Times of kudla

Invitation release of Koti Chennaya trophy – 2023 to be conducted under the auspices of Koti Chennaya Seva Brigade (R) on February 19th ಫೆ.19: ಕೋಟಿ ಚೆನ್ನಯ ಸೇವಾ ಬ್ರಿಗೇಡ್ (ರಿ.) ಮುತಾಲಿಕೆಡ್ ಕೋಟಿ ಚೆನ್ನಯ ಟ್ರೋಫಿ- 2023 ಲೆಪ್ಪೋಲೆ ಬುಡುಗಡೆ

ಕೋಟಿ ಚೆನ್ನಯ ಸೇವಾ ಬ್ರಿಗೇಡ್ (ರಿ.) ಕುಡ್ಲ ವತಿರ್ದ್ ಫೆ.19 ಕ್ಕ್ ನಡಪರೆ ಇಪ್ಪುನ ಕೋಟಿ ಚೆನ್ನಯ ಟ್ರೋಫಿ- 2023 ನೆತ್ತ ಲೆಪ್ಪೋಲೆ ಬುಡುಗಡೆ ಲೇಸ್ ಶ್ರೀ ಬ್ರಹ್ಮ ಬೈದರ್ಕಳ ಗರೋಡಿ ಕ್ಷೇತ್ರ ಕಂಕನಾಡಿಡ್ ನಡತ್ಂಡ್.

ಈ ಲೆಪ್ಪೋಲೆನ್ ಕ್ಷೇತ್ರದ ಅಧ್ಯಕ್ಷೆರ್ ಚಿತ್ತರಂಜನ್ ಗರೋಡಿ ಮೇರ್ ಬುಡುಗಡೆ ಮಲ್ತೆರ್. ಈ ಪೊರ್ತುಡು ಕಾರ್ಪೊರೇಟರ್ ಕಿರಣ್ ಕುಮಾರ್ ಕೋಡಿಕಲ್, ಸಂದೀಪ್ ಗರೋಡಿ, ಚಂಡಚಂಡೇಶ್ವರಿ ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಉದಯ್ ರಂಜನ್, ಎಸ್.ಎನ್.ಡಿ.ಪಿ ಕೋಡಿಕಲ್ ದ ಅಧ್ಯಕ್ಷೆರ್ ಪುರುಷೋತ್ತಮ ಪೂಜಾರಿ, ಮಂಗಳೂರು ದಕ್ಷಿಣ ಮಂಡಲದ ಯುವ ಮೋರ್ಚಾ ಉಪಾಧ್ಯಕ್ಷೆರ್ ಪ್ರಕಾಶ್ ಗರೋಡಿ ಬೊಕ್ಕ ಸರ್ವಸದಸ್ಯೆರ್ ಇತ್ತೆರ್.

Unrest in Suratkal again ಸುರತ್ಕಲ್ ಡ್ ಕುಡ ಗಲಾಟೆ : ಫಾಝಿಲ್ ಮೆಗ್ಯನ ಮೈಕ್ಕ್ ಕೈ ಪಾಡಿನ ಆರೋಪ

ಸುರತ್ಕಲ್ : ಬೈಕ್ ಗ್ ಕಾರ್ ತಾಂಟಿನ ವಿಚಾರೊಡು ಬೇತೆ ಬೇತೆ ಧರ್ಮದ ಜವನೆರ್ನ ರಡ್ಡ್ ಕೂಟದ ನಡುಟ್ಟು ಗಲಾಟೆ ಆಯಿನ ಘಟನೆ ಗಣೇಶ್ ಪುರ ಕೈಕಂಬ ಸರ್ಕಲ್ ದ ಕೈತಲ್ ಬುಧಾರ ರಾತ್ರೆ ನಡತ್ಂಡ್.

