Times of kudla

United Toyata brings out Innova Hycross ಯುನೈಟೆಡ್ ಟೊಯೋಟಾ ಡೀಲರ್‌ಶಿಪ್ ದ ಇನಿ ಇನ್ನೋವಾ ಹೈಕ್ರಾಸ್, ಸ್ವಯಂ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ವೆಹಿಕಲ್ ನ್ ಬುಡುಗಡೆ

ಕುಡ್ಲ: ಯುನೈಟೆಡ್ ಟೊಯೋಟಾ ಡೀಲರ್‌ಶಿಪ್ ಇನಿ ಇನ್ನೋವಾ ಹೈಕ್ರಾಸ್, ಸ್ವಯಂ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ವೆಹಿಕಲ್ (SHEV) ನ್ ಬುಡುಗಡೆ ಮಲ್ಪುನ ಮುಖೇನ ಇನ್ನೋವಾ ಪ್ರಯಾಣದ ಪೊಸ ಯುಗನ್ ಸುರು ಮಲ್ದ್ಂಡ್.

ಟೊಯೊಟಾ ನ್ಯೂ ಗ್ಲೋಬಲ್ ಆರ್ಕಿಟೆಕ್ಚರ್ (ಟಿಎನ್‌ಜಿಎ) ದ, ಇಂಚಿಪ್ಪದ ಇನ್ನೋವಾ ಟೊಯೊಟಾ ಜಾಗತಿಕವಾದ್ ಗುರುತಿಸಾಯಿನ ಗುಣಮಟ್ಟ, ಬಾಳಿಕೆ ಬೊಕ್ಕ ಸುಧಾರಿತ ತಂತ್ರಜ್ಞಾನದ ಬೆಂಬಲದೊಟ್ಟಿಗೆ ಭಾರತದ ಗ್ರಾಹಕೆರೆನ್ ಆಕರ್ಷಣೆ ಮಲ್ದ್ಂಡ್. TNGA 2.0 ಲೀಟರ್ 4-ಸಿಲಿಂಡರ್ ಗ್ಯಾಸೋಲಿನ್ ಎಂಜಿನ್ ಬೊಕ್ಕ 137 kW (186 PS) ಎಚ್ಚದ ಕರೆಂಟ್ ಉತ್ಪತ್ತಿನ್ ಕೊರ್ಪುನ ಇ-ಡ್ರೈವ್ ಸೀಕ್ವೆನ್ಷಿಯಲ್ ಶಿಫ್ಟ್‌ದೊಟ್ಟಿಗೆ ಮೊನೊಕಾಕ್ ಫ್ರೇಮ್‌ದೊಟ್ಟಿಗೆ 5 ನೇ ತಲೆಮಾರ್ ದ ಸ್ವಯಂ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ಸಿಸ್ಟಮ್‌ರ್ದ್ ಪೊಸ Innova HyCross ಬೈದ್ಂಡ್. ಈ ಗಾಡಿ TNGA 2.0 ಲೀಟರ್ 4-ಸಿಲಿಂಡರ್ ಗ್ಯಾಸೋಲಿನ್ ಎಂಜಿನ್‌ದ ಆಯ್ಕೆದೊಟ್ಟಿಗೆ ಬರ್ಪುಂಡು. ಉಂದು 128 kW (174 PS) ಉತ್ಪತ್ತಿನ್ ಕೊರ್ಪುನ ಶ್ರೇಣಿಲೆಡ್ ಸೀದಾ ಶಿಫ್ಟ್ CVT ಗ್ ಜೋಡಣೆ ಆತ್ಂಡ್.

