Udupi

ಪುಲ್ವಾಮ ದಾಳಿಡ್ ತೀರ್ ಪೋಯಿನ ಸಿಆರ್‌ಪಿಎಫ್ಯೋಧೆರೆಗ್ ನಮನ ಅರ್ಪಣೆ ಮಲ್ತಿನ ಪ್ರಧಾನಿ ಮೋದಿ

Feb 15, 2022

ನವದೆಹಲಿ:ಫೆಬ್ರವರಿ 2019 ಟ್ಟ್ ದಕ್ಷಿಣ ಕಾಶ್ಮೀರದ ಪುಲ್ವಾಮಾ ಜಿಲ್ಲೆಡ್ ನಡತಿನ ಭಯೋತ್ಪಾದಕ ದಾಳಿಡ್ ತೀರ್ ಪೋಯಿನ ಸಿಆರ್‌ಪಿಎಫ್ (crpf)ಯೋದೇರೆಗ್ ಪ್ರಧಾನಿ ನರೇಂದ್ರ ಮೋದಿ ಸೋಮಾರ ಶ್ರದ್ಧಾಂಜಲಿ ಮಲ್ತೆರ್ .

‘2019 ನೆ ಈ ದಿನತಾನಿ ಪುಲ್ವಾಮಾಡ್ ತೀರ್ ಪೋಯಿನ ಮಾತೆರೆಗ್ಲಾ ಯಾನ್ ಗೌರವ ಕೊರ್ಪೆ ಅಂಚನೆ ಮತ್ತು ನಮ್ಮ ದೇಶೋಗು ಅಕ್ಲೆನ ಅತ್ಯುತ್ತಮ ಸೇವೆನ್ ಮನವರಿಕೆ ಮಲ್ತೊನುವೆ ಪಂದ್ ಪ್ರಧಾನಿ ಪಂಡೆರ್ .

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಇಂಜಿನ್ ಕವರ್ ಇಜ್ಜಂದೆನೆ ಟೇಕ್ ಆಫ್ ಆಯಿನ ವಿಮಾನ

Feb 15, 2022

ಮುಂಬೈ: 70 ಜನ ಪೋವೊಂದು ಇತ್ತಿನ ಅಲಯನ್ಸ್ ಏರ್ ವಿಮಾನ ಕೋಡೆ ಕಾಂಡೆ ಮುಂಬೈರ್ದ್ ಟೇಕ್ ಆಫ್ ಆತುಂಡು , ಇಂಜಿನ್ ಕವರ್ ಇಜ್ಜಂದೆ ಗುಜರಾತ್‌ಗೆ ಪೋಯಿನ ಘಟನೆ ನಡತುಂಡು , ವಿಮಾನ ಸುರಕ್ಷಿತವಾದ್ ಗುರಿ ಮುಟ್ಟುದುಂಡು ಪಂದ್ ತೆರಿದ್ ಬೈದುಂಡು.

ವಿಮಾನ ರನ್‌ವೇಡ್ ಇತ್ತಿನ ಪೊರ್ತುಡು ಇಂಜಿನ್‌ ಕವರ್‌ ಬೂರ್ದುಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಅಲಯನ್ಸ್ ಏರ್ ಎಟಿಆರ್ 72-600 ವಿಮಾನ ಭುಜ್‌ಡ್ ಸುರಕ್ಷಿತವಾದ್ ಜೈದುಂಡು . ಆಂಡ ವಿಮಾನಯಾನ ಡೈರೆಕ್ಟರೇಟ್ ಜನರಲ್ ಆಫ್ ಸಿವಿಲ್ ಏವಿಯೇಷನ್ (ಡಿಜಿಸಿಎ) ಉಂದು ಎಂಚ ಆಂಡ್ ಪನ್ಪಿನೆತ್ತ ಬಗ್ಗೆ ತನಿಖೆ ಆವೊಂದು ಉಂಡು ಪಂದ್ ಪಂಡೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಹಿಜಾಬ್- ಕೇಸರಿ ಲಡಾಯಿದ ವೀಡಿಯೋ ವೈರಲ್. ಸೋಶಿಯಲ್ ಮೀಡಿಯಾಡ್ ಪಸೆರೊಂದುಂಡು ಅಲೋಶಿಯಸ್ ಕಾಲೇಜ್ ಡ್ ಆತಿನ ಘಟನೆ ಪಂದ್. ಉಂದು ಸುಳ್ಳು ಸುದ್ದಿ, ನಂಬೊರ್ಚಿ ಪಂದ್ ಪಂಡೆರ್ ಕುಡ್ಲದ ಕಮಿಷನರ್ ಎನ್. ಶಶಿಕುಮಾರ್