ಕೂಡ್ಲೆ ಜಾಗೆಗ್ ಬತ್ತಿನ ಸುರತ್ಕಲ್ ಪೊಲೀಸೆರ್ ಬಿಗಿ ಬಂದೋಬಸ್ತ್ ಮಲ್ತದ್ ದಾಲಾ ಗಲಾಟೆ ಆವಂದಿಲೆಕ ತೂವೊಂದೆರ್. ಇಂಚೊಗು ಕೊಲೆ ಆದಿತ್ತಿನ ಫಾಝಿಲ್ ನ ಮೆಗ್ಯೆ ಆದಿಲ್ ನ‌ ಮಿತ್ತ್ ಕೈ ಪಾಡ್ದೆರ್ ಪನ್ಪಿನ ಆರೋಪಲ ಕೇಂಡ್ ದ್ ಬೈದ್ಂಡ್.

Siddaramaiah gets one crore offer from a well wisher ಸಿದ್ದರಾಮಯ್ಯೆರೆಗ್ ನನೊರಿ ಅಭಿಮಾನಿರ್ದ್ 1 ಕೋಟಿದ ಆಫರ್!

ವಿಜಯನಗರ: ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್ ಹೊಸಪೇಟೆ ವಿಧಾನಸಭೆ ಕ್ಷೇತ್ರಡ್ ವೋಟುಗು ಉಂತುಂಡ ತನ್ನ ಜಾಗೆ ಮಾರ್ದ್ ಒಂಜಿ ಕೋಟಿ ರೂ. ಪನವು ಕೊರ್ಪೆ ಪಂದ್ ಅಭಿಮಾನಿ ಮಲಿಯಪ್ಪ ಘೋಷಣೆ ಮಲ್ದೆರ್.

ವಿಜಯನಗರ ಜಿಲ್ಲೆದ ಹೊಸಪೇಟೆ ತಾಲೂಕ್ ದ ಗಾದಿಗನೂರು ಗ್ರಾಮದ ನಿವಾಸಿ ಕೆ.ಎಸ್ ಮಲಿಯಪ್ಪ ತನ್ನ 6 ಎಕ್ರೆ ಜಾಗೆಡ್ 2 ಎಕ್ರೆ ಮಾರ್ದ್ ಒಂಜಿ ಕೋಟಿ ರೂ. ಕೊರ್ಪೆ ಪಂತಿನಾರ್. ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೆರೆಗ್ ಆಫರ್ ಬೈದಿನಿ ಉಂದು ಸುರುತ ಸರ್ತಿ ಅತ್ತ್. ನೇರ್ದ್ ದುಂಬುಲ ಮೆರೆನ ಅಭಿಮಾನಿಲು ಆಫರ್ ಕೊರ್ತೆರ್. ಚಿಕ್ಕಮಗಳೂರು ಪೇಂಟೆದ ಬಾಲಕೃಷ್ಣ ಮೇರ್ ತನ್ನ ಕ್ಷೇತ್ರಡ್ ಉಂತುಂಡ ತನ್ನ ರಡ್ಡರೆ ಎಕ್ರೆ ತೋಟನ್ ಮಾರ್ದ್ ಒಂಜಿ ಕೋಟಿ ರೂ. ಕೊರ್ಪೆ ಪಂದ್ ಇತ್ತೆರ್. ಮೆರೆರ್ದ್ ದುಂಬು ಯಾದಗಿರಿ ಕ್ಷೇತ್ರಡ್ ಉಂತುಂಡ ಒಂಜಿ ಕೋಟಿ ರೂ, ಬಾದಾಮಿಡ್ ಉಂತುಂಡ ಹೆಲಿಕಾಪ್ಟರ್ ಕೊರ್ಪ ಪಂದ್ ಅಭಿಮಾನಿಲು ಪಂಡ್ ದಿತ್ತೆರ್.

Siddaramaiah gets one crore offer from a well wisher

Vijaynagar: A well wisher of former CM Siddaramaiah ,Malliappahas offered to pay a crore rupees if Siddaramaiah were to contest from Hospet vidhanasabhaa constituency.

