ಟೈಮ್ಸ್ ಆಫ್ ಕುಡ್ಲ | Times of Kudla | Kudla Tulu Patrike

Fri. Aug 14th, 2026

tuluvaarte

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ವಿದ್ಯೆಗ್ ಸಂಬಂದ ಪಟ್ಟಿನ ಮಾಹಿತಿ | Education Information

ಡಿಪ್ಲೊಮಾ ಜೋಕ್ಲೆಗ್ ಗುಡ್ ನ್ಯೂಸ್| ‘ಪೂರ್ಣ ಕ್ಯಾರಿ ಓವರ್’ಗ್ ಅನುಮತಿ

ಕುಡ್ಲ : ಕೊರೋನಾ ಸೋಂಕು ಬತ್ತಿನೆರ್ದಾವರ 2021-22ನೇ ಸಾಲ್ ಗ್ ಅನ್ವಯ ಆಪಿಲಕ ಡಿಪ್ಲೊಮಾ ಜೋಕ್ಲೆಗ್ `ಪೂರ್ಣ ಕ್ಯಾರಿ ಓವರ್’ಗ್ ಅನುಮತಿ ಕೊರ್ತೆರ್ ಪಂದ್ ಉನ್ನತ ಶಿಕ್ಷಣ ಸಚಿವ ಡಾ.ಸಿ.ಎನ್.ಅಶ್ವತ್ಥನಾರಾಯಣ ಪಂತೆರ್ .

ಈ ಬಗ್ಗೆ ಪತ್ರಿಕಾ ಪ್ರಕಟಣೆಡ್ ಮಾಹಿತಿ ಕೊರಿನ ಮೇರ್ , ಡಿಪ್ಲೊಮಾ ಜೋಕ್ಲೆಗಾದ್ ಗರಿಷ್ಠ 4 ವಿಷಯಗ್ ಮಾತ್ರ ಕ್ಯಾರಿ ಓವರ್ ಕೊರ್ಪಿನ ಪದ್ಧತಿ ಉಂಡು . ಆಂಡ , ಕೊರೋನಾ ಸೋಂಕು ಜಾಸ್ತಿ ಆದ್ ಉಪ್ಪುನೆರ್ದಾವರ ಜೋಕ್ಲೆಗ್ ಅನಾನುಕೂಲ ಆತುಂಡು ಇಂಚಾದ್ , ಜೋಕ್ಲೆನ ಹಿತದೃಷ್ಟಿರ್ದ್ ಪ್ರಸ್ತಕ ಶೈಕ್ಷಣಿಕ ವರ್ಷಗ್ ಪೂರ್ಣ ಕ್ಯಾರಿ ಓವರ್’ಗ್ ಅವಕಾಶ ಕೊರ್ತೆರ್ . ಈ ಸಂಬಂಧ ಉನ್ನತ ಶಿಕ್ಷಣ ಇಲಾಖೆರ್ದ್ ಆದೇಶ ಕೊರ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಈದು : ಬೇತೆ ಬೇತೆ ಕಾಮಗಾರಿದ ಉದಿಪನ ಬೊಕ್ಕ ಗುದ್ದಲಿ ಪೂಜೆ

ಈದು : ಈದು ಗ್ರಾಮ ಪಂಚಾಯತ್ ವ್ಯಾಪ್ತಿದ ಇಂಜಿನಡ್ಕಡ್ 1.25 ಕೋಟಿ ರೂ. ಪಣವುಡು ಬೊಕ್ಕ ಈದು ಗುತ್ತುದ ಕೈತಲ್ 75 ಲಕ್ಷ ರೂ. ವೆಚ್ಚಡ್ ಕಟ್ಟಿನ ಕಿಂಡಿ ಅಣೆಕಟ್ಟುಲೆನ್ ಇಂಧನ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವ ವಿ. ಸುನಿಲ್ ಕುಮಾರ್ ಜ.31 ಕ್ಕ್ ಉದಿಪನ ಮಲ್ತೆರ್ . ಮಂಗಳಪಾರ್ಮ್ ಕೈತಲ್ ರ್ದ್ ನೂರಾಳ್ ಬೆಟ್ಟು ಗ್ರಾಮದ ಪೆಲತ್ತಕಟ್ಟೆ, ಮುಜಿಲೆ ಒಟ್ಟು ಸೇರುನ 1 ಕೋಟಿ ರೂ. ಪಣವುದ ಮಾರ್ಗದ ಕಾಂಕ್ರಿಟೀಕರಣದ ಗುದ್ದಲಿ ಪೂಜೆನ್ ಮಲ್ತೆರ್.

