ಒಡಿಪು

ಒಡಿಪುಡು ಬೆರಿ ಮುಳ್ಳು ಮುರಿತದ ಸೀಕ್ ಉಪ್ಪುನಕ್ಲೆಗ್ ಮರ್ದ್ ದ ಕಿಟ್ ಪಟ್ಟುನ ಲೇಸ್

ಒಡಿಪು, ಜೂನ್ 26: ಒಡಿಪುಡು 60 ಜನಕುಲು ಬೆರಿ ಮುಳ್ಳು ಮುರಿತ ಸೀಕ್ ಬತ್ದ್ 4 ಗೋಡೆದ ನಡುಟು ಇತ್ತ್ ದ್ ಮೆಕ್ಲೆಗ್ ಬೆನಿಯರೆ ಸಾಧ್ಯ ಇಜ್ಜಿ .ಮೆಕುಲು ಬೆಂದ್ ಇಲ್ಲಗ್ ಅಸರೆಯಾವೊಡು ಇತ್ತುಂಡು .ಆಂಡ ಇತ್ತೇ ತಂದೆ ತಾಯಿ, ಬೇತಕ್ಲೆನ ಮಿತ್ತ್ ಅವಲಂಬಿತ ಆತೆರ್.ಮರ್ದ್ ಗ್ ತಿಂಗೊಲುಗು ಸಾರ ರೂಪಾಯಿ ಬೋಡಾಪುಂಡು ಆಂಡ ಐತ ನಡುಟು ಮರ್ದ್ ದ ಕಿಟ್ (ಯೊರಿನ್ ಬ್ಯಾಗ್,ಜೆಲ್,ಕ್ಯಾತೆಟ್) ಇಂಚ ಬೇತೆ ಬೇತೆ ರೀತಿದ ಮರ್ದ್ ಬೋಡಾಪುಂಡು.

ಅಂಚಾದ್ ಒಡಿಪುದ 60 ಜನ ಬೆರಿ ಮುಳ್ಳು ಮುರಿತದ ಸೀಕ್ ಇತ್ತಿನಕ್ಲೆಗ್ ಮರ್ದ್ ದ ಕಿಟ್ ಕೊರ್ಪಿನ ಕಾರ್ಯ ಕೊಡವೂರು ದಿವ್ಯಾಂಗ ರಕ್ಷಣಾ ಸಮಿತಿ ಬೊಕ್ಕ ಸೇವಾ ಭಾರತಿ ಕನ್ಯಾಡಿಯ ವತಿರ್ದ್ ಕೋಡೆ ಮಲ್ತೆರ್.

ಈ ಪೊರ್ತುಡು ಪಾತೆರಿನ ಕೆ ವಿಜಯ್ ಕೊಡವೂರು ಬೆರಿ ಮುಳ್ಳು ಮುರಿತದ ಸೀಕ್ ಇತ್ತಿನಕ್ಲೆಗ್ ಶಾಲೆಗ್ ಪೋಯೇರೆ ಪುಸ್ತಕ, ಬ್ಯಾಗ್ ಇಂಚ ಶಾಲೆದ ಫೀಸ್ ಕಟ್ಟರೆ ಕಾಸ್ ದಾಂತೆ ಇಲ್ಲಡೆ ಕುಲ್ದು ಉಪ್ಪುನ ಪರಿಸ್ಥಿತಿ ಬೈದುಂಡು.ಕೋಶದ ಕಾಯಿಲೆ, ಜೀರ್ಣಾಂಗದ ಕಾಯಿಲೆ,ಬಿಪಿ,ಶುಗರ್ ಇಂಚ ಅವ್ವೆತೋ ಸೀಕ್ ಉಪ್ಪುಂಡು ಇಂಚಿನ ಸೀಕ್ ಉಪ್ಪುನಕ್ಲೆಗ್ ತಿಂಗೊಲ್ ಗು ಸಾರ ರೂಪಾಯಿದ ಖರ್ಚ್ ಉಂಡು ಐತೊಟ್ಟುಗು ಮೆಕ್ಲೆಗ್ ಯೂರಿನ್ ಬ್ಯಾಗ್ ಇಂಚ ಬೇತೆ ಬೇತೆ ರೀತಿದ ಅನೇಕ ಸಾಮಗ್ರಿಲು ತಿಂಗೊಲ್ ಗು ಬೋಡಾಪುಂಡು. ಬೆನಿಯರೆ ಸಾಧ್ಯ ದಾoತಿನ ಮೆಕ್ಲೆಗ್ ತಿಂಗೊಲ್ ಗು ಪಣವುದ ಸಾಕಾರ ದಾನಿಲೆನ ಸಾಕಾರ ಬೋಡಾಪುಂಡು .
ಒಡಿಪುಡು ಬೆರಿ ಮುಳ್ಳು ಮುರಿತಾದ ಸೀಕ್ ಇತ್ತಿನಕ್ಲೆಗ್ ದಿವ್ಯಾಂಗ ರಕ್ಷಣಾ ಸಮಿತಿ ವತಿರ್ದ್ ಅಕ್ಲೆಗ್ ಪುನಃ ಚೇತನದ ವ್ಯವಸ್ಥೆ ಮಲ್ಪೋಡು ಪಂದ್ ಯೋಚನೆ ಮಲ್ದೆರ್ ಪಂದ್ ಪಂಡೆರ್ .

