Tulu News

ಟ್ವಿಟ್ಟರ್‌ಡ್ ಅಭಿಯಾನ; ಅಭಿಮಾನಿಲೆನ ಅಭಿಯಾನಗ್ ಪುನೀತ್ ರಾಜಕುಮಾರ್‌ರೆನ ಖಾತೆಗ್ ಪಿರ ತಿಕ್ಕ್ಂಡ್ ‘ಬ್ಲೂ ಟಿಕ್’

Jul 19, 2022

ಬೆಂಗ್ಲೂರು : ಪುಗರ್ತೆ ಪಡೆತಿನ ನಟೆ ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ತೀರ್ದ್ ಕೆಲವು ತಿಂಗೊಲು ಆಂಡಲಾ ಜನಕ್ಲೆನ ಮನಸ್ಸ್‌ಡ್ ನನಲಾ ಉಲ್ಲೆರ್. ಆಂಡ ಟ್ವಿಟ್ಟರ್ ಮಲ್ತಿನ ಬೇಲೆರ್ದ್ ಜನಕ್ಲೆಗ್ ಬೆಚ್ಚ ಆದಿತ್ತ್ಂಡ್.

ಟ್ವಿಟ್ಟರ್ ಸಂಸ್ಥೆ ಸೆಲೆಬ್ರಿಟಿಲೆಗ್ ಬ್ಲೂ ಟಿಕ್ (ನೀಲಿ ಗುರ್ತದ ಗೌರವ) ಕೊರ್ಪುಂಡು. ಅಂಚೆನೆ ಪುನೀತ್ ರಾಜಕುಮಾರ್ ಮೆರೆಗ್ಲಾ ಕೊರ್ದಿತ್ತ್ಂಡ್. ಆಂಡ ಆರ್ ತೀರಿ ಬೊಕ್ಕ ಬ್ಲೂ ಟಿಕ್‌ನ್ ಪಿರ ದೆತೊಂದಿತ್ತಂಡ್. ಇಂದೆರ್ದ್ ಬೆಚ್ಚ ಆಯಿನ ಜನಕುಲು ಟ್ವಿಟ್ಟರ್‌ಡ್ #verifypuneethrajkumaartwitter ಪಂದ್ ಒಂಜಿ ಅಭಿಯಾನನ್ ಸುರು ಮಲ್ತ್ ದಿತ್ತೆರ್. ಉಂದೆಕ್ ಪ್ರತಿಯಾದ್ ಟ್ವಿಟ್ಟರ್ ಪುನೀತ್ ರಾಜಕುಮಾರ್‌ರೆನ ಅಕೌಂಟ್‌ಗ್ ಪಿರ ಬ್ಲೂ ಟಿಕ್ ಪಾಡ್ದ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲಡ್ ಕಮ್ಮಿ ಆಂಡ್ ನೀರ್ ದ ಬಿಲೆ; ಫಲ ಕೊರ್ಂಡ್ ಶಾಸಕೆರ್ ವೇದವ್ಯಾಸ ಕಾಮತೆರ್ನ ಪ್ರಯತ್ನ

Jul 19, 2022

ಕುಡ್ಲ: ಶಾಸಕೆರ್ ಡಿ. ವೇದವ್ಯಾಸ ಕಾಮತೆರ್ನ ಪ್ರಯತ್ನದ ಫಲವಾದ್ ಕುಡ್ಲಡ್ ನೀರ್ ದ ಬಿಲೆ ಎಚ್ಚ ಮಲ್ಪುನೆಕ್ಕ್ ತಡೆ ಬೈದ್ಂಡ್. ಅಂಚಾದ್ ಕುಡ್ಲದ ಜನಕುಲು ಕುಷಿಯಾತೆರ್.

ಕುಡ್ಲ ಮಹಾನಗರ ಪಾಲಿಕೆಡ್ ಬಿಜೆಪಿ ಅಧಿಕಾರಗ್ ಬತ್ತಿಬೊಕ್ಕ ನೀರ್ ದ ಬಿಲೆ ಎಚ್ಚ ಆತಿನ ಬಗೆಟ್ ಮಸ್ತ್ ಚರ್ಚೆಲು ನಡತ್ ದಿತ್ತ್ಂಡ್. ಆಂಡ ಪಾಲಿಕೆದ ಸಭೆಟ್ ಗೃಹ ಬಳಕೆದ ನೀರ್ ದ ಬಿಲೆನ್ ಎಚ್ಚ ಮಲ್ತಿಜ್ಜಾಂಡ್. ಬದಲ್ ಗ್ ವಾಣಿಜ್ಯ ಬಳಕೆದ ನೀರ್ ದ ಬಿಲೆನ್ ಎಚ್ಚ ಮಲ್ತಿತ್ತೆರ್. ಗೃಹ ಬಳಕೆಯ 20 ಸಾರ ಲೀಟರ್ ನೀರ್ ಗ್ 100 ರೂಪಾಯಿ ಇತ್ತಿನ ಕಾಸ್ ನ್ ಒರನೇ 174 ರೂ. ಗ್ ಎಚ್ಚ ಮಲ್ತಿತ್ತೆರ್. ಆಡಳಿತಾಧಿಕಾರಿರ್ದ್ ಕಾಸ್ ಎಚ್ಚ ಆತ್oಡ್ ಪನ್ಪಿನ ಬಿಜೆಪಿ ಪ್ರತಿನಿಧಿಲೆನ ಪಾತೆರನ್ ಯೇರ್ಲಾ ಕೇನಿಜೆರ್. 74 ರೂಪಾಯಿ ಎಚ್ಚ ಆತಿನೆಡ್ದ್ ಬಿಜೆಪಿ ಕಾರ್ಪೋರೇಟರ್ ನಕುಲು ಜನಕ್ಲೆನ ಎದುರು ವಿಲನ್ ಆದ್ ತೋಜಿದಿತ್ತೆರ್.

