ಕುಡ್ಲ: ತುಳು ಲಿಪಿತ ಸುರುತ ಮಹಿಳಾ ಶಿಕ್ಷಕಿ ಪನ್ಪಿನ ಪುಗಾರ್ತೆದ ವಿದ್ಯಾಶ್ರೀ ಎಸ್ ಉಳ್ಳಾಲ್ ‘ಶ್ರೀಶಾವಾಸವಿ ತುಳುನಾಡ್’ ಕಾವ್ಯನಾಮೊಡು ಬರೆತಿನ ‘ಸಿರಿಗಂಗೆ – ನಿರ್ಮಲೊ ಬರವುದ ಪರಿಪು’ ತುಳು ಕಬಿತೆ ಕೂಪೆ ಬೊಕ್ಕ ‘ಉಡಲ ದುನಿಪು’ ತುಳು ಕಾದಂಬರಿ ಜೋಡು ಗ್ರಂತೊಲೆನ ಬುಡುಗಡೆ ಲೇಸ್ ಇಂಚಿಪ ಕುಡ್ಲದ ಕರ್ನಾಟಕ ರಾಜ್ಯ ಸರ್ಕಾರಿ ಗ್ರೂಪ್ ಡಿ ನೌಕರೆರೆ ಸಂಘದ ಸಭಾಭವನಡ್ ಪೊರ್ಲಕಂಟ್‌ಡ್ ನಡತ್‌ಂಡ್.
ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಗುರ್ಕಾರೆ, ಹಿರಿಯ ಸಂಘಟಕೆ ಎ.ಸಿ. ಭಂಡಾರ್ಲೆನ ಗುರ್ಕಾರ್ಮೆಡ್ ನಡತಿನ ಲೇಸ್‌ನ್ ಬರಹಗಾರ್ತಿ, ತುಳು ಅಕಾಡೆಮಿ ಮಾಜಿ ಸದಸ್ಯೆ ವಿಜಯಾ ಶೆಟ್ಟಿ ಸಾಲೆತ್ತೂರು ತುಡರ್ ಅರಲಾದ್ ಉದಿಪನ ಮಲ್ತೆರ್.
ರಾಜ್ಯ ಕನ್ನಡ ಸಾಹಿತ್ಯ ಪರಿಷತ್ ಮಾಜಿ ಅಧ್ಯಕ್ಷೆ, ಮೂಲ್ಕಿ ಸುರುತ ವಿಶ್ವ ತುಳು ಸಮ್ಮೇಳನೊದ ರೂವಾರಿ ಧರ್ಮದರ್ಶಿ ಡಾ. ಹರಿಕೃಷ್ಣ ಪುನರೂರು ‘ಸಿರಿಗಂಗೆ’ ಕಬಿತೆ ಕೋಪೆ ಬುಡುಗಡೆ ಮಲ್ತ್‌ದ್ ಎಡ್ಡೆಪ್ಪುದ ಮದಿಪು ಕೊರ‍್ಯೆರ್. ಹಿರಿಯ ವಿದ್ವಾಂಸೆ, ಆಕಾಶವಾಣಿ ನಿವೃತ್ತಿದ ಉದ್ಘೋಷಕೆ ಮುದ್ದು ಮೂಡುಬೆಳ್ಳೆ ಬೂಕುದ ಪೊರ್ಲು ಪೊಲಿಕೆದ ಬಗೆಟ್ ಪಾತರ್ದ್ ಎಡ್ಡೆಪ್ಪು ಬಾಮ್ಯೆರ್.
ಹಿರಿಯ ಪತ್ರಕರ್ತೆ, ವಿದ್ವಾಂಸೆ ಮಲಾರ್ ಜಯರಾಮ ರೈಕುಲು ‘ಉಡಲ ದುನಿಪು’ ಕಾದಂಬರಿ ಗ್ರಂತೊನು ಲೋಕಾರ್ಪಣೆ ಮಲ್ತ್‌ದ್ ಎಡ್ಡೆಪು ಬಾಮಿಯೆರ್. ಬರಹಗಾರ್ತಿ, ಆಕಾಶವಾಣಿ ಉದ್ಘೋಷಕಿ ಅಕ್ಷತಾರಾಜ್ ಪೆರ್ಲ ಉಡಲ ದುನಿಪು ಕಾದಂಬರಿದ ಪೊರ್ಲು ತಿರ್ಲ್‌ನ್ ಪೊಲಬು ಮಲ್ತ್ ಕೊರಿಯೆರ್. ಪಾಲ್ಪಡೆತಿನ ವಿದ್ವಾಂಸೆ, ತುಳು ಅಕಾಡೆಮಿ ಮಾಜಿ ಸದಸ್ಯೆ ಡಾ. ಪ್ರಭಾಕರ ನೀರುಮಾರ್ಗ ಲೇಸ್‌ಗ್ ಎಡ್ಡೆಪ್ಪು ಬಯಕ್ಯೆರ್.
