Times of kudla

Case registered against well known actor Mukhyamantri Chandru ಪುಗರ್ತೆದ ನಟೆ ಮುಖ್ಯಮಂತ್ರಿ ಚಂದ್ರುನ ಮಿತ್ತ್ ಕೇಸ್ ದಾಖಲ್

ಕನ್ನಡದ ಪುಗರ್ತೆದ ನಟೆ ಮುಖ್ಯಮಂತ್ರಿ ಚಂದ್ರು ಮೆರೆನ ಮಿತ್ತ್ ಸರ್ವೋದಯ ವಿಕಲಚೇತನ ಕ್ಷೇಮಾಭಿವೃದ್ಧಿ ಸಂಘ ಕೇಸ್ ದಾಖಲ್ ಮಲ್ದ್ಂಡ್.

ಮೇರ್ ವಿಕಲಚೇತನೆರೆಗ್ ಅಪಮಾನ ಮಲ್ದೆರ್ ಪಂದ್ ದೂರು ಕೊರ್ತೆರ್. ಮೇರ್ ಭಾಷಣ ಮಲ್ಪುನಗ ವೋಟುಗು ಉಂತುನಕುಲು ಅಪಮಾನಕರ ಹೇಳಿಕೆ ಕೊರ್ತೆರ್ಂದ್ ಆರೋಪ ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.

Case registered against well known actor Mukhyamantri Chandru

A case has been registered against Mukhyamantri Chandru by Sarvodaya Vikalachetana Kshamabiruddhi Sangha.
It has been complained that in a speech Mukhyamantri Chandru has hurt the sentiments of the mentally challenged.

Feb 11 th: Dharmadaiva Jarantaya Nema at Haripade ಫೆ.11: ಹರಿಪಾದೆ ಧರ್ಮದೈವ ಜಾರಂತಾಯ ನೇಮ

ಹಳೆಯಂಗಡಿ: ಪಂಜ-ಕೊಯಿಕುಡೆ ಗ್ರಾಮದ ಶ್ರೀ ಹರಿಪಾದೆ ಧರ್ಮದೈವ ಜಾರಂತಾಯ ದೈವಸ್ಥಾನೊಡು ವರ್ಷಾಧಿದ ನೇಮ ಫೆ.11 ಸನಿಯಾರ ನಡಪರೆ ಉಂಡು.

ಈ ಲೇಸ್ ಶ್ರೀ ಕೃಷ್ಣಾಪುರ ಮಠಾಧೀಶೆರಾಯಿನ ಶ್ರೀ ವಿದ್ಯಾಸಾಗರ ತೀರ್ಥ ಸ್ವಾಮೀಜಿನ ಆಶೀರ್ವಾದದೊಟ್ಟಿಗೆ ನಡಪರೆ ಉಂಡು. ಫೆ.10 ಸುಕ್ರಾರ ಬಯ್ಯಗ್ 7 ಗಂಟೆಗ್ ಭಂಡಾರ ಇಲ್ಲಲ್ ರ್ದ್ ಶ್ರೀ ಜಾರಂತಾಯ ಬೊಕ್ಕ ಬಂಟ ದೈವೊದ ಭಂಡಾರ ಪಿದಡುಂಡು. ರಾತ್ರೆ 9 ಗಂಟೆಗ್ ಚೌತಿ ಪರ್ಬ, ತುಡರ ಬಲಿ ಆದ್ ಕೊಡಿ ಏರುಂಡು. ಫೆ.11 ಸನಿಯಾರ ಬೊಲ್ಪುಗು 10 ಗಂಟೆಗ್ ತುಲಾಭಾರ ಸೇವೆ, ಮಧ್ಯಾಹ್ನ ಅನ್ನಸಂತರ್ಪಣೆ, ರಾತ್ರೆ 10 ಗಂಟೆಗ್ ವರ್ಷಾಧಿದ ನೇಮ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ಜಾರಂತಾಯ ಬಂಟ ದೈವೊದ ಕೃಪೆಗ್ ಪಾತ್ರರಾವೊಡು ಪಂದ್ ಅನುವಂಶಿಕ ಆಡಳಿತ ಮೊಕ್ತೇಸರೆರ್ ನಲ್ಯಗುತ್ತು ಪ್ರಕಾಶ್ ಟಿ. ಶೆಟ್ಟಿ, ಆಡಳಿತ ಮಂಡಳಿದ ಪದಾಧಿಕಾರಿಲು, ಗ್ರಾಮಸ್ಥೆರ್ ಬೊಕ್ಕ ಸಾನದ ಇಲ್ಲ್ ದ ಕುಟುಂಬಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.