ಈ ಪೊರ್ತುಡು ಜಿ. ಪಂ. ಮಾಜಿ ಸದಸ್ಯ ಉದಯ್ ಎಸ್. ಕೋಟ್ಯಾನ್, ದಿವ್ಯಶ್ರೀ ಗಿರೀಶ್ ಅಮಿನ್, ತಾ. ಪಂ. ಮಾಜಿ ಸದಸ್ಯೆ ಮಂಜುಳಾ ವಿಶ್ವನಾಥ್, ಎ.ಪಿ.ಎಂ.ಸಿ ಸದಸ್ಯ ಮಾಪಾಲು ಜಯವರ್ಮ ಜೈನ್, ನಾರಾಯಣ ಸುವರ್ಣ, ಗ್ರಾ.ಪಂ. ಅಧ್ಯಕ್ಷೆ ಜಯಂತಿ, ಉಪಾಧ್ಯಕ್ಷ ವಿಜಯ್ ಕುಮಾರ್, ಮಹಾವೀರ ಜೈನ್, ನವೀನ್ ನಾಯಕ್, ಶ್ರೀಧರ ಗೌಡ ಪಾಲ್ ಪಡೆದಿತ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಫೆ. 2-4 : ಮುದ್ರಾಡಿ ನಾಟ್ಕದೂರು ಶ್ರೀ ಆದಿಶಕ್ತಿ ದೇವಸ್ಥಾನ ಬ್ರಹ್ಮಕಲಶ ಉಚ್ಚಯ

ಮುದ್ರಾಡಿ :ಸರ್ವಧರ್ಮೀಯರ ಆರಾಧನ ಕೇಂದ್ರ ಪ್ರಕೃತಿ ರಮಣೀಯ ತಾಣ ಮುದ್ರಾಡಿದ ಶ್ರೀ ಆದಿಶಕ್ತಿ ದೇವಸ್ಥಾನ ಸಂಪೂರ್ಣವಾದ್ ಶಿಲಾಮಯ ಆದ್ ಜೀರ್ಣೋದ್ಧಾರ ಆತುಂಡು , ಬ್ರಹ್ಮಕಲಶ ಉಚ್ಚಯಗ್ ತಯಾರ್ ಆದ್ ಉಂಡು . ಶ್ರೀ ಧರ್ಮಯೋಗಿ ಮೋಹನ್ ಸ್ವಾಮೀಜಿ ಮೆರೆನ ಸಾಧನಾ ಕ್ಷೇತ್ರೊಡು ಇತ್ತೇ ಸುಮಾರ್ ೩ ಕೋಟಿ ರೂ. ಪಣವುಡು ಶಿಲಾಮಯ ಗರ್ಭಗುಡಿ, ನಮಸ್ಕಾರ ಮಂಟಪ, ಸುತ್ತು ಪೌಳಿ, ಹೊರಾಂಗಣ, ದ್ವಾರಡ್ ಸಿಂಹ ಕಂಬ, ತಾಮ್ರದ ಮುಚ್ಚಿಗೆ, ಉಲಯಿಡ್ ಗ್ರಾನೈಟ್, ದೇವಸ್ಥಾನದ ಸುತ್ತ ಆಕರ್ಷಕ ಶಿಲಾ ಕೆತ್ತನೆದ ಒಟ್ಟುಗು ಬೇತೆ ಬೇತೆ ಅಭಿವೃದ್ಧಿ ಕಾರ್ಯ ನಡಪೆರೆ ಉಂಡು .