ಇನ್ನೋವಾ ಹೈಕ್ರಾಸ್‌ದ ಪ್ರಮುಖ ಲಕ್ಷಣಲು:
1.ಸ್ವಯಂ ಚಾರ್ಜಿಂಗ್ ಸ್ಟ್ರಾಂಗ್ ಹೈಬ್ರಿಡ್ ಎಲೆಕ್ಟ್ರಿಕ್ ಗಾಡಿದ TNGA 2.0-ಲೀಟರ್ ಎಂಜಿನ್ ದೊಟ್ಟಿಗೆ ಟೊಯೋಟಾ ಹೈಬ್ರಿಡ್ ಸಿಸ್ಟಮ್ (THS) ಬೊಕ್ಕ ಇ-ಡ್ರೈವ್ ಟ್ರಾನ್ಸ್‌ಮಿಷನ್ ದೊಟ್ಟಿಗೆ 137 kW (186 PS) ಇಪ್ಪುಂಡು.
2. ಗ್ಯಾಸೋಲಿನ್ ಶ್ರೇಣಿಲು 128 kW (174 PS) (186 PS) ಉತ್ಪತ್ತಿನ್ ಕೊರ್ಪುನ TNGA 2.0 ಲೀಟರ್ ಎಂಜಿನ್‌ದೊಟ್ಟಿಗೆ ಬರ್ಪುಂಡು.
3.ಪನೋರಮಿಕ್ ಸನ್‌ರೂಫ್
4.ಮಲ್ಲ TFT ದ ಪೊಲಬು ಪ್ರದರ್ಶನ
5.ಡ್ರೈವರ್ ಸೀಟ್ ಮೆಮೊರಿ ಬೊಕ್ಕ ಸ್ಲೈಡ್ ರಿಟರ್ನ್, ಅವೇ ಫಂಕ್ಷನ್
6.ಟೊಯೋಟಾ ಸಂಪರ್ಕ ಇಪ್ಪುನ ಕಾರ್ ತಂತ್ರಜ್ಞಾನ, iConnect
7.ಟೊಯೋಟಾ ಸೇಫ್ಟಿ ಸೆನ್ಸ್ TM (TSS) ಸುರಕ್ಷತಾ ವಿಶೇಷತೆಲು ಇಪ್ಪುನ (ಡೈನಾಮಿಕ್ ರಾಡಾರ್ ಕ್ರೂಸ್ ಕಂಟ್ರೋಲ್, ಲೇನ್ ಟ್ರೇಸ್ ಅಸಿಸ್ಟ್, ರಿಯರ್ ಕ್ರಾಸ್ ಟ್ರಾಫಿಕ್ ಅಲರ್ಟ್, ಬ್ಲೈಂಡ್ ಸ್ಪಾಟ್ ಮಾನಿಟರ್, ಪ್ರಿ-ಕೊಲಿಶನ್ ಸಿಸ್ಟಮ್, ಆಟೋ ಹೈ ಬೀಮ್)
8. 6 SRS ಏರ್‌ಬ್ಯಾಗ್‌ಲು
9. ಗಾಡಿದ ಸ್ಥಿರತೆ ನಿಯಂತ್ರಣ (VSC) ಬೊಕ್ಕ ಹಿಲ್ ಸ್ಟಾರ್ಟ್ ಅಸಿಸ್ಟ್
10.ಆಟೋ ಹೋಲ್ಡ್ ದೊಟ್ಟಿಗೆ ಎಲೆಕ್ಟ್ರಾನಿಕ್ ಪಾರ್ಕಿಂಗ್ ಬ್ರೇಕ್ (EPB).
11.ಆಂಟಿಲಾಕ್ ಬ್ರೇಕಿಂಗ್ ಸಿಸ್ಟಮ್ (ABS) ದೊಟ್ಟಿಗೆ ಎಲೆಕ್ಟ್ರಾನಿಕ್ ಬ್ರೇಕ್‌ಫೋರ್ಸ್ ಡಿಸ್ಟ್ರಿಬ್ಯೂಷನ್ (EBD)
12. ಡೈನಾಮಿಕ್ ಬ್ಯಾಕ್ ಗೈಡ್‌ದೊಟ್ಟಿಗೆ ಪನೋರಮಿಕ್ ವ್ಯೂ ಮಾನಿಟರ್ ಉಂಡು.

