tuluvaarte

ಇನಿ ಬಿಜೆಪಿ ಸಂಸ್ಥಾಪನ ದಿನ; ಕಾರ್ಯಕರ್ತೆರ್ ಬೊಕ್ಕ ಮುಖಂಡರೆನ್ ಉದ್ದೇಶಿಸಾದ್ ಭಾಷಣ ಮಲ್ಪರೆ ಉಲ್ಲೆರ್ ಪ್ರಧಾನಿ

Apr 6, 2022

ಹೊಸದಿಲ್ಲಿ: ಆಡಳಿತಾರೂಢ ಬಿಜೆಪಿ ಬುಧವಾರ (ಏ.6)ದಾನಿ ಸಂಸ್ಥಾಪನ ದಿನ ಆಚರಣೆ ಮಲ್ತೊಂದು ಉಲ್ಲೆರ್ . ಈ ನೆಲೆಟ್ಟ್ ದೇಶಡ್ ಬೇತೆ ಬೇತೆ ಕಡೆಟ್ ಲೇಸ್ ಅಟ್ಟನೆ ಮಲ್ದೆರ್.ಪಂದ್ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಅರುಣ್‌ ಸಿಂಗ್‌ ಹೊಸದಿಲ್ಲಿಡ್ ಪಂಡೆರ್ .

ಪ್ರಧಾನಿ ನರೇಂದ್ರ ಮೋದಿ ವಚ್ಯುವಲ್‌ ಮುಖೇನ ಬಿಜೆಪಿ ಪದಾಧಿಕಾರಿಲು , ಸಂಸದೆರ್ ಸಚಿವೆರ್ , ಬೊಕ್ಕ ಶಾಸಕೆರೆನ್ ಉದ್ದೇಶಿಸಾದ್ ಪಾತೆರ್ರೆ ಉಲ್ಲೆರ್.ಎ.7ರ್ದ್ 20 ತಾರೀಖ್ ಮುಟ ದೇಶಡ್ ಸಾಮಾಜಿಕ ನ್ಯಾಯ ಕೊರ್ಪಿನ ಲೇಸ್ ಅಟ್ಟನೆ ಮಲ್ದ ಪಂದ್ ಅರುಣ್‌ ಸಿಂಗ್‌ ಪಂಡೆರ್ .

ಸಂಗೀತ ನಿರ್ದೇಶಕೆರ್ ವಿಜಯ್ ಪ್ರಕಾಶ್‌ ಉಚ್ಚಿಲಗ್

Apr 5, 2022

ಉಚ್ಚಿಲಡ್ ನಡಪುನ ಪುನರ್ ಪ್ರತಿಷ್ಠೆ ಸಹಿತ ಧಾರ್ಮಿಕ ಕಾರ್ಯಕ್ರಮದ ಅಂಗವಾಗಿ ನಡಪುನ ಸಾಂಸ್ಕೃತಿಕ ಕಾರ್ಯಕ್ರಮಟ್ಟ್ ಖ್ಯಾತ ಸಂಗೀತ ನಿರ್ದೇಶಕೆರ್ ವಿಜಯ್ ಪ್ರಕಾಶ್‌ ಏ. 6 ಗುರುವಾರ ಪಾಲ್ ಪಡೆವರೆ ಉಲ್ಲೆರ್.

ದಕ್ಷಿಣ ಕನ್ನಡ ಮೊಗವೀರ ಮಹಿಳಾ ಮಹಾಜನ ಸಂಘದ ಸದಸ್ಯರೆರ್ದ್ ನೃತ್ಯ ವೈಭವ ನಡಪರೆ ಉಂಡು.

ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ಸನ್ನಿಧಿ ಬಡವೆರೆಗ್ ಸ್ಪಂದನೆ ಕೊರ್ಪಿನ ಕ್ಷೇತ್ರ ಆವಡ್ : ಕೇಮಾರುಶ್ರೀ

Apr 5, 2022

ಉಚ್ಚಿಲ ಕ್ಷೇತ್ರದ ಪುಣ್ಯೋಚ್ಚಯದ 5 ದಿನತ್ತ ಲೇಸ್ ಆಶೀರ್ವಚನ

ಉಚ್ಚಿಲ : ಬಡವೆರೆಗ್ ಕೊರ್ಪಿನ ಒವ್ವೇ ವಸ್ತು ದೇವೆರೆಗ್ ಸಂದುಂಡು. ಅಂಚಾದ್ ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ನ ಪುಣ್ಯ ಕ್ಷೇತ್ರಲ ಬಡವೆರೆನ ಕಷ್ಟೊಗು ಸ್ಪಂದನೆ ಕೊರ್ಪಿನ ಕ್ಷೇತ್ರ ಆವಡ್ ಪಂದ್ ಕೇಮಾರು ಸಾಂದೀಪನಿ ಸಾಧನಾಶ್ರಮದ ಶ್ರೀ ಈಶ ವಿಠಲದಾಸ ಸ್ವಾಮೀಜಿ ಪಂಡೆರ್.
ಉಚ್ಚಿಲ ಕ್ಷೇತ್ರ ಬ್ರಹ್ಮಕಲಶೋತ್ಸವ ಪುಣ್ಯೋಚ್ಚಯದ 5 ನೇ ದಿನವಾಯಿನ ಅಂಗಾರೆ ಬಯ್ಯಡ್ ನಡತಿನ ಧಾರ್ಮಿಕ ಸಭೆಟ್ಟ್ ಆರ್ ಆಶೀರ್ವಚನ ಮಲ್ತೆರ್.
ದೇವೆರ್ ಏಪಲ ಭಕ್ತಿ ಬೊಕ್ಕ ಮುಗ್ಧತೆಗ್ ಒಲಿಯುವೆರ್.

