Tulunaad

ಮಹಾನಗರ ಪಾಲಿಕೆರ್ದ್ ಸಹಾಯಧನಗ್ ಅರ್ಜಿ ಲೆಪ್ಪೋಲೆ

ಕುಡ್ಲ : ಕುಡ್ಲದ ಮಹಾನಗರ ಪಾಲಿಕೆದ ನಗರ ಬಡತನ ನಿರ್ಮೂಲನಾ ಕೋಶಡ್ 2021-22ನೇ ಸಾಲ್ ಡ್ ವ್ಯಕ್ತಿ ಸಂಬಂಧಿ ಲೇಸ್ ಡ್ ಬೇತೆ ಬೇತೆ ಸೌಲಭ್ಯಗಾದ್ ಅರ್ಹರೆರ್ದ್ ಅರ್ಜಿ ಲೆಪ್ಪೋಲೆ ಲೈದೆರ್ .

ಶೇ. 24.10 ನಿಧಿತ ಪರಿಶಿಷ್ಟ ಜಾತಿ ಬೊಕ್ಕ ಪರಿಶಿಷ್ಟ ಪಂಗಡ ಕಲ್ಯಾಣ ಕಾರ್ಯಕ್ರಮದಡಿ ಪಕ್ಕಾ ಇಲ್ಲ್ ನಿರ್ಮಾಣ, ಇಲ್ಲ್ ದುರಸ್ತಿ, ಶಸ್ತ್ರ ಚಿಕಿತ್ಸೆ ಅತ್ತoದೆ ವೈದ್ಯಕೀಯ ವೆಚ್ಚಗ್ , ಎಲ್ಯ ಉದ್ದಿಮೆ ಸಹಾಯಧನ, ಬೇತೆ ಬೇತೆ ಹಂತಡ್ ಕಲ್ತೊಂದು ಉಪ್ಪುನ ಜೋಕುಲು ಈ ಸೌಲಭ್ಯ ಪಡೆಯೊಲಿ.

ಶ್ರೀ ಜಲದುರ್ಗಾದೇವೀ ದೇವಸ್ಥಾನ ಪೆರುವಾಜೆ ಶ್ರೀ ಕ್ಷೇತ್ರಡ್ ಕುರಲ್ ಪರ್ಬ

ಪೆರುವಾಜೆ :ಶ್ರೀ ಜಲದುರ್ಗಾದೇವೀ ದೇವಸ್ಥಾನ ಪೆರುವಾಜೆ ಶ್ರೀ ಕ್ಷೇತ್ರಡ್ತಾರೀಖ್ 09-09-2021ನೇ ಗುರುವಾರ ಕಾಂಡೆ ಗಂಟೆ 07-30ಕ್ ಕುರಲ್ ಪರ್ಬ ಕದಿರು ಕಟ್ಟುನ ) ನಡಪರೆ ಉಂಡು.

ಅಂಚನೇ ತಾರೀಖ್ 10-09-2021ನೇ ಶುಕ್ರವಾರ ಗಣೇಶ ಚತುರ್ಥಿ ಪ್ರಯುಕ್ತ
ಕಾಂಡೆ ಗಂಟೆ 09-00ಗ್ ಗಣಪತಿ ಹೋಮ ಮದ್ಯಾಹ್ನ ವಿಶೇಷ ಪೂಜೆ ನಡಪರೆ ಉಂಡು.

.ವಿ.ಸೂ.ಗಣೇಶ ಚತುರ್ಥಿ ಪ್ರಯುಕ್ತ ಅಪ್ಪಕಜ್ಜಾಯ ಸೇವೆ
ಮಲ್ಪುನ ಭಕ್ತಾದಿಲು ದೇವಾಲಯದ ಕಛೇರಿಗ್ ಒಂಜಿ ದಿನ ದುಂಬೇ ಬತ್ದ್ ತೆರಿಪಾವೊಡು ಪಂದ್ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ಶ್ರೀ ಪದ್ಮನಾಭ ಶೆಟ್ಟಿ ತೆರಿಪಾದೆರ್.

