ಎಲ್ಲೆರ್ದ್ ಪತ್ತ್ ದಿನ ಕುಡ್ಲ ಕೆಎಸ್ಸಾರ್ಟಿಸಿರ್ದ್ ದೇಯಿ ಬೈದೆತಿ ಕೋಟಿ ಚೆನ್ನಯ ಮೂಲಸ್ಥಾನ ಶ್ರೀ ಕ್ಷೇತ್ರ ಗೆಜ್ಜೆಗಿರಿಗ್ ತುಡರ್ ಪರ್ಬದ ಲೆಕ್ಕೊಡು ಪ್ಯಾಕೇಜ್ ಟೂರ್ ಉಂಡು.
ಬಸ್ ಬೊಲ್ಪುಗು 8 ಗಂಟೆಗ್ ಕುಡ್ಲ ಕೆಎಸ್ಸಾರ್ಟಿಸಿ ಬಸ್ ಸ್ಯಾಂಡ್ ರ್ದ್ ಪಿದಡ್ದ್ ವಿಟ್ಲ ಪಂಚಲಿಂಗೇಶ್ವರ, ಮೃತ್ಯುಂಜಯೇಶ್ವರ, ಉಮಾಮಹೇಶ್ವರಿ, ಪುತ್ತೂರ್ ಮಹಾಲಿಂಗೇಶ್ವರ, ಶ್ರೀ ಕ್ಷೇತ್ರ ಗೆಜ್ಜೆಗಿರಿ, ಬೊಕ್ಕ ಹನುಮಗಿರಿಗ್ ಬರ್ಯೆರೆ ಉಂಡು ಪಂದ್ ಕೆಎಸ್ಸಾರ್ಟಿಸಿ ತೆರಿಪಾದ್ಂಡ್.
ಕುಡ್ಲ: ತುಳುನಾಡ್ ದ ಕಾರಣಿಕ ಶಕ್ತಿ ಆಯಿನ ಕುತ್ತಾರ್ ದ ‘ಸ್ವಾಮಿ ಕೊರಗಜ್ಜ’ನ ದೆಕ್ಕಾಡು ಆದಿತಲತ ಬಗೆಟ್ ಜನಕಲೆಗ್ ಮಾಹಿತಿ ತೆರಿಪಾಯೆರೆ ನೂತನವಾದ್ ಪೊಸ ವೆಬ್‌ಸೈಟ್ ರಚನೆ ಆತ್ಂಡ್.
ವೆಬ್ ಬ್ರೈನಿ ಸಾಫ್ಟ್‌ವೇರ್ ಸೆಲ್ಯೂಶನ್ಸ್ ಸಂಸ್ಥೆ ಈ
www.swamykoragajjaaadistalakuthar.com ವೆಬ್‌ಸೈಟ್‌ನ್ ರಚನೆ ಮಲ್ದ್ಂಡ್.
ಕ್ಷೇತ್ರದ ಅನುವಂಶಿಕ ಆಡಳಿತ ಮೊಕ್ತೇಸೆರ್ ಮಾಗಣ್ತಡಿ ಶ್ರೀಧರ್ ಶೆಟ್ಟಿ ಮೇರ್ ಆದಿತಲತ್ರ ವೆಬ್‌ಸೈಟ್ ಬೊಕ್ಕ ಪುಸ್ತಕ ಬುಡುಗಡೆ ಮಲ್ತೆರ್.
ಬಂಟ್ವಾಳ : ಆರ್.ಟಿ.ಒ ಕಚೇರಿಗ್ ಅ.20 ದಾನಿ ಮಾಜಿ ಸಚಿವೆರ್ ರಮಾನಾಥ ರೈ ದಿಢೀರನೆ ಭೇಟಿ ಕೊರ್ತೆರ್.