ರಾಜ್ಯಡ್ ಬಿಜೆಪಿ ಸರ್ಕಾರ ಅಂಚನೆ ಪಾಲಿಕೆಡ್ ಬಿಜೆಪಿ ಆಡಳಿತಡ್ ಇತ್ತ್oಡಲ ನೀರ್ ದ ಬಿಲೆನ್ ಕಮ್ಮಿ ಮಲ್ಪರೆ ಸಾಧ್ಯ ಆಯಿಜಿ. ಪಾಲಿಕೆದ ಪ್ರಸ್ತಾಪಗ್ ರಾಜ್ಯ ಸರ್ಕಾರ ಒವ್ವೆ ರೀತಿದ ಮನ್ನಣೆ ಕೊರ್ತಿಜಿ ಪನ್ಪಿನ ಟೀಕೆಲ ಬತ್ತ್ ದಿತ್ತ್oಡ್. ಈ ಬಗೆಟ್ ಶಾಸಕೆರ್ ವೇದವ್ಯಾಸ್ ಕಾಮತ್ ಮೇರ್ ತಿರಸ್ಕಾರ ಆದಿತ್ತಿನ ಪ್ರಸ್ತಾಪಗ್ ಕುಡ ಜೂವಕಳೆ ಕೊರಿಯೆರ್. ನೀರ್ ದ ಬಿಲೆ ಎಚ್ಚ ಅತಿನೆಡ್ದಾವರ ಆಡಳಿತ ಪಕ್ಷ ಎದುರಿಸಾವುನ ಟೀಕೆ ಬೊಕ್ಕ ಜನಕ್ಲೆಗ್ ಆಪಿನ ಕಷ್ಟದ ಬಗೆಟ್ ಸರಕಾರಗ್ ಸರಿಯಾಯಿನ ವರದಿ ಕೊರಿಯೆರ್. ಆರ್ನ ವರದಿಗ್ ರಾಜ್ಯ ಸರ್ಕಾರ ಉತ್ತರ ಕೊರ್oಡ್. ಅಂಚಾದ್ ನೀರ್ ದ ಬಿಲೆ 174 ಲೆಡ್ದ್ 100 ರೂಪಾಯಿಗ್ ಕಮ್ಮಿಯಾತ್oಡ್. ಆಡಳಿತಾಧಿಕಾರಿ 174 ರೂ.ಗ್ ಎಚ್ಚ ಮಲ್ತ್oಡ ಆಡಳಿತಗಾರೆರ್ ಅವೆನ್ 140 ರೂಪಾಯಿಗ್ ನಿಗದಿ ಮಲ್ತ್ ದಿತ್ತೆರ್. ಆಂಡಲ ಉಂದೆನ್ ಲೆಕ್ಕಗ್ ದೆತೊನಂದಿನ ಸರ್ಕಾರ ಇತ್ತೆ 74 ರೂಪಾಯಿಗ್ ಕಮ್ಮಿ ಮಲ್ತ್ ದ್oಡ್. ಈ ವಿಚಾರೊಡು ಶಾಸಕೆರ್ ವೇದವ್ಯಾಸ ಕಾಮತ್ ಮೇರ್ನ ಹೋರಾಟ ಯಶಸ್ವಿಯಾತ್oಡ್.

MLA Vedavyasa Kamaths’s efforts- water bill to continue at the same rate

Mangalore: The water charges in Mangalore was set to increase,but the untiring efforts by MLA Vedavyasa Kamath has put this on hold and the charges as of now will continue at the same rate.

This has Mangloreans all smiles.When the BJP came to power discussion were made to increase the water charges.But the Mangalore corporation only increased the rate of the commercial water charges. The rate for home consumption charges was recently increased from rupees 100 for 20,000 litres to rupees 174 which drew a lot of flake from the public.

But MLA Vedavyasa Kamath pursued the matter in the state level and sent in a report about the difficulty faced by the consumers and the effect it will have on the government.

Now the charge has been brought back to rupees 100 which was the prevailing rate before.Thus Vedavyasa Kamath’s efforts have been successful.

ಸರ್ಕಾರ ನಡಪಾಯರೆ ಜನಕ್ಲೆನ ಕಿಸೆಕ್ ಕತ್ತರಿ ಪಾಡೊಂದು ಉಂಡು: ಜಿಎಸ್ ಟಿ ವಿರುದ್ಧ ಸ್ವರ ಲಕ್ಕಾಯಿನ ಯು.ಟಿ ಖಾದರ್

Jul 19, 2022

ಕುಡ್ಲ: ಅರಿ, ಗೋಧಿ, ಬೆಲ್ಲ, ತಿಗತ್ತ ನೆಯಿ, ಪೆನ್ಸಿಲ್ ಸೇರಿನಂಚನೆ ಅಗತ್ಯ ವಸ್ತುಲೆನ ಮಿತ್ತ್ ಜಿಎಸ್ ಟಿ ಪಾಡುನ ಮುಖೇನ ಬಿಜೆಪಿ ಸರ್ಕಾರ ಜನಕ್ಲೆನ್ ಲೂಟಿ ಮಲ್ತ್ ದ್ ಕಾಸ್ ಮಲ್ಪುನ ಪ್ರಯತ್ನ ನಡತೊಂದ್ ಉಂಡು. ಸರ್ಕಾರ ನಡಪಾಯರೆ ಜನಕ್ಲೆನ ಕಿಸೆಕ್ ಕತ್ತರಿ ಪಾಡೊಂದು ಉಂಡು ಪoದ್ ಶಾಸಕ ಯು. ಟಿ ಖಾದರ್ ಸ್ವರ ಲಕ್ಕಾಯೆರ್.

ದ.ಕ.ಜಿಲ್ಲಾ ಕಾಂಗ್ರೆಸ್ ಕಚೇರಿಡ್ ಸುದ್ದಿಗೋಷ್ಠಿಡ್ ಪಾತೆರ್ದಿನ ಆರ್, ಮಾನವೀಯತೆ, ಕನಿಕರ ಇಜ್ಜoದಿನ ಸರ್ಕಾರ ನನ ಪುನ ಪತ್ತೊಂದ್ ಪೋನಗಲ ತೆರಿಗೆ ಪಾಡಿಜಿಂಡ ಯಾರು ಪoದ್ ಬೆಚ್ಚೊಡು ಪಾತೆರಿಯೆರ್.
ದೇಶದ ಆರ್ಥಿಕ ಪರಿಸ್ಥಿತಿ ಹಾಳಾದ್ ಪೋತ್oಡ್. ಅವೆನ್ ಸರಿ ಮಲ್ಪುನ ಸಾಮರ್ಥ್ಯ ಇಜ್ಜಂದಿನ ಬಿಜೆಪಿ ಸರ್ಕಾರ ಜನಕ್ಲೆನ ಮಿತ್ತ್ ಜಿಎಸ್ ಟಿ ಪಂದ್ ಪುದೆ ಪಾಡೊoದ್ ಉಂಡು. ಜಿಎಸ್ ಟಿ ಅನುದಾನಡ್ ಲ ರಾಜ್ಯಗ್ ಕೇಂದ್ರ ಸರ್ಕಾರ ಅನ್ಯಾಯ ಮಲ್ತೊಂದು ಉಂಡು. ಪ್ರಜಾಪ್ರಭುತ್ವಡ್ ಒವ್ವೆ ರೀತಿದ ಅನ್ಯಾಯ ಆನಗ ಪ್ರತಿಪಕ್ಷದಕುಲು ಸ್ವರ ದೆರ್ಪೊಡಾಪುಂಡು ಪoದ್ ಪoಡೆರ್.

