ಕುಡ್ಲ

ಎಸೆಸ್ಸೆಲ್ಸಿ ಪರೀಕ್ಷೆ : ನಿಷೇದಾಜ್ಞೆ ಜಾರಿ

Jul 20, 2021

ಒಡಿಪು, ಜುಲೈ 20: ಕರ್ನಾಟಕ ಪ್ರೌಢ ಶಿಕ್ಷಣ ಮಂಡಳಿ ವತಿರ್ದ್ ಜು.19 ಬೊಕ್ಕ 22ಕ್ಕ್ ಈ ಸಲದ ಎಸೆಸ್ಸೆಲ್ಸಿ ಪರೀಕ್ಷೆಲು ಜಿಲ್ಲೆದ ಒಟ್ಟು 77 ಪರೀಕ್ಷಾ ಕೇಂದ್ರಡ್ ನಡಪರೆ ಉಂಡು, ಪರೀಕ್ಷೆಲೆನ್ ಸುಸೂತ್ರವಾದ್ ಬೊಕ್ಕ ದೋಷರಹಿತವಾದ್ ನಡಪಾಯೆರೆ ಮಲ್ಪೋಡಾಯಿನ ಮಾತಾ ರೀತಿದ ಅವ್ಯವಹಾರಲೆನ್ ಉಂತಾಯೆರೆ ಮಾತಾ ಪರೀಕ್ಷಾ ಕೇಂದ್ರದ ಕೈತಲ್ ಪರೀಕ್ಷೆ ನಡಪುನ ದಿನತನಿ ನಡೆಯುವ ಕಾಂಡೆ 8 ಗಂಟೆರ್ದ್ ಬೈಯ್ಯ 6 ಗಂಟೆ ಮುಟ ಜೆರಾಕ್ಸ್ ಅಂಗಡಿಲೆನ್ ಮುಚ್ಚರೆ ಬೊಕ್ಕ 200 ಮೀ. ಕೈತಲ್ ದ ಪ್ರದೇಶನ್ ನಿಷೇಧಿತ ಪ್ರದೇಶ ಪಂದ್ ಘೋಷನೆ ಮಲ್ತ್ , ಸೆಕ್ಷನ್ 144(1) ದಲಕ ನಿಷೇಧಾಜ್ಞೆ ಜಾರಿ ಮಲ್ಪರೆ ಜಿಲ್ಲಾಧಿಕಾರಿ ಜಿ. ಜಗದೀಶ್ ಆದೇಶ ಕೊರ್ತೆರ್ .

ತುಳು ಲಿಪಿಕ್ ಕೇಂದ್ರ ಬೊಕ್ಕ ರಾಜ್ಯ ಸರಕಾರರ್ದ್ ಅಧಿಕೃತ ಮಾನದಿಗೆ

Jul 20, 2021

ಕುಡ್ಲ : ಕರಿನ 9 ತಿಂಗೊಲುರ್ದು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮುಖೇನ ತುಳು ಅಕಾಡೆಮಿದ ಗುರಿಕಾರೆ ದಯಾನಂದ್.ಜಿ.ಕತ್ತಲ್ಸಾರ್ ನ ಬೆರಿತಾಂಗ್ ದೊಟ್ಟುಗು ಅಳುಪ ಅರಸೆರ್ನ ವಂಶಸ್ಥೆರಾಯಿನ ಡಾ. ಆಕಾಶ್ ರಾಜ್ ಜೈನ್ ಮೇರ್ ಇಡೆಬುಡoದೆ ಕರ್ನಾಟಕದ ಮುಖ್ಯ ಮಂತ್ರಿಲೆನ ಡಿಜಿಟಲ್ ಮೀಡಿಯಾದ ಆಡಳಿತ ಅಧಿಕಾರಿ ಆಯಿನ ಸುದರ್ಶನ್ ಬೇಳೂರು ಅರೆನ ಸಾಕಾರ ದೆತೊoದು ಸಚಿವೆರಾಯಿನ ಅರವಿಂದ ಲಿಂಬಾವಳಿದರೆನ ಮೂಲಕ ತುಳು ಲಿಪಿನ್ ರಾಜ್ಯದ ಅಂಚನೇ ಕೇಂದ್ರ ಸರಕಾರದ ಅಧಿಕೃತ ಪಟ್ಟಿಗ್ ಸೇರಾದ್ ತುಳು ಲಿಪಿಕ್ ರಾಜ ಮಾನದಿಗೆ ಕನತ್ ಕೊರಿನವು ಸಮಸ್ತ ತುಳುವೆರೆಗ್ ಮಲ್ಲ ಪೆರ್ಮೆದ ಸಂಗತಿ ಆತ್oಡ್.

