kudla

ಜು.7 ರೆಡ್ ಅಲರ್ಟ್ : ಶಾಲೆ, ಕಾಲೇಜಿಗ್ ಎಲ್ಲೆಲ ರಜೆ

Jul 6, 2022

ಕುಡ್ಲ : ದಕ್ಷಿಣ ಕನ್ನಡ ಜಿಲ್ಲೆ ಡ್ ಬುಡಂದೆ ಬರ್ಸ ಬರೊಂದಿತ್ತಿನ ಕಾರಣ ಜು. 7 ಗುರುವಾರ ಹವಾಮಾನ ಇಲಾಖೆ ರೆಡ್ ಅಲರ್ಟ್ ಘೋಷಣೆ ಮಲ್ದಿನ ನಿಲೆಟ್ಟ್ ದಕ್ಷಿಣ ಕನ್ನಡ ಜಿಲ್ಲೆದ ಮಾತಾ ಶಾಲಾ-ಕಾಲೇಜಿಗ್ ಎಲ್ಲೆ (ಜು.7) ರಜೆ ಘೋಷಣೆ ಮಲ್ತ್ ದ್ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ಆದೇಶ ಕೊರ್ತೆರ್.

Red alert on July 7th ; schools and colleges to be closed tomorrow:

Mangalore The unrelenting rains in DK district has the weather department to declare a red alert on July 7th.So the DC Dr K V Rajandra has announced that all schools and colleges to be closed tomorrow.

ಎಲ್ಲೆ ಕುಡ್ಲ, ಒಡಿಪು ಜಿಲ್ಲೆಡ್ ರೆಡ್ ಅಲರ್ಟ್

Jul 6, 2022

ಒಡಿಪು : ದಕ್ಷಿಣಕನ್ನಡ ಬೊಕ್ಕ ಒಡಿಪು ಜಿಲ್ಲೆಡ್ 24 ಗಂಟೆ ಮುಟ್ಟ ಭಾರಿ ಬರ್ಸ ಬರ್ಪಿನ ಅಂದಾಜಿಡ್ (ಜು.7)ಗುರುವಾರೊಗು ರೆಡ್ ಅಲರ್ಟ್ ಘೋಷಣೆ ಆತ್ಂಡ್.

ಒಡಿಪು, ದಕ್ಷಿಣ ಕನ್ನಡ ಜಿಲ್ಲೆಡ್ ಎಲ್ಲೆ 204 ಮಿಲಿ ಮೀಟರ್ ಬರ್ಸದ ಅಂದಾಜಿ ಉಂಡು. ಶುಕ್ರಾರ ಬೊಕ್ಕ ಸನಿಯಾರ 115.6ಮಿ.ಮೀ. 204.4 ಮಿ.ಮೀ. ಮುಟ್ಟ ಬರ್ಸ ಬರ್ರೆ ಉಂಡು. ಅಂಚಾದ್ ಆ ರಡ್ಡ್ ದಿನ ಆರೆಂಜ್ ಅಲರ್ಟ್ ನ್ ಇಲಾಖೆ ಘೋಷಣೆ ಮಲ್ದ್ಂಡ್

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಬ್ರಹ್ಮಾವರದ ಸುಶ್ಮಿತಾ ಪೂಜಾರಿ ಸ್ಟಾರ್ ಮಿಸ್ ಫೇಸ್ ಆಫ್ ಇಂಡಿಯಾ 2022 ಫಸ್ಟ್ ರನ್ನರಪ್

Jul 6, 2022

ಕೋಟ : ಬ್ರಹ್ಮಾವರ ತಾಲೂಕು ದ ಸಾಲಿಗ್ರಾಮ ಪಾರಂಪಳ್ಳಿದ ಸುಶ್ಮಿತಾ ಪೂಜಾರಿ ಮೇರ್ ಡೆಲ್ಲಿಡ್ ನಡತಿನ ಮಿಸ್ ಇಂಡಿಯಾ ಸೌಂದರ್ಯ ಸ್ಪರ್ಧೆಡ್ ಸ್ಟಾರ್ ಮಿಸ್ ಫೇಸ್ ಆಫ್ ಇಂಡಿಯಾ 2022 ಕಿರೀಟ ಗೆಂದ್ ದೆರ್.

