Udupi

ಫೆ. 7 ತಾರೀಖ್ ಗ್ ಕುಡ್ಲದ ರಥೋತ್ಸವ: ಪೂರ್ವಭಾವಿ ಪೊಸ ಬ್ರಹ್ಮರಥ ಸಮರ್ಪಣೆ

ಕುಡ್ಲ : ಇತಿಹಾಸ ಪ್ರಸಿದ್ಧ ” ಕುಡ್ಲ ತೇರ್ ಫೆಬ್ರವರಿ 7 ತಾರೀಖ್ ಗ್ ನಡಪೆರೆ ಉಂಡು, ನೆತ್ತ ಪೂರ್ವಾಂಗ ಈ ಸಲ ಪೊಸತಾದ್ ನಿರ್ಮಾಣ ಆಯಿನ ಬ್ರಹ್ಮರಥನ್ ಇನಿ ಅರ್ಪಣೆ ಮಲ್ತೆರ್ .

ಕಾಶೀ ಮಠಾಧೀಶರಾಯಿನ ಶ್ರೀಮದ್ ಸಂಯಮಿಂದ್ರ ತೀರ್ಥ ಸ್ವಾಮೀಜಿನ ದಿವ್ಯ ಹಸ್ತಡ್ ಅಮೃತ ಬುಧವಾರ ಮಧ್ಯಾಹ್ನ 12:44 ನೇ ಅಭಿಜಿನ್ ಮುಹೂರ್ತಡ್ ರಥ ಸಮರ್ಪಣೆ ಆಂಡ್ . ಕಾಂಡೆ ಶ್ರೀ ದೇವೆರ್ನ ಸನ್ನಿಧಾನಡ್ ಮಹಾ ಪ್ರಾರ್ಥನೆ ಐರ್ದ್ ಬೊಕ್ಕ ವಿದ್ವತ್ ವೈದಿಕೆರೆರ್ದ್ ಯಾಗ ಶಾಲೆಡ್ ರಥ ಸಮರ್ಪಣಾ ಯಜ್ಞ ಧಾರ್ಮಿಕ ವಿಧಿವಿಧಾನ ನಡತುಂಡು . ಶ್ರೀಲೆನ ದಿವ್ಯ ಉಪಸ್ಥಿತಿಡ್ 11:30ಕ್ ಯಜ್ಞ ಮಹಾ ಪೂರ್ಣಾಹುತಿ ನಡತುಂಡು.

ಈ ಪೊರ್ತುಡು ಪೊಸ ರಥ ಸಮರ್ಪಣೆ ಗ್ ಸೇವೆ ಮಲ್ತಿನ ಮಹನೀಯೆರೆಗ್ ಶ್ರೀಲೆನ ದಿವ್ಯ ಹಸ್ತಡ್ ಗಂಧ ಪ್ರಸಾದ ಕೊರಿಯೆರ್ . ರಾತ್ರಿ ದೇವಸ್ಥಾನದ ಒಳಾಂಗಣಡ್ ಶ್ರೀಲೆನ ಉಪಸ್ಥಿತಿಡ್ ಸ್ವರ್ಣ ಗರುಡವಾಹನ ಸೇವೆ ನಡತುಂಡು . ದೇವಳದ ಮೊಕ್ತೇಸರೇರಾಯಿನ ಸಿ ಎಲ್ ಶೆಣೈ , ಪ್ರಶಾಂತ್ ರಾವ್ , ರಾಮಚಂದ್ರ ಕಾಮತ್ ಪಾಲ್ ಪಡೆದಿತ್ತೆರ್ .