ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ

ಕೋವಿಡ್ ಸಂತ್ರಸ್ತೆರೆಗ್ ಮಾನವೀಯತೆ ಸ್ಪಂದನೆ

ಬಂಟ್ವಾಳ:ಜೂನ್ 8: ‘ಮುಲ್ಪದ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಡ್ ಕೋವಿಡ್ ಸಂತ್ರಸ್ತರೆಗ್ ತಲಾ ₹ 1ಸಾವಿರ ಮೌಲ್ಯದ ದಿನಸಿ ಸಾಮಗ್ರಿ ಕಿಟ್ ಕೊರ್ಪಿನ ಮುಖೇನ ಮಾನವೀಯ ಸ್ಪಂದನೆದೊಟ್ಟುಗು ಅಸಹಾಯಕೆರೆಗ್ ಸಾಧ್ಯಆಯಿನಾತ್ ಪಣಾವುದ ಸಾಕಾರ ಕೊರಿಯೆರೆ ‘ಇಂದಿರಾ ಕ್ಷೇಮ ನಿಧಿ’ ಸುರು ಮಲ್ದೆರ್ ಪಂದ್ ‘ ಮಾಜಿ ಸಚಿವ ಬಿ.ರಮಾನಾಥ ರೈ ಪಂಡೆರ್ .

ಬಿ.ಸಿ.ರೋಡು ರಂಗೋಲಿ ಸಭಾಂಗಣಡ್ ಸೋಮವಾರ ಅಟ್ಟನೆ ಮಲ್ತಿನ ‘ಇಂದಿರಾ ಕ್ಷೇಮ ನಿಧಿ’ ಯೋಜನೆನ್ ಉದಿಪನ ಮಲ್ತ್ ಪಾತೆರಿಯೆರ್.

ಈ ಲೇಸ್ ಡ್ ಜಿಲ್ಲಾ ಪಂಚಾಯಿತಿ ಸದಸ್ಯೆರಾಯಿನ ಚಂದ್ರಪ್ರಕಾಶ್ ಶೆಟ್ಟಿ, ಬಿ.ಪದ್ಮಶೇಖರ್ ಜೈನ್, ಎಂ.ಎಸ್.ಮಹಮ್ಮದ್, ತಾಲ್ಲೂಕು ಪಂಚಾಯಿತಿ ಉಪಾಧ್ಯಕ್ಷ ಅಬ್ಬಾಸ್ ಅಲಿ, ಸ್ಥಾಯಿ ಸಮಿತಿ ಗುರ್ಕಾರ್ಲಾಯಿನ ಮಲ್ಲಿಕಾ ವಿ.ಶೆಟ್ಟಿ, ಪುರಸಭಾಧ್ಯಕ್ಷ ಮಹಮ್ಮದ್ ಶರೀಫ್, ಉಪಾಧ್ಯಕ್ಷೆ ಜೆಸಿಂತ ಡಿಸೋಜ, ಪ್ರಮುಖೆರಾಯಿನ ಸುದರ್ಶನ್ ಜೈನ್, ಕೆ.ಪದ್ಮನಾಭ ರೈ, ಜಯಂತಿ ವಿ.ಪೂಜಾರಿ, ಆಲ್ಬರ್ಟ್‌ ಮಿನೇಜಸ್, ಜನಾರ್ದನ ಚೆಂಡ್ತಿಮಾರ್, ಇಬ್ರಾಹಿಂ ನವಾಝ್ ಬಡಕಬೈಲು, ಸುರೇಶ್ ಜೋರ ಪಾಲ್ ಪಡೆದಿತ್ತೆರ್ .

ಬಂಟ್ವಾಳ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಬೇಬಿ ಕುಂದರ್ ಎದುಕೊಂಡೆರ್ , ಪಾಣೆಮಂಗಳೂರು ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲಾಯಿನ ಸುದೀಪ್ ಕುಮಾರ್ ಶೆಟ್ಟಿ ಸೊಲ್ಮೆ ಸಂದೈತ ಮಲ್ತೆರ್ .

ಇನಿ ಬೈಯ್ಯ 5 ಗಂಟೆಗ್ ರಾಷ್ಟ್ರನ್ ಉದ್ದೇಶಿಸಾದ್ ಪ್ರಧಾನಿ ಭಾಷಣ

ನವದೆಹಲಿ, ಜೂನ್ 7: : ಇನಿ ಬೈಯ್ಯಗ್ 5 ಗಂಟೆಗ್ ದೇಶನ್ ಉದ್ದೇಶಿಸಾದ್ ಪ್ರಧಾನಮಂತ್ರಿ ನರೇಂದ್ರ ಮೋದಿ ಭಾಷಣ ಮಲ್ಪರೆ ಉಲ್ಲೆರ್ ಪಂದ್ ಪ್ರಧಾನಮಂತ್ರಿ ಕಚೇರಿದ ಮೂಲ ತೆರಿಪಾದುಂಡು .