RBI hikes Repo rate yet again!! ಸಾಲಗಾರೆರೆಗ್ ಕುಡ ಪೆಟ್ಟ್ ಕೊರ್ನ ಆರ್‌ಬಿಐ: 6ನೇ ಸರ್ತಿ ರೆಪೋ ಎಚ್ಚ!

ಡೆಲ್ಲಿ: ಆರ್‌ಬಿಐ ರೆಪೋ ರೇಟ್ ನ್ 6 ನೇ ಸರ್ತಿಗ್ ಶೇ. 6.5 ಕ್ಕ್ ಎಚ್ಚ ಮಲ್ದ್ಂಡ್.

ಎಮ್ ಪಿಸಿ ರೆಪೋ ರೇಟ್ ನ್ 25 ಬೇಸಿಸ್ ಪಾಯಿಂಟ್‌ ಎಚ್ಚ ಮಲ್ತ್‌ದ್ ಕೂಡ್ಲೆ ಜಾರಿಗ್ ಕನಯೆರೆ ನಿರ್ಧಾರ ಮಲ್ದ್ಂಡ್ ಪಂದ್ ಆರ್‌ಬಿ‌ಐ ಗವರ್ನರ್ ಶಕ್ತಿ ದಾಸ್ ತೆರಿಪಾದೆರ್. 2023-24 ತ ಜಿಡಿಪಿ ಬುಲೆಚ್ಚಿಲ್ ನ್ 6.4% ಪಂದ್ ನಿರೀಕ್ಷೆ ಮಲ್ಪೊಲಿ ಪಂದ್ ಬುಧಾರ ನಡತಿನ ಆರ್‌ಬಿಐ ಸುದ್ದಿಗೋಷ್ಠಿಡ್ ಭಾರತೀಯ ರಿಸರ್ವ್‌ ಬ್ಯಾಂಕ್‌ ಗವರ್ನರ್ ತೆರಿಪಾಯೆರ್.

RBI hikes Repo rate yet again!!

Delhi The r I has hiked the repo rate to 6.5%.The RBI governor Shakthi Das announced that the MPC repo rate has been increased by 25 basis points,which will be in force with immediate effect.

Mangalore: Students admitted to hospital for food poisoning discharged ಕುಡ್ಲ: ಆಸ್ಪತ್ರೆ ಸೇರ್ದಿನ ಹಾಸ್ಟೆಲ್ ಕಲ್ಪಾರ್ಥಿಲು ಡಿಸ್ಚಾರ್ಜ್

ಕುಡ್ಲ: ಹಾಸ್ಟೆಲ್ ಡ್ ಇಸತ ತಿನಸ್ ತಿಂದ್ ದ್ ಹುಷಾರ್ ಇಜ್ಜಂದೆ ಆಸ್ಪತ್ರೆಗ್ ಸೇರಿನ 137 ಕಲ್ಪಾರ್ಥಿಲೆಡ್ ಸುಮಾರ್ ಕಲ್ಪಾರ್ಥಿಲು ಗುಣ ಆದ್ ಆಸ್ಪತ್ರೆರ್ದ್ ಡಿಸ್ಚಾರ್ಜ್ ಆತೆರ್.

ಸೋಮಾರ ಒಟ್ಟು 116 ಕಲ್ಪಾರ್ಥಿಲು ಕಕ್ಕ್ ದ್ ಆಸ್ಪತ್ರೆಗ್ ದಾಖಲ್ ಆತೆರ್. ಅಂಗಾರೆ ಕುಡ 13 ಜನ ಕಲ್ಪಾರ್ಥಿಲು ಬಂಜಿಬೇನೆ, ಜ್ವರರ್ದ್ ಆಸ್ಪತ್ರೆಗ್ ದಾಖಲ್ ಆತೆರ್. ಇತ್ತೆ ಒಟ್ಟು 38 ಜನ ಕಲ್ಪಾರ್ಥಿಲು ಆಸ್ಪತ್ರೆಡ್ ಉಲ್ಲೆರ್. ಒರಿನ ಮಾತ ಕಲ್ಪಾರ್ಥಿಲು ಡಿಸ್ಚಾರ್ಜ್ ಆತೆರ್ ಪಂದ್ ಆರೋಗ್ಯ ಇಲಾಖೆದ ಅಧಿಕಾರಿಲು ತೆರಿಪಾದೆರ್. ಹಾಸ್ಟೆಲ್ ಡ್ ಒಟ್ಟು 782 ಕಲ್ಪಾರ್ಥಿಲು ಉಲ್ಲೆರ್. ಮುನ್ನೆಚ್ಚರಿಕೆ ಕ್ರಮವಾದ್ ಹಾಸ್ಟೆಲ್ ಡ್ ತಜ್ಞ ವೈದ್ಯೆರೆನ ಕೂಟ ನಿಯೋಜನೆ ಮಲ್ದೆರ್.

