Mulki

ಅಂಗವಿಕಲೆರೆನ ಜಿಲ್ಲಾ ಮಟ್ಟದ ಕಾನೂನು ಅರಿವು, ಸಮ್ಮೇಳನ, ಪ್ರತಿಭಾ ಪ್ರದರ್ಶನ, ಕರಕುಶಲ ವಸ್ತುಲೆನ ಪ್ರದರ್ಶನ ಬೊಕ್ಕ ಮಾರಾಟ 2025-26 ಲೇಸ್ ಮುಗಿತಲ

ಒಡಿಪು: ಕರ್ನಾಟಕ ರಾಜ್ಯ ಅಂಗವಿಕಲರ ಬೊಕ್ಕ ಪಾಲಕರ ಒಕ್ಕೂಟ ಒಡಿಪು ಜಿಲ್ಲಾ ಸಮಿತಿ, ಜಿಲ್ಲಾಮಟ್ಟದ ಸಮಗ್ರ ವಿಕಲಚೇತನೆರೆನ ಪುನರ್ವಸತಿ ಕಾರ್ಯಕರ್ತೆರೆನ ಒಕ್ಕೂಟ ಒಡಿಪು ಜಿಲ್ಲೆ, ದಿವ್ಯಾಂಗ ರಕ್ಷಣಾ ಸಮಿತಿ ಒಡಿಪು ಜಿಲ್ಲೆದ ಒಟ್ಟುಸೇರಿಗೆಡ್ ಬೊಕ್ಕ ಬಿಲ್ಲವರ ಸೇವಾ ಸಂಘ ಒಡಿಪುದ ಸಹಕಾರಡ್ ಅಂಗವಿಕಲೆರೆನ ಜಿಲ್ಲಾ ಮಟ್ಟದ ಕಾನೂನು ಅರಿವು, ಸಮ್ಮೇಳನ, ಪ್ರತಿಭಾ ಪ್ರದರ್ಶನ, ಕರಕುಶಲ ವಸ್ತುಲೆನ ಪ್ರದರ್ಶನ ಬೊಕ್ಕ ಮಾರಾಟ 2025-26 ಲೇಸ್ ಡಿ.27 ಕ್ಕ್ ನಡತ್ಂಡ್.

ಬೊಲ್ಪುಗು ವಿಶೇಷಚೇತನೆರೆನ ಜಾಥನ್ ಕರಾವಳಿ ವೃತ್ತಡ್ ಒಡಿಪು ನಗರಸಭೆ ಪೌರಾಯುಕ್ತೆರಾಯಿನ ಮಹಾಂತೇಶ ಹಂಗರಗಿ ಮೇರ್ ಚಾಲನೆ ಕೊರಿಯೆರ್. ಜಾಥ ಕರಾವಳಿ ವೃತ್ತರ್ದ್ ಬನ್ನಂಜೆ ನಾರಾಯಣಗುರು ಆಡಿಟೋರಿಯಂ ಮುಟ್ಟ ಬತ್ತ್ಂಡ್. ಈ ಪೊರ್ತುಡು ದಿವ್ಯಾಂಗ ರಕ್ಷಣಾ ಸಮಿತಿದ ಸಂಚಾಲಕೆರಾಯಿನ ವಿಜಯ ಕೊಡವೂರು ಪಾಲ್ ಪಡೆದಿತ್ತೆರ್.

ಕರಕುಶಲ ವಸ್ತುಲೆನ ಪ್ರದರ್ಶನನ್ ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಇಲಾಖೆದ ಶ್ಯಾಮಲ ಸಿ.ಕೆ. ಉದಿಪನ ಮಲ್ತೆರ್. ಸಭಾ ಲೇಸ್ ನ್
ಒಡಿಪು ಬೊಕ್ಕ ಚಿಕ್ಕಮಗಳೂರು ಜಿಲ್ಲೆದ ಸಂಸದೆರ್ ಕೋಟ ಶ್ರೀನಿವಾಸ ಪೂಜಾರಿ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.