United Toyata brings out Innova Hycross

Mangalore: United Toyata , Mangalore today brought out Innova Hycross ,self charging string hybrid electric vehicle.(SHEV).

Feb 11: Madukodi – Annual Kola of Koragajja ಫೆ.11: ಮಾದುಕೋಡಿ ಕೊರಗಜ್ಜನ ವರ್ಷಾಧಿದ ಕೋಲ

ಬಂಟ್ವಾಳ: ಮಾದುಕೋಡಿ ಸ್ವಾಮಿ ಕೊರಗಜ್ಜ ದೈವ ಸಾನಿಧ್ಯಡ್ ವರ್ಷಾಧಿದ ಕೋಲ ಫೆ.11 ಸನಿಯಾರ ನಡಪರೆ ಉಂಡು.

ಬೊಲ್ಪುಗು ಬೇತೆ ಬೇತೆ ಭಜನಾ ಮಂಡಳಿರ್ದ್ ಭಜನೆ ಸಂಕೀರ್ತನೆ ನಡಪರೆ ಉಂಡು. ಮಧ್ಯಾಹ್ನ ಪ್ರಸನ್ನ ಪೂಜೆ ಆದ್ ನುಪ್ಪು ಸೇವೆ ನಡಪರೆ ಉಂಡು. ಅವೆರ್ದ್ ಬೊಕ್ಕ ವಿಠಲ್ ನಾಯಕ್ ಕಲ್ಲಡ್ಕ ಬೊಕ್ಕ ಕೂಟದಕ್ಲೆರ್ದ್ ಗೀತ ಸಾಹಿತ್ಯ ಸಂಭ್ರಮ ನಡಪರೆ ಉಂಡು. ಬಯ್ಯಗ್ ಮಾನ್ವಿ ಮೆಲೋಡೀಸ್ ಅರ್ಪಣೆ ಮಲ್ಪುನ ಚರಣ್ ರಾಜ್ ಜಪ್ಪು ಬೊಕ್ಕ ಕೂಟದಕ್ಲೆರ್ದ್ ಭಕ್ತಿಲಹರಿ ಸುಗಮ ಸಂಗೀತ ನಡಪರೆ ಉಂಡು. ರಾತ್ರೆ ಕೊರಗಜ್ಜನ ಕೋಲ ಆದ್ ಪ್ರಸಾದ ಕೊರಿಯೆರೆ ಉಂಡು. ಅಂಚೆನೆ ಫೆ.13 ಸೋಮಾರ ಬಯ್ಯಗ್ 5 ಗಂಟೆಗ್ ಕೊರಗಜ್ಜಗ್ ವರ್ಷದ ಇಸೇಸ ಬೊಂಡದ ಅಭಿಷೇಕ ಬೊಕ್ಕ ಪೇರ್‌ದ ನುಪ್ಪು ಸೇವೆ ನಡಪರೆ ಉಂಡು. ಬೊಕ್ಕ ಬೇತೆ ಬೇತೆ ಕೂಟದಕ್ಲೆರ್ದ್ ನಲಿಕೆ ಭಜನೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್‌ದ್ ಸಿರಿಮುಡಿ ಕರಿಗಂಧ ಪ್ರಸಾದ ದೆತೊಂದು ಶ್ರೀ ದೈವೊದ ಕೃಪೆಗ್ ಪಾತ್ರರಾವೊಡು ಪಂದ್ ವಿಜಯ ಸುವರ್ಣ ಪೊಳಲಿ ಬೊಕ್ಕ ಶಿಷ್ಯ ವೃಂದ ಸಾಯಿ ಹೀಲಿಂಗ್ ಸೆಂಟರ್ ಮದುಕೋಡಿ ಲೆಪ್ಪೋಲೆಡ್ ತೆರಿಪಾದೆರ್.