ಅವ್ವತ್ತಾಂದೆ ಸ್ಟಾರ್ ಮಿಸ್ ಕರ್ನಾಟಕ ಫೇಸ್ ಆಫ್ ಇಂಡಿಯಾ ಪನ್ಪಿನ ಪುಗರ್ತೆ ನ್ಲ ಪಡೆದೆರ್. ಸುಶ್ಮಿತಾ ಪಾರಂಪಳ್ಳಿದ ಮಂಜುಶ್ರೀ ಮಾಧವ ಪೂಜಾರಿ ಬೊಕ್ಕ ಸುಧಾ ಪೂಜಾರಿ ದಂಪತಿನ ಮಗಲ್. ಮೇಲ್ ಅರ್ನೆಸ್ಟ್ ಆ್ಯಂಡ್ ಯಂಗ್ ಕಂಪೆನಿಡ್ ಉದ್ಯೋಗಡ್ ಉಲ್ಲೆರ್.
ಈ ಸ್ಪರ್ಧೆ ನ್ ಸ್ಟಾರ್ ಎಂಟರ್ ಟೇನ್ ಮೆಂಟ್ ಪ್ರೊಡಕ್ಷನ್ ಸಂಸ್ಥೆ ಅಟ್ಟಣೆ ಮಲ್ದಿತ್ತ್ಂಡ್.

ನಾಸಿಕ್ ಡ್ ಮುಸ್ಲಿಂ ಗುರುಕ್ಲೆನ್ ಗುಂಡ್ ಪಾಡ್ದ್ ಕೆರಿನ ದುಷ್ಕರ್ಮಿ

Jul 6, 2022

ದೆಲ್ಲಿ: ಅಘಾನಿಸ್ತಾನ ಮೂಲದ, 35 ವರ್ಷದ ಮುಸ್ಲಿಂ ಗುರುಕ್ಲೆನ್ ಮಹಾರಾಷ್ಟ್ರದ ನಾಸಿಕ್ ಡ್ ಅಂಗಾರೆದಾನಿ ಗುಂಡ್ ದೀದ್ ಕೆರ್ತಿನ ಘಟನೆ ಯೋಲಾ ಪಟ್ಟಣದ ಎಂಎಡಿಸಿ ಪ್ರದೇಶದ ಇಲ್ಲಡ್ ನಡತ್ ದ್oಡ್.

ಸೂಫಿ ಬಾಬಾ ಪಂದ್ ಪುಗರ್ತೆ ಇತ್ತಿನ ಖ್ವಾಜಾ ಸಯ್ಯದ್ ಚಿಶ್ತಿ ಮೇರ್ನ ತರೆಕ್ಕ್ ಕೊಲೆಗಡುಕೆರ್ ಗುಂಡು ಪಾಡ್ದ್ ಸಯ್ಯದ್ ಚಿಶ್ತಿ ಮೇರ್ನ ಗಾಡಿಡೆ ತಪ್ಪಾಸ್ ಪೋತೆರ್. ಚಿಶ್ತಿನ ಡ್ರೈವರ್ಲ ಈ ಕೊಲೆತ್ತ ಆರೋಪಿ ಪಂದ್ ತೆರಿದ್ ಬೈದ್ಂಡ್. ಡ್ರೈವರ್ ನ್ ವಿಚಾರಣೆ ಮಲ್ತೊಂದ್ ಉಲ್ಲೆರ್ ಪಂದ್ ಪೊಲೀಸ್ ಅಧಿಕಾರಿ ತೆರಿಪಾದೆರ್.

