Udupi

ಬಂಟ್ವಾಳದ ಭಂಡಾರಿಬೆಟ್ಟುಡು ‘ಬಲೆ ತುಳು ಲಿಪಿ ಕಲ್ಪುಗ ಕಜ್ಜ ಕೊಟ್ಯದ ಉದಿಪನ

ಬಂಟ್ವಾಳ: ಬಂಟ್ವಾಳ ಪೇಂಟೆದ ಯುವಜನ ವ್ಯಾಯಮಶಾಲೆ ಭಂಡಾರಿಬೆಟ್ಟುಡು ಆಗಸ್ಟ್ 22ನೆ ಐತಾರದಾನಿ ಕಾಂಡೆ 10 ಗಂಟೆಗ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಜೈ ತುಳುನಾಡ್ ಬೊಕ್ಕ ತುಳುನಾಡ ಯುವಸೇನೆ ಬಂಟ್ವಾಳ ಮೆಕ್ಲೆನ ಒಟ್ಟು ಸೇರಿಗೆಡ್ ಬಲೆ ತುಳು ಲಿಪಿ ಕಲ್ಬುಗ ಕಜ್ಜ ಕೊಟ್ಯದ ಉದಿಪನದ ಲೇಸ್ ನಡತುಂಡು.

ಜೈ ತುಲುನಾಡ್ (ರಿ.) ಗುರ್ಕಾರ್ಲಾಯಿನ ಸುದರ್ಶನ್ ಸುರತ್ಕಲ್ ಮೆರ್ನ ಗುರ್ಕಾರ್ಮೆಡ್ ನಡತಿನ ತುಳು ಲಿಪಿ ಕಲ್ಪುನ ಕಜ್ಜ ಕೊಟ್ಯನ್ ಚೇತನ್ ಮುಂಡಾಜೆ ತುಡರ್ ಅರ್ಲಾವುನ ಮುಖೇನ ಉದಿಪನ ಮಲ್ತೆರ್.ತುಳು ಲಿಪಿ ಶಿಕ್ಷಕೆರಾಯಿನ ಜಗದೀಶ ಗೌಡ ಕಲ್ಕಳ ಮೇರ್ ತುಳು ಲಿಪಿ ಬರೆಪಿನ ಮುಖೇನ ಕಜ್ಜ ಕೊಟ್ಯನ್ ಚಾಲನೆ ಕೊರಿಯೆರ್ .

ಜೈ ತುಳುನಾಡ್ (ರಿ) ಸಂಘಟನೆದ ಗುರ್ಕಾರ್ಲಾಯಿನ ಸುದರ್ಶನ್ ಸುರತ್ಕಲ್ ಪಾತೆರ್ದ್ , ಸಂಘಟನೆ ಸಾಮಾಜಿಕ ಜಾಲತಾಣಡ್ ಬೇಲೆ ಮಲ್ಪುನ ದಿನರ್ದ್ ಇನಿ ಮುಟಲ ತುಳುತ ಸ್ಥಾನಮಾನಗಾದ್ ಶಕ್ತಿಮೀರಿ ಪ್ರಯತ್ನ ಮಲ್ತೊಂದು ಉಲ್ಲ. ಅಕಾಡೆಮಿದೊಟ್ಟುಗು ಸಂಘಟನೆ ಸಾಕಾರ ಕೊರೊಂದು ಉಂಡು . ತುಳುನಾಡ್ ದ ಮಾತಾ ಅಂಗಡಿ, ಶಾಲೆ, ಕಚೇರಿಡ್ ತುಳು ಲಿಪಿತ ಪುದರ್ ಪಲವೆ ಪಾಡೊಡು ಪಂದ್ ಪಂಡೆರ್ .