ಈ ಪೊರ್ತುಡು ಡಾ.ಶಿವರಾಮ ಕಾರಂತ ಟ್ರಸ್ಟ್ ದ ಅಧ್ಯಕ್ಷೆರ್ ಗಣನಾಥ, ವಿಕಲಚೇತನೆರೆನ ಬೊಕ್ಕ ಹಿರಿಯ ನಾಗರಿಕೆರೆನ ಸಬಲೀಕರಣ ಇಲಾಖೆದ ನಿವೃತ್ತ ಸಹಾಯಕ ನಿರ್ದೇಶಕೆರ್ ನಿರಂಜನ ಭಟ್, ಒಡಿಪು ಜಿಲ್ಲೆ ಅಂಗವಿಕಲೆರೆನ ಕಲ್ಯಾಣಾಧಿಕಾರಿ ರತ್ನ, ವಿಜಯ ಕೊಡವೂರು, ಒಡಿಪು ಜಿಲ್ಲೆ ದಿವ್ಯಾಂಗ ರಕ್ಷಣಾ ಸಮಿತಿದ ಅಧ್ಯಕ್ಷೆರ್ ಹರೀಶ ಪ್ರಸಾದ್ ಪಾಲ್ ಪಡೆದಿತ್ತೆರ್.

ಒಡಿಪು ಜಿಲ್ಲಾ ಕಾನೂನು ಸೇವೆಲೆನ ಪ್ರಾಧಿಕಾರದ ಸದಸ್ಯೆರ್ ರಾಜು ಪೂಜಾರಿ ವಿಶೇಷ ಚೇತನೆರೆಗ್ ಹಕ್ಕುಲೆನ ಬಗ್ಗೆ ಕಾನೂನು ಸಲಹೆದ ಪೊಲಬುನ್ ಕೊರಿಯೆರ್.

ಲೇಸ್ ದ ಅಧ್ಯಕ್ಷತೆನ್ ಒಡಿಪು ಜಿಲ್ಲಾ ಸಮಿತಿ, ಕರ್ನಾಟಕ ರಾಜ್ಯ ಅಂಗವಿಕಲರ ಬೊಕ್ಕ ಪಾಲಕರ ಒಕ್ಕೂಟದ ಅಧ್ಯಕ್ಷೆರ್ ಮಂಜುನಾಥ ಹೆಬ್ಬಾರ್ ಒಯಿಸೊಂದಿತ್ತೆರ್.

ಜಿಲ್ಲೆದ ಬೇತೆ ಬೇತೆ ಕ್ಷೇತ್ರಲೆಡ್ ಸಾಧನೆ ಮಲ್ತಿನ ವಿಶೇಷಚೇತನೆರೆಗ್ ಬೊಕ್ಕ ಹಿರಿಯ ಗ್ರಾಮೀಣ ಪುನರ್ವಸತಿ ಕಾರ್ಯಕರ್ತೆರೆಗ್ ಗೌರವ ಕೊರ್ದು ಸನ್ಮಾನ ಮಲ್ತೆರ್. ಬಡಪತ್ತ್ ದ ವಿಶೇಷಚೇತನೆರೆಗ್ ಇಲ್ಲಗ್ ಬೊಡಾಯಿನ ಸಾಮಾನ್ ನ್ ಕೊರಿಯೆರ್. ಬೊಕ್ಕ ವಿಶೇಷಚೇತನೆರ್ದ್ ಸಾಂಸ್ಕೃತಿಕ ಲೇಸ್ ನಡತ್ಂಡ್.

ಸಮಾರೂಪ ಸಮಾರಂಭಡ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಪಂಚ ಗ್ಯಾರಂಟಿ ಯೋಜನೆಲೆಮ ಅನುಷ್ಟಾನ ಸಮಿತಿದ ಅಧ್ಯಕ್ಷೆರ್ ರಮೇಶ್ ಕಾಂಚನ್ ಪಾಲ್ ಪಡೆದ್, ಅಂಗವಿಕಲೆರೆನ ಕ್ರೀಡಾ ಉಚ್ಚಯಡ್ ಗೆಂದಿನಕ್ಲೆಗ್ ಇನಾಮುನ್ ಪಟ್ಟಿಯೆರ್.

