ಜಾಗರಣ ವೇದಿಕೆ ಹೊಸ್ಮಾರು ವಲಯದ ವತಿರ್ದ್ ಸೆ. 19ಗ್ ಅರೆನ ಇಲ್ಲಡೆ ಮಾನದಿಗೆ ಮಲ್ತೆರ್.

ಹಿಂದು ಜಾಗರಣೆ ವೇದಿಕೆ ತಾಲೂಕು ಪ್ರಧಾನ ಕಾರ್ಯದರ್ಶಿ ಗುರುಪ್ರಸಾದ್ ನಾರಾವಿ, ತಾಲೂಕು ಉಪಾಧ್ಯಕ್ಷ ಪ್ರವೀಣ್ ಶೆಟ್ಟಿ ಈದು, ಹೊಸ್ಮಾರ್ ವಲಯ ಕಾರ್ಯದರ್ಶಿ ರಾಜೇಶ್ ಆಚಾರ್ಯ, ಪರಸ್ಪರ ಘಟಕದ ಕಾರ್ಯದರ್ಶಿ ಸುಧೀರ್ ಮುಗೇರಡ್ಕ ಬೊಕ್ಕ ಅಶೋಕ್ ಎಂ.ಕೆ., ವಿಶು ಶ್ರೀಕೇರ, ಶೇಖರ್ ಶ್ರೀಗಂಗೆ, ಸೂರ್ಯ ಆಚಾರ್ಯ, ಸವಿತ್ ಆಚಾರ್ಯ ಪಾಲ್ ಪಡೆದಿತ್ತೆರ್.

ರಂಗನಟ ಮೋಹನ ಮಾರ್ನಾಡೆರೆಗ್ ಮಾತೃವಿಯೋಗ

ಬೆದ್ರ : ಬೆದ್ರದ ಮಾರ್ನಾಡು ಪಣರಬೆಟ್ಟು ಮುಂಡ್ಲಿ ಆಯೆರಗುತ್ತು ನಿವಾಸಿ ಸರಸ್ವತಿ ಹೊನ್ನಪ್ಪ ಶೆಟ್ರ್ (92) ತಾರೀಖ್ 21-9-2021ಕ್ಕ್ ಬೈಯ್ಯಗ್ ಆಜಿ ಗಂಟೆಗ್ ತನ್ನ ಸ್ವಗೃಹಡ್ ಕೆಲವು ದಿನತ ವಯೋಸಹಜ ಸೀಕ್ ರ್ದ್ ತೀರ್ ಪೋತೆರ್ .ಮೇರ್ ತುಳುನಾಡ್ ದ ಸಂಪ್ರದಾಯದ ಬಗ್ಗೆ ಮಸ್ತ್ ಕಾಳಜಿ ಇತ್ತಿನಾರ್ ಅವ್ವೆ ಜ್ಞಾನನ್ ತನ್ನ ಜೋಕ್ಲೆಗ್ ಧಾರೆ ಮೈತ್ ಇತ್ತೆರ್.

