ಶ್ರೀ ಸಸಿಹಿತ್ಲು ಭಗವತಿ ತೀಯಾ ಸಂಘ (ರಿ.) ಮುಂಬಯಿ : 67 ನೇ ವಾರ್ಷಿಕ ಮಹಾಪೂಜೆ
ಬೊಂಬಾಯಿ : ಶ್ರೀ ಭಗವತಿ ಕೃಪಾ ಸರ್ವೋದಯ ನಗರ ಭಾಂಡುಪ್ ಮುಲ್ಪದ 67ನೇ ವಾರ್ಷಿಕ ಮಹಾಪೂಜೆ ತಾರೀಖ್ 02-04-2022ನೇ ಶನಿಯಾರ ದಾನಿ ಭಾಂಡುಪ್ ಪಶ್ಚಿಮದ ಎಲ್.ಬಿ.ಎಸ್. ಮಾರ್ಗ, ಶಾಂಗ್ರಿಲ್ಲಾ ಬಿಸ್ಕೆಟ್ ಕಂಪನಿ, ಸ್ವಾಮಿ ನಿತ್ಯಾನಂದ ಮಂದಿರ ಮಲ್ಪ ನಡತ್oಡ್.
ಆ ನೆಲೆಟ್ಟ್ ಕಾಂಡೆ 8.30ರ್ದ್ ಗಣಹೋಮ, ಮಧ್ಯಾಹ್ನ 3.00ಕ್ ಸಂಸ್ಥೆದ ಪ್ರಧಾನ ಅರ್ಚಕೆರಾಯಿನ ಸದಾಶಿವ ಕುಂದರ್ ಮೆರೆರ್ದ್ ಕಲಶ ಪ್ರತಿಷ್ಠೆ ಅಲಂಕಾರ ಪೂಜೆ, ಬಯ್ಯಗ್ 4.00 ರ್ದ್ ಭಾಂಡುಪ್ ಶ್ರೀ ಕೃಷ್ಣ ಪ್ರಸಾದಿತ ಸ್ವಾಮಿ ನಿತ್ಯಾನಂದ ಭಜನಾ ಮಂಡಳಿದಕ್ಲೆನೆರ್ದ್ ಭಜನಾ ಲೇಸ್ ನಡತ್oಡ್ ಅವ್ವೆ ದಿನ ಬಯ್ಯ 5.00 ಗಂಟೆರ್ದ್ ಮಹಿಳಾ ವಿಭಾಗದ ಸದಸ್ಯೆರೆರ್ದ್ ಮಂಜಲ್ ಕುಂಕುಮ 6.00 ಗಂಟೆರ್ದ್ ಧಾರ್ಮಿಕ ಸಭೆ ನಡತ್oಡ್ .ಚಂದ್ರಹಾಸ ಕೆ. ಪಾಲನ್ ಲೇಸ್ ದ ಗುರ್ಕಾರ್ಮೆ ವಹಿಸ್ ದಿತ್ತೆರ್.
ಅವ್ವೆ ದಿನ ಸಂಸ್ಥೆದ ಪೆರಿಯರಾಯಿನ , ಅಜೀವ ಗೌರವ ಗುರ್ಕಾರ್ಲಾಯಿನ ಲಾಜರ್ ಟಿ.ಎಮ್. ಕೋಟ್ಯಾನ್ ಮೆರೆಗ್ ಮಾನದಿಗೆ ನಡತ್oಡ್.
ಧಾರ್ಮಿಕ ಸಭೆರ್ದ್ ಬೊಕ್ಕ ರಾತ್ರಿ 7.00 ಗಂಟೆರ್ದ್ ಬಲಿ ಉತ್ಸವ,8.00 ಗಂಟೆಗ್ ಮಹಾ ಮಂಗಳಾರತಿ ಐರ್ದ್ ಬೊಕ್ಕ ಅನ್ನಸಂತರ್ಪಣೆ ನಡತ್oಡ್ .
