kusalda gobbu drama

ಸೆ.17 : ಬೊಂಬಾಯಿಡ್ “ಕುಸಲ್ದ ಗೊಬ್ಬು” ತುಳು ನಾಟಕ ಧರ್ಮಾರ್ಥ ಪ್ರದರ್ಶನ

ಬೊಂಬಾಯಿದ ಮೀರಾ ಬೈಂದರ್ ಅಂಚನೆ ಪರಿಸರದ ತುಳು ಕನ್ನಡಿಗೆರ್‍ನ ಒಂಜಿ ಅಭೂತಪೂರ್ವ ನಾಟಕ ಅಂಚೆನೆ ನಮ್ಮ ಕಲಾವಿದೆರ್ ಬೆದ್ರ ತಂಡದ ರೂವಾರಿ ಉಮೇಶ್ ಮಿಜಾರ್ ಸಾರಥ್ಯೊದ “ಕುಸಲ್ದ ಗೊಬ್ಬು” ಪನ್ಪಿನ ತುಳು ನಾಟಕ ಉಚಿತವಾದ್ ಸೆ. 17 ತಾರೀಕ್ ಶನಿವಾರದಾನಿ ಬಯ್ಯಗ್ 4.45ಕ್ಕ್ ಬೊಂಬಾಯಿದ ಶೀತಲ್ ನಗರ ಮೀರಾರೋಡ್ ಸೈಂಟ್ ಥಾಮಸ್ ಚರ್ಚ್ ಹಾಲ್‌ಡ್ ನಡಪರೆ ಉಂಡು.

ಈ ನಾಟಕ ಶಾಲಿನಿ ಸತೀಶ್ ಶೆಟ್ಟಿ ಸಚ್ಚೇರಿಗುತ್ತು, ವೈ.ಟಿ. ಶೆಟ್ಟಿ ಪೆಜಮಾಡಿ, ಸೌಮ್ಯ ಪಿ. ಶೆಟ್ಟಿ ಮುಕ್ಲೇನ ಮುತಾಲಿಕೆಡ್ ನಡಪರೆ ಉಂಡು. ಜೋಕ್ಲೆನ ಬದ್ ಕ್ ಡ್ ಅಪ್ಪೆ-ಅಮ್ಮೆರೆನ ಪಾತ್ರ, ಅಪ್ಪೆ ಮಂತ್ರದೇವತೆನ ಪವಾಡದ ಸದೃಶ್ಯ ಉಂದೆನ್ ಪೂರ ಈ ನಾಟಕಡ್ ತೂವೊಲಿ. ಉಂದುವೇ ಪೊರ್ತುಡು ಬಾರೀ ಪುಗರ್ತೆದ ಗುರ್ಕಾರ್ಲೆನ ಸಮಕ್ಷಮೊಡು ಕರ್ಮಭೂಮಿ ಮಹಾರಾಷ್ಟ್ರ ಮಟ್ಟ್‌ದ ಪೊಣ್ಣ್ ಪೊಂಜೊವುಲೆನ ಶ್ರೀ ಶಕ್ತಿ ಫೌಂಡೇಶನ್ ಪುದರ್‌ಡ್ ಸಂಘಟನೆ ಉದಿಪನ ಆಯರೆ ಉಂಡು.