ಸನ್ನಡತೆತ ಗುಣರ್ದ್ ಮೇರ್ ತನ್ನ ಊರುಡು ಮಾತಾ ಜನಕ್ಲೆಗ್ ಪ್ರೀತಿ ಪಾತ್ರರಾತೆರ್ .
ಮೇರ್ ತನ್ನ ಐನ್ ಆಣ್ ಜೋಕುಲಾಯಿನ ರಂಗನಟ ಪಾಲ್ಗರ್ ನಿವಾಸಿ ಪ್ರಕಾಶ ಶೆಟ್ಟಿ, ನಾಟಕ ಅಕಾಡೆಮಿ ಪ್ರಶಸ್ತಿ ವಿಜೇತ ಮೋಹನ ಮಾರ್ನಾಡ್,ಪ್ರಸಿದ್ದ ಯಕ್ಷಗಾನ ಕಲಾವಿದ ವಾಸುದೇವ ಶೆಟ್ಟಿ ಮಾರ್ನಾಡ್,ಜಾನಪದ ಕಲಾವಿದ ರಮೇಶ ಶೆಟ್ಟಿ ಮಾರ್ನಾಡ್, ಕಂಠದಾನ ಕಲಾವಿದ ಸುರೇಂದ್ರ ಕುಮಾರ ಮಾರ್ನಾಡ್, ರಡ್ಡ್ ಪೊಣ್ಣು ಜೋಕುಲಾಯಿನ ದಕ್ಷಿಣ ಕನ್ನಡ ಹಾಲು ಉತ್ಪಾದಕರ ಸಂಘದ ಒಕ್ಕೂಟದ ನಿರ್ದೇಶಕಿ ಸವಿತಾ ಶೆಟ್ಟಿ ಬೊಕ್ಕ ಬೆಂಗ್ಳೂರು ನಿವಾಸಿ ಸುಜಾತ ಶೆಟ್ರ್ ಬೊಕ್ಕ ಪುಳ್ಳಿ ಲೆರ್ದ್ ದೂರ ಆತೆರ್.

ಮೇರ್ ತೀರ್ ಪೋಯಿನ ಇಚಾರ ತೆರಿದ್
ಮುಂಬಯಿ ವಿಶ್ವವಿದ್ಯಾಲಯದ ಕನ್ನಡ ವಿಭಾಗದ ಗುರ್ಕಾರ್ಲಾಯಿನ ಡಾ.ಜಿ ಎನ್ ಉಪಾಧ್ಯ,
ಡಾ.ಪೂರ್ಣಿಮಾ ಶೆಟ್ಟಿ,ಪತ್ರಕರ್ತ ಚಂದ್ರಶೇಖರ ಪಾಲೆತ್ತಾಡಿ,ಪೆರಿಯ ಸಾಹಿತಿ ವ್ಯಾಸರಾವ್ ನಿಂಜೂರು,ಶ್ರೀನಿವಾಸ ಜೋಕಟ್ಟೆ, ರಂಗ ನಿರ್ದೇಶಕ ಭರತ್ ಕುಮಾರ ಪೊಲಿಪು,ಓಂದಾಸ್ ಕಣ್ಣಂಗಾರ,ಕವಿ ಶಾಂತರಾಮ ಶೆಟ್ಟಿ ಬೆಂಗ್ಳೂರು, ಅನಿವಾಸಿ ಕನ್ನಡಿಗ ಸರ್ವೋತ್ತಮ ಶೆಟ್ಟಿ ಅಬುದಾಬಿ,ಬೊಂಬೆ ಬಂಟ್ಸ್ ಅಸೊಶಿಯೇಶನ್ದ ಮಾಜಿ ಗುರ್ಕಾರ್ಲಾಯಿನ ಶ್ಯಾಮ ಎನ್ ಶೆಟ್ಟಿ,ಗಾಯಕ ರಮೇಶ್ಚಂದ್ರ ಬೆಂಗ್ಳೂರು,ಲೇಖಕ ವಿಶ್ವನಾಥ ಶೆಟ್ಟಿ ಪೇತ್ರಿ,ರಂಗನಟ ಅವಿನಾಶ್ ಕಾಮತ್,ಶಿವಾನಂದ ಶೆಟ್ಟಿ, ರಂಗನಟಿ ಅಹಲ್ಯ ಬಲ್ಲಾಳ್,ಕವಯತ್ರಿ ಅನಿತಾ ಪೂಜಾರಿ ತಾಕೊಡೆ,
ಕವಯತ್ರಿ ಲಕ್ಷ್ಮೀ ಸತೀಶ್ ಶೆಟ್ಟಿ, ಕಣ್ಣ ನೀರ ಪನಿತರ್ಪಣ ಮಲ್ತೆರ್.