ಮೊಗವೀರ ಸಮಾಜಡ್ ಮುಗ್ಧತೆ ಬೊಕ್ಕ ಭಕ್ತಿ ದಿಂಜಿದುಂಡು. ಅಂಚಾದ್ ಶ್ರೀ ಮಹಾಲಕ್ಷ್ಮಿನ ಸಂಪೂರ್ಣ ಅನುಗ್ರಹ ಮೂಲು ಆತ್ಂಡ್ ಪಂಡೆರ್.
ಶ್ರೀ ಮಹಾಲಕ್ಷ್ಮಿ ಒಲಿಯೊಡ್ಡ ನಾರಾಯಣ ದೇವೆರ್ನಂಚಿನ ಗುಣ ಉಪ್ಪೊಡು. ಶಾಂತತೆ, ಮುಗ್ಧತೆ ಉಪ್ಪೊಡು. ಈ ಗುಣೊಕ್ಕುಲು ನಾಡೋಜ ಜಿ.ಶಂಕರ್ ಮೆರೆಡ ಉಂಡು. ಮೇರ್ ಮೊಗವೀರ ಸಮಾಜದ ಮುತ್ತು. ಬಂಗಾರ್ದ ಕಲಶ. ಅಂಚಾದ್ ಅರೆಗ್ ಲ ಮಹಾಲಕ್ಷ್ಮಿ ಒಲಿದೆರ್ ಪಂಡೆರ್.
ಮಾತೆರೆಗ್ಲ ಶಿಕ್ಷಣ ಕೊರ್ಲೆ. ಜೋಕುಲೆಗ್ ಭಜನೆ, ಸಂಸ್ಕೃತಿ ಕಲ್ಪಾಲೆ. ಮೊಬೈಲ್, ಇಂಟರ್ ನೆಟ್ ಲೋಕೊರ್ದು ಅಕಲೆನ್ ಪಿದಯಿ ಕನಪಾಲೆ. ಇಲ್ಲಡ್ ಟಿವಿ ಸಂಸ್ಕೃತಿ ರ್ದ್ ಪಿರ ಬರ್ಪಾಲೆ.ಮೂಢನಂಬಿಕೆರ್ದ್ ಪಿದಯಿ ಬಲೆ. ವಿವೇಕಾನಂದೆರ್, ಬ್ರಹ್ಮಶ್ರೀ ನಾರಾಯಣ ಗುರು, ಡಾ.ಅಬ್ದುಲ್ ಕಲಾಂ ಮೊಕ್ಲೆನ್ ಪೂರ ನಿಕ್ಲೆನ ಇಷ್ಟದ ಹೀರೋ ಆದ್ ತೂಲೆ ಪಂಡೆರ್.
ಲೇಸ್ ದ ಗುರ್ಕಾರ್ಮೆ ಅಧ್ಯಕ್ಷತೆ ಒಯಿಸ್ ದಿತ್ತಿನ ಉಚ್ಚಿಲ ಶ್ರೀಮಹಾಲಕ್ಷ್ಮೀ ದೇವಸ್ಥಾನ ಜೀರ್ಣೋದ್ಧಾರ ಸಮಿತಿದ ಗೌರವಾಧ್ಯಕ್ಷೆರ್ ಅಂಚೆನೆ ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ನಾಡೋಜ ಡಾ.ಜಿ. ಶಂಕರ್ ಬಿನ್ನೆರೆನ್ ಎದ್ಕೊಂಡೆರ್.
ಕೋಟ ಗೀತಾನಂದ ಫೌಂಡೇಶನ್‌ನ ಪ್ರವರ್ತಕೆರ್ ಆನಂದ್‌ ಸಿ. ಕುಂದರ್‌, ಉರ್ವ ಶ್ರೀ ‌ಮಾರಿಯಮ್ಮ ದೇವಸ್ಥಾನದ ಆಡಳಿತ ‌ಮೊಕ್ತೇಸರ ದೇವಾನಂದ ಗುರಿಕಾರೆರ್ ,ಬೋಳೂರು, ಕಾಪು ಶ್ರೀಮಾರಿಯಮ್ಮ ದೇವಸ್ಥಾನದ ಆಡಳಿತ ಮೊಕ್ತೇಸಯರ ಕಲ್ಯ ರಮೇಶ್‌ ಹೆಗ್ಡೆ, ಎರ್ಮಾಳ್‌ ಶ್ರೀ ಲಕ್ಷ್ಮೀ ಜನಾರ್ದನ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಅಶೋಕ್ ರಾಜ್‌ ಎರ್ಮಾಳು ಬೂಡು, ಪಡುಬಿದ್ರಿ ವನದುರ್ಗಾ ಟ್ರಸ್ಟ್‌ ಕಾರ್ಯದರ್ಶಿ ವೈ.ಎನ್. ರಾಮಚಂದ್ರ ರಾವ್, ಪಡುಬಿದ್ರಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ರತ್ನಾಕರ ರಾಜ್ ಕಿನ್ಯಕ್ಕ ಬಲ್ಲಾಳ್‌, ಮಣಿಪಾಲ ಶ್ರೀ ಬಬ್ಬುಸ್ವಾಮಿ ಕ್ಷೇತ್ರದ ಅಧ್ಯಕ್ಷೆರ್ ಶ್ರೀನಿವಾಸ ಪೂಜಾರಿ, ಕಟಪಾಡಿ ಶ್ರೀ ವಿಶ್ವನಾಥ ಕ್ಷೇತ್ರದ ಅಧ್ಯಕ್ಷೆರ್ ಬಿ.ಎನ್. ಶಂಕರ ಪೂಜಾರಿ, ಮುಂಬೈ ಗೋರೆಗಾಂವ್‌ ಉದ್ಯಮಿ ಶ್ರೀನಿವಾಸ್‌ ಕಾಂಚನ್, ದ.ಕ. ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರ್ ಜಯ ಸಿ.ಕೋಟ್ಯಾನ್, ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷೆರ್ ಗುಂಡು ಬಿ. ಅಮೀನ್‌, ಶ್ರೀಮಹಾಲಕ್ಷ್ಮೀ ದೇವಸ್ಥಾನ ಕ್ಷೇತ್ರಾಡಳಿತ ಸಮಿತಿ ಅಧ್ಯಕ್ಷೆರ್ ವಾಸುದೇವ ಸಾಲ್ಯಾನ್‌ ಇತ್ತೆರ್.
ಉಚ್ಚಿಲ ದೇವಲ್ಯದ ಜೀರ್ಣೋದ್ಧಾರ ಸಮಿತಿ ಕಾರ್ಯದರ್ಶಿ ಶಂಕರ್‌ ಸಾಲ್ಯಾನ್ ಸೊಲ್ಮೆ ಸಂದಾಯೆರ್. ವಿಜೇತಾ ಶೆಟ್ಟಿ ಲೇಸ್ ನಡಪಾದ್ ಕೊರಿಯೆರ್.

