Tulu News

Feb 19: Koti Chennaya trophy 2023 organized by Koti Chennaya Seva Brigade (R). ಫೆ.19: ಕೋಟಿ ಚೆನ್ನಯ ಸೇವಾ ಬ್ರಿಗೇಡ್ (ರಿ.) ಮುತಾಲಿಕೆಡ್ ಕೋಟಿ ಚೆನ್ನಯ ಟ್ರೋಫಿ- 2023

ಕೋಟಿ ಚೆನ್ನಯ ಸೇವಾ ಬ್ರಿಗೇಡ್ (ರಿ.) ಕುಡ್ಲ ನೆತ್ತ ಮುತಾಲಿಕೆಡ್, ಕಿರಣ್ ಕುಮಾರ್ ಕೋಡಿಕಲ್ ಮೆರೆನ ಸಾರಥ್ಯಡ್ ಕೋಟಿ ಚೆನ್ನಯ ಟ್ರೋಫಿ- 2023 ಬೊಕ್ಕ ಬಲ್ಲ್ ಒಯಿಪುನ ಪಂತೊ ಫೆ.19 ಐತಾರ ಬಯ್ಯಗ್ 5 ಗಂಟೆಗ್ ಬಂಗ್ರಕೂಳೂರು ಗೋಲ್ಡ್ ಫಿಂಚ್‌ ಮೈದಾನಡ್ ನಡಪರೆ ಉಂಡು.

ಈ ಲೇಸ್ ದೊಟ್ಟಿಗೆ ಬಡಪತ್ತ್ ದಕುಲೆಗ್ ಪನವುದ ಸಕಾಯ ಕೊರಿಯೆರೆ ಉಂಡು. ಈ ಲೇಸ್ ಗುರುಪುರ ಶ್ರೀ ವಜ್ರದೇಹಿ ಮಠತ್ತ ಶ್ರೀ ರಾಜಶೇಖರಾನಂದ ಸ್ವಾಮೀಜಿನ ಉಪಸ್ಥಿತಿಟ್ಟ್ ನಡಪರೆ ಉಂಡು. ನೆತ್ತ ಉದಿಪನನ್ ಶಾಸಕೆರ್ ಡಾ. ವೈ ಭರತ್ ಶೆಟ್ಟಿ ಮಲ್ಪರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಜಿಲ್ಲಾ ಬಿಜೆಪಿ ಅಧ್ಯಕ್ಷೆರ್ ಸುದರ್ಶನ್ ಎಂ, ಪೊಲೀಸ್ ಆಯುಕ್ತೆರ್ ಶಶಿಕುಮಾರ್, ಕೆ.ಆರ್.ಇ.ಡಿ.ಎಲ್ ಸದಸ್ಯೆರ್ ಶರಶ್ಚಂದ್ರ ಸನಿಲ್, ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಪ್ರಕಾಶ್ ಪಿ.ಎಸ್, ವಿಶ್ವ ಹಿಂದು ಪರಿಷತ್ ಕಾರ್ಯದರ್ಶಿ ಶರಣ್ ಪಂಪ್ ವೆಲ್, ಕುಡ್ಲ ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ರವಿಶಂಕರ್ ಮಿಜಾರ್, ಆತ್ಮಶಕ್ತಿ ವಿವಿಧೋದ್ದೇಶ ಸಹಕಾರಿ ಸಂಘದ ಅಧ್ಯಕ್ಷೆರ್ ಚಿತ್ತರಂಜನ್ ಬೋಳಾರ್, ಲೇಡಿಹಿಲ್ ಎಸ್ ಎಲ್ ಶೇಟ್ ಡೈಮಂಡ್ ಹೌಸ್ ದ ಧಣಿ ರವೀಂದ್ರ ಶೇಟ್, ಕೊಟ್ಟಾರಗುತ್ತುದ ಜೆಡ್ಯ ಗೋಲ್ಡ್ ಫಿಂಚ್‌ ದ ಕೆ.ಪ್ರಸಾದ್ ಕುಮಾರ್ ಶೆಟ್ಟಿ, ಆಸರೆ ಚಾರಿಟೇಬಲ್ ಟ್ರಸ್ಟ್ ದ ಸಂಸ್ಥಾಪಕೆರ್ ಡಾ. ಆಶಾಜ್ಯೋತಿ ರೈ ಮಾಲಾಡಿ, ವಕೀಲೆರ್ ನಯನ ಪೈ, ಕೋಡಿಕಲ್ ಶ್ರೀ ನಾರಾಯಣ ಗುರು ಧರ್ಮಪರಿಪಾಲನ ಮಂದಿರದ ಅಧ್ಯಕ್ಷೆರ್ ಪುರುಷೋತ್ತಮ ಪೂಜಾರಿ ಬರಿಯೆರೆ ಉಲ್ಲೆರ್ ಪಂದ್ ಕೋಟಿ ಚೆನ್ನಯ ಸೇವಾ ಬ್ರಿಗೇಡ್ (ರಿ.) ಕುಡ್ಲ ನೆತ್ತ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Feb 19: Koti Chennaya trophy 2023 organized by Koti Chennaya Seva Brigade (R).

