ಒಡಿಪು

ಒಡಿಪುಡು ಪೌರಕಾರ್ಮಿಕೆರ್ನ ಸ್ವಚ್ಛತಾ ಜಾಥ

ಒಡಿಪು , ಮಾ.18: ಒಡಿಪು ನಗರಸಭೆ ವತಿರ್ದ್ ಪೌರಕಾರ್ಮಿಕರ ಸ್ವಚ್ಛತಾ ಜಾಥನ್ ಬುಧವಾರ ಪೇಂಟೆಡ್ ಅಟ್ಟನೆ ಮಲ್ತಿತ್ತೆರ್.

ಜಾಥಗ್ ನಗರಸಭೆ ಗುರ್ಕಾರ್ಲಾಯಿನ ಸುಮಿತ್ರಾ ಆರ್.ನಾಯಕ್ ಚಾಲನೆ ಕೊರಿಯೆರ್ . ನಗರಾಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ರಾಘವೇಂದ್ರ ಕಿಣಿ, ಆರೋಗ್ಯಾಧಿಕಾರಿ ಕರುಣಾಕರ್ ಬೊಕ್ಕ ನಗರಸಭೆ ಸದಸ್ಯೆರ್ ಪಾಲ್ ಪಡೆದ್ ಇತ್ತೆರ್.

ಸ್ವಚ್ಛ ಭಾರತ್ ಅಭಿಯಾನದ ಯೋಜನೆದಡಿ ಸಾರ್ವಜನಿಕ ಪ್ಲಾಸ್ಟಿಕ್ ನಿಷೇಧ, ಹೋಮ್ ಕಾಂಪೋಸ್ಟ್ ಮಾನ್ಯುಯಲ್ ಸ್ಕಾವೆಂಜಿಗ್, ಪರಿಸರ ಮಾಲಿನ್ಯ ಜನಜಾಗೃತಿ ಕಾರ್ಯಕ್ರಮದ ಪರವಾದ್ ಈ ಜಾಥನ್ ಪೇಂಟೆಡ್ ನಡಪಾಯೆರ್.

ಒಡಿಪುಡು ಎಂಜಿಎಂ ಕೃಷಿ ಸಮ್ಮಿಲನ-2021

ಒಡಿಪು , ಮಾ.18: ಜೋಕುಲು ಬೊಕ್ಕ ಜವನೆರೆಗ್ ಕೈತಲ್ ದ ಕೃಷಿ ಬೊಕ್ಕ ಕೃಷಿ ಬದ್ಕ್ ದ ಬಗ್ಗೆ ಅರಿವು ಮೂಡಾಯರೇ ಅಂಚನೇ ಅಕ್ಲೆಗ್ ಕೃಷಿ ಆಸಕ್ತಿ ಎಚ್ಚ ಮಲ್ಪುನ ಪರವಾದ್ ರಡ್ಡ್ ದಿನತ ಎಂಜಿಎಂ ಕೃಷಿ ಸಮ್ಮಿಲನ ಲೇಸ್ ನ್ ಮಾ.20 ಬೊಕ್ಕ 21 ತಾರೀಖ್ ಗ್ ಎಂಜಿಎಂ ಕಾಲೇಜ್ ದ ಆವರಡ್ ಅಟ್ಟನೆ ಮಲ್ದೆರ್ ಪಂದ್ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ.ದೇವಿದಾಸ ನಾಯ್ಕಾ ತೆರಿಪಾದೆರ್.

ಕಾಲೇಜ್ ಡ್ ಬುಧವಾರ ನಡತಿನ ಸುದ್ದಿಗೋಷ್ಠಿಡ್ ಮೇರ್ ಈ ಇಚಾರ ತೆರಿಪಾಯೆರ್.ಈ ಲೇಸ್ ಡ್ ಒಡಿಪು ಜಿಲ್ಲೆದ ಕೃಷಿಕೆರೆರ್ದ್ ಕೃಷಿ ಉತ್ಪನ್ನದ ಪ್ರದರ್ಶನ, ಮಾರಾಟ ಬೊಕ್ಕ ಬೇತೆ ಬೇತೆ ವಿಷಯದ ಬಗ್ಗೆ ತಜ್ಞರೆರ್ದ್ , ಸಾಧಕ ಕೃಷಿಕೆರೆರ್ದ್ ಮಾಹಿತಿ ಮಾಲಿಕೆ ಅಟ್ಟನೆ ಮಲ್ದೆರ್ .

