Times of kudla

Amit Shah gets “prasada” from Dharmasthala ಅಮಿತ್ ಶಾಗ್ ಧರ್ಮಸ್ಥಳ ಶ್ರೀ ಮಂಜುನಾಥ ಸ್ವಾಮಿನ ಪ್ರಸಾದ

ಬೊಲ್ತೇರ್: ಮಾಜಿ ಸಚಿವೆರ್ ಈಶ್ವರಪ್ಪ ಶ್ರೀಕ್ಷೇತ್ರ ಧರ್ಮಸ್ಥಳಗ್ ಫೆ.11 ಕ್ ಭೇಟಿ ಕೊರ್ದು ಶ್ರೀ ಮಂಜುನಾಥ ದೇವೆರೆನ ದರ್ಶನ ಪಡೆಯೆರ್.

ಅಂಚೆನೆ ಧರ್ಮಾಧಿಕಾರಿ ವೀರೇಂದ್ರ ಹೆಗ್ಗಡೆರೆನ್ ಭೇಟಿ ಮಲ್ತೆರ್. ಈ ಪೊರ್ತುಡು ಹೆಗ್ಗಡೆರ್ ಕೇಂದ್ರ ಗೃಹ ಸಚಿವೆರ್ ಅಮಿತ್ ಶಾ ಗ್ ಕೊರಿಯೆರೆ ಇಪ್ಪುನ ಪ್ರಸಾದನ್ ಈಶ್ವರಪ್ಪ ಮೆರೆಡ ಕೊರ್ದು ಕಡಪಾದೆರ್. ಇನಿ ಬಯ್ಯಗ್ ಕುಡ್ಲಡ್ ನಡಪರೆ ಇಪ್ಪುನ ಬಿಜೆಪಿ ಸಭೆತ ಪೊರ್ತುಡು ಅಮಿತ್ ಶಾಗ್ ಧರ್ಮಸ್ಥಳದ ಮಂಜುನಾಥನ ಪ್ರಸಾದನ್ ಈಶ್ವರಪ್ಪ ಮೇರ್ ಕೊರಿಯೆರೆ ಉಲ್ಲೆರ್.

Amit Shah gets “prasada” from Dharmasthala

Beltangady: Former minister Eshwarappa visited Dharmasthala on February 11 th and visited the Sri Manjunatheshwara temple.
Later he met Sri Veerendra Heggade who handed over prasada from the temple to be given to Amit Shah when he will attend a meeting with the latter at Mangalore.

Air India to buy 500 planes 500 ಇಮಾನ ಕ್ರಯೊಗು ದೆತೊನರೆ ಉಂಡು ಏರ್ ಇಂಡಿಯಾ

ಇಮಾನ ತಯಾರ್ ಮಲ್ಪುನ 2 ಕಂಪೆನಿಲಾಯಿನ ಫ್ರಾನ್ಸ್ ಏರ್ ಬಸ್ ಬೊಕ್ಕ ಬೋಯಿಂಗ್ ರ್ದ್ 500 ಇಮಾನಲೆನ್ ದೆತೊನುನ ಒಪ್ಪಂದಗ್ ಏರ್ ಇಂಡಿಯಾ ಸೈನ್ ಪಾಡ್ದ್ಂಡ್.‌

ಏರ್ ಇಂಡಿಯಾ ಇಮಾನ ದೆತೊನಿಯೆರೆ 100 ಶತಕೋಟಿ ಡಾಲರ್ ರ್ದ್ ಎಚ್ಚ ಖರ್ಚ್ ಮಲ್ಪೆರೆ ಉಂಡು. ಜಾಗತಿಕ ಕಂಪೆನಿಲೆಗ್ ಪೈಪೋಟಿ ಕೊರಿಯೆರೆ ಏರ್ ಇಂಡಿಯಾ ಈ ನಿರ್ಧಾರನ್ ದೆತೊಂದುಂಡು. ಈ ಒಪ್ಪಂದದ ಪ್ರಕಾರ, 250 ಇಮಾನಲೆನ್ ಫ್ರಾನ್ಸ್ ದ ಏರ್ ಬಸ್ ಬೊಕ್ಕ 250 ಇಮಾನಲೆನ್ ಬೋಯಿಂಗ್ ಕಂಪೆನಿ ಏರ್ ಇಂಡಿಯಾಗ್ ಕೊರಿಯರೆ ಉಂಡು.