ಕುಡ್ಲದ ಡಾ. ಆರೂರು ಪ್ರಸಾದ್ ರಾವ್, ಆದಿಶಕ್ತಿ ಕ್ಷೇತ್ರದ ಮೋತ್ತೇಸರ ಸುಕುಮಾರ್ ಮೋಹನ್, ಬ್ರಹ್ಮಕಲಶೋತ್ಸವ ಸಮಿತಿ ಗುರ್ಕಾರ್ಲಾಯಿನ ರವೀಂದ್ರ ಶೆಟ್ಟಿ ಬಜಗೋಳಿ ಮೆಕ್ಲೆನ ಮುತಾಲಿಕೆಡ್ ಜೀರ್ಣೋದ್ಧಾರ ಕಾರ್ಯ ನಡಪೆರೆ ಉಂಡು , ಫೆ ೨ರ್ದ್ ೪ ತಾರೀಖ್ ಮುಟ ಧಾರ್ಮಿಕ, ಸಾಂಸ್ಕೃತಿಕ ಕಜ್ಜದ ಒಟ್ಟುಗು ಬ್ರಹ್ಮಕಲಶ ಉಚ್ಚಯ ನಡಪೆರೆ ಉಂಡು.

ಕಾರ್ಲದ ಸುದ್ದಿ Karkala News ತುಳು ಸುದ್ದಿ

ಕಾರ್ಲ: ರಾಷ್ಟ್ರೀಯ ಸ್ವಚ್ಚತಾ ದಿನಾಚರಣೆ

ಕಾರ್ಲ : ತಾಲೂಕು ಕಾನೂನು ಸೇವೆದ ಸಮಿತಿ, ನ್ಯಾಯವಾದಿಲೆನ ಸಂಘ ಬೊಕ್ಕ ಪುರಸಭೆ ಕಾರ್ಲದ ಒಟ್ಟು ಸೇರಿಗೆಡ್ ರಾಷ್ಟ್ರೀಯ ಸ್ವಚ್ಚತಾ ದಿನಾಚರಣೆನ್ ಜ.೩೧ ಕ್ಕ್ ಆಚರಣೆ ಮಲ್ತೆರ್ . ನ್ಯಾಯಾಲಯದ ವಠಾರೊನು ಪೌರ ಕಾರ್ಮಿಕೆರೆನ ಒಟ್ಟು ಸೇರ್ದ್ ನ್ಯಾಯಾಲಯದ ಸಿಬ್ಬಂದಿಲು ನಿರ್ಮಲ ಮಲ್ತೆರ್ ..

ಈ ಪೊರ್ತುಡು ನ್ಯಾಯಾಲಯದ ಪೆರಿಯ ನ್ಯಾಯಾಧೀಶೇರಾಯಿನ ಸಿವಿಲ್ ಬೊಕ್ಕ ಎ.ಸಿ.ಜೆ.ಎಮ್ ರೂಪಶ್ರೀ, ಪ್ರಿನ್ಸಿಪಾಲ್ ಅಂಚನೆ ಜೆ.ಎಂ.ಎಫ್.ಸಿ ಚೇತನಾ ಎಸ್.ಎಫ್, ಪುರಸಭಾ ಮುಖ್ಯಾಧಿಕಾರಿ ರೂಪ ಶೆಟ್ಟಿ, ಆರೋಗ್ಯ ಪರೀವೀಕ್ಷಕಿ ಲೈಲಾ ಥಾಮಸ್, ವಕೀಲೆರ್ನ ಸಂಘದ ಗುರ್ಕಾರ್ಲಾಯಿನ ಸುನಿಲ್ ಕುಮಾರ್ ಶೆಟ್ಟಿ, ಕಾರ್ಯದರ್ಶಿ ಪದ್ಮಪ್ರಸಾದ್ ಜೈನ್, ಸನತ್ ಕುಮಾರ್ ಜೈನ್, ಹೆಚ್. ಶೇಖರ ಮಡಿವಾಳ, ಪಿ.ಎ. ಸಮದ್, ವಿಜೇಂದ್ರ ಕುಮಾರ್, ಶಿರಸ್ತೇದಾರರಾದ ಸೆಬಾಸ್ಟಿಯನ್ ಚಂದ್ರ ಸೋನ್ಸ್, ಶಿವಪ್ಪ ಎ., ಲಿಂಗಪ್ಪ, ಭವಾನಿಶಂಕರ್, ಸರಕಾರಿ ಸಹಾಯಕ ಅಭಿಯೋಜಕಿ ಶೋಭಾ, ಬೊಕ್ಕ ಪ್ರಕಾಶ್ ರಾವ್ ಪಾಲ್ ಪಡೆದಿತ್ತೆರ್.

