ಶಿಗ್ಗಾಂವಿಡ್ ಸಿಎಂ ಬೊಮ್ಮಾಯಿಗ್ ಗೆಲುವು
ಹಾವೇರಿ ಜಿಲ್ಲೆದ ಶಿಗ್ಗಾಂವಿಡ್ ಸಿಎಂ ಬಸವರಾಜ ಬೊಮ್ಮಾಯಿ 25 ಸಾರರ್ದ್ ಎಚ್ಚ ವೋಟುದ ಅಂತರಡ್ ಗೆಂದ್ ದೆರ್.
ಕಾಂಗ್ರೆಸ್ ದ ಯಾಸಿರ್ ಖಾನ್ ಪಠಾಣ್ ಬೊಕ್ಕ ಜೆಡಿಎಸ್ ರ್ದ್ ಶಶಿಧರ್ ಯಲಿಗಾರ್ ಮೆರೆನ ಎದುರು ವೋಟುಗು ಉಂತುದಿತ್ತೆರ್.
Tulu News
ಬೆಂಗ್ಲೂರ್ ದ ಮಲ್ಲೇಶ್ವರಂಡ್ ಮಾಜಿ ಡಿಸಿಎಂ, ಬಿಜೆಪಿದ ಅಶ್ವತ್ ನಾರಾಯಣಗ್ ಗೆಲುವು
ಬೆಂಗ್ಲೂರ್ ದ ಮಲ್ಲೇಶ್ವರಂ ಕ್ಷೇತ್ರಡ್ ಮಾಜಿ ಡಿಸಿಎಂ, ಬಿಜೆಪಿದ ಅಶ್ವತ್ ನಾರಾಯಣಗ್ 50186 ವೋಟುರ್ದು ಗೆಂದ್ ದೆರ್.
ಮೆರೆನ ಎದುರು ವೋಟುಗು ಉಂತುದು ಇತ್ತಿನ ಕಾಂಗ್ರೆಸ್ ದ ಅನೂಪ್ ಅಯ್ಯಂಗಾರ್ ಮೇರ್ 24155 ವೋಟು ಪಡೆತೆರ್.
ವೋಟು ಗೆನ್ಪುನ ಕೇಂದ್ರಗ್ ಕಾರ್ ಗ್ ಫೋನ್‌ ಕಟ್ಟೊಂಡು ಉಲಯಿ ಪೊಗ್ಗೆರೆ ತೂಯಿನ ಜವನೆ ಅರೆಸ್ಟ್
ಒಡಿಪು ಜಿಲ್ಲೆದ ವೋಟುದ ಲೆಕ್ಕ ಸೈಂಟ್ ಸಿಸಿಲಿ ಕಾನ್ವೆಂಟ್‌ಡ್ ಸುರು ಆತ್ಂಡ್.
ಅಂಚೆ ವೋಟುದ ಲೆಕ್ಕ ನಡತೊಂದು ಉಂಡು. ಈ ನಡುಟ್ ವೋಟುದ ಕೇಂದ್ರಗ್ ಮೊಬೈಲ್‌ ನಿಷೇಧ ಮಲ್ದೆರ್. ಆಂಡ ಕೇಸರಿ ಶಾಲ್ ಪಾಡಿನಯೊರಿ ಜವನೆ ಕಾರ್ ಗ್ ಫೋನ್‌ ಕಟ್ಟೊಂದು ಉಲಯಿ ಪೊಗ್ಗೆರೆ ತೂಯಿನ ಪೊರ್ತುಡು ಪೊಲೀಸೆರೆನ ಕೈಕ್ ತಿಕ್ ದ್ ಬೂರ್ದೆರ್. ಈ ಜವನನ್ ದ್ವಾರಡೇ ಉಂತಾದ್ ವಾಪಸ್ ಕಡಪಾದೆರ್. ಈ ಜವನೆ ಬೈಂದೂರು ವಿಧಾನಸಭಾ ಕ್ಷೇತ್ರದ ಏಜೆಂಟ್ ಪಂದ್ ತೆರಿದ್ ಬೈದ್ಂಡ್.