ಪ್ರತಿಕಾಗೋಷ್ಠಿಡ್ ಮುಖಂಡೆರ್ ಅಭಯಚಂದ್ರ ಜೈನ್, ಸದಾಶಿವ ಉಳ್ಳಾಲ್, ಐವನ್ ಡಿಸೋಜ, ಶಕುಂತಳಾ ಶೆಟ್ಟಿ, ಮಿಥುನ್ ರೈ, ಶಶಿಧರ ಹೆಗ್ಡೆ, ಸಾಹುಲ್ ಹಮೀದ್, ಟಿ.ಕೆ. ಸುಧೀರ್, ಸುಭಾಷ್, ಪದ್ಮನಾಭ ನರಿಂಗಾನ, ಮೋನಪ್ಪ ಪೂಜಾರಿ, ಪದ್ಮನಾಭ ಅಮೀನ್ ಇತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಕಾರ್ಲ ವಿಧಾನ ಸಭಾ ಕ್ಷೇತ್ರದ ಪರವಾದ್ ಸಚಿವೆರ್ ಸುನೀಲ್‌ ಕುಮಾರ್‌ ಮೆರೆರ್ದ್ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರೆಗ್ ಅಭಿನಂದನೆ

Jul 19, 2022

ಉಜಿರೆ: ಧರ್ಮಕ್ಷೇತ್ರಲು ಧರ್ಮ ಪ್ರಭಾವನೆ, ಆಧ್ಯಾತ್ಮಿಕ ಜಾಗೃತಿ ಅಂಚೆನೆ ಸಾಮಾಜಿಕ ಸಂಘಟನೆದೊಟ್ಟುಗು ಜನ ಮಂಗಳ ಕಾರ್ಯಲೆಗ್ ಪ್ರೇರಣೆ ಕೊರ್ಪುಂಡು ಪಂದ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರ್ ಪಂಡೆರ್.

ರಾಜ್ಯಸಭಾ ಸದಸ್ಯೆರಾದ್ ನಾಮನಿರ್ದೇಶನ ಆಯಿನ ಹೆಗ್ಗಡೆರೆಗ್ ಅಂಗಾರೆ ಧರ್ಮಸ್ಥಳದ ಅರೆನ ಬೂಡುಡು ಕಾರ್ಲ ವಿಧಾನ ಸಭಾಕ್ಷೇತ್ರದ ಜನಕ್ಲೆನ ಪರವಾದ್ ಸಚಿವೆರ್ ಸುನೀಲ್‌ ಕುಮಾರ್‌ ಅಭಿಮಾನಿಲೆನ ಒಟ್ಟುಗು ಅಭಿನಂದನೆ ಮಲ್ತಿನ ಪೊರ್ತುಡು ಹೆಗ್ಗಡೆರ್ ಪಾತೆರಿಯೆರ್.

೧೯೮೨ರಲ್ಲಿ ಧರ್ಮಸ್ಥಳಟ್ಟ್ ನಡದಿನ ಭಗವಾನ್ ಬಾಹುಬಲಿ ಸ್ವಾಮಿನ ಸುರೂತ್ತ ಮಹಾಮಸ್ತಕಾಭಿಷೇಕದ ನೆಂಪುಗಾದ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬೊಕ್ಕ ಉಜಿರೆಡ್ ಗ್ರಾಮಾಭಿವೃದ್ಧಿ ಮತ್ತು ಸ್ವ-ಉದ್ಯೋಗ ತರಬೇತಿ ಕೇಂದ್ರ ಸುರು ಮಲ್ತ್ ದಿತ್ತ.

ಗ್ರಾಮಾಭಿವೃದ್ಧಿ ಯೋಜನೆ ನೆಲ, ಜಲ ಪ್ರಾಕೃತಿಕ ಸಂಪನ್ಮೂಲನ್ ಗಲಸ್ ದ್ ಸ್ವಾವಲಂಬಿ ಜೀವನೊಗು ಪ್ರೋತ್ಸಾಹ, ಪ್ರೇರಣೆ ಬೊಕ್ಕ ಮಾರ್ಗದರ್ಶನದ ಒಟ್ಟುಗು ಗ್ರಾಮರಾಜ್ಯದ ಮುಕೇನ ರಾಮರಾಜ್ಯ ನಿರ್ಮಾಣಗ್ ಪ್ರಯತ್ನ ಆವೊಂದುಂಡು.ರಾಜ್ಯಮಟ್ಟದ ಯೋಜನೆದ ೪೫,೦೦೦ ಕಾರ್ಯಕರ್ತೆರ್ ಸೇವೆ ಮಲ್ತೊಂದುಲ್ಲೆರ್. ಗ್ರಾಮಾಭಿವೃದ್ಧಿ ಬೊಕ್ಕ ಸ್ವ-ಉದ್ಯೋಗ ತರಬೇತಿ ಕೇಂದ್ರದ ೫೮೮ ಶಾಖೆಲು ದೇಶದ ಇಡೀಯ ಸೇವೆ ಮಲ್ತೊಂದು ನಿರುದ್ಯೋಗ ಸಮಸ್ಯೆ ನಿವಾರಣೆಗ್ ಮಲ್ಲ ಕೊಡುಗೆ ಕೊರೊಂದುಂಡು.

ಧರ್ಮಸ್ಥಳಡ್ ಅನ್ನದಾನ, ವಿದ್ಯಾದಾನ, ಔಷಧಿದಾನ ಬೊಕ್ಕ ನ್ಯಾಯದಾನ ಪನ್ಪಿನ ಚತುರ್ವಿಧ ದಾನ ನಿರಂತರ ನಡತೊಂದುಂಡು. ಅಭಯದಾನದ ಮುಕೇನ ಜನಕ್ಲೆನ ಬೇನೆ, ಬೆಸರ್, ಪೋಡಿಗೆ, ಗೊಂದಲ ದೆತ್ತ್ ದ್ ಧೈರ್ಯ ಬೊಕ್ಕ ಆತ್ಮವಿಶ್ವಾಸ ದಿಂಜಾವೊಂದುಂಡು.ಉಂದು ಧರ್ಮಸ್ಥಳ ಕ್ಷೇತ್ರದ ಮಹಾತ್ಮೆಯಾದುಂಡು.

ಬಾಹುಬಲಿ ಮಹಾಮಸ್ತಕಾಭಿಷೇಕ, ಭಜನಾ ತರಬೇತಿ ಕಮ್ಮಟ, ಸತ್ಯನಾರಾಯಣ ಪೂಜೆ, ದೇವಾಲ್ಯದ ಜೀರ್ಣೋದ್ಧಾರ ಬೊಕ್ಕ ಬ್ರಹ್ಮಕಲಶೋತ್ಸವ ಇಂಚಿನ ಧಾರ್ಮಿಕ ಕಾರ್ಯಲೆನ್ ಸಾಮಾಜಿಕ ಸಂಘಟನೆದ ಜತೆಟ್ಟ್ ಜನಕ್ಲೆಡ ಧರ್ಮಜಾಗೃತಿ, ಶಿಸ್ತು, ಸಂಯಮ, ಸ್ವಚ್ಛತೆ, ಪರೋಪಕಾರ, ಸೇವಾ ಮನೋಭಾವ ಇಂಚಿನ ಮಾನವೀಯ ಮೌಲ್ಯನ್ ಮಾತಾ ಪುಟ್ಟಾವೊಂದುಂಡು ಪಂದ್ ಪಂಡಿನ ಹೆಗ್ಗಡೆರ್ , ಧರ್ಮಸ್ಥಳದ ಅಭಿಮಾನಿಲು ಅಂಚೆನೆ ಮಾತೆರ್ನಲ ಪ್ರೀತಿ-ವಿಶ್ವಾಸ ಬೊಕ್ಕ ನಿರೀಕ್ಷೆ ಪ್ರಕಾರ ರಾಷ್ಟ್ರಮಟ್ಟದ ಸೇವೆ ಮಲ್ಪುನ ಆಶಯ ತೋಜಪಾಯೆರ್.

