ಕೊಲ್ಲೂರು : ಶ್ರೀ ಕ್ಷೇತ್ರೊಡು ತಾರೀಖ್ 05-02-2022ನೇ ಶನಿವಾರದಾನಿ ಆಶ್ಲೇಷಾ ಬಲಿಸೇವೆ ಬೊಕ್ಕ ಕಾಲಾವಧಿ ಜಾತ್ರೆ ಏಳಿಂಜೆ ಶ್ರೀ ವೇದಮೂರ್ತಿ ಶ್ರೀಧರ ಭಟ್ರೆನ ಮುತಾಲೀಕೇಡ್ ನಡಪರೇ ಉಂಡು ಪಂದ್ ಕ್ಷೇತ್ರದ ಗುರ್ಕಾರ್ಲು ಬೊಕ್ಕ ಮಾತಾ ಸದಸ್ಯೆರ್ ಪತ್ರಿಕಾ ಪ್ರಕಟಣೆಡ್ ಪಂತೆರ್.
ಜಾಸ್ತಿ ಆವೊಂದು ಉಪ್ಪುನ ಕೊರೊನಾವೈರಸ್ ಪ್ರಕರಣದ ನಡುಟೆ , ಬ್ಲಾಕ್ ಫಂಗಸ್ ಅತ್ತುಂಡ ಮ್ಯೂಕೋರ್ಮೈಕೋಸಿಸ್ ಕುಡ ಬರುವಾ ಪನ್ಪಿನ ಪ್ರಶ್ನೆ ತೊಜೀದ್ ಬೈದುಂಡು . ಕರೋನಾ ರಡ್ಡನೇ ಅಲೆಟ್ ಅವ್ವೆತೋ ಜನಕ್ಲೆನ ಸಾವುಗು ಕಾರಣ ಆಯಿನ ಬ್ಲಾಕ್ ಫಂಗಸ್ ಕುಡೋರ ತೊಜೀದ್ ಬರುವ ಪನ್ಪಿನ ಪೋಡಿಗೆ ಪುಟ್ಟುದುಂಡು .
ದಾದ ಉಂದು ಬ್ಲಾಕ್ ಫಂಗಸ್?
ವರದಿಯೊಂಜೆತ್ತ ಪ್ರಕಾರ, ಬ್ಲಾಕ್ ಫಂಗಸ್ ಕುರುಡುತನ, ಅಂಗಗಳ ಅಪಸಾಮಾನ್ಯ ಕ್ರಿಯೆ, ಅಂಗಾಂಶಗ್ ಹಾನಿ ಬೊಕ್ಕ ಪೊರ್ತುಗು ತಕ್ಕ ಮರ್ದ್ ಕೊರಿಜಿಂಡ ಸೈಪಿನ ಸಾಧ್ಯತೆ ಉಂಡು.
ಕೊಪ್ಪಲಕಾಡು : ಬಾಂದೊಟ್ಟುದ ಶ್ರೀ ಕೋರ್ದಬ್ಬು ದೈವಸ್ಥಾನೊಡು ತಾರೀಖ್ 29/1/2022 ನೇ ಶನಿವಾರರ್ದ್ 30/1/2022 ನೇ ಐತಾರ ಮುಟ ಬಾಂದೊಟ್ಟು ಗುತ್ತುಡು ವರ್ಷ ಪ್ರತಿ ನಡಪುನ ಶ್ರೀ ಕೊರ್ದಬ್ಬು ವಗೈರೆ ದೈವದ ಕೋಲ ಬಲಿ ನಡಪರೇ ಉಂಡು.
ಕುರ್ನಾಡು : ಕುರ್ನಾಡುದ ಪಿದಮಲೆ ಶ್ರೀ ಮಹಾಮ್ಮಾಯಿ ದೇವಸ್ಥಾನೊಡು 30/1/2022 ತಾರೀಖ್ ರ್ದ್ 4/2/2022 ತಾರೀಖ್ ಮುಟ ಪಿದಮಲೆ ಬ್ರಹ್ಮಕಲಶ ಉಚ್ಚಯಬೊಕ್ಕ ವರ್ಷಾವದಿ ಗೊಂದೋಳು ಉಚ್ಚಯ ನಡಪರೇ ಉಂಡು.