ದಕ್ಷಿಣ ಕನ್ನಡ ಜಿಲ್ಲೆಡ್ ಏರ್ ದುಂಬು?
ದಕ್ಷಿಣ ಕನ್ನಡ ವಿಧಾನಸಭೆ ಕ್ಷೇತ್ರಡ್ ಇವಿಎಂ ವೋಟುದ ಲೆಕ್ಕ ಇಂಚ ಉಂಡು.
ಬೊಲ್ತೇರ್:
ಬಿಜೆಪಿದ ಹರೀಶ್ ಪೂಂಜ-5751 (ಮುನ್ನಡೆ)
ಕಾಂಗ್ರೆಸ್ ದ ರಕ್ಷಿತ್ ಶಿವರಾಮ್-4787
ಪುತ್ತೂರ್ :
ಕಾಂಗ್ರೆಸ್ ದ ಅಶೋಕ್ ಕುಮಾರ್ ರೈ-3996 (ಮುನ್ನಡೆ)
ಪಕ್ಷೇತರದ ಅರುಣ್ ಕುಮಾರ್ ಪುತ್ತಿಲ-2962
ಬಿಜೆಪಿ ಆಶಾ ತಿಮ್ಮಪ್ಪ ಗೌಡ-2392
ಕುಡ್ಲ ದಕ್ಷಿಣ:
ಬಿಜೆಪಿದ ವೇದವ್ಯಾಸ ಕಾಮತ್-6177 (ಮುನ್ನಡೆ)
ಕಾಂಗ್ರೆಸ್ ಜೆ.ಆರ್. ಲೋಬೊ-2916
ಕುಡ್ಲ ವಿಧಾನಸಭೆ ಕ್ಷೇತ್ರ:
ಕಾಂಗ್ರೆಸ್ ದ ಯು.ಟಿ. ಖಾದರ್-6879
ಬಿಜೆಪಿದ ಸತೀಶ್ ಕುಂಪಲ-2724
ಸುರುತ್ತ ಸುತ್ತುದ ವೋಟುದ ರಿಸಲ್ಟ್
ಕರ್ನಾಟಕ ವಿಧಾನಸಭೆ ವೋಟುದ ಲೆಕ್ಕ ಸುರು ಆತ್ಂಡ್.
ಸುರುತ್ತ ಸುತ್ತುದ ವೋಟುದ ಲೆಕ್ಕ ಮುಗಿಂಡ್. ಸುರುತ್ತ ಪಂತಡ್ ಬಿಜೆಪಿ-ಕಾಂಗ್ರೆಸ್ ನಡುಟ್ ಒಂಜೇ ರೀತಿ ಪೈಪೋಟಿ ಇತ್ತ್ಂಡಲ ಇತ್ತೆ ಬಿಜೆಪಿ 96, ಕಾಂಗ್ರೆಸ್ 106 ಕ್ಷೇತ್ರಡ್ ಮುನ್ನಡೆ ಸಾಧಿಸಾದ್ಂಡ್. ಜೆಡಿಎಸ್ 20 ಕ್ಷೇತ್ರಡ್ ಬೊಕ್ಕ ಪಕ್ಷೇತರ 04 ಕ್ಷೇತ್ರಡ್ ಮುನ್ನಡೆ ಸಾಧಿಸಾದ್ಂಡ್.
Tipu’s sword worth 15 crore is put up for auction 15 ಕೋಟಿ ಬಿಲೆತ್ತ ಟಿಪ್ಪುನ ಬಂಗಾರ್ ದ ಖಡ್ಗ ಏಲಂ
ಮೈಸೂರ್ ದ ದೊರೆ ಟಿಪ್ಪು ಸುಲ್ತಾನ್ ನ ಬಂಗಾರ್ ದ ಖಡ್ಗನ್ ಬ್ರಿಟನ್ ಏಲಂ ಪಾಡಿಯೆರ್ ನಿರ್ಧಾರ ಮಲ್ದ್ಂಡ್.