The Koti Chennaya Seva Brigade (R) will be organising the Koti Chennaya trophy 2023 ; on Feb 19 th the invite for which was released at Sri Brahma Baidarkala Garodi Kshetra Kankanady.

The invitation was released by the president of the Kshetra Chittaranjan.

G20 countries meet in Bangalore from today ಬೆಂಗ್ಲೂರ್ ಡ್ ಇನಿರ್ದ್ ಜಿ20 ದೇಶದ ಸಭೆ

ಇನಿರ್ದ್ ಮೂಜಿ ದಿನ ಜಿ20 ದೇಶದ ಪರಿಸರ ಬೊಕ್ಕ ಹವಾಮಾನ ಬದಲಾವಣೆದ ಬಗೆತ್ತ ಸುರುತ ಸಭೆ ಬೆಂಗ್ಲೂರ್ ಡ್ ನಡಪರೆ ಉಂಡು.

ಕೇಂದ್ರ ಪರಿಸರ, ಅರಣ್ಯ, ಹವಾಮಾನ ಬದಲಾವಣೆ ಇಲಾಖೆದ ಹೆಚ್ಚುವರಿ ಕಾರ್ಯದರ್ಶಿ ರಿಚಾ ಶರ್ಮಾ ಈ ಬಗೆಟ್ ಪೊಲಬು ಕೊರ್ತೆರ್.
ಮಣ್ಣ್ ದ್ ಸತ್ವ ಕರವುನು, ಜೀವ ರಾಸಿಲು ಸೈಪಿನಿ ಬೊಕ್ಕ ಬೂಮಿಡ್ ತಿಕ್ಕುನ ಸೊತ್ತುಲೆನ್ ಲೆಕ್ಕರ್ದ್ ಜಾಸ್ತಿ ಗಲಸುನೆನ್ ಉಂತಾವುನ ಇಸಯದ ಚರ್ಚೆ ಈ 3 ದಿನ ನಡಪರೆ ಉಂಡು ಪಂದ್ ಪಂತೆರ್.

G20 countries meet in Bangalore from today

A meet on environment and climate change will begin in Bangalore today and will continue for the next three days.

Central environment, forestry and climate change department secretary Richa Sharma gave information about the meet.She said that the meet will hold discussion on the pollution of soil due to non biodegradable material and the depletion of non renewable resources.

Turkey Earth quake- More than 15,000 dead ಟರ್ಕಿ ಭೂಕಂಪ: ತೀರ್ ಪೋಯಿನಕ್ಲೆನ ಸಂಖ್ಯೆ 15 ಸಾರರ್ದ್ ಎಚ್ಚ..!