ಈ ಪೊರ್ತುಡು ಕರ್ನಾಟಕ ಅಂಗವಿಕಲರ ಬೊಕ್ಕ ಪಾಲಕರ ಒಕ್ಕೂಟದ ರಾಜ್ಯಧ್ಯಕ್ಷೆರಾಯಿನ ಜಿ.ಎನ್. ನಾಗರಾಜ, ನಾರಾಯಣ ಶೇರಿಗಾರ ಹಿರಿಯಡ್ಕ, ಸದಾಶಿವ ಮುದ್ರಾಡಿ, ಮಧ್ವಮೂರ್ತಿ ಪುತ್ತೂರ್, ಸರ್ವೋತ್ತಮ ಅಮೀನ್ ಹೆರ್ಗ, ರವೀಂದ್ರ ಹೆಮ್ಮಾಡಿ, ನಾಗರಾಜ ತಲ್ಲೂರು, ಗಣೇಶ ಐರೋಡಿ, ಜಯಶ್ರೀ ಮೊಗವೀರ ಪಾಲ್ ಪಡೆದಿತ್ತೆರ್.

ತುಳುನಾಡ ರಕ್ಷಣಾ ವೇದಿಕೆ ಕಾಪು ತಾಲೂಕ್ ದ ಮುತಾಲಿಕೆಡ್ ನಡತ್ಂಡ್ ಕಾರ್ಯಕರ್ತೆರೆನ ಸಮ್ಮಿಲನ ಲೇಸ್

ತುಳುನಾಡ ರಕ್ಷಣಾ ವೇದಿಕೆ ಕಾಪು ತಾಲೂಕ್ ದ ಮುತಾಲಿಕೆಡ್ ಹಿರಿಯಡ್ಕಡ್ ನಡತಿನ ತುಳುನಾಡ ರಕ್ಷಣಾ ವೇದಿಕೆದ ಕಾರ್ಯಕರ್ತೆರೆನ ಸಮ್ಮಿಲನ ಲೇಸ್ ಭಾರೀ ಗೌಜಿಡ್ ನಡತ್ಂಡ್.

ಈ ಲೇಸ್ ಪ್ರಾರ್ಥನೆದ ಮುಕೇನ ಸುರು ಆಂಡ್. ಬೊಕ್ಕ ತುಳುನಾಡ ರಕ್ಷಣಾ ವೇದಿಕೆದ ಸ್ಥಾಪಕ ಅಧ್ಯಕ್ಷೆರ್ ಬೊಕ್ಕ ರಾಜ್ಯ ಅಧ್ಯಕ್ಷೆರ್ ಯೋಗಿಶ್ ಶೆಟ್ಟಿ ಜೆಪ್ಪು ತುಡರ್ ಅರ್ಲಾದ್ ತುಳುನಾಡ ರಕ್ಷಣಾ ವೇದಿಕೆ ಕಾಪು ತಾಲೂಕ್ ಕಾರ್ಯಕರ್ತೆರೆನ ಸಮ್ಮಿಲನ ಲೇಸ್ ಗ್ ಚಾಲನೆ ಕೊರಿಯೆರ್.

ಬೊಕ್ಕ ಮೇರ್ ಕಾರ್ಯಕರ್ತೆರೆನ್ ಉದ್ದೇಶಿಸಾದ್ ಪಾತೆರ್ದ್, ತುಳುನಾಡ ರಕ್ಷಣಾ ವೇದಿಕೆ ಬುಲೆದ್ ಬತ್ತಿನ ಸಾದಿ, ತುಳುನಾಡ ರಕ್ಷಣಾ ವೇದಿಕೆದ ಕಾರ್ಯ ವೈಖರಿ ತುಳುನಾಡ್ ದ ನೆಲ, ಜಲ, ಸಂಸ್ಕೃತಿ ರಕ್ಷಣೆ ಮಲ್ಪೆರೆ ತುಳುನಾಡ ರಕ್ಷಣಾ ವೇದಿಕೆ ಪೊರ್ಂಬಾಟ ಮಲ್ಪುನ ರೀತಿ, ಸಮಾಜಗ್ ತುಳುನಾಡ ರಕ್ಷಣಾ ವೇದಿಕೆರ್ದ್ ಕೊರೊಂದು ಇಪ್ಪುನ ಕೊಡುಗೆಲೆನ ಬಗ್ಗೆ ಪಂಡೆರ್.