ತುಲುವೆರೆ ಪಕ್ಷದ ವೆಬ್ ಸೈಟ್ ಉದಿಪನ ಬೊಕ್ಕ ಸದಸ್ಯತ್ವ ಅಭಿಯಾನ

ತುಲುವೆರೆ ಪಕ್ಷದ ವೆಬ್ ಸೈಟ್ ಉದಿಪನ ಬೊಕ್ಕ ಸದಸ್ಯತ್ವ ಅಭಿಯಾನ ಕಜ್ಜದ‌ ಉದಿಪನ ಲೇಸ್ 26 ಸೆಪ್ಟೆಂಬರ್ 2021 ಅಯಿತಾರ ಕಾಂಡೆ 11.00 ಗಂಟೆಗ್ ಸರಿಯಾದ್ ಅಂಬೇಡ್ಕರ್ ಭವನ ಬೊಲ್ತೇರ್ ಡ್ ನಡಪರ ಉಂಡು. ಪಕ್ಷದ ವೆಬ್ ಸೈಟ್ ಮೂಲಕ ಪಕ್ಷದ ಪದುಕೆರಾವರ ಬೊಕ್ಕ ಪಕ್ಷಗ್ ದೇಣಿಗೆ ಕೊರಿಯರ ಅವಕಾಶ ಉಂಡು. ಅಂಚೆನೆ ನೇರವಾದ್ ಪಕ್ಷದ ಸಭೆಟ್ ಪದುಕೆ ಆದ್ ಸೇರರ ಇಜಂಡ ಪಕ್ಷದ ಜಬದಾರಿದ ಪದುಕೆರೆನ ಮೂಲಕ ಪಕ್ಷಗ್ ಸೇರರ ಅವಕಾಶ ಉಂಡು ಪಂದ್ ತುಲುವೆರೆ ಪಕ್ಷದ ಉದಿಪು ಗುರ್ಕಾರ್ ಶೈಲೇಶ್ ಆರ್. ಜೆ. ಪತ್ರಿಕೆಗ್ ತೆರಿಪಾಯೆರ್.

ಮೊಗವೀರ ಮಹಾಜನ ಸಂಘದ ಗುರ್ಕಾರ್ಲಾದ್ ಜಯ ಕೋಟ್ಯಾನ್ ಆಯ್ಕೆಯಾತೆರ್

ಒಡಿಪು : ಮೊಗವೀರ ಸಮಾಜದ ಸರ್ವೋಚ್ಚ ಸಂಘಟನೆ ದಕ್ಷಿಣ ಕನ್ನಡ ಮೊಗವೀರ ಮಹಾಜನ ಸಂಘ ಉಚ್ಚಿಲ ನೆತ್ತ ನನ ದುಂಬುದ ಮೂಜಿ ವರ್ಷದ ಪೊರ್ತುಗು ಆಡಳಿತ ಮಂಡಳಿಗ್ ಗುರ್ಕಾರ್ಲಾದ್ ಜಯ ಸಿ.ಕೋಟ್ಯಾನ್ ೆಳ್ಳಂಪಳ್ಳಿ ಪುನರಾಯ್ಕೆಯಾತೆರ್ .

ಒತ್ತು ಗುರ್ಕಾರ್ಲಾದ್ ಸುಭಾಸ್ಚಂದ್ರ ಕಾಂಚನ್ ಬೋಳಾರ್, ಪ್ರಧಾನ ಕಾರ್ಯ ದರ್ಶಿಯಾದ್ ಸುಧಾಕರ ಕುಂದರ್ ಮಲ್ಪೆ, ಜತೆ ಕಾರ್ಯದರ್ಶಿಯಾದ್ ಮೋಹನ್ ಕರ್ಕೇರ ತೋನ್ಸೆ, ಕೋಶಾಧಿಕಾರಿಯಾದ್ ಭರತ್ ಎರ್ಮಾಳ್, ದೇವಳದ ಕ್ಷೇತ್ರಾಡಳಿತ ಸಮಿತಿದ ಗುರ್ಕಾರ್ಲಾದ್ ವಾಸುದೇವ ಸಾಲ್ಯಾನ್ ಕಟಪಾಡಿ ನೇಮಕ ಆತೆರ್.