Four children die in a fire mishap in Himachal Pradesh ಹಿಮಾಚಲ ಪ್ರದೇಶಡ್ ತೂ ಪೊತ್ತ್ ದ್ 4 ಜೋಕುಲು ತೀರ್ ಪೋಯೆರ್

ಹಿಮಾಚಲ ಪ್ರದೇಶದ ಉನಾ ಜಿಲ್ಲೆದ ಕೊಳೆಗೇರಿಡ್ ತೂ ಪೊತ್ತ್ ದ್ 4 ಜೋಕುಲು ತೀರ್ ಪೋಯಿನ ಘಟನೆ ನಡತ್ಂಡ್‌.

ಕೈತಲ್ ದಕುಲು ತೂ ತೆಕ್ಕಾಯೆರೆ ತೂಡಾಂಡಲ ಜೋಕುಲೆನ್ ಬಚಾವು ಮಲ್ಪರೆ ಆಯಿಜಿ. ತೀರ್ ಪೋಯಿನ ಜೋಕುಲು ಬಿಹಾರದ ದರ್ಬಂಗಾ ಜಿಲ್ಲೆರ್ದ್ ವಲಸೆ ಬತ್ತಿನಕುಲು ಪಂದ್ ಪೊಲೀಸೆರ್ ತೆರಿಪಾದೆರ್. ಈ ಘಟನೆದ ಜಾಗೆಗ್ ಅಗ್ನಿಶಾಮಕ ಸಿಬ್ಬಂದಿ ಬತ್ತ್ ದ್ ತೂ ತೆಕ್ಕಾದೆರ್.

Four children die in a fire mishap in Himachal Pradesh.

In a fire mishap in Una district of Himachal Pradesh four children list their lives.The children were identified as migrant workers from Bihar.
Firefighters came to the spot to douse out the fire.

Vacancies in government pu colleges ಸರ್ಕಾರದ ಪಿಯು ಕಾಲೇಜ್ ಡ್ ಖಾಲಿ ಇಪ್ಪುನ ಬೇಲೆಗ್ ದೆತೊನುವೆರ್

ರಾಜ್ಯದ ಸರ್ಕಾರಿ ಪಿಯು ಕಾಲೇಜ್ ಡ್ ಖಾಲಿ ಇಪ್ಪುನ ಶಿಕ್ಷಕೆರೆನ ಬೇಲೆಗ್ 75% ದಾತ್ ನೇರ ನೇಮಕಾತಿ ಬೊಕ್ಕ 25% ದಾತ್ ಪ್ರೌಢಶಾಲೆದ ಸಹಶಿಕ್ಷಕಿ ವೃಂದದ ಶಿಕ್ಷಕೆರೆನ ಬೇಲೆಗ್ ನೇಮಕ ಮಲ್ಪೆರೆ ಸರ್ಕಾರ ತೀರ್ಮಾನ ಮಲ್ದ್ಂಡ್.

ಇಂಚೊಗು ಪ್ರಾಯ ಆದ್ ಬುಡ್ತಿನ, ರಾಜೀನಾಮೆ ಕೊರ್ನ, ತೀರ್ ಪೋಯಿನ ಬೊಕ್ಕ ಬೇತೆ ಬೇತೆ ಕಾರಣಗ್ ಬೇಲೆ ಬುಡ್ತಿನಕ್ಲೆನ ಪೊಲಬುನ್ ಫೆ.10 ತ್ತ ಉಲಯಿ preest2@gmail.com ಗ್ ತೆರಿಪಾವೊಡು ಪಂದ್ ಮಾತ ಜಿಲ್ಲಾ ಉಪನಿರ್ದೇಶಕೆರೆಗ್ ತೆರಿಪಾದ್ಂಡ್.

