ಫೆ.14-20 : ಶಿಮಂತೂರು ವರ್ಷಾಧಿದ ಜಾತ್ರೆ
ಮುಲ್ಕಿ : ಶಿಮಂತೂರು ಶ್ರೀ ಆದಿ ಜನಾರ್ದನ ದೇವಸ್ಥಾನ ದ ವರ್ಷಾಧಿದ ಜಾತ್ರೆ ಫೆ.14 ಸೋಮಾರೊರ್ದು ಫೆ.20 ಐತಾರ ಮುಟ್ಟ ನಡಪರೆ ಉಂಡು.
ಫೆ.14 ಮದ್ದೆನ ನುಪ್ಪು ಪುರ್ಸಾದ, ರಾತ್ರೆ ಅಂಕುರಾರ್ಪಣೆ, ರಂಗಪೂಜೆ ನಡಪರೆ ಉಂಡು.ಫೆ.15 ಮದ್ದೆನ ಕೊಡಿ ಏರ್ದ್ ನುಪ್ಪು ಪುರ್ಸಾದ ಪಟ್ಟ್ ದ್ ರಾತ್ರೆ ಉಚ್ಚಯದ ಬಲಿ ನಡಪರೆ ಉಂಡು.ಫೆ.16 ಕಾಂಡೆ ಚಂಡಿಕಾ ಯಾ ಗ,ಮಹಾಪೂಜೆ, ನುಪ್ಪು ಪುರ್ಸಾದ ಆದ ಬಯ್ಯಡ್ ದೇವೆರೆ ಬಲಿ ಆದ್ ಪಂಜಿನಡ್ಕ ಸವಾರಿ ಪಿದಾಡುವೆರ್.
ಫೆ.17 ಮಾಪೂಜೆ, ನುಪ್ಪು ಪುರ್ಸಾದ ಪಟ್ಟ್ ದ್ ಬಯ್ಯಡ್ ದೇವೆರೆ ಬಲಿ ಆದ್ ಕುಬೆವೂರು ಸವಾರಿ ಪಿದಾಡುವೆರ್.
ಫೆ.18 ಮದ್ದೆನ ಮಾಪೂಜೆ, ನುಪ್ಪು ಪುರ್ಸಾದ ಪಟ್ಟ್ ದ್ ಬಾಕ್ಯಾರ್ ದೀಪ ಬೊಕ್ಕ ಕಿರೆ ದೀಪ ಉಚ್ಚಯ ನಡಪರೆ ಉಂಡು.
ಫೆ. 19 ಪಗೆಲ್ ತೇರ್, ಭೂರಿ ಭೋಜನ, ರಾತ್ರೆ ಭೂತ ಬಲಿ, ದೇವೆರೆ್ನ ಶಯನ ಉಚ್ಚಯ ಆದ್ ಬಾಕಿಲ್ ಪಾಡುವೆರ್.
ಫೆ.20 ಕಾಂಡೆ 7 ಗಂಟೆಗ್ ಬಾಕಿಲ್ ಜತ್ತ್ ದ್ ತುಲಾಭಾರ, ಮದ್ದೆನ ಮಾಪೂಜೆ ಆದ್ ನುಪ್ಪು ಪುರ್ಸಾದ ಪಟ್ಟ್ ದ್ ರಾತ್ರೆ ಮಲ್ಲ ತೇರ್ ಒಯಿತ್ ದ್ ಓಕುಲಿ ಮೀದ್ ಕೊಡಿ ಜಾವರೆ ಉಂಡು.
ಫೆ.21 ಸಂಪ್ರೋಕ್ಷಣೆ, ಮಂತ್ರಾಕ್ಷತೆ ಆದ್ ನುಪ್ಪು ಪುರ್ಸಾದ ಪಟ್ಟರೆ ಉಂಡು.
ಸಾಂಸ್ಕೃತಿಕ ಕಾರ್ಯಕ್ರಮ :
ಶಿಮಂತೂರು ಜಾತ್ರೆದ ಲೆಕ್ಕೊಡು ಪ್ರತಿದಿನಲ ರಾತ್ರೆ ಆಟ, ನಾಟಕ, ಭಜನೆ ಇಂಚಿನ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಫೆ.14 ರಾತ್ರೆ ಸಾಲಿಗ್ರಾಮ ಮೇಳರ್ದ್ ಓಂಕಾರ ರೂಪಿಣಿ ಯಕ್ಷಗಾನ, ಫೆ.15 ಬಪ್ಪನಾಡ್ ಮೇಳರ್ದ್ ಅಜ್ಜ ಅಜ್ಜ ಕೊರಗಜ್ಜ ಯಕ್ಷಗಾನ ಬಯಲಾಟ ನಡಪರೆ ಉಂಡು. ಫೆ.16 ರಾಮಾಂಜನೇಯ ಯಕ್ಷ ನಾಟ್ಯಾಲಯದ ಕಲಾವಿದೆರೆರ್ದ್ ದಕ್ಷಾದ್ವರ ಯಕ್ಷಗಾನ, ಫೆ.17 ಪೆರ್ಡೂರು ಮೇಳರ್ದ್ ಕೃಷ್ಣ ಕಾದಂಬಿನಿ ಯಕ್ಷಗಾನ, ಫೆ.18 ಲಕುಮಿ ತಂಡೊರ್ದು ಮಂಗೆ ಮಲ್ಪೊರ್ಚಿ ನಾಟಕ, ಫೆ.18 ವೀರ ವೆಂಕಟೇಶ ಭಜನಾ ಮಂಡಳಿರ್ದ್ ಭಜನೆ, ಫೆ.20 ಬಯ್ಯಡ್ ಸುಗಮ ಸಂಗೀತ, ನಲಿಕೆದ ಭಜನೆ , ರಾತ್ರೆ 9 ಗಂಟೆರ್ದ್ ಬೆಂಕಿನಾಥೇಶ್ವರ ಮೇಳರ್ದ್ ಮಹಿಮೆದ ಮಂತ್ರದೇವತೆ ಯಕ್ಷಗಾನ ಪ್ರದರ್ಶನ ನಡಪರೆ ಉಂಡು
ಪಂದ್ ದೇವೆರ್ ಶಿಮಂತೂರು ದೇವಸ್ಥಾನ ದ ಆಡಳಿತ ಮಂಡಳಿ, ವ್ಯವಸ್ಥಾಪನೆ ಸಮಿತಿದ ಅಧ್ಯಕ್ಷೆರ್ ಚಂದ್ರಹಾಸ್ ಕೆ.ಶೆಟ್ಟಿ ಬೊಕ್ಕ ಸರ್ವ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
.