ಉಂದುವೇ 23 ಕ್ಕ್ ನಡಪರೆ ಇಪ್ಪುನ ಏಲಂ ಡ್ ಬಂಗಾರ್ ದ ಈ ಖಡ್ಗ 15 ರ್ದ್ 20 ಕೋಟಿ ರೂ. ಮುಟ್ಟ ಬಿಲೆ ಬಾಳುನ ನಿರೀಕ್ಷೆ ಉಂಡು.
ಖಡ್ಗದ ಮಿತ್ತ್ ಮಸ್ತ್ ವರ್ಣಚಿತ್ರ ಕೆತ್ತನೆ ಉಂಡು. ರಾಜಸ್ಥಾನದ ಮೇವಾರ್‌ಡ್ ಕೋಫ್ಟಗಿರಿ ಶೈಲಿದ ಕಲೆ ಉಂಡು. ನೆತ್ತ ಉದ್ದ 100 ಸೆಂ.ಮೀ.
ಕರ್ನಾಟಕದ ದೇವನಹಳ್ಳಿಡ್ ಮೈಸೂರ್ ಸೈನ್ಯಾಧಿಕಾರಿ ಆದಿತ್ತಿನ ಹೈದರ್ ಅಲಿ ಮೆರೆನ ಮಗೆ ಟಿಪ್ಪು ಸುಲ್ತಾನ್ 1799 ಟ್ಟ್ ಮೈಸೂರ್ ಕೈತಲ್ ದ ಶ್ರೀರಂಗಪಟ್ಟಣಡ್ ಬ್ರಿಟಿಷೆರೆನೊಟ್ಟಿಗೆ ಯುದ್ಧಡ್ ತೀರ್ ಪೋಯೆರ್. ಬೊಕ್ಕ ಶ್ರೀರಂಗಪಟ್ಟಣದ ಅರಮನೆಟ್ಟ್ ತಿಕಿನ ಖಡ್ಗನ್ ಬ್ರಿಟಿಷ್ ಸೇನೆ ಮೇಜರ್ ಜನರಲ್ ಡೇವಿಡ್ ಬೇರ್ಡ್ ಮೆರೆಗ್ ಕೊರ್ದಿತ್ತೆರ್.
Tipu’s sword worth 15 crore is put up for auction
The golden sword of the Sultan of Mysore,Tipu Sultan has been put up for auction at Britain.Its worth is said to be 15-20 crore rupees.It is 100 cms long with intricate carvings on it.
Ten persons die in an collusion between two private buses in Shimoga ಶಿವಮೊಗ್ಗ: ರಡ್ಡ್ ಬಸ್ ಗುದ್ದುದು 10 ರ್ದ್ ಎಚ್ಚ ಜನ ತೀರ್ ಪೋಯೆರ್
ಶಿವಮೊಗ್ಗ ತಾಲೂಕ್ ದ ಕುಂಸಿ ಪೊಲೀಸ್ ಠಾಣೆ ವ್ಯಾಪ್ತಿದ ಚೋರಡಿ ಕೈತಲ್ ಗುರುವಾರ ಬಯ್ಯಗ್ ರಡ್ಡ್ ಖಾಸಗಿ ಬಸ್ ಗುದ್ದುದು ಪತ್ತ್ ಜನ ತೀರ್ ಪೋತೆರ್.
ಈ ಘಟನೆ ಶಿಕಾರಿಪುರರ್ದ್ ಶಿವಮೊಗ್ಗಗ್ ಬರೊಂದು ಇತ್ತಿನ ವೆಂಕಟಮಹಾಲಕ್ಷ್ಮೀ ಪುದರ್ ದ ಖಾಸಗಿ ಬಸ್ ಬೊಕ್ಕ ಶಿವಮೊಗ್ಗರ್ದ್ ಶಿಕಾರಿಪುರಗ್ ಪೋವೊಂದು ಇತ್ತಿನ ಶ್ರೀನಿವಾಸ ಪುದರ್ ದ ಬಸ್ ತ್ತ ನಡುಟ್ ನಡತ್ ದ್ಂಡ್.