ಭಕ್ತಿ ಗಾಯನ ಪಂಥೊ 2021 ಡ್ ಪಾಲ್ ಪಡೆಲೆ

ಸುಂಕದಕಟ್ಟೆ :ಇಂಚರ ಮೆಲೋಡಿಸ್ ಸುಂಕದಕಟ್ಟೆ, ಬಜಪೆ , ಗ್ಲೋ ಡೆಕೊರೇಟರ್ಸ್ ಕೆಸರುಗದ್ದೆ ಅಂಚೆನೇ ನಮ್ಮ ಜವನೆರ್, ಮಂಜನಕಟ್ಟೆ ಮೊಕ್ಲೆನ ಜಂಟಿ ಆಶ್ರಯೊಡು ದಸರಾ ಪರ್ಬದ ಲೆಕ್ಕೊಡು “ಭಕ್ತಿ ಗಾಯನ ಪಂಥೊ -2021 ಅಟ್ಟಣೆ ಮಲ್ದೆರ್.
ಈ ಪಂಥೊಡು 6 ರಿಂದ 10 ಹಾಗೂ 11 ರಿಂದ 15 ವರ್ಷ ಪ್ರಾಯದ ಜೋಕುಲು ಪಾಲ್ ಪಡೆವೊಲಿ.
ಈ ಪಂಥೊ ಆನ್ ಲೈನ್ ಡ್ ನಡಪುಂಡು.
ಆಸಕ್ತಿ ಇತ್ತಿನಕುಲು ಪ್ರವೇಶ ಶುಲ್ಕ 50 ರೂಪಾಯಿನ್ ಗೂಗಲ್ ಪೇ ಮಲ್ಪೊಡು. (9632508494)
ಗಾಯನದ ವೀಡಿಯೋ ಕಡಪುಡರೆ 30-9-2021 ಕಡೆತ್ತ ದಿನ.
ಹೆಚ್ಚಿನ ಮಾಹಿತಿ ಬೋಡಾಂಡ ಫೋನ್ ಮಲ್ಪುಲೆ.
7760904262

ಬೇತೆ ಬೇತೆ ಅಭಿವೃದ್ಧಿ ಯೋಜನೆಗ್ ಚಾಲನೆ

ಕುಡ್ಲ : ಬೇತೆ ಬೇತೆ ಅಭಿವೃದ್ಧಿ ಯೋಜನೆಗ್ ಮುಲ್ಕಿ ಮೂಡಬಿದಿರೆ ಕ್ಷೇತ್ರದ ಶಾಸಕ ಉಮಾನಾಥ್ ಕೋಟ್ಯಾನ್ ಚಾಲನೆ ಕೊರಿಯೆರ್ .

ಅತಿಕಾರಿಬೆಟ್ಟು ಗ್ರಾಮ ಪಂಚಾಯತ್ದ ಮಹಾತ್ಮಾಗಾಂಧಿ ರಾಷ್ಟ್ರೀಯ ಉದ್ಯೋಗ ಖಾತ್ರಿ ಯೋಜನೆದಡಿಟ್ ಸುಮಾರ್ 13 ಲಕ್ಷ ರೂ ಅನುದಾನಡ್ ನಿರ್ಮಾಣಆಯಿನ ಸಂಜೀವಿನಿ ಕಟ್ಟಡ, ಮುಖ್ಯಮಂತ್ರಿ ಗ್ರಾಮ ವಿಕಾಸ ಯೋಜನೆದ ಅಡಿಟ್ 12 ಲಕ್ಷ ರೂ ಅನುದಾನಡ್ ನಿರ್ಮಾಣವಾಯಿನ ಶಾಂಭವಿ ಬಯಲು ರಂಗ ಮಂದಿರ ಬೊಕ್ಕ ಸುಮಾರು 10 ಲಕ್ಷ ರೂ ಅನುದಾನಡ್ ಕಟ್ಟಿನ ಘನತ್ಯಾಜ್ಯ ನಿರ್ವಹಣಾ ಘಟಕನ್ ಉಮಾನಾಥ್ ಕೋಟ್ಯಾನ್ ಉದಿಪನ ಮಲ್ತೆರ್.