ಕಾರ್ಲ ಗ್ ಲ ಧರ್ಮಸ್ಥಳಗ್ ಲ ಅವಿನಾಭಾವ ಸಂಬಂಧ ಉಂಡು, ಕಾರ್ಲದ ಮಂಗಳಪಾದೆಡ್ ರೆಂಜಾಳ ಗೋಪಾಲ ಶೆಣೈ ಬಾಹುಬಲಿ ಮೂರ್ತಿ ನ್ ಕೆತ್ತ್ ದ್ ಧರ್ಮಸ್ಥಳಕ್ಕ್ ಕನತ್ ದ್ ಪ್ರತಿಷ್ಠಾಪನೆ ಮಲ್ದ್ಂಡ್ ಪಂಡೆರ್.

ಸಚಿವೆರ್ನೊಟ್ಟುಗು ಕಾರ್ಲರ್ದ್ ಸುಮಾರು ಮುನ್ನೂದು ಜನ ಹೆಗ್ಗಡೆರ್ನ ಅಭಿಮಾನಿಲು ಬತ್ತ್ ದ್ ಗೌರವ ಸಂದಾಯೆರ್.

ಬಡಪತ್ತ್ ದ ಜನಕ್ಲೆಗ್ ಸಕಾಯ ಮಲ್ಪಿನ ಅಖಿಲ ಕರ್ನಾಟಕ ರಾಜಕೇಸರಿ ಟ್ರಸ್ಟ್ (ರಿ.) ಬೊಲ್ತೇರ್

Jul 19, 2022

ತುಳುನಾಡ್ ದ ದೈವ ದೇವೆರ್ನ ಆಶೀರ್ವಾದೊಡು ಬಡವೆರ್ನ ಸೇವೆ ಮಲ್ಪುನ ಬಗೆಟ್ ರಾಜ ಕೇಸರಿ ಸಂಘಟನೆ ಸಂಸ್ಥಾಪಕೆರ್ ದೀಪಕ್ ಜಿ ಬೊಲ್ತೇರ್ ಮೇರ್ನ ಮುತಾಲಿಕೆಡ್ ಒಂಜಿ ಎಲ್ಯ ಗ್ರಾಮಡ್ ರಾಜ ಕೇಸರಿ ಸಂಘಟನೆನ್ ಮಲ್ತ್ ದ್ ಅವೆನ್ ಬುಳೆಪಾದ್ ಇಡೀ ರಾಜ್ಯಗ್ ಪಸೆರ್ದ್ , ತುರ್ತ್ ದ ಪೊರ್ತುಡು ಜನಕ್ಲೆಗ್ ಸಕಾಯ ಮಲ್ತ್ ದ್ ಪುಗರ್ತೆ ಪಡೆಯಿನ ಸಂಘಟನೆ ರಾಜ ಕೇಸರಿ.

ಇತ್ತೆ ಈ ಸಂಸ್ಥೆ 517 ಬೇತೆ ಬೇತೆ ಸೇವಾ ಯೋಜನೆನ್ ಮಲ್ತ್ ದ್, 1.80 ಕೋಟಿರ್ದ್ ಲ ಎಚ್ಚದ ಕಾಸ್ ಡ್ ಸೇವಾ ಚಟುವಟಿಕೆನ್ ಮಲ್ ದ್oಡ್. ಸಂಘಟನೆರ್ದ್ 33 ಇಲ್ಲ್ ನಿರ್ಮಾಣ ಆತ್oಡ್. ಕೊರೋನಾ ದ ಪೊರ್ತುಡು 7 ಲಕ್ಷ 32 ಸಾರ ರೂಪಾಯಿ ಹುಷಾರ್ ಇಜ್ಜಂದಿನಕ್ಲೆಗ್ ವಿಶೇಷ ಯೋಜನೆ ಮಲ್ತ್ ದ್oಡ್. ಕಷ್ಟ ಕಾಲಡ್ ಬಡವೆರೆಗ್ ಆಹಾರ 641 ತೆನಸ್ ದ ಕಿಟ್, ಸರ್ಕಾರಿ ಆಸ್ಪತ್ರೆಡ್ ಗುತ್ತಿಗೆ ನೌಕರೆರೆಗ್ 93 ಕಿಟ್, ಕೊರೋನಾ ಜಾಗೃತಿ ಮಲ್ತಿನ ತಾಲೂಕ್ ದ ಪತ್ರಕರ್ತೆರೆಗ್ ಮಾನಾದಿಗೆ, ಹುಷಾರ್ ಇಜ್ಜಂದಿನಕ್ಲೆನ್ ಲೆತೊಂದ್ ಪೊಯರೆ ಉಚಿತವಾದ್ ಗಾಡಿದ ವ್ಯವಸ್ಥೆ, ಕೊರೋನಾ ಪೊರ್ತುಡ್ 85 ಪುನತ್ತ ಶವ ಸಂಸ್ಕಾರ, ಎಂಡೋಸೆಲ್ಪನ್ ಬೊಕ್ಕ ಅಂಗವಿಕಲ ಜನಕ್ಲೆಗ್ 17 ವೀಲ್ಚೇರ್ ನ್ ರಾಜಕೇಸರಿ ಸಂಘಟನೆ ದಾನ ಮಲ್ತ್ ದ್oಡ್.

ರಾಜ ಕೇಸರಿ ಮುತಾಲಿಕೆಡ್ 543 ನೇತ್ರದಾನ ದಾಖಲೆದ ನೋಂದಣಿ, 10327 ಜವನೆರೆಡ್ದ್ ನೇರವಾದ್ ನೆತ್ತೆರ್ ದಾನ ಮಲ್ತಿನ ಪೆರ್ಮೆ ಉಂಡು. ಅನಾಥಾಶ್ರಮಡ್ ಮಧ್ಯಾಹ್ನದ ವನಸ್ ದ ವ್ಯವಸ್ಥೆ, ಗ್ರಾಮಾಂತರ ಜಾಗೆಲೆಡ್ ನೆತ್ತೆರ್ ದಾನ ಮಲ್ಪುನ ಶಿಬಿರ, ಉಚಿತ ಆರೋಗ್ಯ ತಪಾಸಣೆ ಶಿಬಿರ, ಅಂಗವಿಕಲೆರ್ನ ಕಲ್ಯಾಣ ಕಾರ್ಯಕ್ರಮ, ಕ್ರೀಡೆ, ಕಲೆ, ಸಂಸ್ಕೃತಿ ಬಗೆಟ್ ಜಾಗೃತಿ, ಶಿಕ್ಷಣಗ್ ಸಕಾಯ ಮಲ್ತ್ ದೆರ್.

