Udupi

ಡಾ. ಜಿಕೆ ಭಟ್ ಗ್ ರಾಜ್ಯ ಐಎಂಐ ಪ್ರಶಸ್ತಿ

ಕುಡ್ಲ, ಜುಲೈ 7 :  ಪೇಂಟೆದ ಪೆರಿಯ ವೈದ್ಯ ಡಾ. ಜಿ.ಕೆ. ಭಟ್ ಸಂಕಬಿತ್ತಿಲು ಮೆರೆನ್ ವೈದ್ಯರ ದಿನಾಚರಣೆದಾನಿ ರಾಜ್ಯ ಐಎಂಎ ವತಿರ್ದ್ ಜೀವಮಾನದ ಸಾಧನೆ ಮಾನದಿಗೆ ಮಲ್ತೆರ್.

ಡಾ.ಬಿ.ಸಿ.ರಾಯ್ ಜನ್ಮದಿನತಾನಿ ಬೆಂಗ್ಳುರುಡು ನಡತಿನ ಲೇಸ್ ಡ್ ಸಚಿವ ಡಾ.ಸುಧಾಕರ್ ಬೊಕ್ಕ ಆರೋಗ್ಯ ಇಲಾಖೆ ಕಾರ್ಯದರ್ಶಿ ಜಾವೇದ್ ಅಖ್ತರ್ ಮಾನದಿಗೆ ಮಲ್ತೆರ್ . ಕರಿನ ನಲ್ಪತ್ತೊಂಜಿ ವರ್ಷರ್ದ್ ಆರ್ ಪಡೀಲ್ ಡ್ ಕ್ಲಿನಿಕ್ ನಡಪಾವೊಂದು ಇತ್ತೆರ್.

ವೈದ್ಯ ವೃತ್ತಿದ ಒಟ್ಟುಗು ವೈದ್ಯರ ಸಂಘಟನೆಡ್ ಉಪ್ಪುನ ಆರ್ , ಕರ್ನಾಟಕ ಖಾಸಗಿ ವೈದ್ಯಕೀಯ ನೋಂದಣಿ ಪ್ರಾಧಿಕಾರದ ಆಸ್ಪತ್ರೆದ ನೋಂದಣಿ ಸದಸ್ಯೆರಾದ್ ಎನ್ಮ ವರ್ಷರ್ದ್ ಬೇಲೆ ಮಲ್ತೊಂದು ಇತ್ತೆರ್ ಭಾರತೀಯ ಕುಟುಂಬ ವೈದ್ಯರ ಸಂಘದ ಕುಡ್ಲದ ಶಾಖೆದ ಗುರ್ಕಾರ್ಲಾದ್, ಕುಡ್ಲ ಐಎಂಎ ಸಾರ್ವಜನಿಕ ಸಂಪರ್ಕ ಅಧಿಕಾರಿಯಾದ್ ಅಂಚನೇ ಬಿಜೆಪಿ ಜಿಲ್ಲಾ ಆರೋಗ್ಯ ಪ್ರಕೋಷ್ಟದ ಸಂಚಾಲಕೆರಾದ್ ಬೇಲೆ ಮಲ್ತೊಂದು ಉಲ್ಲೆರ್.

ವಿಕಾಸ್ ಸಂಸ್ಥೆಡ್ ಕೋವಿಡ್ ಲಸಿಕಾ ಅಭಿಯಾನ

ಕುಡ್ಲ, ಜುಲೈ 7 : ನಗರದ ಪ್ರತಿಷ್ಠಿತ ವಿದ್ಯಾಸಂಸ್ಥೆ ವಿಕಾಸ್ ಸಮೂಹ ಶಿಕ್ಷಣ ಸಂಸ್ಥೆಡ್ ಅಂಗಾರೆ ಜಿಲ್ಲಾ ಆರೋಗ್ಯ ಇಲಾಖೆದ ಒಟ್ಟು ಸೇರಿಗೆಡ್ ಲಸಿಕಾ ಅಭಿಯಾನ ಯಶಸ್ವಿಯಾದ್ ನಡತ್oಡ್.

ಜಿಲ್ಲಾ ಆರೋಗ್ಯ ಇಲಾಖೆದ ಡಾ. ರಾಜೇಶ್, ಡಾ. ದೀಪ್ತಿ, ವಿಕಾಸ್ ಪ್ರಥಮ ದರ್ಜೆ ಕಾಲೇಜಿನ ಪ್ರಾಂಶುಪಾಲೆರಾಯಿನ ಐಶ್ವರ್ಯ, ವಿಕಾಸ್ ಕಾಲೇಜ್ ಆಫ್ ಫಿಸಿಯೋಥೆರಪಿ ಪ್ರಾಂಶುಪಾಲೆರಾಯಿನ ಡಾ. ಅಜಯ್ ಠಾಕೂರ್, ವಿಕಾಸ್ ಪದವಿಪೂರ್ವ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಮೋಹನಾ, ಸಂಸ್ಥೆದ ಟ್ರಸ್ಟಿ ಜೆ. ಕೊರಗಪ್ಪ, ವಿಕಾಸ್ ಶಿಕ್ಷಣ ಸಂಸ್ಥೆದ ಸಂಯೋಜಕೆರಾಯಿನ ಪಾರ್ಥಸಾರಥಿ ಜೆ. ಪಾಲೆಮಾರ್ ಅಭಿಯಾನನ್ ಉದಿಪನ ಮಲ್ತೆರ್.