ಕಾರ್ಲದ ಸುರುತ “ರೂಫ್ ಟಾಪ್ ಫ್ಯಾಮಿಲಿ ಬಾರ್ & ರೆಸ್ಟೋರೆಂಟ್ ಉದಿಪನ

Apr 5, 2022

ಕಾರ್ಲ : ಕಾರ್ಲದ ಶಿವತಿಕೆರೆ ಬೈಪಾಸ್ ರೋಡ್ ಡ್ ಉಪ್ಪುನ “ಹೋಟೆಲ್ ಸವಿತಾ” ಡ್ ಏಪ್ರಿಲ್ 9.2022ನೇ, ಶನಿಯಾರ 9:00 ಗಂಟೆಗ್ ಉದಿಪನ ಆಯರೇ ಉಂಡು “ರೂಫ್ ಟಾಪ್ ಫ್ಯಾಮಿಲಿ ಬಾರ್ ಅಂಡ್ ರೆಸ್ಟೋರೆಂಟ್”.

ಕಾರ್ಲದ ಸುರುತ “ರೂಫ್ ಟಾಪ್ ಫ್ಯಾಮಿಲಿ ಬಾರ್ ಅಂಡ್ ರೆಸ್ಟೋರೆಂಟ್” ಉಂದು ಆದ್ ಉಂಡು , ವಿಶಾಲ ಪಾರ್ಕಿಂಗ್ ವ್ಯವಸ್ಥೆ ಮಲ್ದೆರ್.

ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಸಾಣೂರು ಮುರತಂಗಡಿಡ್ ಅಪಘಾತ : ತೀರ್ ಪೋಯಿನ ಬೈಕ್ ಸವಾರೆ

Apr 5, 2022

ಬೆದ್ರ : ಮೂಡಬಿದ್ರಿ-ಕಾರ್ಲದ ನಡುಟು ಪೋಪಿನ ಮಾರ್ಗಡ್ ರಾಷ್ಟ್ರೀಯ ಹೆದ್ದಾರಿದ ಸಾಣೂರು ಮುರತ್ತಂಗಡಿ ಪನ್ಪಿನ ಜಾಗೆಡ್ ಕೋಡೆ ರಾತ್ರಿ ನಡತಿನ ಭೀಕರ ಅಪಘಾತಡ್ ಜೆಸಿಬಿಯಕ್ ತಿಕ್ಕ್ ದ್ ಬೂರ್ದು ಬೈಕ್ ಸವಾರ ದಾರುಣ ರೀತಿಡ್ ತೀರ್ ಪೋಯಿನ ಘಟನೆ ನಡತುಂಡು . ಇರ್ವತ್ತೂರುದ ಅವಿನಾಶ್(27) ಘಟನೆಡ್ ತೀರ್ ಪೋಯಿನ ಜವಣ್ಯೆ ವೃತ್ತಿಡ್ ಪೈಂಟರ್ ಆಯಿನ ಅವಿನಾಶ್ ಪೈಟಿಂಗ್ ಬೇಲೆ ಮಲ್ತ್ ಇಲ್ಲಗ್ ಪೋವೊಂದು ಇತ್ತಿನ ಪೊರ್ತುಡು ಈ ಘಟನೆ ನಡತುಂಡು.

ಶ್ರೀ ಶನಿ ಕ್ಷೇತ್ರ ಕರಿಯಕಲ್ಲು ವೀರಮಾರುತಿ ಶಾಖೆ ಬಜರಂಗದಳ: ಸಾರ್ವಜನಿಕ ಶ್ರೀ ಶನಿಪೂಜೆ

Apr 5, 2022

ಕಾರ್ಲ : ಶ್ರೀ ಶನಿ ಕ್ಷೇತ್ರ ಕರಿಯಕಲ್ಲು ವೀರಮಾರುತಿ ಶಾಖೆ ಬಜರಂಗದಳ ಬೊಕ್ಕ ಸಾರ್ವಜನಿಕ ಪೂಜಾ ಸಮಿತಿ ಕರಿಯಕಲ್ಲು, ಕಾರ್ಲ ಮೆಕ್ಲೆನ 20ನೇ ವರ್ಷದ ಸಾರ್ವಜನಿಕ ಶ್ರೀ ಶನಿಪೂಜೆ , 9 ಏಪ್ರಿಲ್ 2022 ಶನಿಯಾರ ನಡಪರೆ ಉಂಡು.