ಟರ್ಕಿ ಬೊಕ್ಕ ಸಿರಿಯಾಡ್ ನಡತಿನ ಭೂಕಂಪಡ್ ಸಾವುದ ಸಂಖ್ಯೆ ಎಚ್ಚಾವೊಂದೇ ಉಂಡು. ಇಂಚಿಪ್ಪದ ವರದಿ ಪ್ರಕಾರ ಸಾವುದ ಸಂಖ್ಯೆ 15383 ಕ್ಕ್ ಏರ್ ದ್ಂಡ್.

ಟರ್ಕಿಡ್ 12391 ಜನ ಬೊಕ್ಕ ಸಿರಿಯಾಡ್ 2992 ಜನ ತೀರ್ ಪೋತೆರ್. ಕಟ್ವಾಣದ ಅಡಿಟ್ಟ್ ಬೂರ್ದಿನಕ್ಲೆನ್ ಬಚಾವ್ ಮಲ್ಪರೆ ರಕ್ಷಣಾ ಕೂಟದಕುಲು ಭಾರಿ ಬಂಗ ಬುಡೊಂದುಲ್ಲೆರ್.

Turkey Earth quake- More than 15,000 dead

The devastating earthquake in Syria and Turkey has caused destruction and chaos.The death toll has risen to 15,383 and the numbers are increasing.
The rescue operation are going on to help those trapped under the debris.

Feb 12 : Annual pooja of Alekad Sri Babbu Swami, Sri Chamundeshwari , Guliga Daiva ಫೆ.12: ಅಲೇಕಾಡ್ ಶ್ರೀ ಬಬ್ಬುಸ್ವಾಮಿ, ಶ್ರೀ ಚಾಮುಂಡೇಶ್ವರಿ ಬೊಕ್ಕ ಗುಳಿಗ ದೈವೊಲ್ಯಡ್ ವರ್ಷದ ಪೂಜೆ

ಚಾರ್ಮಾಡಿ ಘಾಟ್ ಅಲೇಕಾಡ್ ಶ್ರೀ ಬಬ್ಬುಸ್ವಾಮಿ, ಶ್ರೀ ಚಾಮುಂಡೇಶ್ವರಿ ಬೊಕ್ಕ ಗುಳಿಗ ದೈವೊಲ್ಯಡ್ ವರ್ಷದ ಪೂಜೆ ಫೆ.12 ಐತಾರ ನಡಪರೆ ಉಂಡು.

ಫೆ.10 ಶುಕ್ರಾರ ಮಧ್ಯಾಹ್ನ 2 ಗಂಟೆರ್ದ್ ಮೂಡಿಗೆರೆ ಪ್ರವಾಸಿ ಮಂದಿರರ್ದ್ ಪೇಂಟೆದ ಬೇತೆ ಬೇತೆ ಮಾರ್ಗೊಡು ಪುದೆ ಕೊರ್ಪುನ ಮೆರವಣಿಗೆ ನಡಪರೆ ಉಂಡು. ಫೆ.12 ಐತಾರ ಬೊಲ್ಪುಗು ಕಲಾಶುದ್ಧಿ, ಗಣಹೋಮ, ಶ್ರೀ ಬಬ್ಬುಸ್ವಾಮಿ ಬೊಕ್ಕ ಗುಳಿಗ ದೈವೊದ ದರ್ಶನ ಸೇವೆ ಆದ್ ವರ್ಷದ ಪೂಜೆ ನಡಪರೆ ಉಂಡು. ಬೊಕ್ಕ ಅಲೇಕಾಡ್ ಶ್ರೀ ಬಬ್ಬುಸ್ವಾಮಿ, ಚಾಮುಂಡೇಶ್ವರಿ ಬೊಕ್ಕ ಗುಳಿಗ ದೈವೊದ ಮಹಾಮಂಗಳಾರತಿ ಆದ್ ಧರ್ಮ ಸಭೆ ನಡಪರೆ ಉಂಡು. ಮಧ್ಯಾಹ್ನ ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಗೌರವದ ಅಧ್ಯಕ್ಷೆರ್, ಸದಸ್ಯೆರ್, ಗುರಿಕಾರೆರ್, ಬೊಕ್ಕ ಗೌರವಾಧ್ಯಕ್ಷೆರ್ ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ, ಮೂಡಿಗೆರೆ ತಾಲೂಕ್ ದ ಅಖಿಲ ಭಾರತ ಮುಂಡಾಲ ಸಮಾಜ ಲೆಪ್ಪೋಲೆಡ್ ತೆರಿಪಾದೆರ್.