Yahoo to lay off 20% of its workforce ಶೇಕಡ 20 ಸಿಬ್ಬಂದಿಲೆನ್ ಬೇಲೆರ್ದ್ ದೆತ್ತಿನ ಯ್ಯಾಹೂ ಸಂಸ್ಥೆ

ಕ್ಯಾಲಿಪೋರ್ನಿಯಾ: ಪುಗರ್ತೆದ ಯ್ಯಾಹೂ ಸಂಸ್ಥೆ ಶೇಕಡ 20 ದಾತು ಸಿಬ್ಬಂದಿಲೆನ್ ಬೇಲೆರ್ದ್ ದೆಪ್ಪರೆ ತೀರ್ಮಾನ ಮಲ್ತ್‌ದ್ಂಡ್.

ಸಂಸ್ಥೆದ ತಾಂತ್ರಿಕ ವಿಭಾಗಡ್ ಎಚ್ಚ ಬೇಲೆ ಇಜ್ಜಂದಿರ್ನೆದಾವೆರ ಈ ವಿಭಾಗದ ಶೇಕಡ 50 ಜನಕ್ ಪಿಂಕ್ ಸ್ಲಿಪ್ ಕೊರಿಯೆರೆ ತೀರ್ಮಾನ ಮಲ್ದ್ಂಡ್ ಪಂದ್ ತೆರಿದ್ ಬೈದ್ಂಡ್.

Yahoo to lay off 20% of its workforce

California: Yahoo has decided to lay off 20% of its workforce said media reports.
The cut will be more in its technical division,with more than 50% of the staff likely to get the pink slip .

Ola launches a new electric Scooter ಓಲಾದ ಪೊಸ ಎಲೆಕ್ಟ್ರಿಕ್ ಸ್ಕೂಟರ್ ಬುಡುಗಡೆ

ಓಲಾ ಪೊಸ ಎಲೆಕ್ಟ್ರಿಕ್ ಸ್ಕೂಟರ್‌ನ್ ಬುಡುಗಡೆ ಮಲ್ತ್‌ದ್ಂಡ್.

S1 ಶ್ರೇಣಿದ ಪೊಸ ಮಾದರಿದ 99999 ರೂ.‌ಬಿಲೆತ್ತ ಗಾಡಿಡ್ 2kWh ಬ್ಯಾಟರಿದ ಸಾಮರ್ಥ್ಯ ಉಂಡು.‌ ಒಂಜಿ ಸರ್ತಿ ಚಾರ್ಜ್ ಮಲ್ತ್ಂಡ 91KM ಪ್ರಯಾಣ ಮಲ್ಪೊಲಿ. ಅತ್ತಂದೆ S1 ಏರ್ ಪುದರ್ ಡ್ 3 ಮಾದರಿಲು ಬುಡುಗಡೆ ಆತ್ಂಡ್. 84999 ಬಿಲೆತ್ತ ಗಾಡಿಡ್ 2kWh ಬ್ಯಾಟ್ರಿ ಉಂಡು. 85KM ಬಿಲೆತ್ತ 3kWh ದಾತು ಬಲಿಪುಂಡು.‌99999 ಬಿಲೆತ್ತ ಗಾಡಿ 4kWh ದಾತು ಬ್ಯಾಟ್ರಿದ ಸಾಮರ್ಥ್ಯ ಉಂಡು.‌ ನೆತ್ತ ಬಿಲೆ 1.09 ಲಕ್ಷ ರೂ.‌ ಆತ್ಂಡ್.

Ola launches a new electric Scooter

The electric Scooter of S1 series is priced 99,999 and has a 2kwh battery.One charge will last upto 91 kms.