ನಾವೂರ್ದ ಕರೆಟ್ ಗೌಜಿಡ್ ನಡಪರೆ ಉಂಡು ರಮಾನಾಥ ರೈ ಸಾರಥ್ಯೊದ ” ಬಂಟ್ವಾಳ ಕಂಬುಲ

Apr 5, 2022

ಬಂಟ್ವಾಳ : ಪೇಂಟೆದ ನಾವೂರು ಗ್ರಾಮೊಡು ನಡಪರೆ ಉಪ್ಪುನ ಕಂಬುಲ “ಬಂಟ್ವಾಳ ಕಂಬುಲ “ಪಂದ್ ಪುಗಾರ್ತೆ ಪಡೆಯರೇ ಉಂಡು ಪಂದ್ ಮಾಜಿ ಸಚಿವ ಬಿ ರಮಾನಾಥ ರೈ ಪಂಡೆರ್.

ಕಂಬುಲದ ತಯಾರಿ ಬಾರಿ ಗೌಜಿಡ್ ನಡತೊಂದು ಉಂಡು, ಕೆಲವೇ ದಿನಟ್ ಕಂಬುಲದ ತಾರೀಖ್ ಗೊತ್ತು ಮಲ್ಪುವ ಪಂದ್ ಆರ್ ನಾವೂರ್ ದ ಕಂಬುಲ ಕರೆಟ್ ಲೆತ್ತಿನ ಪತ್ರಿಕಾಗೋಷ್ಠಿಡ್ ಪಂಡೆರ್ .

ಉಂದೊಂಜಿ ವಿಶಿಷ್ಟ ಕಂಬುಲ ಆದ್ ಮೂಡ್ದು ಬರ್ರೆ ಉಂಡು ಬಾರಿ ಕಡಿಮೆ ಪೊರ್ತುಡು ಕರೆ ನಿರ್ಮಾಣ ಕಾರ್ಯ ಆದ್ ಕಂಬುಲ ನಡಪರೆ ಉಂಡು ಉಂಡು ಜಿಲ್ಲೆಡ್ ಸುರುತ ಕಂಬುಲ ಪಂದ್ ಪಂಡೆರ್ . ಇತ್ತೆ ಕಂಬುಲ ಪ್ರಿಯೆರೆಗ್ ಈ ಸುದ್ದಿ ಪೊಸ ಉಮೇದ್ ಕೊರ್ತುಂಡು ಪಂದ್ ಪಂಡಿನ ಆರ್ ಕರಿನ 18 ವರ್ಷರ್ದ್ ಬೊಕ್ಕ ಕೂಡಿಬೈಲ್ ಡ್ ಕುಡ ಕಂಬುಲ ಸುರು ಮಲ್ಪರೆ ಕಾಲ ಕೂಡ್ದು ಬೈದುಂಡು.

ಈ ಕಂಬುಲದ ಕರೆ ಹಿಂದೂ-ಮುಸ್ಲಿಂ ಬೊಕ್ಕ ಕ್ರೈಸ್ತೆರೆಗ್ ಸೇರ್ದಿನವು ಉಂದೊಂಜಿ ‘ಸೌಹಾರ್ದ ಕಂಬುಲ ಆದ್ ಮೂಡ್ದು ಬರ್ರೆ ಉಂಡು . 187 ಕೋಲು ಉದ್ದದ 8 ಕೋಲು ಅಗಲದ ಕಂಬುಲದ ಕರೆತ ಕಾಮಗಾರಿ ಕರಿನ 12 ದಿನರ್ದ್ ಆವೊಂದು ಉಂಡು.ಪತ್ರಿಕಾಗೋಷ್ಠಿಡ್ ಕಂಬಳ ಸಮಿತಿದ ಅಧ್ಯಕ್ಷರಾಯಿನ ಪಿಯುಸ್ . ಎಲ್. ರೋಡ್ರಿಗಸ್, ಮೆಲ್ವಿನ್ ಡಯಾಸ್, ಪದ್ಮಶೇಖರ್ ಜೈನ್, ಗ್ರಾಮ ಪಂಚಾಯತ ಅಧ್ಯಕ್ಷರಾಯಿನ ಉಮೇಶ್ ಕುಮಾರ್ , ಮೈಲಪ್ಪ ಸಾಲಿಯಾನ್, ಸುರೇಶ್ ಜೋರಾ, ವಿಜಯಕುಮಾರ್ ಅಲ್ಲಿಪಾದೆ , ಅವಿಲ್ ಮೆನೇಜಸ್ ಪಾಲ್ ಪಡೆದಿತ್ತೆರ್ .

ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನಡ್ ಬ್ರಹ್ಮಕಲಶದ ಗೌಜಿ : ಇನಿತ ಲೇಸ್ ದ ವಿವರ

Apr 5, 2022

ಮುಲ್ಕಿ: ಉಚ್ಚಿಲದ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನ ಜೀರ್ಣೋದ್ಧಾರ ಆದ್ ಪೊಸ ದೇಖಿಡ್ ತೋಜಿದ್ ಲಕ್ಷಾಂತರ ಭಕ್ತೆರೆನ್ ಆಕರ್ಷಣೆ ಮಲ್ತೊಂದುಂಡು. ಈ ಸಾನ್ನಿಧ್ಯಡ್ ೨೦೨೨ನೇ ಏಪ್ರಿಲ್ ೧ ಸುಕ್ರಾರೊರ್ದು ಏಪ್ರಿಲ್ ೧೫ ಸುಕ್ರಾರ ಮುಟ್ಟ ಶ್ರೀ ಮಹಾಲಕ್ಷ್ಮಿ ದೇವಿ, ಪರಿವಾರ ದೇವೆರ್‍ನ ಪುನರ್‌ಪ್ರತಿಷ್ಠೆ, ರಥೋತ್ಸವ, ಚತುಃಪವಿತ್ರ ನಾಗಮಂಡಲೋತ್ಸವದ ಲೇಸ್ ಶ್ರೀ ಕ್ಷೇತ್ರದ ತಂತ್ರಿಲು ವಿದ್ವಾನ್ ಕುಕ್ಕಿಕಟ್ಟೆ ರಾಘವೇಂದ್ರ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು.