Invitation release of Koti Chennaya trophy – 2023 to be conducted under the auspices of Koti Chennaya Seva Brigade (R) on February 19th ಫೆ.19: ಕೋಟಿ ಚೆನ್ನಯ ಸೇವಾ ಬ್ರಿಗೇಡ್ (ರಿ.) ಮುತಾಲಿಕೆಡ್ ಕೋಟಿ ಚೆನ್ನಯ ಟ್ರೋಫಿ- 2023 ಲೆಪ್ಪೋಲೆ ಬುಡುಗಡೆ

ಕೋಟಿ ಚೆನ್ನಯ ಸೇವಾ ಬ್ರಿಗೇಡ್ (ರಿ.) ಕುಡ್ಲ ವತಿರ್ದ್ ಫೆ.19 ಕ್ಕ್ ನಡಪರೆ ಇಪ್ಪುನ ಕೋಟಿ ಚೆನ್ನಯ ಟ್ರೋಫಿ- 2023 ನೆತ್ತ ಲೆಪ್ಪೋಲೆ ಬುಡುಗಡೆ ಲೇಸ್ ಶ್ರೀ ಬ್ರಹ್ಮ ಬೈದರ್ಕಳ ಗರೋಡಿ ಕ್ಷೇತ್ರ ಕಂಕನಾಡಿಡ್ ನಡತ್ಂಡ್.

ಈ ಲೆಪ್ಪೋಲೆನ್ ಕ್ಷೇತ್ರದ ಅಧ್ಯಕ್ಷೆರ್ ಚಿತ್ತರಂಜನ್ ಗರೋಡಿ ಮೇರ್ ಬುಡುಗಡೆ ಮಲ್ತೆರ್. ಈ ಪೊರ್ತುಡು ಕಾರ್ಪೊರೇಟರ್ ಕಿರಣ್ ಕುಮಾರ್ ಕೋಡಿಕಲ್, ಸಂದೀಪ್ ಗರೋಡಿ, ಚಂಡಚಂಡೇಶ್ವರಿ ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಉದಯ್ ರಂಜನ್, ಎಸ್.ಎನ್.ಡಿ.ಪಿ ಕೋಡಿಕಲ್ ದ ಅಧ್ಯಕ್ಷೆರ್ ಪುರುಷೋತ್ತಮ ಪೂಜಾರಿ, ಮಂಗಳೂರು ದಕ್ಷಿಣ ಮಂಡಲದ ಯುವ ಮೋರ್ಚಾ ಉಪಾಧ್ಯಕ್ಷೆರ್ ಪ್ರಕಾಶ್ ಗರೋಡಿ ಬೊಕ್ಕ ಸರ್ವಸದಸ್ಯೆರ್ ಇತ್ತೆರ್.

Unrest in Suratkal again ಸುರತ್ಕಲ್ ಡ್ ಕುಡ ಗಲಾಟೆ : ಫಾಝಿಲ್ ಮೆಗ್ಯನ ಮೈಕ್ಕ್ ಕೈ ಪಾಡಿನ ಆರೋಪ

ಸುರತ್ಕಲ್ : ಬೈಕ್ ಗ್ ಕಾರ್ ತಾಂಟಿನ ವಿಚಾರೊಡು ಬೇತೆ ಬೇತೆ ಧರ್ಮದ ಜವನೆರ್ನ ರಡ್ಡ್ ಕೂಟದ ನಡುಟ್ಟು ಗಲಾಟೆ ಆಯಿನ ಘಟನೆ ಗಣೇಶ್ ಪುರ ಕೈಕಂಬ ಸರ್ಕಲ್ ದ ಕೈತಲ್ ಬುಧಾರ ರಾತ್ರೆ ನಡತ್ಂಡ್.