ಈ ಲೇಸ್ ಡ್ ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ಸೀತಾರಾಮ ಸಜಿಪ, ಜೈ ತುಳುನಾಡ್ (ರಿ.) ಒತ್ತು ಗುರ್ಕಾರ್ಲಾಯಿನ ಉದಯ್ ಪೂಂಜ, ಉಪ ಸಂಘಟನಾ ಕಾರ್ಯದರ್ಶಿ ಅಶ್ರಫ್ ಭಸ್ಥಿಕೋಡಿ, ತುಳು ಲಿಪಿ ಕಲ್ಪಾರ್ತಿಲಾಯಿನ ಪೂರ್ಣಿಮಾ ಬಂಟ್ವಾಳ ಬೊಕ್ಕ ಪೃಥ್ವಿ ತುಳುವೆ ಪಾಲ್ ಪಡೆದಿತ್ತೆರ್ . ಧೀರಜ್ ಬತ್ತಿ ಬಿನ್ನೆರೆನ್ ಎದುಕೊಂಡೆರ್ ಮಹೇಶ್ ಸೊಲ್ಮೆ ಸಂದೈತ ಮಲ್ತೆರ್. ಲಿಖಿತ್‌ರಾಜ್ ಸೆರ್ಕಳ ಲೇಸ್ ನಡಪಾದ್ ಕೊರಿಯೆರ್.

ಒಡಿಪು ಅಜ್ಜರಕಾಡು ಲಾಲ್ ಬಹದ್ದೂರ್ ಶಾಸ್ತ್ರಿ ಮಾರ್ಗಡ್ ಉಪ್ಪುನ ವಯೋಲೆಟ್ ತೀರ್ಥ ಸಂಕೀರ್ಣಡ್ ಪೊಸ ದಂತ ಸ್ಕಾನಿಂಗ್ ಸೌಲಭ್ಯ ಕೇಂದ್ರದ ಉದಿಪನ

ಒಡಿಪು : ಒಡಿಪು ಅಜ್ಜರಕಾಡು ಲಾಲ್ ಬಹದ್ದೂರ್ ಶಾಸ್ತ್ರಿ ಮಾರ್ಗಡ್ ಉಪ್ಪುನ ವಯೋಲೆಟ್ ತೀರ್ಥ ಸಂಕೀರ್ಣಡ್ ಪೊಸ ಸುಸಜ್ಜಿತ ದಂತ ಸ್ಕಾನಿಂಗ್ ಸೌಲಭ್ಯ ಕೇಂದ್ರದ ಉದಿಪನ ತಾರೀಖ್ 22.08.2021 ಕ್ಕ್ ನಡತುಂಡು .

ಉದಿಪನನ್ ಒಡಿಪುದ ಪೆರಿಯ ದಂತವೈದ್ಯರಾಯಿನ ಡಾ. ರಾಮಾನಂದ ಸೂಡಾ, ಕಾರ್ಕಳದ ಪೆರಿಯ ದಂತವೈದ್ಯರಾಯಿನ ಡಾ. ರಮೇಶ್ ಶೆಣೈ, ಅಖಿಲ ಭಾರತೀಯ ದಂತವೈದ್ಯ ಸಂಘದ ಒಡಿಪುದ ಗುರ್ಕಾರ್ಲಾಯಿನ ,ಕುಂದಾಪುರದ ಪೆರಿಯ ದಂತವೈದ್ಯರಾಯಿನ ಡಾ.ಪ್ರಮೋದ್ ಶೆಟ್ಟಿ ನಡಪಾದ್ ಕೊರಿಯೆರ್ .
ಬ್ರಹ್ಮಾವರದ ಡಾ. ಮನೋಜ್ ಡಿಲಿಮಾ, ಶಿರ್ವದ ಡಾ. ಗುರುರಾಜ್, ಮಲ್ಪೆಯ ಡಾ. ಸುಧೀರ್ ರಾವ್, ಬ್ರಹ್ಮಾವರದ ಡಾ. ಕಿರಣ್ ಶೆಟ್ಟಿ, ಮುಂಬಯಿದ ಡಾ. ನವೀನ್ ಶೆಟ್ಟಿ, ಕಾರ್ಲಾದ ಡಾ. ಮುರಳೀಧರ ಭಟ್, ಒಡಿಪುದ ಡಾ.ಸೈಯದ್ ಫಯಾಜ್ , ಪೆರ್ಡೂರುದ ಶ್ರೀ ಸುಧೀರ್, ಡಾ. ನಿತೇಶ್ ಶೆಟ್ಟಿ, ಡಾ. ಮನೋಜ್ ಶೆಟ್ಟಿ, ಡಾ. ಪ್ರಕೃತಿ ಶೆಟ್ಟಿ, ಡಾ.ಅನಿತಾ ಸೂಡಾ ಪಾಲ್ ಪಡೆದಿತ್ತೆರ್.