Miscreants kill a Muslim clergy at Nasik in Maharashtra

Delhi: A 35 year old Muslim clergy from Afganistan was killed by miscreants at Yeola town near Nasik in Maharashtra.

Well known as Sufi baba, Khwaja Syed Chisti was shot on the head and the miscreants escaped in the car of the victim. So his driver is also among the suspects. Police are investigating into the matter.

ಕಮಲಶಿಲೆ ದೇವಸ್ಥಾನದ ಗರ್ಭಗುಡಿತ್ತಡೆ ಬತ್ತಿನ ಕುಬ್ಜಾ ತುದೆತ್ತ ನೀರ್

Jul 6, 2022

ಒಡಿಪು : ಜಿಲ್ಲೆದ ಮಾತಾ ಕಡೆಟ್ಟ್ ಬಾರಿ ಬರ್ಸ ಬರೊಂದಿತ್ತಿನೆರ್ದಾವರ ತುದೆಕ್ಕುಲು ಪೂರ ದಿಂಜಿದ್ಂಡ್.

ಕುಂದಾಪುರ ತಾಲೂಕು ಕಮಲಶಿಲೆತ್ತ ಶ್ರೀ ಬ್ರಾಹ್ಮಿ ದುರ್ಗಾಪರಮೇಶ್ವರಿ ದೇವಸ್ಥಾನದ ಉಲಯಿ ಕುಬ್ಜಾ ತುದೆತ್ತ ನೀರ್ ಬತ್ತ್ ದ್ ದೇವಿನ ಪಾದ ಮುಟ್ಟುನವು ಈ ಕ್ಷೇತ್ರದ ವಿಶೇಷ . ಈ ನಿಲೆಟ್ಟ್ ದೇವೆರೆಗ್ ಇನಿಲ ವಿಶೇಷ ಪೂಜೆ ನಡತ್ಂಡ್. ಭಾರಿ ಬರ್ಸದ ನಿಲೆಟ್ಟ್ ಒಡಿಪುದ ಜಿಲ್ಲಾಧಿಕಾರಿ ಲು ಬುಧಾರ ಶಾಲೆ ಕಾಲೇಜಿಗ್ ರಜೆ ಕೊರ್ದಿತ್ತೆರ್.

ಬಪ್ಪನಾಡ್ ಕ್ಷೇತ್ರಡ್ ಯಕ್ಷಗಾನ ತರಬೇತಿ ಉದಿಪನ

Jul 6, 2022

ಬಪ್ಪನಾಡ್ ಕ್ಷೇತ್ರಡ್ ಯಕ್ಷಗಾನ ತರಬೇತಿ ಉದಿಪನ

ಶಾಲೆ, ಕಾಲೇಜಿಡ್ ಯಕ್ಷಗಾನ ತರಬೇತಿ ಕೊರೊಡು: ಎನ್.ಎಸ್.ಮನೋಹರ ಶೆಟ್ಟಿ

ಮುಲ್ಕಿ : ಒಂಜಿ ಕಾಲೊಡು ಯಕ್ಷಗಾನ ಕಲಾವಿದೆರ್ನ ಕೊರತೆ ಇತ್ತ್ಂಡ್. ಇತ್ತೆ ಆ ಸಮಸ್ಯೆ ಇಜ್ಜಿ. ಆಂಡ ದುಂಬುದ ಪೀಳಿಗೆಗ್ ಯಕ್ಷಗಾನದ ಆಸಕ್ತಿ ಪುಟ್ಟಾವೊಡು. ಅಂಚಾದ್ ಶಾಲೆ, ಕಾಲೇಜಿದ ಮಟ್ಟೊಡು ಯಕ್ಷಗಾನ ಕಲ್ಪಾವುನ ಕೆಲಸ ಆವೊಡು ಪಂದ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ದ ಮೊಕ್ತೇಸರೆರ್ ಎನ್.ಎಸ್.ಮನೋಹರ ಶೆಟ್ರ್ ಲೆಪ್ಪು ಕೊರಿಯೆರ್.