Air India to buy 500 planes

Air India has signed a deal to buy 500 planes from Airbus company from France and Booing planes from USA.

The cost of the planes is said to be more 100 thousand dollars.This is to compete with other private companies said sources from Air India.

Bandi Jatra for Sri Mundithaya Daivas, Muloor from Feb 14-16 th. ಫೆ.14-16: ಮೂಳೂರು ಶ್ರೀ ಮುಂಡಿತ್ತಾಯ ದೈವೊಲ್ಯಡ್ ಕಾಲಾಧಿದ ಬಂಡಿ ಜಾತ್ರೆ

ಕುಡ್ಲ: ಗುರುಪುರ ಮೂಳೂರು ಶ್ರೀ ಮುಂಡಿತ್ತಾಯ ದೈವೊಲ್ಯಡ್ ಕಾಲಾಧಿದ ಬಂಡಿ ಜಾತ್ರೆ ಫೆ.14-16 ಮುಟ್ಟ ನಡಪರೆ ಉಂಡು.

ಫೆ.14 ಅಂಗಾರೆ ಬೊಲ್ಪುಗು ಭಂಡಾರ ಪಿದಡುಂಡು. ಬೊಕ್ಕ ಕೊಡಿ ಏರುಂಡು. ಅವೆರ್ದ್ ಬೊಕ್ಕ ಕಂಚಿಲ್ ಸೇವೆ ಬೊಕ್ಕ ಮಡಸ್ತಾನ ಸೇವೆ ನಡಪರೆ ಉಂಡು. ಮಧ್ಯಾಹ್ನ ಸಾರ್ವಜನಿಕ ಮಹಾ ಅನ್ನಸಂತರ್ಪಣೆ ನಡಪರೆ ಉಂಡು. ರಾತ್ರೆ ಮೈಸಂದಾಯ ದೈವೊದ ನೇಮ, ಮುಂಡಿತ್ತಾಯ ದೈವೊದ ನೇಮ, ಬಂಡಿ ತೇರ್ ಉಚ್ಚಯ, ಅಭಯ ಪ್ರಧಾನ ಬೊಕ್ಕ ಪ್ರಸಾದ ಕೊರಿಯೆರೆ ಉಂಡು. ಫೆ.15 ಬುಧಾರ ಧೂಮಾವತಿ, ಬಂಟ ಬೊಕ್ಕ ಪರಿವಾರ ದೈವೊಲೆನ ನೇಮ, ಅಭಯ ಪ್ರಧಾನ ಬೊಕ್ಕ ಪ್ರಸಾದ ಕೊರಿಯೆರೆ ಉಂಡು. ಫೆ.16 ಗುರುವಾರ ರಾತ್ರೆ ತುಡಾರ ಬಲಿ ಉಚ್ಚಯ, ಕೊಡಿ ಜಾವರೆ ಬೊಕ್ಕ ಭಂಡಾರ ಪೋವರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ಮುಡಿ ಗಂಧ ಪ್ರಸಾದ ದೆತೊಂದು ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಪ್ರಧಾನ ಗುರಿಕಾರೆರ್, ಆಡಳಿತ ಮೊಕ್ತೇಸರೆರ್ ಪ್ರಮೋದ್ ಕುಮಾರ್ ರೈ, ಗುತ್ತು ಯಜಮಾನೆರ್, ಸೇವೆದ ಇಲ್ಲದಕುಲು, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್, ಪದಾಧಿಕಾರಿಲು ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

Turkey Earth quake-death toll rises to 24,000 ಟರ್ಕಿ ಭೂಕಂಪ: ತೀರ್ ಪೋಯಿನಕ್ಲೆನ ಸಂಖ್ಯೆ 24 ಸಾರ..!

ಇಸ್ತಾಂಬುಲ್: ಟರ್ಕಿಡ್ ನಡತಿನ ಭೂಕಂಪಡ್ ತೀರ್ ಪೋಯಿನಕ್ಲೆನ ಸಂಖ್ಯೆ 24 ಸಾರಗ್ ಏರ್ ದ್ಂಡ್.