Mangalore: Students admitted to hospital for food poisoning discharged.

Mangalore 137 students hospitalised after fallingsick due to food poisoning are better and many have been discharged from the hospital informed officials from the health department. A team of doctors have been appointed at the hostel as a precautionary measure.

CBSE exams admit card (hall ticket) released ಸಿಬಿಎಸ್ಇ ಪರೀಕ್ಷೆದ ಪ್ರವೇಶ ಪತ್ರ ಬುಡುಗಡೆ

ಈ ವರ್ಷದ ಸಿಬಿಎಸ್ಇ 10 ಬೊಕ್ಕ 12 ನೇ ಕ್ಲಾಸ್ ದ ಪರೀಕ್ಷೆ ಪ್ರವೇಶ ಪತ್ರ ಬುಡುಗಡೆ ಆತ್ಂಡ್.

cbse.nic.in ಬೊಕ್ಕ cbse.gov.in ರ್ದ್ ಸಿಬಿಎಸ್ಇ ಸಂಪರ್ಕಡ್ ಇಪ್ಪುನ ಶಾಲೆಲೆಗ್ ಮಾತ್ರ ಹಾಲ್ ಟಿಕೆಟ್ ಡೌನ್ ಲೋಡ್ ಮಲ್ಪೆರೆ ಅವಕಾಶ ಕೊರ್ತುಂಡು. ಸಿಬಿಎಸ್ಇ ಜಾಲತಾಣಡ್ ಡೌನ್‌ಲೋಡ್ ಮಲ್ಪುನ ಹಾಲ್ ಟಿಕೆಟ್ ಡ್ ಕಲ್ಪಾರ್ಥಿನ ಪುದರ್, ರೋಲ್ ನಂಬರ್ ದ ಪೊಲಬು ಇಪ್ಪುಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್. ಸಿಬಿಎಸ್ಇ ಮಂಡಳಿ 10 ಬೊಕ್ಕ 12 ನೇ ಕ್ಲಾಸ್ ಪರೀಕ್ಷೆಲು ಫೆ.15 ರ್ದ್ ಸುರು ಆಪುಂಡು.

CBSE exams admit card (hall ticket) released

The admit card for the CBSE 10 and 12 th board exam has been released.It can be downloaded from cbse.in and cbse.gov.in by schools affiliated to CBSE board.

“Horekanike” procession of Pilingaru Brahmakalasha today ಇನಿ ಪಿಲಿಂಗಾಲು ಬ್ರಹ್ಮಕಲಶಗ್ ಪುದೆ ಮೆರವಣಿಗೆ

ಬಂಟ್ವಾಳ: ಪಿಲಿಂಗಾಲು ಶ್ರೀ ಗಾಯತ್ರಿ ದೇವಿ ದೇವಲ್ಯದ ಬ್ರಹ್ಮಕಲಶ ಉಚ್ಚಯದ ನಿಲೆಟ್ಟ್ ಪುದೆ ಕೊರ್ಪಿನ( ಹೊರೆ ಕಾಣಿಕೆ) ಮೆರವಣಿಗೆ ಇನಿ (ಫೆ.8) ಮಧ್ಯಾಹ್ನ 3 ಗಂಟೆಗ್ ನಡಪರೆ ಉಂಡು.

