Mangalore

ವಿಶ್ವ ಸಂಸ್ಥೆ : ಭಾಷಣ ಮಲ್ಪರೆ ಉಪ್ಪುನ ಕುಡ್ಲದ ಪ್ರೀತಿ

ಕುಡ್ಲ, ಜುಲೈ 1: ಇಂಗ್ಲೆಂಡ್‌ದ ಲ್ಯಾಂಕೆಸ್ಟರ್ ವಿಶ್ವವಿದ್ಯಾಲಯಡ್ ಕಾನೂನು ವಿಷಯಡ್ ಪಿಎಚ್‌ಡಿ ಸಂಶೋಧನೆ ಮಲ್ತೊಂದು ಉಪ್ಪುನ ಕುಡ್ಲದ ಪ್ರೀತಿ ಲೋಲಾಕ್ಷ ನಾಗವೇಣಿ ಇತ್ತೇ ವಿಶ್ವ ಸಂಸ್ಥೆದ ‘ಮಹಿಳಾ ವಿರೋಧಿ ತಾರತಮ್ಯ ನಿರ್ಮೂಲನೆ ಕುರಿತ ಸಮಿತಿ’ ಚರ್ಚೆಡ್ ಭಾಷಣ ಮಂಡನೆ ಮಲ್ದೆರ್ .

‘ಲ್ಯಾಂಕೆಸ್ಟರ್ ವಿಶ್ವವಿದ್ಯಾಲಯಡ್ ಸಂಶೋಧನಾ ವಿದ್ಯಾರ್ಥಿನಿಯಾದ್ ಉಪ್ಪುನ ಅಮಿತ್ ಆನಂದ್ ಮೆರ್ನ ಒಟ್ಟುಗು ಪ್ರೀತಿ ಭಾಷಣನ್ ತಯಾರ್ ಮಲ್ದೆರ್ . ಪ್ರೀತಿ ಮೇರ್ ವಿಶ್ವ ಸಂಸ್ಥೆದ ‘ಮಹಿಳಾ ವಿರೋಧಿ ತಾರತಮ್ಯ ನಿರ್ಮೂಲನೆ ಕುರಿತ ಸಮಿತಿ’ ದ 79ನೇ ಅಧಿವೇಶನಡ್ ‘ಮೂಲನಿವಾಸಿ ಪೊಂಜೊವುಲು ಬೊಕ್ಕ ಪೊಣ್ಣು ಜೋಕ್ಲೆನ ಹಕ್ಕುದ ಬಗ್ಗೆ ನಡತಿನ ಚರ್ಚೆ’ಡ್ ತಮ್ಮ ವಿಷಯ ಮಂಡನೆ ಮಲ್ದೆರ್ ‘ ಪಂದ್ ಈ ಅಧಿವೇಶನನ್ ಅಟ್ಟನೆ ಮಲ್ತಿನ ವಿಶ್ವ ಸಂಸ್ಥೆದ ಮಾನವ ಹಕ್ಕುದ ಹೈ ಕಮಿಷನರ್ ಕಚೇರಿ ಪ್ರಕಟಣೆಡ್ ತೆರಿಪಾದುಂಡು.

ಒಡಿಪುಡು ಅಂಗಾರೆ 82 ಜನಕ್ ಕೊರೋನ ಪಾಸಿಟಿವ್

ಒಡಿಪು,, ಜೂ.30: ಒಡಿಪುಡು ಅಂಗಾರೆ ಕೊರೋನರ್ದ್ ಏರ್ಲ ತೀರ್ ಪೋತಿನ ಬಗ್ಗೆ ಮಾಹಿತಿ ಇಜ್ಜಿ. ಆಂಡ 82 ಜನಟ್ ಪೊಸತಾದ್ ಕೊರೋನ ಸೋಂಕು ಪತ್ತೆಯಾತುಂಡು . 98 ಜನ ಚಿಕಿತ್ಸೆರ್ದ್ ಹುಷಾರ್ ಆಂಡ, ಸೋಂಕುಗು ಸಕ್ರಿಯ ಆಯಿನಕ್ಲೆನ ಸಂಖ್ಯೆ 879ಕ್ಕ್ ಜೈದುಂಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ ಉಡುಪ ಪಂಡೆರ್ .