ಕೂಡ್ಲೆ ಜಾಗೆಗ್ ಬತ್ತಿನ ಸುರತ್ಕಲ್ ಪೊಲೀಸೆರ್ ಬಿಗಿ ಬಂದೋಬಸ್ತ್ ಮಲ್ತದ್ ದಾಲಾ ಗಲಾಟೆ ಆವಂದಿಲೆಕ ತೂವೊಂದೆರ್. ಇಂಚೊಗು ಕೊಲೆ ಆದಿತ್ತಿನ ಫಾಝಿಲ್ ನ ಮೆಗ್ಯೆ ಆದಿಲ್ ನ‌ ಮಿತ್ತ್ ಕೈ ಪಾಡ್ದೆರ್ ಪನ್ಪಿನ ಆರೋಪಲ ಕೇಂಡ್ ದ್ ಬೈದ್ಂಡ್.

Siddaramaiah gets one crore offer from a well wisher ಸಿದ್ದರಾಮಯ್ಯೆರೆಗ್ ನನೊರಿ ಅಭಿಮಾನಿರ್ದ್ 1 ಕೋಟಿದ ಆಫರ್!

ವಿಜಯನಗರ: ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ ಹೊಸಪೇಟೆ ವಿಧಾನಸಭೆ ಕ್ಷೇತ್ರಡ್ ವೋಟುಗು ಉಂತುಂಡ ತನ್ನ ಜಾಗೆ ಮಾರ್ದ್ ಒಂಜಿ ಕೋಟಿ ರೂ. ಪನವು ಕೊರ್ಪೆ ಪಂದ್ ಅಭಿಮಾನಿ ಮಲಿಯಪ್ಪ ಘೋಷಣೆ ಮಲ್ದೆರ್.

ವಿಜಯನಗರ ಜಿಲ್ಲೆದ ಹೊಸಪೇಟೆ ತಾಲೂಕ್ ದ ಗಾದಿಗನೂರು ಗ್ರಾಮದ ನಿವಾಸಿ ಕೆ.ಎಸ್ ಮಲಿಯಪ್ಪ ತನ್ನ 6 ಎಕ್ರೆ ಜಾಗೆಡ್ 2 ಎಕ್ರೆ ಮಾರ್ದ್ ಒಂಜಿ ಕೋಟಿ ರೂ. ಕೊರ್ಪೆ ಪಂತಿನಾರ್. ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೆರೆಗ್ ಆಫರ್ ಬೈದಿನಿ ಉಂದು ಸುರುತ ಸರ್ತಿ ಅತ್ತ್. ನೇರ್ದ್ ದುಂಬುಲ ಮೆರೆನ ಅಭಿಮಾನಿಲು ಆಫರ್ ಕೊರ್ತೆರ್. ಚಿಕ್ಕಮಗಳೂರು ಪೇಂಟೆದ ಬಾಲಕೃಷ್ಣ ಮೇರ್ ತನ್ನ ಕ್ಷೇತ್ರಡ್ ಉಂತುಂಡ ತನ್ನ ರಡ್ಡರೆ ಎಕ್ರೆ ತೋಟನ್ ಮಾರ್ದ್ ಒಂಜಿ ಕೋಟಿ ರೂ. ಕೊರ್ಪೆ ಪಂದ್ ಇತ್ತೆರ್. ಮೆರೆರ್ದ್ ದುಂಬು ಯಾದಗಿರಿ ಕ್ಷೇತ್ರಡ್ ಉಂತುಂಡ ಒಂಜಿ ಕೋಟಿ ರೂ, ಬಾದಾಮಿಡ್ ಉಂತುಂಡ ಹೆಲಿಕಾಪ್ಟರ್ ಕೊರ್ಪ ಪಂದ್ ಅಭಿಮಾನಿಲು ಪಂಡ್ ದಿತ್ತೆರ್.