ಹುಷಾರ್ ದಾಂತೆ ತೀರ್ ಪೋಯಿನ ಬಾಲಿವುಡ್ ಲೆಜೆಂಡ್ ಕಿಂಗ್ ದಿಲೀಪ್ ಕುಮಾರ್ : ಕಣ್ಣನೀರ ಪನಿತರ್ಪಣ ಮಲ್ತಿನ ಚಿತ್ರರಂಗ

ಮುಂಬೈ, ಜುಲೈ 7: ಬಾಲಿವುಡ್‌ ಪೆರಿಯ ನಟ ದಿಲೀಪ್‌ ಕುಮಾರ್‌ ಇನಿ ದೇವೆರೆ ಪಾದೋ ಸಂದೀಯೆರ್.ವಯೋಸಹಜ ಸೀಕ್ ರ್ದ್ ಇತ್ತಿನ 98 ವರ್ಷದ ದಿಲೀಪ್‌ ಕುಮಾರ್‌ ಮೆರೆನ್ ಕರಿನ ರಡ್ಡ್ ದಿನತ ಪಿರವು ಆಸ್ಪತ್ರೆಡ್ ಇತ್ತೆರ್.

ಪಾಕಿಸ್ತಾನದ ಪೇಶಾವರಡ್ ಡಿಸೆಂಬರ್‌ 11, 1922 ಟ್ಟ್ ಪುಟ್ಟಿನ ಮಹಮ್ಮದ್‌ ಯೂಸೂಫ್‌ ಖಾನ್‌ ವಿಭಜನೆ ಪೊರ್ತುಡು ಭಾರತಗ್ ಬತ್ದ್ ಬಾಲಿವುಡ್‌ ಚಿತ್ರರಂಗಡ್ ಅರೆನ್ ಗುರ್ತಿಸಾದ್ ಬೊಕ್ಕ ದಿಲೀಪ್‌ ಕುಮಾರ್‌ ಪನ್ಪಿನ ಪುದರ್ ಡ್ ಪುಗಾರ್ತೆ ಪಡೆಯೆರ್ .

ಬೊಡೆದಿ ಸಾಯಿರಾಬಾನು ಒಟ್ಟುಗು ಮುಂಬೈನಲ್ಲಿ ನೆಲೆಸಿದ್ದ ದಿಲೀಪ್‌ ಕುಮಾರ್‌ ಇನಿ ತೀರ್ ಪೋಯೆರ್ .ಮುಂಬೈದ ಹಿಂದೂಜಾ ಆಸ್ಪತ್ರೆಡ್ ದಿಲೀಪ್‌ ಕುಮಾರ್‌ ಮೆರೆನ್ ದಾಖಲ್ ಮಲ್ತಿತ್ತೆರ್ , ಚಿಕಿತ್ಸೆ ಫಲಕಾರಿಯಾವಂದೆ 7-30 ತ ಪೊರ್ತುಡು ತೀರ್ ಪೋಯೆರ್.

ವಿಟಿಯು – ಎಎಫ್ ಟಿಸಿ ಶೈಕ್ಷಣಿಕ ಒಡಂಬಡಿಕೆ

ಬೆಳಗಾವಿ, ಜುಲೈ 4: ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ (ವಿಟಿಯು) ಬೊಕ್ಕ ವಾಯುದಳ ತಾಂತ್ರಿಕ ಕಾಲೇಜು (ಏರ್‌ಫೋರ್ಸ್ ಟೆಕ್ನಿಕಲ್ ಕಾಲೇಜು-ಎಎಫ್‌ಟಿಸಿ) ನಡುಟು ಶೈಕ್ಷಣಿಕ ಒಡಂಬಡಿಕೆ ಮಲ್ದೆರ್ .

ವಿಟಿಯು ಕುಲಪತಿ ಪ್ರೊ.ಕರಿಸಿದ್ದಪ್ಪ ಮೆರ್ನ ಮುತಾಲಿಕೆಡ್ ಎಎಫ್‌ಟಿಸಿ ಕಮಾಂಡೆಂಟ್ ಏರ್‌ಕಮೋಡರ್‌ ಬಿ.ಜಿ. ಫಿಲಿಪ್ ಬೊಕ್ಕ ವಿಟಿಯು ಕುಲಸಚಿವ ಪ್ರೊ.ಎ.ಎಸ್. ದೇಶಪಾಂಡೆ ಒಪ್ಪಂದಗ್ ಸಹಿ ಪಾಡಿಯೆರ್ .

‘ಈ ಒಪ್ಪಂದದ ಪ್ರಕಾರ ಏರ್‌ಫೋರ್ಸ್‌ಡ್ ನೇಮಕ ಆದ್ ಸ್ನಾತಕೋತ್ತರ ಶಿಕ್ಷಣ ದುಂಬುರಿಯರೆ ಬಯಸುವ ಅಧಿಕಾರಿಲೆಗ್ ಎ.ಎಫ್‌.ಟಿ.ಸಿ.-ವಿಟಿಯು ಮುಖಾಂತರ ಎಂ.ಟೆಕ್. ಪದವಿ ಕೊರೋಲಿ . ಏರೊನಾಟಿಕಲ್ ಎಂಜಿನಿಯರಿಂಗ್‌ಡ್ ಬರ್ಪಿನ ಆಜಿ ವಿಶೇಷ ವಿಷಯಡ್ ಈ ಪದವಿನ್ ಎಐಸಿಟಿಇ ನಿಯಮದಲಕ ಕೊರ್ತೆರ್ ಪಂದ್ ಪಂಡೆರ್.