ತುಳುನಾಡ ರಕ್ಷಣಾ ವೇದಿಕೆ ಒಡಿಪು ಜಿಲ್ಲಾಧ್ಯಕ್ಷೆರ್ ಫ್ರಾಂಕ್ರಿಡಿಸೋಜ ಪಾತೆರ್ದ್, ಒಡಿಪು ಜಿಲ್ಲೆಡ್ ತುಳುನಾಡ ರಕ್ಷಣಾ ವೇದಿಕೆ ಜನಕ್ಲೆನ ಪರ ಮಲ್ಪುನ ಲೇಸ್, ತುಳುನಾಡ ರಕ್ಷಣಾ ವೇದಿಕೆ ಒಡಿಪು ಜಿಲ್ಲೆದ ಮುತಾಲಿಕೆಡ್ ನಡತಿನ ಪೊರ್ಂಬಾಟ, ಬೊಕ್ಕ ತುಳು ಭಾಷೆನ್ 8ನೇ ಪರೀಚ್ಛೇದಗ್ ಸೇರ್ಸಾವುನ ಬಗ್ಗೆ, ಒಡಿಪು ಜಿಲ್ಲೆಡ್ ತುಳುನಾಡ ರಕ್ಷಣಾ ವೇದಿಕೆ ಮುತಾಲಿಕೆ ಬಾರ್ಕೂರ್ ರ್ದ್ ಒಡಿಪು ಮುಟ್ಟ ಮಲ್ಲ ಮಟ್ಟಡ್ ಬೈಕ್ ರ್‍ಯಾಲಿ ಬೊಕ್ಕ ತುಳುನಾಡ ರಕ್ಷಣಾ ವೇದಿಕೆ ಒಡಿಪು ಜಿಲ್ಲಾ ಸಮಿತಿದ ಮುತಾಲಿಕೆಡ್ ನಡತಿನ ತುಳುನಾಡ ರಕ್ಷಣಾ ವೇದಿಕೆ “ನಮ್ಮ ನಡೆ ಪಂಚಾಯಿತಿ ಕಡೆ” ಪನ್ಪಿನ ಅಭಿಯಾನ ಯಶಸ್ವಿಯಾದ್ ಜನಕ್ಲೆನ ಕೆಲಸಲು ಬೇಗ ಆದ್ ಜನಕ್ಲೆನ ಮನಸ್ಸ್ ಡ್ ತುಳುನಾಡ ರಕ್ಷಣಾ ವೇದಿಕೆ ಬಗ್ಗೆ ಜನಕುಲು ಅಭಿಮಾನ ದೀಪುಲೆಕ್ಕ ಆಂಡ್ ಪಂದ್ ಪಂಡೆರ್.

ತುಳುನಾಡ ರಕ್ಷಣಾ ವೇದಿಕೆ ಒಡಿಪು ಜಿಲ್ಲೆದ ಪ್ರಧಾನ ಕಾರ್ಯದರ್ಶಿ ಸುರೇಂದ್ರ ಪೂಜಾರಿ ಪಾತ್ರೆರ್ದ್, ತುಳುನಾಡ ರಕ್ಷಣಾ ವೇದಿಕೆದ ಕೆಲಸದ ಬಗ್ಗೆ ಕಾರ್ಯಕರ್ತೆರೆಗ್ ತೆರಿಪಾಯೆರ್.

ಈ ಪೊರ್ತುಡು ತುಳುನಾಡ ರಕ್ಷಣಾ ವೇದಿಕೆ ಕಾಪು ತಾಲೂಕ್ ಘಟಕಗ್ ತುಳುನಾಡು ರಕ್ಷಣಾ ವೇದಿಕೆನ್ ಮೆಚ್ಚಿದ್ ಗಾಯತ್ರಿ ಆಚಾರ್ಯ, ಸೋಮಶೇಖರ್, ಅಜಯ್ ಶೆಟ್ಟಿ, ಸರ್ವೋತ್ತಮ್ ಅಮೀನ್, ಆಕಾಶ್ ಕುಲಾಲ್ ಸೇರಿಯೆರ್. ಬೊಕ್ಕ ಕಾಪು ತಾಲೂಕ್ ತುಳುನಾಡು ರಕ್ಷಣಾ ವೇದಿಕೆದ ಮುತಾಲಿಕೆಡ್ ಯೋಗೀಶ್ ಶೆಟ್ಟಿ ಜಪ್ಪು, ಫ್ರ್ಯಾಂಕಿ ಡಿಸೋಜ, ಅನುಸೂಯಾ ಶೆಟ್ಟಿ ಮೊಕ್ಲೆಗ್ ಸನ್ಮಾನ ಮಲ್ತ್ ದ್ ಮಾನಾದಿಗೆ ಮಲ್ತೆರ್.