Vacancies in government pu colleges

Vacancies in government pu colleges will be filled through 75% direct recruitment, 25% through assistant teachers of primary schools .

For more information log on to preest2@ gmail.com

Former MLA dies of a heart attack ತಿಗಲೆ ಬೇನೆಡ್ ತೀರ್ ಪೋಯೆರ್ ಮಾಜಿ ಶಾಸಕೆರ್

ಧಾರವಾಡದ ಗ್ರಾಮೀಣ ಕ್ಷೇತ್ರದ ಮಾಜಿ ಶಾಸಕೆರ್ ಶಿವಾನಂದ ಅಂಬಡಗಟ್ಟಿ (72) ತಿಗಲೆ ಬೇನೆಡ್ ತೀರ್ ಪೋಯೆರ್.

ಸರಳ, ಸಜ್ಜನ ರಾಜಕಾರಣಿ ಆಯಿನ ಮೆರೆನ ಅಕೇರಿದ ಕ್ರಿಯೆ ಸ್ವಗ್ರಾಮ ಅಳ್ನಾವರಡ್ ಗುರುವಾರ ನಡಪರೆ ಉಂಡು ಪಂದ್ ಕುಟುಂಬಸ್ಥೆರ್ ತೆರಿಪಾದೆರ್. ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾ ರಾಷ್ಟ್ರೀಯ ಘಟಕದ ಉಪಾಧ್ಯಕ್ಷೆರ್ ಆದಿತ್ತಿನ ಮೇರ್ 1999-2005 ಮುಟ್ಟ ಶಾಸಕೆರಾದಿತ್ತೆರ್.

Former MLA dies of a heart attack

Former MLA of Dharwad rural Shivanand Ambadagatti(72) died of a heart attack and was in power from 1999-2005 and was vice president of Akila Bharatha Veerashaiva Lingayata mahasabha .

Women’s T20 World Cup from tomorrow ಎಲ್ಲೆರ್ದ್ ಪೊಂಜೋವ್ ಲೆನ ಟಿ20 ವಿಶ್ವಕಪ್ ಸುರು

ಪೊಂಜೋವ್ ಲೆನ ಟಿ20 ವಿಶ್ವಕಪ್ ಎಲ್ಲೆರ್ದ್ ಸುರು ಆಪುಂಡು.

ಬಿ ಕಲೊಟ್ಟು ತಾನ ಪಡೆಯಿನ ಭಾರತ ಲೀಗ್ ಪಂತಡ್ ಪಾಕಿಸ್ತಾನ, ವೆಸ್ಟ್ ಇಂಡೀಸ್, ಇಂಗ್ಲೆಂಡ್ ಬೊಕ್ಕ ಐರ್ಲೆಂಡ್ ದ ಒಟ್ಟುಗು ಗೊಬ್ಬೆರೆ ಉಂಡು.
ಎ ಕಲೊಟ್ಟು ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ, ಬಾಂಗ್ಲಾದೇಶ, ನ್ಯೂಜಿಲೆಂಡ್, ದಕ್ಷಿಣ ಆಫ್ರಿಕಾ ಬೊಕ್ಕ ಶ್ರೀಲಂಕಾ ಕೂಟದಕುಲು ಉಲ್ಲೆರ್.‌ ಎಲ್ಲೆ ಸುರುತ ಪಂತೊ ನಡಪರೆ ಉಂಡು. ನೆಟ್ಟ್ ಆತಿಥೇಯ ದಕ್ಷಿಣ ಆಫ್ರಿಕಾ, ಶ್ರೀಲಂಕಾ ಕೂಟ ಗೊಬ್ಬರೆ ಉಂಡು.

Women’s T20 World Cup from tomorrow

India league is in the B group and will play against Pakistan, England, West Indies and Ireland.