9 ತಿಂಗೊಲುರ್ದು ದುಂಬು ತುಳು ಅಕಾಡೆಮಿದ ಮೂಲಕ ಡಾ. ಆಕಾಶ್ ರಾಜ್ ಜೈನ್ ಮೇರ್ ಸರಕಾರಗ್ ತುಳುಲಿಪಿ ಅಧಿಕೃತ ಆಯೆರೆ ಬೋಡಾದ್ ಬಿನ್ನಾಪು ಮಲ್ತಿತ್ತೆರ್. ಈ ಮನವಿನ್ ರಾಜ್ಯಸರಕಾರ ಕೇಂದ್ರ ಸರಕಾರದ ಭಾರತೀಯ ಭಾಷಾ ಸಂಸ್ಥಾನಗ್ ಎತ್ತಾದ್ (ಸಿ. ಐ. ಐ. ಎಲ್ )ಇತ್ತೆ ಅಕುಲು ತುಳು ಲಿಪಿನ್ ಅಧಿಕೃತ ವಾದ್ ಮಲ್ಪರೆ ಒಪ್ಪಿಗೆ ಪತ್ರ ಕೊರ್ತೆರ್.

ಕೊಲ್ಲಿ ದೇವಸ್ಥಾನ : ಸುತ್ತು ಪೌಳಿ ಶಿಲಾಪೂಜೆ

Jul 19, 2021

ಬೆಳ್ತಂಗಡಿ, ಜುಲೈ 19: ತಾಲೂಕುದ ಮಿತ್ತಬಾಗಿಲು ಗ್ರಾಮದ ಕೊಲ್ಲಿ ದುರ್ಗಾದೇವಿ ದೇವಸ್ಥಾನದ ಜೀರ್ಣೋದ್ಧಾರ ಕಾಮಗಾರಿ ಪ್ರಗತಿಡ್ ಉಂಡು . ತೀರ್ಥ ಮಂಟಪ ಬೊಕ್ಕ ಸುತ್ತು ಪೌಳಿದ ಶಿಲಾಪೂಜೆ ಕಾರ್ಯಕ್ರಮ ಶನಿವಾರ ನಡತುಂಡು .

ಉಜಿರೆ ಜನಾರ್ದನ ದೇವಸ್ಥಾನದ ಶರತ್ ಕೃಷ್ಣ ಪಡುವೆಟ್ನಾಯ ಲೇಸ್ ಗ್ ಚಾಲನೆ ಕೊರಿಯೆರ್ . ತಂಡವಾದ್ ಬೇಲೆ ಮಲ್ತುಂಡ ಅವು ಹೊರೆಯಾತುಜಿ . ಊರುದ ದೇವಸ್ಥಾನದ ಅಭಿವೃದ್ಧಿ ಪ್ರತಿಯೊರಿನ ಜವಾಬ್ದಾರಿಯಾತುಂಡು . ಪರಸ್ಪರ ಸಹಕಾರದ ಬೇಲೆ ನಿರ್ವಿಘ್ನವಾದ್ ಸಾಗುಂಡು ಬೊಕ್ಕ ಯೋಜಿತ ಅವಧಿದುಲಯಿ ಪೂರ್ಣ ಆತುಂಡು ಪಂದ್ ಪಂಡೆರ್.