ಹುಷಾರ್ ಇಜ್ಜಂದಿನ ಜೋಕ್ಲೆನ ಮರ್ದ್ ಗ್ ಕಾಸ್ ದ ವ್ಯವಸ್ಥೆ, ಬಸ್ ಸ್ಟ್ಯಾಂಡ್ ಡ್ ಜನಕ್ಲೆಗ್ ನೀರ್ ದ ಬಾಟಲ್ ಕೊರ್ಪಿನ ವ್ಯವಸ್ಥೆ, ಸರ್ಕಾರಿ ಶಾಲೆನ್ ಒರಿಪಾವುನ ಬೇಲೆ, ಆಶ್ರಮಲೆಗ್ ವಿಶೇಷ ಯೋಜನೆ ಇಂಚ ಬೇತೆ ಬೇತೆ ಯೋಜನೆನ್ ಈ ಸಂಘಟನೆ ಮಲ್ತೊಂದ್ ಬರೊಂದ್ ಉಂಡು.

ಒಟ್ಟಾರೆಯಾದ್ ಅಖಿಲ ಕರ್ನಾಟಕ ರಾಜಕೇಸರಿ ಟ್ರಸ್ಟ್ ಊರು ಅತ್ತoದೆ ಪರವೂರದ ಕಷ್ಟಡ್ ಜೀವನ್ ಮಲ್ಪಿನ ಜನಕ್ಲೆಗ್ ಸಹಾಯ ಮಲ್ತಿನ ಪುಗರ್ತೆ ಈ ಸಂಘಟನೆಗ್ ಉಂಡು.

ಮಾಜಿ ಸಿಎಂ ಸಿದ್ಧರಾಮಯ್ಯ ಪುಟ್ಟುಪರ್ಬದ ಲೇಸ್ ದ ಅಟ್ಟಣೆಗ್ ದ.ಕ.ಜಿಲ್ಲಾ ಕಾಂಗ್ರೆಸ್ ಸಮಿತಿ ಸಭೆ

Jul 19, 2022

ಕುಡ್ಲ: ಕರ್ನಾಟಕ ಸರ್ಕಾರದ ಪ್ರತಿಪಕ್ಷದ ನಾಯಕೆರ್, ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೇರ್ನ 75 ವರ್ಸದ ಪುಟ್ಟುಪರ್ಬದ ಅಮೃತ ಮಹೋತ್ಸವ ಅಗೊಸ್ಟು 3 ತಾರೀಕ್ ಗ್ ದಾವಣಗೆರೆಟ್ಟ್ ನಡಪುನ ನಿಲೆಟ್ಟ್ ದ.ಕ. ಜಿಲ್ಲಾ ಕಾಂಗ್ರೆಸ್ ಸಮಿತಿದ ಸಭೆ ಕುಡ್ಲ ಆಫೀಸ್ ಡ್ ನಡತ್ಂಡ್.

ಶಾಸಕ ಯು.ಟಿ.ಖಾದರ್ ಪಾತೆರ್ದ್, ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೇರ್ನ ಪುಟ್ಟುಪರ್ಬಗ್ ದ.ಕ. ಜಿಲ್ಲೆ ರ್ದ್ ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆವೊಡು. ಅಂಚೆನೆ ಕೇಂದ್ರ ಬೊಕ್ಕ ಬಿ.ಜೆ.ಪಿ ಸರಕಾರದ ಜನ ವಿರೋಧಿ ನೀತಿದ ವಿರುದ್ದ ಮಲ್ಲ ಪ್ರತಿಭಟನೆ ಜಿಲ್ಲಾಮಟ್ಟಡ್ ಆಪುಂಡು ಪಂಡೆರ್.

ಮಾಜಿ ಶಾಸಕೆರ್ ರಮಾನಾಥ ರೈ, ಶಕುಂತಲಾ ಶೆಟ್ಟಿ, ಅಭಯಚಂದ್ರ ಜೈನ್,ಜೆ.ಆರ್ ಲೋಬೋ, ಮೊಯಿದಿನ್ ಬಾವ, ಮಾಜಿ ಎಂ.ಎಲ್.ಸಿ.ಐವನ್ ಡಿಸೋಜ, ಯುವ ನಾಯಕೆರ್ ಮಿಥುನ್ ರೈ, ಕೃಪಾ ಅಮರ್ ಆಳ್ವ, ಇಬ್ರಾಹಿಮ್ ಕೋಡಿಜಾಲ್, ಮಾಜಿ ರಾಜ್ಯ ಸಭಾ ಸದಸ್ಯೆರ್ ಇಬ್ರಾಹಿಂ, ಉಳ್ಳಾಲ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಸದಾಶಿವ ಉಳ್ಳಾಲ್, ಮಾಜಿ ಮೇಯರ್ ಕವಿತಾ ಸನಿಲ್, ಶಾಲೆಟ್ ಪಿಂಟೋ ಮೊಕುಲು ಮಾತ ಪಾಲ್ ಪಡೆದಿತ್ತೆರ್.

ಎಂಕ್ ಗಾಡಿ ಗುದ್ದುದು ಪೆಟ್ಟಾತ್ಂಡ್ ಪಂದ್ ಫೋನ್ ಮಲ್ತಿನ ಕಂಡನಿನ್ ರಕ್ಷಣೆ ಮಲ್ಪುನ ಬದಲ್ ಕೆರಿನ ಬೊಡೆದಿ

Jul 19, 2022

ಬಾಗಲಕೋಟೆ: ಹುನಗುಂದ ತಾಲೂಕ್ ದ ಕಮತಗಿ ಕ್ರಾಸ್ ಕೈತಲ್ ಜುಲೈ 2 ತಾರೀಕ್ ಗ್ ಆ್ಯಕ್ಸಿಡೆಂಟ್ ಡ್ ಒರಿ ತೀರ್ ಪೋಯಿನಿ ಎಂಚ ಪನ್ಪಿನ ಗುಟ್ಟು ಇತ್ತೆ ರಟ್ಟಾತ್ಂಡ್. ಅವು ಆ್ಯಕ್ಸಿಡೆಂಟ್ ಅತ್ತ್ ಬೊಡೆದಿಯೇ ಬೋಡುಂದೆ ಕೆರ್ತಿನ ಕೇಸ್ ಪಂದ್ ಪೊಲೀಸೆರ್ ತೆರಿಪಾದೆರ್.