Uncategorized ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಫೆ.26 ಕ್ಕ್ ಐಕಳ ಕಾಂತಾಬಾರೆ – ಬೂದಾಬಾರೆ ಕಂಬಳ

ಮುಲ್ಕಿ:ದೇವರ ಕಂಬಳ ಪಂದ್ ಪುಗಾರ್ತೆ ಪಡೆಯಿನ ಐಕಳ ಐಕಳ ಬಾವ ಕಾಂತಾಬಾರೆ-ಬೂದಾಬಾರೆ ಕಂಬಳ ಫೆ.26 ಕ್ಕ್ ನಡಪೆರೆ ಉಂಡು ಐಕಳ ಕಂಬಳ ಸಮಿತಿ ಗುರ್ಕಾರ್ಲಾಯಿನ ಐಕಳಬಾವ ಡಾ. ದೇವಿಪ್ರಸಾದ್ ಶೆಟ್ಟಿ ಪಂಡೆರ್ .

ಕಂಬಳ ಸಮಿತಿ ಸಭೆಟ್ ಮಾಹಿತಿ ಕೊರಿನ ಆರ್ ಜ. 30 ತಾರೀಖ್ ಗ್ ನಡಪೊಡಿತ್ತಿನ ಕಂಬಳ ಕೋವಿಡ್ ಕಾರಣೊರ್ದು ತಾರೀಖ್ ಬದಲಾವಣೆ ಮಲ್ದೆರ್ ಫೆ.26 ಕ್ಕ್ ಐಕಳ ಕಂಬಳ ನಡಪರೇ ಉಂಡು ಐಕಳೋತ್ಸವವಾದ್ ಆಚರಣೆ ಮಲ್ತೊಂದು ಉಲ್ಲೆಟ್ ಪೂರ್ವಾಭಾವಿಯಾದ್ ಗ್ರಾಮೀಣ ಕ್ರೀಡಾ ಕೂಟ ನಡಪೆರೆ ಉಂಡು ಪಂದ್ ಪಂಡೆರ್.

ಐಕಳಬಾವ ಕಾಂತಾಬಾರೆ-ಬೂದಾಬಾರೆ ಕಂಬಳ ಸಮಿತಿದ ಕಾರ್ಯಾಧ್ಯಕ್ಷ ಚಿತ್ತರಂಜನ ಭಂಡಾರಿ ಐಕಳಬಾವ, ಕೋಶಾಧಿಕಾರಿ ಪ್ರಕಾಶ್ ಶೆಟ್ಟಿ ಪಡುಹಿತ್ಲು, ಸಂತೋಷ್ ಕುಮಾರ್ ಹೆಗ್ಡೆ , ಈ ಪೊರ್ತುಡು ಪಾಲ್ ಪಡೆದಿತ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮಹಾತೋಭಾರ ಶ್ರೀ ವಿಶ್ವೇಶ್ವರ ದೇವಲ್ಯ : ರಾಶಿ ಪೂಜಾ ಉಚ್ಚಯ