ಒಡಿಯೂರು ಶ್ರೀ ಕ್ಲೆನ 60ನೇ ಪುಟ್ಟು ಪರ್ಬೊದ ವತಿಡ್ದ್ ಒಡಿಪುಡ್ ಸತ್ಸಂಗ, ಹನುಮಾನ್ ಚಾಲೀಸ್ ಪಠಣ

ಒಡಿಯೂರು ಶ್ರೀ ಕ್ಲೆನ ಷಷ್ಠಬ್ದ ಸಂಭ್ರಮೊದ ಅಂಗವಾದ್ ನಡಪುನ ಒಡಿಪು ಷಷ್ಠ್ಯಬ್ದ ಸಮಿತಿದ 600 ಸರಣಿ ಕಾರ್ಯಕ್ರಮೊಲೆಡ್ ಸುರುತ ಕಜ್ಜೊ ಇಲ್ಲ ಇಲ್ಲಡ್ ನಡಪುನ ಸತ್ಸಂಗದ ಸುರುತ ದಿನ ಒಡಿಪು ವಜ್ರಮಾತಾ ಸೇವಾ ವಿಕಾಸ ಕೇಂದ್ರದ ಗೌರವ ಸಲಹೆಗಾರೆರಾಯಿನ ಶ್ರೀಮತಿ ಚಂದ್ರಪ್ರಭಾ ಆರ್.ಹೆಗ್ಡೆ ಮೆರೆನ ಇಲ್ಲಡ್ ನಡತುಂಡ್. ಈ ಪೊರ್ತುಡ್ ಕಜ್ಜೊನ್ ತುಡರ್ ಅರ್ಲಾದ್ ಉದಿಪನ ಮಲ್ತಿನ ಒಡಿಪು ಷಷ್ಯಬ್ದ ಸಮಿತಿದ ಪ್ರಧಾನ ಕಾರ್ಯಂತೆರಾಯಿನ ಶ್ರೀ ಪ್ರಭಾಕರ ಶೆಟ್ಟಿ ಕಬ್ಯಾಡಿ ಕಜ್ಜೊಗ್ ಎಡ್ಡೆಪ್ಪುನ್ ಬಯಕಿಯೆರ್.

ಸಮಿತಿದಕುಲ್ ಒಟ್ಟಾದ್ ಹನುಮಾನ್ ಚಾಲೀಸ್ ಪಠಣ,ರಾಮರಕ್ಷಾ ಸ್ತೋತ್ರ, ವಿಷ್ಣುಸಹಸ್ರನಾಮ,ಬೊಕ್ಕ ಭಜನೆದೊಟ್ಟುಗ್ ಸತ್ಸಂಗ ನಡತುಂಡ್..ಈ ಪೊರ್ತುಡ್ ಶ್ರೀ ರಮಾನಂದ ಹೆಗ್ಡೆ, ತಾರಾನಾಥ ಶೆಟ್ಟಿ, ಶೋಭಾ ಶೆಟ್ಟಿ,ಅಮಿತಾ ಗಿರೀಶ್, ಚಂದ್ರಿಕಾ ಜಯಪ್ರಕಾಶ್,ರೇವತಿ ಶೆಟ್ಟಿ, ರಾಜೇಶ್ ಶೆಟ್ಟಿ, ಲಕ್ಷ್ಮೀನಾರಾಯಣ ಕಲ್ಲೊಟ್ಟೆ, ಸುಮಂಗಲ ಸದಾನಂದ್, ಯಶೋದಾ ಕೇಶವ್ ಬೊಕ್ಕ ಕೈತಲ್ ದ ಭಗಿನಿಯೆರ್ ಪಾಲ್ ಪಡೆಯೆರ್.