Feb 15, 2022

ಕುಡ್ಲ : ರಾಜ್ಯೋಡು ಬಾರಿ ಸುದ್ದಿ ಮಲ್ತಿನ ಹಿಜಾಬ್ ದ ಇಚಾರಡ್ ಆವೊಂದು ಉಪ್ಪುನ ಲಡಾಯಿ ದ ನಡುಟು ಕೆಲವು ಕಿಡಿ ಗೇಡಿಲು ದುಂಬುಡು ಬೇತೆ ಬೇತೆ ಕಡೆಟ್ ನಡತಿನ ಬಾರಿ ಪಿರಾಕ್ ದ ವಿಡಿಯೋ ಲೆನ್ ಇತ್ತೇ ಕುಡ್ಲದ ಸಂತ ಅಲೋಶಿಯಸ್ ಅಂಚನೆ ಕುಡ್ಲದ ಪ್ರತಿಷ್ಟಿತ ಕಾಲೇಜ್ ದ ಪುದರ್ ಪಾರ್ದ್ ಕಾಲೇಜ್ ದ ಪುದರ್ ಹಾಳ್ ಮಲ್ಪುನಚಿoನ ಬೇಲೆ ನಡತೊಂದು ಉಂಡು ಈ ಇಚಾರ ಸುಳ್ಳು ಒವುಲಾ ಸತ್ಯ ಇಚಾರ ಅತ್ತ್ ಈ ಹಿಜಾಬ್ ಇಚಾರೊಡು ಮಾತಲ ಹೈ ಕೋರ್ಟ್ ನಿಯಮಾನುಸಾರ ಶಾಂತ ರೀತಿಡ್ ನಡತೊಂದು ಉಂಡು ಸುಳ್ಳು ಸುದ್ದಿಗ್ ಕೆಬಿ ಕೊರಡೆ ಪಂದ್ ಕುಡ್ಲ ಕಮಿಷನರ್ ಎನ್. ಶಶಿಕುಮಾರ್ ಪ್ರಕಟಣೆಡ್ ಪಂತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಲಾವಿದ ವಾಮನ ಕುಮಾರ್ ಕುಟುಂಬಗ್ ಪಣವುದ ಸಾಕಾರ

Feb 14, 2022

ಒಡಿಪು : ಕರಿನ ತಿಂಗೊಲು ಗಾಡಿದ ಅಪಘಾತಡ್ ತೀರ್ ಪೋಯಿನ ಹಿರಿಯಡಕ ಮೇಳದ ಪ್ರಸಿದ್ಧ ಕಲಾವಿದೆರಾಯಿನ ವೇಣೂರು ವಾಮನ ಕುಮಾರ್ ಮೆರೆನ ಬೊಡೆದಿ ಆಶಾ ಮೆರೆಗ್ ಒಡಿಪುದ ಯಕ್ಷಗಾನ ಕಲಾರಂಗದ ವತಿರ್ದ್ ಐವ ಸಾರ ರೂಪಾಯಿದ ಸಾಂತ್ವಾನ ನಿಧಿನ್ ಫೆ. 4 ತಾರೀಖ್ ಗ್ ಹಿರಿಯಡಕ ಮೇಳದ ಮತ್ತರ್ಮೆಡ್ ಕೊರಿಯೆರ್ .