ಬೆಂಗ್ಳೂರು: ಇನಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೆರೆನ ಪುಟ್ಟು ಪರ್ಬ.ಪುಟ್ಟು ಪರ್ಬದ ಪ್ರಯುಕ್ತ ಮುಖ್ಯಮಂತ್ರಿಯನ ಇಲ್ಲಡ್ ಗೋ ಪೂಜೆ ಮಲ್ತೆರ್ . ಮೆರೆನ ಪುಟ್ಟು ಪರ್ಬಗ್ ಗೃಹ ಸಚಿವ ಅಮಿತ್ ಶಾ ಮಾಜಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ಎಡ್ಡೆಪ್ಪುನು ಬಯಕ್ದೆರ್.
ಸುದ್ದಿಗಾರೆರ್ನ ಒಟ್ಟುಗು ಪಾತೆರಿನ ಸಿಎಂ: ಪುಟ್ಟು ಪರ್ಬಗ್ ರಾಷ್ಟ್ರಪತಿ ಫೋನ್ ಮಲ್ತ್ ಎಡ್ಡೆಪ್ಪುನು ಬಯಕ್ ದೆರ್ . ಇನಿ ಪ್ರಧಾನಿ ಮೋದಿ ಟ್ವೀಟ್ ಮುಖೇನ ಎಡ್ಡೆಪ್ಪುನು ಬಯಕಿಯೆರ್ ಪಂದ್ ಪಂತೆರ್.
ಕುಡ್ಲ :ಊರುದ ಅಭಿವೃದ್ಧಿಗ್ ಕ್ಷೇತ್ರ ಮಹತ್ವರ ಆತುಂಡು . ಕ್ಷೇತ್ರ ಜೀರ್ಣೋದ್ಧಾರ ಆನಗ ಸಮಾಜ ಅಭಿವೃದ್ಧಿ ಆಪುಂಡು . ಕುಲಶೇಖರದ ಶ್ರೀ ವೀರನಾರಾಯಣ ದೇವಸ್ಥಾನ ದಕ್ಷಿಣ ಭಾರತೊಡೆ ಪುಗಾರ್ತೆ ಪಡೆತಿನವು . ನೆತ್ತ ಬ್ರಹ್ಮಕಲಶ ನಿರ್ವಿಘ್ನವಾದ್ ನಡಪಡ್ ಪಂದ್ ಒಡಿಪು ಪೇಜಾವರ ಮಠದೀಶೇರಾಯಿನ ಶ್ರೀ ವಿಶ್ವ ಪ್ರಸನ್ನ ತೀರ್ಥ ಸ್ವಾಮೀಲು ಪಂಡೆರ್.
ಜ 27 ಕ್ಕ್ ಕುಲಶೇಖರದ ಶ್ರೀ ವೀರನಾರಾಯಣ ದೇವಸ್ಥಾನದ ಜೀರ್ಣೋದ್ಧಾರ ಪ್ರಯುಕ್ತ ಶಿಲನ್ಯಾಸದ ಕಜ್ಜ ಮಲ್ತ್ ಆಶೀರ್ವಚನ ಕೊರಿಯೆರ್ .
ಶ್ರೀದಾಮ ಮಾಣಿಲದ ಪರಮಾಪೂಜ್ಯ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ ಪಾತೆರ್ದ್ ಜೀರ್ಣೋದ್ಧಾರದ ಕಾರ್ಯ ಮಾತಾ ಭಕ್ತೆರ್ನ ಒಗ್ಗಟ್ಟು ಬೊಕ್ಕ ಸಾಕಾರಡ್ ನಡಪರೇ ಉಂಡು .ಧರ್ಮ ಕಾರ್ಯ ನಿರಂತರ ನಡಪಡ್ ಪಂದ್ ಪಂಡೆರ್ . ಒಡಿಯೂರು ಕ್ಷೇತ್ರ ಸಾದ್ವಿ ಮಾತಾನಂದ ಮಾಯಿ. ಆಶೀರ್ವಚನ ಕೊರಿಯೆರ್.