ಈ ಮೆರವಣಿಗೆ ವಗ್ಗ ರಾಜ ಮಾರ್ಗದ ಕಾರಿಂಜ ದ್ವಾರಡೇ ಬತ್ತ್ ದ್ ಕಾಡಬೆಟ್ಟು ಕ್ರಾಸ್ ಮಾರ್ಗವಾದ್ ಪಿಲಿಂಗಾಲು ದೇವಲ್ಯಗ್ ಬರ್ಪುಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

BJP gives an added responsibility to Vijayendra ಯಡಿಯೂರಪ್ಪೆರ್ನ ಮಗೆ ವಿಜಯೇಂದ್ರಗ್ ಪೊಸ ಜಬದಾರಿನ್ ಕೊರ್ನ ಬಿಜೆಪಿ

ಬೆಂಗ್ಲೂರ್: ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ ಮೆರೆನ ಮಗೆ ವಿಜಯೇಂದ್ರ ಮೆರೆಗ್ ಬಿಜೆಪಿ ಪೊಸ ಜಬದಾರಿನ್ ಕೊರ್ತುಂಡು.

ಮೆರೆನ್ ಬಿಜೆಪಿದ ಏಳ್ ಮೋರ್ಚಾದ ಜಿಲ್ಲಾ ಸಮಾವೇಶದ ಸಂಚಾಲಕೆರಾದ್ ನೇಮಕ ಮಲ್ದ್ಂಡ್. ಮೇರ್ 10 ಜನ ಸದಸ್ಯೆರೆನ ಸಮಿತಿದ ಮುತಾಲಿಕೆನ್ ದುಂಬು ಕೊನೊಯರೆ ಉಲ್ಲೆರ್.

BJP gives an added responsibility to Vijayendra

Bangalore Vijayendra the son of former CM Yedurappa has been given special responsibility.He has been appointed as correspondent of a ten member team organising district convention of seven morchas.

Yakshagana Abhyasa Kendra UAE honours Bigg Boss winner Roopesh Shetty ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇ ವತಿರ್ದ್ ಬಿಗ್ ಬಾಸ್ ವಿನ್ನರ್ ರೂಪೇಶ್ ಶೆಟ್ಟಿಗ್ ತಮ್ಮನ

ದುಬೈ: ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇ ವತಿರ್ದ್ ಬಿಗ್ ಬಾಸ್ ವಿನ್ನರ್ ರೂಪೇಶ್ ಶೆಟ್ಟಿ ಮೆರೆಗ್ ತಮ್ಮನ ನಡತ್ಂಡ್.

ಮೂಜಿ ದಿನತ ಬೇತೆ ಬೇತೆ ಲೇಸ್ ಡ್ ಪಾಲ್ ಪಡೆಯೆರೆ ದುಬೈಗ್ ಬತ್ತಿನ ರೂಪೇಶ್ ಶೆಟ್ಟಿ ಮೆರೆಗ್ ಪೇಂಟೆದ ಫಾರ್ಚೂನ್ ಕ್ಲಾಸಿಕ್ ಅಪಾರ್ಟ್ಮೆಂಟ್ ಡ್ ಯಕ್ಷಗಾನ ಅಭ್ಯಾಸ ಕೇಂದ್ರದ ವತಿರ್ದ್ ನಡಪಾವುನ ಯಕ್ಷಗಾನ ತರಗತಿಗ್ ಭೇಟಿ ಕೊರ್ನ ಪೊರ್ತುಡು ಆರತಿ ಬೆಳಗಾದ್ ಎದ್ಕೊನಿಯೆರ್. ಬೊಕ್ಕ ಯಕ್ಷಗಾನ ಜೋಕುಲೆನ ಬೊಕ್ಕ ಪೋಷಕೆರೆನೊಟ್ಟಿಗೆ ಸಮಾಲೋಚನೆ ನಡಪಾದ್ ತನ್ನ ಅನುಭವನ್ ಪಂಡೆರ್. ‌