ಇಂಚಿಪ್ಪ ರಾಜ್ಯ ಬಿಜೆಪಿ ಸರ್ಕಾರ ಖಾಸಗಿ ಏಜೆನ್ಸಿ ರಿಫ್ಲೆಕ್ಟ್ ಗೂಡ್ಸ್ ಸಾರಿಗೆ ಗಾಡಿಗ್ ರಿಫ್ಲೆಕ್ಟ್ ಪಾಡುನೆನ್ ಖಾಸಗಿದಕಲೆಗ್ ಗುತ್ತಿಗೆ ಕೊರ್ದು 200,300 ರೂ ಇತ್ತಿನ ಬಿಲೆನ್ 1500,1700 ಮುಟ್ಟ ಹೆಚ್ಚ ಮಲ್ದೆರ್. ಮಲ್ಲ ಸಾರಿಗೆ ಗಾಡಿಗ್ 3,500 ಸಾವಿರರ್ದ್ 5,000 ಮುಟ್ಟ ಬಿಲೆ ನಿಗದಿ ಅತಿನವು ಎಲ್ಯ ಬೊಕ್ಕ ಮಲ್ಲ ಗಾಡಿಲೆದ ಮಾಲಿಕೆರೆಗ್ ಬಂಜಿಗ್ ಹಾಕ್ಲೆಕ ಆತ್ಂಡ್. ನೆನ್ ಕೂಡ್ಲೆ ಉಂತಾದ್ ಚಾಲಕೆರೆಗ್ ಬೊಕ್ಕ ಮಾಲಿಕೆರೆಗ್ ಆಯಿನ ಅನ್ಯಾಯನ್ ಸರಿ ಮಲ್ಪೊಡು ಪಂದ್ ಮಾಜಿ ಸಚಿವೆರ್ ಬಿ. ರಮಾನಾಥ ರೈ ಬಿನ್ನಾಪು ಮಲ್ತೆರ್.
ಈ ಪೊರ್ತುಡು ಸುದೀಪ್ ಕುಮಾರ್ ಶೆಟ್ಟಿ, ಬೇಬಿ ಕುಂದರ್, ಪದ್ಮನಾಭ ರೈ, ಅಬ್ಬಾಸ್ ಅಲಿ, ಸುಭಾಷ್ಚಂದ್ರ ಶೆಟ್ಟಿ, ಲೋಕೇಶ್ ಪೂಜಾರಿ, ಮೋಹನ್ ಶೆಟ್ಟಿ ಇತ್ತೆರ್.
ಜಯಕರ್ನಾಟಕ ಜನಪರ ವೇದಿಕೆ ಬೊಕ್ಕ ಐಕೇರ್ ಬ್ರಿಗೇಡ್ ಸಂಸ್ಥೆದ ಯುವ ಸಂಸ್ಥಾಪಕ ಅಧ್ಯಕ್ಷೆರ್ ಬಿ.ಗುಣರಂಜನ್ ಶೆಟ್ರ್ ನ ಮುತಾಲಿಕೆಡ್ ಅ.12 ಬುಧಾರದಾನಿ ಜಯಕರ್ನಾಟಕ ಜನಪರ ವೇದಿಕೆದ ಕೇಂದ್ರ ಕಚೇರಿಡ್, ಜನನಿ ದಿವಾಕರ್ ಶೆಟ್ಟಿ ಮೆರೆನ್ ಒಡಿಪು ಜಿಲ್ಲೆದ ಅಧ್ಯಕ್ಷೆರಾದ್ ಆಯ್ಕೆ ಮಲ್ತೆರ್.
ಈ ಪೊರ್ತುಡು ರಾಜ್ಯ ಮಹಾ ಪ್ರಧಾನ ಸಂಚಾಲಕೆರ್ ಶೆ.ಭೋ.ರಾಧಾಕೃಷ್ಣ, ರಾಜ್ಯ ಸಂಘಟನಾ ಕಾರ್ಯದರ್ಶಿ ಬಾಲಚಂದರ್ ಇತ್ತೆರ್. ನೂತನವಾದ್ ಒಡಿಪು ಜಿಲ್ಲಾಧ್ಯಕ್ಷೆರಾದ್ ಆಯ್ಕೆ ಆಯಿನ ಜನನಿ ದಿವಾಕರ ಶೆಟ್ಟಿ ಮೆರೆಗ್ ಜಯಕರ್ನಾಟಕ ಜನಪರ ವೇದಿಕೆದ ಯುವಸಂಸ್ಥಾಪಕ ಅಧ್ಯಕ್ಷೆರ್ ಆದೇಶ ಪತ್ರನ್ ಕೊರ್ದು ಸೊಲ್ಮೆ ಸಂದಾಯೆರ್.
ರಾಧಾ ಸುರಭಿ ಗೋ ಮಂದಿರ ರಾಷ್ಟ್ರೀಯ ಗೋಸೇವಾ ಸಂಸ್ಥಾನಮ್ ಟ್ರಸ್ಟ್ (ರಿ.)ಬೊಕ್ಕ ಗೋ ಸೇವಾ ಗತಿವಿಧಿದ ಮುತಾಲಿಕೆಡ್ ಗೋ ಉಚ್ಚಯದ ಸಂದೇಶ ಬೊಕ್ಕ ಉದ್ದೇಶಲೆನ್ ತೋಪಾವುನ ಗೋ ರಥ ಯಾತ್ರೆ ಅ.19 ಬುಧಾರ ದಾನಿ ನಡತ್ಂಡ್.