ನೇರ್ದಾವೆರ 10 ರ್ದ್ ಎಚ್ಚ ಜನ ತೀರ್ ಪೋತೆರ್ ಪಂದ್ ತೆರಿದ್ ಬೈದ್ಂಡ್. ಆಂಡ ತೀರ್ ಪೋಯಿನಕ್ಲೆನ ಸಂಖ್ಯೆ ನನಲ ಖಚಿತ ಆತಿಜಿ.
Three persons arrested when they forcefully try to enter the holy Kadri Manjunatheshwara temple at Mangalore on a bike ಕದ್ರಿ ದೇವಲ್ಯಗ್ ಸಂಸಯಾಸ್ಪದ ರೀತಿಡ್ ಪೊಗ್ಗಿನ ಮೂಜಿ ಜನ ಅರೆಸ್ಟ್
ಕುಡ್ಲ ಪೇಂಟೆದ ಸಾರರ್ದ್ ಎಚ್ಚ ವರ್ಷದ ಇತಿಹಾಸ ಇಪ್ಪುನ ಕದ್ರಿ ಶ್ರೀ ಮಂಜುನಾಥ ದೇವಲ್ಯಗ್ ಬೈಕ್‌ ಡ್ ಸಂಸಯಾಸ್ಪದ ರೀತಿಡ್ ಪೊಗ್ಗರೆ ತೂಯಿನ ಮೂಜಿ ಜನ ಜವನೆರೆನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.
ಅಸೈಗೋಳಿ ನಿವಾಸಿ ಹಸನ್ ಶಾಹಿನ್‌, ಜಾಫರ್, ಫಾರೂಕ್ ಅರೆಸ್ಟ್ ಆಯಿನ ಆರೋಪಿಲು. ಮೊಕುಲು ಬೈಕ್‌ಡ್ ದೇವಲ್ಯದ ಉಲಯಿ ಪ್ರವೇಶ ಮಲ್ಪೆರೆ ತೂತೆರ್. ಅತ್ತಂದೆ ಸಂಶಯಸ್ಪಾದವಾದ್ ವರ್ತನೆ ಮಲ್ತೊಂದು ಇತ್ತಿನ ಮೊಕ್ಲೆನ್ ಕೈತಲ್ ದಕುಲು ಪತ್ತ್ ದ್ ಕದ್ರಿ ಪೊಲೀಸೆರೆಗ್ ಒಪ್ಪಿಸಾದೆರ್. ಪೊಲೀಸ್ ನಕುಲು ವಿಚಾರಣೆ ಮಲ್ತೊಂದು ಉಲ್ಲೆರ್. ಮೊಕುಲು ವಾ ಕಾರಣಗ್ ಈ ರೀತಿ ಮಲ್ದೆರ್ ಪಂದ್ ತೆರಿದ್ ಬರೊಡಾತೆ.
Two persons die when a tree uproots due to heavy rains in Kaup and falls on a auto ಕಾಪು: ರಿಕ್ಷಾದ ಮಿತ್ತ್ ಮರ ಬೂರ್ದು 2 ಜನ ತೀರ್ ಪೋಯೆರ್
ಒಡಿಪು: ಭಾರಿ ತೆಡಿಲ್ ಬರ್ಸಗ್ ಒಡಿಪು ಜಿಲ್ಲೆದ ಕಾಪು ಕೈತಲ್ ದ ಮಜೂರುಡ್ ಪೋವೊಂದು ಇತ್ತಿನ ರಿಕ್ಷಾದ ಮಿತ್ತ್ ಮರ ಬೂರ್ದು ರಡ್ಡ್ ಜನ ತೀರ್ ಪೋಯಿನ ಘಟನೆ ಗುರುವಾರ ರಾತ್ರೆ ನಡತ್ಂಡ್.