ಯಕ್ಷಗಾನ ಕಲಾರಂಗದ ಉಪಾಧ್ಯಕ್ಷ ಎಸ್.ವಿ. ಭಟ್, ಪಿ. ಕಿಶನ್ ಹೆಗ್ಡೆ, ಕಾರ್ಯದರ್ಶಿ ಮುರಲಿ ಕಡೆಕಾರ್, ಜತೆ ಕಾರ್ಯದರ್ಶಿ ನಾರಾಯಣ ಎಮ್. ಹೆಗಡೆ ಪಾಲ್ ಪಡೆದಿತ್ತೆರ್ . ಉಂದುವೇ ಪೊರ್ತುಡು ಶ್ರೀನಿವಾಸ ರಾವ್ ಮುತಾಲಿಕೆಡ್ ಹಿರಿಯಡಕದ ನಾಗರಿಕೆರೆರ್ದ್ ಒಟ್ಟು ಮಲ್ತಿನ ಒಂಜಿ ಲಕ್ಷ ರೂಪಾಯಿ ಬೊಕ್ಕ ಮೇಳದ ಕಲಾವಿದೆರೆರ್ದ್ ಒಟ್ಟು ಮಲ್ತಿನ ಮುಪ್ಪತ್ತ ರಡ್ಡ್ ಸಾರ ರೂಪಾಯಿದ ಪಣವುನು ಕಲಾವಿದನ ಕುಟುಂಬಗ್ ಕೊರಿಯೆರ್ .

ನಾಗಕ್ಷೇತ್ರ ಕುಕ್ಕೆಡ್ ಸುರು ಆಯೆರೆ ಉಂಡು ಭಾರತದ ರಡ್ಡನೇ ವಿಷ ಚಿಕಿತ್ಸಾಲಯ| ಉಚ್ಚು ಚುಚ್ಚಿನೆಕ್ಕ್ ಆಯುರ್ವೇದ ಪದ್ದತಿಡ್ ಮರ್ದ್

Feb 14, 2022

ಸುಬ್ರಹ್ಮಣ್ಯ : ಪ್ರಸಿದ್ಧ ನಾಗಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯಡ್ ವಿಷದ ಉಚ್ಚು ಚುಚ್ಚಿನೆಕ್ಕ್ ಆಯುರ್ವೇದ ಮರ್ದ್ ಕೊರ್ಪಿನ ಆಸ್ಪತ್ರೆ ಸುರು ಮಲ್ಪರೆ ಸರಕಾರ ಚಿಂತನೆ ಕೊರ್ತುಂಡು .

ಮುಜರಾಯಿ ಇಲಾಖೆ 300 ಕೋ.ರೂ. ಪಣವುಡು ಕ್ಷೇತ್ರದ ಸಮಗ್ರ ಅಭಿವೃದ್ಧಿಗ್ ಯೋಜನೆ ಪಾಡ್ದೆರ್ , ಇಂಜಾಡಿದ ಕೈತಲ್ 50 ಎಕರೆ ಪ್ರದೇಶೊಡು 100 ಕೋ.ರೂ. ಪಣವುಡು ಪರಿಸರ ಸ್ನೇಹಿ ಕುಟೀರನ್ ಕಟ್ಟೊಂದು ಉಲ್ಲೆರ್ . ಅಲ್ಪ ಮನಃ ಶಾಂತಿ ತಿಕ್ಕುನ ಯೋಗ, ಥೆರಪಿ, ಧ್ಯಾನ, ಆಯು ರ್ವೇದ ಚಿಕಿತ್ಸೆ ಇಂಚಿನ ಸೌಲಭ್ಯ ಉಂಡು . ವಿಷ ಚಿಕಿತ್ಸೆದ ಆಸ್ಪತ್ರೆಲ ಐಟ್ ಒಂಜಿ . ಉಚ್ಚು ಚುಚ್ಚಿನಕ್ಲೆಗ್ ದಾಖಲ್ ಮಲ್ತೊನೆರೆ 5 ರ್ದ್ 6 ಬೆಡ್‌ ವ್ಯವಸ್ಥೆ ಉಂಡು . ಆಯುರ್ವೇದ ವೈದ್ಯೆರ್ ದಾದಿನಕುಲು ಉಲ್ಲೆರ್ ಗಿಡಮೂಲಿಕೆದ ಮುಖೇನ ಮರ್ದ್ ಕೊರಿಯೆರೆ ಉಲ್ಲೆರ್.