ಎಲ್ಲೂರು : ಮಹಾತೋಭಾರ ಶ್ರೀ ವಿಶ್ವೇಶ್ವರ ದೇವಲ್ಯಡ್ ತಾರೀಖ್ 14/2/2022 ನೇ ಸೋಮಾರ ದಾನಿ ವರ್ಷ ಪ್ರತಿ ನಡಪುನ ರಾಶಿ ಪೂಜಾ ಉಚ್ಚಯ ಅಂಚನೆ ಅನ್ನ ಸಂತರ್ಪಣೆ ನಡಪೆರೆ ಉಂಡು. ಬೈಯ್ಯಗ್ 6 ಗಂಟೆರ್ದ್ ಕಾಂಡೆ 6 ಗಂಟೆ ಮುಟ ರಾಶಿ ಪೂಜಾ ಉಚ್ಚಯದ ಪ್ರಯುಕ್ತ ಆಹ್ವಾನಿತ ಕೂಟ ರ್ದ್ ಅಖಂಡ ಭಜನಾ ಲೇಸ್ ನಡಪೆರೆ ಉಂಡು.

ಅಂಚನೆ ತಾರೀಖ್ 7/2/2022 ನೇ ಸೋಮರ ಶ್ರೀ ರಸ್ತು ಮೂರ್ತ ಬೊಕ್ಕ ಉಗ್ರಾಣ ಮುಹೂರ್ತ ನಡಪೆರೆ ಉಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಪುತ್ತೂರು ಉಪವಿಭಾಗಾಧಿಕಾರಿ ಡಾ. ಯತೀಶ್ ಉಳ್ಳಾಲ್ ಗ್ ವರ್ಗಾವಣೆ ಪೊಸ ಎಸಿ ಆದ್ ಗಿರೀಶ್ ನಂದನ್

ಪುತ್ತೂರು : ಪುತ್ತೂರು ಉಪವಿಭಾಗ ಅಧಿಕಾರಿ(ಎಸಿ)ಯಾದ್ ಇತ್ತಿನ ಡಾ| ಯತೀಶ್ ಉಳ್ಳಾಲ್ ಮೆರೆಗ್ ವರ್ಗಾವಣೆ ಆತುಂಡು , ಆ ಜಾಗೆಗ್ ಕೆಎಎಸ್ ಅಧಿಕಾರಿ ಗಿರೀಶ್ ನಂದನ್ ಆಯ್ಕೆ ಆತೆರ್.

ಹಾಸನ ವೈದ್ಯಕೀಯ ವಿಜ್ಞಾನ ಬೊಕ್ಕ ಸಂಶೋಧನಾ ಸಂಸ್ಥೆಡ್ ಮುಖ್ಯ ಆಡಳಿತಾಧಿಕಾರಿಯಾದ್ ಬೇಲೆ ಮಲ್ತೊಂದು ಇತ್ತಿನ  ಕೆಎಎಸ್ ಕಿನ್ಯ ಶ್ರೇಣಿಯ ಅಧಿಕಾರಿ ಗಿರೀಶ್‌ ನಂದನ್ ಎಂ.ಮೆರೆನ್ ಪುತ್ತೂರು ಉಪವಿಭಾಗದ ಪೊಸ ಉಪವಿಭಾಗಾಧಿಕಾರಿಯಾದ್ ನೇಮಕ ಮಲ್ತ್ ವರ್ಗಾವಣೆ ಮಲ್ತ್ ಸರ್ಕಾರದ ಅಧೀನ ಕಾರ್ಯದರ್ಶಿ ಉಮಾದೇವಿ ಆದೇಶ ಕೊರ್ತೆರ್ .

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕೊಪ್ರಗುಂಡಿಡ್ ಮಂದಾರ್ತಿ ಮೇಳೋರ್ದು ಯಕ್ಷಗಾನ ಬಯಲಾಟ