ಆರ್ ಬಪ್ಪನಾಡು ಕ್ಷೇತ್ರಡ್ ಬುಧಾರ ತೆಂಕುತಿಟ್ಟು ಯಕ್ಷ ನಾಟ್ಯ ತರಗತಿ ಉದಿಪನ ಮಲ್ತ್ ದ್ ಪಾತೆರಿಯೆರ್.
ಒಂಜಿ ಕಾಲೊಡು ಮುಲ್ಕಿ ಪರಿಸರೊಡು ಬಪ್ಪನಾಡು ಮೇಳ ಬೊಕ್ಕ ವೆಂಕಟರಮಣ ಯಕ್ಷಗಾನ ಮೇಳ ಇತ್ತ್ಂಡ್. ಬೊಕ್ಕ ಅವು ಕಲಾವಿದೆರ್ನ ಕೊರತೆ ಇಂಚಿನ ಮಾತ ಕಾರಣೊಡು ಅವು ಉಂತುದು ಪೋದಿತ್ತ್ಂಡ್. ಕೆಲವು ವರ್ಸೊರ್ದು ಬೊಕ್ಕ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಮೊಕಲ್ನಂಚಿನ ಗಣ್ಯೆರ್ ಸೇರ್ದ್ ಬಪ್ಪನಾಡ್ ಮೇಳನ್ ಕುಡೊರ ಸುರು ಮಲ್ತ್ ದಿತ್ತೆರ್. ಇತ್ತೆ ಅಪ್ಪೆ ದುರ್ಗಾಪರಮೇಶ್ವರಿನ ಅನುಗ್ರಹೊರ್ದಾತ್ರ ಯಶಸ್ವಿಯಾದ್ ಮೇಳ ನಡತೊಂದು ಉಂಡು ಪಂದ್ ನೆಂಪು ಮಲ್ತೆರ್.

ಬಪ್ಪನಾಡ್ ಕ್ಷೇತ್ರದ ಅರ್ಚಕೆರ್ ನರಸಿಂಹ ಭಟ್ ಪಾತೆರ್ದ್, ದೇವಿಗ್ ಪ್ರತಿದಿನತ್ತ ಪೂಜೆ ಮಾತ್ರ ಅತ್ತಾಂದೆ ಯಕ್ಷಗಾನ, ಭಜನೆ ಇಂಚಿನ ಮಾತಾ ವಿಧೊತ್ತ ಸಾಂಸ್ಕೃತಿಕ ಸೇವೆ ನಡತ್ಂಡ ಪೂಜೆ ಪರಿಪೂರ್ಣ ಆಪುಂಡು ಪಂದ್ ಯಕ್ಷಗಾನ ತರಬೇತಿಗ್ ಆಶೀರ್ವಚನ‌ ಮಲ್ತೆರ್.

ಮಲ್ಲ ಬಿನ್ನೆರಾದ್ ಬತ್ತಿತ್ತಿನ ಶಾರದಾ ಇನ್ ಫ್ರಾ ಡಿಸೈನ್ಸ್ ದ ಮುಲ್ಕಿ ಜೀವನ್ ಶೆಟ್ಟಿ, ಪಾತೆರ್ದ್ ಇತ್ತೆ ಕಲಾವಿದೆರ್ನ ಕೊರತೆ ಇಜ್ಜಿ. ಬೋಡಾಯಿನಾತ್ ಮೇಳಲ ಉಂಡು. ಆಂಡ ನನದ ಜೋಕುಲೆಗ್ ಯಕ್ಷಗಾನ ತರಬೇತಿ ಕೊರ್ಪಿನ ಅಗತ್ಯ ಉಂಡು ಪಂಡೆರ್. ಉಂದುವೇ ಪೊರ್ತುಡು ಯಕ್ಷಗುರು ರಾಕೇಶ್ ರೈ ಅಡ್ಕ ಮೆರೆಗ್ ಮಾನಾದಿಗೆ ನಡತ್ಂಡ್.