ಅಮ್ಮೆಂಬಳ ಹೆಲ್ಪ್‌ಲೈನ್‌’ ಗ್ ಪದುಕೆರ್ನ ಆಯ್ಕೆ

ಕುಡ್ಲ : ‘ಅಮ್ಮೆಂಬಳ ಹೆಲ್ಪ್‌ಲೈನ್‌’ ಸಂಘಟನೆದ ರಡ್ಡನೆ ವಾರ್ಷಿಕ ಸಭೆ ಇಂಚೋಗು ಅಮ್ಮೆಂಬಳಡ್ ನಡತುಂಡು 2021-22ನೆ ಸಾಲ್ ದ ಪೊಸ ಪದುಕೆರೆನ್ ಆಯ್ಕೆ ಮಲ್ತೆರ್ .

ಗುರ್ಕಾರ್ಮೆ ವಹಿಸ್ ದ್ ಪಾತೆರಿನ ಗುರ್ಕಾರ್ಲಾಯಿನ ಉಬೈದ್ ಸಂಘಟನೆ ರಡ್ಡ್ ವರ್ಷಡ್ 10,70,000 ರೂ.
ಪಣವುದ ಸಾಕಾಯನ್ ಜಮಾತಿಗ್ ಅರ್ಹೆರಾಯಿನ ಮದಿಮೆಗ್ , ಕೊರೋನ ಪೊರ್ತುಡು ಕಿಟ್, ರಮಳಾನ್ ಕಿಟ್, ಸಾಕಾರ ಕೊರ್ತೆರ್.

ಒತ್ತು ಗುರ್ಕಾರ್ಲಾದ್ ಅಬ್ದುಲ್ ಖಾದರ್ (ಪುತ್ತ) ಬೊಕ್ಕ ಅಶ್ರಫ್ ಬಿ. ಪ್ರಧಾನ ಕಾರ್ಯಂತೇರಾದ್ ಫರ್ವೀಝ್, ಜೊತೆ ಕಾರ್ಯದರ್ಶಿಯಾದ್ ಫಾರೂಕ್ ಕೋಟೆ, ಮನ್ಸೂರ್, ಸಂಘಟನಾ ಕಾರ್ಯದರ್ಶಿಯಾದ್ ರಿಝ್ವಾನ್ ಯು.ಕೆ, ಮಾಧ್ಯಮ ಕಾರ್ಯದರ್ಶಿಯಾದ್ ಜವಾದ್, ಕೋಶಾಧಿಕಾರಿಯಾದ್ ಲತೀಫ್ ಟಿ.,ಕಾರ್ಯಕಾರಿ ಸಮಿತಿ ಸದಸ್ಯರಾದ್ ರಿಯಾಝ್ ಟಿ., ಶಬೀರ್ ಕೋಟೆ, ನಬೀಲ್, ನಿಝಾಂ, ಆರಿಫ್ ಯು.ಕೆ, ಇಕ್ಬಾಲ್ ಐ ಆಯ್ಕೆಯಾಯೆರ್ .