ಒಡಿಪುಡು ಗ್ಲುಕೋಮಾ ತಪಾಸಣಾ ಶಿಬಿರ ಉದಿಪನ

ಒಡಿಪು , ಮಾ.15: ಒಡಿಪು ಡಾ.ಟಿಎಂಎ ಪೈ ಆಸ್ಪತ್ರೆ, ಮಣಿಪಾಲ ಕಸ್ತೂರ್ಬಾ ಮೆಡಿಕಲ್ ಕಾಲೇಜು ಬೊಕ್ಕ ಆಸ್ಪತ್ರೆದ ನೇತ್ರಶಾಸ್ತ್ರ ವಿಭಾಗ ಬೊಕ್ಕ ಆಪ್ಟೊಮೆಟ್ರಿ ವಿಭಾಗದ ಒಟ್ಟು ಸೇರಿಗೆಡ್ ವಿಶ್ವ ಗ್ಲುಕೋಮಾ ಸಪ್ತಾಹದ ಪರವಾದ್ ಗ್ಲುಕೋಮಾ ಸಪೋರ್ಟ್ ಗ್ರೂಪ್ನ ಆರಂಭ ಬೊಕ್ಕ ಉಚಿತ ಗ್ಲುಕೋಮಾ ತಪಾಸಣಾ ಲೇಸ್ ನ್ ಶನಿವಾರ ಅಟ್ಟನೆ ಮಲ್ತಿತ್ತೆರ್.

ಶಿಬಿರನ್ ಉದಿಪನ ಮಲ್ತಿನ ನಿವೃತ್ತ ಶಿಕ್ಷಕಿ, ಶಿಕ್ಷಣ ತಜ್ಞೆ ಶೈಲಾ ರಾವ್ ಪಾತೆರ್ದ್ , ಗ್ಲುಕೋಮಾ ಪನ್ಪಿನ ಒವ್ವೆ ಲಕ್ಷಣ ಇಜ್ಜಂದೆ ಬರ್ಪಿನೆರ್ದಾವರ ಕಾಲಕಾಲಗ್ ಕಣ್ಣ್ ತಪಾಸನೆ ಮಲ್ಪುನ ಅನಿವಾರ್ಯ ಪಂದ್ ಪಂಡೆರ್.

ಎಲೆನ್ ಕೆರೀಯರ್ ಇನ್ಸ್ಟಿಟ್ಯುಟ್ ಉದಿಪನ

ಕುಡ್ಲ ,ಮಾ.14: ಕರಾವಳಿ ಕರ್ನಾಟಕದ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಯಾಯಿನ ವಿಕಾಸ್ ಶಿಕ್ಷಣ ಸಂಸ್ಥೆ ಇತ್ತೆ ರಾಜಸ್ತಾನ ಕೋಟದ ಎಲೆನ್ ಕೆರೀಯರ್ ಇನ್ಸ್ಟಿಟ್ಯುಟ್ ದ ಒಟ್ಟು ಸೇರ್ದ್oಡ್ . ಈ ಸಹಭಾಗಿತ್ವದ ಉಡಿಪನದ ಲೇಸ್ ಕುಡ್ಲದ ಖಾಸಗಿ ಹೊಟೆಲ್ ದ ಸಭಾಂಗಣಡ್ ನಡತ್oಡ್.

ಲೇಸ್ ನ್ ನಿಟ್ಟೆ ವಿಶ್ವ ವಿದ್ಯಾನಿಲಯದ ಪ್ರೊ. ಚಾನ್ಸಲರ್ ಡಾ. ಶಾಂತಾರಾಮ ಶೆಟ್ಟಿ ಉದಿಪನ ಮಲ್ತೆರ್ . ಕರ್ನಾಟಕದ ಕರಾವಳಿ ಜಿಲ್ಲೆಯಾಯಿನ ದಕ್ಷಿಣ ಕನ್ನಡ ಶಿಕ್ಷಣ ಬೊಕ್ಕ ವೈದ್ಯಕೀಯ ಕ್ಷೇತ್ರಡ್ ತನ್ನನೇ ಆಯಿನ ಚಾತುರ್ಪು ತೋಜಾದ್oಡ್. ನೆರ್ದಾವರ ಅವ್ವೆತೋ ಜೋಕ್ಲೆನ ಶೈಕ್ಷಣಿಕ ಕಲಿಕೆಗ್ ಮಸ್ತ್ ಪ್ರಯೋಜನ ಆತ್oಡ್ ಪಂದ್ ಡಾ. ಶಾಂತಾರಾಮ ಶೆಟ್ಟಿ ಪಂಡೆರ್ .