ಒಡಿಪುಡು ಪ್ರಪ್ರಥಮವಾದ್ ಆಧುನಿಕ ತಂತ್ರಜ್ಞಾನದ Dental – CBCT (Cone Beam Computed Tomography System) Scanning Centre ಆತುಂಡು ,ಮುಲ್ಪ OPG, Lateral Cephalogram ದಂಚಿನ 2D/ 3D ಸ್ಕಾನಿಂಗ್ ದ ಸೌಲಭ್ಯ ಉಂಡು. ಒಡಿಪುದ ಜನಕುಲು ಈ ಸೌಲಭ್ಯದ ಉಪಯೋಗ ಪಡೆಯೋಲಿ.

ಗ್ಯಾರೇಜ್ ಮಾಲಕೆರ್ನ ಸಂಘರ್ದ್ ಕೋವಿಡ್ ಕಿಟ್

ಕುಡ್ಲ : ದ.ಕ. ಮತ್ತು ಉಡುಪಿ ಜಿಲ್ಲಾ ಗ್ಯಾರೇಜ್ ಮಾಲಕೆರ್ನ ಸಂಘದ ವತಿರ್ದ್ ಐತಾರ ಕುಡುಪುಡು ನಡತಿನ ಲೇಸ್ ಡ್ ಆಹಾರ ಧಾನ್ಯದ ಕಿಟ್ ಪಟ್ಟಿಯೆರ್ .

ಶಾಸಕ ಡಾ. ಭರತ್ ಶೆಟ್ಟಿ ಲೇಸ್ ಉದಿಪನ ಮಲ್ತೆರ್ . ಜಿಲ್ಲಾ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ವಿಜೇತರಾಯಿನ ವಾಸುದೇವ ರಾವ್ ಕುಡುಪು ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದಿತ್ತೆರ್.

ಸಂಘದ ಗುರ್ಕರ್ಲಾಯಿನ ಜನಾರ್ದನ ಎ. ಅತ್ತಾವರ, ದಿನೇಶ್ ಕುಮಾರ್ ಪಾತೆರಿಯೆರ್ . ವೇದಿಕೆಯಲ್ಲಿ ದ. ಕ. ಜಿಲ್ಲಾ ಗ್ಯಾರೇಜ್ ಮಾಲಕೆರ್ನ ಸಂಘದ ಕೋಶಧಿಕಾರಿ ರಾಜಗೋಪಾಲ್ ಪಾಲ್ ಪಡೆದಿತ್ತೆರ್ . ಮಂಗಳೂರು ಉತ್ತರ ವಲಯ ಬಿಜೆಪಿ ಪ್ರಧಾನ ಕಾರ್ಯಂತೆರಾಯಿನ ಸಂದೀಪ್ ಪಚ್ಚನಾಡಿ, ಅಜಯ್ ಕುಡುಪು, ಸುಜನ್‌ ದಾಸ್ ಕುಡುಪು, ಗಿರೀಶ್ ಕುಮಾರ್ ಪಂಪ್‌ವೆಲ್, ಸಂಘದ ನಿರ್ದೇಶಕೆರಾಯಿನ ಪುಂಡಲೀಕ ಸುವರ್ಣ, ರುಕ್ಮಯ್ಯ ಗೌಡ ಪಾಲ್ ಪಡೆದಿತ್ತೆರ್.