ಕೇರಳ ಗಡಿಭಾಗದ ಮದ್ಯದಂಗಡಿದ ನಿರ್ಬಂಧ ದೆಪ್ಪರೆ ಆದೇಶ

ಕುಡ್ಲ : ಪ್ರಸ್ತುತ ಪೇಂಟೆಡ್ ಕೋವಿಡ್ ಸೋಂಕುದ ಪ್ರಮಾಣ ನಿರ್ಬಂಧ ದೆಪ್ಪರೆ ಕಮ್ಮಿ ಆವೊಂದು ಉಪ್ಪುನ ಕಾರಣ ಕೇರಳದ ಗಡಿಭಾಗಗ್ ಹೊಂದೊಂದು ಉಪ್ಪುನ ಜಿಲ್ಲೆದ ಪುತ್ತೂರು, ಕುಡ್ಲ , ಬಂಟ್ವಾಳ, ಸುಳ್ಯ ತಾಲೂಕು ಪ್ರದೇಶದ 5 ಕಿ.ಮೀ. ವ್ಯಾಪ್ತಿದ 19 ಗ್ರಾಮದ ಮದ್ಯದಂಗಡಿಗ್ ಪಾರ್ದಿನ ನಿರ್ಬ೦ಧನ್ ದೈದೆರ್ ಸೆ.21ರ್ದ್ ದುಂಬುದ ಆದೇಶ ಮುಟ ಕಾಂಡೆ 10 ರ್ದ್ ಬೈಯ್ಯಗ್ 6 ಗಂಟೆಗ್ ಕೆಲವು ಷರತ್ನ್ ಕಡ್ಡಾಯವಾದ್ ಪಾಲಿಸಾದ್ ಬೇರ ಮಲ್ಪರೆ ಜಿಲ್ಲಾಧಿಕಾರಿ ಡಾ.ಕೆ.ವಿ. ರಾಜೇಂದ್ರ ಆದೇಶ ಕೊರ್ತೆರ್ .

ಮದ್ಯ ಮಾರಾಟ ಮಳಿಗೆಡ್ ಬೇರೆದಕುಲು ಅಂಚನೇ ಮದ್ಯ ಖರೀದಿಗ್ ಬರ್ಪಿನ ಜನಕುಲು ಕಡ್ಡಾಯವಾದ್ ಮಾಸ್ಕ್ ಪಾಡೊಡು ಅಂಚನೇ ಸುರಕ್ಷಿತ ಅಂತರ ಕಾಪುನ ಖಡ್ಡಾಯ ಪಂದ್ ಪಂಡೆರ್.

ಪಂಜಾಬ್ ಮುಖ್ಯಮಂತ್ರಿಯಾದ್ ಚರಂಜಿತ್ ಸಿಂಗ್ ಚನ್ನಿ

ನವದೆಹಲಿ : ಪಂಜಾಬ್ ಮುಖ್ಯಮಂತ್ರಿ ಸ್ಥಾನಗ್ ಅಮರಿಂದರ್ ಸಿಂಗ್ ರಾಜೀನಾಮೆ ಕೊರಿ ಬೊಕ್ಕ , ಪ್ರಸ್ತಾವಿತ ಮುಖ್ಯಮಂತ್ರಿಯಾದ್ ಸುಖ್ ದೇವ್ ಸಿಂಗ್ ಆಯ್ಕೆಯಾತೆರ್ ಪನ್ ಪಂತೆರ್ . ಆಂಡ ಇತ್ತೆ ದಿಢೀರ್ ವಿದ್ಯಮಾನಡ್ ಕಾಂಗ್ರೆಸ್ ನಾಯಕ ಚರಂಜಿತ್ ಸಿಂಗ್ ಚನ್ನಿ ಮೇರ್ ಪೊಸ ಪಂಜಾಬ್ ಮುಖ್ಯಮಂತ್ರಿಯಾತೆರ್ .

ಈ ಬಗ್ಗೆ ಪೆರಿಯ ಕಾಂಗ್ರೆಸ್ ನಾಯಕ ಹರೀಶ್ ರಾವತ್ ಟ್ವೀಟ್ ಮಲ್ದೆರ್ , ಪಂಜಾಬ್ ದ ಪೊಸ ಮುಖ್ಯಮಂತ್ರಿಯಾದ್ ಕಾಂಗ್ರೆಸ್ ನಾಯಕ ಚರಂಜಿತ್ ಸಿಂಗ್ ಚನ್ನಿ ಮೇರ್ ಆಯ್ಕೆಯಾತೆರ್ .