ಉಚ್ಚು ಚುಚ್ಚಿನೆರ್ದ್ ದೇಶೋಡು ವರ್ಷಡ್ 20 ಸಾರರ್ದ್ 50 ಸಾರದಾತ್ ಜನಕುಲು ಸೈಯೊಂದು ಉಲ್ಲೆರ್ . ಗಿಡಮೂಲಿಕೆದ ಮರ್ದೆ ಇತ್ತೆಲಾ ಎಚ್ಚಿನ ಜಾಗೆಡ್ ಕಮ್ಮಿ ಆವೊಂದು ಉಂಡು . ಉಚ್ಚುದ ಇಸೋಕು ಆಯಿನಾತ್ ಬೇಗ ಮರ್ದ್ ಬೋಡಾಪಿನೆರ್ದಾವರ ತಿoಕ್ಕದೆ ಅವ್ವೆತೋ ಜನ ಸೈಯೊಂದು ಉಲ್ಲೆರ್.

ತುಳುನಾಡ್ ನಾಗರಾಧನೆಗ್ ಪುಗಾರ್ತೆ ಪಡೆತುಂಡು . ಪಶ್ಚಿಮ ಘಟ್ಟದ ತಪ್ಪಲು ಪ್ರದೇಶ ಆಯಿನ ದ.ಕ., ಒಡಿಪುಡು ಅಸಂಖ್ಯಾತ ನಾಗಬನಲಾ ಉಂಡು ಕೇರಳದ ಕಣ್ಣೂರುದ ಪರಶ್ಶಿನಕಡವು ಕೈತಲ್ ಪಾಪ್ಪಿನಶೇರಿಡ್ ವಿಷದ ಉಚ್ಚು ಚುಚ್ಚಿನೆತ್ತ ಕ್ಲಿನಿಕ್‌ ಉಂಡು . ಅವೆನ್ ಬುರ್ದು ಕುಡ್ಲಡ್ ಇಂಚಿನ ಆಸ್ಪತ್ರೆ ಇಜ್ಜಿ . ಸುರುಟು ಆ್ಯಂಟಿಬ್ಯಾಟಿಕ್‌ ಚುಚ್ಚುಮದ್ದು ಕೊರ್ದು ಐರ್ದ್ ಬೊಕ್ಕ ಆಯುರ್ವೇದ ಪದ್ಧತಿದ ಮರ್ದ್ ಕೊರ್ಪೆರ್ ಪಂದ್ ಎಂದು ಕ್ಲಿನಿಕ್‌ದ ಡಾ| ಹರಿಕೃಷ್ಣ
ಪಂತೆರ್.

ಸಿ ಎ ಕಡೆತ ಪರೀಕ್ಷೆಡ್ ಸಪ್ನ ಕಾಮತ್ಗ್ ಎಡ್ಡೆ ಅಂಕೊ

Feb 14, 2022

ಒಡಿಪು : ಸಪ್ನಾ ಕಾಮತ್, ಇನ್ಸಿಟ್ಯೂಟ್ ಆಫ್ ಚಾರ್ಟಡ್್ರ ಅಕೌಂಟೆಂಟ್ ಆಫ್ ಇಂಡಿಯಾ ನಡಪಾಯಿನ ಸಿ ಎ ಕಡೆತ ಪರೀಕ್ಷೆಡ್ ಎಡ್ಡೆ ಅಂಕೊ ಪಡೆತೆರ್ .

ಒಡಿಪುದ ಸಿ ಎ ನರಸಿಂಹ ನಾಯಕ್, ನಾಯಕ್ ಆಂಡ್ ಅಸೋಸಿಯೇಟ್ಸ್ ಡ್ ಅರ್ಟಿಕಲಶಿಪ್ ಮಲ್ದೆರ್ .ಬೆದ್ರದ ಆಳ್ವಾಸ್ ಕಾಲೇಜ್ಡ್ ಬಿ. ಕಾಮ್ ಪದವಿ ಪಡೆಯಿನ ಮೇರ್ ಹಿರಿಯಡ್ಕದ ಸಂಧ್ಯಾ ಬೊಕ್ಕ ಸದಾನಂದ ಕಾಮತ್ನ ಮಗಲ್ .