ಈ ಭೂಕಂಪದ ಬಿರ್ಸ್ ಡ್ ಕೆಲವು ಮಲ್ಲ ಕಟ್ವಾನಲು ನೆಲಸಮ ಆತ್ಂಡ್. ನೆರ್ದ್ ಸೈದಿನಕ್ಲೆನ ಸಂಖ್ಯೆ ನನಾತ್ ಎಚ್ಚಾಪುನ ಸಾಧ್ಯತೆ ಉಂಡು. ಅವ್ವತ್ತಂದೆ ಭಾರತ ಮಲ್ಲ ರಕ್ಷಣಾ ತಂಡನ್ ಟರ್ಕಿಗ್ ಕಡಪಾದ್ಂಡ್ ಪಂದ್ ತೆರಿದ್ ಬೈದ್ಂಡ್.

Turkey Earth quake-death toll rises to 24,000

Istanbul: The death toll in the devastating earthquake that hit Turkey has risen to 24,000.

Those trapped under the debris of the fallen buildings are still being rescued and the number of deaths is still likely to rise.
India has sent a contingent of special forces to aid in the rescue work.

Americans intercept another flying object ಕುಡೊಂಜಿ ರಾಪುನ ಪುಗ್ಗೆ ಪತ್ತೆ ಮಲ್ತಿನ ಅಮೆರಿಕ

ಚೀನಾದ ಪತ್ತೇದಾರಿ ಪುಗ್ಗೆದ ಬೊಕ್ಕ ಅಮೆರಿಕದ ಆಕಾಶಡ್ ಕುಡೊಂಜಿ ರಾಪುನ ಸೊತ್ತು ತೋಜಿದ್ ಬೈದ್ಂಡ್.

ಅಲಾಸ್ಕಾಡ್ 40000 ಅಡಿ ಎತ್ತರಡ್ ರಾಪುನ ಸೊತ್ತು ತೋಜಿದ್ ಬೈದ್ಂಡ್. ಆಯಿನ್ ಪುಡಾತ್ ದ್ ತಿರ್ತ್ ಪಾಡಿಯೆರೆ ಅಧ್ಯಕ್ಷೆರ್ ಜೋ ಬೈಡನ್ ಆದೇಶ ಕೊರ್ದು ಇತ್ತೆರ್. ಅಂಚಾದ್ ಅಮೆರಿಕದ ಯುದ್ಧ ಇಮಾನ ಅವೆನ್ ಪುಡಾತ್ ದ್ ತಿರ್ತ್ ಪಾಡ್ದ್ಂಡ್ ಪಂದ್ ಶ್ವೇತಭವನದ ವಕ್ತಾರೆರ್ ಜಾನ್ ಕಿರ್ಬಿ ಪಂಡೆರ್. ಅತ್ತಂದೆ ಈ ಸೊತ್ತು ಎಲ್ಯ ಕಾರ್ ದಾತ್ ಮಲ್ಲ ಉಂಡು ಪಂದ್ ಪಂಡೆರ್.

Americans intercept another flying object

After interception of an intelligence balloon of China ; the Americans have been able to ambush another flying object 40000 feet above ground in Alaska.The president Joe Biden has ordered to destroy the object and ground it. The Americans fighter planes have exploded it said John Kerby announced from the White House.

An infant dies due to unavailability of an ambulance at the right time ಸರಿಯಾಯಿನ ಪೊರ್ತುಗು ಅಂಬುಲೆನ್ಸ್ ಬಾರಂದೆ ತೀರ್ ಪೋಯಿನ 4 ದಿನತ ಬಾಲೆ

ಸರಿಯಾಯಿನ ಪೊರ್ತುಗು ಅಂಬುಲೆನ್ಸ್ ಬಾರಂದೆ 4 ದಿನತ ಬಾಲೆ ತೀರ್ ಪೋಯಿನ ಘಟನೆ ಮೈಸೂರ್ ಜಿಲ್ಲೆದ ಹೆಚ್.ಡಿ. ಕೋಟೆ ತಾಲೂಕ್ ದ ಬುಂಡನಮಾಳ ಗ್ರಾಮಡ್ ನಡತ್ಂಡ್.