ಬೊಕ್ಕ ಗೋ ಪೂಜೆ ರಾತ್ರೆ 8 ಗಂಟೆಗ್ ಕುಳಾಯಿ ಶ್ರೀ ವಿಷ್ಣುಮೂರ್ತಿ ದೇವಲ್ಯಡ್ ಆಂಡ್.
ಅ.20 ದಾನಿ ಬೊಲ್ಪುಗು 7ಗಂಟೆದ ಗೋ ಪೊಜೆ ಆಯಿ ಬೊಕ್ಕ ರಥಯಾತ್ರೆ ಸುರತ್ಕಲ್ ಗ್ ಪೊಂಡು.
ಗೋವನಿತಾಶ್ರಯ ಟ್ರಸ್ಟ್ (ರಿ.) ಕುಡ್ಲ (ವಿಶ್ವಹಿಂದೂ ಪರಿಷತ್ ಸಹಯೋಗದ ಸೇವಾ ಸಂಸ್ಥೆ) ಗೋ ಹೊರೆಕಾಣಿಕೆ ಸಮಿತಿದ ಗೋವಿಗಾಗಿ ಮೇವು, ಹೊರೆಕಾಣಿಕೆ ಅರ್ಪಣೆ
ಕಾರ್ಯಾಲಯ ಬೊಕ್ಕ ಹೊರ ಕಾಣಿಕೆ ಸಂಗ್ರಹ ಕೇಂದ್ರ ದ ಉದಿಪನ ಕೂಟ ಬುಧಾರ ಬಯ್ಯಗ್ 5 ಗಂಟೆಗ್ ಕುಡ್ಲ ಶರವು ದೇವಲ್ಯಡ್ ನಡತ್ಂಡ್.
ಭಾರತೀಯ ಜನತಾ ಪಾರ್ಟಿದ ಹಿರಿಯ ಮುಖಂಡೆರ್, ಧಾರ್ಮಿಕ ಮುಂದಾಳು ಅಮ್ಮು಼ಂಜೆದ ಗಣ್ಯ ವ್ಯಕ್ತಿ ಶೀನ ಶೆಟ್ರ್ (93) ಇನಿ ದೇವೆರೆ ಪಾದ ಸೇರ್ಯೆರ್.
ಮೇರೆನ ಆತ್ಮಗು ಆ ದೇವೆರ್ ಚಿರಶಾಂತಿ ಕೊರಡ್ ಪಂದ್ ದೇವೆರೆನ್ ಸುಗಿತೊನುಗ.
ಬೆಂಗ್ಲೂರ್: ರಾಜ್ಯದ ಮುಜರಾಯಿ ಇಲಾಖೆಗ್ ಸಂಬಂಧ ಪಟ್ಟಿನ ಮಾತ ದೇವಲ್ಯಡ್ ತುಡರ್ ಪರ್ಬದ ಅಕೇರಿದ ದಿನ ಬಲಿ ಪಾಡ್ಯಮಿದಾನಿ (ಅ. 26) ಬಯ್ಯಗ್ 5.30 ರ್ದ್ 6.30 ಮುಟ್ಟದ ಗೋಧೂಳಿ ಲಗ್ನಡ್ ಗೋಪೂಜೆ ಮಲ್ಪೊಡು ಪಂದ್ ರಾಜ್ಯ ಸರ್ಕಾರ ನಿರ್ದೇಶನ ಕೊರ್ತುಂಡು.
ಸನಾತನ ಹಿಂದೂ ಧರ್ಮದ ಆಚರಣೆನ್ ಜನ ಮರಪೆರೆ ಬಲ್ಲಿ, ನನದ ಪೀಳಿಗೆಗ್ಲಾ ಉಂದು ಗೊತ್ತು ಇಪ್ಪೊಡು ಪಂದ್ ಈ ನಿರ್ದೇಶನನ್ ಕೊರ್ತುಂಡು ಪಂದ್ ಅರ್ಚಕೆರ್ ಪಂಡೆರ್.
ಪೆತ್ತಲೆನ್ ಮೀಪಾದ್ ಜನಕುಲು ದೇವಲ್ಯಗ್ ಲೆತೊಂದು ಬತ್ತ್ ದ್ ಕುಂಕುಮ, ಅರಿಶಿಣ, ಪೂ ಪರ್ಂದ್, ಅರಿ, ಬೆಲ್ಲ, ಪಾಡ್ದ್ ಬೊಕ್ಕ ಬೇತೆ ಚೀಪೆ ತಿಂಡಿಲೆನ್ ಕೊರೊಡು. ಅಯಿರ್ದ್ ಬೊಕ್ಕ ದೀಪ ಬೊಕ್ಕ ಧೂಪರ್ದ್ ಪೆತ್ತಲೆಗ್ ಪೂಜೆ ಮಲ್ಪೊಡು ಪಂದ್ ನಿರ್ದೇಶನಡ್ ಸೂಚನೆ ಕೊರ್ತುಂಡು.