ಮತ್ತರ್ಮೆಡ್ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದಶಾವತಾರ ಯಕ್ಷಗಾನ ಮಂಡಳಿದ ಸಂಚಾಲಕೆರ್ ವಿನೋದ್ ಕುಮಾರ್ ಬಜ್ಪೆ, ಮದ್ದಳೆವಾದಕೆರ್ ಗಣೇಶ್ ಭಟ್ ನೆಕ್ಕರೆಮೂಲೆ ಗಣೇಶ್ ಭಟ್, ವಿಜಯಬ್ಯಾಂಕ್ ದ ನಿವೃತ್ತ ಅಧಿಕಾರಿ, ಶನಿ ಕಥಾ ಅರ್ಥದಾರಿ ವಿಜಯಕುಮಾರ್ ಶೆಟ್ಟಿ ಮೊಯಿಲೊಟ್ಟು, ಯಕ್ಷ ಗುರು ರಾಕೇಶ್ ರೈ ಅಡ್ಕ, ನಾಟ್ಯಗುರು ಪರಮೇಶ್ವರ ಗಂಗನಾಡು ಮೊಕುಲು ಮಾತ ಇತ್ತೆರ್.

ಪ್ರಸಾದ್ ಭಟ್ ದೇವೆರೆನ್ ಸುಗಿತೆರ್. ಯಕ್ಷಗಾನ ಕಲಾವಿದೆರ್ ಮಾಧವ ಕೊಳತ್ತಮಜಲು ಲೇಸ್ ಸುಧಾರಿಕೆ ಮಲ್ತೆರ್. ಪ್ರತಿ ಐತಾರ ಮಧ್ಯಾಹ್ನ 1.30 ಗಂಟೆರ್ದ್ 2.30 ಗಂಟೆ ಮುಟ್ಟ ಯಕ್ಷಗಾನ ತರಬೇತಿ ನಡಪರೆ ಉಂಡು.

ಗ್ಯಾಸ್ ಸಿಲಿoಡರ್ ದ ಬಿಲೆ ಕುಡ 50 ರೂಪಾಯಿ ಎಚ್ಚ

Jul 6, 2022

ದೆಲ್ಲಿ: ತೈಲ ಕಂಪೆನಿದಕುಲು ಎಲ್ ಪಿಜಿ ಗ್ಯಾಸ್ ಸಿಲಿoಡರ್ ದ ಬಿಲೆ ಕುಡ ಎಚ್ಚ ಮಲ್ತ್ ದೆರ್. ಒಂಜಿ ಸಿಲಿಂಡರ್ ದ ಬಿಲೆ 50 ರೂಪಾಯಿ ಜಾಸ್ತಿ ಆತ್oಡ್.

ಅರೆಗಾಲರ್ದ್ ಇತ್ತೆ ಮರಿಯಲಡ್ ಜನಕುಲು ಸಿಲಿಂಡರ್ ನ್ ಎಚ್ಚ ಗಲಸೊಂದು ಉಲ್ಲೆರ್. ಉಂದೆತ್ತೊಟ್ಟುಗ್ 5 ಕೆಜಿ ಸಿಲಿಂಡರ್ ದ ಬಿಲೆಲ 18 ರೂಪಾಯಿ ಎಚ್ಚ ಆತ್oಡ್.

Cooking gas cylinder to cost 50 rupees more yet again:

Delhi: LPG gas cylinder price has been hiked yet again by rupees 50.

The price of five kg cylinder has also been increased by rupees eighteen.