ಕಾಪು ಕಡೆರ್ದ್ ಶಿರ್ವ ಕಡೆಕ್ಕ್ ಬೊಕ್ಕ ಶಿರ್ವರ್ದ್ ಕಾಪುದಂಚಿ ಪ್ರಯಾಣ ಮಲ್ತೊಂದು ಇತ್ತಿನ ರಡ್ಡ್ ರಿಕ್ಷಾದ ಮಿತ್ತ್ ಮರ ಬೂರ್ದು ಕಾಪುರ್ದ್ ಶಿರ್ವದಂಚಿ ಪೋವೊಂದು ಇತ್ತಿನ ಪುಷ್ಪಾ (45) ಬೊಕ್ಕ ಅರೆನ ಮೈತಿನೆ ತೀರ್ ಪೋತೆರ್.
ಶರೀಫ್ ಬೊಕ್ಕ ದಿನೇಶ್ ಪನ್ಪುನಕ್ಲೆನ ರಿಕ್ಷಾದ ಮಿತ್ತ್ ಲ ಮರ ಬೂರ್ದುಂಡು. ರಡ್ಡ್ ರಿಕ್ಷಾದ ಡೈವರ್ ಬೊಕ್ಕ ಬೇತೆ ಪ್ರಯಾಣಿಕೆರ್ ತೊಂದರೆರ್ದ್ ಪಾರಾತೆರ್. ರಿಕ್ಷಾ ಪೂರ ನಕ್ಕೆ ಆತ್ಂಡ್.
Manglore experiences rainfall at last; roads clogged with water ಕುಡ್ಲ ಪೇಂಟೆಡ್ ತೆಡಿಲ್ ಬರ್ಸ, ಮಾರ್ಗ ನಿಲಿಕೆ ನೀರ್
ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲೆದ ಕುಡ್ಲ ಪೇಂಟೆ ಬೊಕ್ಕ ಬೇತೆ ಬೇತೆ ತಾಲೂಕ್ ದ ಸುಮಾರ್ ಕಡೆಟ್ ತೆಡಿಲ್, ಮೆಂಚ್ ದ ಬರ್ಸ ಕೋಡೆ ರಾತ್ರೆ ಬೈದ್ಂಡ್.
ವಾಯುಭಾರ ಕುಸಿತರ್ದ್ ಮುಂಗಾರುರ್ದು ದುಂಬುದ ಬರ್ಸ, ತೆಡಿಲ್, ಮೆಂಚ್ ದೊಟ್ಟಿಗೆ ಬೈದ್ಂಡ್. ಪೇಂಟೆದ ಸ್ಮಾರ್ಟ್ ಸಿಟಿ ಕಾಮಗಾರಿದ ಅವಾಂತರಗ್ ಈ ಬರ್ಸ ಸಾಕ್ಷಿ ಆತ್ಂಡ್. ಸುಮಾರ್ ಕಡೆಟ್ ಬರ್ಸದ ನೀರ್ ಪೋವೆರೆ ಅವಂದೆ, ಮಾರ್ಗಡ್ ಉಂತುದುಂಡು. ನೇರ್ದಾವೆರ ಸಾರ್ವಜನಿಕೆರೆಗ್, ಗಾಡಿದಕ್ಲೆಗ್ ಸರಿಯಾಯಿನ ಸಮಯಗ್ ಇಲ್ಲಡೇ ಪೊವೆರೆ ಅವಂದೆ ತೊಂದರೆ, ಆತ್ಂಡ್. ಅತ್ತಂದೆ ಕರೆಂಟ್ಲಾ ದೈದೆರ್ ಪಂದ್ ತೆರಿದ್ ಬೈದ್ಂಡ್.