ಈ ಪೊರ್ತುಡು ರೂಪೇಶ್ ಶೆಟ್ಟಿ ಮೆರೆಗ್ ಸಾಂಪ್ರದಾಯಿಕವಾದ್ ತಮ್ಮನ ನಡತ್ಂಡ್. ಯಕ್ಷಗಾನ ಗುರುಕುಲಾಯಿನ ಶೇಖರ್ ಶೆಟ್ಟಿಗಾರ್ ಕೇಂದ್ರ ನಡಪಾವೊಂದು ಬತ್ತಿನ ತಾದಿನ್ ರೂಪೇಶ್ ಶೆಟ್ಟಿ ಮೆರೆಗ್ ತೆರಿಪಾಯೆರ್.

ಈ ಪೊರ್ತುಡು ಯಕ್ಷಗಾನ ಅಭ್ಯಾಸ ಕೇಂದ್ರದ ರೂವಾರಿ ದಿನೇಶ್ ಶೆಟ್ಟಿ ಕೊಟಿಂಜ, ಜಯಾನಂದ ಪಕಳ, ಗಮ್ಮತ್ ಕಲಾವಿದೆರ್ ದುಬೈದ ನಿರ್ದೇಶಕೆರ್ ವಿಶ್ವನಾಥ ಶೆಟ್ಟಿ, ಹಿರಿಯ ಯಕ್ಷಗಾನ ಕಲಾವಿದೆರ್ ಭವನಿಶಂಕರ ಶರ್ಮ, ಪಟ್ಲ ಘಟಕ ದುಬೈದ ಕಾರ್ಯದರ್ಶಿ ಬಾಲಕೃಷ್ಣ ಶೆಟ್ಟಿ ಇತ್ತೆರ್. ಲೇಸ್ ಗ್ ಬತ್ತಿನಕ್ಲೆನ್ ದಿನೇಶ್ ಶೆಟ್ಟಿ ಎದ್ಕೊಂದು ಸೊಲ್ಮೆ ಸಂದಾಯೆರ್.

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)

Yakshagana Abhyasa Kendra UAE honours Bigg Boss winner Roopesh Shetty

Dubai: Big Boss winner Roopesh Shetty was honoured by the Yakshagana Abhyasa Kendra, UAE.

Roopesh Shetty was on a three day visit to the nation and visited the Yakshagana Abhyasa Kendra at Fortune Classic apartment.
Yakshagana guru Shekar Shettigar, founder of the Kendra Dinesh Shetty K, senior Yakshagana artist Bavani Shankar Sharma, secretary of Patla unit Dubai Balakrishna Shetty were present on the occasion.

Success is guaranteed if one is determined to reach the goal- Harikrishna Punaroor ಸಾಧನೆದ ಮುಟ್ಟು ಮಿತರುನ ಛಲ ನಮಡ ಇತ್ತ್ಂಡ ಯಶಸ್ಸ್ ಖಂಡಿತ: ಡಾ.ಹರಿಕೃಷ್ಣ ಪುನರೂರು

ಜೋಕುಲೆಗ್ ಎಡ್ಡೆ ಮಟ್ಟದ ವಿದ್ಯೆ ಕೊರ್ಪುನ ಮುಖೇನ ಅಕ್ಲೆಡ ಸಾಮಾಜಿಕ ಮೌಲ್ಯನ್ ಬುಲೆಪಾದ್, ಅಕ್ಲೆನ ಪ್ರತಿಭೆನ್ ನಾಡ್ ಪತ್ ದ್ ಬೆರಿಬಲ ಕೊರ್ಂಡ ಅಕ್ಲೆನ ಭವಿಷ್ಯಗ್ ಉಮೇದ್ ಕೊರ್ಲೆಕ್ಕ ಆಪುಂಡು. ಅವ್ವತ್ತಾಂದೆ ಪ್ರತಿಯೊರಿಯಡಲ ಸಾಧನೆದ ಮುಟ್ಟು ಮಿತರುನ ಛಲ ಇತ್ತ್ಂಡ ಖಂಡಿತವಾದ್ಲಾ ಯಶಸ್ ನಮ್ಮ ಆಪುಂಡು ಪಂದ್ ಶ್ರೀ ಶಾರದಾ ಸೊಸೈಟಿದ ಅಧ್ಯಕ್ಷೆರ್ ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು ತೆರಿಪಾಯೆರ್.