ಈ ಲೇಸ್ ಡ್ ತುಳುನಾಡ ರಕ್ಷಣಾ ವೇದಿಕೆದ ಜಿಲ್ಲಾ ಉಪಾಧ್ಯಕ್ಷೆರ್ ಹಿರಿಯೆರಾಯಿನ ಜಯರಾಮ್ ಪೂಜಾರಿ, ಕಾರ್ಮಿಕ ಘಟಕದ ಅಧ್ಯಕ್ಷೆರ್ ಜಯ ಪೂಜಾರಿ, ತುಳುನಾಡ ರಕ್ಷಣಾ ವೇದಿಕೆದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಸುರೇಂದ್ರ ಪೂಜಾರಿ ಬೊಕ್ಕ ತುಳುನಾಡ ರಕ್ಷಣಾ ವೇದಿಕೆ ಒಡಿಪು ಜಿಲ್ಲಾ ಮಹಿಳಾ ಪ್ರಧಾನ ಕಾರ್ಯದರ್ಶಿಲಾಯಿನ ಮಮತಾ , ತುಳುನಾಡ ರಕ್ಷಣಾ ವೇದಿಕೆ ಕಾಪು ತಾಲೂಕ್ ದ ಅಧ್ಯಕ್ಷೆರ್ ನಿತಿನ್ ಕುಮಾರ್ ಶೆಟ್ಟಿ, ತುಳುನಾಡ ರಕ್ಷಣಾ ವೇದಿಕೆ ಕಾಪು ತಾಲೂಕ್ ಮಹಿಳಾ ಘಟಕದ ಅಧ್ಯಕ್ಷೆರ್ ಅನುಸೂಯಾ ಶೆಟ್ಟಿ, ತುಳುನಾಡ ರಕ್ಷಣಾ ವೇದಿಕೆ ಬೈರಂಪಳ್ಳಿ ಘಟಕದ ಅಧ್ಯಕ್ಷೆರ್ ಕೃಷ್ಣಾನಂದ ನಾಯಕ್, ತುಳುನಾಡ ರಕ್ಷಣಾ ವೇದಿಕೆ ಕಾಪು ತಾಲೂಕ್ ಪ್ರಧಾನ ಕಾರ್ಯದರ್ಶಿ ಕಾರ್ತಿಕ್ ಕುಲಾಲ್, ಬೊಕ್ಕ ಸದಸ್ಯೆರಾಯಿನ ಉದಯ್, ಕಾರ್ತಿಕ್ ಆಚಾರ್ಯ, ಸಚಿನ್ ಕುಮಾರ್ ಶೆಟ್ಟಿ, ಅಜಯ್ ಕುಲಾಲ್, ಗುಣಾಕಾರ್, ಜಗದೀಶ್ ನಾಯಕ್, ಆಕಾಶ್, ಬೊಕ್ಕ ತುಳುನಾಡ ರಕ್ಷಣಾ ವೇದಿಕೆದ ಜಿಲ್ಲಾ ಮಟ್ಟದ ನಾಯಕೆರ್, ಪದುಕೆರ್, ಕಾಪು ತಾಲೂಕ್ ಮಟ್ಟದ ನಾಯಕೆರ್, ಕಾಪು ಮಹಿಳಾ ಘಟಕದ ಅಧ್ಯಕ್ಷೆರ್, ಪದುಕೆರ್ ಬೊಕ್ಕ ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ನಿತಿನ್ ಕುಮಾರ್ ಶೆಟ್ಟಿ ಎದ್ಕೊನಿಯೆರ್. ಕೃಷ್ಣಾನಂದ ನಾಯಕ್ ಸೊಲ್ಮೆ ಸಂದಾಯೆರ್. ಜಗದೀಶ್ ಈ ಲೇಸ್ ನ್ ಸುಧಾರಿಕೆ ಮಲ್ತೆರ್.