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಪುಲ್ವಾಮಾ ದಾಳಿಡ್ ತೀರ್ ಪೋಯಿನ ಭಾರತೀಯ ಯೋಧೆರೆಗ್ : ನುಡಿ ನಮನ

Feb 14, 2022

ಸುಬ್ರಹ್ಮಣ್ಯ : ಪುಲ್ವಾಮಾ ದಾಳಿಡ್ ತೀರ್ ಪೋಯಿನ ಭಾರತೀಯ ಯೋದೇರೆಗ್ *ನುಡಿ ನಮನ* ‘ ಲೇಸ್ ನ್ ವಾಲ್ಮೀಕಿ ಆಶ್ರಮ ಶಾಲೆ ಸುಬ್ರಹ್ಮಣ್ಯಡ್ ಅಟ್ಟನೆ ಮಲ್ತಿತ್ತೆರ್. ಈ ನೆಲೆಟ್ಟ್ ಶಾಲಾ ಅಂಗಣೊಡು ಸ್ವಚ್ಛತಾ ಲೇಸ್ ಅಟ್ಟನೆ ಮಲ್ತೆರ್.

ಈ ಲೇಸ್ ಡ್ ನಿವೃತ್ತ ಸೈನಿಕೆರಾಯಿನ ದಿನೇಶ್ ಸಿ ಡಿ ಬೊಕ್ಕ ಯತೀಶ್ ಮೆರೆಗ್ ಮಾನಾದಿಗೆ ಮಲ್ತೆರ್.

ಈ ಲೇಸ್ ಡ್ ಹರೀಶ್ ಕಾಮತ್ ಬೊಕ್ಕ ನಿವೃತ್ತ ಯೋಧೆರಾಯಿನ ದಿನೇಶ್ ಸಿ ಡಿ ಬೊಕ್ಕ ಯತೀಶ್ ಅಂಚನೆ ನಗರ ಕಾರ್ಯದರ್ಶಿಯಾಯಿನ ಸೃಜನ್ ಪಾಲ್ ಪಡೆದಿತ್ತೆರ್.

ವರದಿ : ಗೋಪಿಚಂದನ್ ಕೆ. ಎಸ್

ಶ್ರೀ ಬೆಂಕಿನಾಥೇಶ್ವರ ಕೃಪಾಪೋಷಿತ ದಶಾವತಾರ ಯಕ್ಷಗಾನ ಮಂಡಳಿ : ನಾಗತಂಬಿಲ ಆಟ

Feb 14, 2022

ಅರಿಯಪ್ಪಾಡಿ : ತುಳುನಾಡ್ದ ಆಣ್ಕಲೆ ಪಂದೆ ಪುಗಾರ್ತೆ ಪಡೆಯಿನ ಯಕ್ಷಗಾನ ಕಲಾರೂಪ ತಾರೀಖ್ 16-02-2022 ನೇ ಬುಧಾರದಾನಿ ರಾತ್ರಿ 7.00 ಗಂಟೆಗ್ ಸರಿಯಾದ್ಅರಿಯಪ್ಪಾಡಿ ತೆಮಾರ್ ಮೈದಾನೊಡು ನಡಪೆರೆ ಉಂಡು .ಶ್ರೀ ಬೆಂಕಿನಾಥೇಶ್ವರ ಕೃಪಾಪೋಷಿತ ದಶವತಾರ ಯಕ್ಷಗಾನ ಮಂಡಳಿ ಕಳವಾರು ಬಾಳ ಮೇಳೊರ್ದು ಶ್ರೀ ರವಿಕುಮಾರ್ ಸುರತ್ಕಲ್ ವಿರಚಿತ ನಾಗತಂಬಿಲ ಎಂಬ ಪನ್ಪಿ ಆಟ ನಡಪೆರೆ ಉಂಡು . ಗೆಜ್ಜೆದ ಪೂಜೆ ಪುಗಾರ್ತೆದಡಿ ಮನೋಹರ್ ಕುಮಾರ್ ಮೇರ್ ಈ ಪ್ರಸಂಗಡ್ ತನ್ನ ಅಮೋಘ ಅಭಿನಯೋದ ಮುಖೇನ ಮನರಂಜನೆ ಮಲ್ಪರೆ ಉಲ್ಲೆರ್.