ಮದ ಶೀಲಾ ಬೊಕ್ಕ ಮಹದೇವಸ್ವಾಮಿ ದಂಪತಿಲೆನ ಬಾಲೆ ಉಸುಲುದ ಸಮಸ್ಯೆರ್ದ್ ನರಲೊಂದು ಇತ್ಂಡ್. ಆಸ್ಪತ್ರೆಗ್ ಲೆತೊಂದು ಪೋಯೆರ ಅಂಬುಲೆನ್ಸ್ ಸಿಬ್ಬಂದಿಗ್ ಪೋನ್ ಮಲ್ತ್ಂಡಲ ಬೇಗ ಬಾರಂದೆ, ಬತ್ತಿನ ಅಂಬುಲೆನ್ಸ್ ಡ್ ಸರಿಯಾಯಿನ ಮೂಲ ಸೌಕರ್ಯ ಇಜ್ಜಂದೆ ಬಾಲೆ ತೀರ್ ಪೊತ್ಂಡ್ ಪಂದ್ ತೆರಿದ್ ಬೈದ್ಂಡ್.

LPG gas cylinder for rupees 500- CM Ashok Gehlot 500ರೂ. ಗ್ ಎಲ್ ಪಿಜಿ ಸಿಲಿಂಡರ್: ಸಿಎಂ‌ ಅಶೋಕ್ ಗೆಹ್ಲೋಟ್ ಘೋಷಣೆ

ರಾಜಸ್ಥಾನ ಸಿಎಂ ಅಶೋಕ್ ಗೆಹ್ಲೋಟ್ ಇನಿ ಬಜೆಟ್ ಮಂಡನೆ ಮಲ್ದೆರ್.

ರಾಜ್ಯದ ಜನಕ್ಕ್ 100 ಯೂನಿಟ್ ಗ್ ಧರ್ಮಾರ್ಥವಾದ್ ಕರೆಂಟ್ ಬೊಕ್ಕ 76 ಲಕ್ಷ ಕುಟುಂಬಲೆಗ್ 500 ರೂ. ಗ್ ಎಲ್ ಪಿಜಿ ಸಿಲಿಂಡರ್ ಕೊರ್ಪ ಪಂದ್ ಘೋಷಣೆ ಮಲ್ದೆರ್. ಕಲ್ಪಾರ್ಥಿಲೆನ ಶಾಲೆದ ಬಸ್ ಪಾಸ್ ನ್ 50ರ್ದ್ 75 ಕಿ.ಮೀ ಗ್ ಎಚ್ಚ ಮಲ್ದ್ಂಡ್. ನನ ಫೆ.17 ಕ್ ಸಿಎಂ ಬೊಮ್ಮಾಯಿ ಕರ್ನಾಟಕ ಬಜೆಟ್ ಮಂಡನೆ ಮಲ್ಪೆರೆ ಉಲ್ಲೆರ್. ಆನಿ ಸಿಲಿಂಡರ್ ಬಿಲೆ ಕಮ್ಮಿ ಮಲ್ಪೆರೆ ಪನ್ಪುನ ನಿರೀಕ್ಷೆ ಉಂಡು.

LPG gas cylinder for rupees 500- CM Ashok Gehlot

Rajasthan CM Ashok Gehlot presented the state budget today.He announced that electricity consumption upto 100 units would be free and 76 lakh families will get LPG cylinders for rupees 500.Free bus pass for students has been increased upto 75 kms.

February 12: Special lecture arranged for SSLC students ಫೆ.12: ಹಾವಂಜೆ, ಉಪ್ಪೂರು, ಕುಕ್ಕೆಹಳ್ಳಿ ಗ್ರಾಮ ವ್ಯಾಪ್ತಿದ ಎಸ್ ಎಸ್ ಎಲ್ ಸಿ ಜೋಕುಲೆಗಾದ್ ಉಪನ್ಯಾಸ ಲೇಸ್

ಹಾವಂಜೆ, ಉಪ್ಪೂರು, ಕುಕ್ಕೆಹಳ್ಳಿ ಗ್ರಾಮ ವ್ಯಾಪ್ತಿದ ಎಸ್ ಎಸ್ ಎಲ್ ಸಿ ಜೋಕುಲೆಗಾದ್ ಉಪನ್ಯಾಸ ಲೇಸ್ ಫೆ.12 ಐತಾರ ಬೊಲ್ಪುಗು 9 ಗಂಟೆರ್ದ್ 11 ಗಂಟೆ ಮುಟ್ಟ ಹಾವಂಜೆ ಶ್ರೀ ಮಂಜುನಾಥ ಸಭಾ ಭವನಡ್ ನಡಪರೆ ಉಂಡು.