ದುರ್ಗಾವಾಹಿನಿ ವತಿರ್ದ್ ಜಾಗ್ರತಿ ಲೇಸ್

ಕುಡ್ಲ : ವಿಶ್ವ ಹಿಂದು ಪರಿಷದ್ ದುರ್ಗಾವಾಹಿನಿ ವತಿರ್ದ್ ಪೊಣ್ಣುಲೆನ ಮಿತ್ತ್ ಆಪಿನ ಶೋಷಣೆ ಖಂಡಿಸಾದ್ ಅಂಚನೇ ಪೊಂಜೊವ್ಲೆನ ಸುರಕ್ಷತೆದ ಬಗ್ಗೆ ಜಾಗೃತಿ ಮೂಡಾಯೆರೆ ಅಂಚನೇ ಕುಡ್ಲ ಕಮಿಷನರ್ ವ್ಯಾಪ್ತಿಡ್ ಪೊಂಜೊವ್ಲೆನ ರಕ್ಷಣೆಗ್ ಟಾಸ್ಕ್ ಫೋರ್ಸ್ ಕಟ್ಟೆರೆ ಕುಡ್ಲದ ಮಲ್ಲಿಕಟ್ಟೆದ ಕದ್ರಿ ದ್ವಾರದ ಕೈತಲ್ ಫಲಕ ಪತ್ತ್ ದ್ ಜಾಗೃತಿ ಲೇಸ್ ನಡತುಂಡು.

ಶಿಕ್ಷಣ, ಯೋಗ ಬೊಕ್ಕ ನೃತ್ಯ ಕ್ಷೇತ್ರಡ್ ಬೆನ್ನಿ ಬೆಂತಿನ ಶಿಕ್ಷಕ ,ಶಿಕ್ಷಕಿಯೆರೆಗ್ ಮಾನದಿಗೆ

ಬೆಂಗ್ಳೂರು : ರಾಜರಾಜೇಶ್ವರಿ ನಗರಡ್ ಕರ್ನಾಟಕ ರಾಜ್ಯ ವಿಪ್ರ ಪೋಟೋ ಬೊಕ್ಕ ವಿಡಿಯೋಗ್ರಾಫರ್ ಅಸೋಸಿಯೇಷನ್ ವತಿರ್ದ್ ಶಿಕ್ಷಕರ ದಿನಾಚರಣೆ ಪ್ರಯುಕ್ತ ಶಿಕ್ಷಣ ,ಯೋಗ ಬೊಕ್ಕ ನೃತ್ಯ ಕ್ಷೇತ್ರಡ್ ಬೆನ್ನಿ ಬೆಂತಿನ ಶಿಕ್ಷಕ ,ಶಿಕ್ಷಕಿಯೆರೆಗ್ ಮಾನದಿಗೆ ಮಲ್ಪುನ ಲೇಸ್ ಅಟ್ಟನೆ ಮಲ್ತಿತ್ತೆರ್.

ತುಡರ್ ಅರ್ಲಾದ್ ಲೇಸ್ ನ್ ಶ್ರೀ ಯೋಗ ಬೊಕ್ಕ ಸಾಂಸ್ಕೃತಿಕ ಅಕಾಡೆಮಿ ಸಂಸ್ಥಾಪಕ ಬಿ.ಕೆ.ರಮೇಶ್ ಬೊಕ್ಕ ಶಿಕ್ಷಕ ವೃಂದದಕುಲು ಉದಿಪನ ಮಲ್ತೆರ್.

ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ನಿವೃತ್ತ ಶಿಕ್ಷಕ ಮಲ್ಪೆ ರಾಘವೇಂದ್ರೆರೆಗ್ ಮಾನದಿಗೆ

ಒಡಿಪು :- ಶಿಕ್ಷಕರ ದಿನಾಚರಣೆದ ಪರವಾದ್ ಹಿರಿಯಡಕದ ಹಿರಿಯ ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ನಿವೃತ್ತ ಶಿಕ್ಷಕ ಮಲ್ಪೆ ರಾಘವೇಂದ್ರ ಮಾಸ್ಟ್ರೆನ್ ಆರ್ನ ಇಲ್ಲಡ್ ಮಾನದಿಗೆ ಮಲ್ತೆರ್.