ಆಗಸ್ಟ್ 6 ಕ್ಕ್ ಉಪರಾಷ್ಟ್ರಪತಿ ವೋಟು

Jul 6, 2022

ದೆಲ್ಲಿ: ಭಾರತೀಯ ಗೆಜೆಟ್ ಡ್ ಪ್ರಕಟ ಆಯಿನ ಅಧಿಸೂಚನೆದ ಮುಖೇನ ಉಪರಾಷ್ಟ್ರಪತಿ ವೋಟುಗ್ ಚುನಾವಣಾ ಆಯೋಗ ತಾರೀಕ್ ನ್ ತೆರಿಪಾದ್ಂಡ್.

ಜು.19 ಅಂಗಾರೆ ನಾಮ ನಿರ್ದೇಶನ ಮಲ್ಪರೆ ಕಡೆತ್ತ ದಿನ. ಜು.20 ಬುಧಾರ ನಾಮ ನಿರ್ದೇಶನದ ಪರಿಶೀಲನೆದ ದಿನ. ಜು.22 ಸುಕ್ರಾರ ಉಮೇದುವಾರಿಕೆ ಪಿರ ದೆತೊನರೆ ಕಡೆತ್ತ ದಿನ. ಆಗಸ್ಟ್ 6 ಕ್ಕ್ ಸನಿಯಾರ ಉಪರಾಷ್ಟ್ರಪತಿ ಚುನಾವಣೆ ನಡಪರೆ ಉಂಡು.

Vice President election on August 6th

Delhi: The election commission has announced the date of the election of the Vice President of India though a notification in the Indian gazette.

Tuesday the 19 th of July is the
last date to file in the nominations, on the 20 th the names will br scrutinized and on the 22nd is the last date to take back the nominations.

The polls for the Vice President will be held on August 6th.

ಇನಿ ಮಧ್ಯಾಹ್ನ ಚಂದ್ರಶೇಖರ್ ಗುರೂಜಿನ ಕಡೆತ್ತ ಸಂಸ್ಕಾರ

Jul 6, 2022

ಹುಬ್ಬಳ್ಳಿ: ಕೋಡೆ ಕೊಲೆ ಆಯಿನ ಚಂದ್ರಶೇಖರ ಗುರೂಜಿನ ಕಡೆತ್ತ ಸಂಸ್ಕಾರಗ್ ತಯಾರ್ ನಡತ್ತೊಂದು ಉಂಡು. ಗುರೂಜಿಲೆನ ಕಡೆತ್ತ ಪೂಜೆ ಇನಿ ಮಧ್ಯಾಹ್ನ 1 ಗಂಟೆಗ್ ಸುಳ್ಳ ಮಾರ್ಗದ ಅರೆನ ಜಾಗೆಡ್ ನಡಪರೆ ಉಂಡು. ಪಾರ್ಥಿವ ಶರೀರನ್ ಕಾಂಡೆ 10 ಗಂಟೆಗ್ ಕಡೆತ್ತ ದರ್ಶನಗ್ ದೀಯರೆ ಉಲ್ಲೆರ್.

ಇತ್ತೆ ಗುರೂಜಿ ಕೊಲೆ ಆಯಿನ ಇಚಾರ ತೆರಿಲೆಕ್ಕನೆ ಹೆಮ್ಮಕ್ಕಿರ್ದ್ ಗುರೂಜಿ ಮೆರೆನ ರಡ್ಡನೆ ಬೊಡೆದಿ ಅಂಕಿತಾ ಆರ್ನ ಅಮ್ಮೆರ್ ಬೊಕ್ಕ ಅಪ್ಪೆ ಹುಬ್ಬಳ್ಳಿಗ್ ಬತ್ತ್ ದೆರ್. 3 ವರ್ಷದ ಪಿರವು ಗುರೂಜಿಲೆಗ್ ಅಂಕಿತಾ ಮೆರ್ನೊಟ್ಟುಗ್ ರಡ್ಡನೆ ಮದಿಮೆ ಆದಿತ್ತ್ಂಡ್.