ಆರ್ ಶಿಮಂತೂರುದ ಶ್ರೀ ಶಾರದಾ ಸೆಂಟ್ರಲ್ ಸ್ಕೂಲ್ ದ ಪ್ರತಿಭಾ ಪುರಸ್ಕಾರ ಲೇಸ್ ಡ್ ಗುರ್ಕಾರ್ಮೆನ್ ಒಯಿಸೊಂದು ಪಾತೆರಿಯೆರ್. ಈ ಶಾಲೆದ ಕರಿನ 3 ಶೈಕ್ಷಣಿಕ ವರ್ಷದ ಪತ್ತನೇ ಕ್ಲಾಸ್ ಡ್ ಎಚ್ಚ ಮಾರ್ಕ್ ಪಡೆಯಿನ ಕಲ್ಪಾರ್ಥಿಲೆನ್ ಗೌರವಿಸಾಯೆರ್. ಬೊಕ್ಕ ಶಾಲೆದ ಕಲ್ಪಾರ್ಥಿಲೆಗ್ ಆಯೋಜನೆ ಮಲ್ತಿನ ಬೇತೆ ಬೇತೆ ಪಂತೊಡ್ ಗೆಂದಿನಕ್ಲೆಗ್ ಇನಾಮು ಕೊರಿಯೆರ್. ಈ ಪೊರ್ತುಡು ಶ್ರೀ ಶಾರದಾ ಸೊಸೈಟಿದ ಕಾರ್ಯದರ್ಶಿ ಪುರಂದರ ಡಿ ಶೆಟ್ಟಿಗಾರ್, ಕೋಶಾಧಿಕಾರಿ ಕೊಡೆತ್ತೂರು ಭುವನಾಭಿರಾಮ ಉಡುಪ, ನಿರ್ದೇಶಕೆರ್ ಪಟೇಲ್ ವಾಸುದೇವ ರಾವ್, ದೇವಪ್ರಸಾದ್ ಪುನರೂರು, ಸುರೇಶ್ ರಾವ್ ನೀರಳಿಕೆ, ಶಾಲೆದ ಸಿಬ್ಬಂದಿ ವರ್ಗ ಬೊಕ್ಕ ಜೋಕುಲು ಇತ್ತೆರ್. ಶ್ರೀ ಶಾರದಾ ಸೆಂಟ್ರಲ್ ಸ್ಕೂಲ್ ದ ಪ್ರಾಂಶುಪಾಲೆರ್ ಗೀತಾ ಎಸ್. ಎಮ್ ಪ್ರಾಸ್ತಾವಿಕ ಪಾತೆರ್ದ್, ಎದ್ಕೊನಿಯೆರ್. ಸಹಶಿಕ್ಷಕಿ ಶ್ರೀಲತಾ ಬಂಗೇರ ಸೊಲ್ಮೆ ಸಂದಾಯೆರ್. ಸಹಶಿಕ್ಷಕಿ ದೀಕ್ಷಿತ ಲೇಸ್ ದ ಸುಧಾರಿಕೆ ಮಲ್ತೆರ್.

Success is guaranteed if one is determined to reach the goal- Harikrishna Punaroor

” Good education paves way for the holistic and all round growth students instilling them the right values. Their hidden talents must be brought out and allowed to bloom. If one is committed and dedicated one can achieve success ” said Harikrishna Punaroor Dharmadarshi and president of Sri Sharada society while presiding over a program of giving away awards to talented students at Sri Sharada Central School.