ಗ್ರಾಮ ವಿಕಾಸ ಸಮಿತಿ ಮುಗು ಅರಿಯಪ್ಪಾಡಿ ಮುಂಡಿತ್ತಡ್ಕ ಮೆರ್ನ ಮುತಾಲಿಕೆಡ್ ನಡಪುನ ಈ ಯಕ್ಷಗಾನ ಬಯಲಾಟ ಕೊರೋನಾರ್ದ್ ಮತ್ತರ್ಮೆ ತಿಕ್ಕoದಿನ ಅವ್ವೆತೋ ಕಲಾವಿದೆರೆಗ್ ಪುನಶ್ಚೇತನ ಕೊರ್ಪಿನ ಉದ್ದೇಶ ಉಂಡು.

ವರದಿ : ಪ್ರವೀಶ್ ಕುಮಾರ್

ಕೋರ್ಟುಡು ಎಲ್ಲೆಗ್ ದೀತೆರ್ ಹಿಜಾಬ್ ವಿಚಾರಣೆ

Feb 14, 2022

ಬೆಂಗ್ಳೂರು: ರಾಜ್ಯದ ಶಾಲಾ ಕಾಲೇಜ್ದ ಹಿಜಾಬ್- ಕೇಸರಿ ಶಾಲು ಲಡಾಯಿದ ವಿಚಾರಣೆನ್ ಹೈಕೋರ್ಟ್ದ ತ್ರಿಸದಸ್ಯ ವಿಸ್ತ್ರತ ಪೀಠ ಸೋಮವಾರ ವಿಚಾರಣೆ ದುಂಬರಿಕೆ ಮಲ್ತೆರ್.ಮುಖ್ಯ ನ್ಯಾ.ರಿತುರಾಜ್ ಅವಸ್ಥಿ ನ್ಯಾ.ಕೃಷ್ಣ ಎಸ್.ದೀಕ್ಷಿತ್ ಬೊಕ್ಕ ನ್ಯಾ.ಜೈಬುನ್ನಿಸಾ ಎಂ.ಖಾಜಿ ಇತ್ತಿನ ತ್ರಿಸದಸ್ಯ ಪೀಠ ಇನಿ ಮಧ್ಯಾಹ್ನ 2.30ಕ್ ಸುರು ಮಲ್ದೆರ್ .

ಐರ್ದ್ ಬೊಕ್ಕ ವಕೀಲೆರಾಯಿನ ದೇವದತ್ ಕಾಮತ್ ಮೇರ್ ವಾದ ಮಂಡನೆ ಮಲ್ತ್ ಇತ್ತೆರ್ . ಇಂಚ ಮಸ್ತ್ ವಾದ ವಿವಾದ ಆದ್ ಇತ್ತುಂಡು . ಆಂಡ ನನಾತ್ ವಿಚಾರಣೆ ಬಾಕಿ ಉಪ್ಪುನೆರ್ದಾವರ ಕಾಮತ್ ಮೇರ್ ಎಲ್ಲೆಗ್ ಅವಕಾಶ ಕೊರಿಯೆರೆ ನ್ಯಾಯಾಧೀಶೆರೆಡ ಬಿನ್ನಾಪು ಮಲ್ದೆರ್ . ಐತ ಪ್ರಕಾರ ಎಲ್ಲೆ ಮಧ್ಯಾಹ್ನ 2-30 ಕ್ ವಿಚಾರಣೆ ಆಯರೇ ಉಂಡು .

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿ

Feb 14, 2022

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಪನ್ಪಿನ ಬಾನುಲಿ ಸರಣಿ ಲೇಸ್ ಡ್ ಫೆಬ್ರವರಿ ತಿಂಗೋಲ್ ದ ತಾರೀಕ್ 14 ಕ್ಕ್ ಸೋಮಾರದಾನಿ ಬಯ್ಯಗ್ 6 ಗ್ರಾಮೀಣ ಪರಿಸರಡ್ ಬಚ್ಚಲು ಗುಂಡಿದ ಪ್ರಾಮುಖ್ಯತೆದ ಬಗ್ಗೆ ಕಾರ್ಯಕ್ರಮ ಪ್ರಸಾರ ಆಯರೇ ಉಂಡು.

ವಾರಂಬಳ್ಳಿ ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿಲು ಆಯಿನ ಫರ್ಜಾ಼ನ ಎಂ ಪಾಲ್ ಪಡೆಯರೇ ಉಲ್ಲೆರ್.