ಮತ್ತರ್ಮೆಡ್ ದೇವಸ್ಥಾನದ ಆಡಳಿತ ಮಂಡಳಿದ ಗುರ್ಕಾರ್ಲು ಪುರುಷೋತ್ತಮ ಕುಲಾಲ್ ಕಲ್ಬಾವಿ, ದ.ಕ.ಜಿಲ್ಲಾ ಮೂಲ್ಯರ ಯಾನೆ ಕುಲಾಲ ರ ಮಾತೃ ಸಂಘದ ಗುರ್ಕಾರ್ಲಾಯಿನ ಮಯೂರ್ ಉಳ್ಳಾಲ್ , ಜೀರ್ಣೋದ್ಧಾರ ಸಮಿತಿ ಗುರ್ಕಾರ್ಲಾಯಿನ ದಾಮೋಧರ್ ಎ . ಟ್ರಸ್ಟ್ದ ಗುರ್ಕಾರ್ಲಾಯಿನ ಪ್ರೇಮಾನಂದ ಕುಲಾಲ್, ಸೇವಾಸಮಿತಿ ಗುರ್ಕಾರ್ಲಾಯಿನ ಸುಂದರ್ ಕುಲಾಲ್ ಪಾಲ್ ಪಡೆದಿತ್ತೆರ್ .
ಲೇಸ್ ನ್ ನ್ಯಾ ರವೀಂದ್ರ ಮುನ್ನಿ ಪಾಡಿ ಮಲ್ತ್ ಸೊಲ್ಮೆಲು ಸಂದೈತ ಮಲ್ತೆರ್.
ಶಿಲಾನ್ಯಾಸದ ಧಾರ್ಮಿಕ ವಿಧಿ ವಿಧಾನಲೆನ ಕ್ಷೇತ್ರದ ತಂತ್ರಿಲಾಯಿನ ಆನಂದ ಉಪಾಧ್ಯಯಾಯೆರ್ನ ಮುತಾಲಿಕೆಡ್ ನಡತುಂಡು.
ಲೇಸ್ ಡ್ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆ, ಮುಂಬಯಿ ಕುಲಾಲ ಸಂಘದ ಗುರ್ಕಾರ್ಲಾಯಿನ ದೇವದಾಸ್ ಕುಲಾಲ್ ಬೆಂಗ್ಳೂರು ಕುಲಾಲ ಸಂಘದ ಗುರ್ಕಾರ್ಲಾಯಿನ ಪುರುಷೋತ್ತಮ ಚೆಂಡ್ಲಾ, ಬೊಕ್ಕ ಮಹಾರಾಷ್ಟ್ರ , ಬೆಂಗ್ಳೂರು , ಕೇರಳ, ಅಂಚನೆ ಅವ್ವೆತೋ ಕಡೆರ್ದ್ ಭಕ್ತೆರ್ ಪಾಲ್ ಪಡೆದಿತ್ತೆರ್.
ಬೊಂಬಾಯಿ : ಸಚೀಗುತ್ತುದ ಕಾಮಕ್ಷಿ ಶೆಟ್ರ್ ಹುಷಾರ್ ದಾಂತೆ ತಾರೀಖ್ 26/1/2022 ನೇ ಬುಧಾರದಾನಿ ತನ್ನ ಸ್ವಗ್ರಹಟ್ ತೀರ್ ಪೋತೆರ್.ಮೇರ್ ಬಂಟ್ಸ್ ಸಂಘದ ಮೀರಾ ಭಾಯಂದರ್ ವಲಯದ ಗುರ್ಕಾರ್ದಿ ಆಯಿನ ಶಾಲಿನಿ ಎಸ್ ಶೆಟ್ರೆನ ಅಪ್ಪೆ .
Regret to inform the sad demise of Smt. Kamakshi Shetty, Sacheiguthu today, 26th January Afternoon due to illness at her Sacheriguthu Residence. She is mother of Shalini S Shetty, Chairperson of Bunts Sangha, Mira Bhayandar Region.