ಜಮಾ ಉಗ್ರಾಣದ ಮುತ್ಸದ್ದಿ ಬಿ. ಭುಜಬಲಿ, ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ವಾಸುದೇವ ರಾವ್ ಕಕ್ಕೆನೇಜಿ, ಜೀರ್ಣೋದ್ಧಾರ ಸಮಿತಿ ಗುರ್ಕಾರ್ಲಾಯಿನ ಲೋಕೇಶ್ ರಾವ್, ಮಿತ್ತಬಾಗಿಲು ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಲತಾ, ಕಡಿರುದ್ಯಾವರ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಅಶೋಕ್ ಕುಮಾರ್, ನಾವುರು ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಗಣೇಶ ಗೌಡ, ಬಂಗಾಡಿ ಸಿಎ ಬ್ಯಾಂಕಿನ ಗುರ್ಕಾರ್ಲಾಯಿನ ಹರೀಶ್ ಸಾಲಿಯಾನ್, ಉದ್ಯಮಿಲಾಯಿನ ಅರುಣ್ ಕುಮಾರ್ ದಿನೇಶ್ ಕುಮಾರ್, ಮುಖಂಡೆರಾಯಿನ ದಿನೇಶ್ ಗೌಡ, ಮೋಹನಗೌಡ, ಕೇಶವ ಫಡ್ಕೆ, ರಾಜಶೇಖರ್ ರಾವ್, ಮೃತ್ಯುಂಜಯ ರಾವ್, ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ಇತ್ತೆರ್ .

“ತುಳು ಲಿಪಿ ಮಂದಾರ” ಬುಡುಗಡೆ

Jul 19, 2021

ಒಡಿಪು, ಜುಲೈ 19: ತಾಳೆಗರಿ ಬಳಕೆ ಮಲ್ತೊಂದು ಇತ್ತಿನ ಕಾಲಘಟ್ಟಡ್ ತುಳು ಲಿಪಿ ಬಳಕೆಯಾವೊಂದು ಇತ್ತುಂಡು . ಪುರಾತನವಾಯಿನ ಐತಿಹಾಸಿಕ ಹಿನ್ನೆಲೆ ಉಪ್ಪುನ ತುಳು ಭಾಷೆ, ತುಳು ಲಿಪಿ ಮಧ್ವಾಚಾರ್ಯೇರ್ನ ಕಾಲಘಟ್ಟಡ್ ಬಳಕೆ ಮಲ್ತೊಂದು ಇತ್ತೆರ್ ಪನ್ಪಿನೆಕ್ಕ್ ಅಷ್ಠಮಠಟ್ ಪುರಾವೆಲು ಉಂಡು ಪಂದ್ ಶಾಸಕ ರಘುಪತಿ ಭಟ್ ಪಂಡೆರ್ .

ಒಡಿಪು ಪ್ರೆಸ್ ಕ್ಲಬ್ ಡ್ ಇನಿ ಅಟ್ಟನೆ ಮಲ್ತಿನ ತುಳು ಲಿಪಿ ಮಂದಾರ” ಬುಡುಗಡೆ ಲೇಸ್ ಡ್ ತುಳು ಲಿಪಿ ಮಂದಾರ”ನ್ ಬುಡುಗಡೆ ಮಲ್ತ್ ಆರ್ ಪಾತೆರಿಯೆರ್.