Siddaramaiah gets one crore offer from a well wisher

Vijaynagar: A well wisher of former CM Siddaramaiah ,Malliappahas offered to pay a crore rupees if Siddaramaiah were to contest from Hospet vidhanasabhaa constituency.

RBI hikes Repo rate yet again!! ಸಾಲಗಾರೆರೆಗ್ ಕುಡ ಪೆಟ್ಟ್ ಕೊರ್ನ ಆರ್‌ಬಿಐ: 6ನೇ ಸರ್ತಿ ರೆಪೋ ಎಚ್ಚ!

ಡೆಲ್ಲಿ: ಆರ್‌ಬಿಐ ರೆಪೋ ರೇಟ್ ನ್ 6 ನೇ ಸರ್ತಿಗ್ ಶೇ. 6.5 ಕ್ಕ್ ಎಚ್ಚ ಮಲ್ದ್ಂಡ್.

ಎಮ್ ಪಿಸಿ ರೆಪೋ ರೇಟ್ ನ್ 25 ಬೇಸಿಸ್ ಪಾಯಿಂಟ್‌ ಎಚ್ಚ ಮಲ್ತ್‌ದ್ ಕೂಡ್ಲೆ ಜಾರಿಗ್ ಕನಯೆರೆ ನಿರ್ಧಾರ ಮಲ್ದ್ಂಡ್ ಪಂದ್ ಆರ್‌ಬಿ‌ಐ ಗವರ್ನರ್ ಶಕ್ತಿ ದಾಸ್ ತೆರಿಪಾದೆರ್. 2023-24 ತ ಜಿಡಿಪಿ ಬುಲೆಚ್ಚಿಲ್ ನ್ 6.4% ಪಂದ್ ನಿರೀಕ್ಷೆ ಮಲ್ಪೊಲಿ ಪಂದ್ ಬುಧಾರ ನಡತಿನ ಆರ್‌ಬಿಐ ಸುದ್ದಿಗೋಷ್ಠಿಡ್ ಭಾರತೀಯ ರಿಸರ್ವ್‌ ಬ್ಯಾಂಕ್‌ ಗವರ್ನರ್ ತೆರಿಪಾಯೆರ್.

RBI hikes Repo rate yet again!!

Delhi The r I has hiked the repo rate to 6.5%.The RBI governor Shakthi Das announced that the MPC repo rate has been increased by 25 basis points,which will be in force with immediate effect.

Mangalore: Students admitted to hospital for food poisoning discharged ಕುಡ್ಲ: ಆಸ್ಪತ್ರೆ ಸೇರ್ದಿನ ಹಾಸ್ಟೆಲ್ ಕಲ್ಪಾರ್ಥಿಲು ಡಿಸ್ಚಾರ್ಜ್

ಕುಡ್ಲ: ಹಾಸ್ಟೆಲ್ ಡ್ ಇಸತ ತಿನಸ್ ತಿಂದ್ ದ್ ಹುಷಾರ್ ಇಜ್ಜಂದೆ ಆಸ್ಪತ್ರೆಗ್ ಸೇರಿನ 137 ಕಲ್ಪಾರ್ಥಿಲೆಡ್ ಸುಮಾರ್ ಕಲ್ಪಾರ್ಥಿಲು ಗುಣ ಆದ್ ಆಸ್ಪತ್ರೆರ್ದ್ ಡಿಸ್ಚಾರ್ಜ್ ಆತೆರ್.