Our heartfelt condolences to the bereaved family. We pray to Almighty God to give eternal peace to her departed soul and give strength to her family to bear this loss.
ಮಣಿಪಾಲದ ಇಂಡಸ್ಟ್ರಿಯಲ್ ಏರಿಯಾ, ಎಮ್.ಸಿ.ಟಿ. ಕೈತಲ್ ಖ್ಯಾತಿ ಎಂಟರ್ ಪ್ರೈಸಸ್ ಕಟ್ವಾನದ ರೂಫ್ ಟಾಪ್ ಡ್ ಮಂದಾರತಿ”, ಫ್ಯಾಮಿಲೀ ರೆಸ್ಟೋರೆಂಟ್ ದ ಉದಿಪನದ ಆಂಡ್. 
ರೋಟರಿ 3182 ದ ನಿಕಟ ಪೂರ್ವ ಜಿಲ್ಲಾ ಗವರ್ನರ್ ಶ್ರೀ ರಾಜಾರಾಮ್ ಭಟ್ ರೆಸ್ಟೋರೆಂಟ್ ನ್ ಉದಿಪನ ಮಲ್ತೆರ್. ಕರ್ನಾಟಕ ರಾಜ್ಯ ಮಾಜಿ ಸಚಿವೆರ್ ಆಯಿನ ಶ್ರೀ ಪ್ರಮೋದ್ ಮಧ್ವರಾಜ್, ಕುಡ್ಲ ಮೀನು ಮಾರಾಟ ಮಹಾಮಂಡಳದ ಅಧ್ಯಕ್ಷೆರ್ ಶ್ರೀ ಯಶ್ ಪಾಲ್ ಸುವರ್ಣ ಲೇಸ್ ಗ್ ಬತ್ತ್ ದ್ ಎಡ್ಡೆಪ್ಪುನು ಬಯಕ್ಯೆರ್. ಕಟ್ವಾನದ ಮಾಲಕೆರ್ ಡಾ| ಸತೀಶ್ ಶೆಟ್ಟಿ ದಂಪತಿಲು, ಮೊಗವೀರ ಯುವ ಸಂಘಟನೆ (ರಿ.) ಒಡಿಪು ಜಿಲ್ಲೆದ ಪ್ರಧಾನ ಕಾರ್ಯದರ್ಶಿ ಶ್ರೀ ರಾಜೇಂದ್ರ ಸುವರ್ಣ ಹಿರಿಯಡಕ, ರೆಸ್ಟೋರೆಂಟ್ ಮಾಲಕೆರ್ ಶ್ರೀ ಸತೀಶ್ ಕೋಟ್ಯಾನ್, ಕುಟುಂಬದ ಸದಸ್ಯೆರ್ ಬೊಕ್ಕ ದೋಸ್ತಿಲು ಲೇಸ್ ಡ್ ಪಾಲ್ ಪಡೆದಿತ್ತೆರ್. ಶ್ರೀ ನವೀನ್ ಕೆ. ಶೆಟ್ಟಿಬೆಟ್ಟು ಕಾರ್ಯಕ್ರಮನ್ ನಿರೂಪಣೆ ಮಲ್ತೆರ್.
ಒಡಿಪು, ಜ.27: ಒಡಿಪು ಜಿಲ್ಲಾ ಮೊಗವೀರ ಯುವ ಸಂಘಟನೆದ 16 ನೇ ವಾರ್ಷಿಕ ಮಹಾಸಭೆ ಬುಧಾರದಾನಿ ಒಡಿಪುದ ಶ್ಯಾಮಿಲಿ ಸಭಾಂಗಣಡ್ ನಡತ್ಂಡ್.