ವಿಧಾನ ಸಭಾ ಅಧಿವೇಶನಡ್ ಕರಾವಳಿ ಭಾಗದ ಶಾಸಕೆರೆಗ್ ತುಳುಟೆ ಪಾತೆರಿಯರೆ ಅವಕಾಶ ಕೊರೊಡು ಪಂದ್ ಬಿನ್ನಾಪು ಮಲ್ದೆರ್ . ಆಂಡ ಸದನಡ್ ದಾಖಲಾಪಿನ ಮಾಹಿತಿಲೆನ್ ದಾಖಲು ಮಲ್ಪುನಕ್ಲೆಗ್ ತುಳು ಭಾಷೆದ ಅರಿಕೆದ ಕೊರತೆ ಉಪ್ಪುನೆರ್ದಾವರ ದುಂಬುದ ದಿನಟ್ ಈ ಬಗ್ಗೆ ಸೂಕ್ತ ಕ್ರಮ ದೆತೊನುನ ಭರವಸೆನ್ ಸಭಾಧ್ಯಕ್ಶೆರ್ ಕೊರ್ತೆರ್ ಪಂದ್ ಪಂಡಿನ ಆರ್ ತುಳು ಲಿಪಿ, ಭಾಷೆ ಬಗ್ಗೆ ಜೈ ತುಳುನಾಡು ಸಂಘಟನೆದ ಈ ಪ್ರಯತ್ನ ಉತ್ತಮ ಬುಲೆಚ್ಚಿಲ್ ಪಂದ್ ಪಂಡೆರ್ .

ಈ ಪೊರ್ತುಡು ತುಳು ಅಕಾಡೆಮಿಯ ಸದಸ್ಯೆರಾಯಿನ ಡಾ||ಆಕಾಶ್ ರಾಜ್ ಜೈನ್, ತಾರಾ ಆಚಾರ್ಯ, ಜೈ ತುಳುನಾಡು ಸಂಘಟನೆದ ಗುರ್ಕಾರ್ಲಾಯಿನ ಸುದರ್ಶನ್ ಸುರತ್ಕಲ್, ಸದಸ್ಯೆರಾಯಿನ ಪ್ರಹ್ಲಾದ್ ಪಿ. ತಂತ್ರಿ ಬೊಕ್ಕ ಬೇತೆ ಪದಾಧಿಕಾರಿಲು ಪಾಲ್ ಪಡೆದಿತ್ತೆರ್ .

ಇನಿರ್ದ್ ಕುಡ್ಲರ್ದ್ ಕಾಸರಗೋಡುಗು ಬಸ್ ಸಂಚಾರ

Jul 19, 2021

ಜುಲೈ 19: ದಕ್ಷಿಣ ಕನ್ನಡ ಜಿಲ್ಲೆಡ್ ಕೋವಿಡ್-19 ಆನ್ ಲಾಕ್ ಪ್ರಕ್ರಿಯೆ ಜಾರಿಡ್ ಉಂಡು , ಸೋಂಕು ಪಸರುನೇನ್ ಉಂತಾವುನ ನೆಲೆಟ್ಟ್ ಎಚ್ಚದ ಜಾಗರೂಕತೆನ್ ಅನುಸರಿಸಾವುನ ಅನಿವಾರ್ಯ ಉಂಡು . ದುಂಬು ಬರ್ಪಿನ ದಿನಟ್ ಸಂಭಾವ್ಯ 3 ನೇ ಅಲೆನ್ ಸಮರ್ಪಕವಾದ್ ಮಲ್ಪುನ ನೆಲೆಟ್ಟ್ ಮಾತಾ ಮುಂಜಾಗ್ರತಾ ಕ್ರಮಕ್ಲೆನ್ ದೆತೊನೊಂದು ಉಲ್ಲೆರ್ .

ಪ್ರಸ್ತುತ ರಾಜ್ಯ ಸರ್ಕಾರ ಕೇರಳ ರಾಜ್ಯಡ್ ಕೋವಿಡ್-19 ಪರಿಸ್ಥಿತಿನ್ ಅವಲೋಕನೆ ಮಲ್ತ್ ದಕ್ಷಿಣ ಕನ್ನಡ ಜಿಲ್ಲೆಗ್ ಉಪ್ಪುನ ಕೇರಳ ರಾಜ್ಯದ ಕಾಸರಗೋಡು ಜಿಲ್ಲೆರ್ದ್ ವಿದ್ಯಾಭ್ಯಾಸ, ಕಚೇರಿ ಕೆಲಸ, ವ್ಯಾಪಾರ ವ್ಯವಹಾರ ಸೇರಿನoಚ ಬೇತೆ ಬೇತೆ ಕಾರಣಗ್ ಸಂಖ್ಯೆಡ್ ದಿನನಿತ್ಯ ಜೋಕುಲು , ಸಾರ್ವಜನಿಕೆರ್ ಸಂಚಾರ ಮಲ್ತೊಂದು ಉಲ್ಲೆರ್ , ಕಾಸರಗೋಡು – ಕುಡ್ಲ ನಡುತ ಬಸ್ ಸಂಚಾರಗ್ ಸೋಮವಾರರ್ದ್ ಷರತ್ತು ದ ಮಿತ್ತ್ ಬಸ್ ಚಾಲನೆ ಮಲ್ದೆರ್.