PM Narendra Modi to inaugurate two Vandey Barath trains ಪ್ರಧಾನಿ ಮೋದಿರ್ದ್ ಇನಿ ಉದಿಪನ ಆಯರೆ ಉಂಡು ರಡ್ಡ್ ವಂದೇ ಭಾರತ್ ರೈಲ್

ಪ್ರಧಾನಿ ಮೋದಿ ಇನಿ ಮಹಾರಾಷ್ಟ್ರಗ್ ಭೇಟಿ ಕೊರ್ದು, ಬೊಂಬೈ-ಸೊಲ್ಲಾಪುರ ಬೊಕ್ಕ ಬೊಂಬೈ-ಶಿರಡಿ ಪನ್ಪುನ ರಡ್ಡ್ ವಂದೇ ಭಾರತ್ ರೈಲ್‌ನ್ ಉದಿಪನ ಮಲ್ಪರೆ ಉಲ್ಲೆರ್.

ಈ ರೈಲ್‌ನ್ ಚೆನ್ನೈ ಐಸಿಎಫ್ ಕೋಚ್ ಫ್ಯಾಕ್ಟರಿಡ್ ತಯಾರ್ ಮಲ್ದೆರ್. ಅತ್ತಂದೆ ರಡ್ಡ್ ಸುರಂಗ ಯೋಜನೆನ್ ಮೋದಿ ದೇಶಗ್ ಕೊರಿಯರೆ ಉಲ್ಲೆರ್. ಇಡೇ ಮುಟ್ಟ ದೇಶಡ್ 8 ವಂದೇ ಭಾರತ್ ರೈಲ್ ಸವಾರಿ ಮಲ್ತೊಂದು ಇತ್ತ್ಂಡ್.

PM Narendra Modi to inaugurate two Vandey Barath trains

Two Vandey Barath trains–Mumbai – Sholapur and Mumbai – Shirdi Vandey Barath trains will be inaugurated by the PM in Maharashtra today .

The trains have been manufactured at ICF coach factory, Chennai.

Lithium reserves found for the first time in the country ದೇಶಡ್ ಸುರುತ ಸರ್ತಿ ಭಾರೀ ಪ್ರಮಾಣದ ಲಿಥಿಯಂ ಪತ್ತೆ

ಡೆಲ್ಲಿ: ದೇಶಡ್ ಸುರುತ ಸರ್ತಿ ಭಾರೀ ಪ್ರಮಾಣದ ಲಿಥಿಯಂ ನಿಕ್ಷೇಪ ಪತ್ತೆ ಆತ್ಂಡ್ ಪಂದ್ ಕೇಂದ್ರ ಸರ್ಕಾರ ಪ್ರಕಟಣೆಡ್ ತೆರಿಪಾದ್ಂಡ್.

ಜಮ್ಮು ಕಾಶ್ಮೀರದ ರಿಯಾಸಿ ಜಿಲ್ಲೆಡ್ ಈ ಬಿಲೆ ಬಾಳುನ ಖನಿಜ ಸಂಪತ್ತ್ (ಲಿಥಿಯಂ) ಪತ್ತೆ ಆತ್ಂಡ್. ನೆಟ್ಟ್ 5.9 ಮಿಲಿಯನ್ ಟನ್ ದಾತು ನಿಕ್ಷೇಪ ಉಂಡು ಪಂದ್ ಅಂದಾಜಿ ಮಲ್ತ್‌ದೆರ್. ಭಾರತದ ಭೂ ಗರ್ಭ ಅಧ್ಯಯನ ಇಲಾಖೆ ನೆನ್ ಪತ್ತೆ ಮಲ್ದ್ಂಡ್. ಉಂದೆನ್ ಇಲೆಕ್ಟ್ರಾನಿಕ್ ಗಾಡಿಲೆನ ಬ್ಯಾಟ್ರಿಡ್ ಗಲಸುವೆರ್. ಉಂದು ಬ್ಯಾಟ್ರಿದ ಪ್ರಮುಖ ಘಟಕ ಆತ್ಂಡ್.

Lithium reserves found for the first time in the country

Delhi: The union government has announced that large reserves of lithium have been discovered in in Riasi district of Jammu and Kashmir.It is estimated that about 5.9 million tonnes of deposits are found said sources from the Geological Survey of India.
Lithium is a key component in EV batteries.