ಸೋಮಾರ ಒಟ್ಟು 116 ಕಲ್ಪಾರ್ಥಿಲು ಕಕ್ಕ್ ದ್ ಆಸ್ಪತ್ರೆಗ್ ದಾಖಲ್ ಆತೆರ್. ಅಂಗಾರೆ ಕುಡ 13 ಜನ ಕಲ್ಪಾರ್ಥಿಲು ಬಂಜಿಬೇನೆ, ಜ್ವರರ್ದ್ ಆಸ್ಪತ್ರೆಗ್ ದಾಖಲ್ ಆತೆರ್. ಇತ್ತೆ ಒಟ್ಟು 38 ಜನ ಕಲ್ಪಾರ್ಥಿಲು ಆಸ್ಪತ್ರೆಡ್ ಉಲ್ಲೆರ್. ಒರಿನ ಮಾತ ಕಲ್ಪಾರ್ಥಿಲು ಡಿಸ್ಚಾರ್ಜ್ ಆತೆರ್ ಪಂದ್ ಆರೋಗ್ಯ ಇಲಾಖೆದ ಅಧಿಕಾರಿಲು ತೆರಿಪಾದೆರ್. ಹಾಸ್ಟೆಲ್ ಡ್ ಒಟ್ಟು 782 ಕಲ್ಪಾರ್ಥಿಲು ಉಲ್ಲೆರ್. ಮುನ್ನೆಚ್ಚರಿಕೆ ಕ್ರಮವಾದ್ ಹಾಸ್ಟೆಲ್ ಡ್ ತಜ್ಞ ವೈದ್ಯೆರೆನ ಕೂಟ ನಿಯೋಜನೆ ಮಲ್ದೆರ್.

Mangalore: Students admitted to hospital for food poisoning discharged.

Mangalore 137 students hospitalised after fallingsick due to food poisoning are better and many have been discharged from the hospital informed officials from the health department. A team of doctors have been appointed at the hostel as a precautionary measure.

CBSE exams admit card (hall ticket) released ಸಿಬಿಎಸ್ಇ ಪರೀಕ್ಷೆದ ಪ್ರವೇಶ ಪತ್ರ ಬುಡುಗಡೆ

ಈ ವರ್ಷದ ಸಿಬಿಎಸ್ಇ 10 ಬೊಕ್ಕ 12 ನೇ ಕ್ಲಾಸ್ ದ ಪರೀಕ್ಷೆ ಪ್ರವೇಶ ಪತ್ರ ಬುಡುಗಡೆ ಆತ್ಂಡ್.

cbse.nic.in ಬೊಕ್ಕ cbse.gov.in ರ್ದ್ ಸಿಬಿಎಸ್ಇ ಸಂಪರ್ಕಡ್ ಇಪ್ಪುನ ಶಾಲೆಲೆಗ್ ಮಾತ್ರ ಹಾಲ್ ಟಿಕೆಟ್ ಡೌನ್ ಲೋಡ್ ಮಲ್ಪೆರೆ ಅವಕಾಶ ಕೊರ್ತುಂಡು. ಸಿಬಿಎಸ್ಇ ಜಾಲತಾಣಡ್ ಡೌನ್‌ಲೋಡ್ ಮಲ್ಪುನ ಹಾಲ್ ಟಿಕೆಟ್ ಡ್ ಕಲ್ಪಾರ್ಥಿನ ಪುದರ್, ರೋಲ್ ನಂಬರ್ ದ ಪೊಲಬು ಇಪ್ಪುಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್. ಸಿಬಿಎಸ್ಇ ಮಂಡಳಿ 10 ಬೊಕ್ಕ 12 ನೇ ಕ್ಲಾಸ್ ಪರೀಕ್ಷೆಲು ಫೆ.15 ರ್ದ್ ಸುರು ಆಪುಂಡು.

CBSE exams admit card (hall ticket) released

The admit card for the CBSE 10 and 12 th board exam has been released.It can be downloaded from cbse.in and cbse.gov.in by schools affiliated to CBSE board.