ಶಾಲೆಗ್ ಪೋವಂದೆ ಪತ್ತನೇ ತರಗತಿದ ಪರೀಕ್ಷೆ ಬರೆಪಿನ ತಯಾರಿಡ್ ಆದಿ ಸ್ವರೂಪ

Jul 19, 2021

ಕುಡ್ಲ, ಜುಲೈ 19 : ಆದಿ ಸ್ವರೂಪ ಶಾಲೆಗೆ ಪೋವಂದೆ ವಿದ್ಯಾರ್ಥಿನಿಯಾತೆರ್ , ಇತ್ತೇ ಜು.19ಗ್ 16ನೇ ಪ್ರಯೋಗು 10ನೇ ತರಗತಿದ ಪಬ್ಲಿಕ್ ಪರೀಕ್ಷೆಗ್ ಹಾಜರಾವೊಂದು ಉಲ್ಲೆರ್ .

ಆದಿ ಸ್ವರೂಪ ರಡ್ಡ್ ಕೈತ ಮುಖೇನ ಬರೆದ್ (AMBIDEXTROUS ) ಉಭಯ ಹಸ್ತ ಬರವಣಿಗೆಡ್ ವಿಶ್ವದಾಖಲೆ ಮಲ್ದೆರ್ . ಅಂಚನೇ ಪತ್ತನೇ ತರಗತಿದ 6 ವಿಷಯನ್ 93 ಸಾರ ಚಿಕಿಣಿ ಚಿತ್ರದ ಮೂಲಕ ದೃಶ್ಯ, ಸ್ಮರಣ ಚಿತ್ರ ನಿರ್ಮಿಸಿ ವಿಶ್ವದಾಖಲೆ ಬರೆತೆರ್ ಬೊಕ್ಕ ಈ ಬಾರಿ 10ನೇ ತರಗತಿದ ಪರೀಕ್ಷೆನ್ ಏಕಕಾಲಗ್ 2 ಕೈತ ಮುಖೇನ ಬರೆಯರೆ ತಯಾರ್ ಮಲ್ತೆರ್ , ಎಸೆಸೆಲ್ಸಿ ಪರೀಕ್ಷೆ ಕೇವಲ ಬಹು ಆಯ್ಕೆದ ಪ್ರಶ್ನೆ ಪತ್ರಿಕೆಯಾಯಿನ ಅವಕಾಶ ಮಲ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಂಡೊಗು ಜತ್ದ್ ನೇಜಿ ನಡಿನ ಸಚಿವ ಅಂಗಾರ

Jul 19, 2021

ಸವಣೂರು, ಜುಲೈ 19: ಮುಲ್ಪದ ಚಂದ್ರನಾಥ ಬಸದಿದ ಕೈತಲ್ ಉಪ್ಪುನ ಕಂಡಡ್ ಕೆಲವು ವರ್ಷರ್ದ್ ಬೆನ್ನಿದ ಬೇಲೆ ಆವಂದೆ ಪಡಿಲ್ ಬೂರಿನ ಕಂಡನ್ ಸವಣೂರುದ ಸಮಾನ ಮನಸ್ಕ ಜಾವಣ್ಯೇರ್ನ ಕೂಟ ಅಂಬಾ ಬ್ರದರ್ಸ್ ನೆತ್ತ ವತಿರ್ದ್ ಈ ಕಂಡಡ್ ಈ ಸಲ ಬೆನ್ನಿದ ಬೇಲೆ ನಡತುಂಡು.