ಈ ಪೊರ್ತುಡು ವಿಜಯ್ ಕೊಡವೂರು(ನಗರ ಸಭಾ ಸದಸ್ಯರು,ಕೊಡವೂರು ವಾರ್ಡ್ ಒಡಿಪು )
ಮಾಧವ ಮೂರ್ತಿ -(ಗುರ್ಕಾರ್ಲು ಧಾನ್ಯ ಲಕ್ಷ್ಮಿ ರೈಸ್ ಮಿಲ್) ರಾಯನ್ ಫರ್ನಾಂಡಿಸ್ -(ನಿರ್ದೇಶಕೆರ್ ಸೇವಾಧಾಮ ಕನ್ಯಾಡಿ)
ಲತಾ ಭಟ್ (ಗುರ್ಕಾರ್ಲು ಸಕ್ಷಮ ಉಡುಪಿ ಜಿಲ್ಲೆ)
ರೂಪಲಕ್ಷ್ಮೀ – (ಮ್ಯಾನೇಜರ್ DNA)
ಜನಾರ್ಧನ್ ಉಪ್ಪೂರು -( ಗುರ್ಕಾರ್ಲು ಸ್ಪಂದನ ಬುದ್ಧಿ ಮಾಂದ್ಯ ಮಕ್ಕಳ ಶಾಲೆ )
(ಹರೀಶ್ ಕೊಡವೂರು – ಗುರ್ಕಾರ್ಲು ದಿವ್ಯಾಂಗ ರಕ್ಷಣಾ ಸಮಿತಿ ಕೊಡವೂರು )
8ಜಯ ಕಲ್ಮಾಡಿ ಬೊಕ್ಕ ಅಜಿತ್ ಬನ್ನಂಜೆ (ದಿವ್ಯಾಂಗ ರಕ್ಷಣಾ ಸಮಿತಿದ ಸಹ ಪ್ರಮುಖ್)ಅಂಚನೇ ಆರ್ ಕೆ ಭಟ್, ವಿನಯ್ ಕೊಡವೂರು, ಐವನ್ ಫರ್ನಾಂಡಿಸ್,ಚಂದ್ರಚಿತ್ರ, ವಿಷ್ಣು ಭಟ್, ಗಿರೀಶ್ ಕರಂಬಳ್ಳಿ, ಡಿಯರ್ ಲೈಫ್ ಬೊಕ್ಕ ಸೇವಾಭಾರತಿ ಕನ್ಯಾಡಿ ನೆತ್ತ ಸಿಬ್ಬಂದಿ ವರ್ಗದಕುಲು ಪಾಲ್ ಪಡೆದಿತ್ತೆರ್.

ಸೋಮವಾರರ್ದ್ ಒಡಿಪುಡು ನರ್ಮ್ ಬಸ್ ಸಂಚಾರ

ಒಡಿಪು , ಜೂ.25: ಇತ್ತೇ ಒಡಿಪುಡು ಹೆಬ್ರಿ ಭಾಗಡ್ ನರ್ಮ್ ಬಸ್‌ ಸಂಚಾರ ಮಲ್ತೊಂದು ಉಂಡು , ನನ ಸೋಮವಾರರ್ದ್ ಪೇಂಟೆಡ್ ಜಾಸ್ತಿ ಸಂಖ್ಯೆಡ್ ನರ್ಮ್ ಬಸ್‌ ಸಂಚಾರ ಮಲ್ಪುನ ಬಗ್ಗೆ ಕೆಎಸ್ಸಾರ್ಟಿಸಿ ಚಿಂತನೆ ನಡಪಾವೊಂದು ಉಂಡು ಪಂದ್ ನಿಗಮದ ಮೂಲ ತೆರಿಪಾದುಂಡು .

ಎಂಐಟಿದ ಜಂಟಿ ನಿರ್ದೇಶಕೆರಾದ್ ಡಾ.ಸೋಮಶೇಖರ ಭಟ್ ಆಯ್ಕೆ

ಮಣಿಪಾಲ, ಜೂ.25: ಮಣಿಪಾಲ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿದ ಪೊಸ ಜಂಟಿ ನಿರ್ದೇಶಕೆರಾದ್ ಇಲೆಕ್ಟ್ರಾನಿಕ್ಸ್ ಎಂಡ್ ಕಮ್ಯುನಿಕೇಷನ್ ಇಂಜಿನಿಯರಿಂಗ್ ವಿಭಾಗದ ಪ್ರಾಧ್ಯಾಪಕೆರಾಯಿನ ಡಾ.ಸೋಮಶೇಖರ ಭಟ್ ಆಯ್ಕೆ ಆತೆರ್ .

ಈತ್ ಮುಟ ಸಂಸ್ಥೆದ ಸಹ ನಿರ್ದೇಶಕೆ(ಅಭಿವೃದ್ಧಿ)ರಾದ್ ಬೇಲೆ ಮಲ್ತೊಂದು ಇತ್ತಿನ ಡಾ.ಭಟ್, ಕರಿನ ಆಜಿ ವರ್ಷರ್ದ್ ಎಂಐಟಿದ ಜಂಟಿ ನಿರ್ದೇಶಕೆರಾದ್ ಬೇಲೆ ಮಲ್ತೊಂದು ಇತ್ತಿನ ಡಾ.ಬಿ.ಎಚ್.ವಿ.ಪೈ ಮೆರೆರ್ದ್ ಅಧಿಕಾರ ಸ್ವೀಕಾರ ಮಲ್ತೇರ್ .