ಕಡೆಕ್ಕ್ ಲ ಬಯಲಾಂಡ್ ಸರಳವಾಸ್ತು ಪುಗರ್ತೆದ ಗೂರೂಜಿ ಕೊಲೆತ್ತ ಗುಟ್ಟು

Jul 6, 2022

ಹುಬ್ಬಳ್ಳಿ: ಸರಳವಾಸ್ತು ಪುಗರ್ತೆದ ಚಂದ್ರಶೇಖರ್ ಗುರೂಜಿನ್ ಬಿಸತಿ ಪಾಡ್ದ್ ಹತ್ಯೆ ಕೆರ್ತಿನೆತ್ತ ಪಿರವು ಓವ್ವಾ ದ್ವೇಷ ಇತ್ತ್oಡ್ ಪಂದ್ ಸುರತ್ತ ತನಿಖೆದ ಮುಖೇನ ತೆರಿದ್ ಬೈದ್oಡ್. ಗೂರೂಜಿಗ್ ಇತ್ತಿನ ಆಸ್ತಿಯೆ ಈ ಕೊಲೆಕ್ಕ್ ಕಾರಣ.

ಗುರೂಜಿ ಮೇರ್ ಹುಬ್ಬಳ್ಳಿ, ಕಲಘಟಗಿ ಸೇರಿನಂಚನೆ ಮಸ್ತ್ ಕಡೆಟ್ಟ್ ದೋಸ್ತಿಲೆನ ಮುಖೇನ ಅಪಾರ್ಟ್‌ಮೆಂಟ್‌, ಶಾಲೆ ಸೇರಿನಂಚನೆ ಮಸ್ತ್ ರಿಯಲ್ ಎಸ್ಟೇಟ್ ಬಿಸಿನೆಸ್ ಮಲ್ತೊಂದಿತ್ತೆರ್. ಕೊಲೆ ಮಲ್ತಿನ ಮಹಾಂತೇಶ್, ಮಂಜುನಾಥ್ ಇರ್ವೆರ್ಲ ಗುರೂಜಿಲೆನ ನಂಬಿಕಸ್ಥೆರಾದಿತ್ತೆರ್. ಇರ್ವೆರ್ನಲ ಪುದರ್ ಡ್ ಗುರೂಜಿ ಆಸ್ತಿ ಮಲ್ತ್ ದಿತ್ತೆರ್ ಪನ್ಪಿನ ಇಚಾರ ಇತ್ತೆ ತೆರಿದ್ ಬೈದ್oಡ್.

ಗುರೂಜಿನ ನಂಬಿಕೆಗ್ ದ್ರೋಹ ಮಲ್ತಿನ ದೋಸ್ತಿಲು ಗುರೂಜಿನ ಪುದರ್ ಪನೊಂದ್ ಅಕುಲ್ ಲ ಆಸ್ತಿ ಮಲ್ಪರೆ ದುಂಬು ಬತ್ತಿತ್ತೆರ್.

ಉಂದೆನ್ ತೆರಿನ ಚಂದ್ರಶೇಖರ್ ಗುರೂಜಿ ಇರ್ವೆರ್ ನ್ಲ ಬೇಲೆ ರ್ದ್ ದೆತ್ ಪಾಡ್ ದಿತ್ತೆರ್. ಆತೇ ಆತ್ತಂದೇ ಗುರೂಜಿಡ ಇತ್ತಿನ ಆಸ್ತಿನ್ ಮಾರಾಟ ಮಲ್ತೊಂದಿತ್ತೆರ್. ಆಂಡ ಉಂದು ಇತ್ತೆ ಗುರೂಜಿನ್ ಕೆರ್ಪಿನ ಮುಖೇನ ಕಡೆ ಆತ್oಡ್.

The reason behind the murder of Saralavastu fame Guruji revealed:

Hubli: The brutal murder of Saralavastu fame Guruji had left everyone shocked.With the arrest of the two involved in the murder,the story behind is being unfolded.