ಆ್ಯಕ್ಸಿಡೆಂಟ್ ಪ್ರವೀಣ ಸೇಬಣ್ಣ(30)ಪನ್ಪಿನಾರ್ ತೀರ್ ಪೋದಿತ್ತೆರ್. ಸುರುಟ್ಟ್ ಉಂದೆನ್ ಅಪಘಾತ ಆತಿನವ್ ಪಂದ್ ನಂಬುದಿತ್ತೆರ್. ಆoಡ ಉಂದು ಬೋಡುಂದೆ ಕೆರ್ತಿನವು ಪಂದ್ ಪೊಲೀಸ್ ತನಿಖೆಡ್ ತೆರಿದ್ ಬೈದ್ಂಡ್.

ಆರೋಪಿ ಬೇತೆ ಏರ್ಲ ಅತ್ತ್. ಮೋಕೆ ಮಲ್ತ್ ದ್ ಮದ್ಮೆ ಆಯಿನ ಬೊಡೆದಿ ನಿತ್ಯಾ. ಬೇತೆ ಆಣನೊಟ್ಟುಗ್ ಸಂಬಂಧ ಇತ್ತಿನ ನಿತ್ಯಾ ಆಯನೊಟ್ಟುಗ್ ಸೇರ್ದ್ ಕಂಡನ್ಯನ್ ಕೆರ್ತಲ್ ಪನ್ಪಿನ ಆರೋಪ ಬೈದ್ಂಡ್.

ಜುಲೈ 2 ಕ್ಕ್ ನಡು ಕತ್ತಲೆ 12 ಗಂಟೆಗ್ ಈ ಘಟನೆ ನಡತ್ ದಿತ್ತ್oಡ್. ಕಾರ್ ಡ್ ಬತ್ತಿನ ಬೊಡೆದಿ ಅoಚನೆ ಅಲೆನ ಮೋಕೆದಾಯೆ ರಾಘವೇಂದ್ರ ಸೇರ್ದ್ ಪ್ರವೀಣ ಸೇಬಣ್ಣರೆಗ್ ಗಾಡಿ ತಾoಟಾದ್ ಪದ್ರಾಡ್ ಆದಿತ್ತೆರ್. ಈ ಪೊರ್ತುಡು ಸೈಪುನ ಸ್ಥಿತಿಟ್ ಇತ್ತಿನ ಸೇಬಣ್ಣ ಮೇರ್, ಆರ್ನ ಬೊಡೆದಿಗ್ ಕಾಲ್ ಮಲ್ತ್ ದ್ ಯಂಕ್ ಕಾರ್ ತಾಂಟ್ ದ್ ಪೆಟ್ಟಾತ್oಡ್ ಪಂಡ್ ದಿತ್ತೆರ್. ಉಂದೆನ್ ತೆರಿನ ನಿತ್ಯಾ, ಕುಡ ಕಾರ್ ತಿರ್ಗಾದ್ ಪಿರ ಬತ್ತ್ ದ್ ಸೇಬಣ್ಣಗ್ ಕಾರ್ ಡ್ ಕುಡ ಗುದ್ದುದೆರ್. ತೀರ್ ಪೋಯಿನವು ಗೊತ್ತಾಯಿ ಬೊಕ್ಕ ರಡ್ಡ್ ಜನಲ ಪದ್ರಾಡ್ ಆತೆರ್.

ಉಂದೆತ್ತ ತನಿಖೆ ಮಲ್ತಿನ ಪೊಲೀಸೆರ್ ನಿತ್ಯಾ ಮೇರೆನ್ ವಿಚಾರಣೆ ಮಲ್ಪುನಗ ನಿಜ ಬಣ್ಣ ಬಯಲ್ ಆತ್oಡ್. ಇರ್ವೆರೆನ್ಲ ಪೊಲೀಸೆರ್ ವಶಕ್ಕ್ ದೆತೊಂದೆರ್.

ಪೂಜೆ ಮಲ್ಪುನಗ ಬೂರ್ದ್ ತೀರ್ನ ಮಹದೇಶ್ವರ ದೇವಲ್ಯೊದ ಅರ್ಚಕೆರ್

Jul 19, 2022

ಚಾಮರಾಜನಗರ: ಪುಗರ್ತೆದ ಮಲೆ ಮಹದೇಶ್ವರ ಬೆಟ್ಟಡ್ ದೇವೆರ್ನ ಪೂಜೆ ಮಲ್ತೊಂದು ಉಪ್ಪುನಗ ಅಲ್ತ ಅರ್ಚಕೆರ್ ನಾಗಣ್ಣ ಪನ್ಪಿನಾರ್ ದಿಡಿಕ್ಕ ಬೂರ್ದು ತೀರ್ದ್ ಪೋಯಿನ ಘಟನೆ ನಡದ್ಂಡ್.

ಅರೆನ್ ಆಸ್ಪತ್ರೆಗ್ ಸೇರ್ಪಾಂಡಲಾ ಚಿಕಿತ್ಸೆ ಫಲಕಾರಿಯಾಯಿಜಿ.

ಕೇರಳಡ್ ಸ್ಕ್ರಬ್ ಟೈಫಸ್ ಸೀಕ್ ಡ್ ತೀರ್ ಪೋಯಿನ ಆಣ್

Jul 19, 2022

ತಿರುವನಂತಪುರಂ: ಸ್ಕ್ರಬ್ ಟೈಫಸ್ ಪನ್ಪಿನ ಪೊಸ ಸೀಕ್ ಡ್ ಆಣ್ ಮಗೆ ತೀರ್ ಪೋಯಿನ ಘಟನೆ ನಡದ್ಂಡ್. ಕಿಲಿಮಿನೂರುದ ಸಿದ್ಧಾರ್ಥ್ (11) ತೀರಿನ ಆಣ್.

ಕಿಲಿಮಿನೂರು ಸರಕಾರಿ ಹೈಯರ್ ಸೆಕೆಂಡರಿ ಸಾಲೆದ 7ನೇ ಕ್ಲಾಸ್ ದ ಸಿದ್ಧಾರ್ಥ್ ಜ್ವರ ಬತ್ತ್ಂಡ್ ಪಂದ್ ಮರ್ದ್ ದೆತೊಂದಿತ್ತೆ. ಆಂಡ ಜ್ವರ ಕಮ್ಮಿ ಆಯಿನ ತೋಜಿಜಿ ಪಂದ್ ಎಸ್ ಎ ಟಿ ಆಸ್ಪತ್ರೆಗ್ ಪೋಯೆ. ಆಂಡ ಚಿಕಿತ್ಸೆಡ್ ಗುಣ ಆವಂದೆ ತೀರಿಯೆ.

ಸ್ಕ್ರಬ್ ಟೈಫಸ್ ಸೀಕ್ ಸಾಮಾನ್ಯವಾದ್ ಸೀಕ್ ಬತ್ತಿನ ಅತ್ತ್ಂಡ ಪುರಿ ತುಚ್ಚಿನ 10 ದಿನಟ್ ತೋಜುಂಡು. ಶೀತ ಬೊಕ್ಕ ಜ್ವರ, ತರೆಬೇನೆ, ಕೈ ಕಾರ್ ಬೇನೆ, ತುಚ್ಚಿದಿನ ಜಾಗೆ ಕಪ್ಪು ಆಪುನು ಉಂದು ಈ ಸೀಕ್ ದ ಲಕ್ಷಣ.