ಏ.೫ ಅಂಗಾರೆ ಪೂರ್ಣ ನವಗ್ರಹ ಯಾಗ, ಸುಗಮಸಂಗೀತ, ಮದ್ದೆನ ಅನ್ನಸಂತರ್ಪಣೆ, ಬಯ್ಯಡ್ ಧಾರ್ಮಿಕ ಸಭೆಟ್ಟ್ ಪೇಜಾವರ ಮಠತ್ತ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮಿಲೆರ್ದ್ ಆಶೀರ್ವಚನ ಮಲ್ಪುವೆರ್. ಕು.ಅನ್ವಿತಾ ಕೋಟ್ಯಾನ್ ಮೆರೆರ್ದ್ ಭರತನಾಟ್ಯ, ಕಾಪು ನಾಲ್ಕು ಪಟ್ಣ ಮೊಗವೀರ ಮಹಿಳಾ ಮಂಡಳಿದಕ್ಲೆರ್ದ್ ನೃತ್ಯ ವೈಭವ, ಕುಡ್ಲದ ಜೈ ಮಾತಾ ಕಲಾ ತಂಡರ್ದ್ “ಒಂತೆ ಕಾಪುಲೆ’ ನಾಟಕ ಪ್ರದರ್ಶನ ನಡಪರೆ ಉಂಡು.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಳುನಾಡ ತನ್ನಾಲ್ಮೇದಾ ದಿನ

Apr 5, 2022

ಏಪ್ರಿಲ್ 5 1837 ಬಲೇ ತುಳುವೆರೇ ತುಳುನಾಡ್ ಗಾದ್ ಪ್ರಾಣ ಕೊರ್ದು ತುಳುನಾಡ್ ನ್ 13 ದಿನಾ ಸ್ವತಂತ್ರ ಮಲ್ತು ಇತ್ತಿನ ನಮ್ಮ ಹಿರಿಯಕ್ಲೆನ್ ನೆಂಪು ಮಲ್ಪುಗ