ಕೋವಿಡ್ ರಡ್ಡನೇ ಅಲೆ ತಡೆಯರೇ ಕರಿನ ಒಂಜಿ ತಿಂಗೊಲುರ್ದು ರಾಷ್ಟ್ರವ್ಯಾಪಿ ಲಾಕ್ಡೌನ್ ಮಲ್ದೆರ್ . ಇತ್ತೇ ಕೆಲವು ರಾಜ್ಯಡ್ ಹಂತಹಂತವಾದ್ ಲಾಕ್ಡೌನ್ ದೆತ್ತೊಂದು ಉಲ್ಲೆರ್ . ಆತೆ ಅತ್ತoದೆ ರಾಷ್ಟ್ರಾಡ್ ಕೊರೋನ ವ್ಯಾಕ್ಸಿನ್ಲ ಕೊರೊಂದು ಉಲ್ಲೆರ್.

ಐತ ಪ್ರಕಾರ ಕೋವಿಡ್ ನಿಗ್ರಹಗಾದ್ ಕೇಂದ್ರ ಸರ್ಕಾರ ಬೊಕ್ಕ ರಾಜ್ಯ ಸರ್ಕಾರ ಅವ್ವೆತೋ ಕಾರ್ಯಕ್ರಮಲೆನ್ ದೆತೊನ್ದೆರ್ , ನನ ದುಂಬುದ ನಡೆತ ಬಗ್ಗೆ ದೇಶದ ಜನತೆನ್ ಉದ್ದೇಶಿಸಾದ್ ಪ್ರಧಾನಿ ಭಾಷಣ ಮಲ್ಪುನ ನಿರೀಕ್ಷೆ ಉಂಡು.

ಪತ್ರಕರ್ತೆರೆಗ್ ಸಾಕರ ಕೊರಿನ ಪತ್ರಕರ್ತೆರ್ನ ಸಂಘ

ಕಡಬ, ಜೂ.07: ಕೊರೋನಾ ರಡ್ಡನೇ ಅಲೆತ್ತ ನೆಲೆಟ್ಟ್ ಕಡಬ ತಾಲೂಕು ಪತ್ರಕರ್ತೆರ್ನ ಸಂಘದ ಸದಸ್ಯೆರೆಗ್ ಜಿಲ್ಲಾ ಸಂಘರ್ದ್ ಬೊಕ್ಕ ಕಡಬ ತಾಲೂಕು ಪತ್ರಕರ್ತೆರ್ನ ಸಂಘದ ವತಿರ್ದ್ ದಾನಿಲೆನ ಸಾಕಾರಡ್ ಕೊರಿನoಚಿನ ದಿನಸಿ ಸಾಮಾಗ್ರಿದ ಕಿಟ್ ನ್ ಗುರುವಾರದಾನಿ ಕಡಬ ಪ್ರೆಸ್ ಕ್ಲಬ್ ಡ್ ಪಟ್ಟಿಯೆರ್.

ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘರ್ದ್ ಮಾತಾ ಸದಸ್ಯೆರೆಗ್ ಕೊರಿನ ತಲಾ 20 ಕೆಜಿ ಅರಿ ಐತ ಒಟ್ಟುಗು ಕಡಬ ತಾಲೂಕು ಪತ್ರಕರ್ತೆರ್ನ ಸಂಘರ್ದ್ ದಿನಸಿ ಸಾಮಾಗ್ರಿದ ಕಿಟ್ ನ್ ಪಟ್ಟಿಯೆರ್ . ಈ ಪೊರ್ತುಡು ಕಡಬ ತಾಲೂಕು ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ನಾಗರಾಜ್ ಎನ್.ಕೆ.ಕಾರ್ಯದರ್ಶಿ ವಿಜಯ ಕುಮಾರ್ ಕಡಬ ಬೊಕ್ಕ ಸಂಘದ ಪದಾಧಿಕಾರಿಲು ಪಾಲ್ ಪಡೆದಿತ್ತೆರ್ .

ರಿಕ್ಷಾ ಚಾಲಕೆರೆಗ್  ಕಿಟ್ ವಿತರಣೆ

ಒಡಿಪು ಜೂ.6: ಕೊರೋನಾ ಸಂಕಷ್ಟದ ಪೊರ್ತುಡು ‘ಲಾ ಇನ್ ಆಯಕ್ಷನ್’ ಸಂಸ್ಥೆದ ವತಿರ್ದ್ ಸಂತೆಕಟ್ಟೆದ 90 ರಿಕ್ಷಾ ಚಾಲಕೆರೆಗ್ ಆಹಾರ ಕಿಟ್ಲೆನ್ ವಿತರಣೆ ಮಲ್ತೆರ್.

ಈ ಪೊರ್ತುಡು ಸಂಸ್ಥೆದ ಪ್ರವರ್ತಕೆರಾಯಿನ ನ್ಯಾಯವಾದಿ ಬೊಕ್ಕ ನೋಟರಿ ಸಂಕಪ್ಪಎ., ಗೌರವಾಧ್ಯಕ್ಷ ಶೇಖರ್ ಬೈಕಾಡಿ, ರಿಕ್ಷಾ ಚಾಲಕೆರ್ನ ಸಂಘದ ಗುರ್ಕಾರ್ಲಾಯಿನ ರತ್ನಾಕರ ನಾಯ್ಕ ಬೊಕ್ಕ ಪದಾಧಿಕಾರಿಲು ಪಾಲ್ ಪಡೆದಿತ್ತೆರ್.