ಈ ಲೇಸ್ ಡ್ ಜೋಕುಲೆಗ್ ಕಾಲೇಜ್ ಉಪನ್ಯಾಸಕೆರ್ ಡಾ. ಗಣೇಶ್ ಪ್ರಸಾದ್ ಜಿ ನಾಯಕ್ ಉಪನ್ಯಾಸ ಕೊರಿಯೆರೆ ಉಲ್ಲೆರ್.

Senior politician T John no more ಪೆರಿಯ ರಾಜಕಾರಣಿ ಟಿ. ಜಾನ್ ನನ ನೆಂಪು ಮಾತ್ರ

ಬೆಂಗ್ಲೂರ್: ಪೆರಿಯ ರಾಜಕಾರಣಿ ಟಿ. ಜಾನ್ (92) ಬೆಂಗ್ಲೂರ್ ದ ತನ್ನ ಇಲ್ಲಲ್ ಇನಿ ತೀರ್ ಪೋಯೆರ್.

ಕೇರಳ ಮೂಲದ ಟಿ.ಜಾನ್ ಕೊಡುಗೈ ದಾನಿ ಪಂದೇ ಪುದರ್ ಪಡೆಯಿನ ಮೇರ್ ಬಂಗಡ್ ಇಪ್ಪುನಕ್ಲೆಗ್ ಸಕಾಯ ಮಲ್ಪುನ ಮುಖೇನ ಮಸ್ತ್ ಜನತ್ತ ಮನಸ್ಸ್ ನ್ ಗೆಂದ್ ದೆರ್. ಅತ್ತಂದೆ ಎಸ್ ಎಂ ಕೃಷ್ಣ ಸಂಪುಟಡ್ ಸಚಿವೆರಾದಿತ್ತೆರ್. ಅಬಕಾರಿ ಉದ್ಯಮದ ಮುಖೇನ ಪುದರ್ ಪಡೆತೆರ್. ಮೆರೆನ ಅಕೇರಿದ ಕ್ರಿಯೆ (ಎಲ್ಲೆ) ಸನಿಯಾರ ಬೆಂಗ್ಲೂರ್ ಡ್ ನಡಪರೆ ಉಂಡು ಪಂದ್ ಕುಟುಮದ ಮೂಲಲು ಪೊಲಬು ಕೊರ್ತೆರ್.

Senior politician T John no more

Bangalore: Senior politician T John (92) expired today at Bangalore.
Hailing from Kerala he was known for his philanthropy.He was also a minister in SM Krishna’s cabinet.

S.S.L.V-D2 rocket launch by ISRO successful ಇಸ್ರೋದ ಎಸ್ ಎಸ್ ಎಲ್ ವಿ- ಡಿ2 ರಾಕೆಟ್ ಉಡಾವಣೆ ಯಶಸ್ವಿ

ಶ್ರೀಹರಿಕೋಟಾ: ಇಸ್ರೋ ಎಸ್ ಎಸ್ ಎಲ್ ವಿ- ಡಿ2 ರಾಕೆಟ್ ದ ಉಡಾವಣೆನ್ ಯಶಸ್ವಿಯಾದ್ ಮಲ್ದ್ಂಡ್.

ಶ್ರೀಹರಿಕೋಟಾಡ್ ಇಪ್ಪುನ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರರ್ದ್ ಮೂಜಿ ಉಪಗ್ರಹಲೆನ್ ಪತ್ತೊಂದು ರಾಕೆಟ್ ದುಂಬು ಪೊತ್ತೊಂಡು. ಇತ್ತೆ ಮೂಜಿ ಉಪಗ್ರಹಲೆನ್ ಕಮ್ಮಿ ಕರ್ಚಿಡ್ ಕಕ್ಷೆಗ್ ಸೇರ್ಸಾಯೆರೆ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್. ‌

S.S.L.V-D2 rocket launch by ISRO successful

Sriharikota : The S.S.L.V.D2 launched by ISRO from their Satish Dawan Space centre Sriharikota was successful.The rocket carrying three satellites into space.