ಭಾರತ 70 ವರ್ಷ ಪಿರಾವುಡ್ ಸ್ವಾತಂತ್ರ್ಯ ಪಡೆದಿನ ನಿಕ್ಲೆಗ್ ಗೊತ್ತೇ ಉಂಡು ಆಂಡಾ 180 ವರ್ಷ ಪಿರಾವುಡೇ ದೇಶೊದ ಒಂಜಿ ಭಾಗ ಆಯಿನ ತುಳುನಾಡ್ ಸ್ವಂತಂತ್ರ್ಯ ಪಡೆದ್ ಇತ್ತಿನ ವಿಸಯ ನಿಕ್ಲೆಗ್ ತೆರಿದಿಂಡಾ.. ಅಂಧ್, ತುಳುನಾಡ್ 180 ವರ್ಷ ಪಿರಾವುಡೇ ಸ್ವಂತತ್ರ ಪಡೆದ್ ಇತ್ತುಂಡ್ ಆಂಡಾ ಈ ಸ್ವತಂತ್ರ 13 ದಿನತಾ ಮಾತ್ರ ಆದ್ ಇತ್ತುಂಡ್. ಈ ಸಂಗತಿ ನಡತಿನ 1837 ದ ಏಪ್ರೀಲ್ 5 ಗ್. ಕೆದಂಬಾಡಿ ರಾಮ ಗೌಡೆರೆನಾ ಮುಂದರಿಕೆಡ್ ಆನಿ ನಡೆತಿನ ಪೊರ್ಮ್ಬಾಟಾಡ್ ಬ್ರಿಟಿಷೆರ್ದ್ ತುಳುನಾಡ್ ಪಿರ ದೊತ್ತೊಂದು 1837 ದ ಏಪ್ರಿಲ್ 5 ಗ್ ಬಾವುಟ ಗುಡ್ಡೆಡ್ ಬ್ರಿಟಿಷ್ ದಕ್ಲೆನ ಧ್ವಜ ನ್ ತಿರ್ತ್ ಜಪ್ಪುಡಾದ್, ತುಳುನಾಡ್ ದ ಧ್ವಜ ನ್ ರಾಪದ್ ಇತ್ತೆರ್ಗೆ. 1797 ಡ್ ನಡತಿನ ಆಂಗ್ಲೋ ಮೈಸೂರು ಯುದ್ಧೋಡ್ ಅಪಗದಾ ಕೆನರಾ ಪಂಡಾ ಇತ್ತೆದ ತುಳುನಾಡ್(ಕಾಸ್ರೋಡ್, ಕುಡ್ಲ, ಒಡಿಪು ಜಿಲ್ಲೆಲು) ನ್ ಬ್ರಿಟಿಷ್ದಕ್ಲ್ ಅಕ್ಲೆನ ಸೇರಿಗೆಗ್ ಸೇರಾದ್ ಇತ್ತೆರ್ ಗೆ. ಉಂಧ್ ತುಳುನಾಡ್ ದ ಜನಕ್ಲೆಗ್ ಕೋಪ ಬರ್ಪುಲೆಕ ಮಲ್ಪಾದ್ ಇತ್ತುಂಡುಗೆ. ಆ ಸಮಯೋಡ್ ಸುಳ್ಯೊದಾ ಕೆದಂಬಾಡಿ ರಾಮ ಗೌಡೆರ್ ಸಮಾಜೋದಾ ಮುಖಂಡೆರ್ ನ್ ಸೇರಾದ್ ಬ್ರಿಟಿಷೆರ್ನ ಎದುರು ಪೊರುಮ್ಬಾಟಾಗ್ ಜಪ್ಪುಬೆರ್. ಮೊಕುಲೆಗ್ ನಂದವರಾದ ಲಕ್ಷ್ಮಪ್ಪ ಬಂಗಾರಪ್ಪ, ವಿಟ್ಲದ ಅರಸು ದೊಂಬ ಹೆಗಡೆ, ಕುಡುಮದಾ ಕುಮಾರಯ್ಯ ಹೆಗಡೆ ಕೈ ಸೇರಾವೇರ್. ಶನಿವಾರ ಸಂತೇದ ಪುಟ್ಟ ಬಸಪ್ಪೆರ್ ಬೊಕ್ಕ ಕಲ್ಯಾಣ ಸ್ವಾಮಿ ನಾ ಮುತಾಲಿಕೆಡ್ ದಂಡ್ ಕುಡ್ಲ ಸೇರ್ನಾಗ 10000 ಜನ ಒಟ್ಟು ಸೇರ್ದ್ ಇಪ್ಪುವೆರ್ಗೆ. 1837 ಏಪ್ರಿಲ್ 5 ಗ್ ಕುಡ್ಲದ ಬಾವುಟಗುಡ್ಡೆಡ್ ಬ್ರಿಟಿಷೆರ್ನಾ ಯೂನಿಯನ್ ಜ್ಯಾಕ್ ನ್ ಪೊತ್ತದ್ ಪಾಡುದ್, ತುಳುನಾಡ್ ದಾ ಕೊಡಿ ನ್ ರಾಪವೇರ್ಗೆ. ಉಂದು ಆದ್ ತುಳುನಾಡ್ 13 ದಿನ ಬ್ರಿಟಿಷೆರ್ನಾ ಆಡಳಿತರ್ದ್ ಮುಕ್ತವಾದ್ ತನ್ನನೇ ರಾಜಾಡಳಿತಡ್ ಇಪ್ಪುಂಡು. ಉಂಧ್ ಆಯ್ಬೊಕ್ಕ 13 ದಿನ ಬುರ್ದು, ಬ್ರಿಟಿಷ್ ಸೇನಾಧಿಕಾರಿ ಬ್ರಿಗೇಡಿಯರ್ ಆಲೆನ್ ಅಕ್ಲೆನ ಸೇನೆನ್ ತರ್ಪಾದ್ ಏಪ್ರಿಲ್ 19 ಗ್ ಕುಡ್ಲಗ್ ಮುತ್ತಿಗೆ ಪಾಡುವೆರ್. ಈ ಸಂದರ್ಭಡ್ ಲಕ್ಷ್ಮಪ್ಪ ಬಂಗಾರಪ್ಪ, ಮಂಜ ವೈದ್ಯ, ಗುಡ್ಡೆ ಮನೆ ಅಪ್ಪಯ್ಯ ಬ್ರಿಟಿಷೆರ್ನಾ ಕೈಕ್ ತಿಕ್ಕುದ್ ಬೂರುವೆರ್. ಅಂಚ ತಿಕ್ಕುದ್ ಬೂರ್ನಾ ಅಕ್ಲೆನ್ ಕುಡ್ಲ ಬೊಕ್ಕ ಮಡಿಕೇರಿ ಡ್ ಗಲ್ಲ್ ಗ್ ಪಾಡುವೆರ್. ತುಳುನಾಡ್ ನ್ ಬ್ರಿಟಿಷೆರ್ ಪಿರ ತನ್ನ ಆಡಳಿತದಾ ಸೇರಿಗೆ ಗ್ ಸೇರಾವೇರ್.

✍️ಜೈ ತುಳುನಾಡ್ (ರಿ)

2020-21ನೇ ಸಾಲ್ದ ಏಕಲವ್ಯ, ಜೀವಮಾನ ಸಾಧನೆ, ಕ್ರೀಡಾರತ್ನ ಪ್ರಶಸ್ತಿ ಘೋಷಣೆ

Apr 4, 2022

ಕರ್ನಾಟಕ : ಕರ್ನಾಟಕ ಸರ್ಕಾರದ ಕ್ರೀಡಾ ಇಲಾಖೆ ವತಿರ್ದ್ ಕೊರ್ಪಿನ 2020-21ನೇ ಸಾಲ್ ದ ಏಕಲವ್ಯ ಪ್ರಶಸ್ತಿ, ಜೀವಮಾನ ಸಾಧನೆ, ಕ್ರೀಡಾರತ್ನ ಬೊಕ್ಕ ಕ್ರೀಡಾ ಪೋಷಕ ಪ್ರಶಸ್ತಿ ಪುರಸ್ಕೃತರ ಪಟ್ಟಿನ್ ರೇಷ್ಮೆ, ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ ಸಚಿವ ಡಾ.ನಾರಾಯಣ ಗೌಡ ಘೋಷಣೆ ಮಲ್ತೆರ್ .