Feb 19: Koti Chennaya trophy 2023 organized by Koti Chennaya Seva Brigade (R). ಫೆ.19: ಕೋಟಿ ಚೆನ್ನಯ ಸೇವಾ ಬ್ರಿಗೇಡ್ (ರಿ.) ಮುತಾಲಿಕೆಡ್ ಕೋಟಿ ಚೆನ್ನಯ ಟ್ರೋಫಿ- 2023

ಕೋಟಿ ಚೆನ್ನಯ ಸೇವಾ ಬ್ರಿಗೇಡ್ (ರಿ.) ಕುಡ್ಲ ನೆತ್ತ ಮುತಾಲಿಕೆಡ್, ಕಿರಣ್ ಕುಮಾರ್ ಕೋಡಿಕಲ್ ಮೆರೆನ ಸಾರಥ್ಯಡ್ ಕೋಟಿ ಚೆನ್ನಯ ಟ್ರೋಫಿ- 2023 ಬೊಕ್ಕ ಬಲ್ಲ್ ಒಯಿಪುನ ಪಂತೊ ಫೆ.19 ಐತಾರ ಬಯ್ಯಗ್ 5 ಗಂಟೆಗ್ ಬಂಗ್ರಕೂಳೂರು ಗೋಲ್ಡ್ ಫಿಂಚ್‌ ಮೈದಾನಡ್ ನಡಪರೆ ಉಂಡು.

ಈ ಲೇಸ್ ದೊಟ್ಟಿಗೆ ಬಡಪತ್ತ್ ದಕುಲೆಗ್ ಪನವುದ ಸಕಾಯ ಕೊರಿಯೆರೆ ಉಂಡು. ಈ ಲೇಸ್ ಗುರುಪುರ ಶ್ರೀ ವಜ್ರದೇಹಿ ಮಠತ್ತ ಶ್ರೀ ರಾಜಶೇಖರಾನಂದ ಸ್ವಾಮೀಜಿನ ಉಪಸ್ಥಿತಿಟ್ಟ್ ನಡಪರೆ ಉಂಡು. ನೆತ್ತ ಉದಿಪನನ್ ಶಾಸಕೆರ್ ಡಾ. ವೈ ಭರತ್ ಶೆಟ್ಟಿ ಮಲ್ಪರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಜಿಲ್ಲಾ ಬಿಜೆಪಿ ಅಧ್ಯಕ್ಷೆರ್ ಸುದರ್ಶನ್ ಎಂ, ಪೊಲೀಸ್ ಆಯುಕ್ತೆರ್ ಶಶಿಕುಮಾರ್, ಕೆ.ಆರ್.ಇ.ಡಿ.ಎಲ್ ಸದಸ್ಯೆರ್ ಶರಶ್ಚಂದ್ರ ಸನಿಲ್, ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಪ್ರಕಾಶ್ ಪಿ.ಎಸ್, ವಿಶ್ವ ಹಿಂದು ಪರಿಷತ್ ಕಾರ್ಯದರ್ಶಿ ಶರಣ್ ಪಂಪ್ ವೆಲ್, ಕುಡ್ಲ ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ರವಿಶಂಕರ್ ಮಿಜಾರ್, ಆತ್ಮಶಕ್ತಿ ವಿವಿಧೋದ್ದೇಶ ಸಹಕಾರಿ ಸಂಘದ ಅಧ್ಯಕ್ಷೆರ್ ಚಿತ್ತರಂಜನ್ ಬೋಳಾರ್, ಲೇಡಿಹಿಲ್ ಎಸ್ ಎಲ್ ಶೇಟ್ ಡೈಮಂಡ್ ಹೌಸ್ ದ ಧಣಿ ರವೀಂದ್ರ ಶೇಟ್, ಕೊಟ್ಟಾರಗುತ್ತುದ ಜೆಡ್ಯ ಗೋಲ್ಡ್ ಫಿಂಚ್‌ ದ ಕೆ.ಪ್ರಸಾದ್ ಕುಮಾರ್ ಶೆಟ್ಟಿ, ಆಸರೆ ಚಾರಿಟೇಬಲ್ ಟ್ರಸ್ಟ್ ದ ಸಂಸ್ಥಾಪಕೆರ್ ಡಾ. ಆಶಾಜ್ಯೋತಿ ರೈ ಮಾಲಾಡಿ, ವಕೀಲೆರ್ ನಯನ ಪೈ, ಕೋಡಿಕಲ್ ಶ್ರೀ ನಾರಾಯಣ ಗುರು ಧರ್ಮಪರಿಪಾಲನ ಮಂದಿರದ ಅಧ್ಯಕ್ಷೆರ್ ಪುರುಷೋತ್ತಮ ಪೂಜಾರಿ ಬರಿಯೆರೆ ಉಲ್ಲೆರ್ ಪಂದ್ ಕೋಟಿ ಚೆನ್ನಯ ಸೇವಾ ಬ್ರಿಗೇಡ್ (ರಿ.) ಕುಡ್ಲ ನೆತ್ತ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Feb 19: Koti Chennaya trophy 2023 organized by Koti Chennaya Seva Brigade (R).