ಐರ್ದ್ ಬೊಕ್ಕ ಪಾತೆರಿನ ಆರ್ ಕಲ್ಪಾರ್ತಿಲು ಸಮಾಜದ ಕಣ್ಣ್ ಇತ್ತಿಲಕ ಜೋಕುಲು ಪ್ರಮಾಣಿಕತನ, ನಿಷ್ಟೆ ಪರೋಪಕಾರ ಗುಣಕ್ಲೆನ್ ಬುಳೆಪಾವೊಡು . ಯೆರೆಗ್ಲಾ ಕಂಡೆರೆ ಆವಂದಿನ ಸಂಪತ್ತ್ ವಿದ್ಯೆ ಇಂಚಾದ್ ಕಲ್ಪುನ ಪ್ರವೃತ್ತಿ ನಿರಂತರವಾದ್ ಉಪ್ಪಡ್ ಪಂದ್ ಪಂಡೆರ್ .

ನಿವೃತ್ತ ಶಿಕ್ಷಕಿ ರತ್ನ ಮಲ್ಪೆ ರಾಘವೇಂದ್ರ, ಹಿರಿಯಡಕ ಬಿಲ್ಲವ ಸಂಘದ ಕಾರ್ಯದರ್ಶಿ ರವೀಂದ್ರ ಪೂಜಾರಿ, ಮಾಹೆ ಮಣಿಪಾಲ ಅಧಿಕಾರಿ ನಾಗರಾಜೇಂದ್ರ ಎಂ.ಎರ್,ನಳಿನಾ ಪ್ರಮೋದ್, ಯುವ ಲೇಖಕ ರಾಘವೇಂದ್ರ ಪ್ರಭು,ಕರ್ವಾಲು, ಸೌಮ್ಯ ಬೊಕ್ಕ ಇಲ್ಲದಕುಲು ಪಾಲ್ ಪಡೆದಿತ್ತೆರ್.

ಪುತ್ತಿಗೆ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದೆರೆರ್ದ್ ತಪ್ತಮುದ್ರಾಧಾರಣೆ

ಅಮೆರಿಕ : ನ್ಯೂಜೆರ್ಸಿಡ್ ಚಾತುರ್ಮಾಸ ವೃತಾ ಮಲ್ತೊಂದು ಉಪ್ಪುನ ಪುತ್ತಿಗೆ ಮಠಾಧೀಶೆರಾಯಿನ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದೆರ್ ವಾರಾಂತ್ಯಡ್ ಸುದರ್ಶನ ಹೋಮ ಪೂರ್ವಕ ತಪ್ತಮುದ್ರಾಧಾರಣೆನ್ ಪ್ರದಾನ ಮಲ್ತೆರ್.

ಹರೀಶ್ ಗೌಡರೆನ ಪುದರ್ ಪಲವೆ ಉದಿಪನ

ಕುಡ್ಲ : ತಾರೀಖ್ 5-9-21 ನೇ ಐತಾರ ಬೈಯ್ಯಗ್ 6:00 ಗಂಟೆಗ್ ಮಾನ್ಯ ಮೀನುಗಾರಿಕೆ ಬಂದರು ಬೊಕ್ಕ ಒಳನಾಡು ಜಲಸಾರಿಗೆ ಸಚಿವೆರ್ ಅಂಚನೇ ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವೆರಾಯಿನ ಶ್ರೀ ಎಸ್ ಅಂಗಾರ ಮೇರ್ ಹರೀಶ್ ಗೌಡ ಏಂತಡ್ಕ ಮೆರೆನ ಇಲ್ಲಗ್ ಪುದರ್ ಪಲವೆ ಪಾಡುನ ಲೇಸ್ ಡ್ ಪಾಲ್ ಪಡೆದೆರ್ .

ಕಾರ್ಯಕರ್ತ ಬಂಧುಲು ಈ ಲೇಸ್ ಡ್ ಪಾಲ್ ಪಡೆಯಿನೆಕ್ಕ್ ಸಮಿತಿ ಗುರ್ಕಾರ್ಲು ಬೊಕ್ಕ 1 (57 ನೇ ಬೂತ್ ದ ಸದಸ್ಯೆರ್ ಸೊಲ್ಮೆ ಸಂದೈತ ಮಲ್ತೆರ್