Radio Manipal – Advertising of Jal Jeevan Mission Yojan using a rickshaw ರೇಡಿಯೊ ಮಣಿಪಾಲ್ ಡ್ ರಿಕ್ಷಾದ ಮುಖೇನ ಜಲ್ ಜೀವನ್ ಮಿಷನ್ ಯೋಜನೆದ ಪ್ರಚಾರದ ಬಗೆಟ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಫೆ.9 ಶುಕ್ರಾರ ಬಯ್ಯಗ್ 6 ಗಂಟೆಗ್ ರಿಕ್ಷಾದ ಮುಖೇನ ಜಲ್ ಜೀವನ್ ಮಿಷನ್ ಯೋಜನೆದ ಪ್ರಚಾರದ ಬಗೆಟ್ ಪ್ರಸಾರ ಆಂಡ್.

ಈ ಲೇಸ್ ಡ್ ನಾಡ ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಹರೀಶ್ ಮೊಗವೀರ, ಕೆಮ್ಮಣ್ಣು ಗ್ರಾಮ ಪಂಚಾಯತ್ ಕಾರ್ಯದರ್ಶಿ ದಿನಕರ್ ಬೆಂಗ್ರೆ, ಒಡಿಪು ಜಿಲ್ಲಾ ಪಂಚಾಯತ್ ಜಲ್ ಜೀವನ್ ಮಿಷನ್ ದ ಅನುಷ್ಠಾನ ಬೆಂಬಲ ಸಂಪನ್ಮೂಲ ಸಂಸ್ಥೆ ISRA ತಂಡದ ಮುಖ್ಯಸ್ಥೆರ್ ಹರೀಶ್ ಶೆಟ್ಟಿ ಆಜ್ರಿ ಬೊಕ್ಕ ಸಮುದಾಯ ಸಂಘಟಕೆರ್ ರಂಜಿತ್ ಪಾಲ್ ಪಡೆಯೆರ್. ನನ ಫೆ.10 ಕ್ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

Wedding cancelled as the groom does not arrive – His first wife files a complaint ಮದಿಮಾಯೆ ಬರಂದೆ ಮದಿಮೆ ಕ್ಯಾನ್ಸಲ್: ಆಣನ ಬೊಡೆದಿರ್ದ್ ಬೆಳ್ಳಾರೆ ಠಾಣೆಡ್ ಕೇಸ್

ಪುತ್ತೂರ್: ಫೆ.9 ಕ್ಕ್ ಸುಳ್ಯದ ಪುರಭವನಡ್ ನಡಪೊಡಿತ್ತಿನ ಮದಿಮೆ ಮದಿಮಾಯೆನೇ ಬರಂದೆ ಉಂತಿನ ಘಟನೆ ನಡತ್ಂಡ್.

ಈ ಬಗೆಟ್ ಆಣನ ಸುರುತ ಬೊಡೆದಿ ಕಂಡನಿನ ಮಿತ್ತ್ ಬೆಳ್ಳಾರೆ ಪೊಲೀಸ್ ಠಾಣೆಡ್ ಕೇಸ್ ಕೊರ್ತೆರ್ ಪಂದ್ ತೆರಿದ್ ಬೈದ್ಂಡ್. ಸುಳ್ಯ ತಾಲೂಕ್ ದ ಉಬರಡ್ಕ ಗ್ರಾಮದ ಪೊಣ್ಣಗ್, ಪುತ್ತೂರ್ ತಾಲೂಕ್ ದ ಬೆಟ್ಟಂಪಾಡಿ ಗ್ರಾಮದ ಗುಮ್ಮಟಗದ್ದೆದ ಕೃಷ್ಣ ಮೆರೆಮ ಒಟ್ಟಿಗೆ ಫೆ.9 ಕ್ ಕೆ.ವಿ.ಜಿ. ಪುರಭವನಡ್ ಮದಿಮೆ ನಿಗಂಟ್ ಆದಿತ್ತ್ಂಡ್. ಬೊಕ್ಕ ಆಣ್ ಬರಂದೆ ಈ ಮದಿಮೆ ಉಂತುಂಡು. ಈ ಇಸಯ ತೆರಿದ್ ಜಾಗೆಗ್ ಬತ್ತಿನ ದಲಿತ ಮುಖಂಡೆರ್ ಸರಸ್ವತಿ ಮೆರೆನ ಮುತಾಲಿಕೆಡ್ ಸುಳ್ಯ ಪೋಲೀಸ್ ಠಾಣೆಗ್ ಇಸಯ ತೆರಿಪಾಯೆರ್.