ಬಂಟ್ವಾಳ: ಬೊಲ್ತೇರ್ ದ ಶಾಸಕೆರ್ ಹರೀಶ್ ಪೂಂಜೆರೆನ ಮಿತ್ತ್ ತಲ್ವಾರ್ ಬೀಜಿನ ಕೇಸ್ ದ ಬಗೆಟ್ ಬಂಟ್ವಾಳಡ್ ಸಿ.ಐ.ಡಿ. ಪೋಲೀಸೆರ್ ತನಿಖೆ ಸುರು ಮಲ್ದೆರ್.
ರಾಜ್ಯದ ಸಿ.ಐ.ಡಿ.ಇನ್ಸ್ ಪೆಕ್ಟರ್ ಶಿವರಾಜ್ ಮುತಾಲಿಕೆಡ್ ಒರಿ ಎಸ್.ಐ. ಬೊಕ್ಕ ರಡ್ಡ್ ಸಿಬ್ಬಂದಿಲೆನ ತಂಡ ಅ.19ದಾನಿ ಬೊಲ್ಪುಗ್ ಗು ಬಂಟ್ವಾಳಗ್ ಬೈದೆರ್. ಈ ಕೇಸ್ ಡ್ ಆರೋಪಿ ಅಡ್ಯಾರು ನಿವಾಸಿ ರಿಯಾಜ್ ನ್ ಬಂಧನ ಮಲ್ದಿತ್ತೆರ್. ಅ.18 ಅಂಗಾರೆ ಈ ಕೇಸ್ ದ ಪೂರ ಫೈಲ್ ಲೆನ್ ಬಂಟ್ವಾಳ ಗ್ರಾಮಾಂತರ ಎಸ್.ಐ.ಹರೀಶ್ ಬೆಂಗ್ಲೂರ್ ಕಚೇರಿಗ್ ಎತ್ತಾದೆರ್. ಇತ್ತೆ ಸಿ.ಐ.ಡಿ.ಪೋಲೀಸೆರ್ ತನಿಖೆ ಸುರು ಮಲ್ತ್ ಬೇತೆ ಬೇತೆ ರೀತಿಡ್ ತನಿಖೆ ಮಲ್ತ್ ದ್ ಆರೋಪಿನ್ ಸಿ.ಐ.ಡಿ. ಕೋರ್ಟುಗು ಹಾಜರ್ ಆಪುಲೆಕ್ಕ ನೋಟೀಸ್ ಕೊರ್ಪುನ ಸಾಧ್ಯತೆ ಉಂಡು.
ಬೆಂಗ್ಲೂರ್: ರಾಜಧಾನಿ ಬೆಂಗ್ಲೂರ್ ಡ್ ಕೋಡೆ ರಾತ್ರೆಗ್ ಸುರು ಆಯಿನ ಬರ್ಸ ಇತ್ತೆಲ ಬರೊಂದೆ ಉಂಡು.
ಈ ಬರ್ಸಗ್ ಶೇಷಾದ್ರಿಪುರಂ ದ ಮೆಟ್ರೋ ತಡೆ ಗೋಡೆ ಬೂರ್ದು ಪಾರ್ಕ್ ಮಲ್ತ್ ಇತ್ತಿನ ಏಳ್ ಕಾರುಲು ಲಗಾಡಿ ಪೋತ್ಂಡು. ಮಲ್ಲೇಶ್ವರಂ, ರಾಜಾಜಿ ನಗರ, ಕೆ ಆರ್ ಪುರಂ ಸೇರ್ದ್ ನಗರದ ಸುಮಾರ್ ಪ್ರದೇಶಡ್ ಬರ್ಸ ಬೈದ್ಂಡ್. ರಾಜಾಜಿ ನಗರ ಆಜಿನೇ ಬ್ಲಾಕ್ ಡ್ ನೀರ್ ಇಲ್ಲದ ಉಲಯಿ ಬೈದ್ಂಡ್.
ಸಿಲ್ಕ್ ಬೋರ್ಡ್ ಮಾರ್ಗ ಪುರ ಕೆರೆತ ಲೆಕ್ಕ ಆತ್ಂಡ್.