ಪೂವರಿ ತುಳು ಮಾಸಿಕ ಸಂಪಾದಕೆ ವಿಜಯಕುಮಾರ್ ಭಂಡಾರಿ ಬತ್ತಿ ಬಿನ್ನೆರೆನ್ ಎದ್ಕೊಂಡೆರ್. ಕೃತಿಗಾರ್ತಿ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆ ವಿದ್ಯಾಶ್ರೀ ಎಸ್ ಸೊಲ್ಮೆ ಸಂದಾಯೊ ಮಲ್ತೆರ್. ನವೀನ್ ಕುಲಾಲ್ ಚಿಪ್ಪಾರು ಲೇಸ್ ಸುದಾರಿತೆರ್.
ತುಳು ಅಕಾಡೆಮಿದ ಮಾಜಿ ಸದಸ್ಯೆರಾಯಿನ ಭಾಸ್ಕರ್ ರೈ ಕುಕ್ಕುವಳ್ಳಿ, ನರೇಶ್ ಕುಮಾರ್ ಸಸಿಹಿತ್ಲು, ಸಾಹಿತಿಯಾಯಿನ ಸದಾನಂದ ನಾರಾವಿ, ಕೆ.ಟಿ ಕಾಸರಗೋಡು ಪಾಲ್ಪಡೆದಿತ್ತೆರ್.
ಲೇಸ್‌ದ ಸುರುಟು ಸತೀಶ್ ಪೂಂಜಾ ಮುತಾಲಿಕೆಡ್ ಗಾಯಕಿ ವಿದ್ಯಾ ಬೆಳ್ತಂಗಡಿ ಮೆರೆಡ್ದ್ ತುಳು ಪದರಂಗಿತದ ದುನಿಪು ನಡತ್‌ಂಡ್. ಈ ಪೊರ್ತುಡು ಆನಿದ ದಿನ ಅಗತ್‌ನ ಅಖಿಲ ಭಾರತ ತುಳು ಒಕ್ಕೂಟದ ಪ್ರಧಾನ ಕಾರ‍್ಯಂತೆ ಲ. ಶಶಿಧರ ಶೆಟ್ಟಿ ನಿಟ್ಟೆಗ್ ಕಣನೀರ ತರ್ಪಣ ನಡತ್‌ಂಡ್.
Two books by Srishavasavi Tulunadu released
Mangalore: Well known as the first teacher of Tulu script Vidyashree S Ullal under the name ‘ Srivasavi Tulunadu’ has written a series of poetry ‘ Sirigangay- Nirmalo Baravuda Paripu’ and a novel ‘ Udala Dunipu’ .Both these books were released at a programme in Mangalore at the Karnataka state government group D workers union hall.
The program was presided by A C Bandery former president of Tulu SahityaAcademy.Author
and former member of Tulu Sahitya Akademi Vijaya Shetty lit a lamp and inaugurated the program.
Former president of Kannada Sahitya Parishad, Dharmadarshi Dr Harikrishna Punaroor released the book of poems ‘ Sirigangay’ . Senior journalist and Vidwan Malar Jayaram Rai released the novel ‘ Udala Dunipu’. Author and Akashavani voice over artist Akshata Raj Perla spoke about the books and conveyed her good wishes. Vijay Kumar Bandary editor of Tulu monthly. ‘ Poovari ‘ welcomed the guests and Vidyashree former member of Tulu Sahitya Akademi rendered the vote of thanks.
Former members of Tulu Sahitya Akademi Bhaskar Rai K, Naresh Kumar Sashitlu, Writers Sadanand Naravi, K T . Kasaragod participated in the program.