ಕೊಪ್ರಗುಂಡಿ: ಬರ್ಪಿನ ತಾರೀಖ್ 6/2/2022 ನೇ ಐತಾರ ಬೈಯ್ಯಗ್ 6: 30 ಗಂಟೆಗ್ ಸರಿಯಾದ್ ಇಲ್ಲದ ವಠಾರ ಆಯಿನ ಕೊಪ್ರ ಗುಂಡಿಡ್ ಶ್ರೀ ದುರ್ಗಾಪರಮೇಶ್ವರಿ ದಶಾವತಾರ ಯಕ್ಷಗಾನ ಬಯಲಾಟ ಬೊಕ್ಕ ಕಾಂಡೆ  ಸತ್ಯನಾರಾಯಣ ಪೂಜೆ ಬೊಕ್ಕ ರಾತ್ರಿ 8:30 ಗಂಟೆಗ್ ಅನ್ನ ಸಂತರ್ಪಣೆ ನಡಪೆರೆ ಉಂಡು. ಮಾತೆರ್ಲ ಈ ಪೊರ್ಲ ಕಜ್ಜಡ್ ಪಾಲ್ ಪಡೆದ್ ದೇವೆರ್ನ ಕೃಪೆಗ್ ಪಾತ್ರರಾವೊಡು ಪಂದ್ ಮಾಜಿ ತಾಲೂಕು ಪಂಚಾಯತ್ ಸದಸ್ಯೆರಾಯಿನ ಅಮೃತ್ ಕುಮಾರ್ ಶೆಟ್ಟಿ ಬಿನ್ನಾಪು ಮಲ್ದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ಸುಳ್ಯ ದ ಸುದ್ದಿ | Sullia News

ಆಯೆ ಅತ್ತ್ ಆಲ್ 

ಚಕ್ಕ ಹಿಜ್ರಾ ಕೋಜ ಶಿಖಂಡಿ ಪನ್ಪಾ
ದಾಯೆಗ್ ಬಾಯಿಡ್ ಆತೊಂಜಿ ಕನಪೆ
ನನೊರಿಯನ್ ಎಲ್ಯ ಮಲ್ಪರೆಗಾದ್
ನಡುಟು ಅಕಲೆನ್ ದಾಯೆಗ್ ಕನಪ

ಉಂಡತ್ತ ಮಾತೆಟ್ಲಾ ಆನ್ ಪೊನ್ನನ ಅಂಶ
ವಿಧಿನ ಗೊಬ್ಬುಗು ಅಕ್ಲೆಗ್ ದಾಯೆಗ್ ಶಿಕ್ಷೆ ಪನ್ಲಾ
ವ್ಯಯಾರದ ತನುಟು ಸರ ಉಂಡು ದಡಿತ
ದೈವ ಸೃಷ್ಟಿನ್ ಪ್ರಶ್ನೆ ಮಲ್ಪರೆ ಈ ಏರ್ ಪನ್ಲಾ

ಪುರಾನೊಡ್ ಋಷಿಕುಲೇ ಅಕ್ಲೆನ್ ಮಾನಾದೆರ್
ಅರ್ಧನಾರೀಶ್ವರ ಪಂದು ಭಕ್ತಿಡ್ ಸುಗಿತ್‌ದೆರ್
ನರಮಾನಿ ಕಾಯೊಡ್ ಒತ್ತೊನರೆ ದಾದ ಬಂಗ
ನಿನ್ನಪ್ಪೆ ಎನ್ನಪ್ಪೆ ಕೊರ್ತಿಲೆಕನೆ ಅಕಲ್ನ ಜನ್ಮ

ಗುರುನ ಪಾತೆರ ಕೇನುನ ಎಡ್ಡೆ ಗುಣ ಉಂಡು
ಅಪ್ಪೆನ ಮಟ್ಟೆಲಾಪಿನ ಪೊರ್ಲ ಉಡಲುಂಡು
ಮೆಗ್ಯ ಪಲಯಲೆಕ ಬೆರಿತಾಂಗ್ ಕೊರ್ಪೆರ್
ಮೆಗ್ದಿ ಪಲಿ ಆದ್ ಕನನೀರ್ ಒಚ್ಚುವೆರ್

ಬಂಜಿದ ಪಡಿತ್ತ ಎಸೋನು ಮಾತ್ರ ತೂವಡ
ಬದುಕು ಕಟ್ಟುನ ನೀತಿನೊರ ತೂಲ
ಅಕ್ಲೆನ ಸಾಧನೆಗ್ ಕಣ್ಣಾದ್ ತೆರಿಲಾ
ತೂಪಿನ ಕಣ್ಣ್ ಡ್ ಕಳಂಕ್ ದೀವೊಣಡ