The Koti Chennaya Seva Brigade (R) will be organising the Koti Chennaya trophy 2023 ; on Feb 19 th the invite for which was released at Sri Brahma Baidarkala Garodi Kshetra Kankanady.

The invitation was released by the president of the Kshetra Chittaranjan.

G20 countries meet in Bangalore from today ಬೆಂಗ್ಲೂರ್ ಡ್ ಇನಿರ್ದ್ ಜಿ20 ದೇಶದ ಸಭೆ

ಇನಿರ್ದ್ ಮೂಜಿ ದಿನ ಜಿ20 ದೇಶದ ಪರಿಸರ ಬೊಕ್ಕ ಹವಾಮಾನ ಬದಲಾವಣೆದ ಬಗೆತ್ತ ಸುರುತ ಸಭೆ ಬೆಂಗ್ಲೂರ್ ಡ್ ನಡಪರೆ ಉಂಡು.

ಕೇಂದ್ರ ಪರಿಸರ, ಅರಣ್ಯ, ಹವಾಮಾನ ಬದಲಾವಣೆ ಇಲಾಖೆದ ಹೆಚ್ಚುವರಿ ಕಾರ್ಯದರ್ಶಿ ರಿಚಾ ಶರ್ಮಾ ಈ ಬಗೆಟ್ ಪೊಲಬು ಕೊರ್ತೆರ್.
ಮಣ್ಣ್ ದ್ ಸತ್ವ ಕರವುನು, ಜೀವ ರಾಸಿಲು ಸೈಪಿನಿ ಬೊಕ್ಕ ಬೂಮಿಡ್ ತಿಕ್ಕುನ ಸೊತ್ತುಲೆನ್ ಲೆಕ್ಕರ್ದ್ ಜಾಸ್ತಿ ಗಲಸುನೆನ್ ಉಂತಾವುನ ಇಸಯದ ಚರ್ಚೆ ಈ 3 ದಿನ ನಡಪರೆ ಉಂಡು ಪಂದ್ ಪಂತೆರ್.

G20 countries meet in Bangalore from today

A meet on environment and climate change will begin in Bangalore today and will continue for the next three days.

Central environment, forestry and climate change department secretary Richa Sharma gave information about the meet.She said that the meet will hold discussion on the pollution of soil due to non biodegradable material and the depletion of non renewable resources.

Turkey Earth quake- More than 15,000 dead ಟರ್ಕಿ ಭೂಕಂಪ: ತೀರ್ ಪೋಯಿನಕ್ಲೆನ ಸಂಖ್ಯೆ 15 ಸಾರರ್ದ್ ಎಚ್ಚ..!

ಟರ್ಕಿ ಬೊಕ್ಕ ಸಿರಿಯಾಡ್ ನಡತಿನ ಭೂಕಂಪಡ್ ಸಾವುದ ಸಂಖ್ಯೆ ಎಚ್ಚಾವೊಂದೇ ಉಂಡು. ಇಂಚಿಪ್ಪದ ವರದಿ ಪ್ರಕಾರ ಸಾವುದ ಸಂಖ್ಯೆ 15383 ಕ್ಕ್ ಏರ್ ದ್ಂಡ್.