ಪ್ರಧಾನಮಂತ್ರಿ ಜೀವನ ಜ್ಯೋತಿ ವಿಮಾ ಯೋಜನೆ ಬೊಕ್ಕ ಪ್ರಧಾನಮಂತ್ರಿ ಸುರಕ್ಷಾ ವಿಮ ಯೋಜನೆ: ಗಾಡಿ ಚಾಲಕೆರೆಗ್ ಇಸೇಸ ಸೌಲಭ್ಯ

ಕುಡ್ಲ : ಮಾತಾ ರಾಷ್ಟ್ರೀಕೃತ ಬ್ಯಾಂಕ್ ಡ್ ಉಪ್ಪುಲಕ , ಅಂಚೆ ಕಛೇರಿಡ್ ಉಳಿತಾಯ ಖಾತೆ ಉಪ್ಪುನ ಗ್ರಾಹಕೆರೆಗ್ಲಾ ಬಾರಿ ಕಮ್ಮಿ ಪ್ರೀಮಿಯಂಡ್ ರಡ್ಡ್ ವಿಮಾ ಸೌಲಭ್ಯ ಲಭ್ಯಉಂಡು . ಪ್ರಧಾನಮಂತ್ರಿ ಸುರಕ್ಷಾ ವಿಮ ಯೋಜನೆದಡಿ ಕೇವಲ ರೂ 12/- ವಾರ್ಷಿಕ ಪ್ರೀಮಿಯಂ ಕಟ್ಟುoಡ ರೂ. 2 ಲಕ್ಷದ ಅಪಘಾತ ವಿಮ ತಿಕ್ಕುಂಡು . ಅಂಚನೇ , ಪ್ರಧಾನ ಮಂತ್ರಿ ಜೀವನ ಜೋಡಿ ವಿಮಾ ಯೋಜನೆದಡಿ, ರೂ. 330/- ವರ್ಷದ ಪ್ರೀಮಿಯಂಗ್ ರೂ.2 ಲಕ್ಷದ ಸಾಮಾನ್ಯ ವಿಮ ತಿಕ್ಕುಂಡು .

ಅಪಘಾತ ವಿಮದಡಿ ಪಾಲಿಸಿದಾರೆರ್ ಒವ್ವೆ ಅಪಘಾತರ್ದ್ ತೀರ್ ಪೋಂಡ ರೂ. 2 ಲಕ್ಷವಿಮಾ ಪರಿಹಾರ ತಿಕ್ಕುಂಡು . ವಾಹನ ಅವಘಾತ ಮಾತ್ರ ಅತ್ತoದೆ ದುರ್ದೈವಶಾತ್ ಪಾಲಿಸಿದಾರೆರ್ ಬೇತೆ ಒವ್ವೆ ರೀತಿದ ಆಕಸ್ಮಿಕ / ಅಸಹಜ ಮರಣ ಆಂಡ ಅತ್ತುಂಡ ಒವ್ವೆ ಅಪಘಾತ ಆಂಡ ಕುಟುಂಬಗ್ ರೂ. 2 ಲಕ್ಷ ವಿಮಾ ಮೊತ್ತ ತಿಕ್ಕುಂಡು.
ಎಚ್ಚದ ಮಾಹಿತಿಗಾದ್ ಶ್ರೀ ಸುಭಾಷ್ ಸಾಲಿಯಾನ್,
ಮಾರುಕಟ್ಟೆ ಅಧಿಕಾರಿ (ಮೊಬೈಲ್ ನಂಬರ್ 9964024230) .ಮೆರೆಗ್ ಲೆಪ್ಪು ಕೊರೋಲಿ.

ಡಿವೈಎಫ್‌ಐ ಉಳ್ಳಾಲ ವಲಯ ಸಮಿತಿದ ಪದುಕೆರ್ನ ಆಯ್ಕೆ

ಕುಡ್ಲ : ಡಿವೈಎಫ್‌ಐ ಉಳ್ಳಾಲ ವಲಯ ಸಮಿತಿದ ಸಭೆ ಜಿಲ್ಲಾ ಒತ್ತು ಗುರ್ಕಾರ್ಲಾಯಿನ ಡಾ.ಜೀವನ್‌ರಾಜ್ ಕುತ್ತಾರ್‌ರ ಮೆರ್ನ ಗುರ್ಕಾರ್ಮೆಡ್ ನಡತುಂಡು.