February 12-15th: Annual festival of Arikodi Sri Chamundeshwari temple ಫೆ.12-15: ಅರಿಕೋಡಿ ಶ್ರೀ ಚಾಮುಂಡೇಶ್ವರಿ ದೇವಲ್ಯಡ್ ವರ್ಷದ ಉಚ್ಚಯ

ಬೊಲ್ತೇರ್: ಬೆಳಾಲುದ ಅರಿಕೋಡಿ ಶ್ರೀ ಚಾಮುಂಡೇಶ್ವರಿ ದೇವಲ್ಯಡ್ ವರ್ಷದ ಉಚ್ಚಯ ಫೆ.12-15 ಮುಟ್ಟ ನಡಪರೆ ಉಂಡು.

ಫೆ.12 ಐತಾರ ಶ್ರೀನಿವಾಸ ಹೊಳ್ಳ ಬೊಕ್ಕ ಮೆರೆನ ಕೂಟದ ಪೌರೋಹಿತ್ಯಡ್, ಪುಣ್ಯಾಹ ಶುದ್ಧಿ, ಗಣಹೋಮ, ದೂರ್ವಿಯಷ್ಯ ಹೋಮ, ಸೂಕ್ತ ಯಾಗ, ಚಂಡಿಕಾ ಯಾಗ, ಮಹಾಪೂಜೆ ಆದ್ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ದುರ್ಗಾಪೂಜೆ, ಅಘೋರ ಹೋಮ, ವಾಸ್ತುಪೂಜೆ, ವಾಸ್ತುಬಲಿ ನಡಪರೆ ಉಂಡು. ಬೊಕ್ಕ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ನಾಗವ್ರಜ ಕ್ಷೇತ್ರ ಪಾವಂಜೆ ಮೊಕ್ಲೆರ್ದ್ ಶ್ರೀ ದೇವಿ ಮಹಾತ್ಮೆ ಆಟ ನಡಪರೆ ಉಂಡು. ಫೆ.13 ಸೋಮಾರ ಬೊಲ್ಪುಗು ನಾಗತಂಬಿಲ, ಆಶ್ಲೇಷಾ ಬಲಿ, ಕಲಶಾಭಿಷೇಕ, ಮಹಾಪೂಜೆ, ಪರಿವಾರ ದೇವೆರೆನ ಪೂಜೆ, ವರ್ಷದ ಉಚ್ಚಯ ನಡಪರೆ ಉಂಡು. ಬಯ್ಯಗ್ ಸದಾನಂದ ಬಿ. ಮುಂಡಾಜೆ ಮೆರೆನ ಸಾರಥ್ಯದ ಕೀರ್ತನಾ ಕಲಾ ಕೂಟದ ಸದಸ್ಯೆರೆರ್ದ್ ಭಕ್ತಿಗಾನ ಯಕ್ಷ ನೃತ್ಯ ಸಾಂಸ್ಕೃತಿಕ ಲೇಸ್ ಬೊಕ್ಕ ತಮ್ಮನ ಲೇಸ್ ನಡಪರೆ ಉಂಡು. ಫೆ.14 ಅಂಗಾರೆ ಬಯ್ಯಗ್ ದೇವಿಕಿರಣ್ ಕಲಾನಿಕೇತನ ಉಜಿರೆ, ವಿದುಷಿ ಸ್ವಾತಿ ಜಯರಾಮ್, ಪೃಥ್ವಿ ಸತೀಶ್ ಮೊಕ್ಲೆನ ಶಿಷ್ಯವೃಂದರ್ದ್ ನೃತ್ಯಾರ್ಪಣಂ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಬೊಕ್ಕ ರಾತ್ರೆ ಅಮ್ಮ ಕಲಾವಿದೆರ್ ಕುಡ್ಲ ಮೊಕ್ಲೆರ್ದ್ ಪರಕೆ ಪೂವಕ್ಕೆ ತುಳು ನಾಟಕ ನಡಪರೆ ಉಂಡು. ಫೆ.15 ಬುಧಾರ ರಾತ್ರೆ ಕ್ಷೇತ್ರದ ಪರಿವಾರ ದೈವೊಲಾಯಿನ ಕಲ್ಲುರ್ಟಿ, ಮಂತ್ರದೇವತೆ, ಸನ್ಯಾಸಿ ಗುಳಿಗ, ಶಕ್ತಿ ಗುಳಿಗ ಬೊಕ್ಕ ಬೇತೆ ದೈವೊಲೆನ ನೇಮ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ಚಾಮುಂಡೇಶ್ವರಿ ದೇವಿನ ಬೊಕ್ಕ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಆಡಳಿತ ಮೊಕ್ತೇಸರೆರ್, ಆಡಳಿತ ಮಂಡಳಿದ ಅಧ್ಯಕ್ಷೆರ್ ಬೊಕ್ಕ ಧರ್ಮದರ್ಶಿಲು ಲೆಪ್ಪೋಲೆಡ್ ತೆರಿಪಾದೆರ್.