ನಮಲೆಕನೇ ಅಕುಲುಲ ಈ ಸತ್ಯೊನು ತೆರಿಲಾ
ಉಡಲ್‌ದ ದೇವೆರೆಗ್ ಮಾನಾದಿಗೆ ಕೊರ್ಲಾ
ಎಡ್ಡೆಪ್ಪು ಬಯಕಿಯೆರ್ಡ ಕುಸಿಟ್ ದೆತೊನ್ಲಾ
ಸೃಷ್ಟಿದ ನೇಮಗ್ ಬೊಟ್ಟು ಮಲ್ಪಂದೆ ನಡಪುಲಾ

✍️ಗೀತಾ ಲಕ್ಷ್ಮೀಶ್

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಕುಕ್ಕೆ ಸುಬ್ರಹ್ಮಣ್ಯಗ್ ಪೋಪಿನ ಭಕ್ತಾದಿಲೆಗ್ ಮಹತ್ವದ ಮಾಹಿತಿ

ಸುಬ್ರಹ್ಮಣ್ಯ: ಕುಕ್ಕೆ ಸುಬ್ರಹ್ಮಣ್ಯಗ್ ಪೋಪಿನ ಭಕ್ತಾದಿಲೆಗ್ ಮಹತ್ವದ ಮಾಹಿತಿ ಮೂಲು ಉಂಡು , ರಾಜ್ಯ ಸರ್ಕಾರ ಕೊರೊನಾ ನಿರ್ಬಂಧಲೆಗ್ ಸಂಪೂರ್ಣವಾದ್ ಪಿರ ದೆತೊನಿನ ನೆಲೆಟ್ಟ್ ದೇವಲ್ಯೋಡು ದುಂಬುದಲಕನೆ ಮಾತಾ ಸೇವೆ ಸುರು ಆಯರೇ ಉಂಡು.

ದೇವಲ್ಯೊದ ಆಡಳಿತ ಮಂಡಳಿ ಈ ಬಗ್ಗೆ ಪ್ರಕಟಣೆ ಬುಡುಗಡೆ ಮಲ್ದುಂಡು , ತಾತ್ಕಾಲಿಕವಾದ್ ಉoತಾದ್ ಇತ್ತಿನ ಧಾರ್ಮಿಕ ಸೇವೆಗನ್ ಕುಡ ಸುರು ಮಲ್ದೆರ್ . ಭಕ್ತಾದಿಲು ಈ ದುಂಬುದಲಕನೇ ಮಾತಾ ಸೇವೆ ಪಡೆದ್ ದೇವೆರೆ ದರ್ಶನ ಮಲ್ಪರೆ ಅವಕಾಶ ಒದಗಾದ್ ಕೊರ್ತೆರ್.

You Missed

Kateel ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ವಿದ್ಯೆಗ್ ಸಂಬಂದ ಪಟ್ಟಿನ ಮಾಹಿತಿ | Education Information

ಕಲ್ಪಾಯಿನ ಗುರುಕ್ಲೆನ ತ್ಯಾಗೊಗು ತರೆ ತಗ್ಗಾದ್‌, ಸಾದಗೊದಂಚಿ ಪಜ್ಜೆ ದೀಲೆ: ವಿವೇಕ್ ಆಳ್ವ

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೆಂಗಳೂರುದ ಸುದ್ದಿ

ಜೈ ತುಲುನಾಡ್ ಬೆಂಗಳೂರು (ರಿ.) ಮುತಾಲಿಕೆಡ್ ಗೌಜಿ ಗಮ್ಮತ್ತುಡು ನಡತುಂಡ್ ತುಲುನಾಡ ಆಟಿ

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲಡ್ ಉಂಡು ತುಳುನಾಡ್‌ದ ಬಾರೀ ಎತ್ತರದ ಧ್ವಜಸ್ತಂಭ

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ : 9 ತಾಲೂಕು ಕಚೇರಿಲೆಗ್ ಲೋಕಾಯುಕ್ತ ರೈಡ್

Copyright © All rights reserved - The Times of Kudla Mangalore | Paper News by Themeansar.