ಪೊಸ ಸಮಿತಿದ ಗುರ್ಕಾರ್ಲದ್ ರಫೀಕ್ ಹರೇಕಳ ಮೆರೆನ್ ಆಯ್ಕೆ ಮಲ್ತೆರ್ . ಸಭೆಟ್ ಡಿವೈಎಫ್‌ಐ ಜಿಲ್ಲಾಧ್ಯಕ್ಷ ಬಿ.ಕೆ ಇಮ್ತಿಯಾಝ್, ಜಿಲ್ಲಾ ಕಾರ್ಯದರ್ಶಿ ಸಂತೋಷ್ ಬಜಾಲ್ ಪಾಲ್ ಪಡೆದಿತ್ತೆರ್ .

ಶ್ರಮದಾನದ ಮುಖೇನ ಮಾರ್ಗ ಸರಿ ಮಲ್ತಿನ ಜವಣ್ಯೆರ್

ಸುರತ್ಕಲ್, : ಎಸ್‌ವೈಎಸ್ ಬೊಕ್ಕ ಎಸ್ಸೆಸ್ಸೆಫ್ ಜೋಕಟ್ಟೆ ನೆತ್ತ ವತಿರ್ದ್ ಜೋಕಟ್ಟೆ ರ್ದ್ ಕೂಳೂರು ಪೋಪಿನ ಮಾರ್ಗ ಆಯಿಲ್ ಕಂಪೆನಿದ ಕೈತಲ್ ದ ಹಾಳ್ ಆಯಿನ ಮಾರ್ಗನ್ ಐತಾರ ಶ್ರಮದಾನದ ಮುಖೇನ ಸಮ ಮಲ್ತೆರ್ .

ಸಂಘಟನೆದ ಸದಸ್ಯೆರಾಯಿನ ಖಾದರ್ ಎಚ್‌ಪಿಸಿಎಲ್, ಅಲಿ ಸಅದಿ ತೋಕೂರು, ಹಕೀಮ್ ಅರಿಕೆರೆ, ಝುಬೈರ್, ಸಿದ್ದೀಕ್ ಕೆಬಿಎಸ್, ಸಮ್ರಾನ್, ಮುಸ್ತಫಾ ಕೆಬಿಎಸ್, ಶಾಹಿದ್ ನಿಝಾಮಿ, ಶಫೀಕ್ ಉಸ್ತಾದ್, ಶಫೀಕ್ ತೋಕೂರು, ಶಿಹಾಬ್ ಕೆಬಿಎಸ್, ಮುಝಮ್ಮಿಲ್ ಪಾಲ್ ಪಡೆದಿತ್ತೆರ್.

ಶ್ರೀ ದುರ್ಗಾ ಯಕ್ಷಗಾನ ತರಬೇತಿ ಕೇಂದ್ರ ಉದಿಪನ

ಕಾರ್ಲ : ಶ್ರೀ ಗುರು ರಾಘವೇಂದ್ರ ಸೇವಾ ಟ್ರಸ್ಟ್ ರಿ. ವತಿರ್ದ್ ಇನಿ ವಿಜೇತ ವಿಶೇಷ ಶಾಲೆಡ್ ಶ್ರೀ ದುರ್ಗಾ ಯಕ್ಷಗಾನ ತರಬೇತಿ ಕೇಂದ್ರದ ಉದಿಪನನ್ ಪೆರಿಯ ಯಕ್ಷಗಾನ ಕಲಾವಿದೆರಾಯಿನ ಶ್ರೀ ಎಸ್ ರಾಮ್ ಭಟ್ ಮೇರ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್ , ಶ್ರೀ ದುರ್ಗಾ ಯಕ್ಷಗಾನ ತರಬೇತಿ ಕೇಂದ್ರ ಶತಮಾನಡ್ ವಿಮೆನ್ಕಡ್ ಪಂದ್ ಎಡ್ಡೆಪ್ಪುದ ಪಾತೆರ ಪಂಡೆರ್..