ಇನಿ ವಿಕಾಸಸೌಧಡ್ ಸುದ್ದಿಗೋಷ್ಟಿ ಮಲ್ತ್ ಪಾತೆರಿನ ಆರ್ ಕ್ರೀಡಾ ಕ್ಷೇತ್ರಡ್ ಬೇತೆ ಬೇತೆ ಸಾಧನೆ ಮಲ್ತಿನ ಕ್ರೀಡಾಪಟುಲು ಬೊಕ್ಕ ತರಬೇತುದಾರೆರೆಗ್ ಕೊರ್ಪಿನ ಕ್ರೀಡಾಪಶಸ್ತಿ ಪುರಸ್ಕೃತರ ಪಟ್ಟಿನ್ ಬುಡುಗಡೆ ಮಲ್ತೆರ್ .

ಏಕಲವ್ಯ ಪ್ರಶಸ್ತಿ 15, ಕರ್ನಾಟಕ ಕ್ರೀಡಾರತ್ನ ಪ್ರಶಸ್ತಿಗ್ 14, ಕರ್ನಾಟಕ ಕ್ರೀಡಾಪೋಷಕ ಪ್ರಶಸ್ತಿಗ್ 10 ಬೊಕ್ಕ ಜೀವಮಾನ ಸಾಧನೆ ಪ್ರಶಸ್ತಿಗ್ ರಡ್ಡ್ ಜನನ್ ಆಯ್ಕೆ ಮಲ್ದೆರ್.

ಏಕಲವ್ಯ ಪ್ರಶಸ್ತಿ ಪುರಸ್ಕೃತೆರ್ :
ಜೀವನ್ ಕೆ.ಎಸ್ : ಅಥ್ಲೆಟಿಕ್ಸ್
ನಿತಿನ್‌: ನೆಟ್‌ ಬಾಲ್‌
ಅಶ್ವಿನಿ ಭಟ್: ಬ್ಯಾಡ್ಮಿಂಟನ್
ಜಿ. ತರುಣ್ ಕಷ್ಣಪ್ರಸಾದ್: ರೋಯಿಂಗ್
ಲೋಪಮುದ್ರಾ ತಿಮ್ಮಯ್ಯ: ಬ್ಯಾಸ್ಕೆಟ್ ಬಾಲ್
ಲಿಖಿತ್ ಎಸ್.ಪಿ: ಈಜು
ಕರುಣ್ ನಾಯರ್: ಕ್ರಿಕೆಟ್
ಅನರ್ಘ್ಯ ಮಂಜುನಾಥ್: ಟೇಬಲ್ ಟೆನ್ನಿಸ್
ದಾನಮ್ಮ ಚಿಚಖಂಡಿ: ಸೈಕ್ಲಿಂಗ್
ಅಶ್ವಲ್‌ ರೈ: ವಾಲಿಬಾಲ್
ವಸುಂಧರಾ ಎಂ.ಎನ್ : ಜುಡೋ
ಪ್ರಧಾನ್ ಸೋಮಣ್ಣ: ಹಾಕಿ
ಪ್ರಶಾಂತ್ ಕುಮಾರ್ ರೈ: ಕಬಡ್ಡಿ
ರಾಧಾ .ವಿ: ಪ್ಯಾರಾ ಅಥ್ಲೆಟಿಕ್ಸ್
ಮುನೀರ್ ಬಾಷಾ: ಖೋ-ಖೋ
ಜೀವಮಾನ ಸಾಧನಾ ಪ್ರಶಸ್ತಿ
ಗಾವಂಕರ್ ಜಿ.ವಿ: ಅಥ್ಲೆಟಿಕ್ಸ್
ಕ್ಯಾಪ್ಟನ್ ದಿಲೀಪ್ ಕುಮಾರ್: ಕಯಾಕಿಂಗ್ & ಕನೋಯಿಂಗ್

ಕರ್ನಾಟಕ ಕ್ರೀಡಾ ರತ್ನ ಪ್ರಶಸ್ತಿ
ಪೂಜಾ ಗಾಲಿ: ಆಟ್ಯಾ-ಪಾಟ್ಯಾ
ಬಿ.ಎನ್. ಕಿರಣ್ ಕುಮಾರ್: ಬಾಲ್ ಬ್ಯಾಡ್ಮಿಂಟನ್
ಗೋಪಾಲ ನಾಯ್ಕ್: ಕಂಬಳ
ದೀಕ್ಷಾ. ಕೆ: ಖೋ-ಖೋ
ಶಿವಯೋಗಿ ಬಸಪ್ಪ ಬಾಗೇವಾಡಿ: ಗುಂಡುಕಲ್ಲು
ಲಕ್ಷ್ಮೀ ಬಿರೆಡೆಕರ್: ಕುಸ್ತಿ
ಪಿ. ಗೋಪಾಲಕೃಷ್ಣ: ಯೋಗ
ರಾಘವೇಂದ್ರ ಎಸ್. ಹೊಂಡದಕೇರಿ: ಪವರ್‌ ಲಿಫ್ಟಿಂಗ್
ಸಿದ್ದಪ್ಪ ಪಾಂಡಪ್ಪ ಹೊಸಮನಿ ಸಂಗ್ರಾಣಿ: ಕಲ್ಲು
ಸೂರಜ್.ಎಸ್.ಅಣ್ಣಿಕೇರಿ: ಕುಸ್ತಿ
ಶಶಾಂಕ್ ಬಿ.ಎಂ: ಪ್ಯಾರಾ ಈಜು
ಡಿ. ನಾಗರಾಜು: ಯೋಗ
ಶ್ರೀವರ್ಷಿಣಿ: ಜಿಮ್ನಾಸ್ಟಿಕ್
ಅವಿನಾಶ್‌ ನಾಯ್ಕ: ಜುಡೋ