Guruji had accumulated large number of properties in Kalgatagi,Hubli and many other places.The accused Mahantesh and Manujnath were his henchmen and Guruji had bought ‘benami ‘ properties in their name.

But later it was known to Guruji that these persons were conducting transactions without his knowledge in his name and were duping him .So Chandrashekhar Guruji had removed these two from his services.This had infruated them and this seems to be the reason behind the murder.

M	T	W	T	F	S	S
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

kudla

ಜು.7 ರೆಡ್ ಅಲರ್ಟ್ : ಶಾಲೆ, ಕಾಲೇಜಿಗ್ ಎಲ್ಲೆಲ ರಜೆ

ಎಲ್ಲೆ ಕುಡ್ಲ, ಒಡಿಪು ಜಿಲ್ಲೆಡ್ ರೆಡ್ ಅಲರ್ಟ್

ಬ್ರಹ್ಮಾವರದ ಸುಶ್ಮಿತಾ ಪೂಜಾರಿ ಸ್ಟಾರ್ ಮಿಸ್ ಫೇಸ್ ಆಫ್ ಇಂಡಿಯಾ 2022 ಫಸ್ಟ್ ರನ್ನರಪ್

ನಾಸಿಕ್ ಡ್ ಮುಸ್ಲಿಂ ಗುರುಕ್ಲೆನ್ ಗುಂಡ್ ಪಾಡ್ದ್ ಕೆರಿನ ದುಷ್ಕರ್ಮಿ

ಕಮಲಶಿಲೆ ದೇವಸ್ಥಾನದ ಗರ್ಭಗುಡಿತ್ತಡೆ ಬತ್ತಿನ ಕುಬ್ಜಾ ತುದೆತ್ತ ನೀರ್

ಬಪ್ಪನಾಡ್ ಕ್ಷೇತ್ರಡ್ ಯಕ್ಷಗಾನ ತರಬೇತಿ ಉದಿಪನ

ಗ್ಯಾಸ್ ಸಿಲಿoಡರ್ ದ ಬಿಲೆ ಕುಡ 50 ರೂಪಾಯಿ ಎಚ್ಚ

ಆಗಸ್ಟ್ 6 ಕ್ಕ್ ಉಪರಾಷ್ಟ್ರಪತಿ ವೋಟು

ಇನಿ ಮಧ್ಯಾಹ್ನ ಚಂದ್ರಶೇಖರ್ ಗುರೂಜಿನ ಕಡೆತ್ತ ಸಂಸ್ಕಾರ

ಕಡೆಕ್ಕ್ ಲ ಬಯಲಾಂಡ್ ಸರಳವಾಸ್ತು ಪುಗರ್ತೆದ ಗೂರೂಜಿ ಕೊಲೆತ್ತ ಗುಟ್ಟು

You Missed

ಕ್ರೀಡಾ ಪತ್ರಕರ್ತೆ ಎಸ್. ಜಗದೀಶ್ಚಂದ್ರ ಅಂಚನ್‌ ಸೂಟರ್ ಪೇಟೆ ಮೆರೆಗ್ ‘ಸಾಧಕ ರತ್ನ’ ಪ್ರಶಸ್ತಿ ಪ್ರದಾನ

ಮತದಾರೆರ್ನ ನೋಂದಣಿದ ಪೊರ್ತು ಎಸ್ಐಆರ್ ಘೋಷಣೆ ವಾಪಸ್

ಆರೋಗ್ಯ ರಕ್ಷಣೆಗ್ ಭಜನೆ ಸಹಕಾರಿ: ವಿವೇಕ್ ಪಾಯಸ್

ನ್ಯಾಯಂತಡೆಗ್ ಹಾಜರಾವಂದೆ 12 ವರ್ಷ ದೆಂಗುದ್ ಕುಲ್ದಿನ ಆರೋಪಿ ಕೈದ್