ಕಾರ್ಲದ ಉದ್ಯಮಿಲಾಯಿನ ಶ್ರೀ ವಿಜಯ್ ಶೆಟ್ಟಿ ಮೇರ್ ಸಭೆತ ಗುರ್ಕಾರ್ಲಾದ್ ಪಾಲ್ ಪಡೆಯೆರ್ , ಕಾರ್ಲಾಡ್ ಸುರು ಮಲ್ತಿನ ಮಹಿಳಾ ಬೊಕ್ಕ ಜೋಕ್ಲೆನ ಯಕ್ಷಗಾನ ಕೂಟ
ನಿರಂತರವಾದ್ ದುಂಬರಿಯಡ್ ಪಂದ್ ತಮ್ಮ ಸಂಪೂರ್ಣ ಸಾಕಾರ ಕೊರ್ಪಿನ ಬಗ್ಗೆ ಪಂಡೆರ್ .

ಮಲ್ಲ ಬಿನ್ನೆರ್ ಆದ್ ಶ್ರೀ ದುರ್ಗಾ ವಿದ್ಯಾ ಸಂಘದ ಗುರ್ಕಾರ್ಲಾಯಿನ ಶ್ರೀ ಕೆ.ರಾಧಾಕೃಷ್ಣ ಶೆಟ್ಟಿ, ಉದ್ಯಮಿಲಾಯಿನ ಶ್ರೀ ಮಂಜುನಾಥ್ ಪೂಜಾರಿ , ಬೊಕ್ಕ ಯಕ್ಷಗಾನ ತರಬೇತಿ ಕೇಂದ್ರದ ಗುರುಕುಲಾಯಿನ ಶ್ರೀ ಸುಬ್ರಹ್ಮಣ್ಯ ಪ್ರಸಾದ್ ಮುದ್ರಾಡಿ ಪಾ ಪಡೆದಿತ್ತೆರ್ .

ಆಸಕ್ತ ಅನುಭವಿ ಕಲಾವಿದೇರಾಯಿನ ಎಸ್.ವಿ.ಟಿ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಶ್ರೀಮತಿ ಉಷಾ ನಾಯಕ್, ಮುನಿಯಾಲ್ ಕಾಲೇಜ್ದ ಪ್ರಾಂಶುಪಾಲೆರಾಯಿನ ಶ್ರೀಮತಿ ಬೇಬಿ ಆಳ್ವಾ, ರೋಟರಿ ಕ್ಲಬ್ ಮಾಜಿ ಗುರ್ಕಾರ್ದಿ ಶ್ರೀಮತಿ ರಮಿತಾ ಶೈಲೇಂದ್ರ, ವಕೀಲೆರಾಯಿನ ಶ್ರೀಮತಿ ಜ್ಯೋತಿ ಸುನೀಲ್ ಕುಮಾರ್ ಶೆಟ್ಟಿ, ಶ್ರೀಮತಿ ಯಜ್ಞಾ ಶೆಟ್ಟಿ, ಶ್ರೀ ಗುರು ರಾಘವೇಂದ್ರ ಸೇವಾ ಟ್ರಸ್ಟ್ ರಿ. ದ ಗುರ್ಕಾರ್ಲಾಯಿನ ಡಾ. ಕಾಂತಿ ಹರೀಶ್, ಯಕ್ಷಗಾನ ಕೇಂದ್ರದ ಜೋಕುಲು , ವಿಜೇತ ವಿಶೇಷ ಶಾಲಾ ಸಿಬ್ಬಂದಿವರ್ಗ,ಜೋಕುಲು ಪಾಲ್ ಪಡೆದಿತ್ತೆರ್.