ಟರ್ಕಿಡ್ 12391 ಜನ ಬೊಕ್ಕ ಸಿರಿಯಾಡ್ 2992 ಜನ ತೀರ್ ಪೋತೆರ್. ಕಟ್ವಾಣದ ಅಡಿಟ್ಟ್ ಬೂರ್ದಿನಕ್ಲೆನ್ ಬಚಾವ್ ಮಲ್ಪರೆ ರಕ್ಷಣಾ ಕೂಟದಕುಲು ಭಾರಿ ಬಂಗ ಬುಡೊಂದುಲ್ಲೆರ್.

Turkey Earth quake- More than 15,000 dead

The devastating earthquake in Syria and Turkey has caused destruction and chaos.The death toll has risen to 15,383 and the numbers are increasing.
The rescue operation are going on to help those trapped under the debris.

Feb 12 : Annual pooja of Alekad Sri Babbu Swami, Sri Chamundeshwari , Guliga Daiva ಫೆ.12: ಅಲೇಕಾಡ್ ಶ್ರೀ ಬಬ್ಬುಸ್ವಾಮಿ, ಶ್ರೀ ಚಾಮುಂಡೇಶ್ವರಿ ಬೊಕ್ಕ ಗುಳಿಗ ದೈವೊಲ್ಯಡ್ ವರ್ಷದ ಪೂಜೆ

ಚಾರ್ಮಾಡಿ ಘಾಟ್ ಅಲೇಕಾಡ್ ಶ್ರೀ ಬಬ್ಬುಸ್ವಾಮಿ, ಶ್ರೀ ಚಾಮುಂಡೇಶ್ವರಿ ಬೊಕ್ಕ ಗುಳಿಗ ದೈವೊಲ್ಯಡ್ ವರ್ಷದ ಪೂಜೆ ಫೆ.12 ಐತಾರ ನಡಪರೆ ಉಂಡು.

ಫೆ.10 ಶುಕ್ರಾರ ಮಧ್ಯಾಹ್ನ 2 ಗಂಟೆರ್ದ್ ಮೂಡಿಗೆರೆ ಪ್ರವಾಸಿ ಮಂದಿರರ್ದ್ ಪೇಂಟೆದ ಬೇತೆ ಬೇತೆ ಮಾರ್ಗೊಡು ಪುದೆ ಕೊರ್ಪುನ ಮೆರವಣಿಗೆ ನಡಪರೆ ಉಂಡು. ಫೆ.12 ಐತಾರ ಬೊಲ್ಪುಗು ಕಲಾಶುದ್ಧಿ, ಗಣಹೋಮ, ಶ್ರೀ ಬಬ್ಬುಸ್ವಾಮಿ ಬೊಕ್ಕ ಗುಳಿಗ ದೈವೊದ ದರ್ಶನ ಸೇವೆ ಆದ್ ವರ್ಷದ ಪೂಜೆ ನಡಪರೆ ಉಂಡು. ಬೊಕ್ಕ ಅಲೇಕಾಡ್ ಶ್ರೀ ಬಬ್ಬುಸ್ವಾಮಿ, ಚಾಮುಂಡೇಶ್ವರಿ ಬೊಕ್ಕ ಗುಳಿಗ ದೈವೊದ ಮಹಾಮಂಗಳಾರತಿ ಆದ್ ಧರ್ಮ ಸಭೆ ನಡಪರೆ ಉಂಡು. ಮಧ್ಯಾಹ್ನ ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಗೌರವದ ಅಧ್ಯಕ್ಷೆರ್, ಸದಸ್ಯೆರ್, ಗುರಿಕಾರೆರ್, ಬೊಕ್ಕ ಗೌರವಾಧ್ಯಕ್ಷೆರ್ ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ, ಮೂಡಿಗೆರೆ ತಾಲೂಕ್ ದ ಅಖಿಲ ಭಾರತ ಮುಂಡಾಲ ಸಮಾಜ ಲೆಪ್ಪೋಲೆಡ್ ತೆರಿಪಾದೆರ್.