Central government comes forward to upgrade 55 railway stations in the state ರಾಜ್ಯದ 55 ರೈಲ್ವೆ ನಿಲ್ದಾಣದ ಅಭಿವೃದ್ಧಿ ಮಲ್ಪೆರೆ ದುಂಬಾಯಿನ ಕೇಂದ್ರ ಸರ್ಕಾರ

ದೇಶದ 1275 ರೈಲ್ವೆ ನಿಲ್ದಾಣನ್ ಅಭಿವೃದ್ಧಿ ಮಲ್ಪೆರೆ ಕೇಂದ್ರ ಸರ್ಕಾರ ನಿರ್ಧಾರ ಮಲ್ದ್ಂಡ್.

ಆಯಿಟ್ ನಮ್ಮ ರಾಜ್ಯದ 55 ರೈಲ್ವೆ ನಿಲ್ದಾಣಲು ಸೇರ್ದ್ಂಡ್. ಆಲಮಟ್ಟಿ, ಅರಸೀಕೆರೆ ಜಂಕ್ಷನ್‌, ಬಾದಾಮಿ, ಬಳ್ಳಾರಿ, ಬಂಟ್ವಾಳ, ಚಾಮರಾಜನಗರ, ಚನ್ನಪಟ್ಟಣ, ಚಿಕ್ಕಮಗಳೂರು, ಚಿತ್ರದುರ್ಗ, ದೊಡ್ಡಬಳ್ಳಾಪುರ, ಹಾಸನ, ಹೊಸಪೇಟೆ, ಮಲ್ಲೇಶ್ವರ, ಮಾಲೂರು, ಸಕಲೇಶಪುರ, ಕುಡ್ಲ ಜಂಕ್ಷನ್-ಸೆಂಟ್ರಲ್, ಕೊಪ್ಪಳ, ಶಿವಮೊಗ್ಗ, ರಾಣೆಬೆನ್ನೂರು, ರಾಮನಗರ ಸ್ಟೇಷನ್ ಸೇರ್ದ್ಂಡ್ ಪಂದ್ ವರದಿ ಆತ್ಂಡ್.