ಚಿತ್ರ ವರದಿ: ಕಾರ್ಕಳ ಸದಾನಂದ್

ತುಳುನಾಡ್ ಡ್ ಇತಿಹಾಸ ಸೃಷ್ಟಿ ಮಲ್ತಿನ ಐಪಿಎಸ್ ಶಶಿಕುಮಾರ್

ಕುಡ್ಲ : ಕುಡ್ಲಡ್ ಅವ್ವೆತೋ ಜನ ಬೇತೆ ಬೇತೆ ಊರುದ ಅಧಿಕಾರಿಲು ಬತ್ದ್ ಅಕ್ಲೆನ ಪ್ರಾಮಾಣಿಕ ಆಡಳಿತ ನಡಪಾಯೆರ್ ಇಂಚಿನ ದಕ್ಷ ಆಡಳಿತ ನಡಪಾಯಿನ ಅಧಿಕಾರಿಲ್ನೆಟ್ಟ್ ಶಶಿಕುಮಾರ್ ಲಾ ಒರಿ. ತುಲು ಭಾಸೆ, ತುಲು ಸಂಸ್ಕೃತಿ, ತುಲು ಲಿಪಿಕ್ ಸಾಕಾರ ಕೊರ್ಪಿನ ಮುಖೇನ ಅವೆನ್ ಪೋಷಣೆ ಮಲ್ಪರೆ ಸುರು ಮಲ್ತೆರ್ ಆತೆ ಅತ್ತoದೆ ಪೊಲೀಸ್ ಇಲಾಖೆಡ್ ಮಾತಾ ಸಿಬ್ಬಂದಿಲು ತುಲು ಭಾಸೆ ಕಲ್ಪೊಡು ಪನ್ಪಿ ನೆಲೆಟ್ಟ್ ತುಲು ಕಜ್ಜ ಕೊಟ್ಯ ಲಾ ಸುರು ಮಲ್ತೆರ್.

ಇತ್ತೆ ತುಳುನಾಡ್ ದಕ್ಲೆನ್ ಪೊಲೀಸ್ ಇಲಾಖೆಗ್ ಸೇರಾಯೆರೆ ಬೋಡಾದ್ ಮಾಮಲ್ಲ ಯೋಜನೆ ಪಾರ್ದೆರ್ ಈ ಮಲ್ಲ ಯೋಜನೆ ಪೊಲೀಸ್ ಆಕಾಂಕ್ಷಿಲೆನ ಕಜ್ಜಕೊಟ್ಯ ದ ಉದಿಪನ ತಾರೀಖ್ 21/8/2021 ನೆ ಶನಿವಾರ ಕುಡ್ಲದ ಕೊಡಿಯಾಲ ಬೈಲ್ ದ ಸಂತ ಅಲೋಶಿಯಸ್ ಗೊನ್ಝಗ ಶಾಲೆಡ್ ನಡತುಂಡು.

ಈ ಕಜ್ಜಡ್ 600 ರ್ದ್ ಜಾಸ್ತಿ ಅಭ್ಯರ್ಥಿಲು ಪಾಲ್ ಪಡೆದ್ ಈ ಲೇಸ್ ನ್ ಪೊರ್ಲುಡೆ ನಡಪಾದ್ ಕೊರಿಯೆರ್.

ಈ ವಿಚಾರಡ್ ತುಳುನಾಡ್ದ ಜನಕುಲು, ಸಂಘ ಸಂಸ್ಥೆಲು ನಮ್ಮ ಊರುದ ಐಪಿಎಸ್ ಪೊಲೀಸ್ ಕಮಿಷ್ನರ್ ಶಶಿಕುಮಾರ್ ಮೆರೆಗ್ ಏಪಲಾ ಚಿರಋಣಿ ಸಂದಾವೊಂದು ಉಲ್ಲೆರ್ ಆತೆ ಅತ್ತoದೆ ತುಲು ಮಣ್ಣ್ ಬತ್ದ್ ತುಲು ಜನತ ಪರವಾದ್ ಬೇಲೆ ಮಲ್ಪುನವು ತುಳುವೆರ್ನ ಭಾಗ್ಯನೇ ಸರಿ.