ಅಂಬಾ ಬ್ರದರ್ಸ್ ಕೂಟ ಇತ್ತೇ ಅವ್ವೆತೋ ಸಮಾಜಮುಖಿ ಕಾರ್ಯಡ್ ತೋಡಗಾವೊಂದು ,ಇತ್ತೇ ಪಡಿಲ್ ಬೂರ್ದಿನ ಬೆನ್ನಿದ ಬೇಲೆ ಮಲ್ಪರೆ ದುಂಬು ಬೈದೆರ್. ಈ ವಿನೂತನ ಲೇಸ್ ಅಂಬಾ ಕಂಡಗ್ ಜಪ್ಪುಗ ಲೇಸ್ ಗ್ ಐತಾರ ಸವಣೂರು ಬಸದಿದ ಕಂಡದ ಗುರ್ಕಾರ್ಲಾಯಿನ ಮಾಲಕ ನ್ಯಾಯವಾದಿ ನಿರ್ಮಲ ಕುಮಾರ್ ಜೈನ್ ಚಾಲನೆ ಕೊರಿಯೆರ್ .

ಸಚಿವ ಅಂಗಾರ ಮೆರೆನ್ ರಾಜ್‌ದೀಪಕ್ ಶೆಟ್ಟಿ ಮಠ ಮಾನದಿಗೆ ಮಲ್ತೆರ್ ಸುಳ್ಯ ಮಂಡಲ ಸಮಿತಿ ಗುರ್ಕಾರ್ಲಾಯಿನ ಹರೀಶ್ ಕಂಜಿಪಿಲಿ ಮೆರೆಗ್ ಮಾನದಿಗೆ ಮಲ್ತೆರ್.

ಒಡಿಪುಡು ವನಮಹೋತ್ಸವ ಆಚರಣೆ

Jul 18, 2021

ಒಡಿಪು, ಜುಲೈ 18: ಜಿಲ್ಲಾ ನಾಗರಿಕ ಸಮಿತಿ ಟ್ರಸ್ಟ್, ಅರಣ್ಯ ಇಲಾಖೆ, ಬೊಕ್ಕ ಚೌಡೇಶ್ವರಿ ಫ್ರೆಂಡ್ಸ್ ಶಾಂತಿನಗರ ಮೆಕ್ಲೆನ ಒಟ್ಟು ಸೇರಿಗೆಡ್ ಮಣಿಪಾಲದ ಶಾಂತಿನಗರದ ಮಾರ್ಗದ ಸನಿಹಡ್ ಶನಿವಾರ ಸಾಲು ದೈಕ್ಲೆನ್ ನಡ್ಪಿನ ಮುಖೇನ ವನಮೋಹತ್ಸವ ನಡಪಾಯೆರ್ .

ಲೇಸ್ ಗ್ ಚಾಲನೆ ಕೊರಿನ ಉಪವಲಯ ಅರಣ್ಯಾಧಿಕಾರಿ ಸುರೇಶ್ ಜಿ. ಪಾತೆರ್ದ್ , ಭಾರತ ದೇಶಡ್ ಉಪ್ಪುನ ಜನಸಂಖ್ಯೆ ಅನುಗುಣವಾದ್ ಶೇ.33 ದಾತ್ ಅರಣ್ಯ ಉಸಿರ್ ದೆಪ್ಪರೆ ಅವಶ್ಯ ಅಂಚಾದ್ ಮಾತೆರ್ನ ದೈ ನಡೊಡು ಪಂದ್ ಪಂಡೆರ್.

ಮಲಬಾರ್ ಗೋಲ್ಡ್ ದ ಜನಸಂಪರ್ಕ ಅಧಿಕಾರಿ ರಾಘವೇಂದ್ರ ನಾಯಕ್ ಅಜೆಕಾರ್ ಪಾತೆರಿಯೆರ್ .