ಪ್ರಧಾನಿ ಪುಟ್ಟು ಪರ್ಬದ ಪ್ರಯುಕ್ತ ಶಾಂತಿಗೋಡು ಹಿರಿಯ ಪ್ರಾಥಮಿಕ ಶಾಲೆಡ್ ಪುತ್ತೂರು ಯುವ ಮೋರ್ಚಾ ವತಿರ್ದ್ ಸ್ವಚ್ಛತಾ ಲೇಸ್

ಪುತ್ತೂರು : ಯುವ ಮೋರ್ಚಾ ಗ್ರಾಮಾಂತರ ಮಂಡಲ ಪುತ್ತೂರು, ಯುವ ಮೋರ್ಚಾ ನರಿಮೊಗರು ಮಹಾಶಕ್ತಿ ಕೇಂದ್ರದ ವತಿರ್ದ್ ಪ್ರಧಾನಿ ನರೇಂದ್ರ ಮೋದಿನ 71ನೇ ಪುಟ್ಟು ಪರ್ಬದ ಪ್ರಯುಕ್ತ ಸೇವಾ ಬೊಕ್ಕ ಸಮರ್ಪಣಾ ಕಾರ್ಯಕ್ರಮದ ಅಂಗವಾದ್ ಶಾಂತಿಗೋಡು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ಕೊಠಡಿ ಬೊಕ್ಕ ವಠಾರಡ್ ನಿರ್ಮಲ ಮಲ್ಪುನ ಕಜ್ಜ ನ್ ಅಟ್ಟನೆ ಮಲ್ತಿತ್ತೆರ್. ಅಂಚನೇ ಪ್ರಧಾನಿಗ್ ಪುಟ್ಟು ಪರ್ಬದ ಓಲೆ ದ ಒಟ್ಟುಗು ಪೋಸ್ಟ್ ಕಾರ್ಡ್ ಅಭಿಯಾನ ಲೇಸ್ ಅಟ್ಟನೆ ಮಲ್ತಿತ್ತೆರ್ .

ಈ ಪೊರ್ತುಡು ಪಾಣಾಜೆ ಮಹಾಶಕ್ತಿ ಕೇಂದ್ರದ ಗುರ್ಕಾರ್ಲಾಯಿನ ಶ್ರೀ ಜಯರಾಮ ಪೂಜಾರಿ ಒತ್ತೆಮುಂಡೂರು, ಶಾಂತಿಗೋಡು ಶಕ್ತಿ ಕೇಂದ್ರದ ಸಂಚಾಲಕೆರಾಯಿನ ಶ್ರೀ ಶ್ಯಾಮ್ ಭಟ್ ಶಾಂತಿಗೋಡು, ಜಿಲ್ಲಾ ಯುವ ಮೋರ್ಚಾ ಒತ್ತು ಗುರ್ಕಾರ್ಲಾಯಿನ ಸಹಜ್ ರೈ ಬಳಜ್ಜ, ಯುವ ಮೋರ್ಚಾ ಗ್ರಾಮಾಂತರ ಮಂಡಲ ಪುತ್ತೂರುದ ಗುರ್ಕಾರ್ಲಾಯಿನ ಶ್ರೀ ನವೀನ್ ಪಡ್ನೂರು, ಪ್ರ. ಕಾರ್ಯಂತೆರಾಯಿನ ಶ್ರೀ ರತನ್ ರೈ ಕುಂಬ್ರ, ಬಿಜೆಪಿ ಯುವ ಮೋರ್ಚಾ ನರಿಮೊಗರು ಮಹಾಶಕ್ತಿ ಕೇಂದ್ರದ ಗುರ್ಕಾರ್ಲಾಯಿನ ಶ್ರೀ ಸಚಿನ್ ಶೆಟ್ಟಿ ಪಟ್ಟೆ, ಪ್ರ. ಕಾರ್ಯದರ್ಶಿಲಾಯಿನ ಶ್ರೀ ಮಂಜುನಾಥ್ ದುಗ್ಗಳ, ಯುವ ಮೋರ್ಚಾ ಸದಸ್ಯೆರಾಯಿನ ಹರೀಶ್ ರೈ ಮಿತ್ತೋಡಿ,ವಿನೋದ ಶಾಂತಿಗೋಡು,ಗಣೇಶ್ ಗ್ರಾಮಾಂತರ ಮಂಡಲದ ಪದುಕೆರ್ ಕೂಟದ ಸದಸ್ಯೆರ್ , ಗ್ರಾಮ ಪಂಚಾಯತ್ ಸದಸ್ಯೆರ್, ಶಾಲಾ ಎಸ್.ಡಿ.ಎಂ.ಸಿ ಗುರ್ಕಾರ್ಲಾಯಿನ ಶ್ರೀಮತಿ ಪ್ರಮೀಳಾ ಬೊಕ್ಕ ಹಳೆ ವಿದ್ಯಾರ್ಥಿಲಾಯಿನ ಶಶಿಕುಮಾರ್, ಪಾಲ್ ಪಡೆದಿತ್ತೆರ್.