ಕುಡ್ಲಗ್ ಬತ್ತೆರ್ ಮಿಸ್‌ ಇಂಡಿಯಾ ವರ್ಲ್ಡ್-2022 ಸಿನಿ ಶೆಟ್ಟಿ; ಪುಟ್ಟಿನ ಊರುಡು ಮೋಕ್ಯೆಡ್ ಎದ್ಕೊನಿನ ಜನಕುಲು

Jul 19, 2022

ಕುಡ್ಲ : ಈ ಸರ್ತಿದ ಫೆಮಿನಾ ಮಿಸ್‌ ಇಂಡಿಯಾ ಪಂತೊಡ್ ಮಿಸ್‌ ಇಂಡಿಯಾ ವರ್ಲ್ಡ್-2022’ ಕಿರೀಟ ಗೆಂದಿನ ತುಳುನಾಡ್ ದ ಪೊಣ್ಣು ಸಿನಿ ಶೆಟ್ಟಿ ಜುಲೈ 18 ಗ್ ಸೋಮಾರ ಕುಡ್ಲಗ್ ಬತ್ತೆರ್. ಒಡಿಪುದಾರ್ ಆಯಿನ ಸಿನಿ ಶೆಟ್ಟಿ ಕೋಡೆ ಮಧ್ಯಾಹ್ನ ಕುಡ್ಲ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಗ್ ಬನ್ನಗ ಅಭಿಮಾನಿಲು ಮೋಕೆಡ್ ಸ್ವಾಗತ ಮಲ್ತೆರ್.

ಸಿನಿ ಶೆಟ್ಟಿ ಮೇರ್ ಒಡಿಪು ಜಿಲ್ಲೆದ ಕಾಪು ಕೈತಲ್ ಇನ್ನಂಜೆದ ಮಡಂಬುದಾರ್. ಸದಾನಂದ ಶೆಟ್ಟಿ ಬೊಕ್ಕ ಹೇಮಾ ದಂಪತಿನ ಮಗಲ್. ದಶಕದ ಪಿರವೇ ಮೇರ್ನ ಪೋಷಕೆರ್ ಬೊಂಬೈಡ್ ಇತ್ತ್ ದ್, ಹೊಟೇಲ್‌ ಉದ್ಯಮ ಮಲ್ತೊಂದುಲ್ಲೆರ್. ಇಂಚಾದ್ ಮೇರ್ನ ಪುಟ್ಟು, ಕಲ್ಪುನವ್ ಪೂರಾ ಬೊಂಬಾಯಿಡೆ ಆದಿತ್ತ್ ದ್, ಊರುದ ಪರಿಚಯ ಕಮ್ಮಿ. ಆಂಡಲ ಭಾರೀ ಪೊರ್ಲುಡೆ ತುಳು ಪಾತೆರುನ ಮೇರ್ ದೈವದ ನೇಮ ಅಂಚನೆ ಬೇತೆ ಧಾರ್ಮಿಕ ಕಾರ್ಯಕ್ರಮದ ಪೊರ್ತುಡ್ ಊರುಗ್ ಬರೊಂದು ಉಪ್ಪುವೆರ್.

ಮೇರ್ ಜುಲೈ 3 ಕ್ಕ್ ಬೊಂಬಾಯಿದ ಜಿಯೋ ಕನ್ವೆನ್ಷನ್ ಸೆಂಟರ್‌ ಡ್ ನಡತಿನ ಕಾರ್ಯಕ್ರಮಡ್ ಮಿಸ್ ಇಂಡಿಯಾ 2022 ಆದ್ ಆಯ್ಕೆಯಾತೆರ್. ಅವ್ ಆಯಿಬೊಕ್ಕ ಉಂದುವೆ ಸುರುತ್ತ ಸರ್ತಿ ಕುಡ್ಲಗ್ ಬೈದೆರ್. ಪುಟ್ಟಿನ ಊರುಗ್ ಬನ್ನಗ ಅಭಿಮಾನಿಲು ಅಂಚನೆ ದೋಸ್ತಿಲು, ಸಂಬಂಧಿಕೆರ್ ಸಿನಿ ಶೆಟ್ಟಿ ಮೇರೆಗ್ ಆರತಿ‌ ಮಲ್ತ್ ದ್, ಪೂತ್ತ ಮಾಲೆ ಪಾಡ್ದ್ ಪೂಗೊಂಚಿಲ್ ಕೊರ್ದ್ ಎದ್ಕೊನಿಯೆರ್. ಝರಿ ಸೀರೆ ತುತೊಂದಿನ ಸಿನಿ ಶೆಟ್ಟಿ ತರೆಟ್ಟ್ ಮಿಸ್‌ ಇಂಡಿಯಾ ವರ್ಲ್ಡ್ ಕಿರೀಟ ಪಾಡ್ದಿತ್ತೆರ್. ಈ ಪೊರ್ತುಡು ಸಿನಿ ಶೆಟ್ಟಿ ಮೇರ್ನೊಟ್ಟುಗ್ ಸೆಲ್ಫಿ ದೆಪ್ಪರೆ ಅಭಿಮಾನಿಲು ಕಾತೊಂದಿತ್ತೆರ್.

ಆಯಿರ್ದ್ ಬೊಕ್ಕ ಮಾಧ್ಯಮದಕ್ಲೆನ ಒಟ್ಟುಗು ಪಾತೆರ್ದಿನ ಆರ್ ತುಳುಟ್ಟೆ ಕುಡ್ಲಗ್ ಸೊಲ್ಮೆ ಸಂದೈತ ಮಲ್ತೆರ್. ಮಿಸ್ ಇಂಡಿಯಾ ಆತಿನ ಸಿನಿ ಶೆಟ್ಟಿ ಮಿಸ್ ವರ್ಲ್ಡ್ ಆಪಿನ ಆಸೆಲ ಉಂಡು ಪಂಡೆರ್. ಎಡ್ಡೆ ಕಥೆ ಇತ್ತಿನ ಪಿಚ್ಚರ್ ತಿಕ್ಕುಂಡ ಸಿನಿಮಾಡ್ ಲ ನಟನೆ ಮಲ್ಪೆ ಪಂಡೆರ್.

ಆಯಿಬೊಕ್ಕ ಆರ್ ಕುಟುಂಬ ಸಮೇತ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಗ್ ಭೇಟಿ ಕೊರಿಯೆರ್. ದುರ್ಗಾಪರಮೇಶ್ವರಿ ಸನ್ನಿಧಿಡ್ ವಿಶೇಷ ಪೂಜೆ ಮಲ್ತೆರ್. ಮಿಸ್ ಇಂಡಿಯಾ ಸಿನಿ ಶೆಟ್ಟಿ ಮೆರ್ನೊಟ್ಟುಗ್ ಮಸ್ತ್ ಜನ ಫೋಟೋ ದೆತ್ತ್ ದ್ ಅಕ್ಲೆನ ಕುಷಿನ್ ಪಟ್ಟೊoಡೆರ್.

