#Somashekar

Torcher ಕೊರ್ನ ರಾಜಕೀಯ ಮುಖಂಡರ‍್ನ ಪುದರ್ ಬರೆದೀದು ಕಂದಾಯ ನಿರೀಕ್ಷೆಕೆರ್ ಜೀವ ದೆತೊಂಡೆರ್

ಚಿಕ್ಕಮಗಳೂರ್,ಆ 26 : ಕಂದಾಯ ನಿರೀಕ್ಷಕೆರಾದು ಬೇಲೆ ಮಲ್ತೊಂದಿತ್ತಿನ ವ್ಯಕ್ತಿಯರ‍್ವೆ ಕಾಕಜಿ ಬರೆದೀದು ತೀರ‍್ದು ಪೊಯಿನ ಘಟನೆ ಚಿಕ್ಕಮಗಳೂರ್ ದ ತರೀಕೆರೆಡು ನಡತುದುಂಡು.

ಸೋಮಶೇಖರ್ ಕಾಕಜಿ ಬರೆದೀದು ತೀರ‍್ದು ಪೊಯಿನ ವ್ಯಕ್ತಿಯಾತೆ. ಒಂಜಿ ಎಡ್ಡೆ ಗುಣ-ನಡತೆದ ಅಧಿಕಾರಿಯಾಯಿನ ಆರ್, ಯಾನ್ ಆಂಡು, ಯನ್ನ ಬೇಲೆ ಆಂಡು ಪಂದು ಇತ್ತೆರ್. ಬಗರ್ ಹುಕುಂ ಜಮೀನ್ ನು ಸಕ್ರಮ ಮಲ್ಪರೆ ಸ್ಥಳೀಯ ಮುಖಂಡೆರ್ ಒತ್ತಡ ಪಾಡೊಂದಿತ್ತೆರ್. ಜನಕುಲೆಡ್ದು ಲಕ್ಷಗಟ್ಟಲೆ ಕಾಸುನು ದೆತುನುಲೆಕ ಆರೆನ ಮಿತ್ತು ಏಪಲ ಕಿರುಕುಳ ಕೊರೊಂದಿತ್ತೆರ‍್ಗೆ.

ಸ್ಥಳೀಯ ರಾಜಕೀಯ ಮುಖಂಡೆರಾಯಿನ ಧನ್ಪಾಲ್, ರಮೇಶ್, ಸಂಜೀವ್ ಕುಮಾರ್ ಮುಕುಲ್ನ ಪುದರುನು ಕಾಕಜಿಡು ಬರೆದು ಲಕ್ಕವಳ್ಳಿದ ರಂಗನಾಥ್ ಸ್ವಾಮಿ ದೇವಸ್ಥಾನೊದ ಕೈತಲ್ ಇಪ್ಪುನ ಭದ್ರಾ ಜಲಾಶಯಗು ಲಾಗಿದು ಸೋಮಶೇಖರ್ ಜೀವ ದೆತೊಂಡೆರ್.