ಎಸೆಸೆಲ್ಸಿ ಪರೀಕ್ಷೆಗ್ ಕುಡ್ಲಡ್ ಮಾತಾ ತಯಾರಿ

Jul 18, 2021

ಕುಡ್ಲ, ಜುಲೈ 28: ಎಸೆಸೆಲ್ಸಿ ಪರೀಕ್ಷೆಗ್ ದ.ಕ. ಜಿಲ್ಲೆಡ್ ಸಕಲ ಸಿದ್ಧತೆನ್ ಮಲ್ದೆರ್ ಇತ್ತೇ , 9 ಜನ ಕೊರೋನ ಸೋಂಕಿತ ಜೋಕುಲು ನೋಂದಾವಣೆ ಮಲ್ದೆರ್ ಅಕ್ಲೆಗ್ ಕೋವಿಡ್ ಕೇರ್ ಸೆಂಟರ್‌ಡ್ ಸಕಲ ವ್ಯವಸ್ಥೆದೊಟ್ಟುಗು ಪರೀಕ್ಷೆಗ್ ತಯಾರಿ ಮಲ್ದೆರ್ .

ಸಂಸದ ನಳಿನ್ ಕುಮಾರ್ ಕಟೀಲ್ ಗುರ್ಕಾರ್ಮೆಡ್ ದ.ಕ. ಜಿಲ್ಲಾ ಪಂಚಾಯತ್‌ದ ನೇತ್ರಾವತಿ ಸಭಾಂಗಣಡ್ ಕೋಡೆ ದ.ಕ. ಜಿಲ್ಲಾ ಅಭಿವೃದ್ಧಿ ಸಮನ್ವಯ ಬೊಕ್ಕ ಉಸ್ತುವಾರಿ (ದಿಶಾ) ಸಮಿತಿ ಸಭೆಟ್ ಡಿಡಿಪಿಐ ಮಲ್ಲೇಸ್ವಾಮಿ ಈ ಮಾಹಿತಿ ಕೊರಿಯೆರ್ .

ದ.ಕ. ಜಿಲ್ಲೆಡ್ ಈ ಸಲ 179 ಪರೀಕ್ಷಾ ಕೇಂದ್ರಡ್ 29351 ರೆಗ್ಯುಲರ್, 694 ಖಾಸಗಿ, 2050 ಶಾಲಾ ಪುನರಾವರ್ತಿತ ಅಭ್ಯರ್ಥಿಲು , 538 ಖಾಸಗಿ ಪುನರಾವರ್ತಿತ ಸೇರಿನಂಚ ಒಟ್ಟು 32636 ಜೋಕುಲು ಎಸೆಸೆಲ್ಸಿ ಪರೀಕ್ಷೆ ಬರೆಯರೆ ಉಲ್ಲೆರ್ .

ಕೋವಿಡ್ ರ್ದ್ ತೀರ್ ಪೋಯಿನ ದಂಪತಿಲು

Jul 18, 2021

ನೆಲ್ಯಾಡಿ(ಉಪ್ಪಿನಂಗಡಿ) ಜುಲೈ 18: : ನೆಲ್ಯಾಡಿ ಕೈತಲ್ ದ ಕೊಕ್ಕಡ ಪನ್ಪಿನ ಜಾಗೆಡ್ ಗುರುವಾರ ಕಂಡನಿ ಬೊಡೆದಿ ಒಂಜೇ ದಿನಟ್ 5 ಗಂಟೆದ ಪೊರ್ತುಡು ತೀರ್ ಪೋಯೆರ್ .