ಮಾಡೆಲ್ ಆದ್ ಗುರ್ತಿಸಾಯಿನ 21 ವರ್ಷದ ಸಿನಿ ಶೆಟ್ಟಿ ಅಕೌಂಟಿಂಗ್ ಬೊಕ್ಕ ಫೈನಾನ್ಸ್ ವಿಭಾಗಡ್ ಸ್ನಾತಕೋತ್ತರ ಪದವಿ ಪಡೆತ್ತೆರ್. ಇತ್ತೆ ಮೇರ್ ವೃತ್ತಿಪರ ಕೋರ್ಸ್ ಮಲ್ತೊಂದುಲ್ಲೆರ್. ಚಾರ್ಟರ್ಡ್ ಫೈನಾನ್ಷಿಯಲ್ ಅನಾಲಿಸ್ಟ್ (CFA)., ಮಾಡೆಲಿಂಗ್ ಒಟ್ಟುಗ್ ಭರತನಾಟ್ಯ ನೃತ್ಯಗಾರ್ತಿಲ ಅಂದ್. ಸಿನಿ ಶೆಟ್ಟಿ ತನ್ನ 4ನೇ ಪ್ರಾಯಡೆ ನೃತ್ಯ ಮಲ್ಪರೆ ಸುರು ಮಲ್ತ್ ದಿತ್ತ್ ದ್, 14 ನೇ ವರ್ಷಡ್ ಇಪ್ಪುನಗ ಭರತನಾಟ್ಯ ಅರಂಗೇಟ್ರಂ ಮಲ್ತ್ ದಿತ್ತೆರ್.

Miss India World-2022 arrives in Mangalore: Sini Shetty

Hometown welcomes the beauty

Miss India World-2022, Sini Shetty from Mumbai who is originally a Tulunadu girl arrived at her hometown on July 18th. She is from Udupi and when she arrived at the Mangalore international airport she was fondly welcomed .

She is from Inaje near Kaup in Udupi district and is the daughter of Sadanand Shetty and Hema.Her parents had relocated to Mumbai and are in hotel business.So she was born and bought up in Mumbai and used to come down to her hometown occassionally for religious ceremonies.She speaks Tulu.

She is in Mangalore for the first time after being crowned Miss India World and fans ,well wishers and relatives welcomed her warmly.She looked an epitome of loveliness in a beautiful zari saree and the miss India crown adoring her head .

Speaking to the media she said she hopes to win the Miss World crown too and is interested in acting in movies.

Later she left for Durga parameshwari temple at Kateel to offer prayers.Fans thronged around her for selfies with her.

21 year old Sini is into modelling and is also a noted Bharatanatyam dancer who had her Arangatram when she was just 14 years. A commerce student she is pursuing CFA.

Tulu News

ಟ್ವಿಟ್ಟರ್‌ಡ್ ಅಭಿಯಾನ; ಅಭಿಮಾನಿಲೆನ ಅಭಿಯಾನಗ್ ಪುನೀತ್ ರಾಜಕುಮಾರ್‌ರೆನ ಖಾತೆಗ್ ಪಿರ ತಿಕ್ಕ್ಂಡ್ ‘ಬ್ಲೂ ಟಿಕ್’

ಕುಡ್ಲಡ್ ಕಮ್ಮಿ ಆಂಡ್ ನೀರ್ ದ ಬಿಲೆ; ಫಲ ಕೊರ್ಂಡ್ ಶಾಸಕೆರ್ ವೇದವ್ಯಾಸ ಕಾಮತೆರ್ನ ಪ್ರಯತ್ನ

ಸರ್ಕಾರ ನಡಪಾಯರೆ ಜನಕ್ಲೆನ ಕಿಸೆಕ್ ಕತ್ತರಿ ಪಾಡೊಂದು ಉಂಡು: ಜಿಎಸ್ ಟಿ ವಿರುದ್ಧ ಸ್ವರ ಲಕ್ಕಾಯಿನ ಯು.ಟಿ ಖಾದರ್

ಬಡಪತ್ತ್ ದ ಜನಕ್ಲೆಗ್ ಸಕಾಯ ಮಲ್ಪಿನ ಅಖಿಲ ಕರ್ನಾಟಕ ರಾಜಕೇಸರಿ ಟ್ರಸ್ಟ್ (ರಿ.) ಬೊಲ್ತೇರ್

ಮಾಜಿ ಸಿಎಂ ಸಿದ್ಧರಾಮಯ್ಯ ಪುಟ್ಟುಪರ್ಬದ ಲೇಸ್ ದ ಅಟ್ಟಣೆಗ್ ದ.ಕ.ಜಿಲ್ಲಾ ಕಾಂಗ್ರೆಸ್ ಸಮಿತಿ ಸಭೆ

ಎಂಕ್ ಗಾಡಿ ಗುದ್ದುದು ಪೆಟ್ಟಾತ್ಂಡ್ ಪಂದ್ ಫೋನ್ ಮಲ್ತಿನ ಕಂಡನಿನ್ ರಕ್ಷಣೆ ಮಲ್ಪುನ ಬದಲ್ ಕೆರಿನ ಬೊಡೆದಿ

ಪೂಜೆ ಮಲ್ಪುನಗ ಬೂರ್ದ್ ತೀರ್ನ ಮಹದೇಶ್ವರ ದೇವಲ್ಯೊದ ಅರ್ಚಕೆರ್

ಕೇರಳಡ್ ಸ್ಕ್ರಬ್ ಟೈಫಸ್ ಸೀಕ್ ಡ್ ತೀರ್ ಪೋಯಿನ ಆಣ್

ಕುಡ್ಲಗ್ ಬತ್ತೆರ್ ಮಿಸ್‌ ಇಂಡಿಯಾ ವರ್ಲ್ಡ್-2022 ಸಿನಿ ಶೆಟ್ಟಿ; ಪುಟ್ಟಿನ ಊರುಡು ಮೋಕ್ಯೆಡ್ ಎದ್ಕೊನಿನ ಜನಕುಲು

You Missed

ಆರೋಗ್ಯ ರಕ್ಷಣೆಗ್ ಭಜನೆ ಸಹಕಾರಿ: ವಿವೇಕ್ ಪಾಯಸ್

ನ್ಯಾಯಂತಡೆಗ್ ಹಾಜರಾವಂದೆ 12 ವರ್ಷ ದೆಂಗುದ್ ಕುಲ್ದಿನ ಆರೋಪಿ ಕೈದ್

ಎಂಆರ್‌ಪಿಎಲ್‌ಡ್ ಭಾರಿ ಸ್ಫೋಟ; 9 ಜನಕ್ಕ್ ಗಾಯ

ಕಾರ್ಲದ ಸ್ವರ್ಣ ತುದೆಟ್ಟ್ ನೀಂದರೆ ಪೋಯಿನ 2 ಜನ ಜವನೆರ್ ನೀರ್‌ಪಾಲ್