ಸಂಘಟನೆದ ಅಧ್ಯಕ್ಷೆರ್ ಶಿವರಾಮ ಕೆ.ಎಂ. ಅಧ್ಯಕ್ಷೆತೆನ್ ವಹಿಸೊಂದ್ ಇತ್ತೆರ್. 2022-24ನೇ ಪೊಸ ಪದಾಧಿಕಾರಿಲೆನ ಆಯ್ಕೆ ನಡತ್ಂಡ್. ಜಿಲ್ಲಾಧ್ಯಕ್ಷೆರಾದ್ ರಾಜೇಂದ್ರ ಹಿರಿಯಡ್ಕ ಪ್ರಧಾನ ಕಾರ್ಯದರ್ಶಿಯಾದ್ ರವೀಶ್ ಎಸ್. ಕೊರವಡಿ ಬೊಕ್ಕ ಬೇತೆ ಪದಾಧಿಕಾರಿಲು ಆಯ್ಕೆಯಾತೆರ್.
ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ ದ ಪ್ರವರ್ತಕೆರ್ ಡಾ| ಜಿ.ಶಂಕರ್ ಮಾರ್ಗದರ್ಶನ ಕೊರಿಯೆರ್. ದ.ಕ. ಜಿಲ್ಲಾ ಮೊಗವೀರ ಮಹಾಜನ ಸಂಘ ಉಚ್ಚಿಲದ ಅಧ್ಯಕ್ಷೆರ್ ಜಯ ಸಿ. ಕೋಟ್ಯಾನ್, ಸಂಘಟನೆದ ಮಾಜಿ ಅಧ್ಯಕ್ಷೆರ್ ವಿನಯ ಕರ್ಕೇರ ಮಲ್ಪೆ, ಸ್ಥಾಪಕ ಅಧ್ಯಕ್ಷೆರ್ ಸತೀಶ್ ಅಮೀನ್ ಪಡುಕರೆ, ಮಾಜಿ ಅಧ್ಯಕ್ಷೆರ್ ಸಂಜೀವ ಎಂ.ಎಸ್., ಸದಾನಂದ ಬಳ್ಕೂರು, ಗಣೇಶ್ ಕಾಂಚನ್, ಜಿಲ್ಲಾ ಸಮಿತಿ ಪದಾಧಿಕಾರಿಲು, ಬೇತೆ ಸಂಘಟನೆದ ಮುಖ್ಯಸ್ಥೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.
Udupi district Mogaveer youth association: Rajendra Hiriadka is the district president; Ravish Koravadi is the secretary
Udupi, January 27: The 16th Annual general body meeting was held on Wednesday at Shyamli Auditorium.
The program was presided over by Shivram K.M the president of the association.The office bearers for 2022-24 were selected.
Rajendra Hiriadka is the district president and Ravish S Koravadi is the secretary .
Dr G Shankar of G Shankar family trust provided guidance on various matters.
ಕುಡ್ಲ : ಮರಕಡ ಪರಾಶಕ್ತಿ ಕ್ಷೇತ್ರದ ಸ್ಥಾಪಕ ಶ್ರೀ ನರೇಂದ್ರನಾಥ ಸ್ವಾಮೀಜಿ ಬುಧವಾರ ರಾತ್ರಿ ತೀರ್ ಪೋಯೆರ್ .
ಕರಿನ ಕೆಲವು ವರ್ಷರ್ದ್ ಧಾರ್ಮಿಕ ಕ್ಷೇತ್ರೊರ್ದು ತನನ್ ತೊಡಗಾವೊಂದು ಇತ್ತಿನ ಮೇರ್ ಮಡ್ಯಾರ್ ಕ್ಷೇತ್ರೊಡು ಧಾರ್ಮಿಕ ಲೇಸ್ ದ ಒಟ್ಟುಗು ಸಾಹಿತ್ಯ, ಸಾಂಸ್ಕೃತಿಕ ಬೊಕ್ಕ ಸಾಮಾಜಿಕ ಚಟುವಟಿಕೆಡ್ಲಾ ಪಾಲ್ ಪಡೆಯೊಂದು ಸಮಾಜದ ಉನ್ನತಿಗಾದ್ ಬೆನ್ನಿ ಬೆನೊಂದು ಇತ್ತೆರ್ .ಮರಕಡ ಬೊಕ್ಕ ಮಡ್ಯಾರ್ಡ್ ಕ್ಷೇತ್ರ ಉಂಡು ಅಪಾರ ಭಕ್ತಾದಿಲೆನ್ಲಾ ಪಡೆತೆರ್ .