ಈ ಕಾರ್ಯಕ್ರಮ ಫೆಬ್ರವರಿ 15ನೇ ದಾನಿ ಮಧ್ಯಾಹ್ನ 1 ಗಂಟೆಗ್ ಮರು ಪ್ರಸಾರ ಆಯಾರ ಉಂಡು.

ಸಾಕಾರ : ಒಡಿಪು ಜಿ.ಪಂ

Manipal: Radio Manipal 90.4 MHz Rural Community broadcast series:
Drinking water and sanitation department Bangalore; Karnataka Government has
Organised a series broadcast ” Shudda jala swacha nela Arogyvad ippodu Jeeva sankula on February 14 th Monday at 6p.m.
– A talk on the importance of bathrooms in rural areas.

Farzana M Pal Panchayat development officer of Varamballi gram Panchayat will participate in the program.

This program will be broadcast again on February 15th at noon 1p.m.

M	T	W	T	F	S	S
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Udupi

ಪುಲ್ವಾಮ ದಾಳಿಡ್ ತೀರ್ ಪೋಯಿನ ಸಿಆರ್‌ಪಿಎಫ್ಯೋಧೆರೆಗ್ ನಮನ ಅರ್ಪಣೆ ಮಲ್ತಿನ ಪ್ರಧಾನಿ ಮೋದಿ

ಇಂಜಿನ್ ಕವರ್ ಇಜ್ಜಂದೆನೆ ಟೇಕ್ ಆಫ್ ಆಯಿನ ವಿಮಾನ

ಕಲಾವಿದ ವಾಮನ ಕುಮಾರ್ ಕುಟುಂಬಗ್ ಪಣವುದ ಸಾಕಾರ

ನಾಗಕ್ಷೇತ್ರ ಕುಕ್ಕೆಡ್ ಸುರು ಆಯೆರೆ ಉಂಡು ಭಾರತದ ರಡ್ಡನೇ ವಿಷ ಚಿಕಿತ್ಸಾಲಯ| ಉಚ್ಚು ಚುಚ್ಚಿನೆಕ್ಕ್ ಆಯುರ್ವೇದ ಪದ್ದತಿಡ್ ಮರ್ದ್

ಸಿ ಎ ಕಡೆತ ಪರೀಕ್ಷೆಡ್ ಸಪ್ನ ಕಾಮತ್ಗ್ ಎಡ್ಡೆ ಅಂಕೊ

ಪುಲ್ವಾಮಾ ದಾಳಿಡ್ ತೀರ್ ಪೋಯಿನ ಭಾರತೀಯ ಯೋಧೆರೆಗ್ : ನುಡಿ ನಮನ

ಶ್ರೀ ಬೆಂಕಿನಾಥೇಶ್ವರ ಕೃಪಾಪೋಷಿತ ದಶಾವತಾರ ಯಕ್ಷಗಾನ ಮಂಡಳಿ : ನಾಗತಂಬಿಲ ಆಟ

ಕೋರ್ಟುಡು ಎಲ್ಲೆಗ್ ದೀತೆರ್ ಹಿಜಾಬ್ ವಿಚಾರಣೆ

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿ

You Missed

“ತುಳುವ ಮಹಾಸಭೆ ಇಂಟರ್‌ನ್ಯಾಷನಲ್‌ದ ರಾಜ್ಯ ಗುರ್ಕಾರೆ ಆದ್ ದೇವೇಂದ್ರ ಹೆಗ್ಡೆ ಕೊಕ್ರಾಡಿ ನೇಮಕ”

ವಯನಾಡ್‌ಡ್ ಕುಡ ಗುಡ್ಡೆ ಜರಿದ್ ಭಾರಿ ಅನಾಹುತ !?

“ಬ್ರಿಡ್ಜ್ ಮ್ಯಾನ್ ಆಫ್ ಇಂಡಿಯಾ” ಪದ್ಮಶ್ರೀ ಡಾ.ಗಿರೀಶ್ ಭಾರದ್ವಾಜ್ ನನ ನೆಂಪು ಮಾತ್ರ

ಪಕ್ಷಿಕೆರೆ- ಪಂಜ ಮಾರ್ಗ ರಿಪೇರಿ ಮಲ್ತಿನ ಜವನೆರ್