ಕೊಕ್ಕಡ ಗ್ರಾಮದ ಪುನ್ನತ್ತಾನಾತ್ ನಿವಾಸಿ, ಕೃಷಿಕ ವರ್ಗೀಸ್ ಪಿ.ವಿ.(74) ಬೊಕ್ಕ ಆರ್ನ ಬೊಡೆದಿ ಮೇರಿ ವರ್ಗೀಸ್
ಪಿ.ವಿ.(73) ತೀರ್ ಪೋಯಿನಾರ್ . ರಡ್ಡ್ ಜನಕ್ಲ ಕರಿನ ತಿಂಗೊಲು 25ಕ್ಕ್ ಜ್ವರ ಬತ್ತಿತ್ತುಂಡು ಐಕ್ ಮರ್ದ್ ಪಡೆದ್ ಹುಷಾರ್ ಆತೆರ್ ಆಂಡ ರಡ್ಡ್ ಜನಕ್ಲಾ ಕುಡ ಜ್ವರ ಬತ್ತಿನೆರ್ದಾವರ ಅಕ್ಲೆನ್ ಕುಡ್ಲದ ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ತಿತ್ತೆರ್ .

ಮೆಕ್ಲೆಗ್ ಬೆಳ್ತಂಗಡಿ ಮುಂಡಾಜೆ ಸೇಂಟ್ ಮೇರಿಸ್ ಚರ್ಚ್‌ ಧರ್ಮಗುರು ವಿನೋಯ್ ಸೆಬಾಸ್ಟಿನ್ ಸೇರಿನಂಚ ರಡ್ಡ್ ಆನ್ ಜೋಕುಲು ಬೊಕ್ಕ ಪೊಣ್ಣು ಜೋಕ್ಲೆನೆರ್ದ್ ದೂರ ಆತೆರ್.

ಕುಡ್ಲ

ಎಸೆಸ್ಸೆಲ್ಸಿ ಪರೀಕ್ಷೆ : ನಿಷೇದಾಜ್ಞೆ ಜಾರಿ

ತುಳು ಲಿಪಿಕ್ ಕೇಂದ್ರ ಬೊಕ್ಕ ರಾಜ್ಯ ಸರಕಾರರ್ದ್ ಅಧಿಕೃತ ಮಾನದಿಗೆ

ಕೊಲ್ಲಿ ದೇವಸ್ಥಾನ : ಸುತ್ತು ಪೌಳಿ ಶಿಲಾಪೂಜೆ

“ತುಳು ಲಿಪಿ ಮಂದಾರ” ಬುಡುಗಡೆ

ಇನಿರ್ದ್ ಕುಡ್ಲರ್ದ್ ಕಾಸರಗೋಡುಗು ಬಸ್ ಸಂಚಾರ

ಶಾಲೆಗ್ ಪೋವಂದೆ ಪತ್ತನೇ ತರಗತಿದ ಪರೀಕ್ಷೆ ಬರೆಪಿನ ತಯಾರಿಡ್ ಆದಿ ಸ್ವರೂಪ

ಕಂಡೊಗು ಜತ್ದ್ ನೇಜಿ ನಡಿನ ಸಚಿವ ಅಂಗಾರ

ಒಡಿಪುಡು ವನಮಹೋತ್ಸವ ಆಚರಣೆ

ಎಸೆಸೆಲ್ಸಿ ಪರೀಕ್ಷೆಗ್ ಕುಡ್ಲಡ್ ಮಾತಾ ತಯಾರಿ

ಕೋವಿಡ್ ರ್ದ್ ತೀರ್ ಪೋಯಿನ ದಂಪತಿಲು

You Missed

ಉಬಾರ್‌ಡ್ ಇಲ್ಲ್‌ಗ್ ತೂ ಪೊತುದು ಭಾರಿ ನಷ್ಟ

ಕಾರ್ಕಳ ಯೂತ್ ಬಿಲ್ಲವ ಸಂಘಟನೆಗ್ ಶರತ್ ಬೈಲಡ್ಕ ಅಧ್ಯಕ್ಷೆರಾದ್ ಆಯ್ಕೆ

ಹೋಟೆಲ್ ಗ್ಯಾಸ್‌ದ ರೇಟ್‌ಡ್ 183.50 ರೂ. ಕಮ್ಮಿ

ಇಲ್ಲ್‌ದ ಮಿತ್ತ್ ಗೋಡೆ ಮಗ್‌ರ್ದ್ 3 ಜನ ಸಾವು