ಕ್ರೀಡಾ ಪೋಷಕ ಪ್ರಶಸ್ತಿ

ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಎಜುಕೇಷನಲ್‌ ಟ್ರಸ್ಟ್, ಉಜಿರೆ: ದಕ್ಷಿಣಕನ್ನಡ

ರಾಜೀವ್ ಗಾಂಧಿ ಆರೋಗ್ಯ ವಿಜ್ಞಾನ ವಿಶ್ವ ವಿದ್ಯಾಲಯ: ಬೆಂಗಳೂರು

ಆರ್. ವಿ. ತಾಂತ್ರಿಕ ಮಹಾವಿದ್ಯಾಲಯ: ಬೆಂಗಳೂರು

ಹೂಡಿ ಸ್ಪೋರ್ಟ್ಸ್ ಕ್ಲಬ್: ಬೆಂಗಳೂರು

ಶ್ರೀ ಬಾಲಮಾರುತಿ ಸಂಸ್ಥೆ: ಧಾರವಾಡ

ಎಮಿನೆಂಟ್ ಶೂಟಿಂಗ್ ಹಬ್: ಬೆಂಗಳೂರು

ಬಾಲಾಂಜನೇಯ ಜಿಮ್ನಾಸಿಯಂ (ರಿ.): ಮಂಗಳೂರು

ಬಸವನಗುಡಿ ಅಕ್ವಾಟಿಕ್ ಸೆಂಟರ್: ಬೆಂಗಳೂರು

ದ್ರಾವಿಡ್‌ ಪಡುಕೋಣೆ ಅಕಾಡೆಮಿ: ಬೆಂಗಳೂರು

ಪಿಪಲ್ ಎಜುಕೇಷನ್‌ ಟ್ರಸ್ಟ್ : ಮಂಡ್ಯ

tuluvaarte

ಇನಿ ಬಿಜೆಪಿ ಸಂಸ್ಥಾಪನ ದಿನ; ಕಾರ್ಯಕರ್ತೆರ್ ಬೊಕ್ಕ ಮುಖಂಡರೆನ್ ಉದ್ದೇಶಿಸಾದ್ ಭಾಷಣ ಮಲ್ಪರೆ ಉಲ್ಲೆರ್ ಪ್ರಧಾನಿ

ಸಂಗೀತ ನಿರ್ದೇಶಕೆರ್ ವಿಜಯ್ ಪ್ರಕಾಶ್‌ ಉಚ್ಚಿಲಗ್

ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ಸನ್ನಿಧಿ ಬಡವೆರೆಗ್ ಸ್ಪಂದನೆ ಕೊರ್ಪಿನ ಕ್ಷೇತ್ರ ಆವಡ್ : ಕೇಮಾರುಶ್ರೀ

ಕಾರ್ಲದ ಸುರುತ “ರೂಫ್ ಟಾಪ್ ಫ್ಯಾಮಿಲಿ ಬಾರ್ & ರೆಸ್ಟೋರೆಂಟ್ ಉದಿಪನ

ಸಾಣೂರು ಮುರತಂಗಡಿಡ್ ಅಪಘಾತ : ತೀರ್ ಪೋಯಿನ ಬೈಕ್ ಸವಾರೆ

ಶ್ರೀ ಶನಿ ಕ್ಷೇತ್ರ ಕರಿಯಕಲ್ಲು ವೀರಮಾರುತಿ ಶಾಖೆ ಬಜರಂಗದಳ: ಸಾರ್ವಜನಿಕ ಶ್ರೀ ಶನಿಪೂಜೆ

ನಾವೂರ್ದ ಕರೆಟ್ ಗೌಜಿಡ್ ನಡಪರೆ ಉಂಡು ರಮಾನಾಥ ರೈ ಸಾರಥ್ಯೊದ ” ಬಂಟ್ವಾಳ ಕಂಬುಲ

ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನಡ್ ಬ್ರಹ್ಮಕಲಶದ ಗೌಜಿ : ಇನಿತ ಲೇಸ್ ದ ವಿವರ

ತುಳುನಾಡ ತನ್ನಾಲ್ಮೇದಾ ದಿನ

2020-21ನೇ ಸಾಲ್ದ ಏಕಲವ್ಯ, ಜೀವಮಾನ ಸಾಧನೆ, ಕ್ರೀಡಾರತ್ನ ಪ್ರಶಸ್ತಿ ಘೋಷಣೆ

You Missed

ಅಗತ್ಯ ವಸ್ತುಲೆನ ಬಿಲೆ ಎಚ್ಚ ಮಲ್ದಿನೆಕ್ಕ್ ಹೈಕೋರ್ಟ್ ಅಸಮಾಧಾನ

ಇನಿ ಥಾಣೆಡ್ ಶ್ರೀ ಚಾಮುಂಡೇಶ್ವರಿ ಕ್ಷೇತ್ರದ ದೈವ ಕೋಲದ ಲೆಪ್ಪೋಲೆ ಬುಡುಗಡೆ

ಬೈಕ್‌ಗ್ ಖಾಸಗಿ ಬಸ್ ಎಡ್ತ್‌ದ್ ಒರಿಯನ ಮರಣ, ಕುಡೊರಿಯಗ್ ಮಲ್ಲ ಪೆಟ್ಟ್

ಸಿನಿಮಾ ನಟೆ ವಿನೀತ್ ಬೊಕ್ಕ ಫ್ರೆಂಡ್ಸ್‌ನ ಪೊಸ ಉದ್ಯಮ “ವಿಕೆ ಕೋಸ್ಟಲ್ ವೆಂಚರ್ಸ್‌” ಉದಿಪನ