ಯುವ ಮೋರ್ಚಾದ ಈ ಸೇವಾ ಕಾರ್ಯಗ್ ಶಾಲಾ ಶಿಕ್ಷಕ ವೃಂದ ಬೊಕ್ಕ ಎಸ್.ಡಿ.ಎಂ.ಸಿ.ರ್ದ್ ಎಡ್ಡೆಪ್ಪು ಬಯಕಿಯೆರ್.

ವಕೀಲೆರ್ನ ಸಂಘದ ಸದಸ್ಯೆರೆಗ್ ಆಯುಷ್ಮಾನ್ ಆರೋಗ್ಯ ಕಾರ್ಡ್ ಪಟ್ಟುನ ಲೇಸ್

ಒಡಿಪು : ಒಡಿಪು ವಕೀಲೆರ್ನ ಸಂಘ, ಒಡಿಪು ಜಿಲ್ಲಾ ಕಾನೂನು ಸೇವೆದ ಪ್ರಾಧಿಕಾರ, ನಾಯಕ್ಸ್ ಗ್ರೂಪ್ ಒಟ್ಟು ಸೇರಿಗೆಡ್ ವಕೀಲೆರ್ನ ಸಂಘದ ಸದಸ್ಯೆರ್ ಬೊಕ್ಕ ಕುಟುಂಬ ಸದಸ್ಯೆರೆಗ್ ಆಯುಷ್ಮಾನ್ ಆರೋಗ್ಯ ಕಾರ್ಡ್ ಪಟ್ಟುನ ಬೊಕ್ಕ ಬೇತೆ ಬೇತೆ ಸೇವೆಲೆನ್ ಪಟ್ಟುನ ಲೇಸ್ ಒಡಿಪು ವಕೀಲೆರ್ನ ಸಂಘಡ್ ಬುಧವಾರ ನಡತುಂಡು .

ಲೇಸ್ ನ್ ಪ್ರಧಾನ ಜಿಲ್ಲಾ ಬೊಕ್ಕ ಸತ್ರ ನ್ಯಾಯಾದೀಶ ಅಂಚನೇ ಜಿಲ್ಲಾ ಕಾನೂನು ಸೇವೆದ ಪ್ರಾಕಾರದ ಗುರ್ಕಾರ್ಲಾಯಿನ ಸುಬ್ರಹ್ಮಣ್ಯ ಜೆ.ಎನ್. ಉದಿಪನ ಮಲ್ತೆರ್ . ವಕೀಲರ ಸಂಘದ ಗುರ್ಕಾರ್ಲಾಯಿನ ದಿವಾಕರ ಎಂ. ಶೆಟ್ಟಿ ಗುರ್ಕಾರ್ಮೆ ವಹಿಸ್ ದಿತ್ತೆರ್ . ಜಿಲ್ಲಾ ಸೇವಾ ಸಿಂಧು ಯೋಜನಾ ವ್ಯವಸ್ಥಾಪಕ ಅರುಣ್ ಕುಮಾರ್ ಮಾಹಿತಿ ಕೊರಿಯೆರ್ .

Udupi Lawyers Association, Udupi District Legal Services Authority and Nayaks Group in association with Ayushmann’s health card distribution and various services were held at the Udupi Lawyers Association premises on Wednesday.

The program was presented by Subrahmanya JN, President of the Chief District and Satra Judicial and District Legal Services Division. Inaugurated. President of the Lawyers Association Shetty presided over. District Seva Sindhu Project Manager Arun Kumar informed.